Xalq artisti Gülyanaq Məmmədova Türk Dövlətləri Təşkilatının Səmərqənddə keçirilən IX Zirvə Görüşündə səhnə alıb.

Sənətçi Azərbaycan, Türkiyə, Özbəkistan, Qazaxəstan və Türkmənistan Prezidentləri qarşısında “Şuşanın dağları” mahnısını ifa edib.

Həmin görüntüləri təqdim edirik:

Elektrik mühərrikli minik avtomobillərinə tətbiq edilən 15% idxal gömrük rüsumu 0 %-ə endirilib.

Bu haqda Dövlət Gömrük Komitəsi məlumat yayıb.

Bildirilib ki, ekoloji cəhətdən təmiz avtonəqliyyat vasitələrinin istifadəsinin stimullaşdırılması və təşviqi məqsədilə elektrik mühərrikli minik avtomobillərinə tətbiq edilən 15% idxal gömrük rüsumu 0% olub.

Qeyd edək ki, indiyə qədər bu istiqamətdə bir sıra güzəştlər tətbiq edilib. Belə ki, Azərbaycan Respublikasının Vergi Məcəlləsinə edilmiş dəyişikliyə əsasən 2019-cu ilin 1 yanvar tarixindən yalnız elektrik mühərriki ilə işləyən avtomobillərin idxalı əlavə dəyər vergisindən azad olunub.

"Cənubi Qafqazda vəziyyət “Azərbaycanın bütün cəhdlərinə baxmayaraq” hələ də kövrəkdir".

Bunu Türkiyə Prezidenti Rəcəb Tayyib Ərdoğan Türk Dövlətləri Təşkilatının Səmərqənddə keçirilən sammitində çıxışı zamanı deyib.

O, Azərbaycan prezidenti İlham Əliyevi bir daha “qələbə münasibətilə təbrik edib, Türkiyənin “sülh yolunda, eləcə də ədalətli mübarizəsində Azərbaycanı hər zaman dəstəklədiyini” deyib.

Prezident İlham Əliyev Milli Olimpiya Komitəsinə təbrik ünvanlayıb.

Təbrikdə deyilir:

"Hörmətli Milli Olimpiya Komitəsi üzvləri!

Sizi, eləcə də ölkəmizin bütün idman ictimaiyyətini Azərbaycan Respublikasının Milli Olimpiya Komitəsinin yaradılmasının 30 illiyi münasibətilə səmimi qəlbdən təbrik edir, hər birinizə ən xoş arzularımı yetirir və gələcək işlərinizdə yeni uğurlar diləyirəm.

Azərbaycan müstəqilliyini bərpa etdikdən sonra, 1992-ci ildə təsis olunan Milli Olimpiya Komitəsi ötən müddət ərzində ölkəmizin öz idman potensialını tam gerçəkləşdirməsi naminə daim var qüvvəsi ilə çalışmışdır. Komitə nailiyyətlərlə zəngin şərəfli bir yol keçmiş və işini yalnız Olimpiya Oyunlarında iştirakla məhdudlaşdırmayaraq, respublikada Olimpiya ideallarının bərqərar olmasında və idmanın dinamik inkişaf etdirilməsində təqdirəlayiq xidmətlər göstərmişdir. Qurumun fəaliyyətinin səmərəli təşkilinin nəticəsidir ki, idmançılarımız Olimpiya Oyunlarında, Avropa və dünya çempionatlarında çoxsaylı müvəffəqiyyətlər qazanmışlar.

Respublikamızda idmana diqqət dövlət siyasətinin prioritetlərindəndir. İdmanın maddi-texniki bazasının möhkəmləndirilməsi istiqamətində aparılan işlər, o cümlədən yaradılmış ən müasir idman infrastrukturu, olimpiya kompleksləri, ixtisaslaşmış idman məktəbləri bunun əyani təsdiqidir. Xüsusi vurğulamaq istərdim ki, mötəbər beynəlxalq idman yarışlarının keçirilməsində böyük təcrübə əldə olunmuşdur. Bu gün yüksəliş dövrünü yaşayan və bayrağımızı dünyanın hər yerində dalğalandıran idmanımızın tarixinə parlaq səhifələr yazılmaqdadır. Azərbaycan idman sahəsində nəhəng layihələr reallaşdıraraq uğurlara imza atmış ölkə kimi artıq dünya miqyasında tanınır.

Milli Olimpiya Komitəsi idmançılarımızın Olimpiya Oyunlarındakı qələbələrinə dəyərli töhfələr verən və yüksək səviyyəli qarşılıqlı əməkdaşlıq əlaqələri quraraq hazırda qitənin olimpiya qurumları arasında ön sıralarda dayanan nüfuzlu təşkilatlardan birinə çevrilmişdir. İnanıram ki, Komitə Olimpiya Xartiyasının başlıca prinsipləri əsasında respublikamızda Olimpiya hərəkatının qarşıdakı illərdə daha geniş vüsət alması üçün imkan və bacarığını bundan sonra da əsirgəməyəcək, nailiyyətləri ilə ictimai həyatımızdakı əhəmiyyətli mövqeyini qoruyub saxlayacaqdır".

Azərbaycan Respublikasının Prezidenti İlham Əliyevin Özbəkistan Respublikasına səfəri noyabrın 11-də başa çatıb.

Bu barədə Prezidentin Mətbuat Xidməti məlumat yayıb.

Noyabrın 11-də Türk Dövlətləri Təşkilatının IX Zirvə Görüşü çərçivəsində Azərbaycan Respublikasının birinci xanımı Mehriban Əliyeva, Özbəkistan Respublikasının birinci xanımı Ziroatxon Mirziyoyeva, Türkiyə Respublikasının birinci xanımı Əminə Ərdoğan və Macarıstan Respublikasının Baş nazirinin xanımı Aniko Levai Səmərqənddə Ekspo Mərkəzində təşkil edilən “Zamanın ilğımları” adlı sərgi ilə tanış olublar.

Fərqli dizaynla hazırlanan sərgidə insan üçün zamanın əhəmiyyəti və əsas həyat ölçülərindən biri olduğu xüsusi tərtibatla verilib. Sərgidə yer alan sərhədsiz qumluqlar sanki keçmiş günlərin sirlərini özündə saxlayır. Sərgi salonunun tavanı elə bir formada tərtib edilib ki, səmaya baxarkən insan özünü sanki ulduzların əhatəsində - qalaktikada hiss edir. Sərgidə ziyarətçilərə hadisələrin düzgün və dolğun çatdırılması üçün obrazları insanlar canlandırır. Burada yaxın sivilizasiyaların fraqmentləri, ustaların və sənətkarların əl işləri təqdim edilir.

Sərgi salonunu gəzərkən qaranlıqdan süzülən işıq tarixin bu ucsuz-bucaqsız azimutunda zamanın dayandığı yerdə həyat verən ilğım şəklində qarşımıza çıxır. Bura sanki yaradıcılar, rəssamlar, sənətkarlar və şairlər şəhəridir.

Pavilyonda nümayiş etdirilən fərqli və qədim zinət əşyaları, xüsusi işləmələr, parçalar və digər əşyalar sərgi ilə tanış olanlarda böyük maraq yaratdı.

“Milli Məclisin üzvləri həssas təbəqədən olan uşaqlara uşaqpulunun verilməsi ilə bağlı məsələni qaldırdı. Mən bu barədə dəfələrlə açıqlama vermişəm. Bir daha bildirirəm ki, bu gün həssas kateqoriyadan olan 600 min uşaq dövlətdən müavinət alır”.

Bunu əmək və əhalinin sosial müdafiəsi naziri Sahil Babayev Milli Məclisdə 2023-cü ilin dövlət büdcəsinin müzakirəsi zamanı deyib.

“Həmin vəsaitləri həm ünvanlı sosial yardım alan ailələrin övladları, həm sağlamlıq imkanları məhdud olan uşaqlar alır, həm də beş və daha çox övladı olan ailələr alır. Dövlətin və hökumətin yanaşması ondan ibarətdir ki, həssas kateqoriyadan olan uşaqlara dəstək verməliyik".

Azərbaycan mediasının ən ciddi problemlərindən biri müvafiq icra hakimiyyəti və məhkəmə hakimiyyəti orqanlarından hansısa sorğularına cavab almaqla bağlıdır.

Baxmayaraq ki, Azərbaycanda “İnformasiya əldə etmək haqqında” müvafiq qanun var, amma bu qanun reallıqda işləmir.

Bu mövzuya toxunmağımızın səbəbi isə Ali Məhkəmədən dövlət və vətəndaş üçün mühüm olan bir məsələ haqqında mövzuya aydınlıq gətirmək idi.

Belə ki, Avropa İnsan Hüquqları Məhkəməsi dünən ölkəmizdə mülkiyyət hüquqlarının kütləvi şəkildə pozulması və məhkəmələrin bu şikayətləri düzgün araşdırmamasına görə Azərbaycan hökuməti əleyhinə qərar qəbul edib.

Qeyd edək ki, 100-ə yaxın vətəndaş ərizəsi ilə bağlı qərarda söhbət Bakının Füzuli küçəsindəki kütləvi söküntüdən bəhs edilir.

Gununsesi.info -nun Avropa Məhkəməsinin bu qərarı ilə bağlı şərh almaq üçün Ali Məhkəməyə etdiyi cəhdlər uğursuz olub.

Ali Məhkəmənin saytındakı mətbat katibi kimi qeyd olunan Məmmədli Allahverdi Məhərrəm oğlununun telefonu davamlı zənglərimiz baxmayaraq cavabsız qaldı.


Ali Məhkəmənin rəsmi saytında guya KİV-lə əməkdaşlıq üçün ayrıca bölümün olması və orada hər bir kollegiya üzrə məsul hakimin də sözçü kimi qeyd olunması isə formal xarakter daşıyır.

Buna əyani sübut isə Ali Məhkəmə saytında mətbuatla əlaqələr üzrə məsul şəxs kimi göstərilən hakim Fərhad Kərimovun bir neçə ay əvvəl təqaüdə göndərilməsidir.


Pərviz

Gununsesi.info

"Sizdən Qarabağ müharibə veteranının anası kimi, hüquqları illərdir
tapdalanan ağbirçək ana kimi xahiş edirəm, mənim məktubumu saytınızda
işıqlandırasınız. “Məmuram, Hakiməm, müstəqiləm” deyərək xalqı əzən, incidən
cinayətkar, korrupsioner məmurları-hakimlər öz iş yerlərini dəyişməklə cəzalardan
yayınırlar". DİA.AZ bildirir ki, bu barədə Ələkbərova Kifayət İsbar qızının müraciətində deyilir.
Daha sonra narazı vətəndaş dia.az-a yazır: "2007-ci ildən bu günə kimi Azərbaycan Respublikasının 38 (otuz səkkiz)
hakimləri tərəfindən 117 (yüz on yeddi) sayda Qərar və Qətnamələr çıxarılmışdır.
Və hələ də bu günə kimi məhkəmə prosesləri davam etdirilir.
Mən Ələkbərova Kifayət İsbar qızı Gəncə şəhər sakiniyəm, 73 yaşım var.
1971-ci ildə Ələkbərov Sabir Tahir oğlu ilə ailə həyatı qurmuşuq. Qaynatam
Ələkbərov Tahir Abdulla oğlundan miras qalmış Gəncə şəhəri Bakı küçəsi 70 saylı
evdə üç övladımız olub. Övladlarımızın üçü də ali təhsil alıb. Kiçik oğlum 1-ci
Qarabağ müharibəsi veteranıdır. Ailəmizlə şad-xürrəm yaşadığımız bir vaxtda,
qayğılı qocalığımızı yaşadığımız bir vaxtda 45 il idi ki, Bakı şəhərində daimi
yaşayan, orada qeydiyyatda olan baldızım Quliyeva Sayidə Tahir qızı ata
mülkündən pay almaq məqsədilə Gəncə şəhər Nizami rayon Məhkəməsinə
müraciət edir. Və həmin gündən sonra ailəmizin qanlı-qadalı günləri başlayır.
Həyat yoldaşım Ələkbərov Sabir Tahir oğlu bu haqsızlığa, ədalətsizliyə
dözməyərək xəstəliyə tutularaq 2017-ci ildə vəfat etdi. Gəncə şəhər Nizami rayon
Məhkəməsinə 2007-ci ildə ilk dəfə müraciət edən vaxt ədalətli hakimlər Quliyeva
Sayidə Tahir qızının iddiasını rədd edərək onu ümidsizliyə uğratmışdı.
2008-ci ildə Gəncə şəhər Nizami rayon Məhkəməsinə Əli Tağıyev sədr təyin
olundugu gündən bu günə kimi dinc həyat nədir bilmirəm. Bu ahıl yaşımda bizi
yaşadığımız dədə-baba yurdumuzdan nəinki qovdular, hətta ailəmizə məxsus
əşyaları belə talan etdilər. 2008-ci ildən bu günə qədər neçə-neçə qərarlar,
qərərdadlar, qətnamələr oxunubdur. Dəfələrlə məhkəmə prosesləri aparılmış və
obyektivliyin pozulması məhkəmə proseslərində özünü göstərmişdir. Məhkəmə
prosesual qaydalarının tələbləri şəxsi maraqlara görə pozmuşdur.
Bütün bunlara baxmayaraq hakimlər, məmurlar qanunsuz, korrupsion
əməllərindən bu günə kimi əl çəkmirlər.
Bu gün həm ata ocağımızdan məhrum olunmuşuq, həm də ailəmizə məxsus
ev əşyalarımızı geri ala bilmirəm. 156 adda ev əşyalarımız məhkəmə tərəfindən
29860 (iyirmi doqquz min səkkiz yüz altmış) manat dəyərində
qiymətləndirilmişdir.
Gəncə şəhər İcra İdarəsinin icra məmurları süründürməçilik və səhlənkarlıqla
Məhkəmənin qərərdad və qətnamələrini icra etmirlər.
DƏDRX-in 3 saylı Gəncə Ərazi İdarəsinin eks-rəisi Abdulla Abdullayev
Gəncə şəhər 5 saylı Dövlət Notariat Kontorunun notariusu Aris Ələkbərovla
müştərək “biznes” quraraq Nizami rayon Məhkəməsinin 12.02.2020-ci il tarixli
8(044)-24/2020 saylı qərarı ilə həbsdə olan və AR Ali Məhkəməsinin Mülki
Kollegiyası tərəfindən ləğv olunmuş 03.07.2009-cu il tarixli 2(044)970/09 saylı
Qətnaməyə əsasən verilmiş çıxarışla Gəncə şəhəri Bakı küçəsi 70 saylı mülkün
satılması üçün alqı-satqı müqaviləsi aparmışlar. 3 saylı Gəncə Ərazi İdarəsinin eks-
rəisi Abdulla Abdullayev korrupsiya halı ilə cəzalanaraq vəzifəsindən azad
olunmasına baxmayaraq, 5 saylı Dövlət Notariat Kontorunun notariusu Aris
Ələkbərovun korrupsion əməlləri barədə heç bir tədbiq görülmür. Qeyd edim ki, bu
barədə müvafiq qurumlara dəfələrlə müraciət etmişəm.
Gəncə şəhər İcra İdarəsi eyni zamanda Ali Məhkəmənin Mülki Kollegiyasının
2(102)-2576/2022 saylı 08 sentyabr 2022-ci il tarixli Qərarını icra etmirlər. Və
həmin qərar üzrə icra hərəkətlərini aparmaqdan imtina edirlər.
Azərbaycanda atadan miras qalmış, sahəsi 3 sot olan Gəncə şəhəri Bakı
küçəsi 70 saylı mülk oğul Ələkbərov Sabir Tahir oğlu və qız Quliyeva Sayidə
Tahir qızı arasında paylanması Azərbaycan Məhkəmələrinin 38 (otuz səkkiz)
hakimi tərəfindən ayırd edilməkdə çətinlik yaratmışdır.

2007-2022-ci illər ərzində hakimlər tərəfindən oxunulmuş 117 (yüz on yeddi)
sayda Qərar və Qətnamələrin Siyahısıni təqdim edirəm:

06 aprel 2007-ci il 2-361 saylı Qərərdad - hakim Əliyar Qurbanov
13 noyabr 2007-ci il 2-811/07 saylı Qərərd hakim Məhburə Kərimova
25 noyabr 2007-ci il –2-811/07 mülki iş üzrə rəy- ekspert Anar Mustafayev
17 mart 2008-ci il 2-14/08 saylı Qərərdad- hakim Şamil Rzaquliyev
28 iyul 2008-ci il 7235 saylı rəy- ekspert Mətanət Məmmədova
18 avqust 2008-ci il 2-642/08 saylı Qərərdad- hakim Şamil Rzaquliyev
18 sentyabr 2008-ci il 2(044)1172/08 saylı Qərərdad- hakim Şamil Rzaquliyev
18 sentyabr 2008-ci il 2-14/08 saylı Qətnamə- hakim Şamil Rzaquliyev
24 oktyabr 2008-ci il 2(104)-1081/2008 saylı Qərərdad- hakim Qədir Həsənov
20 noyabr 2008-ci il 2(104)-1081/2008 saylı Qətnamə- hakim Qədir Həsənov
23 dekabr 2008-ci il 2(044)1172/2008 Qərərdad- hakim Şamil Rzaquliyev
24 dekabr 2008-ci il tarixli Qərərdad- hakim Əli Tağıyev
26 yanvar 2009-cu il 2-14/08 saylı Qərərdad- hakim Şamil Rzaquliyev
04 fevral 2009-cu il 2(102)-447/09 saylı Qərar -hakim Qəhrəman Allahverdiyev
26 fevral 2009-cu il 2(044)-32/2009 saylı Qərərdad- hakim Zəki Babayev
13 mart 2009-cu il HK-1/130 saylı Qərar- tədqiqatçı Niyazi Hüseynov
29 mart 2009-cu il 8(044)21/09 saylı Qərərdad- hakim Vahid Sadıqov
03 iyul 2009-cu il 2(044)970/09 saylı Qətnamə - hakim Abdulla İsgəndərov
03 iyul 2009-cu il 2(044)970/09 saylı icra vərəqəsi -hakim Abdulla İsgəndərov
13oktyabr 2009-cu il 8(044)103/09 saylı Qərərdad -hakim Abdulla İsgəndərov
16 oktyabr 2009-cu il 2(044)-1790/2009 saylı Qərərdad- hakim Zəki Babayev
22 oktyabr 2009-cu il 2(044)-32/2009 saylı Qərərdad- hakim Zəki Babayev
22 oktyabr 2009-cu il 2(044)-21/2009 saylı Qərərdad- hakim Şamil Rzaquliyev
13 noyabr 2009-cu il 2(104)1135/2009 saylı Qərərdad- hakim Rahib Nəbizadə
18 noyabr 2009-cu il 2(044)361/08 saylı Qərərdad- hakim Abdulla İsgəndərov
23 noyabr 2009-cu il 2(044)2070/ 09 saylı Qərərdad- hakim Vahid Sadıqov
26 noyabr 2009-cu il 2(044)-2097/09 saylı Qərərdad- hakim Rəhman Muradov
01 dekabr 2009-cu il 6-(044)8/08 saylı Qərərdad- hakim Vahid Sadıqov
07 dekabr 2009-cu il 2(044)2070/ 09 saylı Qərərdad- hakim Vahid Sadıqov
21 dekabr 2009-cu il 6(044)11/09 saylı Qərərdad- hakim Abdulla İsgəndərov
22 dekabr 2009-cu il 2(104)1231/2009 saylı Qərərdad- hakim Rahib Nəbizadə
15 yanvar 2010-cu il 2(104)-124/2010 saylı Qərərdad- hakim Rahib Nəbizadə
25 yanvar 2010-cu il 2(044)-57/2010 saylı Qərərdad- hakim Zəki Babayev
12 fevral 2010-cu il 2(044)-57/2010 saylı Qərərdad- hakim Zəki Babayev
15 fevral 2010-cu il 2(044)-90 /2010 saylı Qərərdad- hakim Zəki Babayev
02 mart 2010-cu il 2(102)686/10 saylı Qərar- hakim Akif İsgəndərov
29 mart 2010-cu il 2(044)732/2010 saylı Qərərdad- hakim Vahid Sadıqov
31mart 2010-cu il2(102)-1014/14saylıQətnamə-hakimQəhrəman Allahverdiyev
07 aprel 2010-cu il 2(104)376/2010 saylı Qərərdad- hakim Rahib Nəbizadə
02 iyun 2010-cu il 2(044)1000/10 saylı Qərərdad hakim Abdulla İsgəndərov
11 iyun 2010-cu il 2(102)-1884/10 saylı Qərar- hakim Tatyana Qoldman
21 iyun 2010-cu il 2(102)1915/2010 saylı Qərar- hakim G.Xudaverdiyeva
20 oktyabr2010-cu il 2(044)-1707/10 saylı Qərərdad- hakim Rəhman Muradov
08 noyabr 2010-cu il 2(044)-1876/10 saylı Qərərdad- hakim Rəhman Muradov
13 dekabr 2010-cu il 2-2050/10 saylı Qərərdad- hakim Abdulla İsgəndərov
21 dekabr 2010-cu il 6(044)11/10 saylı Qərərdad- hakim Abdulla İsgəndərov
30 dekabr 2010-cu il 2(044)2183/10 saylı Qərərdad- hakim Abdulla İsgəndərov
26 yanvar 2011-ci 2(044)2183/11 saylı Qərərdad- hakim Abdulla İsgəndərov
14 fevral 2011-ci il 2(044)2183/11 saylı Qərərdad- hakim Abdulla İsgəndərov
11 mart 2011-ci il 2(104)-290/2011 saylı Qərərdad- hakim Bədəl Əliyev
23 may 2011-ci il 8(044)-115/2011 saylı Qərərdad- hakim Gündüz Şirinov
27 may 2011-ci il 2(044)2183/11 saylı Qərərdad- hakim Abdulla İsgəndərov
05 oktyabr 2011-cu il 2(044)-1425/11 saylı Qətnamə- hakim Rəhman Muradov
06 dekabr2011-ci il 2(104)-1250/2011 s.Qətnamə-hakim Loğman Süleymanov
23 fevral 2012-ci il 2(044)970/09 saylı Qərərdad- hakim Abdulla İsgəndərov
24 aprel 2012-ci il 2(102)-1172/12 saylı Qərər- hakim Bağır Əsədov
27 aprel 2012-ci il 2(104)547/12 saylı Qərərdad- hakim Bədəl Əliyev
30 may 2012-ci il 2(102)-2286/12 saylı Qərər- hakim Əli Rüstəmov
12 iyun 2012-ci il 8(044)-112/12 saylı Qərərdad- hakim Emin Axundov
03 iyul 2012-ci il 8(044)-112/2012 saylı qərərdad- hakim Mahir Əsədli
06 iyul 2012-ci il 2(102)2286/12 saylı Qərar- hakim Əli Rüstəmov
25 iyul 2012-ci il 2(044)-1355/2012 saylı Qərərdad- hakim Rəhman Muradov
31 iyul 2012-ci il 2(044)-185/2012 saylı qərərdad- hakim Abdulla İsgəndərov
27 avqust 2012-ci il 2(104)-1090/2012 say.Qərərdad- hakim Əsədulla
Rüstəmov
03 sentyabr 2012-ci il 8(044)-208/2012 qərərdad- hakim Abdulla İsgəndərov
11 sentyabr 2012-ciil 8(044)-112/12 saylıQərərdad- hakim Abdulla İsgəndərov
12 oktyabr 2012-ci il 8(104)-37/2012 saylı Qərərdad- hakim Bədəl Əliyev
22 noyabr 2012-ci il 2(102)-3748/2012 saylı Qərar- hakim Ələsgər Əliyev
29 noyabr 2012-ci il 2(104)-1666/2012 saylı Qərərdad- hakim Rahib Nəbizadə
08 yanvar 2013-cü il 2(102)-63/2013 saylı Qərar - hakim Bağır Əsədov
22 yanvar 2013-cü il 2(104)-183/2013 saylı qətnamə- hakim Rahib Nəbizadə
26 fevral 2013-cü il 2(043)-84/2013 saylı qətnamə - hakim Emin Əliyev
13 mart 2013-cü il 2-1-3(84)552-2013 saylı sərəncam- hakim Cavad İbrahimov
24 aprel 2013-cü il 2-1-3(84)552-2013 saylı sərəncam- hakim Cavad İbrahimov
18 iyun 2013-cü il tarixli qərar - icra məmuru Ələmdar İbrahimov
20 iyun 2013-cü il 2(044)-1543/2013 saylı Qərərdad- hakim Rəhman Muradov
24 iyul 2013-cü il 2(104)-183/2013 saylı qətnamə- hakim Rahib Nəbizadə
02 sentyabr 2013-cü il 2(102)-3606/2013 saylı qərardad- hakim İlqar Xələfov
11 sentyabr 2013-cü il 2-1-3(84)552-2013 saylı qərar- hakim Cavad İbrahimov
11 oktyabr 2013-cü il 2(102)-3606/2013 saylı qərar- hakim İlqar Xələfov
08 noyabr 2013-cü il 8(104)-50/2013 saylı Qərərdad- hakim Şəfiqə Əliyeva
20 noyabr 2013-cü il 2(044)-2147/13 saylı Qərərdad- hakim Emin Axundov
29 noyabr 2013-cü il 2(104)-183/2013s.qərərdad-hakim Loğman Süleymanov
09 dekabr 2013-cü il 2-2(104)-223/2013saylı qərar-hakim Elçin Xasməmmədov
22 yanvar 2014-cü il 2(102)-319/14 saylı qərar-hakim Qəhrəman Allahverdiyev
12 mart 2014-cü il 2-2(102)-427/2014 saylı qərar- hakim Rahib Nəbizadə
12 sentyabr 2018-ci il 2-1(83)-1150/2018saylı qərərdad-hakim Rəşad Mamedov
08 fevral 2019-cu il 26263 saylı ekspert rəyi – ekspert Elmar Səidov
13 mart 2019-cu il 2(044)-960/2019 saylı qərərdad- hakim Kənan Hüseynov
03 aprel 2019-cu il 2-1(083)-24/2019 saylı qərərdad- hakim Fikrət Hüseynov
03 iyun 2019-cu il 2-1(104)-406/2019 saylı qəərdad- hakim Afiq Hüseynzadə
e 172606/2019-21-30 saylı icra işi- icra məmuru Anar Hüseynov
17 oktyabr 2019-cu il 2(044)-2740/2019 saylı qətnamə-hakim Kənan Hüseynov
24 dekabr 2019-cu tarixli təqdimat- icra məmuru İlkin Qədimov
12 fevral 2020-ci il 8(044)-24/2020 saylı qərərdad- hakim Zaur Hünmətov
08 avqust 2020-ci il tarixli Qərar- tədqiqatçı Elçin Cahangirov
14 avqust 2020-ci il 2(044)-2348/2020 saylı qərərdad- hakim Kənan Hüseynov
31 avqust 2020-ci il 8(044)-108/2020 saylı qərərdad- hakim Kənan Hüseynov
02 oktyabr 2020-ci il 2(044)-2348/2020 saylı qətnamə- hakim Kənan Hüseynov
30 oktyabr 2020-ci il 8(044)-204/2020 s. qərardad-hakim Kənan Hüseynov
02 noyabr 2020-ci il 2(044)-2147/2013 s. qərardad-hakim Kənan Hüseynov
20 noyabr 2020-ci il 8(044)-204/2020 s. qərardad-hakim Kənan Hüseynov
24 noyabr 2020-ci il tarixli Qərar- icra məmuru İlkin Qədimov
30 noyabr 2020-ci il 8(044)-2147/2020 s. qərardad- hakim Kənan Hüseynov
26.01.2021-ci il e 185041/2020-18-28-004 saylı-icra məmuru İlkin Qədimov
26 yanvar 2021-ci il tarixli Qərar- icra məmuru Ruslan Əsgərov
03 fevral 2021-ci il 8(044)-42/2021 saylı Qərərdad- hakim Kənan Hüseynov
12 fevral 2021-ci il tarixli Qərar- icra məmuru İlkin Qədimov
29 yanvar 2021-ci il 8(104)-11/2021 s. Qərərdad hakim Rəhman Muradov
25 fevral 2021-ci il 8(104)-42/2021 saylı Qərərdad hakim Gündüz Şirinov
09 mart 2021-ci il 8(104)-42/2021 saylı Qərərdad hakim Gündüz Şirinov
08 aprel 2021-ci il 8(104)-42/2021 saylı Qərərdad hakim Gündüz Şirinov
06 may 2021-ci il 2-1(114)-1011/2021 s.Qərərd.hakim Usaməddin Osmanov
18 may 2021-ci il 8(104)-62/2021 saylı Qərərdad hakim Afiq Hüseyndazə
30 iyun 2021-ci il 2(104)-2423/2021 saylı qərərdad- hakim Roman Ələkbərli
16 noyabr 2021-ci il 2(104)-1675/2021 saylı qətnamə-hakim Azər Bayramov
08 sentyabr 2022-ci il 2(102)-2576/2002 s.qərar- hakim Əhməd Əhmədov"

Məsələ ilə bağlı dia.az olaraq bütün maraqlı tərəfləri dinləməyə hazırıq...

DİA.AZ

Noyabrın 11-də Türk Dövlətləri Təşkilatının IX Zirvə Görüşü çərçivəsində Azərbaycan Respublikasının birinci xanımı Mehriban Əliyeva Səmərqənddə təşkil olunan naharda iştirak edib.

Tədbirdə Özbəkistan Respublikasının birinci xanımı Ziroatxon Mirziyoyeva, Türkiyə Respublikasının birinci xanımı Əminə Ərdoğan və Macarıstan Respublikasının Baş nazirinin xanımı Aniko Levai də Səmərqənddə təşkil olunan naharda iştirak ediblər.