Artıq 2 ilə yaxın bir zaman keçməsinə baxmayaraq 50 nəfərə yaxın iş adamının müraciətini eşidən yoxdur. Bağlanmış NBC bankda hesabları, əmanətləri olan iş adamları, sıravi vətəndaşlar pullarını geri ala bilmirlər. Müvafiq olaraq qanunvericiliyin tələblərinə əsasən bağlanan bankda hesabı, əmanəti olanların pullarının geri qaytarılması prinsipləri kobudcasına pozulur.

Nurgün Holdinqin tərkibinə daxil olan subyektlərin arasında yer almış NBC Bankın əmlaklarının satışa çıxarılaraq vətəndaşlara olan borclar geri qaytarılmalıdır. Məhz bu prossesi də ləğvedici komissiya həyata keçirməlidir. Lakin bank əmanətçilərin böyük bir qisminə olan borclar geri qaytarılsa da, bir qrup vətəndaş pullarını geri ala bilmirlər. Bankım əmlakları isə satışa çıxarılan zaman oullarını geri tələb edən vətəndaşlara heç bir məlumat verilmir.

GUNDEMİNFO.AZ-a danışan zərəçəkmişlər deyir ki, 2 ilə yaxın bir zaman keçməsinə baxmayaraq bu günə qədər hərraca təqdim edilmiş, satışa çıxarılmış əmlaklar barədə onlara heç bir məlumat verilməyib. Məlumata görə əmlaklar adətən gizli keçirilir və elə bankın keçmiş sahiblərinə geri qaytarılır.

Hansı ki, qanunvericiliyin tələblərinə əsasən bu işlər açıq şəkildə həyata keçirilməlidir. Və ilk növbədə bağlanmış bankın əmlakları borc tələb edənlərə təklif edilməlidir. Və yaxud da qanunların tələblərinə əsasən bankın əmlakları qiymətləndirilməli, əmlaka sahiblənən şəxslərə dəyər olaraq vəsait ödənməlidir.

İndi həmin iş adamları hesablarında olan vəsaitləri geri almağa çalışan bir qrup narazı vətəndaş mətbuat vsaitsəilə vasitəsilə Dövlət Başçısında müraciət ediblər.

Hətta 30 nəfərdən çox hesab sahibi LPO “NBC Bank” ASC-nin Kreditorlar Komitəsi də yaradıblar. Bundan sonra müvafiq qanunvericiliyə əsasən ləğv edilən bankın əmlaklarının hərrac vasitəsilə satışı zamanı onların da iştirak etmələrini xahiş edirlər.

Redaksiyamıza müraciət edən Komitə üzvləri bildirir ki, “Banklar haqqında” qanunun tələblərində ləğv edilən bankda vəsaiti olan şəxslər ən sonda vəsait əldə edirlər. Yəni ilk öncə vəsaitlər əmanətçilərə, daha sonra isə digər kateqoriyadan olan şəxslərə ödənilməlidir. Ən sonda isə bank üzrə kreditorlar, bankda hesablarında vəsaitləri dondurulan fiziki və hüquqi şəxslərə vəsait ödənir.

Şikayətçilər dövlət başçısına ünvanladıqları müraciətlərində qeyd edirlər ki, bu günə qədər onlara hər hansı bir formada bankın faktiki əmlakları üzrə hərraclar haqqında məlumat verilməyib. Və ya iddia edirlər ki, hərraclar keçirilsə də onlara məlumat verilmir.

GUNDEMİNFO.AZ-a ünvanladıqları ərizələrində Prezidentə müraciət edən kreditorlar deyir ki, bank artıq iki ildir ləğv prosesindədir, lakin təminatsız kreditorlara hələ də növbə çatmadığına görə, ödənişlərin edilməsi baş tutmur:

“Əmanətlərin Sığortalanması Fondunun məlumatına əsasən, bu növbənin nə zaman çatacağını proqnozlaşdırmaq da mümkün deyil. Nəticədə həm proses illərlə qeyri-müəyyən şəkildə uzanır, həm də ləğv prosesinin yekunlarına doğru bizim kimi sonuncu növbəyə düşən kreditorların öz vəsaitlərini tam şəkildə ala bilmək ehtimalı həddən artıq azalır və mümkünsüzləşir”.

Apardığımız araşdırmalara əsasən, 2021-ci ilin sonunda “NBC Bank”ın Kreditorlar Komitəsinin ilk iclası keçirilərkən məlum olub ki, kreditorların sayı sahibkarlar və hüquqi şəxslər də daxil olmaqla cəmi 50 nəfərdir.

Onlara ödənilməli olan ümumi məbləğ isə təqribən bir milyon manat civarındadır.

Bankın ləğvedicisi təyin edilmiş fondun komitəyə təqdim etdiyi məlumatlara əsasən, bankın ümumi aktivlərinin, o cümlədən ödənilmiş reqres tələblərinin həcmi borclarına münasibətdə müsbətdir (Fondun 30.03.2022-ci il tarixli 2200200600362 nömrəli məktubu).

Belə ki, bankın 2021-ci ilin 3-cü rübündə 1 milyon 950 min manat, 15 min ABŞ dolları və 10 min avro məbləğində reqres tələbi bank tərəfindən fonda ödənilib. Fondun isə banka olan reqres tələbi artmayıb.

Göründüyü kimi, təkcə bir rübün ödənilmiş reqres tələbləri ilə qeyd edilən 50 kreditorun vəsaitinin tam şəkildə ödənilməsi tamamilə mümkündür.

Amma nədənsə baza üzrə yetərli vəsaitlər olsa da kreditorlara ödənilməli olan vəsaitlər yubadılır.

GUNDEMİNFO.AZ olaraq qeyd edək ki, bunun üçün ümumi aktivlərin digər hissələrinə toxunmağa belə zərurət yoxdur. “Banklar haqqında” Qanunun 87.2-ci maddəsinə əsasən, tələbləri təsdiq edilmiş və bölgü cədvəlinə daxil edilmiş kreditorlara ödənişlərin aparılması qrafiki ləğvedici tərəfindən məhkəməyə təsdiq olunmaq üçün təqdim edilir. Həmçinin, həmin qanunun 80-ci maddəsinə əsasən, məhkəmənin qabaqcadan razılığını aldıqdan sonra bankın ləğvedicisi tələblərin nizama salınması məqsədilə bankın istənilən kreditoru və ya borclusu ilə danışıqlara başlaya bilər. Bu cür nizamasalmanın nəticələrinə etiraz edilə və ya bunlardan şikayət verilə bilməz.

Yəni sadə dildə ifadə etsək 50 nəfər kreditorun, vətəndaş və eyni zamanda bir çoxunun ödənişlərini mövcud aktivlər hesabına ödəmək mümkündür.

Praktikada belə hallar olub. Elə Mərkəzi Bankın açıqladığı rəsmi informasiya bankında da belə məlumatlar yer alır.

Məsələn, qeyd etdiyimiz məqama oxşar hal 2019-cu ildə baş verib. Belə ki, QSC “Bank Standard” KB ilə bağlı Fond “Banklar haqqında” Azərbaycan Respublikası Qanununun 71, 80, 82-ci maddələrini əsas tutaraq Bakı Apellyasiya Məhkəməsinə müraciəti edib. Nəticədə iddia tələbinə 10 sentyabr 2019-cu ildə baxılaraq müvafiq müsbət qərar qəbul olunub və qərara əsasən, ləğv prosesində olan QSC “Bank Standard” KB-nin 17 min 000 manatadək əmanəti olan fiziki şəxslər üzrə ümumilikdə 6 milyon 650 min manat vəsait geri ödənilib.

Redaksiyamıza müraciət edən zərərçəkmişlər qeyd edir ki, bütün bu məqamları nəzərə alaraq Bakı Apellyasiya Məhkəməsinə müraciət olunsa da, müsbət nəticə əldə edilməyib.

“Banklar haqqında” Qanunun məhz 82-ci maddəsinə uyğun həyata keçiriləcəyi ilə bağlı hər dəfə olduğu kimi şablon cavablar təkrarlanıb. “Bununla bağlı 2022-ci ilin birinci yarısı ərzində fondla müzakirələr aparılmasına baxmayaraq, bu günədək müsbət nəticə əldə olunmayıb”, - deyə “Hürriyyət”ə müraciət edən iş adamları əlavə edib.

Ləğv prossesində olan təminatsız vəsait sahibi olan iş adamlarının iddiaları ilə bağlı araşdırmalarımız davam edəcək. Qarşı tərəfin də mövqeyini dərc etməyə hazırıq.

Səlcuq Dəmirin Ziraat Bankdakı qara əməlləri...

Biz bir media qurumu olaraq mətbuatın yazdığı araşdırma yazılarına fərqli prizmadan yanaşmaq, problemlərə mütəxəssis gözü ilə baxmaq qərarına gəldik.
Yəni yazılardakı məişət məsələlərini kənara qoyub, sırf analitik münasibət sərgiləmək. Beləcə bu yazmızda Ziraat Bankda baş verənlərə, bankın İdarə heyətinin sədri Səlcuq Dəmirin əməllərinə yenidən nəzər salacağıq.
Yuxarıda qeyd etdiyimiz kimi, loru dillə desək, kimsənin necə yatıb, necə durması bizim üçün önəmli deyil. Əsas onun fəaliyyət sahəsidir. Məlumat üçün qeyd edək ki, 2021-ci ilin 20 iyun tarixində bankda ciddi kadr dəyişikliyi baş verib və Səlçuk Demir bankın İdarə Heyətinin Sədri vəzifəsinə təyin edilib.
Haqqında yazılanlardan bəlli olduğu kimi Səlcuq Dəmir bankı sanki özünün şəxsi “obyekti”nə çevirib. Belə ki, Səlcuq Dəmir siqaret, gündəlik yeyib-içmək pulundan tutmuş ailəsinin xərclərinə qədər hamısını bankın hesabına ödəyir.
Yuxarıda qeyd etdiyimiz kimi Səlcuq Dəmirin bahalı ziyafətləri, yatıb-durmağ ilə bağlı yazmırıq. Bəli, biz Səlcuq Dəmirin özəl həyatı barədə yazmırıq, amma proqramist Sadiq Axundovun vasitəsilə bankın proqram təminatları üçün yüz minlərlə vəsaiti mənimsəməsini yazmaya bilmərik... Yaxud bu yaxınlarda bankın konfrans zalı üçün 10 min manat dəyərində olan manitoru 40 min manata sənədləşdirməsini necə yazmayaq..?
Səlcuq Dəmir öz şəxsi geyimləri üçün lazım olan kimyəvi təmizləmə maddələrinə 3 min manat pulu bankın hesabından silib. Və bu pulu qonaqların ziyafət xərci kimi “oformit” edib. Ən dəhşətlisi odur ki, Səlcuq Dəmir müxtəlif toplantılarda müxtəlif şəxslərin barəsində hər cürə hədyanlar, rüsvayçı sözlər danışır, hətta həddini aşaraq Azərbaycan xalqının ünvanına təhqiramiz, aşağılayıcı sözlər işlədir. Azərbaycanda pullar qazanır, 650 manata başının altına qoymağa yastıq alır və sonda bizi təhqir edir. “Ziraat Bank”ın sədri Səlcuq Dəmir iclasda deyir ki, 44 günlük müharibəni azərilər deyil, biz udmuşuq.... Səlcuq Dəmir iclasda üzünü içşilərə tutaraq deyib ki, sizlər satqınsınız, kimlərləsə gizli əlaqəyə girərək bu məlumatları mediaya sizlər çatdırmısınız...
Deyəsən bu adamın başının DƏMİR YUMRUĞU çatmır ee...
Nə isə, yəqin ki, qardaş Türkiyənin Bakıdakı səfirliyi Səlcuq Dəmir kimilərlə məşğul olacaq.
İndi isə Səlcuq Dəmirlə bağlı ən yeni xəbərlərə nəzər salaq.
Məlumdur ki, "Ziraat Bank"da aparılan son araşdırmalar zamanı Baş Prokurorluq yanında Korrupsiyaya qarşı Mübarizə İdarəsində banka qarşı 300 min manat mənimsəmə ilə bağlı cinayət işi başlanılıb. Maraqlıdır ki, bankdakı yeyintilər, mənimsəmələr nə üçün dövlətdən gizlədilir..? Görəsən, 300 minlik yeyinti, Bankın hesabına alınanların hesabı Səlcuq Dəmirdən sorulacaqmı..? Çox maraqlıdır ki, Türkiyədəki hakim AK partiya islami həyat tərzinə üstünlük verir, spirtli içkiyə, əyyaşlığa qarşıdır. Amma Səlcuq Dəmirin həyat tərzinə nəzər salmaq çox vacibdir.
Bəli, onun içdiyi rakilərin pulu Ziraat bankın hesabından ödənilir.
Buradan Səlcuq Dəmiri məlumatlandırırıq ki, bankın mühasibatlığında olan çekləri dəyişməyin, saxtakarlığa yol verməyin. Bankın daxilindəki etibarlı mənbəmiz onu da qeyd edir ki, əgər mənə də göstəriş versələr ki, mühasibatlıq sənədlərini dəyişdirm, mən onu etməyə bilmərəm. Çünki əks halda işimi itirməli olacam. Səlcuq Dəmir bütün sərhədləri keçərək bizimlə çörək-əkmək söhbəti edir, anlamır ki, bizdə çörəyin mərtəbəsi çox yüksəkdir.
Səlcuq Dəmir deyir ki, mən azərilərə əkmək parası verirəm, amma onlar bizm sirrlərimizi yayırlar, gedib orada-burada bizim əleyhimizə danışırlar. Özünü toxunulmaz hesab edən bank rəhbəri hətta bəzi məclislərdə deyir ki, mən Azərbaycanda hər bir addımı ata bilərəm, istədiyimi edə bilərəm. Bəli, raki içib özünü itirən şəxs deyir ki, bu gün hətta öz iş yoldaşlarından şübhələnir və əlavə edir ki, bu gün mənim bütün işlərimdən jurnalistlərin xəbəri var. Səlcuqa deyəsən əkmək məsələsini başa salmaq lazımdır.
Bəli, Səlcuq Dəmir bizim yaxın dostumuzun əli ilə bütün qara işlərini gördüyü üçün çox dərinə gedə bilmir, Səlcuqun pul gətirən adamları bir dostumuz pulu silir, o biri dostumuz isə gözünü yumur.
Yəni o biri dostumuz görməsi lazım olan gözünü yumur ki, Səlcuq Azərbaycanda para qazansın. İndi Səlcuq bəyə demək lazımdır ki, əkmək parasını sənmi bizə verirsən. Yoxsa, bizim dostumuz sənə..? İndi bildinmi, paranı necə qazanırsan..?
Sonda Səlcuq Dəmirə deyirik ki, hər ay 2500-ə yaxın para verdiyin adamlarına de ki, jurnalistlər haqqında boş-boş danışmasınlar, çünki bir gün özünə qarşı yönələcək. Səlcuq Dəmirə faydalı məsləhətimiz də var. Əgər başını dəvəquşu kimi harasa soxmasan, işində müsbət dönüş yarada bilsən, mükəmməl ola bilərsən. Amma onu da deyirik ki, 300000-lə bağlı bankdaxili yazışmalarını hamı bilir. Onu bankın sistemindən qəti silmək olmur.
Görəsən, bankdaxili saxta yazışmalara nə üçün daxili nəzarət reaksiya vermir..?
Amma reaksiya verməyən adamlar indi bankda vəzifə tuturlar. Əgər inanmırsınızsa, şübhəniz varsa, həmin elektron yazışmaları, Banka məxsus elektron sistemdə tapa bilərsiniz.
Bu suallarla bağlı növbəti yazıda tanış ola bilərsiniz. //gundelik-baku.com//

Azərbaycanın keçmiş vergilər naziri Fazil Məmmədov vəfat edib.

Bu barədə "Report"a onun ailəsindən məlumat verilib.

Bildirilib ki, F.Məmmədov ötən gecə dünyasını dəyişib.

Qeyd edək ki, Fazil Məmmədov 1964-cü ildə anadan olub. O, 2000-2017-ci illərdə vergilər naziri vəzifəsində çalışıb.

Göyçay sakini Seymur Azadov 3 il əvvəl Meydan TV-yə Göyçayın keçmiş icra başçısı Mehdi Səlimzadə tərəfindən torpaq sahəsinin əlindən alınmasıyla bağlı şikayət etmişdi. Bu dəfə isə onun şikayəti rayonun Suvarma Sistemləri İdarəsinin rəisi Şakir Əhmədovdandır.

Seymur Azadovun sözlərinə görə, hər şey ondan başlayıb ki, o, 2021-ci ilin yaz aylarında idarəyə müraciət edib. İllərdir ki, köhnə arxın zibillənməsi üzündən küçə və həyətləri su basdığını deyib, yeni arxların qazılmasını istəyib. İdarə rəisi ona əvvəlcə bu işlərin tezliklə görüləcəyini desə də, sonradan texnikaların sınıq-salxaq olmasını səbəb gətirib. Vətəndaşsa necə deyərlər, “dinc durmayıb”, gedib dağın başında ayrı-ayrı sahibkarlar üçün torpaq çıxaran idarəyə məxsus yeni traktorların foto və videogörüntülərini çəkib. Bundan qəzəblənən idarə rəisi və bir neçə traktorçu vətəndaşdan polisə şikayət edib. Şikayətçi danışır:

“Məni polisə dəvət etdilər, getdim, dedim, araşdırın, görün, dövlətin texnikasını pul alıb aidiyyəti olmayan yerlərdə istifadə edən idarə rəisi düz deyir, yoxsa mən. Gördülər, haqlıyam, şikayəti bağladılar”.

Şikayətçinin deməsinə görə, bundan sonra idarə rəisi məhkəmədə iddia qaldırıb ki, Seymur Azadovun arx mühafizə ərazisində işlətdiyi avtomobil təmir sexi sökülsün. Məhkəmə başlayandan bir neçə gün sonra Seymur Azadov bir şüşə sirkə turşusu götürərək Suvarma Sistemləri İdarəsinə – Şakir Əhmədovun iş otağına gedib, orada sirkə turşusunu içməklə intihara cəhd edib. İdarə işçiləri təcili yardım çağırıb, xəstəxanaya götürülüb, yardım göstərilməklə həyata qaytarılıb.

Hələ məhkəmə davam edərkən Seymur Azadovun başına daha bir neçə iş gəldiyini də deyir:

“Mən Suvarma Sistemləri İdarəsinə verilmiş, hər birinin dəyəri 300 min manat civarında olan yeni texnikalardan aidiyyəti üzrə olmayan başqa-başqa yerlərdə istifadə olunmasıyla bağlı video və foto görüntüləri rayon prokuroluğuna təqdim etmişdim. Bir dəfə maşın ehtiyat hissələri almağa gedəndə rayonun Mallı Şıxlı kəndi ərazisində bir tərəfdən avtomobillə, bir tərəfdən də Suvarma Sistemləri İdarəsinə məxsus traktorla yolumu kəsdilər. Məni maşından düşürtdülər, “Şakir müəllimdən sənə salam var” deyib, maşının salonunu axtardılar. Mobil telefonumu götürüb, getdilər. Mən bu barədə rayon polis şöbəsinə şikayət etdim. Təhqiqatçı dedi ki, axşam səninlə əlaqə saxlayacağıq. Axşam saat 9 radələrində zəng vurub dedi ki, gözün aydın, telefonun tapılıb, gəl. Getdim, dedim, mən polisə ərizəni telefonumun itməsinə görə yox, qarşımı quldurcasına kəsib, maşınımdan götürülməsinə görə yazmışam. Telefonu qaytaranda gördüm ki, çəkdiyim görüntülər silinib, telefon format olunub”.

Bu ilin iyununda məhkəmə Suvarma Sistemləri İdarəsinin Seymur Azadova qarşı qaldırdığı iddianı təmin etməyib. Belə ki, əraziyə baxış keçiriləndə məlum olub ki, avtomobil təmiri sexi arxdan 4 metr aralıda yerləşir və mühafizə zolağından kənardadır. Üstəlik, vətəndaşın obyektə və torpağa dair Çıxarışları var, tikinti tam qanuni şəkildə aparılıb, obyektin fəaliyyətində də heç bir nöqsan tapılmayıb. Sermur Azadovsa Göyçay rayonu ərazisindəki arxların mühafizə zolaqlarında tikilmiş onlarla ticarət və iaşə obyektlərinin görüntülərini çəkərək hüquq-mühafizə orqanlarına göndərib:
“230 foto çəkib göndərmişəm Baş Prokurorluğa… Elə obyektlər var ki, arxın bir hissəsini betonlayıblar, obyektin bir hissəsi həmin betonun üstünə tikilib. Ancaq nədənsə Suvarma Sistemləri İdarəsi bunu “görmür”. Bu obyektlərin çoxu tanınmış ticarət şəbəkələrinə aiddir, çoxunun sahibi rayonun məmurlarıdır. Baxmayaraq ki, hər biri barədə sübutlu şəkildə məlumat vermişəm, hələ də tədbir görülməyib”.

Bu il avqustun 3-də Baş prokuror Kamran Əliyev Ucarda vətəndaşların qəbulunu keçirəndə Seymur Azadov da gedib. O, Baş prokurora son 1 ildə başına gələnlərdən danışıb:

“Rayonumuzun prokuroruna dedi ki, təkcə Göyçaydan yox, demək olar ki, bütün rayonların Suvarma Sistemləri İdarələrindən eyni şikayətlər gəlir. Mənə isə bildirdi ki, məsələni nəzarətə götürürəm. Ancaq bunun da üstündən 3 ay ötür, heç bir səs-xəbər yoxdur”.

Seymur Azadov başına gələnlərdən 1 ildən çox vaxt keçməsinə baxmayaraq, Suvarma Sistemləri İdarəsinin rəisi Şakir Əhmədovun cəzasız qalmasıyla barışa bilmir:

“Dövlətin traktoruyla qarşımı kəsib quldurluq ediblər, cəzasız qalıb. Məni intihara sürükləyib, cəzasız qalıb. Məni 1 ilə yaxın məhkəmə yolunda qoyub, cəzasız qalıb. Dövlətin traktorları hələ də onun-bunun şəxsi sahəsində işləyir, bu da cəzasız qalıb. Vətəndaşla istədiyi kimi davranan məmurun cəzasız qalması bir vətəndaş olaraq məndə dövlətimə qarşı inamsızlıq yaradır. Şakir Əhmədov məni bu qədər əziyyətə salıb, mənəvi zərər vurub, ancaq hələ də vəzifəsində oturub. Dövlətin traktorları vətəndaşların problemləri üçün nəzərdə tutulub, ancaq o, bu traktorlarla ondan şikayətçi olan vətəndaşın yolunu kəsir, yaxud da dövlətin verdiyi əmlakı şəxsi maraqları üçün dağda-daşda torpaq, katlavan qazmağa istifadə edir. Onu da deyim ki, yaşı çoxdan ötüb, vəzifədə müqaviləylə qalıb. Bu boyda ölkədə o qədər savadlı, gənc kadrlar olduğu halda, bu adamın arxasında kim dayanır, bir vətəndaş olaraq bunu bilmək mənim də haqqımdır”.

Meydan TV vətəndaşın iddialarına münasibət bildirməsi Göyçay Rayon Suvarma Sistemləri İdarəsinin rəisi Şakir Əhmədovla telefon əlaqəsi yaradıb. İdarə rəisi bildirib ki, bütün bunlarla bağlı məsələ rayon prokurorluğunda araşdırılır və o, bu barədə telefonda danışmaq istəmir.

Göyçay Rayon Prokurorluğundansa bildirilib ki, Seymur Azadovun intihara cəhd işi üzrə araşdırmalar aparılıb, izahatlar alınıb, məhkəmə-tibbi ekspertizası keçirilib. Vətəndaşın intihara cəhd etməsi hadisəsində cəza təhdidi altında qadağan olunmuş ictimai-təhlükəli əlamətləri müəyyən edilmədiyi üçün cinayət işinin başlanması rədd edilib. Digər məsələlərsə araşdırlır.

Göyçay Rayon İcra Hakimiyyətindən bildirilib ki, bu yaxınlarda Suvarma Sistemləri İdarəsi tərəfindən Həbibi küçəsində arx qazıntısı aparılıb. Seymur Azadovsa deyir, qazıntının əsas işlərini elə sakinlər özləri həyata keçirib.

Meydan TV

Şabran şəhər sakinləri yol sarıdan əziyyət çəkirlər. Şəhərin Babək, Təbriz, Füzuli, Mirzə İbrahimov, Cabir Novruz küçələri uzun illərdir təmir edilmədiyindən sıradan çıxıb. Sakinlərin dediyinə görə, əslində əvvəllər bu küçələrin asfalt örtüyü olub. Ancaq zaman keçdikcə dağılıb, sonralar baxan olmayıb deyə bu vəziyyətə düşüb. Bu küçələrdə payız, qış aylarında vəziyyət daha dözülməz olur. Kələ-kötür yollar hərəkət məhdudiyyəti yaradır. Yağıntılı günlərdə gölməçələrə dolan yağış suları yolları sözün əsl mənasında keçilməz edir.

Bütün ara yollar bərbaddır

Şabran sakinləri Belediyye.netə təkçə mərkəzi yolların yox, bütün ara yolların bərbad olduğunu bildirib.

Yeni vurulmuş asfalt dağılır

Sakinlər deyirlər ki, bəzi yerlərə asfalt örtük vurulsa da, yağış yağan kimi yeni vurulmuş asfalt dağılır.

Məktəblilər təhsil ocağına təmiz paltarda çata bilmir

Yağış, qar yağan kimi, bərbad, sıradan çıxmış yollarla məktəbə getmək məcburiyyətində qalan məktəblilərin işi daha da çətinləşir. Şəhər sakini Bəhlul Mövsümov deyir ki, uşaqların üstü palçığa batmasın deyə maşınla aparıb, gətiririk. Bu da bizə baha başa gəlir.

Avtomobilləri sıradan çıxır

Şabran sakinləri təmirsiz yolların onların avtomobillərini də, sıradan çıxardığını deyirlər. Sakinlər qazanclarının böyük hissəsini avtomobillərinin təmirinə xərclədiklərini bildirirlər.

Şabran sakini Rəşid Muradovun sözlərinə görə, palçığın əlindən yol tapıb işlərinin ardınca gedə bilmirlər. Sakin əsas problemlərinin yol olduğunu deyir.

Şəxsi avtomobilini bu yollarda idarə etmək məcburiyyətində qalan sakin Fəxrəddin Hacıyev deyir: Yollar bataqlıqdır. Qış gəldi, ancaq şaravoy, kristavina dəyişirik.

Rəsmi qurum narahatlığa əsas olmadığını deyir

Şabran şəhər İcra Hakimiyyətinin nümayəndəsi Orxan Kərimov Belediyye.netin mövzu ilə bağlı suallarını cavablayıb. Qurum rəsmisi deyib ki, Şabran şəhəri 191 küçə, bir məhəllə, bir kənddən ibarətdir. Küçələrin ümumi uzunluğu 232 km-dir. Hal-hazırda şəhərdə dövlət layihəsi əsasında asfaltlama işləri həyata keçirilir. Şəhidlərin adını daşıyan küçələr abadlaşdırılıb, yollar asfaltla təmin olunur. Şabran şəhərindəki sözügedən məhəllə və küçələrin təmiri 2023-cü ilin sonunadək yekunlaşacaq.

Mövzu ilə bağlı Belediyye.net-in sujetini təqdim edirik: