Avropa ölkələri casus jurnalist axtarışındadır.

Avropanın gizli kəşfiyyat xidmətləri olan Hollandiya Kəşfiyyat İdarəsi (AIVD) və Hərbi Kəşfiyyat və Təhlükəsizlik Xidməti (MIVD) jurnalistlərə casusluq təklif edir.

Avropanın etibarlı qəzetlərindən biri olan NRC-nin xüsusi xəbərinə görə, ölkədəki məxfi kəşfiyyat xidmətləri mütəmadi olaraq jurnalistlərə gizli mənbə, məlumat ötürücü və ya casus kimi fəaliyyət göstərməyi təklif edir.

Bununla bağlı Hollandiyanın aparıcı qəzeti olan NRC-yə 32 jurnalist müsahibə verib. Jurnalistlərin yarısı Hollandiya Kəşfiyyat İdarəsindən (AIVD) və Hərbi Kəşfiyyat və Təhlükəsizlik Xidmətindən (MIVD) iş təklifi aldıqlarını bildirib. Qəzetin məlumatına görə, kəşfiyyat orqanları xüsusilə Yaxın Şərq kimi münaqişə zonalarında olan jurnalistlərlə əlaqə saxlamağa çalışır. NRC qəzeti keçən ay gördüyü AIVD-nin daxili yazışmalarına dair sənədlə bağlı da məlumat verib.

Qeyd edilib ki, onlayn xəbər platforması olan “PubLeaks”ə sızan, lakin dərc olunmayan bu sənəddə 8-i jurnalist olmaqla 21 kəşfiyyat mənbəsinin və casusun adları var.

NRC qəzeti bu sənədlə bağlı kəşfiyyat sahəsində çalışan 32 redaktor və müxbirdən müsahibə alıb. Bu jurnalistlərin yarısı Hollandiyadakı iki kəşfiyyat xidmətindən məlumat ötürmək, informator kimi fəaliyyət göstərmək və casusluq etmək təklifi aldıqlarını qeyd edib.

Belə təkliflərdən biri də türk əsilli jurnalist Sinan Cana gəlib. Sinan Can İraq və Əfqanıstanda xidmət etmiş mətbuat mənsubudur. Can bunun neqativ hal olduğunu bildirib və getdikləri ölkələrdə onların həyat təhlükəsizliyinin onsuz da problemli olduğunu, bu cür təşəbbüslərin isə onları daha da riskə atdığını vurğulayıb.

Jurnalistlərin sözlərinə görə, AIVD bəzi hallarda onlara pul ödəməyə hazır olduğunu söyləyib. Qəzetə müsahibə verən AIVD-nin keçmiş rəsmisi kəşfiyyat idarəsinin jurnalistləri işə götürdüyünü təsdiqləyib. Eyni zamanda Yaxın Şərqdə çalışan mətbuat işçilərinə üstünlük verildiyini də vurğulayıb. “Struktur olaraq bunun baş verməsi normaldır. AIVD əməkdaşları xaricdə şəbəkə yaratmaq məcburiyyətindədirlər. Jurnalistlər də bunun bir parçasıdır”, - deyə o açıqlama verib.

Mənbə: Haber Global

Avropa ölkələri casus jurnalist axtarışındadır.

Avropanın gizli kəşfiyyat xidmətləri olan Hollandiya Kəşfiyyat İdarəsi (AIVD) və Hərbi Kəşfiyyat və Təhlükəsizlik Xidməti (MIVD) jurnalistlərə casusluq təklif edir.

Avropanın etibarlı qəzetlərindən biri olan NRC-nin xüsusi xəbərinə görə, ölkədəki məxfi kəşfiyyat xidmətləri mütəmadi olaraq jurnalistlərə gizli mənbə, məlumat ötürücü və ya casus kimi fəaliyyət göstərməyi təklif edir.

Bununla bağlı Hollandiyanın aparıcı qəzeti olan NRC-yə 32 jurnalist müsahibə verib. Jurnalistlərin yarısı Hollandiya Kəşfiyyat İdarəsindən (AIVD) və Hərbi Kəşfiyyat və Təhlükəsizlik Xidmətindən (MIVD) iş təklifi aldıqlarını bildirib. Qəzetin məlumatına görə, kəşfiyyat orqanları xüsusilə Yaxın Şərq kimi münaqişə zonalarında olan jurnalistlərlə əlaqə saxlamağa çalışır. NRC qəzeti keçən ay gördüyü AIVD-nin daxili yazışmalarına dair sənədlə bağlı da məlumat verib.

Qeyd edilib ki, onlayn xəbər platforması olan “PubLeaks”ə sızan, lakin dərc olunmayan bu sənəddə 8-i jurnalist olmaqla 21 kəşfiyyat mənbəsinin və casusun adları var.

NRC qəzeti bu sənədlə bağlı kəşfiyyat sahəsində çalışan 32 redaktor və müxbirdən müsahibə alıb. Bu jurnalistlərin yarısı Hollandiyadakı iki kəşfiyyat xidmətindən məlumat ötürmək, informator kimi fəaliyyət göstərmək və casusluq etmək təklifi aldıqlarını qeyd edib.

Belə təkliflərdən biri də türk əsilli jurnalist Sinan Cana gəlib. Sinan Can İraq və Əfqanıstanda xidmət etmiş mətbuat mənsubudur. Can bunun neqativ hal olduğunu bildirib və getdikləri ölkələrdə onların həyat təhlükəsizliyinin onsuz da problemli olduğunu, bu cür təşəbbüslərin isə onları daha da riskə atdığını vurğulayıb.

Jurnalistlərin sözlərinə görə, AIVD bəzi hallarda onlara pul ödəməyə hazır olduğunu söyləyib. Qəzetə müsahibə verən AIVD-nin keçmiş rəsmisi kəşfiyyat idarəsinin jurnalistləri işə götürdüyünü təsdiqləyib. Eyni zamanda Yaxın Şərqdə çalışan mətbuat işçilərinə üstünlük verildiyini də vurğulayıb. “Struktur olaraq bunun baş verməsi normaldır. AIVD əməkdaşları xaricdə şəbəkə yaratmaq məcburiyyətindədirlər. Jurnalistlər də bunun bir parçasıdır”, - deyə o açıqlama verib.

Mənbə: Haber Global

Keçmiş baş nazir İmran Xanın rəhbərlik etdiyi Pakistan Ədalət Hərəkatı Partiyası (PTI) ölkədə keçirilən aralıq seçkilərində qalib gəlib.

Pakistan parlamentində 8, Pəncab regional parlamentində isə 3 yer üçün əlavə seçkilər keçirilib.

Qeyri-rəsmi nəticələrə görə, Xanın rəhbərlik etdiyi PTI ölkə parlamentində 8 yerdən 5-ni, Pəncabda isə 3 yerdən 2-ni qazanıb.

Koalisiya hökumətində yer alan Pakistan Xalq Partiyası parlamentdə 2, Baş nazir Şahbaz Şərifin rəhbərlik etdiyi Pakistan Müsəlman Liqası-Nəvaz Partiyası isə 1 mandat əldə edib.

PTI-nin baş katibi Əsəd Ömər paytaxt İslamabadda verdiyi açıqlamada xalqın iradəsinin bəlli olduğunu vurğulayaraq, erkən seçkilərin keçirilməsinin önəminə diqqət çəkib.

İmran Xan aprel ayında vəzifəsindən uzaqlaşdırılandan bəri erkən seçkilərə çağırır. Aralıq seçkilərin nəticələrindən sonra Xan və partiyasının erkən seçki çağırışını daha güclü şəkildə səsləndirəcəyi gözlənilir.

Xan iyulda Pəncabda keçirilən aralıq seçkilərində də qalib gəlmişdi.

Bu il Qətərdə keçiriləcək dünya çempionatına indiyədək 3 milyona yaxın biletin satıldığı açıqlanıb.

Bu il noyabrın 21-dən dekabrın 18-dək Qətərdə keçiriləcək dünya çempionatına satılan biletlərin sayı açıqlanıb. Dünya Kuboku Əməliyyatlar Direktoru Colin Smith Qətərin paytaxtı Dohada keçirdiyi mətbuat konfransında bildirib ki, dünya çempionatına indiyədək 2,89 milyon bilet satılıb və ən çox bilet alınan ölkələr Qətər, ABŞ və Səudiyyə Ərəbistanıdır.

Beynəlxalq Futbol Assosiasiyaları Assosiasiyasının (FİFA) prezidenti Gianni İnfantino mətbuat konfransına videomüraciətində turnir üçün 240 min qonaqpərvərlik paketinin satıldığını bildirib. Qətər 1,2 milyon ziyarətçiyə ev sahibliyi edəcək.

Dünya Kuboku bu il ilk dəfə Yaxın Şərq ölkəsində keçirilərkən; Qətər turnirə ev sahibliyi edən ən kiçik ölkə olub. Qətərin təxminən 1,2 milyon ziyarətçiyə ev sahibliyi edəcəyi gözlənilir. Minlərlə azarkeşin Birləşmiş Ərəb Əmirliklərinin (BƏƏ) turizm mərkəzi kimi qonşu ölkələrdə qalması və matçlar üçün Dohaya uçması gözlənilir, çünki Dohadakı bir çox otel nömrələri futbol komandaları, dəstək heyəti və Dünya Kuboku rəsmiləri tərəfindən istifadə olunacaq.
Qətər Dünya Kuboku Təşkilat Komitəsinin baş direktoru Yasir Əl Camal, bir gecədə 2 milyon otaq satıldığını bildirərək, Qətərin son dəqiqə bilet satışını qarşılamağa hazır olan 30 min daha otaq olduğunu söylədi.

Dünya Kubokunda 32 ölkə iştirak edəcək və Yaponiyanın noyabrın 7-də turnirə gələcək ilk komanda olacağı gözlənilir. 2018-ci ildə keçirilən turnirdə Fransa çempion olub.

Rusiya Müdafiə Nazirliyi Krasnodar diyarının Yeysk şəhərində hərbi təyyarənin qəzaya uğraması ilə bağlı rəsmi məlumat yayıb.

Məlumatda 2022-ci il oktyabrın 17-də Cənub Hərbi Dairəsinin hərbi aerodromundan təlim uçuşu yerinə yetirmək üçün hündürlük yığımağa çalışan “SU-34” təyyarəsinin Yeysk şəhərində qəzaya uğradığı bildirilib.

“Katapult edən pilotların məruzələrinə görə, təyyarənin qəzaya uğramasına səbəb uçuş zamanı mühərriklərdən birinin alışması olub. “SU-34”-ün yaşayış məntəqələrindən birinin həyətində qəzaya uğradığı yerdə təyyarənin yanacağı alışıb”, - deyə məlumatda qeyd olunub.

"Ağalar Vəliyev kimi deputatı olmaqdansa, 100 manat borcu olmaq daha yaxşıdır... Gərək, biz də bu adamla məzələnək... Çünki nə vaxtdır, parlamentə gedirəm, qəbuluna düşə bilmirəm. Saytlardan da oxuyuram Ağalar Vəliyev seçiciləri ilə görüşüb... Harda görüşüb? DESİNLƏR DƏ..."

DİA.AZ bildiri ki, bu barədə Goranboy sakini Səlim Qazıyev şikayətində qeyd edir.

Bildirək ki, Ağalar Vəliyev 97 saylı Goranboy-Ağdam-Tərtər seçki dairəsindən deputat elan olunub. Elə seçicisi də ELAN OLUNUB deyir və bildirir ki, Ağalar Vəliyevi heç bir vaxt onlar deputat seçməyiblər:

"Amma bəxtimiz gətirməyib... Qarışıq dairə olduğundan istədiklərini edirlər. Amma buna and içə bilərəm ki, kimsə Ağalar Vəliyevə səs verməyib. Ən azından Goranboyda... O biri rayonların adından da and içə bilərəm..."

Daha sonra "Ağalar Vəliyevi HARDA GÖRƏK?" deyə soruşan seçicisi bildirir ki, bununla bağlı parlamentin rəhbərliyinəmüraciət etmək istəyir: "Allaha and olsun ki, elə də ciddi problemim yoxdur... Sadəcə deputatın köməyi lazımdır... Qanunvericiliklə bağlı... Yerini desin... gəlim".

Məsələ ilə bağlı qarşı tərəfin münasibətini öyrənə bilmədik. Amma rəyini dia.az olaraq işıqlandırmağa hazırıq...

PİA.az xəbər verir ki, Neftçala sakini Məcidzadə Vasif Telman oğlu düz 13 ildir ki, kiçik sahibkarlıqla məşğul olmaq üçün Nevtçala şəhəri Heydər Əliyev prospekti 19c ünvanında dükan tikmək istəsə də buna nail ola bilmir. Səbəb heç də Vasif Məcidzadənin həmin ərazidə sahib olduğu 138 kvdrat-metrlik torpaq sahəsinin sənədlərinin qaydasında olmaması deyil. Aşağıda sizə təqdim edəcəyimiz sənədlərlə bağlı heç bir problem yoxdur. Problem Vasif Məcidzadənin biznesinə haram qatmaq istəməsi və tikintiyə icazə almaq üçün rüşvət verməməsi ilə bağlıdır.

Vasif Məcidzadənin bildirdiyinə görə, Neftçalanın sabiq icra başçısı, hazırda rüşvət və korrupsiya ittihamları ilə həbsdə olan İsmayıl Vəliyev ondan tikinti işlərinə başlaması üçün 5 min manat “şirinlik” istəyib. Lakin Vasif Məcidzadə bu “şirinliyi” başçının adamına vermək istəmədiyinə görə, tikinti aparılmasına da icazə verməyib.

İsmayıl Vəliyevin həbsindən sonra 2020-ci ildə gənc Mirhəsən Seyidovun Neftçalaya icra başçısı təyin olunması Məcidzadə də belə bir fikir yaradıb ki, artıq o, dükanını tikə və sahibkarlıq fəaliyyəti ilə məşğul ola bilər. Bu həvəslə də Mirhəsən Seyidovun qəbuluna gedən Vasif Məcidzadə başçı ilə görüşüb və qəbulda Mirhəsən Seyidov ona bildirib ki, tikintiyə başlamaq üçün heç bir problem yoxdur və ona icazə üçün məktub göndəriləcək.

Doğrudan da Vasif Məcidov iki həftədən sonra məktub alıb, amma məktubda bildirilib ki, həmin torpaq sahəsinin 650 manat vergi borcu var. Vasif Məcidov da həmin borcu ödəyir və qəbzi icra hakimiyyətinin işçilərinə təqdim edərək onlardan icazə kağızı istəyir. Ona deyilir ki, icazə kağızı veriləcək.

Aradan təqribən il yarım keçməsinə baxmayaraq, Vasif Məcidov hələ də tikinti aparmaq üçün Neftçala rayon İcra Hakimiyyətindən icazə ala bilmir. İcra Hakimiyyətinin işçiləri ona hər dəfə işarə vururlar ki, “bu işin yolu “şirinlik”dən keçir”. Vasif Məcidov isə bir daha yenidən Mirhəsən Seyidovun qəbuluna düşə bilmir...

Daha ətraflı videoda:

“Deməli, bir neçə gün öncə İcra Hakimiyyətinə getmişdim ki, mənə nəsə yardım edilsin. Məni qəbul edən şəxs oturdu mənimlə birgə şikayətləndi. Problemlərimizi danışıb, bir birimizə təsəlli verdik. Yəni heç bir köməklik olunmadı, getdim”.

DİA.AZ JAMAZ.İNFO-ya istinadla xəbər verir ki, bu sözləri Vətən Müharibəsi Qazisi Səyyad Quliyev deyib.

O bildirib ki,daha sonra səhhəti ilə əlaqədar (müharibədən sonra yaranıb) poliklinikaya gedib və müayinələrdən keçmək üçün xəstəxanaya göndəriş versinlər. “Poliklinikada dedilər ki, sənin adın sistemdə çıxmır. Göndəriş verə bilmiyəcəyik. Çünki qeydiyyatdan çıxarılmışam”.

Səyyad Quliyev bildirir ki, iki gün bundan öncə də, məşğulluq xidmətinə müraciət edib. Fərdi məşğulluq proqramı ilə əlaqədar. “Yönləndirdilər Bakı Regional Məşğulluq mərkəzinə. 2 dəfə də ora get-gəl etdikdən sonra da, qeyd etdilər ki, yeni qanuna əsasən fərdi məşğulluqla bağlı ən azı 1il növbədə gözləməlisiniz. Halbuki 3 ilə yaxındır işsiz kimi qeydiyyatdayam və həmçinin də müharibə iştirakçısıyam”.

Qarabağ Qazisi sonda deyib ki, bu ölkədə kasıbsansa sürünməlisən. “Dövlət sənə şərait yaratmır, səninlə maraqlanmır. Yalnız müharibə vaxtı yadlarına düşürsən. O da, ölmək üçün”.

Nahid Alıyev işdən çıxarıldığı şirkətin rəhbərliyi ilə görüşə bilmir

“10 ildən artıqdır işlədiyim “Azfen” birgə müəssisəsindən işdən çıxarıldım. Kimin qohumu-tanışı vardısa, onları tapşırıqla işdə saxladılar, mənim kimi himayədarı olmayanlara da dedilər ki, iş bitib. Ailə vəziyyətimi də nəzərə almadılar. 4 gündür mağazadan çörəyi belə nisyə alıram”.

Bunu Meydan TV-yə Sabunçu rayonu, Natəvan küçəsi 37 ünvanda yaşayan, 1983-cü il təvəllüdlü Nahid Abbas oğlu Alıyev deyib. Onun sözlərinə görə, qardaşı Vahid Alıyev İkinci Qarabağ Müharibəsində həlak olub, şəhid statusu alıb. Nahid Alıyevin 3 övladı var. Deyir ki, qardaşından sonra valideynləri də onun himayəsindədir.

“Ailə vəziyyətimi bilirdilər. Başqa işə keçirmədilər, hətta aşağı maaşlı işlə də təmin etmədilər. Valideynlərim Daşkəsən rayonunda yaşayırlar. Atam 11 ildir yataq xəstəsidir. Ailəmin, övladlarımın qarşısında çarəsiz duruma düşmüşəm”,- Alıyev söyləyib.

Şikayətçinin sözlərinə görə, şirkət rəhbərliyi ilə görüşüb dərdini deməyə çalışıb. Lakin mühafizəçi içəri keçməsinə icazə verməyib. Yerli telekanallara çıxıb danışmaq istəyib, lakin onlar da dərdini dinləmək istəməyiblər. N.Alıyev deyib ki, dolanışıq üzündən böyrəklərini satmaq məcburiyyətində qalıb. Amma bunun da qanunsuz olduğunu bilir: “O qədər çarəsizəm ki, nə edəcəyimi bilmirəm”.

AZFEN B.M. 1996-cı ilin yanvarında Dövlət Neft Şirkəti (60% sahiblik hüququ ilə) və TEKFEN İnşaat və Təsisat A.Ş. (40% sahiblik hüququ ilə) tərəfindən təsis edilib.

Şirkətin telefonlarını cavablandıran əməkdaş suallara cavab vermək istəməyib. Deyib ki, işdən çıxmış adamlar haqqında suallar cavablandırılmır. Bununla belə, Meydan TV şirkətə yazılı sorğu göndərib.Meydan TV

Xəbər verdiyimiz kimi, bu gün Prezident İlham Əliyev Natiq Nuşravan oğlu Ağayevi Göyçay rayonuna yeni icra başçısı təyin edib.

“Qafqazinfo”nun əldə etdiyi məlumata görə, N.Ağayev bu təyinatadək Dövlət Təhlükəsizliyi Xidmətinin Sumqayıt şəhər şöbəsinin rəisi olub.

O, polkovnik rütbəsində xüsusi xidmət orqanlarında qulluq edib.