"Bosniyalı, azərbaycanlı və əfqan qardaşımızın sevincinə sevinir, kədəri ilə kədərlənirik".

Bunu Türkiyə prezidenti Rəcəb Tayyib Ərdoğan bildirib.

O, qeyd edib, Asiyadan Afrikaya, Qafqazdan Balkanlara, Hind okeanından Qərbi Səhraya qədər harda müsəlman varsa, bizim qəlbimiz, ağlımız oradadır".

"Sudanlı və yəmənli yetimlərin əziyyəti bizim əziyyətimizdir. Fələstinli uşağın göz yaşları, afrikalı ananın fəryadı bizi incitdi. Müsəlmanları bir bədənin üzvləri kimi görürük, onları bir binanın kərpici kimi bilirik.

Dünyadakı bütün məzlumlarla bizim aramızda elə bir bağ var ki, onu heç bir bıçaq kəsə bilməz, heç bir od yandıra bilməz, heç bir tələ qıra bilməz. Somalidən Liviyaya, Pakistandan Ukraynaya qədər hər cür qanayan yaraların qarşısını almağa çalışır və çalışaçağıq. Biz məzlumları əqidəsindən asılı olmayaraq müdafiə etməyi, zalımın qarşısında dik durmağı özümüzə borc bilirik".-deyə Ərdoğan bildirib.

Rusiya Müdafiə Nazirliyi gündəlik brifinq zamanı Ukraynada döyüş əməliyyatları ilə bağlı xəritələri nümayiş etdirib. Xəritələrdə rus ordusunun Xersonda gün ərzində 30 km geri çəkildiyi aydın olur.

Bu barədə “Meduza” agentliyi məlumat yayıb.

Belə ki, rus qoşunları 4 oktyabrda Xarkov vilayətindən demək olar ki, çıxıb, Xersonda isə geri çəkilib.

Xəritəyə əsasən, Xarkovda Rusiyanın əlində yalnız Dvureçnoye kimi kiçik qəsəbə qalmaqdadır.

Qeyd edək ki, Rusiya MN ötən gün bütün Xarkovun nəzarətlərində olduğunu açıqlamışdı.

Bununla da belə qənaətə gəlmək mümkündür ki, 3-4 oktyabr tarixləri ərazində Ukrayna ordusu Rusiyanın nəzarətində olan ərazilərdən üçdə ikisini azad edib.

Azərbaycan Respublikasının Prezidenti İlham Əliyev və birinci xanım Mehriban Əliyeva oktyabrın 4-də Ağdam şəhərində Dəmir yolu və Avtovağzal Kompleksinin təməlqoyma mərasimində iştirak ediblər.

Dövlətimizin başçısına və birinci xanıma kompleks barədə məlumat verildi.

Bildirildi ki, iki mərtəbə və terrasdan ibarət olmaqla layihələndirilən kompleksə dəmir yolu vağzalı və avtovağzal daxildir. Kompleks vahid nəqliyyat qovşağı şəklində milli arxitektura üslubunda dizayn edilib. Eyni zamanda, kompleksin tikintisində milli ornamentlər əsas götürülməklə, şüşə elementlərdən geniş istifadə olunacaq. Kompleks Ağdam rayonunun logistik imkanlarını genişləndirəcək. Dəmir yolu vağzalı gündəlik 800-1000 nəfər sərnişinin daşınmasına imkan verəcək. Avtovağzal isə gündəlik 1300-1500 nəfər sərnişinə xidmət edəcək.

Qeyd olundu ki, kompleksdə gözləmə zalları, bilet kassaları, tibb və polis məntəqələri, ana və uşaq otağı, əl yüklərini saxlama kamerası, texniki otaqlar, mağazalar, uşaqlar üçün əyləncə zonası, restoran və istirahət guşələri yaradılacaq.

Prezident İlham Əliyev kompleksin təməlini qoydu.

18:39

Azərbaycan Prezidenti İlham Əliyev və Birinci xanım Mehriban Əliyeva oktyabrın 4-də Ağdam rayonuna səfər ediblər.

Prezident İlham Əliyev və Birinci xanım Mehriban Əliyeva Ağdam şəhərinin dəmir yolu və avtovağzal kompleksinin təməlqoyma mərasimində iştirak ediblər.

Azərbaycan Respublikasının Prezidenti İlham Əliyev və birinci xanım Mehriban Əliyeva oktyabrın 4-də Ağdam rayonunun Xıdırlı kəndinin təməlqoyma mərasimində iştirak ediblər.

Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov dövlətimizin başçısına və birinci xanıma kənddə görüləcək işlərlə bağlı məlumat verib.

Sonra kəndin tikintisi və inkişaf planı barədə videoçarx nümayiş olunub.

Bildirildi ki, Ağdam şəhərinin mərkəzindən 3 kilometr məsafədə yerləşən Xıdırlı kəndində 5990 nəfərin (1500 ailə) məskunlaşması planlaşdırılıb. Layihələndirilən ümumi ərazi 418 hektardır. Burada məskunlaşacaq əhalinin yaşayış yükünü nəzərə alaraq, məhəllələrin salınmasının birinci mərhələsi üçün 160 hektar torpaq sahəsi ayrılıb. Birinci mərhələdə kəndə 2951 nəfərin köçürülməsi üçün 719 fərdi evin tikilməsi planlaşdırılır.

Vurğulanıb ki, kənddə əhalinin məşğulluğunun təmin edilməsi üçün də hər cür şərait yaradılacaq. Burada mədəniyyət və əyləncə mərkəzləri, dini, xidmət, kommersiya müəssisələri, iqtisadi inkişaf obyektləri, təhsil, idarəetmə və kənd təsərrüfatı sahələri üzrə ümumilikdə 2595 nəfərin işlə təmin olunması planlaşdırılır.

Qeyd edilib ki, Xıdırlıda tikinti işlərinə bu il oktyabrın 10-da başlanılacaq. Kənddə tikinti işlərinin 2024-cü il aprelin 10-da tamamlanması nəzərdə tutulur.

***

Oktyabrın 4-də Ağdam rayonunun Kəngərli kəndinin təməli qoyulub.

Azərbaycan Respublikasının Prezidenti İlham Əliyev və birinci xanım Mehriban Əliyeva mərasimdə iştirak ediblər.

Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov dövlətimizin başçısına və birinci xanıma kənddə görüləcək işlərlə bağlı məlumat verib.

Kəndin inkişaf planı barədə videoçarx nümayiş olunub.

Qeyd edilib ki, Ağdam şəhərindən 6 kilometr məsafədə yerləşən Kəngərli kəndində 2626 nəfərin (639 ailə) məskunlaşması planlaşdırılıb. Layihələndirilən ümumi ərazi 177,2 hektardır. Burada məskunlaşacaq əhalinin sayı nəzərə alınaraq, yaşayış məhəllələrinin salınmasının birinci mərhələsi üçün 66,2 hektar torpaq sahəsinin ayrılması nəzərdə tutulur. Birinci mərhələdə 1279 nəfərin köçürülməsi üçün 290 fərdi evin inşa edilməsi planlaşdırılır.

Diqqətə çatdırılıb ki, kənddə əhalinin məşğulluğunun təmin edilməsi üçün hər cür şərait yaradılacaq. Burada mədəniyyət və əyləncə mərkəzləri, müxtəlif təyinatlı bir sıra müəssisələr, iqtisadi inkişaf obyektləri, təhsil, idarəetmə və kənd təsərrüfatı sahələri üzrə ümumilikdə 1182 nəfərin işlə təmin olunması nəzərdə tutulur.

Prezident İlham Əliyev Kəngərli kəndinin təməlini qoyulub.

Bildirildi ki, kənddə tikinti işlərinin bu il oktyabrın 10-da başlanılması və 2024-cü il aprelin 10-da tamamlanması nəzərdə tutulur.

Azərbaycan Respublikasının Prezidenti İlham Əliyev və birinci xanım Mehriban Əliyeva oktyabrın 4-də Ağdam rayonuna səfər ediblər.

Dövlət başçısı yeni çəkilən Bərdə-Ağdam avtomobil yolunda aparılan işlərlə tanış olub. Sonra Prezident İlham Əliyev və birinci xanım Mehriban Əliyeva Ağdam rayonunun Eyvazxanbəyli kəndində Atçılıq Nəsilartırma Mərkəzinin, Ağdam rayonunun Xıdırlı və Kəngərli kəndlərinin, şəhərin daxili yol və kommunikasiya şəbəkəsinin, City Hotel Agdam mehmanxanasının təməlqoyma mərasimlərində iştirak ediblər.

Dövlətimizin başçısı və birinci xanım Pəhanəli Xanın Sarayı və İmarət Kompleksində görüləcək işlərlə tanış olub, Xurşidbanu Natəvanın abidəsinin açılışında, Ağdam şəhərində keçmiş məcburi köçkünlər üçün inşa olunacaq 470 mənzildən ibarət yaşayış məhəlləsinin, şəhərin dəmir yolu və avtovağzal kompleksinin, rayonun Sarıcalı kəndinin təməlqoyma mərasimlərində iştirak ediblər.

Türkiyədə oxuyan naxçıvanlı tələbələr Sədərək gömrük keçid məntəqəsindən bu ölkəyə buraxılsa da, Azərbaycanın digər bölgəsindən olan belə tələbələr geri qaytarılır. Bu haqda "Gündəlik Naxçıvan"a bir qrup tələbə və valideynləri məlumat verib.

Ankarada magistr təhsili alan, Saatlı rayon sakini Sevinc Babayeva deyir ki, gömrükdəki ayrıseçkiliyə etiraz etsə də, nəticəsi olmayıb:

"Naxçıvanlı tələbə yoldaşlarımdan eşitdim ki, Türkiyədə oxuyan tələbələri Sədərək gömrütündən buraxırlar. Sevincək bilet alıb, Naxçıvana uçdum.

Gömrükdə öyrəndim ki, sən demə, yalnız Naxçıvandan olan tələbələr buraxılırmış. Etiraz etdim, xeyri olmadı. Axşama qədər gömrükdə gözlədim,
müşahidə etdim ki, sərhədçilər pul alıb, istədikləri adamı buraxırlar. Çıxarıb telefonla çəkmək istədim, sərhəd xidməti və gömrük əməkdaşları tökülüb qoymadılar. Orda mənim kimi çoxlu tələbə gözləyirdi. Dedilər ki, yalnız naxçıvanlıları buraxırıq. Səs-küy saldım, dedilər get, Əlahiddə Sərhəd Diviziyasından icazə al.”

Şikayətçi tələbə bildirir ki, səhəri gün Əlahiddə Sərhəd Diviziyasına gedib. Orada saatlarla gözləsə də, nəticəsi olmayıb:
“Bəlkə alınar deyə, yenidən gömrüyə qayıtdım. Yenə də eyni şeylər təkrarlandı. Onu da öyrəndim ki, pulla yalnız yerli adamlar buraxılır. Naxçıvanlı olmayanları heç pulla da buraxmırlar. Mən isə tələbələr arasında qoyulan ayrıseçkiliyə etirazımı davam etdim. Bu zaman mülki geyimdə bir nəfər yaxınlaşıb dedi ki, “sən çox səs küy salırsan, təcili Naxçıvanı tərk etməsən sənin üçün pis olacaq.” Bundan sonra hava limanına qayıdıb bilet aldım və geriyə qayıtdım”.

Lerikdən olan şikayətçi Qasım Qurbanov deyir ki, övladı İstanbul Universitetinə qəbul olub. İmkansız olduqları üçün onu təyyarə ilə yola sala bilmir. O da eşidib ki, Naxçıvanda sərhəddən tələbələri Türkiyəyə buraxırlar. Sevincək oğlunu Naxçıvana göndərib ki, Türkiyəyə keçsin:
“Ucuz başa gəlsin deyə, onu Naxçıvana yola saldım. Gömrükdən zəng etdi ki, yalnız naxçıvanlı tələbələri Türkiyəyə buraxırlar. Orada tanışlarım var idi. Onlardan xahiş etdim ki, kömək etsinlər. Yenə də mümkün olmadı. İki gündən sonra oğlum geri qayıtdı. İndi məcburam ki, borc tapıb oğlumu Türkiyəyə təyyarə ilə yola salam.”

"Gündəlik Naxçıvan"

Fənn olimpiadalarının keçirilməsində və şagirdlərin hazırlığı sahəsində xüsusi nailiyyətləri ilə fərqlənən təhsil işçiləri “Tərəqqi” medalı ilə təltif edilib.

Bununla bağlı Azərbaycan Prezidenti İlham Əliyev Sərəncam imzalayıb.

Sərəncama əsasən beynəlxalq və respublika fənn olimpiadalarının keçirilməsində və şagirdlərin hazırlığı sahəsində xüsusi nailiyyətləri ilə fərqlənən aşağıdakı təhsil işçiləri “Tərəqqi” medalı ilə təltif ediliblər:

Abdullayev Elşad Tofiq oğlu

Əsədov Xəmməd Əsəd oğlu

Hüseynov İslam Əhməd oğlu

Qədməliyev Rəşadət Nüsrəddin oğlu

Məmmədov Namiq Eldar oğlu

Seyidzadə Etibar Vaqif oğlu

Səlimov Rəşad Allahverdi oğlu

Sərkərli Mahir Sədaqət oğlu.

Ölkənin aparıcı şirkətlərindən Gəmiqaya Holdinq Şirkətlər İttifaqının “Bakı Satış Mərkəzi” MMC (VÖEN - 0200631761) nizamnamə kapitalını azaldır.

DİA.AZ yeniavaz.com-a istinadla xəbər verir ki, nizamnamə kapitalının azaldılması barədə qərar oktyabr ayının 3-də elan olunub. MMC-nin nizamnamə kapitalı 400 manatdan 200 manata düşürüləcək.

Məlumat üçün bildirək ki, Gəmiqaya Holdinq Şirkətlər İttifaqının “Bakı Satış Mərkəzi” MMC 19.12.2011-ci il tarixində dövlət qeydiyyatına alınıb. MMC-nin hüquqi ünvanı "Naxçıvan şəhəri, N. Tusi, ev 5”də yerləşir. Şirkətin qanuni təmsilçisi Salmanov Ramal Sahib oğludur.

Onu da qeyd edək ki, bu il sentyabr ayının 19-da “Gəmiqaya Satış Mərkəzi” MMC (VÖEN - 0201208491) adlı şirkət də nizamnamə kapitalını azaltmaq barədə elan verib. Bu MMC nizamnamə kapitalını 100 manatdan 40 manata endirib.

Naxçıvanda “Gəmiqaya” adı ilə çoxsaylı şirkətlər dövlət qeydiyyatına alınıb. Uzun illərdir mətbuatda bu şirkətlərin Naxçıvan Muxtar Respublikasının Ali Məclisinin sədri Vasif Talıbovun ailə üzvlərtinə məxsus olması barədə məlumatlar yayılır və bu günə kimi təkzib olunmayıb. Hətta 2014-cü ildə Vasif Talıbovun oğlu Rza Talıbov “Facebook” sosial şəbəkəsindəki hesabında paylaşdığı məlumatda özünü Gəmiqaya Holdinqin rəhbəri kimi qeyd edib.
Onu da bildirək ki, Rza Talıbov hazırda Dövlət Miqrasiya Xidmətində Vətəndaşlıq Məsələləri Baş İdarəsinin rəisi vəzifəsində çalışır.

Azərbaycan bir qrup təhsil işçisi “Tərəqqi” medalı ilə təltif edilib.

Bu barədə Prezident İlham Əliyev sərəncam imzalayıb.

Sərəncama əsasən Azərbaycan təhsilinin inkişafında xidmətlərinə görə aşağıdakı təhsil işçiləri “Tərəqqi” medalı ilə təltif ediliblər:

Abasova Gülarə Əvəz qızı

Abbasova Fatma Əlislam qızı

Abbaszadə Elmira Barat qızı

Abdullayeva Natəvan Nadir qızı

Abdullayeva Səbirə Abdulla qızı

Abudova Sevil Məmmədəli qızı

Ağalarov Pərviz Hidayət oğlu

Ağalarova Günay Əlimərdan qızı

Ağaverdiyev Sahib Camaləddin oğlu

Aşurova Adilə Nəzir qızı

Babayeva Günay Seyfəddin qızı

Babayeva Şəfa Elman qızı

Babayeva Təranə Mirzə qızı

Bayramova Təranə Şahvələd qızı

Bədirova İlhamə Əmir qızı

Bünyatova Tahirə Vəli qızı

Cəfərova Afaq Əhməd qızı

Cəfərova Xalidə Məmmədxan qızı

Cəfiyeva Rəşidə Şahin qızı

Əfəndiyeva Məlahət Teymur qızı

Əliyeva Fəridə Nəbi qızı

Əsədova Xuraman Morux qızı

Həmzəyeva Hicran Xanbaba qızı

Hətəmova Pərvanə Müslüm qızı

Hümbətova Təranə Hümbət qızı

Hüseynova Əntiqə Əli qızı

Hüseynova Sədaqət Ramazan qızı

İbadova Taliyyə Sabir qızı

İbrahimov İmran Qurbanəli oğlu

İsayeva Səbinə Həzrət qızı

İsmayılova Elmira Əli qızı

Kərimov Camal Rəşid oğlu

Kərimova Günay Elman qızı

Qasımova Hicran Mirşəmi qızı

Qasımova Nəzakət Abbas qızı

Qənbərova Hicran Sahib qızı

Quliyev Zülfü Şahbaz oğlu

Quliyeva Azadə Əliağa qızı

Quliyeva Nəsibə Eldar qızı

Qurbanova Qızılgül Abdulla qızı

Qurbanova Təranə Nurəddin qızı

Qurbanzadə Elnarə Yaşar qızı

Məmişova Gülnarə İmamqulu qızı

Məmmədov Rafət Əzim oğlu

Məmmədova Aygün Novruz qızı

Məmmədova Xatirə Ağazər qızı

Məmmədova Natəvan Əli qızı

Məmmədova Yaqut Teymur qızı

Məmmədyarov Həsrət Tacı oğlu

Mərdanova Rəhilə Tahir qızı

Mirzayeva Ellada Rəşid qızı

Mirzəyev İqbal İsaq oğlu

Musayev Həbib Sahib oğlu

Musayeva Sevil Əskər qızı

Mustafayeva Məhluqə Müsəllim qızı

Nağıyeva Afaq Cəmil qızı

Orucova Heyran Akif qızı

Ramazanova Şəmsi Teymur qızı

Rəhimov Mahir Ağakişi oğlu

Rəhimov Rauf Rəhim oğlu

Rəhmanova Şamama Balanəzər qızı

Rzayev Elbrus Rza oğlu

Rzayeva Aytən Famil qızı

Rzayeva Ləyaqət Həmzə qızı

Səfərova Aybəniz Kamal qızı

Şərifova Aidə Əliabbas qızı

Şirinova Məhəbbət Oqtay qızı

Şiriyeva Zülfiyyə Şəmsəddin qızı

Ustayeva Aygün Məhəmməd qızı

Verdiyeva Nuriyyə Vəli qızı

Zeynalova Lətifə Azər qızı.

Baş prokuror yanında Korrupsiyaya qarşı Mübarizə Baş İdarəsinin əməkdaşları Lənkəran Şəhər İcra Hakimiyyətində keçirdiyi əməliyyatlar zamanı saxlanılanlardan birinin adı məlum olub.

Bu, Memarlıq və tikinti şöbəsinin müdiri, rayonun baş memarı Elgün Abdullayevdir.

Qeyd edək ki, Lənkəran Şəhər İcra Hakimiyyətinin başçısı Taleh Qaraşovdur.

***

15:57

Baş Prokuror yanında Korrupsiyaya qarşı Mübarizə Baş İdarəsi Lənkəran şəhər İcra Hakimiyyətində əməliyyat keçirib.

Əməliyyat nəticəsində bəzi vəzifəli şəxslər saxlanılıb.

Baş Prokurorluğun mətbuat xidmətindən bildirilib ki, əməliyyatla bağlı rəsmi məlumat veriləcək.