Azərbaycanda koronavirus (COVID-19) infeksiyasına 621 yeni yoluxma faktı qeydə alınıb, 648 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan şəxslər arasında vəfat edən olmayıb.

Azərbaycanda son sutkada koronavirus (COVID-19) əleyhinə 1608 vaksin vurulub. Bir gündə birinci mərhələ üzrə vaksinasiya olunanların sayı 329, ikinci mərhələ üzrə vaksinasiya olunanların sayı 279, üç və daha çox doza vaksin vurduranların sayı 866, pozitiv nəticədən sonra buster doza üzrə vaksinasiya olunanların sayı isə 134 nəfərdir.

2018-ci ilin dekabrında qəbul edilən yeni Mənzil Məcəlləsində el dilində JEK adlanan Mənzil İstismar Sahələrinin (MİS) fəaliyyəti qadağan olunsa da, hələ də bu qurum qeyri-qanuni olaraq fəaliyyət göstərməkdədir. Bu da onu göstərir ki, qanundan irəli gələn tələblərə əməl edilmir.
Görəsən, qanun qadağan etsə də, nədən hələ də JEK-lər iş başındadır?

DİA.AZ-ın məlumatına görə, mövzu ilə bağlı Bizim.Media-ya açıqlamasında bələdiyyə eksperti Abel Bayramov bunun səbəbini mənzil mülkiyyətçilərinin Mənzil Məcəlləsində nəzərdə tutulan yeni üsullardan kifayət qədər istifadə etməmələrilə əlaqələndirdi:

“Əslində JEK-lərin fəaliyyətinin hüquqi əsası yoxdur. Yeni Mənzil Məcəlləsində çoxmənzilli binaların idarə olunmasının fərqli üsulları nəzərdə tutulub və burada JEK deyilən hər hansı bir anlayış yoxdur. Bu baxımdan hazırda JEK-lərin fəaliyyətinin davam etdirilməsi qanunsuz olmaqla yanaşı, mövcud Mənzil Məcəlləsinin tələblərinə ziddir.

Bəzi binalarda mənzil mülkiyyətçilərinin müştərək cəmiyyətləri yaradılıb. Amma təəssüf ki, həmin təcrübə mənzil mülkiyyətçilərinin maraq dairəsində olsa da, ölkə miqyasında geniş yayılmayıb. JEK-in fəaliyyət göstərməsinin səbəbi ilk növbədə onunla bağlıdır ki, mənzil mülkiyyətçiləri Mənzil Məcəlləsində nəzərdə tutulan yeni üsullardan kifayət qədər istifadə etmir. Bu da həmin istiqamətdə əhalinin məlumatlılıq səviyyəsinin aşağı olmasından irəli gəlir. Ona görə də bu istiqamətdə əhalinin maarifləndirilməsinə ehtiyac var.

Maarifləndirməni də dövlət qurumları və vətəndaş cəmiyyəti institutları aparmalıdır. İnsanların bir hissəsi yeniliklər barədə ümumiyyətlə məlumatsızdır. Amma hər bir halda, hər hansı bir qurumun fəaliyyətinin hüquqi əsası yoxdursa, onun fəaliyyəti yolverilməzdir”.

İqtisadçı ekspert Fuad İbrahimov isə bildirir ki, heç kim JEK-in fəaliyyətinə son qoymaq məsuliyyətini boynuna götürüb bu istiqamətdə pioner olmaq istəmir:

“Ona görə də JEK-lər fəaliyyəti qadağan olunsa da, hələ də iş başındadırlar. Prosesin kökündə ona cavabdeh qurumların qəbul edilən yeni Mənzil Məcəlləsindən irəli gələn müddəaları icra etməməsi dayanır. Belə görünür, həmin istiqamətdə mövcud vəziyyət sonsuzluğa qədər davam edəcək. Çünki onun icra mexanizmini də görmürəm. JEK-lə bağı məsələyə birdəfəlik son qoymaq üçün bu istiqamətdə səlahiyyətlər ya Nazirlər Kabinetinə, ya Milli Məclisə, ya da icra hakimiyyəti orqanlarına verilməlidir”.

Növbədənkənar parlament seçkiləri gündəmdədir. Yenə də bəzi dairələr Milli Məclisin yeni heyətinin erkən formalaşa biləcəyini iddia edirlər. Təbii ki, bu fikrə qarşı olanlar və yaxud da bu fikri dövriyyəyə buraxanları inkar edənlər də var. Məsələn, bir neçə gün əvvəl YAP-çı deputat Siyavuş Novruzov sərt reaksiyası ilə diqqətə gəldi.

DİA.AZ bildirir ki, S.Novruzov açıqlamasında erkən seçkilərin keçirilməyəcəyini qeyd etməklə yanaşı, həm də böhranl situasiyalarda belə seçim zərurəti yarandığını bildirməklə bu fikri birdəfəlik təkzib etdi. Doğrudur, ekspertlər onun bu mövqeyini ironiya ilə qarşıladılar. Və bildirdilər ki, Siyavuş Novruzov yeni heyətdə yer ala bilməyəcəyindən belə deyir.

Əslində bu fikirdə yetərincə həqiqət var. DİA.AZ-a daxil olan informasiyalardan aydın olur ki, YAP da qarşıdan gələn seçkilərdə yeni heyətlə təmsil olunacaq. Mənbənin söylədikləri:

"Hazırki heyətin əksəri keçmiş PA rəhbəri Ramiz Mehdiyevə aiddir. Elə Siyavuş müəllimin özü də mehdiyevçi qrupdadır. O da yeni heyətdə olmayacaq".

DİA.AZ bildirir ki, mənbə eyni zamanda yeni heyətdə olmayacaq digər YAP-çı deputatlarla bağlı da informasiya verib. Həmin bilgiləri bir-bir diqqətinizə çatdırırıq,

"Uzun illər əmlak siyasətindən milyonları cibin ötürmüş Kərəm Həsənovun qardaşı, “AZINKO-Holdinq”in prezidenti, 67 saylı Cəlilabad şəhər seçki dairəsindən deputat olan Malik Həsənovun YAP-ın budəfəki siyahısında yer almayacaq" deyən məbnə dia.az-a bunları söyləyib:

"Malik Həsənov Ramiz Mehdiyevin adamıdır. Yeni heyətə və yeni siyasətə uyan birisi deyil. İki dəfə deputat seçilsə də, indiyə qədər hər hansı fəaliyyətinə rast gəlinməyən biznesmen-deputat seçiciləri ilə də görüşmür. O, rayona yalnız ara-sıra gedir və onda da heç kimin gözünə görünməməyə çalışır. Bütün iş-gücünü özünün biznesinin genişlənməsinə yönəldən M.Həsənov mandat daşıdığını daha çox şəxsi xarici səfərlərində yadına salır və bundan qürrələnərək istifadə edir.

“Hacı” kimi tanınan M.Həsənovla bağlı narazılığın olduğunu YAP-ın dairələrdə apardıqları araşdırma da təsdiqləyib. M.Həsənovun deputatlığının hakim partiya üçün faydasızlığı YAP-ın yuxarı təbəqələrində də ciddi müzakirə mövzusudur. M.Həsənov isə yaxın ətrafına və dostlarına yenidən deputat olacağı barədə mesajlar verir və bu məsələdə təbii ki, PA-da qərarlaşan qardaşına güvənir".

Növbəti yazımızda YAP-ın imtina etdiyi digər deputatları da təqdim edəcəyik. Bizi izləyin.

Məsələ ilə əlaqədar dia.az olaraq bütün maraqlı tərəfləri dinləməyə hazırıq...

Gəncə Şəhər İcra Hakimiyyətinin başçısı Niyazi Bayramovun oğlu Bəhram Bayramova məxsus 2 milyon manatlıq avtomobil kolleksiyasının fotoları sosial şəbəkələrdə müzakirəyə səbəb olub.

DİA.AZ pravda.az-a istinadla xəbər verir ki, icra başçısının oğluna məxsus 10-BB-904, 10-OO-904, 10-KK-904, 10-ZZ-904, 10-TT-904, 10-AS-904 nömrəli “zerkalni” qeydiyyat nişanları diqqət çəkib.

Atası 1280 manat məmur maaşı alan B.Bayramov küllü-miqdarda vəsait tələb olunan nömrələri necə əldə edib?

Gəncə Şəhər İcra Hakimiyyətindən Pravda.az-ın sorğusuna cavab olaraq bildirilib ki, sözügedən məsələdə qarşı tərəf nə Gəncə Şəhər İcra Hakimiyyəti, nə də Nizayi Bayramovdur.

“Adıçəkilən vətəndaşın özü ilə əlaqə saxlasanız, daha doğru olar. Şəxs icra başçısının oğlu olsa belə, yetkinlik yaşına çatmış Azərbaycan vətəndaşıdır. Şəxsi həyatı, fəaliyyəti, işi olan bir insandır” – məlumatda qeyd olunub.

Nazirlər Kabinetinin “Neft məhsullarının aksiz dərəcələri səviyyəsinin dəyişdirilməsi və ölkə ərazisində daşınması xərcləri ilə bağlı bəzi məsələlər haqqında” 23 avqust 2022-ci il tarixli Qərarı ilə Aİ-92 markalı avtomobil benzininin və dizel yanacağının aksiz dərəcələrində dəyişiklik olunub.

Bu barədə Tarif Şurasının Katibliyindən bildirilib.

Qərara əsasən, Aİ-92 markalı avtomobil benzininin aksiz dərəcəsi 42 fazdən 42,5 faizə, dizel yanacağının aksiz dərəcəsi isə 18 faizdən 18,3 faizə dəyişdirildiyindən Tarif (qiymət) Şurasının “Ölkə daxilində neft məhsullarının tariflərinin tənzimlənməsi barədə” 26 iyul 2022-ci il tarixli Qərarına yenidən baxılması və Nazirlər Kabinetinin Qərarına uyğunlaşdırılması zərurəti yaranıb.

Qeyd edək ki, aparılan tarif dəyişikliyi benzinin və dizelin pərakəndə satış qiymətinə təsir göstərmir və həmin məhsulların mövcud pərakəndə satış qiyməti dəyişmir. Belə ki, Tarif (qiymət) Şurasının Qərarı ilə Aİ-92 markalı avtomobil benzininin və dizel yanacağının qiymət zəncirində daxili dəyişiklik edilərək, artan aksiz məbləğləri qədər istehsalçı tarifləri azaldılıb, topdansatış tarifləri isə mövcud səviyyədə saxlanılıb.

Qərar 1 sentyabr 2022-ci il tarixindən qüvvəyə minir.

Dövlət Gömrük Komitəsi sədrinin birinci müavini, sədrin əvəzləyicisi Şahin Bağırov yeni kadr islahatına imza atıb.

DİA.AZ-ın əldə etdiyi məlumata görə, Şahin Bağılrovun əmri ilə İsmayıl Xəlil oğlu Hüseynov Bakı Baş Gömrük İdarəsinin rəisi vəzifəsinə təyin olunub.

Qeyd edək ki, İ.X.Hüseynov buna qədər DGK sədrinin birinic müavini postunu tuturdu.

DİA.AZ bildirir ki, KİV-də yer alan informasiyalarda İsmayıl Hüseynov keçmiş sədr Səfər Mehdiyevin "qara kassası" hesab olunur. Burada maraqlı olanı isə İ. Hüseynovun Şahin Bağırov tərəfindən təkrar etimada layiq görülməsidir. Hər halda, adı kifayət qədər ləkələnmiş bir fiqura belə bir etimadın göstərilməsi Şahin Bağırova olan siyasi inamı da kifayət qədər zədələyə bilər.


Əlavə bilgilərimiz olacaq. DİA.AZ-ı izləyin...

Hansı dinə sitayiş etməsindən asılı olmayaraq, hər kəs ölüsünü hörmətli şəkildə dəfn etməyə çalışır. Bu işdə vacib əməllərdən biri ölünü ölü sahibinin yumasıdır. Lakin müəyyən səbəblərə görə bunu etməyənlərə halallıq əldə edilərək, mürdəşirlər yardımçı olur. Onlar İslam aləmində vacib nüanslardan biri olan cənazəni layiqli şəkildə, müsəlman kimi dəfnə hazırlayırlar.

Kimsəsiz adamların da cəsədi yerdə qalmır. Ürəyində Allah xofu olan başqa şəxslər meyitləri dini qaydalara uyğun dəfn edirlər.

Ancaq bu günlərdə redaksiyamıza daxil olan bir məlumat bizi hədsiz dərəcədə təəccübləndirdi və təəccübümüzə səbəb oldu. Məlumatda bildirilir ki, “Qocalar Evi” kimi tanınan Bilgəh qəsəbəsindəki Müharibə Əlilləri və Əmək veteranları üçün 1 saylı Pansionatda dünyasını dəyişən ahıl yaşlı şəxslərin meyitləri yuyulmadan basdırılır. Əgər bu vacib əməl yerinə yetirilmirsə, yəqin ki heç dua da oxunmur.

Ümumiyyətlə, Samirə Mehdiyevanın direktor vəzifəsinə təyin olunmasından sonra pansioatda baş verən cinayətə bərabər tutulan qanunsuzluqlar barədə xeyli deyilib, xeyli yazılıb. Onları təkrarlamağa lüzum görmürük. Qeyd etməyə dəyər ki, Samirənin və onun başına yığdığı müftəxorların törətdikləıri qanunsuz hərəkətlər qoca da olsalar, əlil də olsalar, diri insanlara qarşı yönəlmişdi. Amma pansionun pensiyaları oğurlanan, ərzaq payları yağmalanan mərhum sakinləri ən azından müsəlman adətinə uyğun dəfn olunmağı haqq etmişdilər. Eşidən-bilən danışır ki, bu haqqı onlara çox görən Samirə Mehdiyevanın yediyi gec-tez burnundan gələcək. Baş verənlər nəinki ölənlərin yaxın-uzaq qohum-əqrəbaları, hətta Bilgəh qəsəbə sakinlərinin də ciddi narazılığına səbəb olub.

Yeri gəlmişkən, xəbər var ki, taqətdən düşmüş qocaların pensiya kartları yenə də Samirənin sərəncamındadır, kartlardakı pullar pansionun Arif, Nurlana və daha bir dayə — əməkdaşı tərəfindən banklomatlardan çəkilir. Sakinlərə xörək yerinə az qala it yalı verilir. Halbuki, xeyriyyəçilər vasitəsilə pansionun mətbəxinə bol ərzaq, hətta quzular da gəlir ki, pansion sakinlərinin süfrəsinə deyil, Samirə Mehdiyevanın evinə, məsləhət bildiyi ünvanlara aparılır.

Mövzuya qayıdacağıq. //deryaz.az//

Ölkə başçısı cənab İlham Əliyev ictimai çıxışlarında çağırış edib ki, məmurların korrupsiya əməlləri barədə mənə məlumat verilməsini dəfələrlə qeyd etmişdir.

Bizdə öz növbəmizdə adı bir çox korrupsiya əməllərində hallanan SOCAR-ın Təchizat İdarəsinin rəis müavini Fuad Həziyev barəsində Ölkə başçısının diqqətinə çatdırmağı özümüzə borc bilmişik.

Fuad Həziyev kimdir?

SOCAR-ın Təchizat İdarəsinin rəis müavini, yoxsa milyonlara sərvətə sahib olan beznesmen?

Aldığımız məlumata əsasən bildiririk ki, İsmayıılı rayonunun Kürdmaşı kəndində sakinlərini əkin torpaqlarını böyük bir qismıni Fuad Həziyev tərəfindən ələ keçirilib.Heç kəsə sirr deyildir ki, SOCAR-da ən pullu və prestij sayılan idarələrdən biri Texniki-təchizat idarəsidir.Və bu idarənin rəis müavini spitrli işçki biznesi təkcə Bakıdakı “Bakıspirt” zavodu ilə də bitmir. Qısa zamanda bu sektorda parlayan cənab Həziyev xanımı Aytən Telman qızı Əzizovanın adına da İsmayıllı rayonunun Kürdmaşı kəndində şərab zavodu açıb.”Biznes Kralı” Fuad Həziyev bu zavod da minlərlə un kisəsindən şərab hazırlayaraq SOCAR-ın tabeliyində olan dənizdəki neft estakadalarına da göndətdirir.

Məlumata görə, rəis müavininin nəzarətində bir sıra tender layihələrində iştirak etmək üçün yaradılmış çoxsaylı MMC-lər var. Onların arasında “MACON” MMC, “CREATE İNDUSTRY” MMC, “FİRE SAFETY CASPİAN AZERBAİJAN” MMC, “AZBEN SUPPLİES” MMC, “AZBEN İNŞAAT” MMC , “AZBENT LOGISTICS” MMC, “ASTRAVEL” MMC, “Ələsgərli N. F” və sairlərinin adları çəkilir.Məlumata görə, o, bu MMC-lər vasitəsiylə bir çox dövlət qurumlarında “yüklü tenderlər”i də rahatlıqla “udulub”.

Qeyd olunur ki, bütün bunları Fuad Həziyev vəzifəsindən sui-istifad etməklə qurub. Belə ki, məmur olmasına baxmayaraq, istər işlədiyi qurumda, istərsə də biznes fəaliyyətində Fuad Həziyev geniş maddi imkanlara və əlaqələrə sahiblənib.

Hesab edirik ki,Qarabağın bərpasının sürətlə aparıldığı bir ərəfədə hüquq-mühafizə orqanları bu şəxslərin sahib olduqları hüdudsuz biznes şəbəkələrini araşdırmalı, dövlətdən oğurlanan külli miqdarda pullar büdcəyə yönəldilməlidir.İnanırıq ki, SOCAR-ın yeni Prezidenti hörmətli Rövşən müəllim bu şəxslə bağlı lazımı addımların atılmasını əsas prioritet kimi qarşıya qoyacaqdır. //qanunla.az//

Dövlət Gömrük Komitəsi sədrinin səlahiyyətlərini icra edən Şahin Bağırov Hava Nəqliyyatında Baş Gömrük İdarəsinin işçilərinə kütləvi töhmət verib.

DİA.AZ xəbər verir ki, bu barədə Gununsesi.info-nu məlumatlandıran mənbənin sözlərinə görə, Bağırovun əmri ilə Hava Nəqliyyatında Baş Gömrük İdarəsinin rəisi Mehman Sadıqova isə şiddətli töhmət verilib.

Məlumatda, həmçinin Hava Nəqliyyatında Baş Gömrük İdarəsində daxili yoxlama getdiyi deyilir.

Bakupost.az -a daxil olan məlumata görə, kütləvi töhmətə “Qanun” Nəşrlər Evinin rəhbəri Şahbaz Xuduoğlunun bu gün özünün “Facebook” səhifəsində etdiyi paylaşım səbəb olub.

Belə ki, Ş.Xuduoğlu xarici nəşriyyatlardan pulsuz göndərilən kitab və katoloqlara görə gömrükdə pul tutulmasına etiraz edib:

“Bəzən xarici nəşriyyatlar kitablarından bir neçə pulsuz nüsxə göndərirlər ki, tərcümədə istifadə edək.

“BIOGRAPHY of Fly”, “Milçəyin bioqrafiyası” kitabından 3 nüsxə və kataloq göndərilib. Dünən Aeroport gömrüyü 139 manat bu kitablara görə pul tutub.

Səfər Mehdiyev korrupsioner idi, mafiya yaratmışdı, yerində deyildi, və sair və ilaxır. Bəs indi nə baş verir? Niyə 3 ədəd pulsuz gələn kitaba görə biz 139 manat pul ödəməliyik?

Həbsdə yatan adamlara da pulla kitab göndəririk, amma insafən bu qədər eləmir. Bu ölkə həbsxanadan daha betərmi? Sistemi düzəldin, sistemi! Günah Səfərlərdə deyil, günah Səfərləri günaha batıran sistemdədir!

Biz deyirik, düzəlir, düzələcək. Birdən elə bir şapalaq vururlar ki, görürsən yox, düzəlmir, istəmirlər. Səmimi deyillər!!!”, - deyə Ş.Xuduoğlu qeyd edib.

Qazaxda bir ali təhsil ocağı var. 2015-ci ilə qədər bura Azərbaycan Müəllimlər İnstitutunun Qazax fililı kimi, daha sonra Azərbaycan Dövlət Pedaqoji Universitetinin Qazax filialı kimi fəaliyyətdə olub, 2016-cı ilin aprel ayından Prezident İlham Əliyevin Sərəncamı ilə Bakı Dövlət Universitetinin Qazax filialı hesab edilib. Hələ 2016-cı ildə Bakı Dövlət Universitetinin sabiq rektoru Abel Məhərrəmov universitetin Qazax filalının tələbə və müəllim kollektivi ilə görüşü zamanı jurnalirtlərə açıqlamasında “Filalın univeristet səviyyəsinə qalxması üçün əlimizdən gələni edəciyik. Həm maddi texniki bazanın, həm də infrasturkturanın qurulması istiqamətində tədbirlər həyata keçirilib. Həmçinin kadr hazırlığında BDU-nun mütəxəsislərindən istifadə olunması nəzərdə tutulub”-deyə bildirmişdi.

Sabiq rektorun “Filalın univeristet səviyyəsinə qalxması üçün əlimizdən gələni edəciyik” ifadəsinin arxasında duran qaranlıq məsələlərə toxunmaq istəməzdik. Məlum səbəblərdən Abel Məhərrəmov 2018-ci ildə vəzifəsi ilə vidalaşmalı oldu. Amma Bakı Dövlət Universitetinin Qazax filialı yerində durur. Ötən bu m üddət ərzində filial nəinki univeristet səviyyəsinə, heç institut səviyyəsinə belə qalxa bilməyib. Bura bu gün ali təhsil müəsisəsindən daha çox bir korrupsiya yuvasına çevrilib. Sabiq rektorun qurmasını nəzərdə tutduğu maddi texniki baza quruldumu. yoxsa elə əvvəlkilər də talan edilir. Heç kimə sirr deyil ki, vaxtıilə, hələ Azərbaycan Müəllimlər İnstitutunun Qazax fililı kimi fəaliyyət göstərərkən institutdan pul ilə satılmış saxta diplomların sayı yüzlərlə olub. Hazırda isə saxta diplomlar satılmasa da dövlət vəsaitləri talan edilməkdədir.

Aktualinfo.org Bakı Dövlət Universitetinin Qazax filialı tərəfindən son illərdə keçirilmiş satınalmalar ətrafında araşdırmalar aparmışdır. Araşdırmalarda filialın Tender Komissiyası tərəfindən illik satınalma planlarına uyğun nəzərdə tutlan bəzi kotirovka sorğularının keçirilməsi zamanı ciddi qanun pozuntularına yol verildiyinə, “Dövlət Satınalmaları Haqqında” Azərbaycan Respublikası Qanununun tələblərinə əməl edilməməsinə, elan olunmuş və keçirilmiş kotirovka sorğuları üzrə bağlanmış müqavilələrdə saxtakarlıq hallarına yol verilməsi, habelə satın alınan malların (xidmətlərin) qiymətlərinin süni şəkildə şişirdilməsinə şübhə yaradan bir sıra hallar məlum olmuşdur.

Bakı Dövlət Universiteti Qazax filialının Tender Komissiyası 01.06.2020-ci il tarixdə 2021-ci il üzrə alınacaq mal materialların və xidmətlərin satınalma planlarına daxil edilmiş siyahısını dövlət satınalmalarının vahid internet portalı vasitəsi ilə açıqlamış, lakin 2021-ci ildə keçirilmiş kotirovka sorğularının bəzilərinin nəticələri barədə məlumatları qanunla müəyyən edilmiş qaydada ictimaiyyətə açıqlamamışdır. Məsələn, nəqliyyat vasitələri, maşın və avadanlıqlar, sair torpaq, tikili və avadanlıqlar (inventarların alınması), dəftərxana və təsərrüfat malları, cari təmir kimi kotirovka sorğularının keçirilməsi barədə filialının Tender Komissiyası qanunda nəzərdə tutulmuş heç bir qaydaya əməl etməmişdir.

Ümumiyyətlə burada satınalmaların formal bir qaydada həyata keçirildiyi elə filialın Tender Komissiyasının işindən bəlli olur. Belə ki, filialın Tender Komissiyası elan etdiyi kotirovkalarda yerləşdirdiyi telefon nömrələri və e-mail adresin heç biri işləmir. Bu o deməkdir ki, kotirovkada iştirak etmək istəyən hər hansı bir iddiaçı şirkət sifarişçi ilə əlaqə saxlaya bilməz. Bu həm də o deməkdir ki, kotirovkanın qalibi artıq əvvəlcədən müəyyən olunur və əlavə iştirakçı müraciətinə heç bir ehtiyac qalmır.

Hələ bu harasıdır. Satınalmalarda yol verilmiş qanunsuzluqlara aydınlıq gətirilməsi ilə bağlı ünvanladığımız elektron sorğu məktubuna artıq 25 gündən çoxdur ki, cavab verilmir. Təsəvvür edin. Telefonla əlaqə saxladığımız filialın təsəsrrüfat şöbəsinin müdiri Hüseyn Namazov kotirovkaların keçirilməsindən xəbərsiz olduğunu bildirdi. Buna biabırçılıqdan başqa ad vermək mümükün deyil. Dəfələrlə zəng etməyimizə baxmayaraq baş mühasib Şahin Nağıyev isə gah məktubdan xəbərsiz olduğunu, gah da məzuniyyətdə olduğunu bildirdi. Halbuki sorğu məktubu məhz onun e-mail ünvanına da göndərilmişdi. Baş mühasibdən sorğu məktubu barədə filialın rəhbərliyinə məlumat verməyi xahiş etdik. Satınalmaların keçirilməsinə birbaşa məsul olan baş mühasib nə desə yaxşıdı? “Mən niyə deyirəm, özünüz deyin.” Tender Komissiyasının üzvləri olan bu şəxslərin, baş mühasib Şahin və təsəsrrüfat şöbəsinin müdiri Hüseynin işinə bu qədər məsuliyyətsiz yanaşmasının səbəbi nədir görəsən? Filialda hökm sürən anarxiya. Buna başqa heç bir ad vermək olmaz. Əgər bir qurumun təsərrüfat və maliyyə məsələlərinə məsul olan şəxsləri işlərinə bu qədər biganə yanaşırlarsa, onun səbəbi təbii ki, rəhbərliyin yaratdığı qeyri normal atmosferdi.

Qeyd edək ki, Bakı Dövlət Universiteti Qazax filialı tərəfindən satınalma planlarına daxil edilmiş bir çox kotirovka sorğularının keçirilməsi zamanı dövlət satınalmalarının vahid internet portalına iddiaçılara dəvət elanı demək olar yerləşdirilməmiş və nəticələri barədə ictimaiyyətə açıqlama verilməmişdir. Tikili və avadanlıqların cari təmir xərcləri üzrə 19.10.2021-ci il tarixdə, dəftərxana və təsərrüfat xərcləri üzrə 01.06.2021-ci il tarixdə elan olunmuş kotirovka sorğusunun nəticələri isə açıqlanmamışdır.

Bunlarla yanaşı, artıq carı ilin 8-ci ayı olmasına baxmayaraq filialın Tender Komissiyası 2022-ci il üzrə satınalma planlarına daxil etdiyi və nəzərdə tutulan malların və xidmətlərin satın alınması barədə iddiaçılara heç bir dəvət elan verməmişdir. Buna misal inzibati binanın cari təmiri işlərinin satın alınması üzrə keçirilmiş kotirovka sorğusu ola bilər ki, nəticələri 08.08.2022-ci il tarixdə açıqlanıb və “BKG” MMC ilə 44 828.91 manat məbləğində satınalma müqaviləsinin bağlanıldığı bildirilib. Amma dövlət satınalmalarının vahid internet portalına yerləşdirilmiş elanlarda Bakı Dövlət Universiteti Qazax filialının Tender Komissiyasının inzibati binanın cari təmiri işlərinin satın alınması üçün kotirovka sorğusu elanı verilməyib. Bu isə “Dövlət Satınalmaları Haqqında” Azərbaycan Respublikası Qanununun 5 və 10-cu maddələrinin kobud şəkildə pozulması deməkdir.

Xüsusilə qeyd etmək istərdik ki, Bakı Dövlət Universiteti Qazax filialı tərəfindən analoji qanun pozuntularına əvvəlki illərdə də yol verilmiş, nəticələri açıqlanmış bir neçə kotirovka sorğularından başqa keçirilmiş bütün kotirovka sorğuları barədə dövlət satınalmalarının vahid internet portalının bazasında heç bir məlumat yerləşdirilməmişdir.

Qeyd edək ki, Bakı Dövlət Universiteti Qazax filialının Tender Komissiyası 2019-2022-ci illərdə mühafizə xidmətinin satınalınması üzrə 6 nəfər mühafizəçi və bir xidmət rəisinin universitetdə mühafizə xidmətinin təşkili üçün 2019-cu ildə 5 593.2 və 37 288 manat, 2020-ci il üzrə 22.01.2020-ci il tarixdə 67 118.4 manat, 2021-ci il üzrə 23.12.2020-ci il tarixdə 79 985.28 manat, 2022-ci ildə isə 87 976.08 manat məbləğində satınalma müqavilələri bağlanmışdır. Burada 7 nəfər mühafizəçinin xidmət aparmasına hər il fərqli məbləğlərdə satınalma müqavilələrinin bağlanılmasında qiymətlərin süni şəkildə şişirdilməsi ehtimal olunur.

Bundan əlavə Bakı Dövlət Universiteti Qazax filialının Tender Komissiyası 2018-2022-ci illərdə cari təmir, abadlıq işləri, tikili və avadanlıqların cari təmir xərcləri, kommunal və kommunikasiya xətlərinin təmiri işləri, dəftərxana ləvazimatlarının satın alınmaları üzrə “SƏMA” MMC ilə fərqli işlər və xidmətlər üçün 7 satınalma müqaviləsi bağlanımışdır. Göründüyü kimi filialının Tender Komissiyası müxtəlif işlərin və xidmətlərin satın alınmasında bir şirkətə üstünlük vermişdir ki, bu da tender və kotirovka prosedurlarının keçirilməsi zamanı daim bir şəxsə və ya şirkətə üstünlük verilməsi satın alınan malların ehtimal olunan qiymətinin düzgün müəyyən edilməməsinə və bir sıra qanun pozuntularına yol açmasına səbəb olur.

Dövlət satınalmalarının vahid internet portalına yerləşdirilmiş məlumatlardan da görsəndiyi kimi, Bakı Dövlət Universiteti Qazax filialının Tender Komissiyası “Dövlət Satınalmaları Haqqında” Azərbaycan Respublikası Qanununun tələblərinə demək olar ki, riayət etmir. Tender Komissiyasının üzvü olan məsul şəxslərin işinə ciddi yanaşmamasından isə belə görsənir ki, burada anarxiyadır. Burada ya filialın direktoru Arif Rüstəmov vəzifəsinin öhdəsindən gələ bilmir, ya da, belə bir şəraiti özü bilərəkdən yaradıb. Xatırlatmaq istərdik ki, Arıf Rüstəmov buna qədər BDU-da sosial elmlər və psixologiya fakultəsində tədris işləri üzrə dekan müavini vəzifəsində çalışıb. Elə Elçin Babayev BDU-ya rektor təyin olunduqdan az sonra Arıf Rüstəmovu Universitetin Qazax filialının direktoru təyin edib. Belə çıxır ki, Elçin Babayev onu filialda tədrisin keyfiyyətini artırmağa deyil, hər çür özbaşınalıq etməyə, dövlət vəsaitlərin talamağa göndərib. Ya da rektor Elçin Babayev Bakı Dövlət Universitetini idarə etdiyi kimi əyalətdə yerləşən filialı da nəzarətsiz buraxıb. Elə Bakı Dövlət Universiteti tərəfindən keçirilmiş tenderlərdə də saxtakarlıq hallarına az yol verilmir. Bu barədə son vaxtlar elektron media resurslarında kifayət qədər geniş məlumatlar yayılıb. belə bir nəticəyə gəlmək olar ki, Bakı Dövlət Universitetinin Qazax filialındakı anarxiyanın başında elə rektor Elçin Babayevin özü durur.
Aktualinfo.org