Prezident İlham Əliyevin hökumətdə apardığı idarəetmə və kadr islahatları dövlət qurumlarının optimal fəaliyyətinə, büdcə vəsaətlərinin səmərəli xərclənməsinə ciddi təkan verməkdədir. Dövlət başçısının təşəbbüsü, iradəsi ilə aparılan islahatlar eyni zamanda dövlət qurumlarının fəaliyyətinin şəffaflığını təmin etməklə yanaşı, həm də vətəndaş cəmiyyətində dövlətə olan etibarlılığı, inamı daha da artırır.

Azərbaycanda struktur və kadr islahatları aparılan sahələrdən biri də Mədəniyyət nazirliyidir.Azərbaycanda struktur və kadr islahatları aparılan sahələrdən biri də Mədəniyyət nazirliyidir.

Anar Kərimovun Mədəniyyət naziri təyin edilməsindən bir il yarım vat keçməsinə baxmayaraq, Mədəniyyət nazirliyinin fəaliyyətində ciddi dönüş yaranıb. Müasir dünyagörüşlü, dünya mədəniyyət sahəsində baş verənlərdən xəbərdar olan, savadlı, vətənpərvər kadrların rəhbər vəzifələrə təyin edilməsi, nazirliyin tabeliyindəki müəssisələrin fəaliyyətininin müasir tələblərə uyğunlaşdırılması illərdir ölü sahəyə çevrilmiş Mədəniyyət nazirliyində ciddi dinamika yaradıb.Lakin nazirlikdə aparılan struktur, kadr dəyişikliklərindən yan keçən, Mədəniyyət nazirliyini bütünlüklə korrupsiya yuvasına çevirmiş Əbülfəs Qarayevin dönəmində olduğu kimi, hələ də "köhnə havada" olan müəssisə rəhbərləri də var.

AzFakt.com xəbər verir ki, fəaliyyəti qaranlıq olan, rüşvət və korrupsiya içində boğulan təşkilatlardan biri də Muzey Sərvətləri və Xatirə Əşyalarının Elmi Bərpa Mərkəzidir.

İyirmi ildən artıqdır ki, bu Mərkəzə rəhbərlik edən Zərifə Məlikovanın buranı özəl obyekt kimi işlətdiyi deyilir.Muzey Sərvətləri və Xatirə Əşyalarının Elmi Bərpa Mərkəzində çoxsaylı "ölü canlar"ın olduğu deyilir.

İşə gəlməyən, daha doğrusu adları işdə gedən bu şəxslər əsasən texniki işçilərdir.

Bununla yanaşı, Mərkəzin "Elmi Tədqiqat", "Rəngkarlıq", "Qrafika", "Tətbiqi İncəsənət" şöbələrində də "ölü canlar"ın olduğu məlumatlar sırasında yer alır.

Elmi Bərpa Mərkəzində baş verən büdcə talama əməliyyatı əlbəttə ki, tək bununla bitmir. Mərkəzin keçirdiyi sərgilər, konfranslar və treninqlərdə də pullar silindiyi deyilir.Muzey Sərvətləri və Xatirə Əşyalarının Elmi Bərpa Mərkəzində silinən hər bir manatın Mərkəzin direktoru Zərifə Məlikovanın diqqəti altında aparıldığı deyilir.

Məlumatda iyirmi ildən artıq Muzey Sərvətləri və Xatirə Əşyalarının Elmi Bərpa Mərkəzinin direktoru olan Zərifə Məlikovanın çoxsaylı daşınmaz əmlaklara sahib olması da yer alır.

Əmək və Əhalinin Sosial Müdafiəsi Nazirliyində dövlət qəbulu heç də şəffaf keçirilmir və əvvəlcədən tapşırılan şəxslər işə qəbul edilirlər.

Belə bir iddia ilə İsmayılov Zərbalı Fəqani oğlu PİA.az müraciət edib. Zərbalı İsmayılov bildirir ki, o, qəbulda baş verən qanun pozuntuları ilə bağlı prezident İlham Əliyevə, birinci vitse-prezident xanım Mehriban Əliyevaya və digər əlaqədar dövlət qurumlarının rəhbərlərinə müraciət edib. Lakin müraciətinə cavab ala bilməyib.

Şikayətçi Zərbalı İsmayılov bildirir ki, DİM-nin keçirdiyi imtahanlarda BB və BA kataqoriyası üzrə müvafiq dövlət qulluqçusu sertfikatı alıb. Həmin sertfikatlara əsasən, dövlət orqanlarının müsahibəsində iştirak etmək hüququ qazanıb.

31.03.2022-ci il tarixində Əmək və Əhalinin Sosial Müdafiəsi Nazirliyinin İqtisadiyyat şöbəsi Təminant sektoru vakansiyasına görə müsahibədə iştirak edib və bu müsabiqəqinin gedişində dövlət qulluğuna qəbulun qanunla təsbit olunan prinsiplərində ciddi pozuntular olub. Həmçinin şikayətçi iddia edir ki, dövlət qulluğuna qəbulun şəffaflıq tələbi pozulmuşdur.

Hər şeydən əvvəl şikayətçi bildirir ki, müsabiqə təyin olunan vaxtdan gec başlayıb. Videoya alınan müsabiqənin gedişində isə bir çox qanun pozuntuları müşahidə edilib:

“Nəzərə alsaq ki, dörd bənd üzrə ayrı-ayrı qiymətləndirmə aparılır və buna baxmayaraq, qiymətləndirmə zamanı qanunvericilik və ümümi dünyagörüşündən çox az sual verilib və ümumilikdə qiymətləndirmə prosesi məni qane etməyib. Hansı ki, həmin sualları, eləcə də “Vəzifə proqramı” üzrə verilən sualları da müvafiq şəkildə cavablandırmışam. Suallara ətraflı cavab verməyimə baxmayaraq, lokanik cavab verməyim tələb olunub. Halbuki ki, İqtisadiyyat mütəxəssisi bu sahə üzrə lokanik deyil, ətraflı cavab verməlidir. Bütün suallara doğru cavab verməyimə baxmayaraq, cavablarım qəbul edilməyib.

Qanunvericiliyə bir çox qanunlar daxil olsada, yalnız “Dövlət qulluğu haqında qanun”dan 4 sual verilib, digər qanunlara isə vaxt çatmayacağı söylənilib”, deyə şikayətçi bildirib.

Zərbalı İsmayılov bildirir ki, qəbul komissiyasının sədri Bayramova Nərmin Ermest qızı (əldə etdiyimiz məlumata görə sabiq Baş nazir Novruz Məmmədovun yaxın qohumudur) ona əlindəki kağız vərəqdən sualalr verir və bu suallara da düzgün cavab verməsinə baxmayaarq həmin cavabları qəbul etmək istəməyib. Daha sonra isə xanım Nərmin Bayramova ümumiyyətlə müsabiqənin gedişi ilə maraqlanmayaraq telefonda danışmağa başlayıb və onu dinləməyib.

Digər komissiya üzvlərinin də verdikləri sualalrı dolğun şəkildə cavablandırdığını bildirən Zərbalı İsmayılov qeyd edib ki, müsabiqənin gedişində açıq şəkildə hiss olunurdu ki, komissiya üzvləri əvvəlcədən kimi işə qəbul edəcəklərini bilirdilər və bütün davranışları da buna uyğun olub. Bütün müsabiqə prosesinin videoya alındığı vurulayan şikayətçi bildirib ki, istənilər dövlət qurumu həmin videoya baxaraq onun haqlı olduğu qənatinə gələcəklər.

Qeyd edək ki, müsabiqəyə gələn 67 nəfərdən 6-sı qəbul olunub və onların da 4-nə təyinat verilsə də, ikisi şəxsə təyinat verilməyib. Zərbalı İsmayılov iddia edir ki, təyinat alan həmin 4 nəfər aldıqları vəzifəyə uyğun olaraq yetərli savad və digər keyfiyyətlərə malik olmayıblar və onlar tapşırığa əsasən təyinat alıblar.

Maraqlıdır ki, müsabiqənin gedişindən narazı qalan Zərbalı İsmayılov öz müsabiqəsinin videogörüntüsünü tələb etsə də, ona bununla bağlı rədd cavabı verilib.

Müsabiqədən keçə bilməyən şikayətçi apellyasiya şikayəti verib.

Bundan sonra isə “qaçdı-qovdu” başlanıb. Apellyasiyanın vaxtının ona bildirilməsinə baxmayaraq, saatı yazılmayıb və şikayətçi dəfələrlə zəng etdikdən sonra ona saat 5-də gəlmək məsləhət görülüb. Saat 5-də deyilən yerdə olan Zərbalı İsmayılova bir saat gözlətmədən sonra deyilib ki, komissiyanın sədri Anar Əliyev nazir Sahil Babayev tərəfibndən çağrılıb və buna görə də apellyasiya təxirə salınıb. Apellyasiyanın ertəsi olacağını bildirsələr də, yenə də saatı sabah söyləyəcəklərini deyiblər və səhərisi gün də qyni şeylər təkrar olunub və bir neçə cəhddən sonra Zərbalı İsmayılov dəqiq saatı öyrənə bilib.

Apellyasiya başladıqdan sonra isə Zərbalı İsmayılovu ilk olaraq içəri almaq istəməyiblər və bildiriblər onlar şikayətə baxıb qərarlarını elan edəcəklər. Uzun mübahisədən sonra şikayətçinin iştirakı təmin olunub. Bundan sonra isə Zərbalı İsmayılov komissiyanın tərkibinə etiraz edib. Çünki qanuna zidd olaraq Zərbalı İsmayılovun bilavasitə şikayətçi olduğu Nərmin Bayramova komissiya üzv olub. Şikayətçinin etirazlarına qarşı isə bildirilib ki, Nərmin Bayramova prosesə müdaxilə etməyəcək. O zaman təbii olaraq sual çıxr, hansı məntiqlə həmin Nərmin Bayramova apellyasiya komissiyasına üzv daxil edilib.

Zərbalı İsmayılovun bütün etirazlarına baxmayaraq, Nərmin Bayramova apellyasiya komissiyasında üzv olaraq saxlanılıb. Komissiyanın digər üzvləri Vəli Quliyev və Heybət İmanov da ona qarşı qərəz nümayiş etdirərək mövzuya id olmayan məsələrdən bəhs ediblər.

Apellyasiya zamanı bütün verilən suallara doğru cavab verməsinə və komissiya sədri Anar Əliyevin onu təqdir və tərif etməsinə rəğmən Zərbalı İsmayılovun şikayəti təmin olunmayıb.

Zərbalı İsmayılov isə məsələ ilə bağlı məhkəyə müraciət edəcəyini və prosesi son instansiyayadək sürdürəcəyini bildirir.

Xatırladaq ki, məsələ ilə bağlı Əmək və Əhalinin Sosial Müdafiəsi Nazirliyinə sorğu ilə müraciət etməyimizə baxmayaraq, iki həftə müddətində sorğumuza heç bir cavab ala bilməmişik. Qeyd edək ki, bununla bağlı redaksiyamız İnsan Haqqları üzrə Ombudsmana müraciət hazırlayır.

Azərbaycan Respublikasının Prezidenti İlham Əliyev cənablarına,
Nüsxəsi: Dövlət Təhlükəsizlik Xidmətinin rəisi cənab Əli Nağıyevə,
Nüsxəsi: Baş Prokuror cənab Kamran Əliyevə,
Masallı rayon bir qrup Qəriblər kənd sakini tərəfindən
Müraciət

Hörmətli Cənab Prezident və dövlət rəsmiləri!

2015 və 2019-cu illər ərzində Masallı rayon Qəriblər kəndinin sabiq bələdiyyə sədri Müşviq Ağayev kəndimizin köhnə qəbirstanlığını, "Kurqan" təpələrini və əkinə yararlı torpaqları qazdıraraq ayrı-ayrı şirkətlərə satmışdır. Qazıntı zamanı tarixi abidələri məhv etməklə yanaşı çoxlu sayda oradan qızıl zinət və əntiq əşyaları tapmışdır. Masallı rayonunun bəzi məmurları bundan xəbərdar olduğu üçün Müşviq Ağayev əldə etdiyi qızıl zinət əşyalarını onlarla bölüşmüşdür. O gündən bu günədək Müşviq Ağayevi müdafiə edən məmurlar məcburi qaydada onun bütün törətdiyi cinayətləri müdafiə edərək ört- basdır edirlər.
Biz kənd sakinləri 7 ildir ki, Müşviq Ağayevin cinayətlərini ifşa edib bütün dövlət qurumlarına çatdırmışıq, lakin buna baxmayaraq, Müşviq Ağayevin toxunulmazlığı davam edir. Bizi ölümlə hədələyir "bu ölkədə kimsə mənə heç bir şey edə bilməz,"- deyərək bizləri təhqir edir.

Cənab Prezident! əsrin cinayətini törədən, tarixi abidələrimizi məhv edən qəbirstanlıqda ölənlərimizin qəbirlərini tarixdən silən Müşviq Ağayevin barəsində cinayət işinin başlanması üçün aidiyyatı hüquq mühafizə orqanlarına göstəriş vermənizi sizdən xahiş edirik.

25 iyul 2022-ci il.

Cenub.az xəbər saytında da sözügedən məsələ ilə bağlı şikayət verilib və sayt rəhbəri olan Zahir Əmənovun dediyinə görə, biz, qarşı tərəfin fikrini öyrənmək üçün Qəriblər bələdiyyəsinin sabiq sədri Müşfiq Ağayevlə də görüşdük. O bildirdi ki, yazılanların hamısı şər və böhtandır. Bilirəm ki, bunları kim yazdırır. Hazırda bütün yazılanlar hüquq-mühafizə orqanlarında araşdırılır. Elə mən də istəyirəm ki, onların böhtanları mətbuatda yer alsın. Sonra bu şəxsləri məhkəməyə vermək üçün əlimdə əsaslar olsun. Mən, Qəriblərdə bir çoxlarının bəd əməllərin aşkarladığım, necə deyərlər, bəzilərinin havasına oynamadığı üçün belə edirlər. Qaldı ki, stadionla bağlı işin Ali Məhkəmədə udulmasına, bu da sirr deyil ki, onlar hansı yollarla buna nail olublar. Bu ayın ortalarında ölkənin Baş Prokuroru Masallıya gələcək. Onun qəbulunda olub hər şeyi Baş Prokurora çatdıracağam. Mənim heç bir əyri işim yoxdur. Xalq məni yaxşı tanıyır. Nə etmişəmsə, öz kəndim üçün, imkansızlar üçün etmişəm.

P.S. Bizi izləməkdə davam edin Müşviq Ağayevin digər saxta işləri və törətdiyi cinayətlər barədə sizə məlumat verəcəyik.

Qarşı tərəfi dinləməyə hazırıq... //Hazırladı: Zahir Əmənov. Cenub.az//

“Sahil” metrostansiyasının üstündə tikilən “Sahil İncisi” çoxmərtəbəli binanın şəriki Fariz kimdir..?

Fariz “Sahil İncisi” binasındakı 3-4 otaqlı mənzili 1 milyona satır...

Haqqında bəhs edəcəyimiz mövzuya giriş olaraq qeyd edək ki, metropoliten kimi strateji obyektlərin ətrafında mühafizə zolağı deyilən bir sahə olur.
Mühafizə zolağında irihəcmli obyektlərin tikiliməsi, quraşdırılması təhlükəsizlik cəhətdən yolverilməzdir. Söhbət hər gün milyondan artıq insanın istifadə etdiyi metropolitendən gedir.
Təəssüf ki, Bakı şəhərində bu qızıl qaydaya nəinki əməl edilmir, hətta bu qaydalar pozulur.
Bunu sübut etməyə xüsusi ehtiyac yoxdur.
Belə ki, Sahil metro stansiyasının üstündə tikilən “Sahil İncisi” çoxmərtəbəli yaşayış binasını hər gün hamımız görürük.
Yaxud “Xətai” metrostansiyasının mühafizə zolağında tikilən 23 mərtəbəli biznes binası...
Və ya Nəriman Nərimanov metrostansiyasının mühafizə zolağında inşa edilən binalar...
Bu siyahını uzatmaq da mümkündür.
Apardığımız araşdırma zamanı maraqlı rəqəmlə rastlaşdıq.
Belə ki, Sahil metro stansiyasının üstündə tikilən çoxmərtəbəli binadakı 3-4 otaqlı mənzillərin qiyməti 750-800 min, bəzən 1 MİLYON civarındadır.
Görəsən bu mənzilləri almağa hansı müəllimin, hansı həkimin, hansı mühəndisin imkanı çatar. Əlbəttə, bu binadakı mənzillərin sahiblərinin hamısı dövlət məmurlarıdır. Hətta araşdırma zamanı bu binada 5 mənzili ( yəni 5 milyonu ...) olan məmurlara da rast gəldik.
İndi özünüz təsəvvür edin ki, Prezidentimiz demişkən, harınlamış məmur balkonda dayanıb dənizə baxacaq deyə, yüz minlərlə, milyonlarla metro sərnişinlərinin talehi sual altında qalmalıdır.
Görəsən, sabah iraq olsun hansısa fəlakətli hal baş versə, Metropolitenin keçmiş rəisi, hazırda İnşaat və Memarlıq Universitettinin kafedra müdiri olan Tağı Əhmədov və onun şərikləri olan Fariz və Natiq “troykası” bu məsuliyyətdən yaxalarını necə qurtaracaqlar ?
Yeri gəlmişkən, Fariz adlı biznesmenin əməlləri təkcə “Sahil İncisi” çoxmərtəbəli bina ilə yekunlaşmır.
Gündəlik-Bakıya daxil olan məlumata görə, Binə Ticarət Mərkəzinə çatmamış solda olan möhtəşəm “Green Park” restoranı da Farizə məxsusdur.
Təsəvvür edirsiniz, Fariz öz restoranına keçid üçün magistralın üstündən öz şəxsi pulu ilə körpü tikdirib.
Hələ bu harasıdır..?
Farizin dəyəri yüz minlər olan yaxtası da var.
Biz də “Onun arabası var...” mahnısına qulaq asırıq.
Bəli, imkanlı şəxslər öz övladlarına Farizin “Green Park” restoranında toy edirlər. Toyda bir nəfərin xərci isə 250 manatdır, yəni ölkəmizdəki minimal əmək haqqından az qala 2 dəfə çox.
Bəli, bu acı reallıqdır. Ki, yeni doğulan uşağa uşaq pulu verməyə imkan yoxdur, amma Fariz, Tağı, Natiq kimilər dəyəri milyonlarla ölçülən mənzillərdə yaşayır. Təkcə yaşamırlar ee, həm də cəmiyyətə və ölkəyə təhlükə yaradırlar. Yadınıza düşürsə Sahil metrosunun yaxınlığında bina yananda, jurnalistə burcutma deyən Tağı müəllim, "Sahil İncisi" kimi tanınan, Sahil metrosunun üzərində olan binadakı mənzilinin balkonundan yanğını seyr edirdi. Məhz o mənzildir ki, kirvələri həmin mənzili metronun üzərində olduğu üçün Tağı müəllimə pay veriblər. Bu haqda növbəti yazıda. gundelik-baku.com

Məlum olduğu kimi, Azərbaycan Respublikasının Baş Prokurorluğu yanında Korrupsiyaya qarşı Mübarizə Baş İdarəsi tərəfindən aparılmış araşdırmalar zamanı Beyləqan rayon İcra Hakimiyyətinin başçısı Asif Ağayevin və ayrı-ayrı vəzifəli şəxslərin əməllərində mənimsəmə və ya israf etmə, yəni təqsirkara etibar edilmiş özgə əmlakını külli miqdarda təkrarən talama və vəzifə səlahiyyətlərindən sui-istifadə, yəni vəzifəli şəxsin xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə etməsi cəmiyyətin və ya dövlətin qanunla qorunan mənafelərinə ağır zərər vurmaqla törədilməsi cinayətlərinin tərkib əlamətlərini işarə edən kifayət qədər dəlillərin olmasını nəzərə alaraq, fakt üzrə Azərbaycan Respublikası Cinayət Məcəlləsinin 179.3.2 və 308.2-ci maddələri ilə cinayət işi başlanmış və ibtidai istintaq aparılması üçün materiallar Baş İdarənin İstintaq idarəsinə göndərilmişdir. Araşdırılan faktlar arasında Realmedia.az saytında indiyədək təqdim olunmuş materiallar – dövlət büdcəsindən rayonun abadlığına ayrılmış pul vəsaitlərinin təyinatı üzrə istifadədən yayındırılaraq mənimsənilməsi, yeyinti halları da xüsusi çəki təşkil edir.
Bu mövzuda qələmə aldığımız faktlar sırasında 2019-cu ildə Beyləqan rayon rəhbərliyinin sərəncamına verilən 1,0 (bir) milyon manatın aqibətini bir daha xatırlatmağa zərurət yaradan hadisə baş verib. Belə ki, o vaxt həmin vəsaitdən yalnız 280,0 min manatın təyinatı üzrə istifadə edildiyini yazmışdıq. Ancaq indi redaksiyamıza daxil olan kollektiv müraciətin müəllifləri olan Qədimzadə Elnur Famil oğlu və qeyriləri bildirirlər ki, gerçəkdə Rayon İcra Hakimiyyətinin təyinatdan yayındırdığı məbləğ daha çoxdur, real xərclər isə 40,0 min manat həmən olar.
Qeyd edək ki, Qədimzadənin tikinti işləri ilə məşğul olan fəhlə briqadası rayon rəhbərliyi tərəfindən rayonun abadlıq-quruculuq işlərinə qeyri-leqal cəlb olunubmuş. Onlarla əmək müqavilələri bağlanmayıb, əmək haqlarından sosial sığorta ödənişləri, dövlətə vergi tutulmayıb. Ən acınacaqlısı və 30 nəfərlik zəhmətkeşlər heyətini şikayətçi düşürməyə vadar edən hal isə budur ki, onlara vəd olunmuş zəhmət haqqının əhəmiyyətli bir hissəsi hələ də onlara verilməyib.
Bildirilir ki, o vaxt yerinə yetirilməli olan abadlıq işləri çərçivəsində hasarların mozaik daşlarla üzlənməsində, Beyləqan Mücrəddin Parkına döşənmiş tametlərin yeniləri ilə əvəzlənməsində xeyli yeyinti olub. Belə ki, köhnə tametlər heç də kağız üzərində yazıldığı kimi sökülməyib, çıxarılıb daşınmayıb, yeniləri düzülməzdən əvvəl yerinə şeben və beton vurulmayıb. Sadəcə köhnələrin üstündən asept vurularaq yeniləri döşənib. Qeyd olunan sökülmə, daşınma, betontökmə işləri isə ayrı-ayrı xərc maddələri kimi göstərilib. Tamet lövhələrin kavadratı 8 manata alındığı halda 17-18 manata yazılıb. Usta pulu isə hər kvadrata 4 manat təşkil edib ki, onun da kvadratını daha yüksək yazıblar.
Eynilə Mücirəddin Beyləqani Patrkındakı fəvvarənin təmirinə de-fakto 20,0 min manat xərcləndoyi halda, sənədləşmədə 60,0-80,0 min manat əks etdirilib. Xatırladılır ki, rayon rəhbərliyi 1,0 milyon manat vəsaiti silmək üçün xərc maddələrinin çoxunu “ixtira” etməli olub və hətta buna nail olmaq üçün sabiq icra başçıları Vaqif Abdullayevin, İrşad əliyevin hakimiyyəti illərində səkilərə qoyulmuş tamet döşəmə işlərini, parkların kənarına qoyulmuş tumbaları, aqlay işlərini yenidən “canlandıraraq”, “forma-2” sənədlərinə salıb.
Vədlərə inanaraq, bir il pulsuz işlədildiklərini deyən fəhlələr təkcə özlərinə münasibətdə üzləşdikləri hüquqpozmaları deyil, şahid olduqları başqa qanunsuzluqlar barədə də istintaqa ifadə verməyə hazır olduqlarını bildirmişlər.
RealMedia.az

Əbülfəzin başı kompüterdir, yoxsa Manuçarın..?

İlk öncə onu qeyd edək ki, “broker” sözünün mənasını bəlkə də oxucuların çoxu bimir.
Məlumat üçün bildirək ki, broker hüquqi xidmət deməkdir.
Belə ki, yüzlərlə, minlərlə iş adamı, biznesmen, sahibkar qanunları, vergi məcəlləsini, gömrük qaydalarını, rüsumları əzbər bilə bilməz. Deməli, iş adamlarının çoxu sadə dildə desək, sənədləşmə üçün "broker" kantoruna müraciət edir ki, sənədləri qaydaya salsınlar. Yəni "broker" xidməti buna görədir, daha sadə dildə desək "broker" hüquq kantorudur. Coker yox aaa Əbülfəz bəy, "broker". Hərçənd ki, sən və sənin dostların cokerə, pokerə çox meyllidirlər. Bu mövzuda sonra söhbət açacağıq.
Azərbaycanda isə "broker" deyəndə əsl rüşvət və korrupsiya nəzərdə tutulur.
Əsas mövzuya keçməzdən öncə Azərbaycanın “broker kralı” sayılan Əbülfəzin keçmişinə qısa bir nəzər salaq.
Əbülfəz vaxtilə Nəsimi rayonu ərazisində yerləşən “Pioner” kinoteatrının yanında qastronom mağazasında işləyib. Bəli, həmin qastronomun müdiri əslən Gəncədən olan İsmayıl adlı şəxs olub. İsmayıl kişinin qastronomunda erməni millətindən olan Raisa Ovanesyan adlı bir qadın satıcı işləyirmiş. Raisa təcrübəli satıcı olduğu üçün o qastronomda İsmayılın sağ əli sayılırdı. Raisanın yanında isə köməkçi kimi öz ticarət fəaliyyətinə başlayan və əslən Şamaxıdan olan Əbülfəz adlı cavan bir oğlan var idi. Bu cavan şamaxılı balası Raisa Ovanesyan və onun gənc qızı Rena ilə dostluq edirdi. Bu dostluq sonra qohumluğa və böyük bir işbirliyinə çevrildi. Hətta Rena Ovanesyan dönüb Rena Məlikova oldu. Sonra guya Əbülfəz boşandı. Raisa Ovanesyan və Rena Məlikova hazırda Bakı şəhərində yaşayırlar. Hətta Rena Ovanesyan 2 oğul anasıdır. Və kağız üzərində guya Əbülfəz subaydır.
Sonralar Əbülfəz İranlı Əhədpurla tanış olaraq onun gətirdiyi siqaretləri vağzalda satmaqla məşğul olub. Yooox, Əbülfəz bəy deyəsən Manuçarı yaddan çıxarır. Manuçara burada söz verib, gedib Əhədpurun aksiz markasız siqaretlərini satanda öz etibarını itirmişdir. Hal-hazırda Əbülfəzin ölkəyə gətirdiyi aksiz markası olmayan siqaretləri araşdırmaq lazımdır. Bu da başqa bir yazının mövzusudur.
Bəziləri qeyri-rəsmi söhbətlərdə deyir ki, guya Əbülfəzin başı kompüterdir-filan.
Biz Gündəlik-Bakı olaraq tam məsuliyyətlə qeyd edirik ki, Əbülfəzin başı heç ...-da deyil. Və broker ideyasını, onun realizə olunmasını Manuçarla, İranlı Əhədpur qurub Əbülfəzə verib.
Beləliklə neçə illərdir ki, Azərbaycanda bir “Broker Əbülfəz” kabusu dolaşır.
Təsəvvür edirsiniz, bu adamın 3000 nəfərdən artıq broker ordusu var və bunlar maaşdan əlavə hər ay 2000-5000 manat arasında “paket” alırlar. İndi səbrli oğul lazımdır ki, bu 3 min nəfərin hər ay aldığı, pulları hesablasın və vursun 10 illərə. Ortaya yəqin ki, milyardlar çıxacaq.
Nə isə, son 10-15 ildə neçə-neçə “əjdahalar”ın başı getdi, amma Əbülfəz Məlikova söz deyən olmadı. Niyə..?
Yeri gəlmişkən, ermənilər Əbülfəzə “Bizim monopoliya naziri olan yeznəmiz” deyirlər.
Bəli, Əbülfəz Rusiyada və digər ölkələrdə fəaliyyət göstərən erməni şirkətlərinin keyfiyyətsiz məhsullarını Azərbaycana daşımaqla məşğuldur.
İndi isə Əbülfəzə məxsus “Trans Broker” MMC-nin mexanizminə nəzər salaq.
Deməli, Dövlət Gömrük Komitəsinin gəlib-gedən şefləri öz adlarının rüşvət və korrupsiyada hallanmaması üçün “Broker”i qabağa veriblər.
Təsəvvür edirsinizmi, Əbülfəzin neçə-neçə saxta şirkətləri var, hətta 3 minlik broker ordusunun adına açılan saxta şirkətləri gözünüzün önünə gətirin.
Azərbaycana hər hansı bir məhsul gətirmək istəyən iş adamı, biznesmen həmin məhsulu öz adına deyil, mütləq Əbülfəzin saxta şirkətlərinin adına gətirməlidir.
Təsəvvür edirsiniz, Əbülfəz invoys dəyəri 100 min dollar olan məhsulu 10 min dollar kimi sənədləşdirir.
İndi Azərbaycanın dövlət büdcəsinə vurulan ziyanın neçə milyon yox ee, neçə milyardlar olduğunu hesablayın.
Və bu gün Azərbaycandakı məhsulların real bazar qiymətindən dəfələrlə baha olmasının səbəbini heç harda axtarmayın. Bütün bunların baiskarı Əbülfəzdir. Belə yerdə deyiblər ki, Allah baiskarın evini yıxsın. Biz də deyirik ki, Allah Əbülfəzin imperiyasını dağıtsın.
Təsəvvür edirsiniz, DGK-nin vəzifəli şəxslərindən biri deyir ki, “Trans Broker” olan yerdə biz gömrük işçiləri heç kimik…
Cənab Prezident İlham Əliyev neçə ildir tələb edir ki, inhisarçılğa son qoyun. Amma ermənilərin “monopoliya naziri olan yeznələri” Əbülfəz dövlət başçısının tələblərini də nəzərə almır.
Vaxtilə Gündəlik-Bakı olaraq yazmışdıq ki, Gürcüstandan Azərbaycana gətirilən hər qoyuna (40 dollar), hər danaya ( 100 dollar ) görə, Əbülfəzin kantoru pul alırdı.
Yaxud Ukraynadan ölkəmizə gətirilən hər baş heyvana görə, Əbülfəzə konkret məbləğdə pul verilirdi.
Əbülfəzin şəxsi biznesinin sərhədləri Avropaya, ərəb ölkələrinə qədər gedir.
Bir müddət əvvəl Əbülfəzə məxsus restoranlar şəbəkəsi də aşkarlanıb.
KİV-də gedən xəbərlərdən bəlli olur ki, “PAPA JOHN’S” restoranlar şəbəkəsinin Azərbaycandakı lisenziyası Əbülfəzin oğlu Murada məxsusdur.
Bəli, bu cavan oğlan “PAPA JOHN’S" brendi altında 8 restoran açıb.
Ümumiyyətlə, Əbülfəzin bir müddət əvvəl Mərdəkan qəsəbəsində bütün bahalı torpaqları alması barədə mediada məlumat yayıldı.
Məlikovun həmin ərazidə qiyməti baha olan dəbdəbəli villalar və ticarət obyektləri inşa edib satdığı bildirilir.
Ümumiyyətlə, Əbülfəzin korrupsiya mexanizmi heç bir ölçüyə-əndazəyə sığmır.
Ötən yazımızda qeyd etdiyimiz kimi Əbülfəzin Azərbaycan dövlətinə vurduğu ziyan, Hitler Almaniyasının SSRİ-yə vurduğu ziyandan dəfələrlə çoxdur.
Bir məsələni xüsusi olaraq qeyd etmək istəyirik.
Yuxarıda qeyd etdik ki, Əbülfəzin yaratdığı yüzlərlə saxta şirkətlərin bu gün vergiyə olan borcu təxminən milyardla ölçülür. Bunu dövlət orqanları görmür..? Bunu müəyyən etmək nə çətin məsələdir..?
Bəs niyə etmirsiniz, cənablar..?
Bəs, Əbülfəzin hər ay Bakıya gətirdiyi erməni gözəlçələrini də görmürsünüz..?
Əbülfəzin Azərbaycan dövlətindən oğurladığı milyardları, çirkli pulları ABŞ-da kim “yuyub-təmizləyir”..?
Əbülfəzin müxalifətdəki dostları kimlərdir, onu bəzi radikal müxalifətə bağlayan nədir..?
Əbülfəzin köməkçisi Anar Allahverdiyevin iki, üç, dörd təkərli motosiklet kolleksiyasının və dörd dənə sıfırlı (0000) nömrələri Bentley markalı maşınları, Qaqarin körpüsünün yanındakı hündürmərtəbəli binaları və Şamanlarla münasibəti haqqında yazı dərc edəcəyik. Bizi izləyin.
Bu barədə araşdırmalarımız davam edir. (gundelik-baku.com)

JURNALİST ZAUR MİRZƏZADƏNİN İŞİNDƏ QƏRƏZ: ŞİKAYƏTƏ BAXILMIR
Məlum olduğu kimi, Bakı Apellyasiya Məhkəməsinin hakimi Faiq Qasımovun 17 may 2022-ci il tarixli hökmü ilə jurnalist Zaur Mirzəzadə təhrif olunmuş sübutla həbs olunub. Ailəsinin verdiyi məlumata görə artıq bununla bağlı 3 saylı vəkil bürosunun üzvü, Zaur Mirzəzadənin vəkili Kamran Musayevin Ali Məhkəməyə kassasiya şikayəti Apellyasiya məhkəməsi tərəfindən təqdim olunub. Lakin bu günə qədər hakim Faiq Qasımov tərəfindən laqeyd yanaşma davam edir və bu da bir daha sübut edir ki, heç bir hüquqi fakt olmadan hökm çıxarmış hakim kimlərinsə sifarişini icra etməkdədir.
Qeyd edək ki, Bakı Ağır Cinayətlər Məhkəməsinin qərarı ilə Zaur Mirzəzadənin təqsirsizliyi sübut olunaraq ona bəraət verilmişdir.

Xalq.az

İllərdir ki, "hər şey yaxşı olacaq" deyə -deyə, özümüz özümüzü aldada -aldada ömür yolu gəlirik. Amma, nə yazıq ki, böyüklərimizdən eşitdiyimiz və özümüzün də inandığımız bu yalan, heç bir sahədə təsadüfən də olsa, özünü doğrultmur.

Elə bizi vətəndaş olaraq da hər sahədə "inkişaf" vədi ilə aldadırlar illərdir. inkişafı isə yalnız korrupsiya və özbaşınalıqlarda görürük. Bu problemlər sürətlə "pik hədd"ə doğru "şütüyür".

Baxın!

Siyəzən rayonununda, müqəddəs ziyarətgaha gedən yolda lentə alınan bu antisanitar görüntüləri gördükdə, insan müqəddəs sayılan ziyarətgahdan belə soyuyur.

Özü də magistral yolun kənarında olan bu xəstəlik, infeksiya mənbəyi insanlara ödənişli "xidmət" göstərir. Yəni, pulumuzu verib, xəstəlik alıb, yolumuza davam edirik.

Məhz bu cür problemlər üçün yaradılmış qurum və ərazi üzrə icra nümayəndəliyi, sahə müvəkkili, ərazi üzrə bələdiyyə idarəsi hara baxır görəsən?

Müxtəlif cür xəstəliklərin tüğyan etdiyi bir dövrdə, hər gün bir infeksiyanın yarandığı və əhali arasında sürətlə yayılıb, sağlamlığımıza da, iqtisadiyyatımıza da ciddi ziyanlar vurduğu zamanda bu kimi görüntülərin hələ də var olması, aidiyyatı idarələrin məsuliyyətsizliyi, özbaşınalıqları və insanları saymazlıqlarıdır.

Yeri gəlmişkən, gördüyünüz iyrənc göründülərin çox yaxınlığında yol kənarında qida məhsulları da satılır ki, bu da küçə ticarətini qadağan edən qanunlara və gigiyenik qaydalara zidd olan ən önəmli haldır.

Görəsən, yeni yaradılan AQTA və digər aidiyyatı qurumlar hansı "razılaşma"lara əsasən gördüklərini görməzdən gəlir və bu problemlərin həlli üçün lazımi tədbirlər görmürlər?

Redaksiyamız hər kəsin söz haqqını tanıyır.

Xeberfakt.az

Xəbər verdiyimiz kimi, Sabirabad rayonu Kürkəndi kənd sakini İkinci Qarabağ Müharibəsi qazisi 22 yaşlı İsmayılov Abış mühafizəçi işlədiyi Sabirabad Rayon Mərkəzi Xəstəxanasında qarşılaşdığı özbaşınalıq şikayətçidir. Abış İsmayılov bir müddət əvvəl xəstəxanaya mühafizəçi vəzifəsinə işə qəbul edilib.

Qazinin sözlərinə görə, maliyyə işləri üzrə direktor müavini Bayram Mikayılovun onunla qərəzliliyinin kökündə də xəstəxanaya işə düzələrkən rüşvət verməməsi durur.

DİA.AZ yeniavaz.com-a istinadla xəbər verir ki, Bayram Mikayılov bundan əvvəl də bəzi dövlət strukturlarında yüksək vəzifələrdə çalışıb.

Bayram Mikayılovun Sabirabad Rayon Mərkəzi Xəstəxanasınadək olan fəaliyyəti ilə bağlı araşdırma aparılarkəm məlum olub ki, o, 2017-ci ildə Dövlət Sosial Müdafiə Fondunun (DSMF) Saatlı rayon şöbəsinin müdiri işləyərkən rayon sakini, ahıl yaşlarında olan Elşən Allahyarovu öz iş otağında aşağılayıcı sözlərlə təhqir etdiyinə görə işdən çıxarılıb. Həmin dövrdə hadisənin videogörüntüsü sosial şəbəkələrdə də geniş yayılıb.
Elə həmin il Bakının Xətai rayonu ərazisində həyat yoldaşı Gülnarə Cəbrayılovanı bıçaqladığına görə Xətai rayon Polis İdarəsində barəsində Cinayət Məcəlləsinin 221.3-cü maddəsiylə cinayət işi başlanıb. 2019-cu ildə isə o, DSMF-nin Sabirabad rayon şöbəsinə rəis təyin edilib. Ancaq vətəndaşların pensiyasıyla bağlı külli miqdarda pul mənimsəmədə iittiham olunaraq işdən çıxarılıb. Həmin vaxt Əmək və Əhalinin Sosial Müdafiəsi Nazirliyi onun vəzifəsini icra edərkən kobud nöqsanlara yol verdiyi üçün işdən çıxarıldığını bildirib.
Hətta onun əməlinə hüquqi qiymət verilməsi üçün barəsində toplanmış materiallar Baş Prokuror Yanında Korrupsiyaya Qarşı Mübarizə Baş İdarəsinə göndərilib, qısamüddətli həbsdə olub.
3 aya yaxındır ki, TƏBİB onu Sabirabad Rayon Mərkəzi Xəstəxanasına direktorun maliyyə işləri üzrə müavini vəzifəsinə təyin edib.
Məsələ ilə bağlı TƏBİB-ə müraciət etdik. Qurumdan sorğumuza cavab veriləcəyi bildirildi.

Əxlaq dedikdə insanın bütün xüsusiyyətləri və adət etdiyi vərdişlər nəzərdə tutulur. İnsan bu xüsusiyyət və vərdişlərin təsiri ilə yaxşı və ya pis davranışlar sərgiləyə bilər. Bir anlayış olaraq əxlaq və ya davranışın həm müsbət, həm də mənfi tərəfləri var. Əxlaqsızlığın birinci növbəli növü insan alveridir. Dünyanın bir çox ölkələrində insan alveri ilə bağlı problemlər var. Burada əsas rol oynayan hissə isə qadın alveridir.

Belə ki, işbazlar qadınlar üzərindən milyonlarla pul qazanırlar. Qadın alveri dünya ilə yanaşı Azərbaycanda da aktual problemlərdən biridir. Təəssüflər olsun ki, buna qarşı nə qədər maarifləndirici və inzibati tədbirlər görülsə də ardı-arası kəsilmir.

Ölkəmizdə 2000-ci ilin dekabrın 12-də imzalanmış və 2003-cü il mayın 13-də Azərbaycan Respublikasının qanunu ilə təsdiq edilmiş BMT-nin “Transmilli mütəşəkkil cinayətkarlığa qarşı” Konvensiyasının və onu tamamlayan “İnsan alverinin, xüsusən qadın və uşaq alverinin qarşısının alınması, aradan qaldırılması və cəzalandırılması” haqqında protokolun, habelə 20 sentyabr 2002-ci ildə qəbul edilən “İnsan alverinin qarşısının alınması və ona qarşı mübarizə haqqında” Brüssel Bəyannaməsinin müddəaları nəzərə alınaraq “Azərbaycan Respublikasında İnsan Alverinə Qarşı Mübarizə üzrə Milli Fəaliyyət Planı” təsdiq edilib. Bu plan əsasında indiyə qədər ölkə ərazisində fəaliyyətdə olan yüzlərlə əxlaqsızlıq yuvasının işinə xitam verilib və fahişəliyi təbliğ edən şəxslər cəzalandırılıb.

Lakin qadın alverinin sayı günü-gündən artmaqda davam edir. Məmurların qoruduğu sauna, kafe, masaj salonları, otel və istirahət mərkəzləri adı altında fəaliyyət göstərən yerlərin sayı bu gün də kifayət qədərdir. Onlar bu işi çox peşəkarlıqla edirlər. Bu obyektlərin mövcudluğu təhlükə mənbəyidir. Bu yerlər gələcək üçün əmanət edilən milli-mənəvi dəyərlərimizi uçuruma aparır. Azərbaycan Respublikası Cinayət Məcəlləsinə əsasən fahişəliklə məşğul olmaq üçün əxlaqsız yuvalar təşkil etmə, saxlama və ya bu məqsədlər üçün mənzil sahələri vermə— iki min beş yüz manatdan üç min beş yüz manatadək miqdarda cərimə və ya dörd yüz saatdan dörd yüz səksən saatadək ictimai işlər və ya iki ilədək müddətə islah işləri və ya üç ilədək müddətə azadlıqdan məhrum etmə ilə cəzalandırılır.

Lakin qeyd etdiyiniz kimi, təəsüflər olsun ki, hələ də əxlaqsızlıq yuvaları gizli də olsa fəaliyyət göstərir. Onlardan bəziləri “masaj salonları”, “sağlamlıq mərkəzi” və sair adlar altında kamuflaj olunurlar. Bəli belə bir ünvan da Goranboy rayon ərazisində fəaliyyət göstərir. Məlumat üçün bildirək ki, 23/07/2022-ci il tarixdə Goranboy rayon ərazisində ki, “Elcan İstirahət mərkəzi Səringöl” adı altında pərdələnərək müştərilərə masaj və intim xidmət təklif edilən ünvanda olduq. Müştəri qismində aparılan söhbət zamanı həmin obyektdə günəmuzd əmək fəaliyyəti ilə məşğul olan beş “xanım” 20 manata masaj edirik və istəsən görüşürük deməsi həmin obyektin mahiyyət etibarilə əxlaqsızlıq ünvanı olduğunu sübut edir. Bu obyektin “qaranlıq fəaliyyəti” ilə bağlı daxil olan digər məlumatlarda o da qeyd olunur ki, Aynur adlı qadına məxsus obyektdə gündəlik əmək intizamının tələbləri də pozulur. Yəni, burada çalışan işçilərlə rəhbərlik arasında heç bir əmək müqaviləsi sənədi bağlanmır, bu da birbaşa əmək intizamının tələblərinin kobud şəkildə pozulması deməkdir. Bundan başqa “Səringöl” istirahət mərkəzinin fəaliyyətini Təsəvvür etmək o qədərdə çətin deyil. Təsəvvür edin ki, Masaj otağında yarı çılpaq qadın bəyi masaj edir təsəvvür etdiniz? Sanki odla pambığı bir yerə qoymusan, özüdə nə az nə şox düz beş “xanımın” çalışdığı masaj salonunda vay babam vay alan kim satan kim. Bəli Aynur xanıma məxsus bu obyekdə milli mənəvi əxlaqımız taptaq altına atılır, gənclərimizin həyatı isə məhvə sürüklənir. Bəs görəsən cavabdeh qurumlar bu vəziyyətə niyə göz yumurlar? Mənfi reputasiyalı bu obyektdə baş alıb gedən biabırçılığa, nədənsə rayon polis şöbəsidə, biganə yanaşır. Heç şübhəsiz ki, bu əxlaqsızlıq yuvasının maneəsiz fəaliyyət göstərməsi
Gənclərin əxlaqına mənfi sirayət etməklə yanaşı ailələrin dağılmasına da, səbə olur. Ümid edirik ki, təqdim etdiyimiz bu faktlardan dərhal sonra rayon polis şöbəsi sözü gedən obyektin qanunsuz fəaliyyətinə son qoyacaq.

Qarşı: tərəfin də mövqeyini işıqlandırmağa hazırıq.
Mövzunu diqqətdə saxlayacayıq.

TuranTv.Az