Xaçmaz rayonunda 12 yaşlı məktəblinin boğazına yelləncəyin ipi dolaşaraq uşağı boğub.

Zamantv.az məlumatına görə, hadisə rayonun Niyazoba kəndində qeydə alınıb.

Belə ki, Niyazoba kənd sakini, 2010-cu il təvəllüdlü Fərid Emin oğlu Cəbrayılov yaşadığı ərazidə yelləncəkdə oynayarkən ehtiyatsızlıqdan yelləncəyin ipi onun boğazına dolaşıb. Uşaq hadisə yerində ölüb.

Onun meyiti müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.

Faktla bağlı araşdırma aparılır.

Xaçmaz rayonunda 12 yaşlı məktəblinin boğazına yelləncəyin ipi dolaşaraq uşağı boğub.

Zamantv.az məlumatına görə, hadisə rayonun Niyazoba kəndində qeydə alınıb.

Belə ki, Niyazoba kənd sakini, 2010-cu il təvəllüdlü Fərid Emin oğlu Cəbrayılov yaşadığı ərazidə yelləncəkdə oynayarkən ehtiyatsızlıqdan yelləncəyin ipi onun boğazına dolaşıb. Uşaq hadisə yerində ölüb.

Onun meyiti müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.

Faktla bağlı araşdırma aparılır.

Dünya üzrə səpələnmiş erməni diasporu hər zaman Ermənistanın özündə yaşayan ermənilərdən qat-qat aqressiv, barışmaz mövqedən çıxış edir.

Bu fikri rusiyalı politoloq, Müasir Dövlət İnkişafı İnstitutunun direktoru Dmitri Solonnikov Oxu.Az-ın sualını cavablandırarkən səsləndirib.

“Bu ölkədə yaşayan Ermənistan vətəndaşları üçün sülh onların gələcəyinin vacib hissəsidir. Onlar ölkənin gələcək inkişaf perspektivlərini sərhədlərin açılması, Azərbaycanla sülh sazişinin imzalanması, yeni logistik dəhlizlərin yaranması, qonşu dövlətlərlə açıq ticarət əlaqələrinin qurulması məsələləri ilə bağlayırlar. Bu, onların maraqlı olduqları parlaq gələcək perspektividir. ABŞ-da yaşayan erməni diasporunun nümayəndələri isə bundan heç nə əldə etməyəcəkləri ilə yanaşı hətta müəyyən maraqlar üzrə göstərdikləri lobbiçilik fəaliyyətindən qazandıqları pullarını da itirə bilərlər. Bu səbəbdən də Ermənistanda sülhün bərqərar olması onlar üçün heç bir əhəmiyyət kəsb etmir. Şovinist əhval-ruhiyyə onlar üçün daha maraqlıdır ki, bu yöndə onların müəyyən auditoriyası və paylaşdıqları bu qəbildən informasiyalara oxucu tələbatı var. Yenə də təkrar edirəm, dünyanın müxtəlif ölkələrində, o cümlədən Fransa və ABŞ-da məskunlaşan ermənilər Ermənistanda yaşayan ermənilərdən daha çox aqressivdirlər”, – deyə o qeyd edib.

Ancaq politoloq bunun sözdə aqressiya olduğunu və onların müharibə etmək niyyətində olmadıqlarını vurğulayıb.

“Eyni zamanda onlar Ermənistana qayıtmağı və burada yeni həyat qurmağı da düşünmürlər. Onların bütün işləri qaydasındadır, rahat yaşayırlar və Ermənistanda yaşayan soydaşlarının gələcək rifahını qurban verməyə hazırdırlar”, – deyə Solonnikov əlavə edib.

Nair Əliyev

Bakıda “Kalaşnikov” markalı avtomat və 30 ədəd patron satmaq istəyən şəxs saxlanılıb.

Sabunçu rayonu Ramana qəsəbəsində qanunsuz olaraq odlu silah-sursat saxlayan şəxs saxlanılıb.

Bu barədə Daxili İşlər Nazirliyi (DİN) məlumat yayıb.

Bildirilib ki, Bakı Şəhər Polis İdarəsinə əvvəllər dəfələrlə məhkum olunmuş Aqil Abbasovda silah olması barədə əməliyyat məlumatı daxil olub.

İdarənin Cinayət Axtarışı İdarəsi və 12-ci Polis Şöbəsinin əməkdaşları tərəfindən həmin şəxs qısa zamanda saxlanılıb və onun əlindəki idman çantasına baxış zamanı bir ədəd “Kalaşnikov” markalı avtomat, 30 ədəd patron və daraq aşkar edilərək götürülüb.

Aqil Abbasov odlu silah-sursatı bir müddət əvvəl tapdığını, polisə təhvil verməyərək satmaq məqsədi ilə gizlətdiyini bildirib.

Faktla bağlı toplanan materiallar Sabunçu Rayon Polis İdarəsinin İstintaq Şöbəsinə göndərilib araşdırmalar davam etdirilir.

Göyçayın keçmiş icra başçısı Mehdi Səlimzadənin vəzifədən kənarlaşdırılmasının yeni nüansları meydana çıxıb. Sabiq İH rəhbəri işlədiyi dövrdə ən çox şikayət edilən və ittihamla üzləşən məmurlardan olsa da, onun azad olunmasının səbəbləri tamamilə fərqlidir. M. Səlimzadə özü belə ağlına gətirməzdi ki, onun postundan uzaqlaşdırılmasına səbəb Gənclər və İdman naziri Fərid Qayıbov səbəbkar olacaq. Belə ki, gənc nazir Göyçaya səfər edərkən heyrətamiz faktın şahidi olub.

"Zamantv.az[b][/b]"ın TİA. Az-a istinadən məlumatına görə F. Qayıbov rayonun Gənclər Mərkəzinə baş çəkərkən gözlərinə inanmayıb. Nazir binadakı texniki avadanlıqların, kompüterlərin və masaların qəhətə çıxdığını görüb. Məlumata görə, məsələdən qəzəblənən F. Qayıbov bu haqda Gənclər və İdman İdarəsi rəisindən izahat tələb edib. Nazir deyib ki, həqiqəti deməsə, onunla bağlı hüquq-mühafizə orqanlarına dosye təqdim edəcək. Göyçayın gənclər və idman idarəsinin rəisi etiraf edib ki, bütün kompüter və stolları icra başçısı Mehdi Səlimzadə satıb.

F. Qayıbov bunu eşitdikdə gözləri hədəqəsinə çıxıb və bir məmurun bu dərəcədə acgöz olmasını təsəvvür etməyib. Məlum olub ki, dövlətin vəsaiti hesabına alınan maddi-texniki baza satılıb, pulu mənimsənilib və ağılasığmaz cinayətə yol verilib. Bildirilir ki, bu məlumatı özündə saxlayan nazir, Bakıya qayıtdıqdan sonra ölkə rəhbərliyinə məsələni məruzə edib. Elə bununla da icra başçısının qələmi qırılıb və vəzifəsindən azad edilib. Dövlət rəhbərliyi M. Səlimzadənin bu əməlini bağışlamayıb və dərhal işindən qovub.

Bu gün səhər saatlarında İsmayıllı-Lahıc avtomobil yolunun 17-18-ci km-lik hissəsində yolun hərəkət hissəsinə qaya parçaları tökülüb.

"Zamantv.az" xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Məlumata görə, dərhal əraziyə Dövlət Agentliyinin xüsusi təyinatlı texnikaları və canlı qüvvəsi cəlb edilib.

Yolun hərəkət hissəsinə tökülmüş qaya parçalarının kənarlaşdırılması istiqamətində aparılan işlər yaxın dəqiqələrdə başa çatdırılaraq yol boyu hərəkət bərpa olunacaq.

Azərbaycan ərzaqlıq buğda ilə özünü 25 faiz təmin edir.

Ümumi taxıl istehsalı isə ölkə tələbatının 60 faizini təşkil edir.

Azərbaycan Prezidenti İlham Əliyev aprelin 12-də bu ilin birinci rübünün yekunlarına həsr olunmuş müşavirədə belə deyib.

O, ölkədə ərzaqlıq buğdanın istehsalının artırılmasının vacib olduğunu bildirib:

“Biz özümüzü ərzaqlıq buğda ilə 70-75 faiz təmin etməyə nail olmalıyıq. Azərbaycanda bu potensial, imkan var. Həm azad edilmiş torpaqlarda, həm də ölkənin digər ərazilərində”.

Prezident onu da qeyd edib ki, həm bu il, həm də gələn illərdə dövlət investisiya xərcləri artırılmalıdır. Bu sahənin inkişafı üçün sahibkarlara güzəştli kreditlər verilməlidir:

“Çünki buğda əsas ərzaq məhsuludur. Həm coğrafi yerimiz, iqlimimiz, həm də bəzi yerlərdə torpağın keyfiyyəti və şərait imkan vermir ki, biz özümüzü buğda ilə yüz faiz təmin edə bilək. Lakin yenə də çalışmalıyıq”.

İlham Əliyev azad edilmiş ərazilərdəki əkin işlərindən də danışıb.

Deyib ki, hazırda o ərazilərdə ikinci dəfə əkin işi aparılır. Bu il 50 min hektarda yaxın ərazidə əkin aparılacaq: “Bu, çox yaxşı nəticədir. Həm azad edilmiş torpaqlarda, həm də bütün başqa yerlərdə məhsuldarlığı artıra biləcək tədbirlərə əlavə vəsait ayrılmalıdır. İlk növbədə, suvarma, suvarma sistemləri, gübrələr və digər məsələlər öz həllini tapmalıdır”.

“Uzun illərdir deyilir ki, Azərbaycan ərzaq buğdasına olan tələbatının 70 faizdən çoxunu idxal edir. İlham Əliyev və onun Kənd Təsərrüfatı Nazirliyinə gətirdiyi qeyri-peşəkarlar isə əksini deyirdilər”, – kənd təsərrüfatı üzrə ekspert Vahid Məhərrəmli belə deyir.

O bildirib ki, artıq ölkə başçısı da bunu etiraf edir:

“İndi İlham Əliyev etiraf etməli oldu ki, ərzaq buğdası ilə özümüzü cəmi 25 faiz təmin edə bilirik”.

Ekspert deyir ki, ölkənin 70-75 faizi buğda idxaldan asılı vəziyyətə salınıb:

“Şəkərə, bitki yağına, çaya olan tələbatın isə 90 faizdən çoxu idxaldan asılıdır. Ət, süd məhsullarına olan tələbatımızda da idxaldan asılılıq artmaqda davam edir. Bu gedişlə ölkə əhalisini çox çətin günlər gözləyir”.

Dövlət Statistika Komitəsinin (DSK) məlumatına görə, ötən il Azərbaycanda toplamda 1 milyon 885 min ton buğda yetişdirilib.

Ölkəyə gətirilən buğdanın həcmi isə 1 milyon 148 min ton olub.

Azərbaycnada sayt rəhbəri saxlanılıb. Zamantv.az xəbər verir ki, bu barədə Daxili İşlər Nazirliyinin Mətbuat xidmətinin Lənkəran regional qrupunun baş inspektoru polis baş leytenantı Məhəmməd Rzayev məlumat verib.

Bildirilib ki, "cenub.az" xəbər portalının rəhbəri Zaur Əmənov hədə-qorxu ilə pul tələb etməkdə şübhəli bilindiyi üçün tutulub.

Faktla bağlı Masallı Rayon Polis Şöbəsində Cinayət Məsəlləsinin 182.1-ci maddəsilə cinayət işi başlanılıb.

İstintaq hərəkətləri davam etdirilir.

Ermənistanla Azərbaycan arasında sülhə dair danışıqlar yeni mərhələyə qədəm qoyub. Vəziyyət belədir ki, Brüssel görüşündən sonra artıq tərəflər vasitəçilərsiz telefon müzakirələri belə aparırlar. Zamantv.az JAMAZ.İNFO-ya istinadla bildirir ki, Rusiya Brüssel görüşündən acıqlı olsa da, indiki şəraitdə məsələyə aktiv müdaxilə edə bilmir. Xarici işlər naziri Lavrovun verdiyi açıqlamalar da onu göstərir ki, Kreml sadəcə, danışır, amma əməli iş görmək üçün nə həvəsi var, nə də imkanı.

Elə Ermənistanın baş naziri Nikol Paşinyanın da ötən gün hökumətin hesabat yığıncağında səsləndirdiyi fikirlər onu göstərir ki, artıq İrəvan Qarabağ məsələsindən əlini üzüb. Məsələn, Paşinyan deyir ki, beynəlxalq ictimaiyyət onlardan Azərbaycanın ərazi bütövlüyünü tanımaqlarını tələb edir. Onun sözlərinə görə, həmin qüvvələr Qarabağla bağlı İrəvanın tələblərini ən minimuma endirməlidirlər. Əks təqdirdə, ona heç bir köməklik göstərilməyəcək.

Ermənistandakı müxalifət isə Qarabağ məsələsini gündəmdə saxlamaq, bir qədər də Rusiyanın oyununu oynamaq üçün müxtəlif kampaniyalar təşkil edir, Xankəndinə səfər etməyə cəhd göstərir. Lakin bu cəhdlərinin heç biri danışıqların nə mövzusunu, nə də yönünü dəyişdirmək gücündə deyil.

Ermənistanda fəaliyyət göstərən “Demokratik Alternativ” Partiyasının sədri Suren Suenyans isə o fikridədir ki, ölkəsi Qarabağ məsələsindən hər hansı uduş əldə edə bilməyəcək. JAMAZ.İNFO xəbər verir ki, o, mətbuata açıqlamasında Ermənistanın iki yolunun qaldığını bildirib.

Surenyans qeyd edir ki, 44 günlük Vətən Müharibəsindən sonra Qarabağın “müstəqilliyi”nin tanınması mümkün deyil. O, bu imkanın müharibə vaxtı əldən verildiyini vurğulayıb. “Artıq gündəmdə Qarabağın müstəqilliyini tanımaq məsələsi yoxdur. Bu imkan müharibə vaxtı əldən verildi. Bundan sonra həmin məsələni gündəmə gətirmək və reallaşdırmaq üçün Ermənistanın nə resursu, nə beynəlxalq müttəfiqləri, nə döyüşə hazır ordusu, nə də növbəti güzəştlər və kompromislər üçün əraziləri yoxdur. Ermənistan bütün kozırlarını itirib və çox zəif mövqedən danışıqlara başlayır”.

Erməni partiya sədir hazırkı durumda iki seenarinin mümkün ola biləcəyini ehtimal edir. Lakin özü də etiraf edir ki, əgər bu iki variantdan biri alınarsa, bu Ermənistan üçün böyük uduş sayılmalıdır. “Birincisi, Ermənistan və Azərbaycan xalqları arasında etimad mühiti yaranana qədər Qarabağın statusu məsələsini təxirə salmağa cəhd etmək olar. Bu da çoxşaxəli sülh prosesini nəzərdə tutur. İkinci variant isə Ermənistan əhalisi üçün beynəlxalq təhlükəsizlik təminatları ilə Qarabağa Azərbaycanın tərkibində yüksək dərəcəli muxtariyyət əldə etməkdir”.

Qeyd edək ki, Azərbaycanın Qarabağda yaşayan ermənilərə yüksək muxtariyyət verməsi artıq mümkün deyil. Bunu rəsmi Bakı dəfələrlə bəyan edib. Müharibəyə qədər belə bir vəd olsa da, müharibdən sonra birmənalı olaraq heç bir statusdan söhbət gedilmədiyi vurğulanıb. Surenyansın səsləndirdiyi birinci varianta gəlincə isə bu da zaman içində həlli mümkün olan məsələdir. Lakin Azərbaycan həmin prosesin reallaşmasına qədər Qqarabağ məsələsini dondurmaq fikrindən də çox uzaqdır. Bunu rəsmi Bakının son zamanlar atdığı addımlar da təsdiq edir. Məsələn, Fərrux dağının erməni quldurlarından təmizlənməsi, Ağdərə istiqamətində müəyyən addımların atılması bunun əyani sübutlarından biridir. Üstəlik, Azərbaycan Prezidenti İlham Əliyev ötən gün hökumətin iclasında açıq bəyan etdi ki, Xankəndidə Bayrağımız dalğalanacaq və bunun alternativi də yoxdur.

Ermənistanın danışıqlara resurssuz və əliboş gəlməsi isə indiki məqamda bizim xeyrimizədir. Bu müddət ərazində Azərbaycanın siyasi gedişləri fonunda beynəlxalq ictimaiyyət də artıq Bakının addımları ilə razılaşmaq məcburiyyətində qalıb. Bu isə yaxın zamanda Qarabağ mövzusunun tarixə qovuşa biləcəyini deməyə əminlik yaradır.

Rusiya prezidenti Vladimir Putinin əmri ilə Ukraynada müharibə başlayandan ABŞ və Avropanın hədəfindədir. Qərb mətbuatında yer alan iddialara görə, hazırda Putini 20 min nəfərlik kəşfiyyat qrupu qoruyur. Özlərini “muşketyor” kimi qələmə verən mühafizəçilər 35 yaşında bu xidmətdən gedirlər.

Zamantv.az xarici mediaya istinadla bildirir ki, 69 yaşlı keçmiş “KQB” zabiti Sovet İttifaqı dağılandan sonra bir müddət taksi sürücüsü işləyib. Amma sonra siyasi karyerası ilə həmişə zirvədə idi. O, 2000-ci ildən ölkəsini idarə edir.

Onun şəxsi həyatı, keçmişi və ailəsi haqqında çox az şey məlumdur. İndi dünya Putinin necə qorunduğu ilə maraqlanır. Fevralın 24-də Ukraynaya hücum əmrini verəndə o, ABŞ və Avropanın əsas hədəfinə çevrildi.

Yeməkləri yoxlanılır

BBC, “New York Post”, “Business Insider” və “Telegraph” kimi media orqanlarında bu mövzuda xəbərlər dərc edilib. Rusiya lideri Putinin hazırda necə qorunduğuna dair məlum detallar bunlardır. BBC-nin məlumatına görə, həyatınızda planlaşdırılmamış heç nə baş vermir.

Ən etibarlı aşpazlar yeməklərini hazırlayırlar. Yediyi və içdiyi hər şeyə nəzarət olunur. ABŞ mətbuatının yazdığına görə, Putinin dequstatorları da var. Əvvəlcə yeməyin dadına baxırlar.

Mühafizəsi 4 halqadan ibarətdir

“Teleqraf” qəzetində “Zəhərlənmə ehtimalına qarşı həkimlərin hər zaman yemək və içdiklərini daim sınaqdan keçirdikləri” bildirilib.

Mühafizəsi 4 halqadan ibarətdir. Birinci halqaya ən yaxın şəxsi mühafizəçilər daxildir. İkinci halqadakılar "mülkilərdir". Yəni bir tədbir zamanı camaata qarışanlardır.
Üçüncü halqada olanlar onu əhatə edir və hər kəsin yaxınlaşmasına mane olurlar.

Son halqadakılar snayperlər və ya hava hücumundan müdafiə sistemlərini idarə edən komandadır.

Toxunmaq qadağandır

İddialara görə, smartfonlar Kremlə buraxılmır. Bundan əvvəl Putin də smartfondan istifadə etmədiyini bildirmişdi.

“New York Post” qəzeti Rusiya lideri ilə çiyin-çiyinə gələnlər üçün görülən tədbirlərə diqqət çəkib. Buna görə Putinə toxunmaq qadağandır. Sübut kimi 2018-ci ilə aid video nümayiş etdirilib. Məşhur boksçu Konor Makqreqor xatirə şəkli çəkdirərkən əlini Putinin çiyninə qoyub. Lakin birinci halqada olan mühafizəçilər dərhal boksçuya əlini aşağı salması barədə xəbərdarlıq edirlər.

Mühafizəçilər eyni kökdəndir

CNN-in iddiasına görə, 24 saat ətrafını tərk etməyən Putinin mühafizəçiləri Rusiya Federal Təhlükəsizlik Xidmətinə bağlıdır. Bundan əlavə, Rusiya Silahlı Qüvvələrindən müstəqil olan “Rosqvardiya” komandası da dəstək verir.

Keçən illərdə “Economist” jurnalında Putinin mühafizəçiləri ilə bağlı məqalə dərc olunmuşdu. Həmin yazıya görə bu mühafizəçilər özlərini “Muşketyorlar” adlandırırlar. Onun kökləri 1880-ci illərə gedib çıxır. Rus çarı III Aleksandrdan bəri cangüdənlər bir kökdəndir.

20 min nəfər iddiası

“Business Insider” jurnalındakı saytındakı təfərrüatlarda Rusiyadakı kəşfiyyat bölmələrinin ekspertlərinin fikirləri yer alıb. Qeyd edilir ki, hesablamalara görə, Federal Təhlükəsizlik Xidmətindən 20 min nəfərin Vladimir Putinin mühafizəsində iştirak etdiyi düşünülür.
ABŞ mətbuatı yazır ki, Putinin şəxsi mühafizəçiləri 35 yaşında dəyişir. Amma adətən ən yaxın cangüdənlər dövlət daxilində sürətlə yüksəlir. Müdafiə naziri ilə bağlı misal da var.

Rusiya mətbuatında yer alan təfərrüatlarda Putinin cangüdəni olmaq üçün “soyuqda üşüməyən, istidə tərləməyən bədənə” sahib olmaq lazım olduğu iddia edilir.

Dublyor istifadə edilirmi?

Dövlət başçılarının müdafiəsi dedikdə ağlımıza həmişə “dublyorlar” gəlir. Hətta filmlərin mövzusu olan hekayələr kimi. Putinin də zaman-zaman dublyorlardan istifadə etdiyi düşünülür.
Bu dublyorlar riskli ərazilərə gedərkən liderin yerini tuturlar. Bu, mümkün sui-qəsd cəhdinə qarşı ehtiyat tədbiridir. Məsələn, Putinin 2000-ci illərin əvvəllərində Çeçenistana səfəri zamanı dublyorlardan istifadə etdiyi iddia edilirdi.

"Özünü tamamilə təcrid etdi” iddiası

Bu elə bir məsələdir ki, hətta 2020-ci ildə Putinin özünüdən də soruşulub. O, bildirirdi ki, ona dəfələrlə mühafizə bölmələri tərəfindən təklif edilib, lakin o, bundan imtina edib.

Qərb mətbuatında Rusiya liderinin son vaxtlar təcrid vəziyyətində yaşadığı iddia edilir. Onun pandemiyaya görə artıq özünü müdafiə altına aldığı məlum idi. İddia olunur ki, Putin Ukraynaya qarşı müharibə başlayandan bəri özünü tamamilə təcrid edib.

Makronun masası

Nəhayət, Fransa prezidenti Emmanuel Makronun başına bir şey gəldi. Bu, Rusiyada baş verib. Yadınızdadırsa, fevralın əvvəlində Putinlə Moskvaya görüşə gedəndə nəhəng masa gündəmdə idi.