Azərbaycanda vergi orqanında uçotda olan şəxslərə göndərilən sənədlə bağlı qaydalar dəyişib.

Bu barədə Baş nazir Əli Əsədov qərar imzalayıb.

Belə ki, Nazirlər Kabinetinin "Elektron qaimə-fakturanın formasının, tətbiqi, uçotu və istifadəsi Qaydaları"nın təsdiq edilməsi haqqında" qərarında dəyişiklik edilib.

Qərara əsasən, elektron qaimə-fakturanın tətbiqi, uçotu və istifadəsi ilə bağlı bəndə aşağıdakı əlavə edilir:

-lotereya biletlərinin, idman mərc oyunları biletlərinin və elektron mərc oyunu biletlərinin satışı, habelə lotereya biletlərinin agent qaydasında satışı ilə bağlı xidmətlərin göstərilməsi.

İkinci Qarabağ savaşında ailəsinə belə demədən döyüşlərdə iştirak edib, qəhrəmancasına şəhid olan əsgərin qəhrəmanlıq dastanı. Ətraflı videoda izləyə bilərsiniz:
BAKI-XEBERTV.AZ

Rusiya Silahlı Qüvvələri Kiyevə zərbə endirə biləcəyini açıqlayıb.

Zamantv.az xəbər verir ki, bu barədə Rusiya Müdafiə Nazirliyinin məlumatında bildirilib.

“Biz Ukrayna qoşunlarının təxribat cəhdlərini və Rusiya ərazisindəki hədəflərə zərbələr endirdiyini görürük. Belə təxribat davam edərsə, Rusiya Silahlı Qüvvələri qərarqəbuletmə mərkəzlərinə, o cümlədən Kiyevdə Rusiya ordusunun indiyədək çəkindiyi mərkəzlərə zərbələr endirəcək”, - deyə Rusiya MN-dən bildirilib.

Tovuz rayonunun Dondar Quşçu kəndində 10 yaşlı Nərmin Quliyevanı qətlə yetirməkdə ittiham olunan İlkin Süleymanovun cinayət işi üzrə məhkəmə araşdırması davam edir.

Zamantv.az APA-ya istinadən xəbər verir ki, Gəncə Ağır Cinayətlər Məhkəməsinin hakimi Dadaş İmanovun sədrliyi ilə keçirilən bugünkü iclasda Nərminin yanan cəsədini söndürən vaxt oradan taksi ilə keçən Qaratel Orucova dindirilib.

Şahid deyib ki, həmin vaxt taksi ilə rayondan kəndə gəlirmiş.Onun cəsədin yandığını görməsi haqqında məlumataı poisə yanğını söndürən Murad Süleymanov deyib.
“Evə çatandan sonra ərim dedi ki, kənd camaatı danışır ki, Nərminin meyitini tapıblar. Sonra taksi sürücüsünü nömrə əsasında müəyyənləşdirib gətirmişdilər. Bizi meyitin yanında üzləşdirdilər. Meyit tanınmaz vəziyyətdə idi. Açığını desəm böyük idi, uşaq meyitinə oxşamırdı. Heç bir yerindən kimliyini tanımaq mümkün deyildi”.

Şahidin sözlərinə görə, Nərmin itkin düşən vaxt anası Aynurə İsmayılova deyirmiş ki, əri Şərif Quliyev uşağı zorla evdən göndərib:

“Aynurəni həmin vaxt yolda görmüşdüm. Bu barədə də elə onda danışdıq. Deyirdi ki, atası Nərmini əmisigilə zorla göndərib, getmək istəmirdi. Aynurənin anası Minayə də kəndin içində qışqırıb deyirdi ki, uşaq ata nənəsi Leybəgilə gedib, oradan yoxa çıxıb”.

Məhkəmədə İlkin Süleymanovun bacısı İlhamə Süleymanova da ifadə verib.

Şahid bildirib ki, qardaşı şübhəli şəxs kimi saxlanılandan sonra polislər onları zorla evdən çıxarıb yoxlama aparıblar:

“Saat 9-da polislər evimizə gəldilər. Əlavə evi, hamamı, həyətdəki damı soruşdular. Qışda orda qalmasaq da dəfələrlə istifadə etmişik. Oradan meyvə-tərəvəz götürmüşəm. Dekabrda həmin evdə oğlum qalxıb qardaşımın kostyumunu geyinib. Nərmin saxlandığı deyilən otaqdan götürmüşdü. Ayın 10-da polis rəisi və komandası bizi zorla evdən çıxardı. Birdən qardaşıma zəng elədim ki, görüm nə xəbər var. Bəhruz qardaşım dedi ki, bizi şöbəyə apardılar ki, təcili prokurorluqdan general gəlib, sizi dindirməlidi. Bizi polis şöbəsinə apardılar. Başa düşdük ki, oyun qurublar. Tez evə qaçdım, evi az qala, 500 metrdən mühasirəyə almışdılar. Bizi evimizə buraxmadılar".

Təqsirləndirlilən şəxsin bacısı ifadəsində deyib ki, polislər qardaşına ailəsinin ondan imtina etdiyini deyiblər:

“İlkinə deyiblər ki, ailən səndən imtina edib. Sənə görə evdən çıxıb gediblər. İlkin deyirdi ki, istəyirdim özümüzünkülərdən kimisə görüm, başıma gələnləri qışqırım deyim. Dırnağını çəkməkdən tutumuş, toka vurmaq, ayaqlarına dubinka ilə vurmaq, başına qazan keçirib, dubinka ilə vurublar”.

Şərif Quliyevin spirtli içki aludəçisi olduğunu deyən İlhamə Süleymanovanın sözlərinə görə, o, içkiyə görə ailə üzvlərini də incidib.

Proses sabah davam etdiriləcək.

Xatırladaq ki, 2019-cu ilin noyabrın 19-dan itkin düşən Tovuz rayonunun Dondar Quşçu kənd sakini, 10 yaşlı Nərmin Quliyevanın qətlə yetirilərək yandırılan meyiti 2020-ci il yanvarın 6-da kənd ərazisində aşkar edilib.

Daxili İşlər Nazirliyi, Dövlət Təhlükəsizliyi Xidməti və Baş Prokurorluğun əməkdaşlarından ibarət istintaq-əməliyyat qrupu tərəfindən cinayətin açılması istiqamətində həyata keçirilmiş təxirəsalınmaz istintaq hərəkətləri və əməliyyat-axtarış tədbirləri nəticəsində cinayəti törətməkdə şübhəli bilinən Dondar Quşçu kənd sakini, 1973-cü il təvəllüdlü Süleymanov İlkin İbrahim oğlu tutularaq istintaqa cəlb edilib.

İş üzrə çoxsaylı şahidlər dindirilib, məhkəmə-tibbi, məhkəmə-bioloji, məhkəmə-kimyəvi ekspertizaları təyin edilib və digər zəruri istintaq hərəkətləri aparılıb.

İ.Süleymanova Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələr ilə təqsirli bilinərək barəsində cinayət işi açılıb.

Bakının Sabunçu rayonunda ər həyat yoldaşını döydüyü üçün intihara cəhd edib.

Zamantv.az APA-ya istinadən xəbər verir ki, hadisə Zabrat qəsəbəsində baş verib.

Belə ki, Tramvay küçəsində yaşayan 1985-ci il təvəllüdlü Hacıyev Rza Səlim oğlu həyat yoldaşını döyərək ona xəsarət yetirib.
Əməlindən peşman olan R.Hacıyev intihara cəhd edib. O, mətbəx bıçağı ilə özünə bir neçə xəsarət yetirib. Yaralı dərhal xəstəxanaya çatdırılıb.

Faktla bağlı Sabunçu Rayon Prokurorluğunda araşdırma aparılır.

Bakıda ağır yol qəzası baş verib.

Zamantv.az APA-ya istinadən xəbər verir ki, hadisə nəticəsində ölən və yaralanan var.

Ziya Bünyadov prospektində Şahin İsayev idarə etdiyi “Toyota” markalı avtomobildə sükana nəzarəti itirib.
Avtomobil idarəetmədən çıxaraq beton yolayrıcına çırpılıb.

Qəza nəticəsində sürücü Ş.İsayev hadisə yerində ölüb.

Sərnişin 1992-ci il təvəllüdlü Bayramov Mahir Əliqulu oğlu isə ağır bədən xəsarətləri alaraq 3 nömrəli şəhər xəstəxanasına yerləşdirilib.

Onun vəziyyəti ağır qiymətləndirilir.

Faktla bağlı Nərimanov Rayon Polis İdarəsində araşdırma aparılır.

Goranboyda döyülmə faktı qeydə alınıb.

Zamantv.az APA-nın yerli bürosuna istinadən xəbər verir ki, hadisə rayonun Kələk kəndində baş verib.

1971-ci il təvəllüdlü Aqil Babayev və onun həyat yoldaşı 1975-ci il təvəllüdlü Mənzurə Sarıyeva döyülmə diaqnozu ilə xəstəxanaya yerləşdirilib.
Hər iki şəxsə tibbi yardım göstərilib, vəziyyətlərinin kafi olduğu bildirilir.

Məlumata görə, A.Babayev və M.Sarıyeva Aqilin qardaşı oğlu tərəfindən döyülüb.

Hadisə ilə bağlı polisə məlumat verilib.

Faktla bağlı araşdırma aparılır.

Gəncə atasını qətlə yetirməkdə təqsirləndirilən Məhəmməd Məmmədovun cinayət işi üzrə ibtidai istintaq başa çatıb.

Zamantv.az APA-ya istinadən xəbər verir ki, təqsirləndirilən şəxsin barəsində toplanan cinayət işi materialları baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Nural Əliyevin icraatına verilib. Məhkəmənin hazırlıq iclası aprelin 25-ə təyin edilib.
Qeyd edək ki, ötən il dekabrın 10-da Gəncə şəhəri, Ə.Məmmədov küçəsində fərdi yaşayış evində yaşayan 1963-cü il təvəllüdlü Azad Məmmədovun evdən çıxaraq getməsi və bir daha geri qayıtmaması ilə bağlı oğlu Məmməd Məmmədovun Gəncə Şəhər Nizami Rayon Polis İdarəsinə daxil olan müraciəti əsasında aparılan araşdırma zamanı prokurorluq və polis əməkdaşlarının peşəkarlıqla həyata keçirdikləri istintaq-əməliyyat tədbirləri nəticəsində qeyri-aşkar şəraitdə törədilmiş ağır cinayətin “isti izlər”lə açılması təmin edilərək itkin düşmüş şəxsin qəsdən öldürülməsi müəyyən edilib.

Araşdırmalarla müəyyən edilib ki, dekabrın 8-i günorta saatlarında Məmməd Məmmədov yaşadıqları evdə atası Azad Məmmədov ilə şəxsi münasibətlər zəminində aralarında yaranan mübahisə zamanı onu əlləri ilə boğub öldürüb, daha sonra meyiti evin həyətinə çıxararaq yandırdıqdan sonra basdırıb.

Məhəmməd Məmmədov tutularaq istintaqa təhvil verilib

Təhsil naziri Emin Əmrullayev, Şəmkir rayon İcra Hakimiyyətinin başçısı Rəşad Tağıyev korrupsiya faktı ilə həbs olunanları vəzifə kürsüsündə saxlayır.

Belə ki, ötən yazımızda Şəmkir rayonunun sabiq icra başçısı Alimpaşa Məmmədov ilə həbs olunan icra hakimiyyətinin köməkçisi Mahir Əliyev, Təhsil Şöbəsinin müdiri Qüdrət Əliyev haqqında yazımız dərc olunmuşdur.

Xatırladaq ki, adı çəkilən şəxslər 26 aprel 2021-ci il tarixdə Dövlət Təhlükəsizliyi Xidməti əməkdaşlarının keçirdiyi əməliyyat zamanı Şəmkir Rayon İcra Hakimiyyətinin başçısı Alimpaşa Məmmədovun qanunsuz əməllərində saxlanılmışdır.

Vəzifə səlahiyyətlərindən sui-istifadə, təkrar, külli miqdarda rüşvət alma maddələri ilə ittiham edilən, sabiq İcra başçısı Alimpaşa Məmmədov, köməkçisi Mahir Əliyev, Təhsil Şöbəsinin müdiri Qüdrət Əliyev istintaqa cəlb olunsada hal-hazırda polis nəzarətində olan sabiq icra hakimiyyətinin baçısının köməkçisi Mahir Əliyev, Təhsil şöbəsinin müdiri Qüdrət Əliyev azadlıqda olaraq eyni postu tutub dövlətin qanunlarından dolayı yolla yayınıblar.

Sual yaranır ki, bundan öncə həbs olunan icra hakimiyyətinin baçılarının müavinləri, köməkçiləri, təhsil şöbəsinin işçiləri həbs olunan icra hakimiyyətinin başçıları ilə məsuliyyətə çəlb olunsada, nədənsə qara qüvvələr adı çəkilən, həbsdə olan İcra başçısı Alimpaşa Məmmədovun qulbeçələri hələdə azadlıqda meydan suluyurlar.

Məlumata görə, DTX Şəmkir Rayon İcra Hakimiyyətində qurumun vəzifəli şəxsləri tərəfindən külli miqdarda dövlət əmlakının ələ keçirilməsi, vətəndaşlara zərər vurulması, qanunsuz əməllərə yol verilməsinə dair məlumatlar əsasında kompleks əməliyyat-istintaq tədbirləri həyata keçirib adı çəkilən Mahir Əliyevi, Qüdrət Əliyevi icra hakimiyyətinin baçısı ilə həbs olunması haqqında mətbuata açıqlama verən rəsmi orqanlar bu gün belə çinayətkar şəxslərin yenidən vəzifə kürsüsündə qalmasına göz yumurlar, axı niyə?

Bir halda ki, belə şəxslər vəzifə postunda çinayət ediblərsə, onların çəzası vətənə xəyanətə bərabərdir. Çinayət cəzası qalanda yeni çinayət pöhrəm atır, cəmiyyəti, dövlətin maraqlarını, hakimiyyəti zəif struktur kimi formalaşdırır, dövlətin qanunlarını kölgədə saxlayır.

Təhsil Naziri Emin Əmrullayev, Şəmkir rayon İcra Hakimiyyətinin başçısı Rəşad Tağıyevin, belə şəxsləri vəzifə də saxlaması yolverilməzdir. //hurriyyet.az//