BMT baş katibi Antoniu Quterres Ukraynada müharibə olmayacağına ümid edir və davam edən diplomatik səyləri alqışlayır.

"Zamantv.az" "RİA Novosti"yə istinadən xəbər verir ki, bu barədə baş katibin sözçüsü Stefan Düjarrik deyib.

"Bir tərəfdən gərginliyin artmasını görürük. Digər tərəfdən isə münaqişə tərəflərinin (Rusiya və Ukrayna - red) diplomatik səyləri davam etdirdiyinin şahidiyik", - Düjarrik əlavə edib.

Donetsk Xalq Respublikasının (DXR) xalq milisləri Ukrayna Silahlı Qüvvələrinin mövqelərini atəşə tutduqlarını bildiriblər.

"Zamantv.az" "Lenta.ru"ya istinadən xəbər verir ki, səhər saatlarından etdibarən Ukrayna Silahlı Qüvvələri dörd dəfə atəşkəs rejimini pozub.

Agentliyin məlumatına görə, Ukrayna hərbçiləri Kominternovo və Oktyabr kəndləri istiqamətində qumbaraatanlardan və atıcı silahlardan atəş açıblar. Petrivske və Novolaspa kəndləri də atəşə tutulub.

"Mülki əhalini qorumaq üçün müdafiəçilərimiz düşmənin atəş gücünü boğmaq üçün cavab atəşi açmağa məcbur oldular", - Donetsk Xalq Respublikasının milisi bildirib.

Türkiyəli keçmiş üzgüçü Dərya Büyükuncunun milli idmançı lisenziyası ləğv ediləcək.

"Zamantv.az" xəbər verir ki, buna səbəb idmançının koronavirusa yoluxan Türkiyə Prezidenti Rəcəb Tayyib Ərdoğan və həyat yoldaşı Əminə Ərdoğan haqqında təhqir dolu paylaşım etməsidir.

Türkiyənin gənclər və idman naziri Mehmet Muharrem Kasapoğlu sabiq üzgüçünün cəzalandırılmasına lisenziyanın ləğvi ilə başlanıldığını bildirib.

İstanbul Baş Prokurorluğu Dərya Büyükuncu haqqında saxlanılma qərarı çıxarıb.

Qeyd edək ki, Dərya Büyükuncu dünya və Avropa çempionatının bürünc mükafatçısıdır. O, 4 dəfə FİNA Dünya Kubokunun qalibi olub.

Rusiyanın Krasnoyarsk diyarı dumasının deputatı Andrey Şalkonun meyiti tapılıb.

Zamantv.az-ın Rusiya mətbuata istinadən məlumatına görə, hazırda hadisə yerində müstəntiqlər işləyir.

Onlar ölümün səbəbini aydınlaşdırmağa çalışırlar.
Regiona Rusiya istintaq komitəsinin nümayəndələri də gəlib.

Boliviyanın Koçabamba departamentində sərnişin avtobusunun dağ yolunda dərəyə aşması nəticəsində 11 nəfər ölüb, 7 nəfər yaralanıb.

Zamantv.az xarici KİV-ə istinadən xəbər verir ki, bu barədə yerli polis məlumat yayıb
İlkin məlumatlarına görə, qəza saat 3.00 radələrində baş verib.

“Kami 16 iyul” həmkarlar ittifaqına məxsus avtobus “Kami Mining Company”nin işçilərini daşıyırmış.

KİV-in məlumatına görə, sərnişinlər arasında şirkət rəhbərləri də olub.