Penitensiar Xidmətin Cəzaçəkmə müəssisələrində baş verən özbaşınalıq və haqsızlıqlardan mətbuatda kifayət qədər xəbərlər yayımlansa da çox vaxt təqdim olunan faktlar obyektiv araşdırılmayıb. Əksinə “içəri”də baş verənləri “çöl”ə sızdırdıqları üçün şikayət edən məhkumlar şiddətə, təzyiqlərə məruz qalıblar.

Uzun müddətdir məhkumluq həyatı yaşayan iqtisadçı, hüquqşünas Əliyev Vahid Ağababa oğlu Ədliyyə Naziri Fərid Əhmədova ünvanladığı müraciətin səs yazısını AsiyaTV-yə göndərib.

Məhkum Vahid Əliyev Ədliyyə naziri Fərid Əhmədova heç kimi xəbərdarlıq etmədən, qəfil cəza çəkdiyi Penitensiar Xidmətin 17 saylı Cəzaçəkmə müəssisəsinə baş çəkməyini istəyir. Nazirin müəssisəyə gələrkən heç olmasa yolun yarsını məhkumların daşınması üçün nəzərdə tutulan nəqliyyat vasitəsində gəlməsini, dustaqlara verilən yeməklərdən dadmasını və onu şəxsən qəbul etməsini xahiş edir. Məhkum Əliyev müəssisənin çətin şəraiti barəsində məlumat verərək, burada dustaqların yaşaması üçün adi yataqxananın belə olmadığını bildirir.

Bu səs yazısından sonra məhkum ona qarşı həyati təhlükənin, mənəvi və fiziki təzyiqlərin olacaqlarını da istisna etmir.

Dia-az.info məhkum Əliyev Vahid Ağababa oğlunun səs yazısını təqdim edir:

Azərbaycanda sosial televiziya fəaliyyətə başlayır.

Gununsesi.info-nun xəbərinə görə, bu barədə Əmək və Əhalinin Sosial Müdafiəsi Nazirliyindən xəbər verilib.

Bildirilir ki, Azərbaycanda ilk sosial televiziya nümunəsi olan DOST TV internet televiziyası aprelin 2-də fəaliyyətə başlayacaq.

Adıçəkilən nazirliyin belə bir telekanal yaratması görünür, son zamanlar əhalinin nazir Sahil Babayevə və bu nazirliyin siyasətinə qarşı yaranan sosial narazılığı aradan qaldırmağa yönəlib.

Son illər minlərlə insanın pensiyadan məhrum edilməsi, əlillik dərəcəsinin təyin olunmasında ortaya çıxan qanunsuzluqlar və sair neqativ hallar vətəndaşların Sahil Babayevə qarşı mənfi münasibətini yaradıb.

Görünür, cənab Babayev DOST TV vasitəsilə həyata keçirilən layihələrdən təbliğat kimi istifadə etməklə özünə qarşı narazılığı aradan qaldırmaq istəyir.

Ancaq bəribaşdan demək lazımdır ki, bu ideya effektsiz olacaq. Çünki, ortada taleyin ümidinə buraxılmış yüz minlərlə sadə azərbaycanlının real həyatı var.

Mərkəzi Bankın vaxtaşırı müştərilərin bank xidmətlərindən istifadəsi üzrə şikayət indeksini açıqlaması insanların Azərbaycandakı banklarla bağlı fikrinin hansı yerdə olduğunu göstərir. Bu, həm də bank sektorunda özbaşınalığın qarşısının alınması üçün nəticəli bir metoddur. 2024-cü ilin fevral ayı üzrə açıqalama isə xüsusilə maraq doğurur. Fevral ayı üçün yuxarı şikayət indeksi siyahısında (hesablama nəticəsində əldə olunan orta göstəricidən yuxarı olan) “Bank of Baku”, “Bank VTB (Azərbaycan)”, “Accessbank” və “Bank Avrasiya” yer alıb.

Orta şikayət indeksində isə “Yapı Kredi Bank Azərbaycan”,, “Azərbaycan Sənaye Bankı”, “Expressbank”, “Unibank”, “Yelo Bank”, “Rabitəbank”, “Bank Respublika” və “Azər-Türk Bank” yer tutublar. Aşağı şikayət indeksində (hesablama nəticəsində əldə olunan orta göstəricidən aşağı olan) isə “AFB Bank”, “Azərbaycan Beynəlxalq Bankı”, “Kapital Bank”, “Xalq Bank”, “PAŞA Bank”və “Ziraat Bank Azərbaycan” yer tutublar. Milli Məclisin deputatı Vüqar İskəndərov son günlər güvənini qazanan banklardan bəhs edib: ” Bank sektorunda olan yeni yanaşmalar hər birimizə müsbət təsir edir. Banklara olan inamın artırılması məqsədilə dövlət, əsasən də Mərkəzi Bank tərəfindən çox ciddi addımlar atılır. Zaman ötdükcə daha da təkmilləşmə prosesi gedəcək. Son zamanlar güvəndiyim banklar içərisində “Kapital Bank”, “Paşa Bank” və “Beynəlxalq Bank” var. Bunlar daha güvəncli, dayanıqlıdırlar. Maliyyə portfeli və əmanətlərin sığortalanması sahəsində də adını çəkdiyim banklar qabaqcıl addımlar atıblar”. Deputat “Acces Bank”la problem yaşadığını bildirib: “Təbii ki, hər bir məsələmiz qanuni yolla öz həllini tapıb. Banklarla vətəndaşlar arasında münasibətlərdə müəyyən problemlər, düşünürəm ki, dünyanın hər yerində mövcuddur. Lakin Azərbaycan hüquqi dövlət olduğundan bütün məsələlər qanunla həllini tapmalıdır. Zaman ötdükcə hər sahədə inkişaf gedir. İslahatlar davamlı olaraq, yenilənir. O cümlədən bank sektorunda da yeniliklər davamlı və dayanıqlı olmalıdır. İnsanların bu sektora inamı zaman-zaman artmalıdır. İnamın artması həm dövlətin iqtisadi dayanıqlılığının təmin edilməsində, həm də insanların iqtisadi, maliyyə imkanlarının artırılması məsələlərində çox vacib rol oynayır. Bu da ölkəmizin hərtərəfli inkişafı üçün vacib məsələdir”.

Məlumat üçün cumhuriyyet.az bildirir ki, 2002-ci ilin oktyabr ayında Azərbaycan Mikromaliyyələşdirmə Bankı kimi fəaliyyətə başlayan qurum 2008-ci ilin sentyabr ayında brendini dəyişib. Bankın təsisçiləri rolunda Avropa Yenidənqurma və İnkişaf Bankı (20 faiz), Beynəlxalq Maliyyə Korporasiyası (20 faiz), Qara Dəniz Ticarət və İnkişaf Bankı (20 faiz), Almaniyanın KfW Bankı (20 faiz), “AccessHolding” (16,53 faiz) və “LFS Financial Systems GmbH” şirkəti (3,47 faiz) çıxış edirdi.
Kredit bazarını ələ almaq üçün “Access Bank” kredit bazarına daha çox yüksək faizli kiçik kreditlərlə daxil olmaq cəhətləri göstərib. Bununla bağlı məlumatlı mənbənin cumhuriyyet.az-a bildirdiyinə görə, bank rəhbərliyi bazara daxil olmaq və mənfəət əldə etmək niyyətini güdərkən düzgün kredit mədəniyyətinin yaranması və qorunub saxlanmasını fikirləşməyib: “Biznes və digər kreditləri istehlak kreditləri qaydası ilə verərkən və beləliklə, onların vergi uçotuna durmasına mane olaraq maliyyə cinayətləri etməkdən belə çəkinməyiblər. Bu zaman bank həmçinin iş adamlarının kiçik bizneslərinin formal iqtisadiyyata qatılmasını təmin edir, amma danışanda Azərbaycanda qabaqcıl beynəlxalq bankçılıq mədəniyyətini yaydıqlarını söyləyirlər”. Mənbəmizin sözlərinə görə, “Access Bank” rəhbərliyi kredit işçilərinə kreditlərin verilməsinə dair çox yüksək plan qoymaqla, onları cinayətə sövq edir. Bankın ofis almaq qaydası da “maraqlı”dır: “20 milyon manata ofisi sənədləşdirib, 15 milyona alıblar. 5 milyon manatı sonradan ”şapka” kimi qayıdıb özlərinə”.
2018-ci ildə “AccessBank”ın faiz gəlirləri 2017-ci illə müqayisədə 15 milyon manata yaxın azalaraq, 102 milyon 475 min manatdan 88 milyon 71 min manata enib. Bankın qeyri-faiz əməliyyatlarından zərəri isə 8 milyon 974 min manat təşkil edib. Həmçinin, bankın balans kapitalı da 2017-ci ilin nəticələrinə nisbətdə 12 milyon manatdan çox azalaraq, 56.569 milyon manata enib. “Access Bank”ın maliyyə göstəricilərindəki ən çox narahatlıq doğuran məqamlardan biri isə bankın məcmu kapitalının 2017-ci ilə nisbətdə artmaq əvəzinə, azalmasıdır. Məlum olduğu kimi, Mərkəzi Bankın məcmu kapital tələbi 50 milyon manatdır. Lakin 2017-ci ilin 31 dekabr tarixinə bankın məcmu kapitalı 43 milyon 593 min olduğu halda, 2018-ci ilin eyni tarixinə 14 milyon manata yaxın azalaraq, 30 milyon 28 min təşkil edib. Bu, az qala bankın yavaş-yavaş “aradan çıxması” kimi də başa düşülə bilər…Bununla bağlı cumhuriyyet.az olaraq apardığımız araşdırma zamanı məlum olub ki, “Accessbank” yığılmış zərərdən canını qurtarıb mənfəət əldə edə bilmir. Belə ki, 2023-cü ilin sonunda “AccessBank”ın yığılmış zərəri 142 milyon 899 min manat olub. 2023-cü ilin sonunda zərərdən 22 milyon 323 min manat azaldan bankın bu azalmalarla başa çıxması üçün 2 ilə yaxın vaxt tələb olunur. 2 il ərzində bankın mənfəət əldə etməsi isə ehtimal olunur. Çünki, 2 il ərzində “AccessBank” zərər əldə etmədən mənfəət açıqlamalıdır. Bu isə 8 rüblük hesabatın müsbət nəticələnməsi deməkdir ki, sözügedən bankın bu qədər ayaqda dayana bilməsi şübhə doğurur.

“AccessBank”la sahibkar Odər Qəni arasında baş verən soyuqluq bankın onlarla hesabı bir gündə itirməsi ilə nəticələnib. Bu barədə sahibkar sosial şəbəkə hesabından məlumat verib. Sahibkar “Arqument.az”-a deyib ki, bu, şəxsi əlaqələr fonunda baş verən hadisədir: “”AccessBank”la olan bütün rəsmi əlaqələrimiz qarşılıqlı olaraq bitib. Bunun səbəbi bankın son günlərdə qeyri-professional iş siyasətidir. Buna görə də şəxsimə aid olan bütün şirkət hesabları sözügedən bankdan çıxarılaraq digər banka transfer olacaq”. Sahibkar həmçinin qeyd edib ki, bundan sonra “AccessBank”la qarşılıqlı münasibətlərdə heç bir rəsmiyyət olmayacaq. Məsələ ilə bağlı “AccessBank”dan münasibət öyrənmək mümkün olmayıb. Məlumat üçün bildirək ki, sözügedən bank yığılmış zərərdən canını qurtarıb mənfəət əldə edə bilmir. Belə ki, 2023-cü ilin sonunda “AccessBank”ın yığılmış zərəri 142 milyon 899 min manat olub. 2023-cü ilin sonunda zərərdən 22 milyon 323 min manat azaldan bankın bu azalmalarla başa çıxması üçün 2 ilə yaxın vaxt tələb olunur. 2 il ərzində bankın mənfəət əldə etməsi isə ehtimal olunur. Çünki, 2 il ərzində “AccessBank” zərər əldə etmədən mənfəət açıqlamalıdır. Bu isə 8 rüblük hesabatın müsbət nəticələnməsi deməkdir ki, sözügedən bankın bu qədər ayaqda dayana bilməsi şübhə doğurur.

cumhuriyyet.net

"Yaxın bir dostumun anasını həkimlər qətl edib. Sözün əsl mənasında. Məmurun bir klikasında adi əməliyyatla adama terror ediblər. Səhiyyə Nazirliyinə sorğu vermişəm". Dia-az.info bildirir ki, bunu öz açqlamasında tanınmış vəkil Aqil Layıc bildirib.

"Artıq 3-cü sorğudur ki, eyni məsələyə dair verirəm" deyə etiraz edən vəkil daha sonra əlavə edib: "Adamlardan dəqiq tarix və həkimlərin dəqiq hansı sahə üzrə sertifikasiyası soruşuram. Burcudurlar. Gah cavab vermirlər, gah da dolğun cavab vermirlər.

Adamı səhiyyəmiz qətl etməsi bir yana, ört-basdır etmələri başqa dərddir, cinayətdir. Hələ onların ekspertizalarını demirəm. Bu ölkədə nəsə ictimailəşdirilməyəndə, min oyundan çıxırlar.

Azərbaycan Respublikası Səhiyyə Nazirliyi nə zamana kimi belə addımlarınız olacaq? Nə zamana kimi iflic səhiyyəni malalamaqla məşğul olacaqsınız? Bəlkə Sizin fəaliyyətlə bağlı Ermənistan Səhiyyə Nazirıiyinə sorğu verək?"

Kikboksinq üzrə üçqat dünya çempionu, Əməkdar idman ustası Elman Mirzəyevin həbs edilməsi ilə nəticələnən cinayət işi haqda bəzi məqamlar üzə çıxıb.

“Qafqazinfo”nun əldə etdiyi məlumata görə, dələduzluqda ittiham edilən tanınmış idmançının həmin əməlləri tək törətmədiyi iddia edilir.

Belə ki, cinayət işi üzrə zərərçəkmiş şəxs olan Bakının Binəqədi rayon sakini Allahverən Ağayev bildirib ki, E.Mirzəyev ona məxsus olan bahalı avtomobili vəzifəli tanışının köməyi ilə özgəninkiləşdirib.

Şikayətçinin sözlərinə görə, ölkədə olmadığı müddətdə E.Mirzəyev həmin şəxslə əlbir olaraq qeyri-qanuni şəkildə, yəni etibarnamə olmadan 90-ON-364 nömrə nişanlı “Range Rover” markalı avtomobili 18.01.2021-ci il tarixdə saxta yolla başqa şəxsə satıb və ona 185 000 dollar ziyan vurulub: “Mən başıma gələnlərlə bağlı Nərimanov Rayon Polis İdarəsinə və rayon prokurorluğuna şikayət etdim və bir müddət sonra Cinayət Məcəlləsinin 178.3.2-ci (Külli miqdarda dələduzluq) maddəsi ilə iş açıldı, Mirzəyev Elman Qurbanxan oğlu həbs edildi. Hazırda Nərimanov RPİ-nin İstintaq şöbəsində cinayət işinin istintaqı bitmək üzrədir. Məlum oldu ki, mən 2021-ci ildə mən Ukraynada olduğum zaman Elman Mirzəyev mənə məxsus olan avtomobili işlədiyi “Auto Gallery” avtosalonundan qeyri-qanuni şəkildə götürüb və məndən heç bir icazə almadan, etibarnamə belə olmadan maşını həmin şəxslə əlbir olaraq saxta yolla satıblar”.

A.Ağayev başlanmış cinayət işi üzrə Elman Mirzəyevlə yanaşı, ona məxsus avtomobilinin rəsmiləşdirilməsində vasitəçilik etmiş həmin şəxsin də məsuliyyətə cəlb edilməsini xahiş edib.

A.Ağayevin vəkili Vasif İsrafilov da “Qafqazinfo”ya açıqlamasında bildirib ki, məsələ ilə bağlı Baş Prokurorluğun və DİN-in rəhbərliyinə müraciətlər edilib. Hazırda bu istiqamətdə istintaq tədbirləri davam etdirilir.

İddialarla əlaqədar Daxili İşlər Nazirliyinə müraciət etdik. Məsələ ilə bağlı DİN-in Mətbuat xidmətinin əməkdaşı İbrahim Əmiraslanlı saytımıza açıqlamasında bildirib ki, vətəndaş müraciəti əsasında qəbul edilib, dinlənilib, hazırda aidiyyəti üzrə araşdırmalar davam etdirilir: “Araşdırmaların nəticəsindən asılı olaraq mübahisə predmeti olan avtomobilin hansı formada digər şəxsin adına keçirilməsi aydınlaşdırılacaq”.

Mövzu ilə bağlı Baş Prokurorluğun Mətbuat xidmətindən sorğumuza cavab olaraq bildirildi ki, A.Ağayevin şikayəti əsasında açılmış cinayət işi üzrə araşdırmalar davam etdirilir: “Elman Mirzəyevin Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə təqsirləndirilməsinə dair cinayət işi üzrə hazırda istintaq Nərimanov Rayon Polis İdarəsinin İstintaq şöbəsində davam etdirilir.

İbtidai araşdırmaya prosessual rəhbərliyi həyata keçirən prokuror tərəfindən qeyd olunan cinayət işi üzrə obyektiv və hərtərəfli istintaqın aparılması təmin edilməklə cinayətlərin törədilməsində iştirakı etmiş şəxs(lər)in əməllərinə, o cümlədən zərərçəkmiş şəxs Allahverən Ağayevin müraciətlərində qeyd etdiyi hallara hüquqi qiymətin verilməsi təmin ediləcək”.

Bakı şəhəri, Nizami rayonu, M.Şərifli küçəsi 123 ünvanında yerləşən “Sağlamlıq imkanları məhdud uşaqlar üçün 3 nömrəli xüsusi internat məktəbi”ndə təhsil alan bir qrup şagirdin valideynləri tərəfindən Hurriyyet.az saytının redaksiyasına şikayət məktubu daxil olub. Şikayətçilər iddia edirlər ki, məktəbin yeni direktoru sağlamlıq imkanları məhdud olan uşaqların haqqını yeyir.

“Yazaraq bildiririk ki, bizim sağlamlıq imkanları məhdud olan övladlarımız var. Övladlarımız sağlamlıq imkanları məhdud uşaqlar üçün 3 saylı xüsusi internat məktəbində təhsil alırlar. Eşitmə əngəllidirlər. Səhhətlərində problemləri var deyə bu uşaqlar təhsilsiz qoyulmalıdır?

Məktəbdə “təhsil” adına heç nə yoxdur. Sadəcə, övladlarımız məktəbə gedib-gəlir. Onların xüsusi dərsliyi də yoxdur. Məktəblilər dövlət tərəfindən tam təminatılıdır, amma təhsil ocağının rəhbərliyi tərəfindən heç bir təminatla təmin olunmurlar.

Keçmiş rəhbərlik barədə Mehriban xanıma şikayət ərizəsi ilə müraciət etdik. Şikayətimizə baxıldı və işdən çıxarıldı. Ondan sonra gələn Tariyel Əkbərov ümumiyyətlə uşaqların haqqını vermir. Sual verəndə də deyir ki, bizə nazirlikdən heç nə göndərmirlər.

Uşaqlara onlara aid dərslik də verilmir. Orta məktəbin dərsliyini verirlər. Halbuki, onların xüsusi dərsliyi olmalıdır. Daha dəqiq desək, 4-cü sinifə qədər xüsusi dərslik var. 4-dən sonra orta məktəbin kitablarını verirlər ki, oxuyun. Uşaqlarda o kitablardan heç nə anlamırlar.

Məsələn, 6-cı sinifdə oxuyan uşağa orta məktəbin 4-cü sinif dərsliyini veriblər. 5-ci sinifdən yuxarı nəşr olunmur.

Övladlarımızın qulaqları eşitmir deyə savadsız da olmalıdırlar?! Hər biri də çox savadlı uşaqlardır, oxumağa həvəslidirlər. Tariyel Əkbərov 1 il 4 aydır müdir təyin olunub, həmin vaxtdan uşaqların geyimləri də verilmir. Bu insanın Azərbaycan Respublikasının qanununlarından da xəbəri yoxdur. Qanundan xəbəri olsa, belə etməzdi.

Çoxyumuz rayondan gəlib, kirayələrdə qalırıq ki, uşağımız təhsilsiz qalmasın, gələcəkdə hansısa bir sahədə çalışsınlar.

Tariyel Əkbərov internata rəhbər gələndən ancaq özünə otaq qurub. Deyəndə ki, siz öz rahatçılığınızı təmin edirsiz, amma uşaqların gələcəyi üçün çalışmırsız, cavab verir ki, bu otağı mənim üçün dövlət qurub. Deyir ki, dövlət uşaqlara heç nə etmir, bunun günahkarı mən deyiləm.

Tariyel Əkbərovdan əvvəlki müdir valideynlərə çox hədə-qorxu gəlirdi deyə indi bir çoxu çəkilib qıraqda oturub. Çünki, gördülər ki, heç nə düzəlmir, əksinə pisə doğru gedir. Valideynlərin əksəriyyəti sağlamlıq imkanları məhdud olan uşaqlarının haqqınə istəyə bilmirlər, qorxurlar.

Bizim istəyimiz odur ki, yoxlama gəlsin, məktəbdə hər şey nəzarətə götürülsün.

Bizim dərdimiz özümüzə bəsdir, imkan versinlər ki, uşaqlarımıza sənət öyrədək. Yoxlama gələn zaman rəhbərliyə öncədən məlumat verilməsə, burada vəziyyətin necə acınacaqlı olduğunu görərlər. 2 il əvvəl tikişi dayandırılmış BTE geyim formalarını uşaqlara layiq görüblər ki, geyinin. Amma çox köhnə olduğu üçün uşaqlar onu geyinmir. Dövlət tərəfindən ayrılan heç nə bizim uşaqlara verilmir”.

Məsələ ilə bağlı “Sağlamlıq imkanları məhdud uşaqlar üçün 3 nömrəli Respublika xüsusi internat məktəbi” ilə əlaqə saxlamağa çalışsaq da, zənglərimiz cavabsız qaldı.

Onu da qeyd edək ki, sözügedən məktəblə bağlı dəfələrlə redaksiyamıza şikayətlər daxil olub. Onlardan birini video müraciət şəklində oxucularımıza təqdim edirik: