Avropa Oyunları 2027-ci ildə Türkiyənin İstanbul şəhərində keçiriləcək.

Modern.az Türkiyə mətbuatına istinadən xəbər verir ki, bu barədə İstanbul meri Əkrəm İmamoğlu mətbuat konfransında bildirib.

O, Avropa Olimpiya Komitəsinin yarışı məhz bu şəhərə verdiyini açıqlayıb.

Qeyd edək ki, Avropa Oyunları ilk dəfə 2015-ci ildə Bakıda təşkil olunub. Turnir 2019-cu ildə Belarusun paytaxtı Minskdə, ötən il isə Polşanın Krakov şəhərində gerçəkləşib.

“Gənclik Mall”da autizmli gəncin zorakılığa məruz qaldığı bildirilir.
Yeniavaz.com xəbər verir ki, bu barədə “Birgə və sağlam” İctimai Birliyinin sədri Aytən Eynalova özünün sosial şəbəkə hesabında yazıb.
Onun sözlərinə görə, Kənan adlı gənc bir neçə gün əvvəl “Gənclik Mall”ın sanitar qovşaqlarından birində zorakılığa məruz qalıb:
“Kənan vəhşicəsinə üzünə zərbə alıb və sonradan görənlərin dediyinə görə, tualet tamam qan içindəydi. Səbəbini bilmirik, araşdırılması üçün polisə müraciət etmişik, amma bir polis əməkdaşı bir həftədir hər gün arayıb “bu gün sabah gələcəm” deyib, eyni sualları hər gün soruşur, amma gəlib çıxmayıb hələ də”.
Aytən Eynalova iddia edir ki, “Gənclik Mall”ın mühafizə xidməti hadisənin araşdırılmasına mane olmağa çalışıb:
“Kənanın anasına deyiblər ki, hadisənin üstünə getməyin, onsuz da tapılan deyil”.

“Gənclik Mall”dan verilən açıqlamada bildirilib ki, aidiyyəti dövlət qurumları ilə çiyin-çiyinə verərək məsələnin həlli üçün hazırdırlar.
Daxili İşlər Nazirliyinin Mətbuat Xidmətinin əməkdaşı bildirib ki, məsələ araşdırılır:
“Məlumat icraata qəbul edilib. Araşdırılır. Nəticəsi barədə məlumat veriləcək”.

Ermənistan təkcə Azərbaycanla deyil, Gürcüstanla da sərhərləri demarkasiya etməyə hazırlaşır.

Bildirilir ki, uzun müddətdir, yüksək səviyyəli erməni-gürcü təmaslarında demarkasiya və demarkasiya işlərini gücləndirdiyi barədə şayiələr dolaşır.

Nəşrin məlumatına görə, iki ölkənin sərhədində, Ermənistanın Lori vilayətinin Alaverdu bölgəsində yerləşən Ciliza kəndinin Gürcüstana verilməsi məsələsi gündəmdədir.

Bir neçə gün əvvəl Gürcüstanın baş naziri İrakli Kobaxidze ilə görüşündə Nikol Paşinyan yenidən sərhədlərin demarkasiyası məsələsini gündəmə gətirib.

“Bu gün həmkarımla mən bu birgə bəyannamənin praktiki icrası istiqamətində mümkün və zəruri addımları müzakirə etmək fürsəti əldə etdik. Vurğulamaq istəyirəm ki, bir-birinin ərazi bütövlüyü və suverenliyinin qeyd-şərtsiz tanınması həmin bəyannamənin vacib elementidir. Bu gün biz Ermənistan və Gürcüstan arasında demarkasiya prosesinin aktivləşdirilməsi imkanlarını da müzakirə etdik”, - o, Gürcüstanın baş naziri ilə görüşdən sonra bildirib.

Qeyd edək ki, Ermənistan və Gürcüstan dövlət sərhədinin demarkasiyası və demarkasiyası məsələsini 1992-ci ildən müzakirə edir, 1996-cı ildən isə iki ölkə arasında sərhədlərin delimitasiyası və demarkasiyası komissiyaları fəaliyyət göstərir, lakin onlar çox passiv rejimdə işləyirlər.

Xatırladaq ki, Ermənistan Azərbaycanla da demarkasiya və delimitasiya prosesini həyata keçirir. Bunun üçün birgə komissiya yaradılıb və baş nazir müavinləri bir neçə dəfə görüş keçirib. Hazırda Qazax rayonunun 7 kəndi - Bağanis Ayrım, Aşağı Əskipara, Xeyrimli, Qızılhacılı, Yuxarı Əskipara, Sofulu, Barxudarlı, eləcə də Naxçıvanın Kərki kəndi erməni işğalı altındadır.

Ermənilər 1990-92-ci illərdə işğal etdikləri bu kəndləri qanunsuz olaraq Ermənistanın Tavuş rayonu ərazisinə daxil ediblər.

Azərbaycan Baş nazirinin müavini Şahin Mustafayevin Ermənistan Baş nazirinin müavini Mher Qriqoryanla bu ilin martında keçirdiyi görüşdən sonra rəsmi Bakı işğal edilmiş 4 eksklav olmayan kəndin (Bağanis Ayrım, Aşağı Əskipara, Xeyrimli və Qızılhacılı) mübahisəsiz və dərhal azad edilməsini istəyib.

“Delimitasiya prosesi çərçivəsində Azərbaycanın Ermənistanın işğalı altında olan 4 eksklav kəndinin (Yuxarı Əskipara, Sofulu, Barxudarlı və Kərki) azad edilməsi məsələsi də həll olunacaq", - deyə rəsmi Bakının bəyanatında vurğulanıb.

Ötən həftə Tavuş rayonunda məskunlaşmış ermənilərlə görüşən Ermənistanın baş naziri Nikol Paşinyan Qazaxın işğal altında olan 4 kəndinin (Bağanis Ayrım, Aşağı Əskipara, Xeyrimli və Qızılhacılı) Azərbaycana qaytarmağa məcbur olacaqlarını bildirib. Əks halda, o, müharibə olacağını istisna etməyib.(“Joğovurd”)

Qaradağ rayonu, Ümid qəsəbəsinin sakini Nuruyev Nicat Əhliyyət oğlu tərəfindən Hurriyyet.az saytının redakisyasına şikayət məktubu daxil olub. Şikayətçinin redaksiyamıza göndərdiyi məktubu olduğu kimi dərc edirik:
"Mən, Nuruyev Nicat Əhliyyət oğlu, yazarq sizdən xahiş edirəm ki, problemimi işıqlandırasınız.

Məlumat üçün bildirim ki, yanğın söndürmə idarəsində işləmişəm. 2014-cü ildə Qaradağ rayonu, Lökbatan qəsəbəsində, "Binə" Ticarət Mərkəzində tez-tez yanğın baş verirdi. İdarənin rəisi Əbülfət Kərimov 12 nəfər işçi ayıraraq, maaşa əlavə etməklə bizi 3 növbəyə böldü və "Binə" Ticarət Mərkəzində işə çıxardı. Əmək haqqımız 360 manat oldu.
2014-ci ilin may ayının 5-də "Binə"də 4-cü sırada yanğın baş verdi. Yanğının qarşısını alan zaman güclü xəsarət aldım və məni təcili yardımla ölümcül vəziyyətdə 1 saylı Şəhər Klinik Xəstəxanasına ("Semaşko") aparıblar. Xəstəxananın xərcini "Binə” Ticarət Mərkəzinin rəhbəri Kəbirə Məmmədova ödədi.

Rəis Əbülfət Kərimov mənə kompensasiya söz verdi, amma haqqım olanı vermədilər. 6 ay yataq xəstəsi olmuşam. Yataq xəstəsi olduğum üçün məni işdən də çıxardılar. Hal-hazırdada işsizəm və səhhətimlə bağlı heç yerdə iş tapa bilmirəm. Məni buraxmırlar ki, Kəbirə xanımla görüşüm, ona şikayətimi bildirim. Hal-hazırda da Əbülfət Kərimov həmin vəzifədə işləyir. Mən haqqım olanı istəyirəm, yarımcan qalmışam".

Azinforum.az xəbər verir ki, sosial şəbəkələrdə özünü Azərbaycan Dövlət Televiziyasının (AzTV) “prezident müxbiri” kimi təqdim edən şəxs peyda olub. Əslində, AzTV-nin əməkdaşı olub, sosial şəbəkələrdən aktiv istifadə etmək bir qəbahət deyil. Ancaq gərək davranışın və əxlaqın elə olsun ki, işlədiyin qurumun adına xələl gətirməyəsən.

Özünü Zöhrab Baxşəliyev kimi təqdim edən bu şəxs “Tik-Tok” sosial şəbəkəsində “Nemoy” adlı profildən istifadə edir. İş burasındadır ki, bu adamın hədəf seçərək, təhqir və təhdid etdiyi insanlar içərisində peşəkar jurnalistlər də var. Bununla o, jurnalistləri peşəkar fəaliyyətindən və əsaslı tənqidlərdən çəkindirmək məqsədini güdür. Aşağıda təqdim edəcəyimiz videodan da görünür ki, bu şəxs öz dili ilə AzTV-nin “prezident müxbir”i olduğunu bəyan edir, hətta dövlət televiziyası tərəfindən ona verildiyini iddia edən vəsiqəsini də nümayiş etdirir.

Sonra isə onun bu davranışlarına irad bildirən jurnalist Məhəmmədəli Qəriblini ağır söyüşlərlə təhqir edir, onu öldürəcəyi, deşik-deşik edəcyini bildirir. Çox maraqlıdır ki, bu adam həm də AzTV-də mühüm post tutan Rüfət Həmzəyevin də adından danışır. Sanki belə təəssürat yaranır ki, Rüfət Həmzəyevin bu adamın bütün əməllərindən xəbəri var. Bütün bunlardan sonra belə bir nəticə hasil olur. Belə bir adam həqiqətən AzTV kimi mühüm bir dövlət qurumunda çalışırsa, onda bu nə əxlaq nümunəsidir ortaya qoyur? Yox, çalışmırsa, oranın adından istifadə edirsə, onda barəsində ciddi hüquqi ölçü götürülməlidir. Hər iki halda bu məsələ ilə bağlı son sözü AzTV-nin rəhbəri Rövşən Məmmədov deməlidir. Çünki özünü “prezident müxbiri” kimi təqdim edən bu adam həm də ölkə başçısının adı ilə lazımsız şəkildə manupuliyasiya etmiş olur.

Ona bu əməlləri ilə bağlı AzTV sədri Rövşən Məmmədova şikayət edəcəyimizi deyəndən isə “mən Rövşən zad priznavat eləmirəm”,-cavabını verir.
Mövzu ilə bağlı AzTV-nin də mövqeyini dinləməyə hazırıq və ümidvarıq ki, belə biabırçılıqdan sonra bu adamla bağlı lazımi ölçü götürüləcək.
Videodan açıq şəkildə görünür ki, bu adam eyni zamanda, jurnalist Məhəmmədəli Qəriblini öldürəcəyi, deşik-deşik edəcəyi ilə hədələyir. Bu da cinayət məsuliyyəti yaradan əməldir. Ümidvarıq ki, əlaqədar hüquq-müavizə orqanları bu faktla bağlı da lazımi hüquqi ölçü götürəcək.

“Azərbaycan Televiziya və Radio Verilişləri” QSC-nin Sosial Media və İctimaiyyətlə Əlaqələr şöbəsinin rəisi, mətbuat katibi Rüfət Seyidov Azinforum.az-a açıqlamasında belə bir əməkdaşlarının olduğunu təsdiqlədi, lakin baş verən hadisədən təəssüfləndiklərini bildirdi: “Baş verən hadisə araşdırılır və mütləq lazımi ölçü götürüləcək. Qeyd etmək istəyirik ki, ləyaqətin alçaldılması və təhqir yolverilməzdir. Oxşar hadisənin təkrarlanmaması üçün intizam tədbirləri gücləndiriləcək”.

Azinforum.az

"Ruslan Əliyev ,,Azəriqaz" İstehsalat Birliyini məhv elədi... əlini qolunu sallayıb getdi. Qağaməli Seyfullayev də Neft-Qaz Təmir Tikinti Trestini, ondan əvvəl isə Qaz İxrac İdarəsini şumladığı halda kimsə ona "gözün üstündə qaşın var" demir..." Bu ifadələr dia-az.info-ya neftçilər adından edilə müraciətdə yer alıb.

Müraciətdə daha sonra deyilir: "Qağaməli Seyfullayev dipolomsuz qohumlarını bu 3 nəhəng təşkilata yerləşdirdiyini hər kəs bilsə də, rəhbərlik susur. Deməli, himayə edir. Rəhbərlik yuxudan ayılana kimi qağaməlilər işini görəcək...

Şəhid ailələri, Qazilər əzab çəkəcək.... Hörmətli Rövşən Nəcəfə xitab edirik... Sizin alicənablığınızdan istifadə edənlərə siz müdaxilə etməsəniz, nəticəsi birilərinin özbaşınalığına digərlərinin isə acınacaqlı vəziyyətdə həyata "əlvida" deməsinə səbəb olur".

Dia-az.info qeyd edir ki, 1-ci Qarabağ müharibəsi veteranı, Siyəzənneftin işçisi Elnur Bayramov srağagün dünyasını dəyişib.

Bildirək ki, erməni əsirliyində olmuş Elnur vətənə qayıtdıqdan sonra üç dəfə infarkt keçirmiş, bir müddət əvvəl isə xərçəng xəstəliyinə düçar olmuşdu. Neftçi yanvar ayında maddi yardım üçün SOCAR-a müraciət etdi. Ağrikəsən iynə dərmanlar almaq üçün. Lakin Qağaməli kimi məmurlar ona rədd cavabı verib.... Və bu olay da neftçilər ttərəfindən etirazla qarşılanmaqdadır.. Dia-az.info