Azərbaycanda 2023-2024-cü illər üzrə ov mövsümü bir ay öncə - fevralın 25-də başa çatıb. Ancaq hələ də müxtəlif restoranların menyularında quş ətindən olan yeməklərə rast gəlinir. Hətta menyuya salınan quşlardan bəziləri nəsli kəsilməkdə olan quş növləridir. Bəs qadağan olunmasına baxmayaraq bu quşlar necə ovlanır?

Xezerxeber.az-ın məlumatına görə, müxtəlif növ çöl quşlarından kabab təklif edən restoranlar var.

Hətta restoran sahibi kəklik, qırqovul, bildirçin, bəzgək quşlarının şəklini də menyuya əlavə edərək çöl quşlarından təndirdə plov təklif edir.

Həmin restoranlardan birinə “Ov mövsümü bitib, bu quşlar haradan gəlir?” sualını verdik və özünəməxsus cavab verildi.

Görünən odur ki, hazırda ölkəmizdə qaz, ördək, qaşqaldaq və bildirçin üçün ov mövsümü bitsə də, bu quşların ovlanması hələ də davam edir. Çöl quşlarının ovu ilə məşğul olan şəxslərdən birinin “Youtube” səhifəsində ən son ov videosu 2 gün öncə paylaşılıb.

Bu isə o deməkdir ki, quş ovlamaq istəyənlər üçün fərqi yoxdur. Onlar istənilən vaxt istənilən ova çıxa bilirlər.

Uzun illərdir bu sahədə tədqiqat aparan biologiya üzrə fəlsəfə doktoru ornitoloq Elçin Sultanov deyir ki, əsasən yeyilən quşlar ördəklər və toyuqkimilərdir. Onların da 8 növündən sadəcə birinin - kəkliyin ov icazəsi var.

Ornitoloqun sözlərinə görə, bu məsələni tam şəkildə tənzimləmək mümkün deyil.

Elçin Sultanov hesab edir ki, çöl quşlarının özəl təsərrüfatlarda saxlayıb artırmaq istəyənlər çox azdır. Bu səbəbdən mədəni ov ölkədə yox dərəcəsindədir.

Qeyd edək ki, ov mövsümü bitdikdən sonra quş və heyvan növlərinin çoxalma və miqrasiya dövrü başladığından onların populyasiyasına və təbii artımına zərər verilməməsi üçün ov qadağandır. “Qırmızı kitab”a düşən nadir və nəsli kəsilməkdə olan heyvanların ovlanmasına görə isə qanunla müəyyən edilmiş qaydada cərimələr nəzərdə tutulub.

Ətraflı süjetdə:

Türkiyənin Hatay vilayətində ağır yol-nəqliyyat hadisəsi baş verib. İlkin məlumata görə, qəza nəticəsində eyni ailənin altı üzvü həyatını itirib, bir sərnişin xəsarət alıb.

Hadisə Hatayın Dörtyol rayonunda qoşqulu yük avtomobili ilə minik avtomobilinin toqquşması nəticəsində meydana gəlib.

Hadisə yerinə çox sayda təcili tibbi yardım avtomobilləri, polis əməkdaşları və xilasedici qruplar cəlb olunub.

Qəza ilə bağlı araşdırma başlayıb, qoşqulu yük avtomobilinin sürücüsü saxlanılıb.

Fövqəladə Hallar Nazirliyinin (FHN) “112” qaynar telefon xəttinə Bakı şəhərinin Binəqədi rayonunda 1 nəfərin liftdə köməksiz vəziyyətdə qalması barədə məlumat daxil olub.

Bu haqda FHN məlumat yayıb.

Bildirilib ki, məlumat qəbul ediləndən dərhal sonra FHN-nin Bakı Regional Mərkəzinin xilasetmə qrupu çağırış üzrə cəlb olunub.

Həyata keçirilən tədbirlər nəticəsində vətəndaşın meyiti liftdən çıxarılaraq aidiyyəti üzrə təhvil verilib.

İngiltərənin nüfuzlu “FourFourTwo” portalı Braziliya tarixinin ən yaxşı hücumçularının reytinqini açıqlayıb.

Reytinqə Braziliya millisi ilə üç dəfə dünya çempionatının qalibi olan əfsanəvi hücumçu Pele başçılıq edir.

Siyahının ikinci pilləsində “Qızıl top”un ikiqat qalibi və ikiqat dünya çempionu Ronaldo, ikinci yerdə “Barselona”nın və “Milan”ın keçmiş ulduzu Ronaldinyo qərarlaşıb.

Hələ də peşəkar şəkildə oynayan futbolçulardan yalnız reytinqdə 9-cu yeri tutan Neymar ilk 10-luğa daxil olub.

Tarixin ən yaxşı 10 braziliyalı hücumçusu:

Pele

Ronaldo

Ronaldinyo

Qarrinça

Rivaldo

Didi

Romario

Jairzino

Neymar

Leonidas

Hazırda Siciliyada olan Abşeron-Xızı RTİ rəhbərliyi əmrlərini net olaraq verdiyi deyilir.

Bakunews.az xəbər verir ki, Mərhum Ulu Öndər Heydər Əliyevin vəfatından sonra Birinci- Vitse Prezident Mehriban xanım Əliyevanın təşəbüsü ilə yaradılan “Heydər Əliyev” fondu Azərbaycan xalqının bir çox problemlərinin həlində mühüm rol oynamışdır. Məhs bu səbəbdən regionlarda və paytaxda çözüm tapılmayan məsələlərdə xalq “Heydər Əliyev” fonduna müraciət edərək həll edilməyən məsələlərin kökündən həlinə nail olur. “Heydər Əliyev” fondu Azərbaycan gəncliyinin müasir şəraitdə təhsil alaraq xalqa dövlətə yararlı nəslin yetişməsindədə yetərli sayda layihələrə imza atmışdır. Bu layihələrdən ən əsası isə qəzalı təhsil ocaqlarının yerinə modul tipli və ya yenidən tam təşəbüslü məktəb binalarının tikintisidir. Bu layihələr sayəsində valideynlərin övladları üçün narahatçılıqları tamamilə aradan qaldırılmışdır. Lakin bu günlərdə Sumqayıtda narahat olan bir qrup valideynlər dərhal “Heydər Əliyev” fonduna media vasitəsi ilə müraciət etmək qərarı alıb. Beləki onlara yaradılan çətin durumlarla bağlı Fondun məlumatlandırılması və təyinatından kənar istifadəyə hazırlanan məktəblə bağlı narahatlıqların dilə gətiriblər. Yaranan problem əslində ilk və son hesab edilmədiyin deyən sakinlər keçən ildə bu halın baş verdiyini məhs “Heydər Əliyev” Fondunun məsələyə müdaxiləsi vətəndaşlara yaradılan problemin dərhal aradan qalxmasına səbəb olmuşdu. Bu gün isə bir il keçməsinə baxmayaraq yenidən eyni problemlə üz-üzə qalıblar.

Sumqayıt şəhər 4-cü mikrarayonda yerləşən “Heydər Əliyev” Fondunun tikdirdiyi 20 saylı Tam Orta Məktəb müəmmalı şəkildə dağıdılır. Beləki redaksiyamıza edilən şikayətdə qeyd edilir ki, çox saylı şikayətlərimizi nəzərə alaraq əhalinin təlabatına görə “Heydər Əliyev” Fondu tərəfindən orta məktəb binası inşa edilib. Lakin Abşeron-Xızı Regional idarənin rəhbəri Sİciliya adalarından əmrləri sayəsində orta məktəbin daxilində arakəsmələr kəsilməklə Musiqi məktəbi binaya köçürülür. Qeyd etməliyik ki çox saylı etiraza səbəb olmasına baxmayaraq İlhamə Abdullayeva məqsədindən geri çəkilmək niyətində deyil. 20 saylı Sumqayıt Məktəbinin şagirdləri sənədlərdə 14 saylı məktəbin korpusunun şagirdləri kimi qeyd edilməklə fəaliyyətin davam etdirib deyə müəllimin səs yazısında qeyd edilir. 14 saylı məktəbin inzibati binasının köhnə olması və şəraitsizliyi səbəbindən şagir tutumuna görə təmin edə bilməməsi səbəbindən tikilmiş yeni inzibati bina müsiqi məktəbinə təhvil təslim edilir. Bayramla əlaqədar verilən tətil ərəfəsində heç kəsin müdaxilə etməməsi və digər dövlət qurumlarının məsələdən xəbərdar olmaması üçün bu günlərdə prosseslər yekunlaşmaqdadır. Sinif rəhbərlərinə valideynləri məlumatlandəırmaq tapşırığı verməkdə yadan çıxmayıb. Odur ki, şagirdlər normal şəkildə binanın əsas girişindən deyil arxa qapısından sinif otaqlarına keçməsi tapşırılır. Həmçinin qeyd edilir ki, 14 saylı məktəb vaxtı ilə baxça kimi fəaliyyət göstərib. Lakin aparılan islahatlar əhali tərəfindən etirazla qarşılanması regional təhsil idarəsinin kefini belə pozmur. 14 saylı məktəb binasının həmçinin qəzalı olması valideynləri tədirgin edir. Onlar övladlarının həmin qəzalı binada təhsil almasının əleyhinədirlər. Odur ki, Heydər Əliyev fondunun rəhbərliyindən məslə ilə bağlı onlara yardım edilməsni xahiş edirlər. Valideynlər son ümid yerlərinin “Heydər Əliyev” fondu olduğunu məsələyə onların müdaxiləsi olmasa övladlarımız yenədə şəritsiz və acınacaqlı durumda olan qəzalı binada təhsil almalı olacağın bildirir. Həmçinin qeyd edək ki, Regional idarə rəhbəri və ona yaxın direktorlardan bir neçəsi Həmkarların maliyyələşdirməsi ilə tətil üçün Siciliya adalarına yolanıb.
Məsələ ilə bağlı qarşı tərəfi dinləməyə hazırıq.(Bakunews.az)
Araşdırmamız davam edəcək…

"Sonaxanım Əliyeva özünə umac uma bilmir, başqasına əriştə kəsir".

Bunu Qaynarinfo-ya açıqlamasında filologiya elmləri üzrə fəlsəfə doktoru Anar Vəziroğlu Gənc Tamaşaçılar Teatrının aktrisası Sonaxanım Əliyevanın rayonluları aşağılaması ilə bağlı fikirlərinə münasibət bildirərkən deyib.

Ekspert bildirib ki, ailəsi ilə yola gedə bilməyən bir aktrisanın rayon əhalisini aşağılamağa ixtiyarı yoxdur:

"Onu tanıyıram. Dəfələrlə bir verilişdə olmuşuq. Öz doğma qardaşı ilə dil tapıb dolana bilməyən bir aktrisa kimdir ki, bu qədər insanı təhqir eləsin? Qardaşı ilə arasında problemi var idi. Qardaşından şikayət etmişdi, səhv etmirəmsə, ondan 10 min istəyirdi. Qardaşı dedi ki, biz o pulu ona verəcəyik, əl çəksin. Sonaxanım deyir qoy mən qışqırım ki, səsim eşidilsin. Onun başqa nəyi var? Özü də bilmir nə danışır".

Ekspertin fikirincə, Sonaxanım Əliyeva bu fikiri səsləndirdə heç nəyi hesablamayıb:

"Bilmir ki, onun arxasınca kim nə deyəcək. Çünki insanın dərrakəsi olmalıdır. Sözü söz xətirinə deyib. Sonaxanım özü bakılı deyil, gəlmədir. Onda bu qadına üzümü tutub deyirəm, ay Sonaxanım, sən rayonlarda hansı şəraiti yaratdın ki, sənin kimi qadınlar da o şəraiti görüb kəndində qalıb yaşasın? Axı onlar da sənin kimi insanlardır. İstəyir işləsin, ailəsinə baxsın, axşamlar da əylənməyə çıxsın. Sonaxanım, bunlar rayonda var? Yoxdur. O bədbəxt neyləməlidir? Sən gündə ordan-bura, burdan-ora gedirsən. Onlar da bunu efirdən görür, deyir elə gedim Bakıda yaşayım da. İnsanın təlabatları var, baxma ki, harda doğulur. Onların da yaxşı yaşamaq istəyi var. Necə ola bilər ki, sən kef edə bilərsən, amma onlar yox? Hər insanın məqsədi var. Bir aktrisaya yaraşarmı insanları bölmək? Bundan sonra Bakıya gələnlər səndən icazə almalıdır ki".

Qeyd edək ki, aktrisa Sonaxanım Əliyeva efirlərin birində rayonluları aşağılayıb. Aktrisa rayonlardan Bakıya axın edən gənclərin sayının çoxaldığını vurğulayıb:

"Avaralığa gəlirlər. Rayondan gələnlərin əlindən şəhərdə nəfəs ala bilmirik".

Martın 26-sı saat 11:00-a olan məlumata əsasən ölkə ərazisində yağıntılı hava şəraiti davam edib, dağlıq rayonlarda qar yağıb.

Bu barədə Milli Hidrometeorologiya Xidmətindən məlumat verilib.

Bildirilib ki, qar örtüyünün hündürlüyü Şahdağda 54 sm, Qrızda 3 sm olub.

Düşən yağıntının miqdarı Qaxda 20 mm, Şəkidə 19 mm, Qəbələ, Balakəndə 18 mm, Oğuzda 16 mm, Göyçay, Şahdağda 13 mm, Qrız, Xaltan, Şabran, Quba, Qusar, Tovuz, Ordubad, Mingəçevir, Yevlax, Zərdab, Kürdəmir, Şahbuz, Lerik, İsmayıllı, Altıağac, Şəmkir, Ceyrançöl, Naxçıvan, Şamaxı, Ağdam, Ağstafa, Daşkəsən, Gədəbəy, Göygöl, Culfa, Naftalan, Gəncə, Şərur, Sədərək, Qobustan, Tərtər, Bərdə, Beyləqan, İmişli, Sabirabad, Cəfərxan, Yardımlı, Astarada 8 mm-dək, Bakıda və Abşeron yarımadasında 1 mm-dək olub.

Həmçinin Şimal-qərb küləyi arabir Daşkəsəndə 28 m/s, Şahdağda 20 m/s, Lerikdə 19 m/s, Yardımlıda 18 m/s, Naxçıvan, Gədəbəydə 16 m/s, Bakıda və Abşeron yarımadasında 17 m/s-dək güclənib.

Neft Daşları stansiyasının məlumatına əsasən dalğanın hündürlüyü 2.6 metrə çatıb.

Sumqayıt, Daşkəsən, Göygöl, Naftalan, Gəncə, Şəmkir, Balakən, Zaqatala, Şəki, Qax, Şamaxı, Qobustan, Altıağac, Quba, Qusar, Xaltan, Qrız, Kürdəmir, Cəfərxan, Lerikdə duman müşahidə olunub. Dumanda görünüş 200 metrədək məhdudlaşıb.

Havanın minimal temperaturu Bakıda və Abşeron yarımadasında 7, Naxçıvan MR-da 4, Aran rayonlarında 6, dağlıq rayonlarda 3 dərəcəyədək isti, yüksək dağlıq ərazilərdə 10 dərəcəyədək şaxta olub.

Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) paytaxt Bakıda həyata keçirdiyi parkinq siyasəti elə ilk gündəncə eirazla qarşılanıb. Dia-az.info bildirir ki, hələ bu durumla bağlı hansısa tədbir xarakterli addımı atmaq əvəzinə AYNA-nın başbilənləri əlavə narazılıq yaratmaq təşəbbüsündədir.

Bu barədə redaksiyamıza məlumat verən oxucular bildirir ki, 1 aprel tarixindən Qış Parkındakı parkinq aylğının tarifləri iki dəfədən də çox bahalaşacaq. Məsələn, əvvəl 30 manata təklif olunan xidmət indi 80 manata olacaq.

Digər parklama yerlərindəki tariflərin də anoloji qaydada bahalaşacağı deyilir. Bunun isə əlavə narahatçılıq və ən sonunda narazılıq yaradacağı şəkksizdir.(Dia-az.info)

Ucar rayon sakinləri Cəbrayılov Tural Malik oğlu, Həsənov Namiq Vasif oğlu, Babayev Gündüz Səlim oğlu və Seyidov Mirəli Mansur oğlu tərəfindən "Hurriyyet.az" saytının redaksiyasına şikayət məktubu daxil olub.

Həmin məktubu olduğu kimi dərc edirik:

"Ucar rayon mərkəzi xəstəxanasında həkim səhlənkarlığının növbəti qurbanları durmadan artmaqdadır. Bunun bütün məsuliyyəti TƏBİB-in İcraçı direktoru Vüqar Qurbanov və İdarə Heyətinin sədri Zaur Əliyevin üzərinə düşür.

Belə ki, 24 aprel 2023-cü il tarixdə qan təzyiqi aşağı düşərək halı pisləşən Ucar rayon, Qazyan kənd sakini Ələkbərova Kamilə Yaqub qızı Ucar rayon Mərkəzi Xəstəxanasına çatdırılsa da həkim səhlənkarlığına görə vəfat edib. Hansı ki, orta məktəb şagirdi olan 16 yaşlı Kamilə Ələkbərova tam sağlam olub, heç vaxt həkimə müraciət etməyib. Qəfil qan təzyiqi aşağı düşüb, halı pisləşdiyi üçün Ucar xəstəxanasına çatdırılıb. Orada həkim Aydın Hüseynov səhv müalicə apardığı üçün xəstə vəfat edib.

Bundan başqa, təxminən bir həftə öncə Ucar rayonu Çiyni kənd sakini Hüseynov Ceyhun Şahin oğlu hamilə həyat yoldaşını Ucar rayon Xəstəxanasına gətirib. Vaxtından əvvəl olduğu üçün keysəriyyə əməliyyatı ilə doğulan uşaq bir neçə saat sonra ölüb.

Zeynal Bayramlının direktoru olduğu Ucar rayon Mərkəzi Xəstəxanasında insan ölümlərinin sayı-hesabı yoxdur. Adi qan təzyiqinin düşməsinin qarşısını ala bilməyən həkimləri olan xəstəxana ümumiyyətlə bağlanmalıdır.

Zeynal Bayramlının talançılığı, korrupsiya əməlləri barədə kifayət qədər şikayətlər edilib, mətbuatda yazılar dərc edilib. Ancaq TƏBİB-in rəhbərliyi onun barəsində tədbir görmək istəmir. Nəticədə isə adi yüngül xəstəliklərdən insanları Ucar xəstəxanasında öldürürlər. Hətta Zeynal Bayramlı məclisdə deyib ki, TƏBİB-in rəhbərliyi kimdir, Ucar rayon Xəstəxanasının binasını Ziya Məmmədov öz vəsaiti hesabına inşa etdirib, məni bura o, rəhbər təyin etdirib.

Qeyd edək ki, Ucar rayon Mərkəzi Xəstəxanası Hüquqi Publik Şəxsin direktoru Zeynal Bayramlı keçmiş nəqliyyat naziri Ziya Məmmədovun qohumudur.

2005-ci il tarixdə Tibb Universitetini bitirən kimi heç bir təcrübə əldə etmədən birbaşa Ucar rayon Qazıqumlaq kənd xəstəxanasına baş həkim təyin edilib. Bundan iki il sonra 2007-ci il tarixdə Ucar rayon Mərkəzi Xəstəxanasına baş həkim təyin olunub. Zeynal Bayramlı 16 illik fəliyyəti talançılıq və korrupsiyadan ibarət olmuşdur.

Mətbuat vasitəsi ilə Prezident cənab İlham Əliyevdən xahiş edirik ki, Zeynal Bayramlı barədə tədbir görsün”.

"Bu yazını yazan 44 günlük vətən müharibəsinin qəhraman şəhidlərindən olan Şəhid Əliyev Aqil Fayiq oğlunun anası Kübra anadır!" Dia-az.info bunu öz müraciətlərində qeyd edən Tovuz sakinləri Şəhid anasının harayına aidiyyatı qurumların müsbə reaksiya verməsini xahiş edirlər. Müraciətdə daha sonra deyilir:

"Deməli, Tovuz rayonunun Çatax kəndində olan qaz problemindən demək olar ki, hər kəsin məlumatı var. Xəbəri olmayanlar üçün deyək ki, həmin kənddən qaz xətti keçir. Amma həmin kənd sakinlərinə qaz verilmir ki, orada layihə yoxdur. Digər şəhidimiz Ayvazov Həsənin düz ata ocağının kənarından keçir qaz xətti. Amma illər idi ki, çoxsaylı müraciətlərə baxmayaraq onlara qaz verilmirdi. Artıq, nəhayətdə Ayvazov Həsənin ailəsinə qaz xəttindən qaz verilibdir.

Şəhid Aqil Əliyevin evi isə yoldan biraz aralıdır. Ona görə onlara qaz xətti çəkilməyib. Onu da nəzərinizə çatdıraq ki, çox jurnalistlər, şəhid ailələri o evdə olduqlarına görə təsdiqləyə bilərlər... o evin neçə xəstəsi var, anamız Kübra ana da artıq yeriyə bilmir. Bu insanlara qayğı, diqqət lazımdır hər zaman. Xahiş edirik nəzərə alınsın..."

Dia-az.info bildirir ki, Şəhid anasının müraciətində yerli rəhbərliyin və əlaqədar qurum olan “Azəriqaz”ın hələ də "köhnə şəhid - təzə şəhid" söhbəti kimi utancverici bir mərəzə yoluxmalarından da giley olunur.