Azərbaycan Prezidenti İlham Əliyev martın 18-də Xankəndi şəhərində Novruz tonqalını alovlandırıb.

Dövlət başçısı Azərbaycan xalqını Novruz bayramı münasibətilə təbrik edib.

Ekologiya və təbii sərvətlər nazirinin müavini Vüqar Kərimov fevral ayının 14-də keçirilən ağacəkmə aksiyasında mətbuata verdiyi açıqlamada bu ilin sonuna qədər ölkə ərazisində 5 milyon ağacın əkilməsinin planlaşdırıldığını bildirib.

Nazir müavini Azərbaycanda 2024-cü ilin “Yaşıl dünya naminə həmrəylik ili” elan olunmasından sonra kütləvi ağacəkmə aksiyalarına başlanıldığını vurğulayıb: “Artıq fevral ayının əvvəllərindən başlayaraq həm Abşeron yarımadasında, həm də ölkəmizin digər ərazilərində bu cür ağacəkmə aksiyalarının keçirilməsinə start verilib. Bu aksiyalarda təkcə ETSN və onun yerli qurumları deyil, həmçinin aidiyyəti dövlət qurumlarının, mərkəzi icra hakimiyyəti orqanlarının da iştirakı təmin olunur”.

Təbii ki, Prezident İlham Əliyevin göstərişlərindən sonra ekologiya və təbii sərvətlər nazirliyinin təşkil etdiyi bu ağacəkmə aksiyası təqdirəlayiq haldır. Amma bir maraqlı sual da çıxır ortaya. Bəs ekologiya və təbii sərvətlər nazirliyi ölkə ərazisində aparılan kütləvi ağackəsmə kompaniyasına nə vaxt son qoyacaq?

Aktualinfo.org təkcə 2023-cü ildə meşələtəmizdə olan ” yaşıl terror”la bağlı kifayət qədər geniş və təkzib olunmamış məlumatlar yayıb və bu işin başında Ekologiya və Təbii Sərvətlər nazirinin müavini Vüqar Kərimovun durduğunu açıqlayıb. Şəki rayonundan, elə nazir müavini Vüqar Kərimovun doğulduğu kənddən redaksiyamıza verilən son məlumatlar da bunu təsdiqləyir.

Redaksiyamıza adının çəkilməsini istəməyən Şəki şəhər sakini tərəfindən Kiş çayı ətrafında baş vermiş ekoloji cinayət faktları ilə bağlı video, foto sənədlərə əsaslanan müraciət göndərmişdir. Müraciətdə qeyd edilir ki, məşhur iş adamı Lətifov Tehran Sabir oğlu tərəfindən Şəki şəhərinin yuxarı hissəsində “Marxal” istirahət Mərkəzi ətrafında olan və Ekologiya və Təbii Sərvətlər Nazirliyin balansında olan üç böyük meşə fondu ərazisini icarə adı altında zəbt etmişdir. Məsələ barəsində 1 həftə öncə ETSN-nin qaynar xəttinə zəng edərək Kiş çayı ətrafında yerləşən və Şəki şəhərini sel təhlükəsindən qorumaq üçün hələ Sovetlər dövründə salınmış küknar meşəliyinin, çay yatağındakı meşə cinsli çoxsaylı müxtəlif diametrli ağacların böyük ərazidə ağır texnikanın köməkliyilə kürünərək yerində istirahət mərkəzi tikilməsi üçün yer hazırlanmışdır. Verilən məlumata görə T.Lətifov Kiş çayının sol sahilində yerləşən “Sərin ada” restoran yerini iki kürəkəni üçün sənədləşdirmiş və burada yerləşən müxtəlif ağacların 28 ədədini yer səviyyəsində, qalan 76 ədəd ağacı isə 3 metr hündürlükdə tam budatmışdır ki, növbəti ili ağaclar quruyaraq məhv olsun. Digər 3-cü sahə olan və “Zip Line” kanatlı istirahət mərkəzinə çatmamış, yolun sol hissəsində, Kiş çayının isə sağ sahil hisəsində yerləşən hektarlarla salınmış küknar meşəsinin də az bir hissəsini ( təxminən 1 ha) ETSN ilə 5 il öncə rəsmi icarə müqaviləsi bağlayaraq hər ili burada olan 25-35 sm diametrli şam ağaclarını kəsib məhv etməklə məşğuldur ki, burada da qanunsuz tikinti işləri aparıb evciklər, mətbəx, gözətçi sahəsi, restoran və çay üzərindən kanat tikib istifadəyə versin. Meşə ərazisinə də çoxsaylı mişar daşları, qum, şeben və s. Tikinti materialları töküb işə başlamışdır. Təqdim edilən videolarda da qeyd edilənlər video və foto görüntülərlə təsdiqini tapır. Şəki sakini hər üç meşə fondu ərazisində aparılan kütləvi ağac kəsintilərinin ümüumi sayının 1400 ədəd olduğunu və nazirliyin yerli Ekologiya İdarəsi əməkdaşları olan Şəmsəddin və Kamranla apardığı monitorinq nəticəsində ETSN əməkdaşları da faktları yerində baxış keçirərək təsdiq etmişlər. Verdikləri rəsmi məlumatda aydın olur ki, bütün bu kəsilən qiymətli ağaclara görə sahibkar T.Lətifova 700 manat cərimə aktı tərtib edilmişdir. Şikayətçinin iştirakı ilə keçirilən monitorinq zamanı həmin meşə dolayına nəzarət edən meşəbəyi də təsdiq etmişdir ki, küknar meşəsi əvvəlki Ekologiya İdarəsinin müdiri olmuş Yusifov Namiq dövründə verilmiş və ağacların da hamısı o dövrdə kəsilmişdir. Yəni, təzəcə kəsilən ağaclar hələlik yoxdur. O da məlum olmuşdur ki, ETSN nazir müavini cənab Vüqar Kərimli də məhz bu ərazinin 1 km-də yerləşən Kiş kəndində anadan olmuşdur. Və tez tez bu ərazilərə səfər edərək baş vermiş ekoloji cinayətlərin şahidi olmuşdur. Amma nə fayda. Çünki onun Namiq Yusifovla bir həmyerli kimi olan dostluq münasibətlərinə görə bu ərazilər imkanlı iş adamlarına şapka müqabilində icarəyə verilir. Nəticədə sahibkar verdiyinin əvəzini çıxarmaq üçün müqavilədə qeyd edilən sahədən dəflərlə çox ərazini qanunsuz zəbt edir və qanunsuz tikinti işlərinə başlayır. Ən önəmli məslə isə Kiş çay yatağındakı ağacların kütləvi kəsilməsi nəticəsində orta əsrlər şəhəri olan Şəkini sel təhlükəsilə üz üzə qoyurlar. Güman edirik ki, Fövqəladə Hallar Nazirliyi, Su və Meliorasiya Dövlət Agentliyi dağıdıcı çay hesab edilən Kişın fəlakəti baş verməmiş bu istiqamətdə təcili və təxirəsalınmaz tədbirlər görəcəkdir.

Aktualinfo.org

P.S. Bəli, bizə aydın deyil ki, ETSN naziri, həm də Azərbaycanda bu il keçirilməsi nəzərdə tutulan GOP-un sədri cənab Muxtar Babayevə qaynar xətt vasitəsilə daxil olmuş bu şikayəti niyə ört-basdır etməyə çalışır? Görəsən məmləkətdə baş verən ekoloji cinayətlərin qarşısı nə vaxt alınacaq ?

"Naftalana müailəcəyə gedəndə "Sehirli Naftalan"a getməyin. Getsəniz də özünüzlə yemək aparın".

Qlobal.az xəbər veri ki, bu fikirlər tanınmış pambıqçı fermer Əfras Əsgərova məxsusdur.

Sosial şəbəkədə istirahət mərkəzindən narazılıq edən fermer Qida Təhlükəsizliyi Agentliyini "Sehirli Naftalan"a gəlib yoxlama aparmağa da çağırıb.

Şəbəkə istifadəçilərinin bəziləri fermerin "Sehirli Naftalan" barədə olan fikirlərini dəstəkləyərək, burada xidmətin, yeməklərin keyfiyyətinin və qiymətlərin baha olmasını bildiriblər.

Qlobal.az məsələ ilə bağlı "Sehirli Naftalan"dan mövqe öyrənə bilməyib.

“Dəryaz” qəzetinin internet saytında təqdim olunan “Sevda Məmmədovanın “69-u” yaş senzi tanımır” sərlövhəli, “Qazağın səhiyyə direktorunun bütün sülaləsi vəzifə basındadır” yarımbaşlıqlı birinci, “Qazağın səhiyyə direktoru xəstəxananın əmlakını “Əriklik”dəki villalarına daşıyıb” adlı ikinci məqalələr oxucular tərəfindən maraqla qarşılanıb. Qazax səhiyyəsindəki problemlərdən və Sevda Məmmədovanın qohumbazlığından yaxşı xəbərdasr olan rayon sakinləri redaksiyamıza rayon mərkəzi xəstəxanasında tüğyan edən özbaşınalıqlara dair əlavə informasiyalar veriblər. Ən əsası isə, məlumatlarla xanım baş direktorun xəstəxananın köhnə Doğum Evindən iki ədəd 60 tonluq su çənlərini villalarına apartdırdığı təsdiqlənib, özünü tibb bacısı kimi tanıdan Musayeva Arzu adlı sanitarın adı gecə növbəsinə yazılsa da, gecələr növbəyə çıxmaması, ixtisası olmadığı halda xəstələrə iynə vurması, tibb bacısı Ülviyyə Qocayevanın isə həkim kimi təqdim olunması və s. neqativ hallar davam etməkdədir. Baç direktor Sevda Məmmədovanın da tənqidi yazılara münasibəti məlumdur: “Nə oldu, yazdınız, məni də çağırdılar mərkəzə (Rayon İcra Hakimiyyəti nəzərdə tutulur-red.), gedib hər şeyi qaydaya qoydum”

Bu dəfə redaksiyamıza daxil olmuş video-çəkilişlə müşayiət olunan şikayətdə bildirilir ki,Qazax mərkəzi xəstəxanasında diş həkimi azyaşlı xəstəni valideynlərinin gözü qarşısında döyüb.

Belə ki, Ağstafa rayonunun Poylu kəndindən olan 6 yaşlı Qurbanlı Yusif Emil oğlu diş ağrısı ilə Qazax Rayon Xəstəxanasına aparılıb. Onu xəstəxananın Stamotoloji şöbəsinə yönləndiriblər. Ailə bildirir ki, stomatoloq Rövşən Məmmədov azyaşlının dişlərinə baxdıqdan sonra onu ilk əvvəl rentgenə göndərib, daha sonra dişin cəkilməsinə qərar verib. İlk əvvəl iynə vurub. Elə hər şey də iynənin vurulmasından sonra başlayıb. Azyaşlının anası iddia edir ki, həkim iynəni dişinə vurmaqla yanaşı, həm də alt dodağına sancıb. Bu vəziyyətdən ailə narahat olduğunu deyir. Ailə üzvlərinin sözlərinə görə, bu azmış kimi, həkim aqressivlik nümayiş etdirərək, övladlarının ilk əvvəl çənəsinə alətlə, daha sonra ayaq nahiyəsindən əli ilə sərt şəkildə vurub. Bundan sonra uşağın atası Emin ilə həkim Rövşən Məmmədov arasında mübahisə düşüb.

Öyrəndik ki, adı cəkilən diş həkimi Rövşən Məmmədov Qazax rayon mərkəzi xəstəxanasının direktoru Sevda Məmmədovanın dayısı oğludur. O, stomotoloji şöbənin müdiri imiş. Stomotoloji şöbənin digər bir həkimi də xəstəxana direktorunun bacısı Hüsniyyə Məmmədova adlı həkimdir. Üstügəl, bu həkimin də Kərim və Günay adlı övladları da dövlət xəstəxanasında özlərinə yer ediblər. Kefləri istəyəndə xəstəxanaya gəlib — gedirlər, amma bununla paralel olaraq özəl klinikada işləyirlər. Maraqlı burasıdır ki, Sevda Məmmədovanın bacısı Hüsniyyə Məmmədovanın oğlu Kərim xalasından (himayədarından) ilhamlanaraq xəstəxananın stomatoloji şöbəsinə rentgen aparatı gətirib. Sadəcə, bu həkim özü ücün pasiyentlərdən pulu toplayaraq cibinə işləyir. Bir sözlə, xəstəxananın direktoru Sevda Məmmədova yaxın qohumlarını bir yerə toplayaraq, sanki ailə xəstəxanasını qurub. Amma bu adama “gözün üstündə qaşın var” deyən yoxdur. Bilidrildiyinə görə, Sevda Məmmədovanı həm də Qazax rayon İcra Hakimiyyətinin başcısı olan Rəcəb Babaşov himayə edir.

Xatırladaq ki, Sevda Məmmədova və onun alçaq itaətinə boyun əyən yandaş səhgiyyə işçiləri əvvəlki məqalələrə mövzu vermiş şikayətçi Siranuş Eyyubovanın üstünə yalnız daşıdığı ada görə iftira ataraq, onun milli mənsubiyyətinə məsxərə etmişdilər. Görəsən, xəstəxana rəhbərliyi müalicə etmək əvəzinə döydüyü azərbaycanlı uşağı da “sıpa” adlandıracaq?

Əgər həkim azyaşlı xəstəni valideyninin gözü qarşısında döyürsə, təxmin etmək olar ki, o xəstəxanada yiyəsi yanında olmayan xəstələrlə necə qəddarcasına davranırlar.

Mövzuya qayıdacağıq.

Deryaz.az

"TƏBİB-də hörmət etdiyim əməkdaşlar var. Amma bu, o demək deyil ki, susacam. Günorta qardaşım həyəcanla zəng edib, arxadan da oğlunun qışqırıq və ağlaşma səsi gəlir. Uşaq da 1 yaş 7 aylıqdır. Deyir, Məhərrəm, uşaq yıxılıb, başı yarılıb, dəhşət qan gəlir, poliklinikalar bir-birinin üzərinə atır, heç kim baxmır". Dia-az.info bildirir ki, bunu jurnalist Məhərrəm Əliyev öz etiraz müraciəttində ifadə edib.
Narazı vətəndaş daha sonra bildirir: "Deməli, birinci aparıblar, Bakı şəhəri Təcili və Təxirəsalınmaz Tibbi Yardım Stansiyasının 5 saylı bölməsinə. Həkimlər deyiblər ki, uşaq xəstəxanasına aparın, baxa bilmərik. Qardaşım deyib ki, uşaq qan itirir, bəs sizin insafınıza nə gəlib? Barı sarğı qoyun, onu da etməyiblər.
Deyir, orada heç kim baxmadı, yaxın olduğu üçün uşağı qan itirə-itirə 20 saylı şəhər poliklinikasına apardıq. Orada da əvvəlcə heç kim baxmaq istəməyib, səs-küy salandan sonra sarğı qoyublar. Bu söhbətin, davanın fonunda da uşaq başından qan itirir.
İndi əsas məsələyə gələk. Adını qoymusunuz, "Təcili və Təxirəsalınmaz Tibbi Yardım". Hansı "Təcili və Təxirəsalınmaz Tibbi Yardım"dan söhbət gedir ki, körpə uşağın başından qan gedir, erməni kimi həkimləriniz yaxın durmur?
Protokol filan deyirsiniz, heç onu da anlamıram. Lap deyək ki, uşaq xəstəxanasına aparmalıdır. Ay beyinsizlər, bu uşağı tıxacda aparana kimi kifayət qədər qan itirəcəkdi, bəs sonra sizi mənim əlimdən kim alacaqdı?
Qaydalarla hərəkət edirsiniz, etmək istəyirsiniz, etməyə çalışırsınız, yaxud da bizi aldadırsınız, cəhənnəm, bunu anlayıram, bəs sizin olmayan Hippokrat andınıza nə gəlib? Görürsünüz ki, uşaq qan itirir, sarğı qoymağa niyə canınız çıxır?
Vallah, deyəndə ki, cəlladsınız, inciyirsiniz. Bu, cəlladlıq deyilsə, nədir?
Allah bu yazıq camaatı bizim həkimlərə möhtac etməsin, başqa heç nə demirəm.
Heç kim də gəlib malalamasın. Vətəndaşların mövzularını malalayırsınız, amma bunu edə bilməyəcəksiniz. Vaxtınız olanda vicdanınızı sorğulayın, əgər varsa..."(Dia-az.info )