İki əsr bundan əvvəl köhnə Bakını hamamsız təsəvvür etmək olmazdı. Hətta hamam cəhətdən Bakını Romanın xələfi də saymaq olar. Bakıdakı ilk hamam 14-cü əsrdə Nardaranda mövcud olsa da, hamama getmək adəti daha çox 18-19-cu əsrlərdə yayılmışdı.

Bakılılar hər dəfə fərqli hamamlara getməzdi, hər bakılının daim getdiyi bir hamam olardı. Ağa Mikayılın, Hacı Qaibin, Qasım Bəyin hamamları 19-cu əsrin məşhur hamamları idi. Hamam insanların həm də əyləncə yeri idi. Eyni zamanda hamamlarda bərbərlər də fəaliyyət göstərirdilər.

Bakıda hamam binası əsasən iki hissədən ibarət idi: bayır və içəri hissələr. Bayır hissə soyunub-geyinmək üçün, içəri hissə isə çimməkdən ötrü idi. Hamamın suyu odun, ya da neftlə isidilirdi. İçəridə iliq su ilə dolu hovuz olardı. Kisələnəndən sonra insanlar bu hovuza girib yaxalanardılar. Müasir hamamlardakı VİP kabinələr kimi, əvvəllər hamamda xəlvəti hovuzlar olurdu. Orada təkcə şəhərin varlı şəxsləri çimərdi.

Hamamlarda çılpaq yuyunmaq qadağan idi. Soyunandan sonra cumadar adlandırılan hamam xidmətçisi hərəyə bir fitə verərdi. Yalnız fitəyə büründükdən sonra çimməyə icazə verilərdi. Cumadarlar varlılara ipək, kasıblara isə iplikdən tikilmiş fitə verərdi.
Köhnə Bakıda mövcud olan və indi də qalan adətlərdən biri toy hamamı anlayışıdır. Toydan bir gün qabaq bəy öz dostlarını hamama dəvət edər və hamam pulunu özü ödəyərdi. Bu adət “O olmasın, bu olsun” filmində də göstərilir. Həmin filmin hamam səhnəsi “Ağa Mikayıl” hamamında çəkilmişdi. İndiyədək insanlar “Ağa Mikayıl” hamamına “Məşədi İbad” hamamı deyirlər.

Kişilərin və qadınların hamam günləri ayrı idi. Kişilərə nisbətən qadınların hamam günü daha səs-küylü keçərdi. Çünki qadınlar öz uşaqlarını da hamama gətirərdilər. Arvad yengələri bütün günü hamamda düşüb qalardılar. Onlar övladlarına qız axtaran adamların pulu ilə çimərdilər. Peşələri gizli-gizli qızlara göz qoymaq idi. Cavan gəlinlər öz paltarlarını nümayiş etdirmək üçün zərbaftalı don geyinib bəzənərdilər, ən bahalı qızıllarını taxıb nümayiş etdirərdilər. Bütün bunlar “Qanun naminə” filminin hamam səhnəsində göstərilir.

Ətraflı Baku TV-nin əməkdaşı Emil Hacıyevin araşdırmasında:

Səmədova Şirinxanım Vaqif qızı Salyan Mərkəzi Rayon Xəstəxanası Publik Hüquqi şəxsin direktoru təyin olunub.

“Report”un Aran bürosunun məlumatına görə, bu barədə müvafiq əmr imzalanıb.

Qeyd edək ki, tibb müəssisəsinin əvvəlki direktoru Ramil Qasımov idi.

Tovuz rayonunun Qəribli kəndində yerləşən və kəndin iki hissəsini bir-biri ilə birləşdirən körpü qəzalı vəziyyətdədir. Düz 40 il əvvəl Zəyəm çayının üzərində inşa edilən körpünün dayaqlarını sel suları yuduğundan bir tərəfi əyilib.

Körpünün istifadə üçün yararsız olması bədbəxt hadisələrə şərait yaradır. Sakinlərin AYNA-ya dediklərinə görə, zəif külək əsəndə, yaxud yağış, qar yağanda həm piyadaların, də həm avtomobillərin hərəkəti təhlükəyə düşür.

Kənd sakini Afiq Musayev bir neçə dəfə sel sularının körpüyə ziyan vurduğunu, lakin heç vaxt əsslı təmir olunmadığını söyləyir: “Sel bir neçə dəfə yuyub. Hər dəfəsində əhali özü yığılıb əl gəzdirir ki, yaxşı-pis, istifadə edmək mümkün olsun. İndi dayaqlarının biri əyilib. Özümüz qaldırıcı qurğu ilə qoyub qaldırmışıq. Amma beton dayaqların altını su yuduğudan tam düzəltmək mümkün olmayıb”.

“Körpünün üzü dəmir listlərdən ibarətdir. Bir çox yerləri deformasiya olub. Qışda donur. Maşın da keçəndə az qalır yanı üstə əyilib aşa. Hazırda min nəfər kənd sakini bu körpüdən istifadə edir. Hamının istəyi odur ki, etibarlı bir körpümüz olsun”, - deyə həmsöhbətimiz bildirir.

Digər sakin Etibar Ələkbərovun sözlərinə görə, 1983-cü ildə - körpü olmayan vaxt atasını sel aparıb: “Ondan sonra bir hamilə gəlin, yanında da bir uşağı sel apardı. Cəsədləri bir həftə sonra tapıldı. Bir neçə belə bədbəxt hadisədən sonra - 1984-cü ildə körpü salındı”.

“İndi körpü qəzalı vəziyyətdədir. Keçən il səyyar görüşə gələndə icra başçısına vəziyyəti dedik. Dedilər ki, körpü nəzarətdədir, ya əsaslı təmir ediləcək, ya da yeni körpü salınacaq. Üstündən bir il yarım keçib, amma hələ də bir xəbər yoxdur”, - deyə sakin danışır.

Məsələ ilə bağlı Tovuz Rayon İcra Hakimiyyətinin Memarlıq və tikinti şöbəsinin böyük məsləhətçisi Mübariz Məmmədov AYNA-ya açıqlamasında qeyd etdi ki, məsələdən xəbərdardırlar: “Körpünün vəziyəti barədə xəbərimiz var. Bu səbəbdən onun bərpasını iki ildir Regionların Sosial-İqtisadi İnkişafı Proqramına salınması üçün təqdim etmişik. Bu il də tədbirlər planında göstərmişik. Yəqin ki, dövlət tədbirləri icra edildikcə bu körpünün də inşası, yaxud təmiri həyata keçiriləcək.

Belə. Hələlik sakinlərə qeyri-müəyyən vaxtadək qəzalı körpünün üzərində hərəkət edərkən canlarını qorumaq qalır…

Beyləqan rayon Eyvazallar kənd bələdiyyəsinin sədri Abduləli Məmmədov ETSN-nin əməkdaşı, “Ağ Göl” Milli Parkında yeger vəzifəsində işləyən Fuad Məmmədquliyev Beyləqan rayonunda “Görüş” adlanan əraziyə çağıraraq döy(üb)dürüb.

Hadisə bir və daha çox şəxslər tərəfindən törədilib.
Öncə bələdiyyə sədri özü Ağ Göl qoruğunun yegeri Fuad Məmmədquliyevi vurub, daha sonra başının qoçu dəstələrinə onu döymələrini əmr edib: “Öldürün, 100 min manatda olsa verib sizi qutaracam” deyən bələdiyyə sədri bu sözü ETSN-nin əməkdaşına qarşı davamlı şiddəti stimullaşdırıb.
Onun bu sözümdən sonra bələdiyyəyə sədrinin “yarağlı qoçu dəstələri” yegeri acımasızcasına döyərək ölümcül hala salıblar. Fuad Məmmədquliyev aldığı zərbələrdən kəllə-beyin travması və müxtəlif bədən xəsarətləri alıb.
RealMedia.az-a etibarlı mənbədən verilən məlumatlara görə, bələdiyyə sədrinin təşkilatçılığı ilə, həm də iştirakçısı olduğu hadisədə “yarağlı dəstələri” tərəfindən ETSN-nin əməkdaşının döydürməsinə səbəb bələdiyyə sədrinin dayısının “Ağ Göl” qoruğunda qanunsuz girərək ov etməsi və nəticədə Qoruğun əməkdaşları tərəfindən protokol yazılması bildirilir.
Dayısına qarxmar çıxan bələdiyyə sədri də yegeri “Görüş”ə çağıraraq dayısının barəsində yazılmış protokolun qisasını belə alıb.
Məlumata görə, faktla bağlı Beyləqan rayon prokurorluğunda araşdırmalara başlanılıb.
RealMedia.az

Lənkəran şəhəri şəhid Yalçın Həsənovun adını daşıyan küçə şəhidin adına yaraşmayan durumdadır. Küçə uzun müddətdir müharibə meydanını xatırladır. Cumhuriyyet.net-ə məlumat verən Lənkəran şəhəri şəhid Yalçın Həsənov küçəsinin sakinləri bildirir ki, uzun müddətdir bərbad vəziyyətdə olan küçədə hərəkət ediləcək yer yoxdur. Xüsusilə yağışlı havalarda küçədə çalalar su ilə dolur, yol başdan-başa palçıq olur.
Küçənin adını daşıdığı şəhid Yalçın Həsənovun sinif yoldaşı bildirib ki, bu yol, bu küçə on il orta məktəbdə bir sinfdə oxuduğu, birinci vətən müharibəsinin könüllü iştirakçısı, həm də qəhrəmancasına şəhid olan Həsənov Yalçının adına yaraşmır: “Bu küçə uzun müddətdir bu vəziyyətdədir. Bunu tənqid etmək üçün deyil, düzəlməsi üçün paylaşıram və aidiyyəti qurumlardan xahiş edirəm ki, yubanmadan bir tədbir görsünlər”.

Kənd Təsərrüfatı Nazirliyinin Üzümçülük və Şərabçılıq Elmi-Təqdiqat İnstitutu 2023-cü ilin dekabr ayının 15-də "Maşın və avadanlıqların satınalınması" lotu üzrə sifarişçi olduğu satınalmaya yekun vurub.

Qlobal.az xəbər verir ki, bu satınalmanın məbləği 43.060 manat, qalibi isə "AKASİYA RR CORP" Məhdud Məsuliyyətli Cəmiyyəti (VÖEN: 1506535021) olub.

"AKASİYA RR CORP" MMC İnstitutun sözügedən satınalmasından iki ay əvvəl - 2023-cü ilin oktyabr ayının 2-də dövlət qeydiyyatına alınıb. Şirkətin hüquqi ünvanı Nərimanov rayonu, Əhməd Rəcəbli ev 57 ünvanı, qanuni təmsilçisi isə Həsənov Murad Əkbər oğludur.

"AKASİYA RR CORP" MMC-nin fəaliyyət profili, maddi-texniki bazası, müvafiq lisenziyaları, faktiki ünvanı barədə açıq internet resurslarında məlumat yoxdur.

Həsənov Murad Əkbər oğlunun təsisçisi olduğu daha bir təşkilatla - "KASKAD-DEN GROUP" Məhdud Məsuliyyətli Cəmiyyəti (VÖEN: 1806467141) ilə Üzümçülük və Şərabçılıq Elmi-Təqdiqat İnstitutu arasında 2023-cü ildə daha bir satınalma müqaviləsi imzalanıb.

Belə ki, İnstitut 2023-cü ilin noyabr ayının 17-də "Bioloji aktivlər" lotu üzrə sifarişçi olduğu satınalmaya yekun vurub. Bu satınalmanın məbləği 22.760 manat təşkil edib. Satınalmada yuxarıda qeyd edilən kimi "KASKAD-DEN GROUP" MMC qalib elan edilib.

"KASKAD-DEN GROUP" MMC Üzümçülük və Şərabçılıq Elmi-Təqdiqat İnstitutunun 2023-cü ilin dekabr ayının 15-də "Maşın və avadanlıqların satınalınması" lotu üzrə keçirdiyi satınalmada qalib elan etdiyi "AKASİYA RR CORP" MMC ilə eyni tarixdə - 2023-cü ilin oktyabr ayının 2-də qeydiyyata alınıb.

Şirkətin hüquqi ünvanı başqa (Sabunçu rayonu, Eldar Xəlilov ev 3) olsa da, qanuni təmsilçisi eyni şəxsdir - Həsənov Murad Əkbər oğlu.

Bu şirkətin də fəaliyyət profili barədə heç bir məlumat verilmir.

Eyni tarixdə yaradılan, qanuni təmsilçisi eyni şəxs olan MMC-lərin Üzümçülük və Şərabçılıq Elmi-Təqdiqat İnstitutunun sifarişçi olduğu satınalmalarda qalib gəlməsi bir sıra suallar yaradır.

Qlobal.az məsələ ilə bağlı Üzümçülük və Şərabçılıq Elmi-Təqdiqat İnstitutundan mövqe öyrənmək istəsə də, qarşı tərəf bu barədə danışmaq istəmədi.

Üzümçülük və Şərabçılıq Elmi-Təqdiqat İnstitutunda auditin nə zaman aparılması ilə bağlı Qlobal.az Hesablama Palatasından mövqe öyrənib.

Hesablama Palatasının açıqlamasında deyilir:

"Hesablama Palatası tərəfindən 2022-2023-cü illərdə Üzümçülük və Şərabçılıq Elmi-Təqdiqat İnstitutunda audit aparılmamışdır".

Qeyd edək ki, Üzümçülük və Şərabçılıq Elmi-Təqdiqat İnstitutu 1977-ci ildən fəaliyyət göstərir.

İnstitutunun 8 şöbəsi, 4 laboratoriyası var.

Xatırladaq ki, Üzümçülük və Şərabçılıq Elmi-Təqdiqat İnstitutunun direktoru Vüqar Səlimovdur.

“Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) Müşahidə Şurasına dəyişiklik gözlənilir.

Məlumata görə TƏBİB-in Müşahidə Şurasının üzvləri artırılacaq.

Bildirilir ki, TƏBİB-in Müşahidə Şurasında yer almaq istəyən şəxslərdən biri də deputat Kəmaləddin Qafarovdur. Lakin onun dərman monopolisti kimi tananması və bir sıra korrupsiya layihələrində adının keçməsi Qafarova ciddi problemlər yaradıb.

TƏBİB-dəki mənbə deyir ki, Kəmaləddin Qafarov bir müddət öncə eyni cəhdi hansısa nazir postunu tutmaq üçün də edib, amma nail ola bilməyib.

Kəmaləddin Qafarov Milli Məclisin deputatı, Milli Onkologiya Mərkəzinin Baş direktor müavinidir.

Mediada yazılanlara görə Kəmaləddin Qafarov “Kanon” apteklər şəbəkəsinin sahibidir.

Onun eyni zamanda ölkəyə onkoloji dərman preparatları və vasitələri gətirən xeyli sayda şirkətlərinin də olduğu yazılıb.

K. Qafarova aid olan şirkətlərdən biri də “Azəri Med” MMC olduğu deyilir.

Mövzu ilə bağlı Kəmaləddin Qafarovla əlaqə saxlamaq mümkün olmayıb. Ümumiyyətlə, Kəmaləddin Qafarov mediaya qapalı deputatlardan sayılır və ictimai rəyi ümumən nəzərə almır.

Arqument.az

“Kubinka” yavaş-yavaş tarixin yaddaşına qovuşur. Paytaxtın Nəsimi və Yasamal rayonlarında onminlərlə sakinin məskunlaşdığı hektarlarla ərazi sökülür. Bəzi küçələr tamamilə ləğv olunur. Burada yeni özəl məktəb, stadion salınacağı, çoxsaylı yaşayış binaları tikiləcəyi barədə məlumatlar var.
Bir hissəsi Yasamal, qalanı Nəsimi rayonuna düşən “Kubinka”da söküntü-tikinti işləri bir neçə şirkətə həvalə olunub ki, bunların arasında “RR Construction”, “Vialon” və başqaları var.
“RR Construction” şirkəti xeyli vaxtdır ki, sərəncam aldığı ərazidə söküntü işlərinə başlayıb. Lakin həmin ərazidə yaşayan sakinlərin bir hissəsilə şirkət razılıq əldə edə bilmir.
Bizimyol.info xəbər portalının əməkdaşı bir müddət öncə ərazidən reportaj hazırlayarkən narazılıqların nədən ibarət olduğunu aydınılaşdırmışdı. Məlum olmuşdu ki, şirkət sakinlərlə müqavilə bağlayıb, onlara tikiləcək binalarda evlərinin sahəsinə uyğun mənzil təklif edir. O vaxta qədər isə sakinlərə kirayə qalmaq üçün aylıq ödəniş verir. Lakin sakinlərin bir hissəsi bu təklifə “yox” deyir. Onlar bildirirlər ki, indiyədək bir çox tikinti şirkətlərinin dələduzluqlarının şahidi olublar. Bu üzdən binaların tikintisinin başa çatacağına, mənzillə təmin olunacaqlarına inamları yoxdur. Ona görə də evlərinə bazar qiymətlərinə uyğun şəkildə pul tələb edirlər.
“RR Construction” evləri satın alacağı təqdirdə, hər kvadratmetrə görə 2000 manatdan çox pul vermir. Sakinlər isə bu məbləği həmin ərazi üçün çox aşağı qiymət sayırlar. Məsələ burasındadır ki, metronun “Nizami” stansiyasının yaxınlığında yerləşən həmin ərazidə yeni tikilən binalarda təmirsiz mənzillərin hər kvadrat metri 2700-2800 manata satılır.
Bizimyol.info xəbər portalının əldə etdiyi məlumata görə, “RR Construction” şirkəti onlarla razılaşmayan sakinləri məhkəməyə verib. Hazırda Yasamal rayon Məhkəməsində bu qalmaqalla bağlı bir neçə məhkəmə işi var. Razılaşmayan ailələrin hər biri ilə bağlı ayrı-ayrılıqda iddia qaldırılıb. Şirkət iddia ərizəsində göstərib ki, sözügedən ərazidə çoxsaylı qəzalı evlər var. Onların yerində müasir tələblərə cavab verən, şəhərin görüntüsünə xələl gətirməyən tikinti işləri aparmaq “RR Construction” şirkətinə həvalə olunub. Ərazidə yaşayanların böyük əksəriyyətilə razılaşma əldə olunub, onlar köçürülüb və evlər də sökülüb. Lakin qalan sakinlər razılığa gəlməməklə onların işini yubadır.
Sakinlər bildirir ki, onların evləri qəzalı olmayıb. Şirkət belə görüntü yaratmaq üçün ətrafda apardığı söküntü işləri zamanı onların da evlərini zədələyir, yararsız hala salır.
“Kubinka” qalmaqalıyla bağlı məhkəmə proseslərindən bir neçəsində hakimlər ekspertiza təyin edib. Ekspertlər evlərin durumu və ödənilməli olan kompensasiya ilə bağlı qiymətləndirmə aparacaq. Ekspertizanın nəticələri məlum olana qədər bu məhkəmə proseslərindən bir neçəsinin müvəqqəti dayandırıldığı bildirilir.

İstanbulun Ümraniye şəhərində bir kişi vətəndaş nikahında olduğu qadını və onun iki qızını güllələyib.

“Cebhe.info” xəbər verir ki, bununla bağlı “NTV” məlumat yayıb.

Bildirilib ki, qətllər eyni yaşayış kompleksində iki ayrı mənzildə törədilib.

Kişinin əvvəlcə tək yaşayan gənc qızı öldürdüyü, daha sonra isə ana və onunla birgə yaşayan qızını qətlə yetirdiyi qeyd olunub.

Məlumata görə, həmin şəxs hadisəni törətdikdən sonra qaçıb. Onun axtarışları davam edir.
Facebook-da paylaş