Dövlətə məxsus “Aztelekom” MMC 2022-ci ili 26.101 milyon manat xalis zərərlə başa vurub.

Şrkətin maliyyə hesabatına istinadən xəbərə görə, bu, 2021-ci ilə nisbətən 2.25 dəfə çoxdur.

Son nəticədə şirkətin 14.2 milyon manat bölüşdürülməmiş mənfəəti 11.901 milyon manat yığılmış zərərlə əvəzlənib.

2022-ci ildə “Aztelekom”un göstərdiyi xidmətlərdən gəlirləri 106.972 milyon manat (2021-ci illə müqayisədə 8.2 % çox), xidmətlərinin maya dəyəri 82.639 milyon manat (15.8 % çox), ümumi, inzibati və digər əməliyyat xərcləri 47.551 milyon mant (33.2 % çox), maliyyə aktivlərinin dəyərsizləşməsindən gəlirləri 1.784 milyon manat (əvvəlki il zərər olub), maliyyə xərcləri 1.982 milyon manat (20 dəfə çox), sair qeyri-əməliyyat gəlirləri 3.593 milyon manat (6.7 % çox), mənfəət vergisi ödəmələri isə 6.278 milyon manat (30.5 % çox) təşkil edib.

2023-ci il yanvarın 1-nə “Aztelekom”in aktivləri 270.852 milyon manat olub ki, bu da 1 il əvvələ nisbətən 16.5 % çoxdur. Hesabat dövründə şirkətin öhdəlikləri 73.7 % artaraq 77.286 milyon manata, balans kapitalı isə 3 % artaraq 193.566 milyon manata çatıb.

Xatırladaq ki, “Aztelekom” 1996-cı ildən fəaliyyət göstərən eyni adlı İstehsalat Birliyinin bazasında 2015-ci ildə yaradılıb. Onun nizamnamə kapitalı 22.525 milyon manatdır. Milli rabitə operatoru olan şirkət fərdi və korporativ müştərilərə, rabitə operatorlarına və digər istifadəçilərə müxtəlif xidmətlər göstərir.

Dövlət Gömrük Komitəsinin (DGK) Hava Nəqliyyatında Baş Gömrük İdarəsinin keçmiş şöbə rəisi Ədalət Mehdiyevin komitəni məhkəməyə verməsinin təfərrüatları bəlli olub.

Ədalət Mehdiyevin özü Qaynarinfo-ya açıqlamasında bildirib ki, məhkəməyə müraciət etməsi işdən çıxması ilə bağlı deyil.

"Mən öz ərizəmlə işdən çıxmışam. Təqaüd yaşım çatdığı üçün ərizə yazmışam. Yəni, məni komitə sədri Şahin Bağırov işdən çıxarmayıb”, - deyə o əlavə edib.

Məhkəməyə müraciət etməsinə gəlincə, keçmiş rəis deyib ki, iddia tələbi əmək haqqının ödənilməsi ilə bağlıdır:

"2022-ci ildə mən də daxil olmaqla 5 nəfərin işi Baş Prokuror yanında Korrurpsiyaya Qarşı Mübarizə İdarəsinə göndərilib. İstintaq müddətində işimdən kənarlaşdırılmışam. 11 ay araşdırma aparılıb və nəticədə məlum olub ki, bizim heç bir təqsirimiz yoxdur. Ona görə də idarə işə xitam verib. Biz də yenidən Dövlət Gömrük Komitəsinə işimizə qayıtmışıq. Həmin vaxt artıq Şahin Bağıdor komitə sədri təyin edilmişdi. O da bizi qəbul elədi, uğurlar arzuladı və dedi ki, gedin işləyib. Bir aydan sonra mənim təqaüd yaşım çatdı və öz ərizəmlə işdən çıxdım.

Məhkəməyə müraciət etməyim isə Korrupsuyaya Qarşı Mübarizə İdarəsində araşdırma aparıldığı dövrdə yığılıb qalan əmək haqqımın ödənilməsini tələb edirəm. Digər şəxlərin pulu ödənilib, bir mənimki qalıb. Ödənilməməsinin səbəbini bilmirəm. Açığı heç məbləği də bilmirəm. Bunu maliyyə idarəsi araşdırmalıdır”.

Ədalət Mehdiyev Hava Nəqliyyatında Baş Gömrük İdarəsinin rəisi olmuş Mehman Sadıqovun və DGK-nın keçmiş sədri Səfər Mehdiyevin yaxın adamı olması barədə iddiaları əsassız adlandırıb: "Necə onların adamı ola bilərəm ki, fəaliyyətimlə bağlı Korrupsiyaya Qarşı Mübarizə İdarəsinə müraciət ediblər. Əgər mənim fəaliyyətimdə doğrudan hər hansı bir neqativ hal var idisə, əvvəlcə daxili təhqiqat aparılmalı idi. Amma Səfər Mehdiyevlə Mehman Sadıqov "materialları” birbaşa Korrupsiyaya Qarşı Mübarizə İdarəsinə göndərdilər. Onların yaxın adamı olsaydım belə edərdilər? Bu məlumat əsassızdır. Bir daha bildirirəm ki, mənim Səfər Mehdiyev və Mehman Sadıqovla qohum deyiləm, onlarla heç bir yaxınlığım yoxdur”.

Məlumat üçün deyək ki, Ədalət Mehdiyev Bakı İnzibati Məhkəməsində DGK-ya qarşı iddia qaldırıb. Ləman Musayev iş üzrə hakim təyin edilib. Məhkəmənin vaxtı hələ ki, müəyyənləşməyib.

Dövlət Su Ehtiyatları Agentliyində islahatlara start verilsə, işdən çıxarılacaq idarə rəislərin içərisində ilk sıranı Şafiq Heydərov tutmalıdır…
Bu barədə Sabirabaddan ünvanlanan məktubda bildirilir. Məktubda qeyd edilir ki, Azərbaycanda torpaq sahələrinin suvarılmasında ən böyük problem Sabirabad rayonundadır. Bildirilir ki, Sabirabadın bir çox kəndləri illərdir su üzünə həstərdirlər.
Şikayətçilərin fikrincə məhz rayon Suvarma Sistemləri idarəsinin rəisi Şafiq Heydərovun yarıtmaz işi sakinləri illərdir suya həsrət qoyub. Bildirilir ki, Şafiq Heydərov Sabirabad Suvarma Sistemləri İdarəsinə şəxsi, qazanc obyekti kimi baxır. Qeyd edilir ki, Şafiq Heydərov idarə rəisi keçəndən sonra Sabirabdda daxili kanlların 50-faizindən çoxu ümumiyyətcə təmizlənmir. Ancaq rəsmi sənədlərdə rayondaxili kanalların təmizləndiyi və görülən işlərə büdcədən hər il külli miqdarda vəsaitlər silinir.
Sabirabad sakinlərinin verdiyi məlumatda bildirilir ki, Şafiq Heydərov mənimsədiyi dövlət vəsaitləti hesabına “kiçik oliqarxa” çevrilib. Şafiq Heydərovun həftənin çox günlərini idarənin Yanacaq Doldurma Məntəqəsi (QSM) müdiri ilə içki məclislərində keçirdiyi deyilir…
Bildirilir ki, tutduğu vəzifəsinə görə xalqa və dövlətə xidmət etməli olan Şafiq Heydərov Suvarma Sistemləri İdarəsinin rəisi keçdikdən sonra övladları üçün yaxşı var-dövlət yığıb. Məktubda qeyd olunur ki, Sabirabad Suvarma Sistemləri İdarəsinin müdirinin Bakıda və Sabirabadda bir neçə evinin və obyektləri var.
Məktubda həmçinin o da qeyd olunur ki, Şafiq Heydərov Dövlət Su Ehtiyatları Agentliyinin sədrinin müavini Zakir Quliyevin kadrıdır vı Zakir Quliyevin hamiliyi nəticəsində də Sabirabad rayonunda suvarma sistemlərinə ayrılan vəsaitləri təyinatı üzrə yöəltmir. Su təsərrüfatı sistemindəki qurğu və kanallar sadəcə olaraq kağız üzərində təmir edilir və ayrılan vəsaitlər isə mənimsənilir. Bu üzdən də Sabirbadda suvarma sahəsində böyük problemlər yaşanır. olduğunu isə bilməyən yoxdur.
Şikayət məktubunda həmçinin o da qeyd olunur ki, məhz Zakir Quliyevin himayəsində olduğu üçün Şafiq Heydərovla bağlı Dövlət Su Ehtiyatları Agentliyinə edilən şikayətlərə əhəmiyyət verən yoxdur.

Qeyd edək ki. şikayətlə bağlı Sabirabad Suvarma Sistemləri İdarəsi ilə əlaqə yaratmağa cəhd etsək də, cəhdimiz uğursuz alındı. Qarşı tərəfin mövqeyini verməyə hazırıq.(poliqon)



Dövlət Su Ehtiyatları Agentliyində islahatlara start verilsə, işdən çıxarılacaq idarə rəislərin içərisində ilk sıranı Şafiq Heydərov tutmalıdır…
Bu barədə Sabirabaddan ünvanlanan məktubda bildirilir. Məktubda qeyd edilir ki, Azərbaycanda torpaq sahələrinin suvarılmasında ən böyük problem Sabirabad rayonundadır. Bildirilir ki, Sabirabadın bir çox kəndləri illərdir su üzünə həstərdirlər.
Şikayətçilərin fikrincə məhz rayon Suvarma Sistemləri idarəsinin rəisi Şafiq Heydərovun yarıtmaz işi sakinləri illərdir suya həsrət qoyub. Bildirilir ki, Şafiq Heydərov Sabirabad Suvarma Sistemləri İdarəsinə şəxsi, qazanc obyekti kimi baxır. Qeyd edilir ki, Şafiq Heydərov idarə rəisi keçəndən sonra Sabirabdda daxili kanlların 50-faizindən çoxu ümumiyyətcə təmizlənmir. Ancaq rəsmi sənədlərdə rayondaxili kanalların təmizləndiyi və görülən işlərə büdcədən hər il külli miqdarda vəsaitlər silinir.
Sabirabad sakinlərinin verdiyi məlumatda bildirilir ki, Şafiq Heydərov mənimsədiyi dövlət vəsaitləti hesabına “kiçik oliqarxa” çevrilib. Şafiq Heydərovun həftənin çox günlərini idarənin Yanacaq Doldurma Məntəqəsi (QSM) müdiri ilə içki məclislərində keçirdiyi deyilir…
Bildirilir ki, tutduğu vəzifəsinə görə xalqa və dövlətə xidmət etməli olan Şafiq Heydərov Suvarma Sistemləri İdarəsinin rəisi keçdikdən sonra övladları üçün yaxşı var-dövlət yığıb. Məktubda qeyd olunur ki, Sabirabad Suvarma Sistemləri İdarəsinin müdirinin Bakıda və Sabirabadda bir neçə evinin və obyektləri var.
Məktubda həmçinin o da qeyd olunur ki, Şafiq Heydərov Dövlət Su Ehtiyatları Agentliyinin sədrinin müavini Zakir Quliyevin kadrıdır vı Zakir Quliyevin hamiliyi nəticəsində də Sabirabad rayonunda suvarma sistemlərinə ayrılan vəsaitləri təyinatı üzrə yöəltmir. Su təsərrüfatı sistemindəki qurğu və kanallar sadəcə olaraq kağız üzərində təmir edilir və ayrılan vəsaitlər isə mənimsənilir. Bu üzdən də Sabirbadda suvarma sahəsində böyük problemlər yaşanır. olduğunu isə bilməyən yoxdur.
Şikayət məktubunda həmçinin o da qeyd olunur ki, məhz Zakir Quliyevin himayəsində olduğu üçün Şafiq Heydərovla bağlı Dövlət Su Ehtiyatları Agentliyinə edilən şikayətlərə əhəmiyyət verən yoxdur.

Qeyd edək ki. şikayətlə bağlı Sabirabad Suvarma Sistemləri İdarəsi ilə əlaqə yaratmağa cəhd etsək də, cəhdimiz uğursuz alındı. Qarşı tərəfin mövqeyini verməyə hazırıq.(poliqon)

“Bakıda yeni reketlər peyda olub. Son günlər müxtəlif şəxslərdən, müxtəlif mənbələrdən məlumatlar almaqdayam. Bir qədər də özüm dəqiqləşdirmə apardım. Demək, Bakıda müxtəlif kredit-lizinq təşkilatları var ki, vətəndaşlara xoş və “şirin” vədlərlə avtomobil krediti ayırır. Daha sonra 3-5 gün (üzrlü və ya üzrsüz səbəblərdən) vətəndaşlar krediti yubadan kimi işə bu kredit-lizinq təşkilatlarının “problemli şöbəsi” qarışır. Hansı ki bu “şöbə” elə özü başdan-ayağa problemdir. Bu problemli şöbənin rəhbərliyi isə tam qeyri-qanuni olaraq qolu zorlu əməkdaşlarını salır Bakı küçələrinə. Bu şəxslər də Bakının ortasında avtomobillərə qanunsuz olaraq “saxla” əmri verir. Beləliklə, bilavasitə Azərbaycan Respublikasının Daxili İşlər Nazirliyinin və Dövlət Yol Polisinin səlahiyyətlərini mənimsəyirlər. Amma fərqində deyillər! “Kabinet”də oturmuş “problemli şöbənin problemli rəhbərinin” qeyri-qanuni tapşırığını icra edirlər! Anlamırlar ki, sürücüyə “saxla” əmrini yalnız polis əməkdaşı verə bilər. Əlqərəz, vətəndaşlarımız isə tam doğru olaraq, xüsusi jarqon və xüsusilə də kobud ifadələrlə (tonla) qanunsuz “saxla” əmri verən bu enlikürək mülki geyimli şəxslərdən rahatsız olaraq, onların qanunsuz əmrlərinə tabe olmayaraq hərəkəti davam etdirdikdə bu şəxslər başlayırlar vətəndaşı qovmağa, təqib etməyə”.

Pravda.az xəbər verir ki, Gələcək Azərbaycan Partiyasının sədri Ağasif Şakiroğlu bu iddianı “Azərmaş lizinq” MMC-nin fəaliyyəti barədə səsləndirib.

“Polisin qanuni vəzifəsini mənimsəməklə yanaşı, vətəndaşın azad və sərbəst hərəkət etmək hüququnu kobud pozmuş olurlar. Eyni zamanda vətəndaşı yolda sıxışdıraraq qəza törətməsinə zəmin yaradırlar. Bu da azmış kimi vətəndaş həyətinə daxil olduqda, Konstitusiya ilə vətəndaşın qorunan mülkiyyət toxunulmazlığını kobud formada pozaraq heç bir məhkəmə qərarı olmadan vətəndaşın xüsusi̇ mülki̇yyəti̇nə daxil olur, əməllərini tamamlayırlar… Nə var, nə var, hər əmri icra etdikdə kabinetdə oturan “problemli şöbənin rəisindən” 100 manat pul alacaqlar… Yəni bu boyda qanunsuzluq 100 manatın başındadır… Otaqda oturan “problemli şöbənin rəisi” də vətəndaşdan aylıq kreditdən əlavə nəsə rüşvət alacaq! Qanunları saymırsınız! Unudursunuz ki, hüquqi dövlətdə yaşayırıq?! Anlamırsınız ki, bu etdikləriniz qanunsuzdur! Bütün bu özbaşınalıqların, qanunsuzluqların başında isə “Azərmaş lizinq” MMC-nin problemli kreditlərlə iş şöbəsinin müdiri Ramin adlı şəxs dayanır! Maşın sahiblərindən, sahibkarlardan kreditdən əlavə aldığı rüşvətlərin hamısının sübutları mənə təqdim edilib. Aidiyyatı dövlət qurumlarına təqdim edəcəyəm. O, iş adamlarını təhdid altında saxlayır. Amma unudur ki, dövlət bu kimi sui-istifadə hallarını və qanunsuzluqları bağışlamaz. Son olaraq aidiyyatı qurumlardan, xüsusilə də, Daxili İşlər Nazirliyindən, Azərbaycan Respublikasının Baş Prokurorluğundan və Baş Prokuror yanında Korrupsiyaya qarşı Mübarizə Baş İdarəsindən “AzərMaş” MMC adlı bu qurumun, eyni zamanda bu qurumun məsul şəxsi Raminin qanunsuz əməllərinə hüquqi qiymət vermələrini xahiş edirəm. İnanıram ki, bu rekertliyə və qanuna zidd əməllərə ən qısa zamanda son qoyulacaq. Yuxarıda göstərdiyim şəxsə və MMC-yə Azərbaycanda 1990-cı illər olmadığı, oturuşmuş dövlətçilik və qanunçuluq ənənələri olduğu xatırladılacaq. Ramin adlı “qoçu dəstənin rəhbərinin” şəxsi bank hesabına bu günədək köçürülmüş mənə məlum qanunsuz köçürmələrin “screen”lərini paylaşacağam”.

Pravda.az məsələni aydınlaşdırmaq üçün Ramin adlı şəxslə əlaqə saxlayıb. O, soyadını açıqlamaq istəməyib, amma iddiaların həqiqətəuyğun olmadığını bildirib.

“Biz hansı zəmanədə, hansı dövlətdə yaşayırıq? 1991-1992-ci illərdə belə şeylər ola bilərdi. Artıq o zəmanədə yaşamırıq. Hər şey qanuni şəkildə həyata keçirilir, heç bir problem yoxdur. Şirkətə gələ bilərsiniz, sənəd əsasında göstərə bilərik. Normal insanlar gəlir, normal qaydada kreditini ödəyir. Yəqin ki, kimsə kreditini vaxtında ödəməyib, maşınını əlindən alıblar, ya da bankla bağlı problemi yaranıb, işi məhkəmədə olub. Məni də tanıyır, adımı bilir, gedib ağzına gələni yazır. Onsuz da hamıdan yazırlar. Bu xüsusiyyət insanlarda var”, - o qeyd edib.

Şirkət rəsmisi A.Şakiroğlunun “Ramin adlı “qoçu dəstənin rəhbərinin” şəxsi bank hesabına bu günədək köçürülmüş qanunsuz köçürmələrin “screen”ləri paylaşacağam” deməsinə isə belə cavab verib: “Yalan danışır. Qoy sübutlarla paylaşsın, heç bir problem yoxdur. Biz qanunsuz iş görmürük, nə etmək olmazsa, onu etmirik. Həqiqətən, yalandır, böhtan atır”.

Bank “BTB” ötən ilin dekabr ayından etibarən ödəniş terminalları və onların mobil tətbiqləri vasitəsilə edilən kredit ödənişlərinə 06-1.2 % arası komissiya haqqı tutur. Ancaq 3 aydır ki, bu barədə müştərilərinə heç bir məlumat və xəbərdarlıq etməyib.

Tribunainfo.az xəbər verir ki, bankın müştərisi Seyran Səlimov bildirib ki, bank hər ay kredit ödənişinə dair müştərilərə sms göndərsə də, 3 aydır tətbiq etdiyi komissiya barədə məlumat vermir:

“Tətbiq edilən komissiya səbəbindən ödədiyim kreditlərə görə balansımdan 30 manata yaxın vəsait silinib. Hörmətli bank rəhbərliyinə demək istəyirəm ki, əgər maliyyə sıxıntısıyla üzləşiblərsə, bildirsinlər. Belə neqativ hallarla bankınızın imicini zədələyirsiniz”.

Qarşı tərəfin də mövqeyini işıqlandırmağa hazırıq.

Böyük Britaniya hakimiyyəti Londonda azərbaycanlı deputat Cavanşir Feyziyev və onun həyat yoldaşının “qanunsuz davranışdan əldə edilən gəlirlər” hesabına satın almaqda şübhəli bilindiyi 22 mülkünə həbs qoyub...

Poliqon xəbər verir ki, bu barədə Mütəşəkkil Cinayət və Korrupsiya Hesabat layihəsinin (OCCRP) veb-səhifəsində dünən məlumat yayılıb. Təşkilat bildirir ki, OCCRP tərəfindən əldə edilən mülkiyyət sənədlərinə əsasən, 39,5 milyon funt sterlinqdən (50 milyon dollar) çox qiymətə satın alınan əmlak 2023-cü ilin iyununda Ali Məhkəmənin qərarı ilə dondurulub.

Qeyd olunur ki, Feyziyevə şərh üçün müraciət edildikdə, cavab verməyib. Lakin ailənin vəkili cümə axşamı hakim Naycel Pue qarşısında keçirilən dinləmədə Böyük Britaniya Milli Cinayət Agentliyinin (NCA) lazımi prosesə əməl etmədiyini və ədalətli qərar vermədiyini iddia edərək, həbs qərarlarını ləğv etməyə çalışıb.

Saytda bildirilir ki, siyasətçinin ailəsi daha əvvəl Böyük Britaniyanın Milli Cinayət Agentliyinin (NCA) bank hesablarında milyonlarla funt sterlinq saxladığına görə araşdırmaya məruz qalıb. 2022-ci ildə isə Böyük Britaniya bu vəsaitin 5,6 milyon funt-sterlinqini (7,56 milyon dollar) Feyziyevin həyat yoldaşı, böyük oğlu Orxan və qardaşı oğlu Elman Cavanşirə məxsus hesablardan müsadirə edib.

NCA tərəfindən məhkəməyə təqdim edilən sənəddə uyğun olmayan, yalan və ya uydurma təsvirlərlə müşayiət olunan və çirkli pulların yuyulmasında iştirak etdiyi aşkar edilən şirkətlərdə izlənilə bilən son dərəcə mürəkkəb pul vəsaitlərinin hərəkəti təsvir edilib.

Təşkilat daha sonra qeyd edir: “Həbs edilmiş ən bahalı mülklər, “Chelsea Barracks” kompleksində 26 milyon funt sterlinqdən (33,4 milyon dollar) yuxarı qiymətə olan iki iqamətgah Feyziyev tərəfindən 2020-ci ildə alınıb.

Həbs edilmiş digər əmlaklar arasında “Regents” Parkına baxan mənzil, eləcə də Londonun şimal-qərbində yeni tikilmiş 19 mənzil daxildir. Feyziyev 2008-2018-ci illər arasında bu mülkləri 10 milyon funt sterlinqdən (13,7 milyon ABŞ dolları) çox qiymətə alıb, daha sonra bunları heç bir komissiya almadan bir fonda verib.

NCA-nın məlumatına görə, ümumilikdə həbs edilmiş əmlaklar indi 50 milyon funt sterlinqdən (63 milyon dollar) çox qiymətləndirilir.

Qeyd edək ki, 2010-cu ildən deputat olan Feyziyev eyni zamanda Azərbaycan-Britaniya parlamentlərarası əlaqələr üzrə işçi qrupuna rəhbərlik edib və 2022-ci ilə qədər Aİ-Azərbaycan Parlament Əməkdaşlıq Komitəsinə həmsədrlik edib.

Britaniya məhkəməsi qohumlarına məxsus hesablardan 5,6 milyon funt sterlinqdən çox pulun müsadirə edilməsini təsdiqlədikdən bir neçə ay sonra o, bu vəzifələri tərk edib. Hakim pulların qanuni biznes əməliyyatlarından əldə edildiyini göstərən sənədlərin tamamilə uydurma və hesabları idarə edənlərin çirkli pulların yuyulması fəaliyyətlərini ört-basdır etmək üçün nəzərdə tutulduğuna dair əsaslı sübutlara istinad edib.

Ailənin o zamankı vəkilinin mətbuata verdiyi açıqlamaya görə, ailə müsadirədən məyus olub, lakin NCA-nın tələb etdiyi 15,4 funt sterlinqdən çox 5,6 milyon funt sterlinqdən alındığına görə məmnun qalıb Onlar həmçinin vurğuladılar ki, məhkəmə nə “Cavanşir Feyziyevin, nə də təqsirləndirilən şəxslərin heç birinin korrupsiyada iştirak etmədiyini” təsdiqləyib.

Təşkilat Feyziyevin təkzibini də dərc edib. Bu araşdırma Feyziyevin OCCRP-yə qarşı diffamasiya iddiasının predmeti olub və razılaşdırılmış şərtlərlə həll edilib. Feyziyev çirkli pulların yuyulmasında və ya hər hansı qanunsuz fəaliyyətdə iştirakını qəti şəkildə rədd edir.

Poliqon.info

“Akkord Sənaye Tikinti İnvestisiya Korporasiyası” ASC dövlət qarşısında vergi borcu daha da artıb.

Bu barədə Dia-az.info-nun İqtisadiyyat Nazirliyi yanında Dövlət Vergi Xidmətinin məlumat bazasından əldə etdiyi rəqəmlər deyir.

Məlumata əsasən, “Akkord Sənaye Tikinti İnvestisiya Korporasiyası” ASC-nin 15 006 168.49 manat vergi borcu var.

Bildirək ki, bu borclar barədə son məlumat 22 fevral 2024-cü il tarixinə qədər olandır.

Xatırladaq ki, tikinti sektorunun şirkətlərdən biri olan “Akkord” Korporasiyası infrastruktur layihələrinin, ictimai obyektlərin tikintisi, inşaat materiallarının istehsalı üzrə ixtisaslaşmışdır.

“Akkord Sənaye Tikinti İnvestisiya Korporasiyası” ASC 2006-ci ildə dövlət qeydiyyatına alınıb. Bu şirkətin nizamnamə kapitalı 83 259 750 manatdır və qanuni təmsilçisi Ayhan Keskinkilic-dır.

Qeyd edək ki, “Akkord Sənaye Tikinti İnvestisiya Korporasiyası” ASC-nin keçmiş baş prokuror Zakir Qaralova aid olduğu deyilir. (Dia-az.info)

Bu gün UEFA Avropa Liqasının 1/8 final mərhələsinin püşkatma mərasimi keçirilib.

"Qarabağ" Almaniyanın "Bayer" klubuna rəqib olub

"Qarabağ" bu mərhələdə ilk oyununu öz meydanında keçirəcək.

1/8 final cütləri

"Sparta" Praqa (Çexiya) - "Liverpul" (İngiltərə)

"Marsel" (Fransa) - "Vilyarreal" (İspaniya)

"Roma" (İtaliya) - "Brayton" (İngiltərə)

"Benfika" (Portuqaliya) - "Reyncers" (Şotlandiya)

"Frayburq" (Almaniya) - "Vest Hem" (İngiltərə)

"Sportinq" (Portuqaliya) - "Atalanta" (İtaliya)

"Milan" (İtaliya) - "Slaviya" Praqa (Çexiya)

"Qarabağ" (Azərbaycan) - "Bayer" (Almaniya)

Qeyd edək ki, 1/8 mərhələsinin ilk oyunları martın 7-də, cavab görüşləri isə martın 14-də olacaq.

Bu günlərdə yerli iqtisadiyyat nazirliyi məlumat yayaraq bildirib ki, əhalinin təlabatnı ödəndikdən sonra, Naxçıvan xarici ölkələrə hər ay 200 tondan yuxarı soğan ixrac edir. Lakin, yerli sakinlər bu məlumatın həqiqəti əks etdirmədiyini, yerli məhsul qıt olduğundan soğanın başqa bölgələrdən gətirildiyini və yuxarı qiymətə satıldığını bildirirlər. Rəsmi məlumatda həmçinin bildirilirdi ki, istehsalın yüksəlməsi kənd təsərrüfatına göstərilən qayğının nəticəsindir.
Yerli fermerlər isə bunun tam əksini iddia edirlər. Onların „Gündəlik Naxçıvan“a verdiyi məlumata görə, nazirlik soğan və digər məhsulların yetişdirilməsinə süni maneələr yaradır. Elə, buna görə də son illər soğançılıqla məşğul olan, demək olar ki, qalmayıb.
Fermerlərdən Sahib Abbasov, iqtisadiyyat nazirliyinin yaydığı məlumatın saxta olduğunu iddia edir:
“Naxçıvanda əkinə yararlı daha çox əkinə yararlı torpaq sahəsi Şərur rayonunun payına düşür. İllər əvvəl bir neçə fermer soğan əkdi, çox yaxşı da məhsul götürüldü. Bu səbəbdən növbəti il kütləvi şəkildə soğan əkildi. Mən də həvəslənib soğan əkmişdim. Lakin, dövlət səviyyəsində satışına köməklik göstərilmədi, soğanın Naxçıvandan çıxarılmasına icazə verilmədi. Fermerlər bundan sonra çox az soğan əkirlər. İqtisadiyyat naziri bu qədər soğanı hardan alıb ki, xaricə ixrac edib. Statistika saxta statistikadır”.
Əvvəllər soğançılıqla məşğul Babək rayon sakini Nazim Qyliyev deyir ki, sərf etmədi üçün hazırda başqa məhsullar yetişdirir:
“Mən özüm indi soğanı bazardan alıram. Həmin soğan Azərbaycanın başqa bölgələrindən gətirilir, qiyməti 30 qəpikdir. Yerli soğan qıt olduğundan, ikiqat baha satılır. Çünki, yerli istehsal çox zəifdir. Rayonumuzda kifayət qədər əkinə yararlı torpaq var. Fermerlərin çoxu arpa, buğda, yonca və bostan məhsulları əkməyə üstünlük verirlər. Demək olar ki, soğan çox az istehsal olunur, daxili bazarın üçdən birini belə ödəmir.. Nazirliyin dediyi kimi Naxçıvan özünü soğanla təmin edirsə, niyə kənardan gətirilir, niyə yerli soğan bahadır. Dedikləri kimi bolluq olsa idi, yerli soğan ucuz olardı”.
Fermerlər onu da bildirdilər ki, əgər nazirlik onlara toxunmasa, lazımi şəraiti yaratsa, şişirdilmiş statistikadan da 2 dəfə çox xaricə soğan ixrac etmək mümkündür.
Naxçıvan İqtisadiyyat Nazirliyi məlumat yayaraq bildirmişdi ki, ötən ay Naxçıvandan İraq və Birləşmiş Ərəb Əmirliyinə 225 ton soğan ixrac olunduğunu. Məlumata görə, bu rəqəm 2023-cü ilin dekabrına nisbətən üç dəfə artıq olub.

İqtisadiyyat Nazirliyi yanında Dövlət Vergi Xidməti Milli Gəlirlər Baş İdarəsinə qarşı məhkəmə iddiası qaldırılıb.
Yeniavaz.com xəbər verir ki, məhkəmə iddiası Bakı Kommersiya Məhkəməsinin hakimi Şərafət Məmmədovanın icraatına verilib.
Qaldırılan iddia vətəndaşlıq vəziyyəti aktları üzrə mübahisələrlə bağlıdır.
Onu da bildirək ki, nazirliyə qarşı iddia “AQA Şirkətlər Qrupu” QSC və Dəmirçi Qafar Aydın oğlu tərəfindən qaldırılıb.
Məlumat üçün bildirək ki, nizamnamə kapitalı 2000 manat olan “AQA Şirkətlər Qrupu” QSC 2008-ci ildə dövlət qeydiyyatına alınıb. Rəsmi sənədlərdə MMC-nin qanuni təmsilçisi Nəzərov Qurban Kamal oğlu göstərilir. Lakin şirkətin saytında Qurban Nəzərovun maliyyə müşaviri olduğu qeyd olunur (https://agagroup.az/about).
Onu da bildirək ki, “AQA Şirkətlər Qrupu”nun təsisçisi tanınmış iş adamı Aydın Dəmirçidir. Əsasən iş mərkəzlərinin (Plazalar) sahibi kimi tanınıb. Hazırda “AQA Şirkətlər Qrupu”na bağlı olan iş mərkəzləri arasında “Demirchi Tower”, “AGA İş Mərkəzi”, “Ariana Business Park”, “Caspian Business Center”, “Lotfi Zadeh Texnologiyalar Mərkəzi” və “Caspian Plaza” (3 korpusdan ibarət) yer alır. Bunlardan başqa “AGA Qroup” maliyyə (“Ferrum Kapital” və “Caspian Audit”), kənd təsərrüfatı (“AGA Agro”, "Monte Ferro"), İnformasiya Texnologiyaları (“Bravo Online Systems”), turizm və otelçilik (“Da Vinci” və “Caspian Palace” otelləri) sahələrində də fəaliyyət göstərir.
İqtisadiyyat Nazirliyi yanında Dövlət Vergi Xidməti Milli Gəlirlər Baş İdarəsinə qarşı məhkəmə iddiası qaldıran Qafar Dəmirçi isə “AQA Şirkətlər Qrupu”nun icraçı dirktorudur. Qafar Dəmirçi eyni zamanda şirkətin sahibi olan Aydın Dəmirçinin oğludur.
Qafar Dəmirçi 1986-cı ildə anadan olub. London Universitet Kollecinin İqtisadiyyat fakültəsini bitirib. 2008-ci ildən İT sahəsində fəaliyyət göstərir. 2014-cü ildən etibarən “AGA Group” şirkətində vitse-prezident vəzifəsində çalışır. Qafar Dəmirçi eyni zamanda iqtisadiyyat mövzusunda video-dərslər çəkərək “Yotube” sosial şəbəkəsində paylaşır.
Qafar Dəmirçi həmçinin triatlon idman növü ilə məşğul olur. O, gənc idmançılarla birgə “Baku Tri Klub”u yaradıb. Bu vaxta qədər Qafar Dəmirçi 7 qitə olmaqla 16 dəfə marafonda iştirak edib. Aydın Dəmirçi də triatlon üzrə beynəlxalq yarışlarda iştirak edir.
Onu da qeyd edək ki, açıqlanan rəsmi məlumatlarda “AQA Şirkətlər Qrupu”nun dövlət büdcəsinə ödənilməmiş 22 min 116 manat 67 qəpik vergi borcunun olduğu göstərilir.