"Azərbaycan Xəzər Dəniz Gəmiçiliyi" Qapalı Səhmdar Cəmiyyəti barəsində novbəti prtokol tərtib olunub.

Qaynarinfo-nun məlumatına görə, müvafiq qurum tərəfindən aparılan yoxlama zamanı QSC-də icazə olmadan radioelektron vasitələrin layihələndirilməsi, quraşdırılması və istismar edilməsi halı aşkar edilib.

Bu hala görə QSC barəsində İnzibati Xətalar Məcəlləsinin 362-3 maddəsi ilə protokol tərtib olunub.

Sözügedən maddəyə əsasən, Radiotezliklərin ayrılması haqqında qərar olmadan radiotezliklərdən istifadə etməklə radioelektron vasitələrin layihələndirilməsinə, quraşdırılmasına və istismar edilməsinə, habelə müvafiq icra hakimiyyəti orqanının müəyyən etdiyi orqanın (qurumun) müəyyən etdiyi radioelektron vasitələrin istifadəsinə icazə vərəqəsi olmadan radioelektron vasitələrin quraşdırılmasına və istismar edilməsinə görə inzibati xətanın törədilməsində istifadə olunan radioelektron vasitə müsadirə edilməklə və ya müsadirə edilməməklə fiziki şəxslər 550 manat, vəzifəli şəxslər 1500 manat, hüquqi şəxslər 3000 manat məbləğdə cərimə olunur. Təkar törədilməyə görə isə iki qat cərimə nəzərdə tutulur.

İş Səbail Rayon Məhkəməsinin hakimi Ülviyyə Şükürovanın icraatındadır.

Qeyd edək ki, "Xəzər Dəniz Gəmiçiliyi" QSC-nin sədri Rauf Vəliyevdir. QSC barəsində bir neçə gün əvvəl İnzibati Xətalar Məcəlləsinin 430.4-cü maddəsi ilə iqtisadi fəaliyyət qaydaları əleyhinə olan protokol (Valyuta tənzimi qaydalarının pozulması) tərtib edilib.

Bank Olmayan Kredit Təşkilatı olan “Azpulmat”dan istifadə edənlərin kredit tarixçəsi pis günə düşür.

Tribunainfo.az xəbər verir ki, bu barədə “Azpulmat”-dan pul götürən vətəndaş Əli Murad yazıb. O bildirib ki, heç bir gecikməsi olmadığı halda kredit tarixçəsi bərbad vəziyyətdədir:

“Limit maksimum səviyyədədir, gecikməm də yoxdur. Amma banklar kredit vermir “Azpulmat”ı görən kimi. Heç bir problem olmadığı halda kredit göstəriciləri də yaxşıdan kafiyə düşüb”.

Sözügedən problemdən əziyyət çəkən Nurlan Qaraxanlı bildirib ki, bu problem təkcə “Azpulmat”la əlaqədar deyil. Belə ki, BOKT-lardan pul götürənlərə kredit verilmir:

“BOKT-lardan pul götürənlərə Mərkəzi Bank kredit vermir”.

Qarşı tərəfin də mövqeyini işıqlandırmağa hazırıq.

Bütün normal ölkələrdə prezident və parlament seçkilərindən sonra nəticələrdən asılı olaraq, Nazirlər Kabineti bütövlükdə istefaya göndərilir, siyasi rəhbərlikdə heç nə dəyişməyibsə, nazirlərin sırasında müəyyən dəyişikliklər edilir və sair. Seçicilər isə bu dəyişiklikləri əksər hallarda müsbət, bəzən isə mənfi mənada öz həyatlarında hiss edirlər. Yəni, verdikləri səsin, etdikləri seçimin nəticəsini görürlər...

Azərbaycanda da hər seçkidən sonra Nazirlər Kabinetinin tərkibində müəyyən dəyişikliklər edilib. Lakin təəssüf ki, bəzi hallarda nazirlərin, komitə sədrlərinin istefaya göndərilərək, yeniləri ilə əvəzlənməsi heç də gözlənilən nəticələri verməyib. Görünür, bu da ümumilikdə idarəetmə sisteminin fəlsəfəsində və strukturundakı qüsurlardan, köklü çatışmazlıqlardan irəli gəlir.

Hər necə olsa, seçkidən sonra Nazirlər Kabinetində müəyyən dəyişiklikləri görəcəyimiz realdır. Azərbaycanın sosial-iqtisadi göstəriciləri heç də ürəkaçan deyil. Ən azından ona görə ki, Azərbaycan ötən ili MDB məkanında ən aşağı ÜDM-in artım tempinə malik ölkə kimi yekunlaşdırıb. İqtisadiyyatda, sosial təminat sahəsində, səhiyyədə, təhsildə, hüquq-mühafizə orqanlarında və s. sahələrdə idarəetmədən irəli gələn ciddi problemlər qalmaqdadır. İdarəetmə sistemində və kadr seçimində ciddi dəyişikliklər etməklə, bəlkə də hansısa müsbət nəticələr əldə etmək mümkündür...

Hazırkı Nazirlər Kabinetinin tərkibində nisbətən cavan və yeni üzvlər kimi, on illərdir(!) vəzifədə olan “qədim” nazirlər və digər yüksək vəzifəlilər də var. Məsələn, yaşı 80-ni haqlamış Baş nazirin birinci müavini Yaqub Eyyubov 25(!) ildir ki, müavindir. Bu 25 ildən 21 ilini, yəni 2003-cü ildən bu günədək birinci müavindir.

Digər müavin – Əli Əhmədov 2013-cü ildən bu vəzifədədir – 71 yaşı var.

Ədliyyə naziri Fikrət Məmmədov - “ən qədim” nazirlərdəndir. 2000-ci ildən bəri, yəni 24 ildir ki, nazirdir və deməzdik ki, Ədliyyə Nazirliyi ölkənin ən mükəmməl, nümunəvi nazirliyidir...

Elçin Quliyev - 2001-ci ildən Sərhəd Qoşunları komandanı, 2017-ci ildən Dövlət Sərhəd Xidmətinin rəisidir. Yəni, 23 ildir eyni vəzifəni daşıyır.


Maliyyə naziri Samir Şərifov və Fövqəladə Hallar naziri Kəmaləddin Heydərov 2006-cı ildən, yəni, 18 ildir nazir vəsifəsindədirlər.


Zakir Həsənov isə 11 ildir Müdafiə naziri postundadır...

Bütün nazir və komitə sədrlərinin “stajı”nı nəzərdən keçirsək, bu, xeyli vaxt aparar. Yalnız onu birmənalı olaraq deyə bilərik ki, “qədim” nazirlərimizin çoxu rəhbərlik etdikləri sahələrin uğurları, nailiyyətlərindən daha çox öz şəxsi varidatları, biznesləri ilə tanınıblar...

Nisbətən cavan və yeni təyin olunmuş nazir və komitə sədrləri də var. Ancaq təəssüf ki, onların da arasında özündən əvvəlkilərin “atasına rəhmət oxutduran”lar az deyil. Belə ki, nazirlərin dəyişməsinə baxmayaraq, nə sosial təminat, nə səhiyyə, nə təhsil, nə mədəniyyət, nə hüquq-mühafizə sistemi, nə rabitə, nə də digər bir çox sahələrdə köklü, əhalinin tam mənada razı qaldığı irəliləyiş nəzərə çarpmır. Ona görə də nisbətən yeni təyin olunmalarına baxmayaraq, artıq “yetişmiş” nazir və komitə sədrləri, xidmət və agentlik rəhbərləri də var. Bu sıraya digərləri ilə yanaşı, məsələn, Nazirlər Kabinetinin tərkibinə daxil olan Qida Təhlükəsizliyi Agentliyinin sədri Qoşqar Təhməzlini də aid etmək olar. O, agentliyin yarandığı 2017-ci ildən bəri ona rəhbərlik edir. Bu müddət ərzində bu qurum sahibkarların ən çox şikayət etdikləri orqanlardan biri kimi ad çıxarıb.

Əlbəttə, əhalinin narazı qaldığı nazirlik və nazirlərin, Nazirlər Kabinetinə aid olan digər qurumların rəhbərlərinin sırasını uzatdıqca uzatmaq olar. Təcrübə göstərir ki, əhalinin bu qurumlara münasibəti heç də hər zaman onlarla bağlı kadr siyasətinə təsir etmir, onlarda aparılan kadr dəyişiklikləri isə gözlənilən ümidləri doğrultmur. Ancaq hər halda, idarəçilikdə hər zaman yeni nəfəsə, yeni, müasir yanaşmaya ehtiyac olub və bu gün də var...

Hələlik isə 30 il bundan əvvəl olduğu kimi, bu gün də nazir, icra başçısı və digər yüksək ranqlı məmurlar adi azərbaycanlı üçün əlçatmaz, süni, “yad materialdan olan” özgələşmiş personaj obrazında görünür.

Deməli, yeni idarəetmə sistemi qurulmalı və bu sistem korrupsiyadan, qanunsuzluqdan, ayrıseçkilikdən, inhisarçılıqdan, süründürməçilikdən, saymazlıqdan, yekəxanalıqdan və s. uzaq bir mahiyyətə, fəlsəfəyə malik olmalıdır ki, vətəndaş özünü “rəiyyət” kimi yox, hüquqi dövlətin tam hüquqlu, sərbəst bir parçası kimi hiss etsin. Görünür, bütün bunların tam mənada təmin edilməsi üçün isə hələ bir qədər də gözləmək lazımdır...

“AzPolitika.info”

Əmlak Məsələləri Dövlət Xidmətinin rəis müavini Elçin Yusubovun və sözügedən qurumun şöbə müdiri Taleh Bəşirovun Novxanı çimərliyi yaxınlığındakı “Metallurq” qaçqın düşərgəsini zəbt etməsi məcburi köçkünlər arasında ciddi narazılığa səbəb olub.

Məsələ ilə bağlı redaksiyamıza məlumat verən etibarlı mənbənin sözlərinə görə, məcburi köçkünlər Əmlak Məsələləri Dövlət Xidmətinin harınlamış məmurlarından ölkə başçısına şikayət etməyə hazırlaşır. Məcburi köçkünlər əmindirlər ki, “dərə xəlvət tülkü bəy” prinsipi ilə hərəkət edən məmurların bu özbaşınalığı haqqında məlumat Prezident İlham Əliyevə çatacağı təqdirdə dövlət başçısı dərhal onları cəzalandıracaq, məcburi köçkünlərin ikinci dəfə qaçqın həyatı yaşadanlara lazımı dərs verəcək.

Mənbənin məlumatına görə, ölkə başçısına ediləcək müarciətlə bağlı imzatoplama kampaniyasının həftə sonuna kimi başa çatdırılması nəzərdə tutulub. Bazar ertəsinə kimi Elçin Yusubov və Taleh Bəşirovun əməllərindən narazı olan məcburi köçkünlər imzatoplama kampaniyasını başa çatdıraraq, dövlət başçısına müraciət edəcək.

Xatırladaq ki, bir müdət bundan öncə Bakının Novxanı çimərliyindəki “Sarıqaya” yaşayış massivinin “Metallurq” qaçqın düşərgəsinin bir hissəsi ƏMDX-nin yetkililəri – Elçin Yusubov və Taleh Bəşirov tərəfindən məşhur iş addamlarından birinə satılıb. Ərazini satın alan iş adamı ƏMDX məmurlarının köməyi ilə məcburi köçkünlərə məxsus bəzi ev və yardımçı təsərrüfatları dağıdıb, avtomobil və piyada yolunu bağlayıb. Məcburi köçkünlərin etirazına məhəl qoymayan məmurların məcburi köçlünlərin yaşadığı digər evlərə də əl qoyacağı ehtimal edilir.

Onu da qeyd edək ki, məlum prosesdə xüsusi aktivliyi ilə diqqət çəkən isimlərdən biri olan Taleh Bəşirovun adı ölkə mətbuatında ilk dəfə iş adamlarının birindən “Rance Rover” markalı avtomobil hədiyyə alması ilə gündəmə gəlib. Həmin vaxt yayılan məlumata görə, Taleh Bəşirov dövlət əmlakını dəyər-dəyməzinə iş adamlarından birinə peşkəş etdiyi üçün bu cür bahalı hədiyyəyə layiq görülüb. Onun Türkiyədə də geniş biznes şəbəkəsinə malik olduğu iddia edilir.

Muxalifet.az

Redaksiyadan: Qarşı tərəfin mövqeyini dərc etməyə hazırıq.

“Kapital bank”dan şikayətlər artdığı ərəfədə “Birbank”la bağlı da narazılıqlar çoxalmaqdadır. Mütəxəssislər hesab edir ki, “Birbank” 2024-cü ildən etibarən müştəri yönümlü bank statusunu itirmək üzrədir.

Tribunainfo.az yazır ki, banklar üzrə mütəxəssis Murad Veysəloğlu bildirib ki, “Kapital bank” “Birbank” etibarını itirib və bunun da müəyyən səbəbləri var:

““Birbank” Cashback (debet kartı) – ən əsas üstünlüyü digər bankların bankomatında komissiyasız nağdlaşdırma etmək idi, ləğv edildi. Debet kart üzrə keşbekləri azaldıb. Debet kart üzrə 2X ƏDV-ni ləğv edib. Yanvar ayından etibarən kütləvi kiber hücumlar baş alıb gedir (əsasən kapital kartlarına). Aylıq kartdakı qalığa depozit faizini ləğv ediblər.
“Ninza Təklif”in komissiya faizini yüksəldiblər – 3 ay – 6%, 6 ay – 10%, 12 ay – 17%.
Bunlar azmış kimi tətbiqdəki çat bölməsini ləğv edib birbaşa whatsappa yönləndiriblər. Nəticədə whatsappda sorğulara gec cavab verilir.
“Kapital Bank”, bu qədər sürətli enişə keçmisiniz”, bəlkə nəzərə alasınız.

Təsərrüfat Hesablı Əsaslı Tikinti və Təchizat İdarəsi “Global İnteriors Group” MMC ilə təxminən 4 milyon manatlıq müqaviləbağlayıb.

Banker.az xəbər verir ki, müqavilədə Azərbaycan Dövlət Mədəniyyət və İncəsənət Universitetinin teatr binasının tikintisi nəzərdə tutulur.

Müqavilənin dəyəri isə 3 624 915 AZN təşkil edir.

"İş yoldaşım bu səhifədən məhsul sifariş verib, kartına pul da atıb (kart nömrəsi və çek də var). Amma nə mal var, nə pul..." Dia-az.info bildirir ki, bunu öz paylaşımında tanınmış jurnalist Famil Cəfərli qeyd edib.

F.Cəfərli eyni zamanda hüquq-mühafizə orqanlarına müraciət edərək, onları hərəkətə keçməyə də çağırıb.

Jurnalistt bildirib: "Haqqını istəyəni, irad bildirib tənqid edənləri də blok edirlər.

Müvafiq dövlət qurumları bu cür dələduzlarla ciddi məşğul olmalıdır".(Dia-az.info)

Bərdə rayon məhkəməsinin hakimi Elsun Məmmədov Baş Prokuror yanında Korrupsiyaya Qarşı Mübarizə İdarəsi tərəfindən saxlanılıb

Bu barədə Gununsesi.info-ya özəl mənbələrdən daxil olan məlumatda deyilir.

Məlumata görə, məhkəmə hakimi rüşvət almaqda günahlandırılır.

Onun barəsində həbs qətimkan tədbiri seçilməsi üçün bu gün məhkəməyi çıxarılacağı gözlənilir. (Gununsesi.info)

Biz tarixi ədalət arzusunu dövlətimizin əsasına qoymuşuq, amma tarixi ədalətin nə olduğunu formalaşdırmamışıq. Halbuki Ermənistanda müxtəlif siyasi qüvvələr və qruplar “tarixi ədalət” dedikdə tamam başqa şeylər başa düşürlər.

Bu sözləri Ermənistan Baş naziri Nikol Paşinyan parlamentdə Konstitusiya dəyişikliyi zərurəti ilə bağlı danışarkən deyib.

“İndi bizdə faciəvi vəziyyət saydığımız, müstəqilliyimizin ilk illərindən başlayan və hadisələrin sonrakı inkişafı ilə bitən nəhəng məlumatları emal etməli və dərk etməliyik. Mən bu barədə 2020, 2021, 2022-ci illərdə danışmışam. Məqsəd odur ki, dövlətimizin məzmununda mövcud olan daxili ziddiyyətləri, fikir ayrılıqlarını müəyyən edək, biz onlarla üzləşməli, bunun nə demək olduğunu başa düşməliyik.

Qeyd edək ki, siyasi mətnlərdə aşağıdakılar var – realizasiya, nəticə və bəhrəsi. Həmin bəyannamənin preambulasında üç əsas istiqamət öz əksini tapıb ki, bunlardan biri erməni xalqının arzuları, tarixi ədalət, üçüncüsü isə Dağlıq Qarabağ məsələsidir. Bəs tarixi ədalət nədir? Üstəlik, tarixi ədalətin şərhləri fərqli ola bilər və bütün problem budur.

Biz tarixi ədalət arzusunu dövlətimizin əsasına qoymuşuq, amma tarixi ədalətin nə olduğunu formalaşdırmamışıq. Halbuki Ermənistanda müxtəlif siyasi qüvvələr və qruplar “tarixi ədalət” dedikdə tamam başqa şeylər başa düşürlər. Erməni xalqı nə istəyir? Erməni xalqı Argentinada, ABŞ-da, Rusiyada, İranda, İsraildə yaşayır, orada yaşayan erməni xalqının arzularının eyni olduğuna əminikmi? Əgər buna əminiksə, o zaman bu harada formalaşıb?

Dağlıq Qarabağ və Ermənistan Respublikasının birləşdirilməsi qərarı nə deməkdir? Gələcəkdə siyasətimizi buna əsaslandıracağıq? Əgər belədirsə, biz hansı sülhdən danışırıq? Bu o deməkdir ki, sülh mümkün deyil. Bu müzakirənin başqa bir şeylə əlaqəsi yoxdur, bu, bizim müzakirəmizdir. Biz bu günümüzdən, sabahımızdan, gələcəyimizdən danışırıq”, - Paşinyan bildirib.

Ötən günlərdə xəbər vermişdik ki, seçkilərdən sonra hakimiyyət bir sıra kadr və struktur dəyişikliyinə gedəcək. Bunu həm komandanı yeniləmək, həm də idarəetməni optimallaşdırmaq üçün edəcəyi qeyd edilir.

JAMAZ.İNFO-ya daxil olan məlumatda deyilir ki, ləğv edilməsi nəzərdə tutulan qurumlardan biri Fövqəladə Hallar Nazirliyidir. FHN-in son illər adı bir çox qalmaqallarda hallanmaqla yanaşı, fəaliyyəti də sistemli olaraq tənqid olunub. Əgər nazirlik əvvəllər Kəmaləddin Heydərovun şəxsi nüfuzu sayəsində ayaqda dura bilirdisə, hazırda bu nüfuz da heç bir işə yaramır.

Gələn məlumatlarda iddia olunur ki, FHN ləğv edilsə də, onun səlahiyyətləri başqa bir nazirliyə veriləcək. Belə ki, FHN-in birləşdiriləcəyi əsas qurum kimi, DİN-in adı çəkilir. Bu isə səbəbsiz deyil. Çünki bu nazirliyin bir çox idarələri uzun zaman DİN-in tərkibində olub. Məsələn, Yanğından Mühafizə İdarəsi və sairə.

Nəzərə alaq ki, fövqəladə hallarda FHN-dən tez əraziyə polis əməkdaşları yetişir. Binəqədidə baş verən son partlayış zamanı da DİN əməkdaşları FHN-dən tez əraziyə çataraq, daha böyük fəlakətin qarşısını almağa nail olmuşdular.

Nüfuzdan düşən və getdikcə daha dərin “bataqlıq”da batan FHN-in başqa bir quruma birləşdirilməsi məsələsi də müzakirə mövzusu ola bilər. Bunun Müdafiə Nazirliyi ola bilmə ehtimalları irəli sürülür. Bu da onunla əsaslandırılır ki, FHN-in tərkibindəki mülki müdafiə qoşunları bir zamanlar elə MN-in tərkibində fəaliyyət göstərib.

Mümkün versiyalardan biri də odur ki, FHN ləğv edilərsə, onun tərkibindəki bəzi idarələr DİN-ə, bəziləri isə MN-ə veriləcək.

FHN ləğv olunarsa, Kəmaləddin Heydərovun aqibəti necə olacaq? JAMAZ.İNFO xəbər verir ki, Heydərovun vəzifəsiz qalması real görünmür. Elə gələn xəbərlərdə də bu xüsusi vurğulanır. Çünki FHN şefinin hakimiyyət qarşısında xidmətləri heç də az deyil. Və bu xidmətləri bu və ya digər şəkildə qiymətləndirmək lazım gələcək.

Heydərovun hansı vəzifəni tuta biləcəyinə gəldikdə isə bununla bağlı iki versiya mövcuddur. Birincisi, Təhlükəsizlik Şurasının katibi postudur. Hazırda həmin vəzifədə Ramil Usubov əyləşib. Onun fəaliyyəti isə yox kimi bir şeydir. Eyni zamanda, son zamanlar Usubovun qohumlarının adının narkotik ticarətində hallanması da, TŞ katibin vəzifədən getməsi üçün siqnal rolunu oynayır.

Digər vəzifə kimi isə Prezidentin müşaviri postlarından biri göstərilir. Lakin Heydərovun hansı sahə üzrə müşavir ola biləcəyi bəlli deyil. Çünki onun işinə uyğun müşavirlik postu mövcud deyil.(JAMAZ.İNFO)