Politoloq Nahid Aslansoy və gənc alim Sənan Eminov barəsindəki cinayət işinin ibditdai istintaqı yekunlaşıb.

Qaynarinfo xəbər verir ki, iş baxılması üçün Səbail Rayon Məhkəməsinə göndərilib. Məhkəmə istintaqı hakim Günel Səmədovanın sədrliyi ilə aparılacaq.

Adıçəkilən şəxslər Cinayət Məcəlləsinin 178.2.1-ci (Dələduzluq – Qabaqcadan əlbir olan bir qrup şəxs tərəfindən törədildikdə) maddəsi ilə təqsirləndirlir.

Bu maddədə 4 min manatdan 7 min manatadək miqdarda cərimə və ya 1 ildən 3 ilədək müddətə azadlığın məhdudlaşdırılması və ya 2 ildən 5 ilədək müddətə azadlıqdan məhrum etmə cəzası nəzərdə tutulur.

Mediada gedən məlumatlara görə, təqsirləndirilən şəxslərdən biri – Sənan Eminov ölkədən qaçıb. Onun Mayamidə yaşadığı iddia edilir.

Sənan Eminov barəsində mediada gedən məlumatlarda bildirilir ki, o, Böyük Britaniyanın London İmperial Kollecində magistratura, 2011-2015-ci illərdə isə London İmperial Kollecində doktorantura pilləsində oxuyub. Doktorantura pilləsini uğurla başa vuraraq bərpaolunan enerji və ətraf mühit mühəndisliyi üzrə doktorluq dissertasiyasını müdafiə edib və alimlik (PhD) dərəcəsinə yüksəlib. İddialara görə, Sənan Eminov 4 milyon manat pul mənimsəyib.

Nihad Aslansoya gəlincə, o, mediada politoloq kimi təqdim edilir. Lakin onun cinayət işi barədə heç bir məlumata rast gəlinmir.

Bu işdə daha bir nəfər təqsirləndirilən şəxs var – Məmmədlizadə Mərdan Oruc oğlu. Onun haqqında açıq mənbələrdə heç bir məlumata rast gəlinmir.

Cinayət işi üzrə 59 nəfər zərərçəkmiş qismində tanınıb. Onların işə düzəltmək adı ilə aldadıldığı bildirilir.

Ağstafa - Dağkəsəmən kəndində çəkilmiş görüntülər ikrah hissi oyadıb.

32gun.az xəbər verir, Zibil qablarında məişət tullantıları aşıb daşır. heç bir əncam çəkilmir. İcra nümayəndəsi və bələdiyyəsi problemi görməzdən gəlir.

Sakinlər iddia edirlər ki, tullantılar elə vaxt olur günlərlə daşınmır. Üfunətdən ərazidən keçmək olmur.

Ərazidə yaşayan sakinlərin sözlərinə görə, zibil qabları üçün ərazi düzgün seçilməyib. Üstəlik, qablar da standartlara cavab vermir.

Xatırladaq ki, Ağstafa RİH başçısı Seymur Orucovdur.
Ağstafa RİH başçısının Dağ Kəsəmən kənd İƏD üzrə nümayəndəsi Qiyasbəyov İbrahim Tofiq oğludur.

Bakıda vətəndaş evinin üstündə bina tikən şirkəti məhkəməyə verib.

Qaynarinfo-nun məlumatına görə, Mövlamov Rövşən Allahverdi oğlu "Qaya Qala" Məhdud Məsuliyyətli Cəmiyyəti (MMC) və Nərimanov Rayon İcra Hakimiyyəti barəsində Nərimanov Rayon Məhkəməsinə şikayət edib.

O, şirkət və icra hakimiyyəti barəsində "Mülkiyyət hüququ ilə əlaqədar mübahisələr - Digər" məslələrlə bağlı iddia qaldırıb. İş Solmaz Ədilovanın icraatındadır.

Qeyd edək ki, 2020-ci ildə "Qaya Qala” MMC Nərimanov rayonu, Təbriz küçəsindəki 34 saylı ünvanda (Təbriz, Əliyar Əlizadə və Əliağa Vahid küçələrinin kəsişməsi) pilot layihə çərçivəsində bina tikib. Şirkət həmin ünvanda bina tiksə də, onların şərtləri ilə razılaşmayan Rövşən Mövlanov evindən çıxmayıb. Amma şirkət onun evinin üzərində bina tikintisini davam etdirib. Bu barədə sosial şəbəkələrdə də görüntülər paylaşılmışdı. 4 ildən artıqdır ki, "Qaya Qala” MMC sözügedən mülk sahibi ilə tam razılığa gələ bilməyib.

Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin tabeliyindəki Bakı Beynəlxalq Avtovağzal Kompleksinin ictimaiyyətlə əlaqələr şöbəsinin müdiri Sabir Bilalov işdən çıxıb.

“Report” xəbər verir ki, bu barədə o, özü məlumat verib.

S.Bilalov bu vəzifəyə ötən ilin iyun ayında təyin edilmişdi.

Azərbaycanın ən böyük özəl bankı hesab olunan “Kapital Bank” ASC 3 hüquqi, 1 fiziki şəxs haqqında məhkəmə iddiası qaldırıb.
Yeniavaz.com xəbər verir ki, məhkəmə iddiası Bakı Kommersiya Məhkəməsində hakim Leyla Əliyevanın icraatına verilib.
Məhkəmə iddiasının kredit müqaviləsi üzrə mübahisələrlə əlaqəli olduğu bildirilir.
Məlumat üçün bildirək ki, barəsində iddia qaldırılan hüquqi şəxslər – “SS-22” MMC, “Merser Trade” MMC və “IS Consumer Producrs” MMC, fiziki şəxs isə Yusubov İsrail Arzu oğludur.
Onu da bildirək ki, “Kapital Bank” ASC-nin məhkəməyə verdiyi şirkətlərdən birinin - , “Merser Trade” MMC-nin adı 2 il əvvəl Bakıda “Location” gecə klubunda baş verən partlayışda hallanıb.
Partlayışla bağlı Baş Prokurorluğun açıqlamasında bildirilib ki, saxlanılan şəxslər arasında obyekti icarəyə götürən “Merser food” MMC-də administrator işləyən Rəsul Rəsulov, həmin MMC-nin təsisçisi – klubun meneceri Orxan Səfərov və Fövqəladə Hallar Nazirliyinin Dövlət Yanğın Nəzarəti Xidmətinin 2-ci Ərazi Dövlət Yanğın Ərazi idarəsinin inspektoru Ruslan Məmmədovdur.
Məlumat üçün bildirək ki, obyekti icarəyə götürən “Merser food” MMC 18 sentyabr 2018-ci il tarixində dövlət qeydiyyatına alınıb. Hüquqi ünvanı Nəsimi rayonu, Rəşid Behbudov, ev 65, m 61-də yerləşən MMC-nin qanuni təmsilçisi Kərimli Nurlan Mahir oğludur.
Kərimli Nurlan Mahir oğlunun rəhbərlik etdiyi daha bir şirkət – 27 mart 2017-ci ildə dövlət qeydiyyatına alınan “Merser” ASC adlanır. Nizamnamə kapitalı 4 min manat olan “Merser” ASC-nin hüquqi ünvanı Sabunçu rayonu, Bakıxanov ŞTQ, Aşıq Pəri (Ərəblinka), ev 16B-də yerləşir.
“Merser food” MMC-nin qeydiyyatından 10 gün sonra – 28 sentyabr 2018-ci il tarixində Bakıxanov ŞTQ, Aşıq Pəri (Ərəblinka), ev 16B ünvanında “Merser Trade” MMC adlı daha bir şirkət də qeydiyyatdan keçib və bu şirkətin qanuni təmsilçisi Yusubov İsrail Arzu oğludur.
Yusubov İsrail Arzu oğlu 2016-cı ilin iyun ayında dövlət qeydiyyatına alınan 3 şirkətin də qanuni təmsilçisi olub. Həmin şirkətlərdən birinin – “Is Consumer Products” MMC-nin (əvvəlki adı “Is Chemıcal”) qanuni təmsilçisi Səfərli Orxan Məhərrəm oğlu da gecə klubundakı partlayışa görə həbs olunub.
Yusubov İsrail Arzu oğlu eyni zamanda “Is Group” və “Isr Group” MMC-lərin də qanuni təmsilçisi olub.
20 iyun 2016-cı ildə dövlət qeydiyyatına alınan “Isr Group” MMC 4 ay sonra – 9 noyabr 2016-cı il tarixində ləğv olunduğunu açıqlayıb.
Məlumat üçün onu da qeyd edək ki, Yusubov İsrail Arzu oğlu eyni zamanda Moskva şəhəri, Lublınskaya küç. ev 47 ünvanında qeydiyyata alınan “Merser” şirkətinin təsisçisi və rəhbəridir. Şirkət 9 sentyabr 2019-cu il tarixində dövlət qeydiyyatına alınıb.
Maraqlı və diqqət çəkən məqamlardan biri odur ki, İsrail Yusubov “Location” gecə klubunda baş verən partlayışdan təxminən 10 gün əvvəl – 24 mart 2022-ci ildən etibarən “Merser” şirkətinə rəhbərlik edir. Daha əvvəl şirkətə Yusubov Pərviz Qabil oğlu rəhbərlik edib. Şirkətin ilk rəhbəri və təsisçisi isə Rusiyada yaşayan məşhur azərbaycanlı iş adamı Mişiyev Adil Rafiq oğlu olub.

“Muğan Bank” ASC-nin bağlanmasından sonra ona yaxın olan investisiya şirkəti bazarda mövqe gücləndirmək yolundadır.

Banker.az xəbər verir ki, “MFX-Trading İnvestisiya Şirkəti” Açıq Səhmdar Cəmiyyətinin nizamnamə kapitalı daha 150 000 manat və ya 15.6% artırılaraq 1 110 000 manata yüksəldilib.

“MFX-Trading İnvestisiya Şirkəti” ASC 2020-ci ildə təsis edilib və həmin il Mərkəzi Bankdan bazarda iştirak üçün lisenziya əldə edib.

İnvestisiya şirkətinin nizamnamə kapitalının 40%-i Anar Nəbiyev, 34%-i Cəmşid Novruzov və 26%-i isə Zərifə Həsənova adlı fiziki şəxslərə məxsusdur.

“MFX-Trading İnvestisiya Şirkəti” yarandığı gündən kapital bazarında zəif iştirak edir. Bunu Bakı Fond Birjasındakı dövriyyələr də göstərir. İlk yarandığı gün bir qədər aktivlik göstərsə də son iki ildə məhdud sayda əməliyyatlar aparıb.

Xatırladaq ki, 2023-cü ilin oktyabrında Azərbaycan Mərkəzi Bankı “MuğanBank” ASC-nin lisenziyasını kapital çatışmazlığını səbəb gətirərək ləğv edib.

“Azəriqaz” İstehsalat Birliyinin keçmiş əməkdaşı Nağı Allahverdi Əli oğlu tərəfindən “Hürriyyət”in redaksiyasına növbəti şikayət məktubu daxil olub. Şikayətçi qəzetimiz vasitəsilə Dövlət Təhlükəsizliyi Xidmətinin rəisi, general-polkovnik Əli Nağıyevə və Xarici Kəşviyyat Xidmətinin rəisi, general-polkovnik Orxan Soltanova müraciət edir. Onun məktubunu olduğu kimi dərc edirik:

“Hörmətli Cənablar!

Sizdən xahiş edirəm ki, Xətai Rayon Məhkəməsinin hakimi Eyvazova Samirə Əli qızının fəaliyyətinin araşdırılması ilə bağlı göstəriş verəsiniz.

Diqqətinizə çatdırım ki, “Azəriqaz” İstehsalat Birliyi məni saxta əmrlə və qanunsuz olaraq Əmək Məcəlləsinin “79 C” maddəsilə işdən azad edib.

18 sentyabr 2023-cü il tarixində səhhətimlə bağlı problemlər yaşadığıma görə, əmək qabiliyyətim bərpa olunana qədər həkim məsləhəti ilə müvəqqəti olaraq işdən uzaqlaşdım. “Azəriqaz” İstehsalat Birliyinin rəhbərliyi isə, bunu bəhanə edərək, məni haqsız yerə işdən uzaqlaşdırdı.

Mən bu haqsızlıqla bağlı 17 oktyabr 2023-cü ildə Xətai Rayon Məhkəməsinə iddia ərizəsi təqdim etmişəm. İddiam 2( 011 ) -7935/2023 nömrəsi ilə qeydiyyata alınıb və hakim Eyvazova Samirə Əli qızının icraatına verilib. Hakim Əmək Məcəlləsinin 79-cu maddəsinin pozulmasına görə, verilən əmri dərhal ləğv edib və işimə bərpa olunmağımla bağlı qərar çıxarmalı olduğu halda, ekspertizaya göndərilməyimlə baqli qərar verdi.

Hakimin saxta əmrlə bağlı çıxardığı qərar məni çox sarsıtdı. Bu məsələdən sonra onun barəsində internet vasitəsilə məlumat topladım. Bu zaman öyrəndim ki, Samirə Eyvazova həmçinin “Sabah qrupu”nda saat hesabı müəlliməlik edir. Hansı ki, “Azəriqaz”ın Kadrlar İdarəsinin rəisi Xəqani Bəşirli də həmin qrupda müəllim kimi çalışır.

Ən maraqlı məqam isə odur ki, Eyvazova Samirə Əli qızı 2012-2016-cı illərdə Bakı Dövlət Universtetinin Beynəlxalq hüquq və Avropa hüququ kafedrasında müəllim, 2006–2012-ci ildə həmin universtetin Hüquq və Avropa hüququ kafedrasında baş laborant, həmin universtetin Hüquq və Avopa hüququ kafedrasında saat hesabı müəllim, 2004-2006-cı ildə universtetin Ümumi hüquq və Xarici ölkələrin konstitusiya hüququ kafedrasinda baş laborant və Xarici ölkələrin konstitusiya hüququ kafedrasında saat hesabı müəlliməlik edir.

Hazırda AŞPA və bəzi xarici dövlətlər ölkəmizin bir çox uğurlarını həzm edə bilmədiklərindən, bizə qarşi çirkin əməllərlə məşquldurlar. Ölkəmizdə növbədənkənar Prezident seçkilərinə bir neçə gün qaldığı bir vaxtda hakim Samirə Eyvazova saxtakarları qoruyur və onların qanunlarımıza olan hörmətsizliyinə göz yumur.

Mən bir vətəndaş olaraq çox arzu edərdim ki, belə adamları araşdırıb cəzalandırasınız. Ümid edirəm ki, belələri layiqli qiymətini alacaq.

Əvvəlcədən təşəkkürümü bildirirəm”.

Nərimanov Rayon İcra Hakimiyyəti başçısının sabiq birinci müavini Şahmar İbadov rayonların birinə icra başçısı və ya nazir müavini vəzifəsinə təyin ediləcəyi ilə bağlı yayılan məlumatlara münasibət bildirib.

Ş.İbadov Pravda.az-a açıqlamasında bunu təkzib edib.

“Belə bir fikrim yoxdur. Boş-boş şeylərdir, elə şey yoxdur”, - o qeyd edib.

Naxçıvanın təhsil naziri vəzifəsini icra edən Elxan Nəcəfov Kəngərli rayonunda qəbulu keçirib. Lakin, əvvəlcədən planlaşdırılmış görüşə şikayəti olan vətəndaşlar buraxılmayıblar. Görüşə buraxılmayanlar bir qrup şikayətçi müəllim və valideynlərdir.

Adının çəkilməsini istəməyən şikayətçilərdən birinin “Gündəlil Naxçıvan”a verdiyi məlumata görə, görüş ictimaiyyətdən xəbərsiz təşkil olunub:

“ Görüşdən bir gün xəbər tutduq. Müraciət etdik, dedilər, gecdir. Görüş keçirilən gün xeyli şikayətçi binanın qarşısına toplaşmışdı. Heç kimi buraxmadılar. 1-2 nəfər öz adamlarını qəbula saldılar. Özlərini reklam edirlər. Guya, vətəndaşların qayğısına qalırlar. Naxçıvan təhsilində rüşvət və özbaşınalıq baş alıb, gedir. Bu problemləri dinləmək istəmirlər”.(“Gündəlil Naxçıvan”)

Görüş Kəngərli rayon İcra Hakimiyyətinin binasında baş tutub.

Bakının Binəqədi rayonu Biləcəri qəsəbəsində sakinlər yolların bərbad vəziyyətindən şikayətçidirlər.

Bu barədə vətəndaşların Oxu.Az-ın redaksiyasına göndərdikləri şikayətdə qeyd edilib.

Söhbət Biləcəri qəsəbəsi, Xudadat Məlikaslanov küçəsi, döngə 6 ünvanından gedir. Vətəndaş iddia edir ki, sözügedən ünvanda məhəllələrin yolları keçilməz haldadır:

“Yollarda nə asfalt örtüyü var, nə yol kənarında işıq dirəyi var. Sözün əsl mənasında bu əraziyə baxan bir nəfər şəxs, bir aidiyyəti qurum yoxdur. Dəfələrlə şikayət etmişik, sakinlər arasında imza toplayıb məktub yazmışıq, amma aidiyyəti qurumlardan şikayətimizə baxan olmayıb”.

Mövzu ilə bağlı Binəqədi Rayon İcra Hakimiyyətindən Oxu.Az-ın sorğusuna cavab olaraq bildirilib ki, sözügedən ünvanda asfalt örtüyünün yenidən salınması və təmir işləri ilə əlaqədar onlar aidiyyəti qurumlara müraciət ediblər:

“Asfalt örtüyünün bərpası və yenidən qurulması tədbirlər planına uyğun olaraq, mərhələli şəkildə həyata keçiriləcək”.

Dia-az.info-dan: Dəyərli oxucu, diqqət etdinizsə, yenə də iş qaldı aidiyyəti qurumların üzərində... Bu qurum isə möhtərəm AAYDA-dır... O AAYDA ki onun rəhbərliyində Əvəz Qocayev kimi bir fiqur təmsil olunur.

İllah ki, yuxarıda barəsində danışdığımız, vətəndaşların giley-güzarına nədən olan yola dövlə büdcəsindən ayrılmış vəsait də məhz Əvəz müəllim tərəfindən çoxdan həzm-rabedən keçirilib.

Bu barədə daha geniş materialımız olacaq...

Qeyd edək ki, Əvəz Qocayev Azərbaycan Avtomobil Yolları Dövlət Agentliyinin İdarə Heyətinin Sədr müavinidir. Bizi izləyin...