Elm və Təhsil Nazirliyinin Təsərrüfathesablı Əsaslı Tikinti və Təchizat İdarəsi Gəncədə müəyyən işlərin aparılmasına görə, 2023-cü ildə "TAİS İKF" MMC ilə tender müqaviləsi imzalayıb.

Nazirliyin sözügedən idarəsi "TAİS İKF" MMC ilə "2023-cü il ərzində Bakı şəhəri (Səbail və Nizami rayonları) və Gəncə şəhəri ərazisində yerləşən bütün məktəbəqədər təhsil müəssisələrinin yeməklə təchizatının satınalınması"na görə 12.704.453,95 AZN məbləğində müqavilə imzalayıb. Bildirək ki, nizamnamə kapitalı 10 AZN olan "TAİS İKF" MMC-nin qanuni təmsilçisi Rafail Şirinov Məmməd oğludur.

Gəncə-Daşkəsən Region Təhsil İdarəsinə ayrılan 13 milyona yaxın vəsait şübhə doğurur. Belə ki, tikinti və ya ərzaq almaq üçün ayrılan maliyyə özünü doğrutmur. Bu sahədə kifayət qədər tikinti işinin olmaması, yeni, müasir məktəblərin, bağçaların ərzaq ilə təmin olunmasından əsər-əlamət yoxdur. Əgər həqiqətən də maliyyə ayrılan şirkət "TAİS İKF" MMC bunları həyata keçiribsə bəs, hanı?..

Qeyd etdiyimiz maliyyə məbləği ötən illərə də təsadüf edir ki, Elm və Təhsil Nazirliyinin Təsərrüfathesablı Əsaslı Tikinti və Təchizat İdarəsi Gəncədə guya ki, əsaslı təmirlər, region idarəsinə avadanlıq və ərzaq alınmasını təmin edib.

Mövzuya qayıdacayıq.

hurriyyet.az

"Bakı Sığorta” ASC 2023-cü ilin 11 ayında 4 milyon 644 min manat sığorta haqqı yığıb.

Valyuta.az xəbər verir ki, bu, 2022-ci ilin müvafiq dövrü ilə müqayisədə 1 milyon 210 min manat, yaxud da 20,7 % azdır.

Qeyd edək ki, 2022-ci ilin 11 ayında "Bakı Sığorta” 5 milyon 854 min manat sığorta haqqı toplayıb.

Bununla yanaşı, "Bakı Sığorta” ASC-nin 2023-cü ilin 11 ayında topladığı sığorta haqqlarının məbləği 2021-ci illin müvafiq dövrü ilə müqayisədə 148 min manat, yaxud da 3,2% azalıb.

"Bakı Sığorta” ASC 2021-ci ilin yanvar-noyabr aylarında 4 milyon 496 min manat sığorta haqqı toplayıb.

“Xəzər rayonunun Şağan qəsəbəsində avtobusların da keçdiyi yol kanalizasiya xəttinin düzgün işləməməsi nəticəsində pis vəziyyətdədir. Bu ərazidə bizim torpaq sahəmiz var, həmin sahəni isə vaxtaşırı su basır və çox əziyyət çəkirik”.

Bu problemlə üzləşən sakinlərdən biri Kamran Alışzadə “Qafqazinfo”ya bildirib ki, təxminən 100 metri əhatə edən ərazidə son 4 ildir vaxtaşırı subasma halları müşahidə edilir.

Heybətqulu Məmmədbəyli küçəsində yaşanan problem sakinlərin, xüsusilə də məktəblilərin gəlib-gedərkən çətinliklə üzləşməsinə səbəb olur.

Şikayətçinin sözlərinə görə, rəsmi qurumlara müraciət edilsə də, problemin aradan qalxması üçün dövlətin ayrıca pul ayırması lazım olduğu bildirilib.

Məsələ ilə bağlı Xəzər Rayon İcra Hakimiyyətinə sorğu ünvanladıq. Qurumdan saytımıza bildirildi ki, həmin ərazidə yığılan yağış sularının kənarlaşdırılması üçün mütəmadi olaraq zəruri tədbirlərin görülməsi təmin olunsa da, bu, yetərli deyil: “Yığılan su Mərdəkan-Buzovna avtomobil yolunun kənarında yerləşən d500 mm olan yağış suyu şəbəkəsinə axıdılır. Lakin suyun səviyyəsinin qalxması səbəbindən mövcud boru qrunt sularının kənarlaşdırılmasına kifayət etmir”.

Açıqlamada deyilir ki, problem perspektiv layihəyə əsasən həll oluna bilər: “Problemin əsaslı həlli layihəyə uyğun olaraq magistral kanalizasiya kollektorunun və toplayıcı şəbəkənin inşası ilə mümkündür”.

“Azərsu” ASC-nin mətbuat xidmətinin rəhbəri Anar Cəbrayıllı isə gələcəkdə master plana əsasən, həmin ərazidə layihələrin icrasının planlaşdırıldığını qeyd edib: “Şağan qəsəbəsi ərazisində kanalizasiya şəbəkəsinin inşası işlərinin icrası Cəmiyyətin tədbirlər planına uyğun olaraq mərhələlərlə həyata keçiriləcək”.

video burada
My Webpage

Uzun illərdir Azərbaycanın idman sahəsində, əsasən də idmanın boks növündə özübaşınalıq davam edir. Gənc və yeniyetmə idmançılara edilən haqsızlıqlar onların gələcək həyatlarına və kariyeralarına ciddi təsir göstərir.

Çox acınacaqlı haldır ki, hər il böyük potensialı olan uşaqlar Boks Federasiyasındakı monopolist şəxslərin, şəxsən Federasiya prezidentinin (Sahil Babayev), eləcə də, Gənclər və İdman nazirinin, (Fərid Qayıbov) bu qurumdakı aidiyyatı şəxs və şəxslərin yarıtmaz fəaliyyətinin qurbanı olur.

Statistik rəqəmlər göstərir ki, hər il ölkəmizdə yüzlərlə gənc və yeniyetmə boksçu bu yarışlar zamanı üzləşdikləri haqsızlıqlar üzündən boksla vidalaşır. Bu isə Boks Federasiyasındakı işbazlarla əlbir olan "məşqçi"lərin karına çatır. Bu barədə daha ətraflı məlumat verəcəyik, bu məşqçilərin adını, onların fəaliyyətini tək-təık göstərəcəyik.

Qısacası ötən ilin son günlərinə kimi gizlətdikləri yeniyetmələr arasında keçiriləcək Boks üzrə Azərbaycan Birinciliyi bu gün başlayıb. Bizimxeber.az əməkdaşları yarışın keçirildiyi zalda - Boks Federasiyasında olaraq, müşahidələr aparıb, yeniyetmələrlə danışıb, yarışı işləyib.

İlkin müşahidələr götərir ki, nazir Fərid Qayıbovla, Sahil Babayevin təşkil etdiyi Respublika Birinciliyi adlı bu nəsə yarışdan çox şou proqrama oxşayır.

Bəli, yarışa rəhbərlik edən şəxs sözün əsl mənasında yenə köhnə ampulasındadır. İstədiyi qərarları verir, istədiyini qalib edir, istəmədiyini uzaqlaşdırır... Kimdir bu şəxs? Bu barədə də ətraflı məlumat sabah verəcəyik...

Hələlik, ondan başlayaq ki, yarışın təşkilatçılığı olduqca aşağı, sistemsiz, nizamsızdır. Federasiyanın giriş qapısında quraşdırılan təhlükəsizlik aparatı işləmir. Yoldan keçən şəxs yoxlanmadan içəri rahatlıqla girə və istədiyini edə bilər. Nəzərə alsaq ki, bu yarışda 400-dən çox yeniyetmə iştirak edir və bunların təhlükəsizliyi öndə dayanmalıdır. Bu hal Sahil Babayevi narahat etmir.

Daha bir məqam yarış iştirakçıları və müəllimlər üçün hazırlanan vəsəqələrin sistemsiz və nizamsız, hara gəldi tökülməsidir. Stolun üzərinə tökülən bu vəsiqələri kim istəyir götürə bilər. Azyaşlı uşaqlar saatlarla öz adına olan vəsiqəni axtarır, hələ vəsiqələri boyundan asmaq üçün olan bağlar isə yerdə, antisanitariya şəraitində təpiklər altında qalır.

Bundan başqa ilkin müşahidələr zamanı olduqca maraqlı faktlar toplamaq mümkün olub.

Əldə etdiyimiz məlumata görə, yarışın qalibləri demək olar ki, müəyyənləşib. Bu aparılan bölgüdən aşkar görünür.

Məlumata görə, yarış iştirakçılarının bölgüsü xüsusi olaraq, məqsədli şəkildə aparılıb. Sahil Babayevin və ya ABF-in İdarə Heyətinin üzvü Rövşən Hüseynovun və ona yaxın məşqçilərin qalib etmək istədikləri idmançılar başqa bir qrupa salınıb. Sahibsiz, kasıb, adamsız boksçülar isə qarışıq dedilən qruplarda yer alır. Bu nə deməkdir?

Araşdırmalar zamanı bəlli olub ki, bu işlərə ABF-in İdarə Heyətinin üzvü Rövşən Hüseynov, Gənclərdən ibarət yığmada baş məşqçi olan Elbrus Rzayev, Federasiyada vəzifə tutan və yarışın əsas təşkilatçılarından olan bir xanım rəhbərlik edir. Bu arada qeyd edək ki, Boks Federasiyası iddia edir ki, bölgü kompyuter tərəfindən aparılıb və tam ədalətlidir.

Elə isə onu bölən ədalətli kompyuter və ya proqrama diqqət edin, necə olur ki, bir idmançı 5 dəfə rinqə çıxır, başqa bir idmançı 3 dəfə. Bu necə bölgüdür? Bu hansı ədalətdir, hansı proqramdır? Yaxud bir idmançı 2 döyüşlə yarımfinala çıxır, başqa bir idmançı 5 döyüşlə...? Budurmu sizin ədalətli bölgünüz, yoldaş Qayıbovla, Babayev? Sizin ədalətli kompyuteriniz də elə sizin "ədadlət"iniz kimi işləyir? Bu uşaqların niyə gələcəyi ilə oynayırsız?

Budurmu sizin təşkil etdiyiniz yarışın məqsədi və məramı? Yeniyetmələri idmandan iyrəndirmək, məhv etmək, yoxsa yaxşı döyüşçü üzə çıxartmaq?

Daha ətraflı foto, video görüntülər sabahkı geniş reportajda!!! Bizi izləyin!

Bizixmeber.az

Keçən ilin may ayında "Sumqayıt Texnologiyalar Parkı”nın baş direktoru Ruslan Ağabəyli vəzifəsindən azad olunaraq onun yerinə Hicran Valehov təyin edilib...

Hicran Valehov indiyə qədər "Azərbaycan Dəmir Yolları” İdarə Heyətinin sədr müavini olub. Mediada yer alan iddialara əsasən cumhuriyyet.az olaraq bildirək ki, "Azərbaycan Dəmir Yolları” Qapalı Səhmdar Cəmiyyətində 15 ilə yaxındır ki, həyata keçirilən maxinasiyaların başında Hicran Valehov dayanıb. Əslən Kəlbəcərdən olan və Cavid Qurbanovun kadrı kimi tanınan Hicran Valehov uzun illərdir ki, köhnə vaqonların təzə adı ilə silinib büdcədən milyonların mənimsənilməsi, ezamiyyət xərclərinin şişirdilib ələ keçiriiməsi və digər maxinasiyaları həyata keçirib.

İxtisasca sığorta müfəttişi Hicran Valehov Avropada geniş biznes şəbəkəsi qurub. Beləki, "Azərbaycan Dəmir Yolları” Qapalı Səhmdar Cəmiyyətinin sabiq sədri Arif Əsgərovun Slovakiyada oğullarının adına açdığı "ELUREL TRANS S.R.O.” şirkəti 2018-ci ilin aprel ayının 4-dən Hicran Valehovun adına rəsmiləşdirilib. Sənədlərə görə, cənab Valehovun Slovakiyadakı qeydiyyat ünvanı belədir: Javorová 5803/8, Pezinok 902 01.

Hicran Valehovun biznesi Slovakiya ilə məhdudlaşmır. Onun Çexiyada da geniş biznesi var. Çexiya Ədliyyə Nazirliyində qeydiyyatdan keçmiş "CETS, s.r.o.” şirkətinin sənədlərinə görə, 5 iyun 1968-ci il təvəllüdlü, Bakı şəhəri, Qaraçuxur qəsəbəsi, Şadlinski küçəsi, ev 26-da qeydiyyatda olan Hicran Valehov 13 iyun 2017-ci ildən bəri şirkətin iki təsisçisindən biridir. Şirkətin digər həmtəsisçisi isə "ALLİANCE – GROUP” şirkətidir. 200 min çex kronu nizamnamə kapitalı olan "CETS, s.r.o.” hələ 2009-cu ildə Praqada qeydiyyata alınıb (şəhadətnamə nömrəsi C 158021). 2017-ci ildə şirkət çex sahibləri (FRANTIŠEK DÁŇA, JIŘÍ BROŽ və JAN HRAZDIRA) tərəfindən Hicran Valehova satılıb və həmin tarixdən yeni ünvanda (Petrohradská 216/3, Vršovice, 10100 Praha 10) fəaliyyət göstərməyə başlayıb. Nizamnaməyə görə, bu şirkət istehsal, ticarət və xidmət sahəsində istənilən xidmət növü ilə məşğul ola bilər. Şirkəti hal-hazırda Praqada yaşayan 1973-cü il təvəllüdlü Aydın Süleymanlı idarə edir. Aydın Süleymanlı eyni zamanda "Alliance-group.eu, spol. s r.o” şirkətinin həmtəsisçidir. Bu şirkət də faktiki olaraq Hicran Valehova aiddir. Belə ki, 200 min kron nizamnamə kapitalı olan şirkətin digər həmtəsisçisi Hicran Valehovun qardaşı, Bakı şəhəri, Yeni Günəşli qəsəbəsində qeydiyyatda olan, 1972-ci il təvəllüdlü Məhəmməd Valehovdur. Şirkət 14 dekabr 2009-cu ildə Aydın və Aynur Süleymanlıların adına qeydiyyatdan keçirilib (şəhadətnamə nömrəsi: C 159637)."Alliance-group.eu, spol. s r.o” daşınmaz əmlak, mənzil və qeyri-yaşayış sahələrinin alışı, kirayəsi ilə məşğuldur. Şirkətin Aynur Süleymanlıya aid 50 faiz hissəsi Məhəmməd Valehovun adına rəsmiləşdirilib. Birdən birə STP-də peyda olan Hicran Valehov qısa müddətdə buranı da öz biznes obyektinə çevirib. Maliyyə xidmətinə öz kadrlarını yerləşdirən Valehov bütün əsas yeyinti vəzifələrində etibarlı adamlarını əyləşdirib.
http://patriot.az/

Baş Prokurorluq, Fövqəladə Hallar Nazirliyi və “Tibbi Ərazi Bölmələrini İdarəetmə Birliyi” publik hüquqi şəxsi (TƏBİB) Bakı şəhəri, Xətai rayonu, Yusif Səfərov küçəsində yerləşən Respublika Perinatal Mərkəzində baş vermiş yanğınla bağlı birgə məlumat yayıb.

Açıqlamada bildirilir ki, Fövqəladə Hallar və Daxili İşlər nazirliklərinin qüvvələri tərəfindən qısa müddətdə söndürülüb, aidiyyəti dövlət orqanlarının koordinasiyalı və operativ fəaliyyəti nəticəsində Mərkəzdə olan şəxslər təxliyə olunub.

Qeyd olunur ki, Mərkəzin Yenidoğulmuşların intensiv terapiya şöbəsində müalicə alan 4 uşağın meyiti aşkar olunub:

"Baş Prokurorluğun rəhbər vəzifəli şəxslərinin iştirakı ilə hadisə yerinin müayinəsi aparılıb, eləcə də zəruri və təxirəsalınmaz istintaq hərəkətləri həyata keçirilib.

İlkin araşdırmalar zamanı müəyyən edilib ki, 3 nəfər tüstüdən zəhərlənmə səbəbilə Kliniki Tibbi Mərkəzin Toksikologiya şöbəsinə hospitalizasiya olunub. Onlara zəruri tibbi xidmətlər göstərilib, vəziyyətləri stabildir, ambulator müalicə üçün evə buraxılmaları nəzərdə tutulub.

Dərin təəssüf hissi ilə qeyd edirik ki, Mərkəzin Yenidoğulmuşların intensiv terapiya şöbəsində müalicə alan 4 uşağın meyiti aşkar olunub.

Fakta görə, Baş Prokurorluğun İstintaq idarəsində Cinayət Məcəlləsinin 225.3 (yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda) və 314.3-cü (səhlənkarlıq iki və daha çox şəxsin ölümünə səbəb olduqda) maddələrilə cinayət işi başlanıb.

Hazırda istintaq-əməliyyat tədbirləri davam etdirilir.

İstintaqın gedişatı və nəticələri barədə ictimaiyyətə mütəmadi olaraq məlumatın verilməsi təmin ediləcəkdir.

Hadisə ilə əlaqədar vəfat edənlərin ailələrinə və yaxınlarına dərin hüznlə başsağlığı verir, xəsarət alanların tezliklə sağalmasını arzulayırıq".(Modern)

Bakı Ağır Cinayətlər Məhkəməsində hakim Fərid Namazovun sədrliyi ilə Azərbaycan Həmkarlar İttifaqlarının İdman Təşkilatları Assosiasiyasının keçmiş sədri Nadir Əliyev və "Yasamal” idman-sağlamlıq klubunun sabiq direktoru Alik Həsənovun növbəti məhkəmə prosesi davam etdirilib.
Teref xəbər verir ki, proses Nadir Əliyev və Alik Həsənocun istintaqa verdiyi ifadələri hakim tərəfindən səsləndirməklə başlayıb. Məlumat üçün deyək ki, ötən prosesdə Nadir Əliyev sərbəst ifadə verib. Eyni zamanda sualları cavablandırıb.
Bu prosesdə də Nadir Əliyev ilkin verdiyi ifadələr səsləndirildikcə vəkillərin, eyni zamanda dövlət ittihamçısının suallarını cavablandırıb.
Nadir Əliyev baş verənlərdə heç bir rolunun olmadığınu və əvvəlki ifadələrini doğru vermədiyini bildirməklə yanaşı bütün məsuliyyəti Alik Həsənovun üzərinə atır.
Alik Həsənov isə əksinə, ifadəsində Nadir Əliyevin işdə əsas fiqurant olduğunu iddia edir. Üstəlik baş verənlərdə Azərbaycan Həmkarlar İttifaqları Konfederasiyasının sədri, deputat Səttar Möhbalıyevin adını da hallandırır.
O, Nadir Əliyevə istinad edərək deputatın da bu işdə əsas rolunun olduğunu bildirir.
Nadir Əliyev də ibtidai istintaqa ifadəsində Alik Həsənovla oxşar mövqedən çıxış edib. Lakin məhkəmədə bunun əksini söyləyib.
Məhkəmə Nadir Əliyevin istintaqa verdiyi ifadələri səsləndirdi. Ndir Əliyev ilkin istintaqda bütün əməliyyatlarda deputat Səttar Möhbaliyevin razılığı olduğunu göstərib. Nadir Əliyev ona verilən pulları rəhbərliyə verdiyini göstərərk, "Əgər pul ona çatmasa sədr müqaviləni imzalamayacaq və müqavilə qüvvəyə minməyəcək" deyərək əsaslandırıb. Lakin məhkəmədə o istintaqa verdiyi ifadələrdən imtina edərək, " Ona vəkillərinin və əsasda vakil Aslan İsmayılovun təzyiqi ilə belə ifadə verdiyini dedi. Nadir Əliyev bu proseslər zamanı 3 dəfə vəkillərini dəyişib
Prokurorun " Əgər onlar sizə belə ifadə verməniz üçün təzyiq ediblərsə, bəs o biri epizodlarla bağlı verdiyiniz ifadələrdə niyə o təzyiq görünmür?"
sualına Nadir Əliyev aydın cavab tapa bilmədi.
Bu işdə zərərçəkənlərdən birinin vəkili olan Aslan İsmayılov bir neçə dəfə Səttar Möhbalıyevin məhkəməyə çağırılması barədə vəsatətə qaldırıb.
Vəkil Aslan İsmayılov məhkəməni süni surətdə Azərbaycan Həmkarlar İttifaqları Konfederasiyasının sədri, deputat Səttar Möhbalıyevi prosesdən çıxardmaqda ittiham etdi.
Bundan başqa, Nadir Əliyevin baş verənlərə aidiyyətinin olmadığı barədə iddialarının əsassız olması barədə məhkəməyə sübutlar təqdim edilib.
Alik Həsənovun vəkili məhkəməyə Nadir Əliyevlə Alik Həsənovun aralarında zərəçəəkmişlərdən necə pul almaqları və necə bölüşdürməkləri haqqında telefon danışıqlarının audio yazısını təqdim edərək məhkəmədən bunu səsləndirməyi xahiş etdi. Lakin məhkəmə keçən məhkəmə iclasında olduğu kimi yenədə müttəhimlərin, əsasda Nadir Əliyevin bu işdə aparıcı rol almasının və sədrlə zərərçəkmişlər arasında aracı olmasının sübutu olan bu yazını səsləndirməyi gələn iclasa saxladı. Vəkillərin dediyinə görə bu səs yazısı ilə onlar Nadir Əliyevin imtinasının əsassız olduğunu və ilk ifadələrinin həqiqəti əks etdirdiyini sübut edəcəklər.
Vəkil Aslan İsmayılovun dediyinə görə, bu məhkəmə o qədər uzadıldı ki, deputat Səttar Möhbalıyev yenidən Azərbaycan Həmkarlar İttifaqları Konfederasiyasına sədr seçildi və Nadir Əliyevə onu qurtaracağını vədd etdi. Buna görədə Nadir Əliyev ilkin istintaqa verdiyi ifadələrdən imtina edərək, sədri proseslərdən uzaqlaşdırır.
Xatırladaq ki, Baş prokuror yanında Korrupsiyaya qarşı Mübarizə Baş İdarəsində aparılan istintaqla Nadir Əliyevin Alik Həsənovla qabaqcadan əlbir olaraq Bakı şəhəri, Yasamal rayonu, Həsən bəy Zərdabi prospekti 69D ünvanında 1,26 hektar torpaq sahəsində yerləşən sözügedən stadion ərazisini guya həmin yerdə hündürmərtəbəli binanın inşa edilməsi məqsədi ilə 5 milyon 500 min manata sata biləcəklərini ayrı-ayrı sahibkarlara bildirmələrinə, həmin məsələnin həlli üçün əvvəlcə beh verilməsi, habelə Konfederasiyanın rəhbər vəzifəli şəxslərinə rüşvət qismində çatdırılması adı ilə sahibkarladan cəmi 900 min manat məbləğində pul vəsaitini aldatma yolu ilə ələ keçirmələrinə əsaslı şübhələr müəyyən edilib.

Bundan başqa, istintaq zamanı Alik Həsənovun həmin vəzifədə işləyərkən eyni üsul və məqsədlə direktoru olduğu stadionun ərazisini digər sahibkara 8 milyon manata sata biləcəyini bildirməsinə, bunun üçün aidiyyəti vəzifəli şəxslərə rüşvət verilməsi və müvafiq sənədləşdirmənin aparılması adı ilə sahibkara məxsus 360 min manat məbləğində pul vəsaitini təkrarən ələ keçirməsinə də əsaslı şübhələr müəyyənləşdirilib.

Qeyd edilən hallarla bağlı toplanan ilkin sübutlar əsasında Nadir Əliyev və Alik Həsənova müvafiq olaraq Cinayət Məcəlləsinin 178.4 (xüsusilə külli miqdarda ziyan vurmaqla dələduzluq) və 32.4, 312.1 (rüşvət verməyə təhrik etmə) və 32.4, 312.2-ci (rüşvət verməyə təkrarən təhrik etmə) maddələri ilə cinayət işi başlanılıb.
Həqiqətəndə proses iştirakçılarından birinin dediyi kimi, bizdə nazirlik və komitələrdə yuxarı ranqlı m\əmurlar dövlət malını dağıdırlar... Ancaq nədənsə həmişə Nazirlərin və Komitə sədrlədinin bundan"xəbəri" olmur.
Teref: Xocanın Blogu

Bakı şəhəri, Xəzər rayonu, Qala qəsəbəsi, N saylı hərbi şəhərcikdə yaşayan Mahmudov İnşallah Əzimi oğlu DİN-ə müraciət ünvanlayıb. JAMAZ.İNFO xəbər verir ki, sözügedən şəxsin şikayəti borc məsələsi ilə bağlıdır.

Belə ki, o yazır ki, Cəfərova Xəyalə Mürvət qızı ilə Sumqayıt şəhəri, DYP-imtahan və qeydiyyat şöbəsində 90 HA 353 dövlət qeydiyyat nişanlı “DAEWOO NEXIA” markalı avtomobil onun istifadəsində olub. Lakin İnşallah Mahmudova təcili pul lazım olduğu üçün Sumqayıt şəhərində yerləşən “Həmid avtosalon”un müdiriyyəti ilə qarışılıqlı razılığa gələrək, ondan 15 ay müddətinə faizlə 3000 manat pul götürüb. “Lakin mənə bildirdilər ki, bunun üçün maşınımı girov qoymalıyam. Mən də bu şərtlə razılaşandan sonra Sumqayıt şəhəri, DYP-imtahan və qeydiyyat şöbəsində onun yaxın tanışı olan Cəfərova Xəyalə Mürvət qızı adlı şəxsi çağırıb avtomobili onun adına rəsmiləşdirməyi, borcumu tam qaytardıqdan sonra yenə də, mənim avtomobilimin adıma rəsmiləşdirəcəyini bildidilər. Bundan sonra “Həmid avtosalon”una tərəfimdən 15 aylıq, ayda 370 manat pul vəsaiti ödəməklə ümumilikdə 5550 manat pul vəsaiti qaytarmağı öhdəmə götürdüm. Həmin öhtəliyi vaxtı vaxtında yerinə yetirmiş, eyni zamanda, cavabdehlə 06.06.2023-cü il tarixdə AR DİN BDYPİ Qİİ –də alqı-satqı müqaviləsi bağlanmışdır”.

Amma pul tam ödənilsə də, qarşı tərəf maşını hərbçiyə qaytarmaqdan imtina ediblər. “5 aydır məni “yola verirlər”. Cavabdeh hər dəfə məndən sui-istifadə etməklə, son on gün gecikməyə görə 200 manat məndən pul vəsaiti alaraq, əlavə ödədikdən sonra mənə “güya ki, problemli şöbəyə düşmüşdür” demişdir. Əlavə olaraq məndən 1000 manat pul vəsaiti ödəniş etməyini bildirsələr də, mən bununla razılaşmadım”.

İnşallah Mahmudov yazır ki, Cəfərova Xəyalə Mürvət qızı əvəzinə ( Vüsalə adlı xanım) onun avtomobilini evekatorla aparıb. “Bu mənim əmlakımı mənimsəməkdir. Ona görə də, xahiş edirəm ki, Sumqayıtda yerləşən “Həmid Avtosalon” rəhbərliyi, avtomobilimi əlimdən almış Cəfərova Xəyalə Mürvət qızı və onların adından çıxış edən Vüsalə adlı xanımla bağlı araşdırma aparıb, qanuni tədbir görəsiniz”.

Qarşı tərəfi də dinləməyə hazırıq.

TƏBİB-in icraçı direktoru Vüqar Qurbanov baş həkimlərə qənim kəsilib. Onun illərin peşəkar həkimlərini müxtəlif bəhanələr gətirərək vəzifələrindən azad etdiyi, həkimlərlə bağlanmış əmək müqavilələrinə qanunsuz olaraq xitam verdiyi bildirilir. Qeyd olunur ki, Vüqar Qurbanov öz bildiyi və istədiyi qaydada həkimlərlə, baş həkimlərlə müqavilələr bağlayır, özü istədiyi vaxt da istəmədiyi adamın müqaviləsinə xitam verir.

Tribunainfo.az yazır ki, V. Qurbanov hətta Bakı şəhəri Təcili və Təxirəsalınmaz Tibbi Yardım stansiyasının baş həkimi Rauf Nağıyevin də əmək müqaviləsinə dekabr ayında qanunsuz olaraq xitam verib. O Rauf Nağıyev ki, 2015-ci ilədən bu vəzifədə çalışıb və özümü dəfələrlə doğrultmuş çox az səhiyyə adamlarındandır. V.Qurbanovun qanunsuz olaraq işdən azad etdiyi R.Nağıyev dəfələrlə təltif edilib, Fövqəladə Hallar Nazirliyinin, Hərbi Sənaye Nazirliyinin, Yeni Azərbaycan Partiyasının dəfələrlə fəxri fərmanları, medalları, döş nişanları ilə təltif olunub.

Pandemiya dövründə R.Nağıyev Bakı şəhərinə 140 briqada ilə fasiləsiz xidməti yüksək formada təşkil edənlərdən olub. Buna baxmayaraq, V.Qurbanov R.Nağıyev kimi peşəkar həkimin bu kimi işlərini qiymətləndirmək əvəzinə onun işini sonlandırıb. Bu, onun komandasında da böyük narazılıqla qarşılanıb və gələ də bu qərarla barışmayanlar var. V.Qurbanovun bu işlərinə etiraz edən və fikrini bildirən həkimlər də işdən çıxarılma ilə hədələnir.

TƏBİB rəhbərliyi ümumilikdə illərin peşəkar həkimləri, baş həkimlərini səhiyyədən uzaqlaşdırır. Onları qeyri-peşəkar şəxslərlə əvəz edir.

Məlum olur ki, TƏBİB rəhbərliyi illərin həkimlərini yeni işə başlamış işçi kimi müddətli müqavilələr bağlamağa məcbur edir və istədikləri an, onların qanunsuz tələblərini yerinə yetirmyənlərin əmək müqavilələrinə xitam verir.
Belə aydın olur ki, V.Qurbanov işini bilən, bacarıqlı baş həkimləri səhiyyə sistemindən uzaqlaşdırıb özlərinin istədikləri səriştəsiz adamları gətirib vəzifəyə qoyur. Məhz ona görə də bütün tibb müəssisələri acınacaqlı vəziyyətdədir. İstər poliklinikalar, istər xəstəxanalar səriştəsiz insanlar rəhbər təyin edildiyi üçün səhiyyə sistemini iflic vəziyyətə salıblar.

TƏBİB-in icraçı direktoru Vüqar Qurbanov baş həkimlərə qənim kəsilib. Onun illərin peşəkar həkimlərini müxtəlif bəhanələr gətirərək vəzifələrindən azad etdiyi, həkimlərlə bağlanmış əmək müqavilələrinə qanunsuz olaraq xitam verdiyi bildirilir. Qeyd olunur ki, Vüqar Qurbanov öz bildiyi və istədiyi qaydada həkimlərlə, baş həkimlərlə müqavilələr bağlayır, özü istədiyi vaxt da istəmədiyi adamın müqaviləsinə xitam verir.

Tribunainfo.az yazır ki, V. Qurbanov hətta Bakı şəhəri Təcili və Təxirəsalınmaz Tibbi Yardım stansiyasının baş həkimi Rauf Nağıyevin də əmək müqaviləsinə dekabr ayında qanunsuz olaraq xitam verib. O Rauf Nağıyev ki, 2015-ci ilədən bu vəzifədə çalışıb və özümü dəfələrlə doğrultmuş çox az səhiyyə adamlarındandır. V.Qurbanovun qanunsuz olaraq işdən azad etdiyi R.Nağıyev dəfələrlə təltif edilib, Fövqəladə Hallar Nazirliyinin, Hərbi Sənaye Nazirliyinin, Yeni Azərbaycan Partiyasının dəfələrlə fəxri fərmanları, medalları, döş nişanları ilə təltif olunub.

Pandemiya dövründə R.Nağıyev Bakı şəhərinə 140 briqada ilə fasiləsiz xidməti yüksək formada təşkil edənlərdən olub. Buna baxmayaraq, V.Qurbanov R.Nağıyev kimi peşəkar həkimin bu kimi işlərini qiymətləndirmək əvəzinə onun işini sonlandırıb. Bu, onun komandasında da böyük narazılıqla qarşılanıb və gələ də bu qərarla barışmayanlar var. V.Qurbanovun bu işlərinə etiraz edən və fikrini bildirən həkimlər də işdən çıxarılma ilə hədələnir.

TƏBİB rəhbərliyi ümumilikdə illərin peşəkar həkimləri, baş həkimlərini səhiyyədən uzaqlaşdırır. Onları qeyri-peşəkar şəxslərlə əvəz edir.

Məlum olur ki, TƏBİB rəhbərliyi illərin həkimlərini yeni işə başlamış işçi kimi müddətli müqavilələr bağlamağa məcbur edir və istədikləri an, onların qanunsuz tələblərini yerinə yetirmyənlərin əmək müqavilələrinə xitam verir.
Belə aydın olur ki, V.Qurbanov işini bilən, bacarıqlı baş həkimləri səhiyyə sistemindən uzaqlaşdırıb özlərinin istədikləri səriştəsiz adamları gətirib vəzifəyə qoyur. Məhz ona görə də bütün tibb müəssisələri acınacaqlı vəziyyətdədir. İstər poliklinikalar, istər xəstəxanalar səriştəsiz insanlar rəhbər təyin edildiyi üçün səhiyyə sistemini iflic vəziyyətə salıblar.