Laçın rayonunda hərbi avtomobil qəzaya uğrayıb.

Minkənd kəndində baş verən hadisə zamanı “Ural” markalı avtomobil qəzaya düşüb.

Hadisə yanvarın 4-də səhər saat 09:30 radələrində baş verib.

Qəza nəticəsində iki nəfər hərbçinin öldüyü, 9 nəfərin isə yaralandığı bildirilir.

Yaralılar Bərdədəki xəstəxanaya aparılıblar.

***

Yanvarın 4-ü Laçın rayonunda, çətin relyefli dağlıq ərazidə hərbi nəqliyyat vasitəsinin qəzaya uğraması nəticəsində Azərbaycan Ordusunun hərbi qulluqçuları Həsən Ümid oğlu İsmayılov və Səxavət Fərasət oğlu Axundov həlak olub.

Bu barədə Müdafiə Nazirliyindən məlumat verilib.

Müdafiə Nazirliyinin rəhbərliyi bədbəxt hadisə nəticəsində həlak olanların yaxınlarına və əzizlərinə dərin hüznlə başsağlığı verir.

Allah rəhmət eləsin!

Faktla bağlı araşdırma aparılır.

***

Maşında 11 nəfər olub. Onlardan 2-si həlak olub, 2-si ağır vəziyyətdə Xankəndi xəstəxanasına yerləşdirilib. Digər xəsarət alanlar isə Bərdə Rayon Mərkəzi Xəstəxanasına gətirilib.(Oxu)

“Entertainer Baku” şirkətinin mağazalarında satılan qlobusun üzərində ölkəmizlə bağlı ciddi yanlışlığa yol verilib.

Bununla bağlı Bizim.Media-ya vətəndaş şikayəti daxil olub.

Şikayətçi bildirib ki, “Entertainer Baku”nun “Port Baku”da yerləşən mağazasında satılan oyuncaq formasında hazırlanan qlobusun üzərində ölkəmizin ərazisi Azərbaycan yox, Georgia (Gürcüstan) kimi qeyd olunub.

Məsələni araşdırmaq üçün sözügedən şirkətin Qış parkının yaxınlığında yerləşən mağazasına getdik. Burada da sözügedən məhsulda eyni kobud səhvə yol verildiyini gördük. Problemi satıcının diqqətinə çatdırdıqda isə o, məsələdən xəbəri olmadığını bildirib və yanlışlığı çap səhvi ilə əlaqələndirdi.

Mağazanın supervayzeri Əli bəy isə həmin topun Azərbaycanda deyil, xarici ölkələrin birində istehsal olduğunu söyləyib.

O, həmçinin “Entertainer”in mağazalarında yerli məhsulların satılmadığını da qeyd edib:

“Oyuncaqların hamısı müxtəlif ölkələrdən gəldiyi üçün biz heç bir söz deyə bilmirik. Buna görə də məhsullarla bağlı hər hansı bir şikayəti olan istənilən vətəndaş şirkətin saytında qeyd edilmiş telefon nömrəsi ilə əlaqə saxlaya və şikayətini bildirə bilər. Biz bundan başqa heç bir məlumat verə bilmərik”.

Mövzunu diqqətdə saxlayacağıq…

"Dünən binanın balkonundan yıxılan 16 yaşlı qızın atası ilə əlaqə saxladım". Bu açıqlama ilə Filologiya üzrə fəlsəfə doktoru, Müstəqil ekspert Elyar İslamoğlu çıxış edib.

Ekspert daha sonra əlavə edib: "Hadisə Masazırda baş verib. Uşaq ehtiyatsızlıqdan yıxılıb. Hadisədən dərhal sonra 103-ə zəng edib, Təcili Tibbi Yardımı xeyli gözləsələr də, (1 saatdan çox) çağırışa heç kəs gəlməyib. Bunu qonşular da təsdiq edir. Gözlədikləri müddətdə uşaq xeyli qan itirib.
Məcbur qalıb uşağı özləri xəstəxanaya çatdırıblar.
Hazırda Semaşko (1 saylı Şəhər Klinik Xəstəxanası) xəstəxanasındadırlar. Əməliyyata alınması üçün təcili 1+ qana ehtiyac var. Digər qrup qan da ola bilər, xəstəxanada dəyişirlər.
Uşağın atası fəhlə, anası təmizlikçidir. Kasıb ailədir. İmkanı olan şəxslər ailəyə yardım üçün
5239-1517-1017-8313 Fənarə Aslanova (anası) kartına pul göndərə bilərsiniz..."

dia-az.info

Nizami Rayon İcra Hakimiyyətinin sabiq başçısı Arif Qasımovun 11 iyul 2020-ci ildə rayon ərazisində qanunsuz və özbaşına tikinti aparması səbəbindən vəzifədən azad olunduğu çoxlarına sirr deyil. Hurriyyet.az-ın araşdırması onu deməyə əsas verir ki, hazırkı icra başçısı Coşqun Cəbrayılov da sələfinin yolu ilə sürətlə addımlamaqdadır.

Görünən odur ki, C.Cəbrayılov xüsusilə də 2024-cü ildə daha böyük sərmayə toplamaq niyyətindədir. Axı, heç də boşuna deyilməyib ki, “ili necə başlayarsan, sonadək elə də davam edər”. Çox güman ki, Nizaminin icra başçısı da Yeni il gecəsi, yəni dünya 2024-cü ilə qədəm qoyduğu bir ərəfədə rayon ərazisində yeni qurulan obyektin xeyir-duasını verməklə, ilin sonunadək “qaz vurub, qazan doldurmaq” niyyətində olub...

Mövzunu çox da uzatmadan dəyərli oxucularımızın diqqətinə çatdıraq ki, 2013-cü ilin 31 dekabrından 2024-cü ilin 1 yanvar tarixinə keçən gecə Nizami Rayon İcra Hakimiyyəti binasının düz “qulağının dibində” - “Neftçilər” metrostansiyasının çıxışında, yəni əhalinin ən sıx hərəkətdə olduğu yerdə ticarət köşkü qoyublar. Bu köşkün sahibinin kim olduğu haqda dəqiq bir söz deyə bilmərik. Lakin həmin köşkün sözügedən ərazidə qoyulması üçün rayon rəhbərliyinə ən azı 50-70 min manat ödənildiyi haqda iddialar var. Üstəlik, ərazidə olan ticarətçilərin dediyinə görə, yeni köşkün aylıq icarə haqqı ən azı 3-4 min manat olacaq.

Bütün bunlara əsasən deyə bilərik ki, Coşqun Cəbrayılov 2024-cü ilə heç də pis başlamayıb. Belə ki, o, nəinki Yeni il süfrəsinin xərcini çıxarıb, üstəlik “yastıq altına qoymağa” xeyli miqdarda vəsait də əldə edib. Əlbəttə, biz bu köşkün gəlirinin tam olaraq icra başçısına çatdığını iddia etmək fikrindən uzağıq. Ola bilər ki, tapşırıq “yuxarı”dan gəlib və C.Cəbrayılov heç qara qəpik də əldə etməyib. Yaxud, o da mümkündür ki, bu məsələdə icra başçısının müavinlərinin əli var, Cəbrayılova ətraflı məlumat verilməyib. Amma bu köşkün hamı evində bayramı qeyd etdiyi, əksər məmurların isə 2024-cü ili xaricdə qarşılamağa hazırlaşdığı bir vaxtda, üstəlik də qalmaqallı, yəni göz önündə olan bir ərazidə quraşdırılması təsadüf ola bilməz. Yəqin ki, məhz qarşıdakı 7 günlük bayram tətili ərzində qanunsuzluğu ört-basdıq etmək üçün bu tarix seçilib. Üstəlik, bu riskin alınmasının köşk sahibinə heç də az vəsaitə başa gəlmədiyi də bəllidir və bu haqda artıq yazımızın əvvəlində məlumat vermişik.

Sonda onu da qeyd edək ki, ümumiyyətlə, axır vaxtlat “Neftçilər”, “Qara Qarayev”, “Xalqlar Dostluğu” metrostansiyalarının ətrafında tikilən və yaxud da quraşdırılan obyektlərin, köşklərin bir çoxu qanunsuzdur. Ən azı ona görə ki, vətəndaşların gediş-gəlişinə mane olurlar. Şübhəsiz, bu qanunsuzluqlara da göz yumulması yalnız və yalnız külli miqdarda vəsait hesabına ola bilər.

Hurriyyet.az

P.S. Növbəti günlərdə Nizami rayonu ərazisində tikilən qanunsuz obyektlərin hər birinin video-görüntülərini oxucularımıza təqdim edəcəyik. Bu zaman görəcəksiniz ki, bu qanunsuzluqlara göz yuman məmurlar qısa müddətdə necə “qaz vurub, qazan doldururlar”. Bizi izləyin.

VİDEO BURADA
https://www.facebook.com/hurriyyet.org/videos/2265480696984732

“Arkoz İnşaat Şirkəti” Məhdud Məsuliyyətli Cəmiyyəti şirkətin təsisçisi Emin Uçarın və ailəsinin təhdid və şantaj olunması ilə bağlı açıqlama yayıb.

TNS-in redaksiyasına göndərilən həmin açıqlamanı olduğu kimi təqdim edirik:

“Bir müddətdir ki, Naxçıvanda yeni təsis edilmiş “Tikilməkdə olan layihələrin idarə edilməsi” MMC-nin təmsilçisi İsmayıl Əhmədov “Arkoz İnşaat Şirkəti” MMC və onun təsisçisi haqqında qara piar kampaniyası aparır. 02.01.2024-cü il tarixində isə İsmayıl Əhmədovun bütün əndazəni aşan məktubu bəzi media orqanlarında yayımlanıb.

Məktubun təqdimatında “Tikilməkdə olan layihələrin idarə edilməsi” MMC “Arkoz”un fəaliyyətini araşdıran şirkət olaraq qələmə verilir. Özü də “Arkoz” kimi kommersiya fəaliyyəti ilə məşğul olan bu şirkət hansı hüquqla başqa bir kommersiya təşkilatının fəaliyyətini araşdırır? İsmayıl Əhmədov məgər hüquq-mühafizə orqanıdır, prokurorluqdur ki, hansısa şirkətin fəaliyyətini araşdırsın? İsmayıl Əhmədov bu mandatı kimdən alıb? “Arkoz” illərdir, tam şəffaf şəkildə fəaliyyət göstərən və ən əsası fəaliyyəti bütün nəzarət orqanları tərəfindən yoxlanılan şirkət olduğu halda əsl ictimai maraq doğuran məsələ İsmayıl Əhmədovun kim olduğu və bu etinasız və rahat şəkildə hərəkət etmək gücünü hardan aldığıdır? “Arkoz” Azərbaycan qanunvericiliyinə güvənir, işini qanunlara uyğun təşkil edir. Sual yaranır ki, bu şəxsi bu qədər rahat cinayət işləməkdə arxayın salan nədir?

Suallar çoxdur, ancaq görünür ki, bu sualların cavabı bəziləri üçün maraqlı deyil! Özünü jurnalist kimi təqdim edənlərə bu sualların cavabının maraqlı olmaması bizi təəccübləndirir. Lakin biz təəccübümüzü bir kənara qoyub həmin məktubu dərc edən media orqanları üçün maraqlı olmalı olan bir məqamı nəzərə çatdırırıq. İnternet informasiya ehtiyatının rəhbərlərinin öhdəlikləri var. Qanun onlara (“İnformasiya, informasiyalaşdırma və informasiyanın mühafizəsi haqqında” Qanun, m. 13-2.3.9), təhqir və ya böhtan xarakteri daşıyan, habelə şəxsi həyatın toxunulmazlığını pozan məlumatlar yaymağı qadağan edir və buna görə birbaşa onların məsuliyyət daşıdığını müəyyən edir.

O ki qaldı İsmayıl Əhmədovun məktubunda səsləndirdiyi fikirlərə münasibətə, cənab Prezidentimizin “sahibkarlara yönəlmiş o çirkin əllər kəsilsin” devizini xatırladaraq diqqətə çatdırmaq istəyirik ki, biz, bizə qarşı böhtanlara təkzib yazmaqdan başqa heç vaxt mətbuat vasitəsi ilə nəyisə həll etməyə çalışmamışıq. Heç bir təkzib yazımızda “yeni hakimiyyət” sözündən istifadə etmədiyimiz halda, İsmayıl Əhmədovun “qoçu”luğuna qarşı etirazımızı özünü yeni hakimiyyətin nümayəndəsiymiş kimi görən bu şəxs sanki yerli nümayəndəliyə edilmiş etiraz kimi göstərməyə çalışır. Bir daha ictimaiyyətin nəzərinə çatdırırıq ki, bu şəxsin qanunsuz əməlləri barədə Naxçıvan Muxtar Respublikasında Azərbaycan Respublikası Prezidentinin səlahiyyətli nümayəyəndiliyinə məktub ünvanlanmış, ordan gələn cavablara əsasən Naxçıvan Muxtar Respublikası Prokurorluğuna bu şəxsin törətdiyi cinayətlər barədə 15 səhifəlik şikayət ərizəsi ilə 22. 12. 2023-cü il tarixində müraciət edilmişdir. Hal-hazırda bu barədə prokurorluqda araşdırma gedir.

Onu da diqqətə çatdıraq ki, İsmayıl Əhmədov onunla müqavilə bağlamaqdan imtina etdiyimiz üçün artıq şəxsi həyatın toxunulmazlığını pozma, hədə-qorxu ilə tələb etmə yolunu seçib. Belə ki, bu gün məktubu yayımlanan şəxs təsisçimizin ailə üzvləri barədə şəxsi həyata dair məlumatlar yayacağı ilə bağlı şantajlar və böhtanlar səsələndirir, bunu bəzi informasiya orqanları vasitəsi ilə həyata keçirir. Təsisçimizə və onun ailə üzvlərinə aid olduğunu iddia etdiyi evlərin açıq ünvanlarını yayımlayacaq qədər şəxsi həyata və sahibkarlıq fəaliyyətinə məsuliyyətsiz müdaxiləyə yəqin ki, hüquq-mühafizə orqanları qiymət verəcəkdir. Biz bu əməlləri və minlərlə əməkdaşı olan “Arkoz” ailəsini belə çirkin hədəfə qoymağı şiddətlə qınayırıq.

Yuxarıda qeyd etdiyimiz kimi biz kommersiya fəaliyyətimizi Azərbaycan qanunvericiliyinə uyğun qurduğumuza görə, qanun qarşısında hər bir ittihama cavab verməyə hazırıq. Həmin şəxsin 2008-2009-cu illərdə harasa pul köçürülməyi ilə bağlı eyhamına cavab olaraq bildirmək istəyirik ki, əlində hər hansı qanunsuz köçürmə məlumatı varsa, buyursun, bu barədə hüquq mühafizə orqanlarına məlumat versin və nəzərə alsın ki, hazırlanmasını və törədilməsini bilərək həmin cinayət barəsində məlumat verməmək cinayət məsuliyyəti yaradır”.

Bu ilin ilk günlərində İrəvanda neonasist Qaregin Njdenin ideyalarının "daşıyıcısı" olanların yürüşü keçirildi. Onlar İrəvanın mərkəzi küçələri il yürüş edərək, Respublika Meydanına, oradan da Qaregin Njdenin abidəsinin qarşısına yollanıblar.

Qaregin Njde irqçilik, nasizm, ksenofobiya, islamofobiya və türk düşmənçiliyi kimi rəzil ideologiyalarını simbiozu olan "sexakron" adlı "əsl erməni ideologiyası" yaratdığını demiş, "Yaxşı türk ölü türkdür!" şüarının "hər erməninin yaşam yolu olmasının gərəkdiyini" yazmışdı. Hitler Almaniyası ilə sıx əməkdaşlış etmiş Njde 2-ci Dünya Müharibəsindən sonra həbs olunmuş, kamerada ölmüşdü.

Njde azərbaycanlılara da nifrət edirdi və 1918-1920-ci illərdə minlərlə soydaşımızın qətlində bilavasitə iştirak etmişdi.

İrəvanın mərkəzində neonasist simvolikası, şüarları və çağırışları, njdeizm ideologiyasının təbliği Ermənistanın hakimiyyət dairələrini, deyəsən, narahat etmir.

İrəvanda yəhudi sinaqoquna hücum və ona od vurulması da qatı antisemitizm, yəhudi düşmənçiliyi təzahürü olsa da, baş nazir Nikol Paşinyan bununla bağlı açıqlama vermədi. Hakimiyyətin nəzarətindəki mass-medias isə baş verənləri "Ermənistandan kənar qüvvələrin ölkədəki stabilliyi pozmaq və cəmiyyətdə xaos yaratmaq cəhdləri" kimi dəyərləndirdilər.

Bir qədər sonra isə Paşinyanın funksionerləri sadalanan hadisələrin "bir qrup marginallaşmış insanın qanunazidd əməlləri" olduğunu söylədilər.

İstənilən halda rəsmi İrəvan çox pis vəziyyətə düşüb.

Hakimiyyətin bəhs etdiyi "kənar qüvvələr" versiyasına nəzər salsaq və bir anlıq fərz etsək ki, deyilənlər gerçəkdir - onda Ermənistanın kənardan idarə olunan ölkə olduğu aşkarlanır. Hansısa mifik "kənar qüvvələr" paytaxt İrəvanın mərkəzində neonasistləri küçələrə çıxarırsa, sinaqoqda yanğın törədirsə, irqi, etnik və dini zəmində təqibləri normal yaşam tərzi sayanların "əsl vətənpərvər" olduqlarını iddia edənlərin populyarlığını təmin edirsə - deməli, Ermənistanda hakimiyyətin ali qanunverici, icra və məhkəmə qolları, ümumiyyətlə, fəaliyyət göstərmir.

İkinci versiya realdırsa, onda Ermənistanda hakimiyyət o qədər zəifdir ki, populyarlıq qazanaraq, kütlə içində özünə yer etməyi bacaran istənilən marginal qrup və ya hərəkat iqtidara yiyələnə bilər.

Marginalların hakimiyyəti ələ keçirərək, ölkəni idarə etməyə başlaması ilə bağlı bəşər tarixində presedentlər az deyil.

Məntiqlə, Ermənistanın hakimiyyət dairələri adekvat davranaraq, belə aksiyaların qarşısını almalı, ölkənin mövcud qanunvericiliyi çərçivəsində zəruri addımlar atmalı idi. Fəqət Nikol Paşinyan və onun komandası Ermənistanın müstəqilliyi, suverenliyi, azadlığından çox danışsalar da, legitim hakimiyyət olduqlarını az qala hər gün vurğulasalar da, reallıq fərqlidir.

Ermənistan cəmiyyətindəki anarxiya, siyasi müstəvidəki xaos və kənar qüvvələrin daxili situasiyaya müdaxilələri varsa, sadalanan nüanslara qarşı nə isə edilməlidir.

Edilmir, çünki Ermənistan müstəqil, suveren və azad dövlət yox, hamiləri ilə havadarlarının oyuncağına çevrilib.

Ermənistanda açıq cəmiyyətin mövcudluğunu Qərb dəyərlərinin aliliiyini təmin etməyə, Avropa İttifaqı və NATO ilə əlaqələri genişləndirməyə, insan haqlarının və vətəndaş mənafeyinin üst tutulmasını təmin edən sistemi formalaşdırmağa, daxili siyasi müstəvidə fikir müxtəlifliyinin və plüralizmin bərqərarına can atan siyasi isteblişmentin olduğunu vurğulayan Nikol Paşinyan, yumşaq desək, düz demir.

Qonşu ölkədə mövcud hakimiyyətə qarşı çıxan siyasi qüvvələrə qarşı təqiblərə və repressiyalara əl atılır, müxalifət liderlərinin fəaliyyətləri gün keçdikcə daha çox məhdudiyyətlə üzləşir, həbslər dalğası artır. Rəsmi İrəvan siyasi opponentlərinə qarşı ən ağır cəza mexanizmlərini tətbiq edir və bütün bunlar Qərbin laqeydliyi ilə müşahidə olunur.

ABŞ, Avropa İttifaqı və Fransa bütün bunları Ermənistanın "tam suveren dövlət olmaması bağlı yaşadığı çətinliklər"lə əlaqələndirir. Yəni ermənilərə açıq şəkildə bildirilir ki, onlar Rusiya ilə münasibətləri kəsərək, Ukrayna və ya Moldovanın strategiyasından "yararlanmasalar", vəziyyət dəyişməyəcək.

Fransanın Cənubi Qafqazdakı satellitinə çevrilən, ABŞ və Avropa İttifaqının müxtəlif güc mərkəzlərindən alınan təlimatlar əsasında davranan, İran və Rusiya ilə əlaqələrini minimallaşdırmaq istəməyən, zidd və əks düşərgələrin hər birindən mənfəət əldə etməyə can atan Ermənistan bütün bunlarla yanaşı, ordusunun qalıqlarını bərpa edərək, güclü silahlı qüvvələr yaratmaq istəyir. Ermənistan hazırda sürətlə silahlanır və onu militarlaşma istəkləri rəsmi Paris tərəfindən nəinki dəstəklənir, hətta təqdir olunur və stimullaşdırılır.

Təbii ki, belə vəziyyətdə Ermənistan bölgədə rasional siyasət yürüdən, diplomatiyasında praqmatizmə üstünlük verən ölkə qisminldə əsla qəbul oluna bilməz. Səbəb sadədir: Ermənistanın hakimiyyət dairələrinin yürütdüyü siyasət və əməlləri onların bəyanatları ilə kəskin ziddiyyət təşkil edir.

Ermənilər hələ də adi suala cavab tapa bilmirlər: Ermənistan suveren dövlətdir, ya yox?

Paşinyan hakimiyyəti Azərbaycanı könüllü tərk edərək Ermənisana köç etmiş qarabağlı ermənilərdən də strateji planlarında kart-blanş qismində istifadə etmək niyyətindədir.

Halbuki həmin ermənilərin böyük qisminin Azərbaycandan getmələrinin 2 vəsiləsi vardı: siyasi-ideoloji və praktiki.

Siyasi-ideoloji səbəbi hələ 2003-cü ildə Ermənistanın həmin dönəmdəki prezidenti Robert Köçəryan Avropa Şurasında belə açıqlamışdı: “Ermənilərlə azərbaycanlılar genetik baxımdan birlikdə yaşaya bilməzlər, uyğun deyilik”.

Halbuki multikulturalizmin və tolerantlığın dövlət ideologiyasının tərkib hissəsi olduğu, onlarla xalqın və etnosun nümayəndələrinin birgə yaşadığı Azərbaycan rəhbərliyi qarabağlı ermənilərə daim evlərində qalmağı, yaşamağa davam etməyi təklif edib, indi də edir.

Bunun üçün görülməsi gərəkən işlər azdır: Azərbaycan vətəndaşlığı qəbul olunmalı, rəsmi qeydiyyata düşülməli və ölkəmizin Konstitusiyası ilə mövcud qanunvericiliyinin tələblərinə əməl olunmalıdır.

Rəsmi Bakı ilə İrəvanın problemə yanaşmasındakı köklü fərq budur.

Praktiki səbəb isə Xankəndindəki sabiq xunta ilə bağlıdır. Bu terrorçu rejimin rəhbərliyi və funksionerləri Azərbaycan Ordusunun lokal antiterror tədbirlərindən sonra kapitulyasiya etdilər, “hakimiyyət strukturları” buraxıldı və onlar qaçdılar.

Qarabağlı ermənilər isə onillərlə davam edən separatizmdən, xunta tərəfindən idarə olunmadan sonra qəflətən rəhbərliksiz qaldılar.

Onlar Rusiya Sülhməramlı Kontingentinin (RSK) lokal antiterror tədbirlərinə mane olacağını düşünürdülər, amma ordumuz əməliyyatlarını uğurla başa vurdu.

Təsadüfi deyil ki, Xankəndindəki artıq sabiq separatçı xuntanın nümayəndələri Yevlaxda rəsmi Bakının təmsilçiləri ilə ilk görüşdə əsas istək qismində benzin arzulamışdılar.

Onlar istədikləri həcmdə benzini alan kimi Ermənistana qaçdılar və qarabağlı ermənilərin separatixzm konstruksiyaları çökdü.

“Başsız” qalan qarabağlı ermənilər panikaya qapıldılari və beləcə, onların Azərbaycandan Ermənistana kütləvi köçü oldu.

Əsas səbəb isə ermənilərin hələ də nə baş verdiyini anlamaq istəməmələridir. 2020-ci ildə 2-ci Qarabağ Müharibəsi Ermənistanın tam kapitulyası ilə başa çatandan sonra erməniləri məğlubiyyətin səbəblərini soyuqqanlı şəkildə araşdırıb təhlil aparmadılar.

Ermənistan və qarabağlı erməniləri problemin həllini istəmir, nizamlanma yolu aramırdılar. Ötən ilin sentyabrın 19-dək onlar nəyəsə ümid edir, Xankəndindəki separatçı xuntanın mövcudluğuna təhlükə görmürdülər.

Lokal antiterror tədbirləri onların separatçı ideologiyasını darmadağın etdi.

Sülh sazişinin imzalanması istiqamətində real, konstruktiv addımlar atmaq növbəsit Ermənistandadır.

Nikol Paşinyan indi nəyi və necə bəhanə edəcək?(TREND)

Abşeron RMX-nin baş direktoru Azər İsmayılov son zamanlar öz işinə könülsüz yanaşır.

AzFakt.com-un əldə etdiyi məlumata görə Azər İsmayılovun ruhdan düşməsinə səbəb onun əməyinin düzgün qiymətləndirilməməsidir.

"Azər İsmayılov ölkədə icbari tibbi sığorta sistemini quran şəxslərdəndir. Səhiyyə nazirliyində çox adam onu TƏBİB sədri vəzifəsinə təyinat alacağını düşünürdü. Azər İsmayılov da artıq bu qənaətdə idi ki, onu Təbib sədri və ya Səhiyyə nazirliyi sistemində daha yüksək vəzifəyə təyin edəcəklər. Azər İsmayılov Yevlax rayon mərkəzi xəstəxanasının baş direktoru vəzifəsindən Mərkəzi Klinik Xəstəxananın baş direktoru vəzifəsinə gətiriləndə hamı gözləyirdi ki, yaxın zamanda Təbib sədri təyin olunacaq. Ancaq gözləntilər baş vermədi. Azər İsmayılov nəinki yüksək vəzifəyə təyin edildi, hətta onu paytaxtdan uzaqlaşdırdılar"- deyə məlumatda vurğulanır.

Hazırda Abşeron RMX-NİN baş direktorunun kimlərinsə gizli qəzəbə tuş gəldiyi və buna görə də paytaxtdan uzaqlaşdırıldı iddia edilir:

"Azər İsmayılov Türkiyədə təhsil alıb. Həkim ailəsində böyüyüb. Tibbi sığorta sistemini yaxşı bilir. Onun ölkənin mərkəzi tibbi müəssisəsindən uzaqlaşdırılmasının arxasında güman ki, onun gizli rəqibləri dayanır. Bu gün səhiyyə sistemində çox adam Təbib sədri postuna Vüqar Qurbanovdan daha çox Azər İsmayılovun haqqının olduğunu düşünür"- deyə məlumatda bildirilir.

Qeyd edək ki, Azər İsmayılov 1982-ci ildə Naxçıvanda anadan olub. Tibb və hüquq təhsili alan A. İsmayılov bir neçə elmi məqalənin müəllifidir.

AzFakt.com

Bir müddət əvvəl istifadəyə verilən Bakı-Quba yolunun ödənişli hissəsindən istifadə edən sürücülər narazıdırlar. Bu barədə görüntülər sosial şəbəkələrdə yayılıb.

Sürücülər bildiriblər ki, getdikləri yolun məsafəsindən asılı olmayaraq, onlardan artıq ödəniş tələb edilir:

“Əslində giriş zamanı avtomobilin nömrəsi qeyd edilməli, çıxışda yazılan məbləği ödəməliyik. Yeni yolda isə bu nəzərə alınmayıb, standart məbləğ əvvəldən alınır. Əgər fikrinizi dəyişib, gedəcəyiniz yolu bitirsəniz, qalıq pulu verən olmayacaq”.

Məsələ barədə Azərbaycan Avtomobil Yolları Dövlət Agentliyi ilə əlaqə saxlanılıb. Qurumun mətbuat xidmətinin rəhbəri Anar Nəcəfli oxu.az-ın sorğusuna cavab olaraq bildirib ki, hələlik ödəniş bu qaydadadır:

“Yol istifadəyə verilən zaman müvəqqəti olaraq ödənişin bu qaydada olacağı barədə məlumat verilib. Yaxın müddət ərzində artıq xüsusi çipli kartlar dövriyyəyə buraxılacaq və mobil tətbiq yaradılacaq. Xüsusi çipli kartlar vasitəsilə artıq məntəqələrdə dayanmağa ehtiyac olmayacaq. Nəticədə sistem həmin avtomobili tanıyacaq və çıxışda qət etdiyi məsafəyə uyğun olaraq balansdan məbləğ çıxılacaq. Yəni hər şey avtomatik rejimdə olacaq. Dayanmağa, ödəniş etməyə ehtiyac yaranmayacaq”.

Penitensiar xidmətinin kadrlar şöbəsinin rəisi Əflatun Məmmədovun həbs oluna, Mayil Məmmədov isə vəzifəsini itirə bilər…
Prezident İlham Əliyevin sərəncamı ilə PrnitensiarXidmətin rəisi vəzifəsinə təyin olunan Mirsaleh Seyidov bu sistemdə uzun illərdən bəri ənənə halını alan rüşvət və digər neqativ hallarla mübarizəyə başlayıb.
Qeyd edək ki, ötən müddət ərzində istintaq təcridxanalarında və cəzaçəkmə müəssisələrində saxlanılan məhbuslarla onların yaxınlarının görüşü zamanı tələb olunan rüşvət ləğv edildi.
Bundan başqa məhkumların qida təminatında da müsbət irəlləyişlərin olduğu deyilir.
Belə ki, bu addım indiyədək normal qidadan mərhum olan minlərlə imkansız məhkumlar üçün sevindirici olub.
Bundan əvvəl Penitensiar Xidmətin yeni rəisi vəxtından əvvəl cəzadan azadetmə məsələlərini də prioritet seçib.
Əvvəllər bu hal üçün məhkumlardan, onların yaxınlarından rüşvət müqabilində məhkəmə üçün müsbət rəy yazılırdısa, indi bu qanunsuz tələb aradan götürülüb.
Ancaq indi yeni rəisi tapşırığına əsasən müəssisə rəhbərliyi qanunla müddəti başa vuran bütün məhkumların sənədlərini zamanında yerli məhkəmələrə təqdim edir.
RealMedia.az xəbər verir ki, Gununsesi.info-nun araşdırması zamanı Penitiensiar Xidmət rəisinin bu sahədə ciddi dönüşə səbəb olacaq qərarları bəzi müəssisə rəislərinin heç də ürəyincə deyil.
Belələrindən birinin Şəki Penitensiar Müəssisəsinin rəisi Fərhad Hüseynov olduğu bildirilir. Məlumat üçün qeyd edək ki, Avropa standartlarına uyğun qurulan mu müəssisə həm təcridxana, həm ümumi və ciddi rejimli cəzaçəkmə müəssisələrindən ibarətdir.
Bildirilir ki, Şəki Penitensiar müəssisəsində məhkumlara qarşı qanunsuz davranış, onların görüşə gələn yaxınlarından pul tələb edilməsi kimi “köhnə ənənələr” hələ də müəssisədə davam edir.
İddialar görə, müəssisəyə ilk daxil olan məhkum 14 günlük karatın rejimindən vaxtından əvvəl “baraklar” köçürülməsi üçün müəssisə rəisinə500 manat pul verməlidir. Bundan başqa təcridxanada iki nəfərlik kamerada qalmaq üçün 3000 manat pul verilməlidir, istənilən vaxt yuyunmaq üçün pullu hamam 10 manat, istənilən vaxt telefonla danışmaq dəqiqəsi 5 manat, saç saxlamaq üçün ayda 100 manatŞ tibb məntəqəsində qalmaq üçün ayda 2000 manat, karsa düşməmək üçün 500 manat, vaxtından əvvəl üilə üzvlərinlə görüşmək 300 manat və sairə pul ödənilməlidir.
Rəisin bu “daskı”sı məhkumların haqlı narazılığına səbəb olub. Onlar bu üzdən də mətbuat vasitəsilə Mirsaleh Seyidovun Şəki Penitensiar Müəssisəsinə xüsusi diqqət yetirməsini xahiş edirlər.
Onu da qeyd edək ki, yaxın vaxtlarda Penitensiar Xidmətdə kadr islahatlarına başlanılacaq. Baş vermiş islahatlar fonunda xeyli yüksək vəzifəli xidmət və müəssisə əməkdaşları vəzifələrini itirəcəklər. İşini itirəcək şəxslər arasında Xidmətin kadrlar şöbəsinin rəisi Əflətub Məmmədov və Penitensiar Xidmətin Müalicə Müəssisəsinin rəisi Mayıl Məmmədovun da adları yer alıb.
Qısaca olaraq qeyd edək ki, Əflatun Məmmədovun adı Penitensiar Xidmətdə işə düzəlmək istəyən bəzi şəxslərdən ümumilikdə 250 min manatdan artıq rüşvət almaqda keçirdi. Lakin həmin vaxt Ceyhun Həsənov Əflatun Məmmədovun məsuliyyətə cəlb edilməsinə bütün səylə imşan vermədi.
Mayıl Məmmədova gəlincə isə, onun da adı Cehyun Həsənovun dövründə rüşvət qalmaqalında çəkilməklə yanaşı, həm də müəssisə daxili gizli narkotik vasitələrin ticarətini təşkil etməkdə keçirdi. Bununla bağlı dövrü mətbuatda kifayət qədər informasiyalar dərc olunub.
Yazıda adı keçən tərəflərin mövqeyini dinləməyə və dərc etməyə hazırıq.
P.s. Yazı ayrı-ayrı media resurslarında yayımlanan məqalələrə istinadla hazırlanıb.
MƏNBƏ: RealMedia.az