Dekabrın 21-də saat 18 radələrində şəxsi münasibətlər zəminində 1990-cı il təvəllüdlü Manafov Saday Əlismayıl oğlu tərəfindən 1979-cü il təvəllüdlü Feyzullayev Rəfail Qərib oğlu odlu silahla qətlə yetirilib.

DİN-in mətbuat xidmətindən bildirilib ki, S.Manafov hadisədən sonra intihara cəhd edib və cəhdin qarşısı alınıb.

S.Manafov polis əməkdaşları tərəfindən saxlanılaraq istintaqa təhvil verilib. O, polis əməkdaşıdır.

***

Araşdırma zamanı 1990-cı il təvəllüdlü Saday Manafovun aralarındakı şəxsi münasibətləri zəminində qohumu Rəfail Feyzullayevi silahdan bir neçə dəfə atəş açaraq qəsdən öldürməsinə əsaslı şübhələr müəyyən edilib. S. Manafov iş üzrə prokurorluğun qərarı əsasında şübhəli şəxs qismində tutulub.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq istintaq aparılır.

“Nəqliyyat vasitələrinin texniki vəziyyətinə və onların təhlükəsiz hərəkətinin təmin edilməsinə Dövlət Yol Polisinin nəzarəti qaydaları barədə Təlimat”da dəyişiklik edilib.

Bunun bağlı daxili işlər naziri, general-polkovnik Vilayət Eyvazov qərar imzalayıb.

Qərara əsasən, nəqliyyat vasitəsinin qanunla müəyyən edilmiş hallarda dövlət texniki baxışı keçirilərkən sürücülərdən dövlət rüsumu ilə yanaşı, “Tullantılar haqqında” qanuna uyğun olaraq müəyyən edilən utilizasiya haqqının da sənədi olmalıdır. Bununla yanaşı, dövlət texniki baxışının həyata keçirilməsi zamanı, dövlət rüsumu ilə yanaşı, utilizasiya haqqı da ödənilməlidir.

Qeyd edək ki, qərar gələn ilin fevralın 1-dən qüvvəyə minəcək.

Xəbər verdiyimiz kimi, bu gün Xankəndi şəhərində Ağdamın “Qarabağ” və Bakının MOİK komandaları arasında futbol matçı keçirilib.

Prezident İlham Əliyev və birinci xanım Mehriban Əliyeva qarşılaşmanı şəhid övladları ilə birgə izləyiblər.

Bu zaman ölkə rəhbərliyi ilə şəhid övladlarının olduqca səmimi anları lentə alınıb.

Həmin fotoları təqdim edirik:

Paytaxtın Suraxanı rayon icra başçısı Əziz Əzizov, müavini Fuad Cəbrayılov və şöbə müdirləri ilə birgə Vətən müharibəsi qazisi Qurbanov Əbülfət Tanverdi oğlunu ziyarət edib. İlk baxışda burada adi bir məlumat keçir. Amma informasiya İH-nin rəsmi saytında elə təqdim olunub ki, böyük hadisə baş verib. Qazi ilə birgə çəkilmiş fotoda başçı Əzizov və müavini Cəbrayılov var. Və əlavə məlumat verilmir ki, qazi hansı arzusunu, hansı problemini dilə gətirib, başçı ziyarət zamanı ailəyə nə kimi köməklik göstərib. Digər tərəfdən, axı burada hansı informasiya yükü var? Bir məmurun vəzifə borcu elə vətəndaşla maraqlanmaq, görüşmək, problemini dinləməkdir. Xüsusən də bu qazidirsə…

Tribunainfo.az xəbər verir ki, Əziz Əzizov isə qazi ilə görüşü reklam xarakterli təqdim edib. Əgər belə olmasaydı, adi bir ziyarəti gözə soxmazdı. Sanki qeyri-adi əməli olub. Hər bir məmur, icra başçısı qazilərimiz, şəhid ailələrimizlə görüşməlidir və bunun piarını aparmağa ehtiyac yoxdur. Çünki hər bir dövlət məmurun fəaliyyəti, mənəvi borcu torpaqlarımızın azadlığı üçün qəhrəmanlıq edənlərə diqqət göstərmək olmalıdır. Lakin Suraxanı icra başçısı Əzizov və müavini Cəbrayılov yuxarıların gözünə girmək üçün qazi ilə olan fotonu yayıb bunu xüsusi fəaliyyət kimi qələmə verməyə çalışıblar. Üstəlik, İH-lərdə Vətən müharibəsi qaziləri və şəhid ailələri ilə işin təşkili şöbəsi var. Suraxanı İH-də həmin şöbəyə Elmar Hüseynov sədrlik edir. Yəni şöbə müdirinin qazimizlə görüşü kifayət edir, amma yox, Əziz Əzizov özünü göstərmək üçün müavini ilə birgə foto çəkdirib xəbərini tirajlayıb. Üstəlik, başçının müavini kifayət qədər gündəmdə olmuş məmurdur. Fuad Cəbrayılov daha əvvəl Abşeron rayonunda fəaliyyəti ilə medianın diqqət mərkəzində olub. KİV-də yayılmış məlumatlara görə, Fuad Cəbrayılov vaxtilə BTİ ( Bakı Texniki İnventarizasiya ) idarəsində, Dövlət Reyster Xidmətinin Abşeron şöbəsində “kupça” satmaqla, rayonunun kənd təsərrüfatı təyinatlı torpaqlarının böyük əksəriyyətinə çıxarışlar verməklə külli miqdarda pul qazanıb və Abşeronda xeyli sayda obyektə sahib olub. Xəbər portalları yazır ki, indi də Suraxanıda kim qanunsuz ev tikmək, hasar çəkmək, mansar artırmaq istəyirsə, ilk növbədə Fuad Cəbrayılovun cibinə əl uzadır və ondan xeyir-dua alır. Məlumat üçün bildirək ki, F.Cəbrayılov Abşeron rayon icra hakimiyyətində Başçının müavini – İctimai-siyasi və humanitar məsələlər şöbəsinin müdiri vəzifəsində çalışıb. Sabiq başçı İradə Gülməmmədova dövründə əsas güc sahibi imiş. Mediada gedən məlumatlara görə, Abşeronda tikinti, təhsil və bağça sektorunu tam nəzarətdə saxlayıb. O dönəm həbslər olanda, baş memar Akif Əliyev həbs ediləndə Cəbrayılov bu prosesdən yaxasını qurtara bilib. Amma Abdin Fərzəliyev Abşerona başçı təyin olunanda onunla işləmədi və Suraxanıya müavin gəldi. Onu da bildirək ki, F.Cəbrayılovla Ə.Əzizov arasındakı əlaqədə ölkənin vaxtilə məşhur “əmlak kralları” olmuş Arif Qaraşov-Kərəm Həsənov faktoru bağlayır. İndisə başçı və müavini Suraxanıda tandem qurublar, arada qazilərlə foto da çəkdirməyi unutmurlar. Bütün bu tənqid, iradlara, iddialara baxmayaraq, müstəqil media orqanı olaraq hər iki hörmətli məmurun mövqeyini işıqlandırmağa hazırıq.
Teref. Xocanın Blogu
Səhifəmiz hamnın üzünə açıqdır

Naxçıvanda topdansatışla məşğul olan bir qrup ticarətçi onlardan vergi adı altında iri məbləğdə pul tələb olunduğunu bildirir.

Sahibkarlar bu barədə “Gündəlik Naxçıvan”a danışıblar.

Onların sözlərinə görə, bu məbləğ ticarət dövriyyəsindən asılı olaraq, adambaşına illik 30-80 min manat arasında dəyişir.

Topdansatışla məşğul olan sahibkar T. Qasımov deyir ki, bu məbləğ bundan əvvəl 2-4 min manat arasında dəyişirmiş:

“Sahibkarlardan qanunsuz olaraq hər ay 200-500 manat pul alınırdı. Hər il ilin sonunda isə, dövriyyəyə uyğun olaraq, vergidən əlavə 2-4 min rüşvət şəklində yığılırdı. Bu il məbləğləri o qədər artırıblar ki, bunu ödəmək mümkün deyil. Axı bu, insafsızlıqdır. Bir ilin içərisində rüşvəti 20 dəfə qaldırıblar. Bu sahibkarın iflası deməkdir. Elə böyük topdansatış mərkəzləri var ki, onlardan 30, 40, hətta 80 min pul tələb olunur. Məcbur edirlər ki, verməlisiniz. İndi nə edəcəyimizi bilmirik. Sahibkarların hamısı təhdid altındadır”.

Adının çəkilməsini istəməyən digər sahibkar deyir ki, illik dövriyyəsi 300 min manat civarındadır. O bildirir ki, qanuni vergilərini hər ay artıqlaması ilə ödəsə də, indi ondan əlavə 30 min manat tələb olunur:

“Əvvəlllər ilin sonunda qanunsuz olaraq 2 min alırdılar. İndi 30 min manat istəyirlər. Belə çıxır ki, biz ancaq işləyib pulu bunlara verməliyik. Bizim də övladlarımız var. İndi keçiblər elekton sistemə. Hər şey şəffafdır və vergi hər şeyə nəzarət edə bilir. Mən qanunsuz heç bir iş görməmişəm.

Tələb etmədikləri pulu verməyəndə də qanunsuz kameral yoxlama tətbiq edirlər. Lazım olmayan və əsassız sənədlər tələb edirlər. Bir il əvvəl Naxçıvandakı dəyişiklikdən sonra bütün sahibkarlar sevinirdik ki, artıq bütün qanunsuzluqlara son qoyulacaq, bizi incitməyəcəklər. Lakin əksinə oldu. Qanunsuzluqlar daha da artıb. Sahibkarları daha çox yükləməyə başlayıblar. Artıq boğaza yığılmışıq. Bunlardan canımı qurtara bilsəm fəaliyyətimi dayandırıb, Naxçıvanı tərk etməyi düşünürəm”.

Teref. Xocanın Blogu
Səhifəmiz hamnın üzünə açıqdır

Azərbaycanda prezidentliyə namizədliyinin irəli sürülməsi təsdiqlənənlərin sayı 7-yə çatıb.

Mərkəzi Seçki Komissiyasının bu gün keçirilən iclasında namizədliyi özü tərəfindən irəli sürülən Zahid Oruc və Fuad Əliyev, Böyük Quruluş Partiyasının prezidentliyə namizədi Fazil Mustafa, Böyük Azərbaycan Partiyasının prezidentliyə namizədi Elşad Musayev, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev, Milli Cəbhə Partiyasının prezidentliyə namizədi Razi Nurullayevin namizədliyinin irəli sürülməsinin təsdiq olunması barədə məsələni səsverməyə çıxarılaraq qəbul edilib.

Qeyd edək ki, bundan öncə MSK İlham Əliyevin prezidentliyə namizədliyinin irəli sürülməsini təsdiqləyib.

Bu barədədə Neftçilərin Hüquqlarını Müdafiə Təşkilatına çoxlu müraciətlər daxil olur, haqlı olaraq işçilər nədənüzvü olduqları Həmkarlar ittifaqlarının iclaslarına dəvət olunmurlar, bu iclaslarda nədən onların iştirakı olmadan, onlar barədə qərarlar qəbul edilir?
Əmək müqaviləsi ləğv edilərkən və ya digər hallarda Həmkar Təşkilatlarının qərarı qəbul əksər hallarda hüquqlarına toxunan işçi və ya işçilər həmin iclasa çağırılmır və iştirakları olmadan onlar barədə qərarlar qəbul edilir.
Hesab edirəm ki, aşağıdakı hallara görə bu qərarlar qanunsuzdur, məhkəmə qaydasında ləğv edilə bilər. Belə ki:
1. AR Əmək Məcəlləsinin 70-ci maddəsinin b) və ç) bəndlərində göstərilən əsaslarla (İşçilərin sayı və ya ştatları ixtisar edildikdə, işçi özünün əmək funksiyasını, öhdəliklərini yerinə yetirmədikdə), işəgötürən tərəfindən: həmkarlar ittifaqının üzvü olan işçinin əmək müqaviləsi - həmkarlar ittifaqı təşkilatının qabaqcadan razılığı alınmaqla ləğv edilir.
2. İşçi özü barədə keçirilmiş iclasda nədən və hansı əsasdan iştirak iştirak etməlidir?
3. Ən azından ona görə ki, Həmkarlar ittifaqı - işçini təmsil edən, onun pulu ilə fəaliyyət göstərən və işçinin hüquqlarını müdafiə edən bir təşkilatdlr. Lakin bu halda təşkilat- tərəf kimi deyil, neytral bir tərəf və qanunla nəzərdə tutulan qaydada qərar qəbul etməli olan bir qurumdur.
4. Həmkarlar Təşkilatının iclası keçirilərkən mübahisə tərəfi olan İşəgötürən kimi, İşçidə həmin iclasda iştirak etməli, ən azından məhkəmə və ya mediasiya iclaslarında olduğu kimi bu iclasda iştirak etməli, özünü müdafiə etməli, işəgötürənin iclasda iştirak edən nümayəndəsinə suallar verməli, izahat tələb etməli, özünün əmək funksiyasını və ya əmək müqaviləsi üzrə vəzifə və ya digər öhdəliklərini yerinə yetirdiyini sübut etmə imkanı və hüququ olmalıdır. Yəni, işçinin bu iclaslarda işçinin özünü müdafiə etmək hüququ təmin edilməlidur.
5. İşçinin bu iclaslara dəvət edilməməsi belə, onun barəsində qəbul edilmiş qərarın şübhə altına alınmasına səbəb olur və ya onun barəsində qəbul edilmiş qərarın qanunsuz olmasını sübut edir.
6. Həmkarlar Təşkilatının iclası barədə işçi - rəsmi qaydada xəbərdarlıq edilməli, üzrlü səbəbdən iştirak etmədikdə təxirə salınmalı və digər müvafiq günə keçirilməlidir. Bu iclas yalnız, işçi üzrsüz səbəbdən iclasda iştirak etmədikdə, iştirakı olmadan keçirilə bilər.
7.Əgər işçi:ezamiyyətdə,məzuniyyətdə,əmək qabiliyyətini müvəqqəti itirməklə və ya digər üzrlü səbəblərdən iş yerində olmazsa, bu halda da işçi barədə Həmkarlar təşkilatınln iclası keçirilə bilməz, işçi işə çıxana kimi bu iclas təxirə salınmalıdır.
Azər Quliyev.

Hörmətli oxucular! Son vaxtlar müəyyən səbəblərə görə bir çox media qurumlarında, əksər sosial şəbəkə istifadəçilərinin paylaşımlarında və s. Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin yarıtmaz fəaliyyətindən bəhs olunur, bu qurumda baş alıb gedən hər cür biabırçılıqların mahiyyəti geniş ictimaiyyətin diqqətinə çatdırılır. Bir sözlə, hal-hazırda bu Agentliklə bağlı bəzi məsələlər ölkə gündəmini zəbt edən, eyni zamanda geniş ictimai fikirə öz təsirini göstərə biləcək mövzulardan birinə çevrilib.

Belə bir səbəbdəndir ki bu yöndə lazımi araşdırmalarımızı həyata keçirib, son vaxtlar bu Agentlikdə baş verən çoxsaylı hoqqalarla bağlı bir neçə tənqidi məqalələr yayımlamışıq. Qeyd edək ki, Prezident İlham Əliyevin 02 dekabr 2021-ci il tarixdə imzaladığı “Azərbaycan Respublikasında Qeyri-Hökumət Təşkilatlarına dövlət dəstəyi sahəsində idarəetmənin təkmilləşdirilməsi və Azərbaycan Respublikası Prezidentinin 19 aprel 2021-ci il tarixli 1317 nömrəli Fərmanına dəyişiklik edilməsi haqqında” Fərmanı, əslində QHT-in fəaliyyətlərini daha da yaxşılaşdırmağa hesablanmış bir addımdır. Çox təəssüflər olsun ki, dövlət qurumlarında rəhbər vəzifə sahibi olan, hətta QHT sektorunda çalışan və müəyyən təsir imkanlarına malik olanlar bəzi şəxslər, bu gün də möhtərəm Prezidentin imzaladığı bu Fərmandan  irəli gələn addımlarını atmaq əvəzinə, açıq-aşkar şəkildə sabotajlıqla məşğul olurlar, iyrənc əməllərini davam etdirməyə daha çox üstünlük verirlər. Faktdır ki, ölkəmizdə QHT-nin əsas fəaliyyətləri dövlətdən ayrılan qrantlar hesabına müəyyən layihələri həyata keçirməkdir. 

Buna baxmayaraq, bu gün açıq-aşkar şəkildə etiraf etmək lazımdır ki, bir çox vəzifə sahibi olan şəxslər sosial şəbəkələrdə, elektron KİV-də aktiv olan QHT-in  işlərinə mane olur, layihə təqdim edən QHT sədrlərinin layihələrini dolayısı yollarla qrantdan məhrum edirlər. Əvəzində isə özləri sosial media üzərindən adları heç bir ictimaiyət nümayəndələrinə, Vətəndaş Cəmiyətinin üzvlərinə, KİV- nümayəndələrinə məlum olmayan, ümumiyyətlə QHT sahəsindən anlayışı olmayan vətəndaşların adlarına yeni QHT-lər qeydiyatdan keçirtməklə yeni yaradılmış QHT-rin adına layihələr rəsimləşdirməklə, müəyyən sənədlər və fotoşəkillər üzərində yalançı görüntülər yayırlar. Bununla da onlar həmin sənədləri və fotoşəkilləri bir görüntü olaraq ictimaiyyətə sırıyır və belə bir ad altında dövlət büdcəsindən hər il ayrılan miliyonlarla manat pulları talan edirlər.

Son günlər gundemxeber.az-ın redaksiyasına QHT sektorunda baş verən olmazın biabırçılıqlarla bağlı daha ilginc məlumatlar daxil olub. Məcburiyyət qarşısında qalıb bu gün onları geniş ictimaiyyətin diqqətinə çatdırmağı, sanki özümüz üçün bir borc bilirik. Məsələn, daxil olan məlumatlarda vurğulanır ki, Tural Əliyev adlı şəxs Qeyri-Hökumət Təşkilatlarına Dövlət Dəstəyi Agentliyi üzrə Prezident Administrasiyasında stratejivəzifəyə (kurator) təyin olunur.Həmi təyinatdan təxminən bir ay sonra QHT-lərə DövlətDəsdəyi Agentliyinin kuratorları olan Rövşən bəy, Nigar xanım,Həsən bəy və Xatirə xanım daşıdıqları vəzifələrindən mənəvi pisxoloji təzyiqlərə məruz qalaraq, tutduqları vəzifələrindən öz ərizələri ilə könüllü olaraq uzaqlaşdırılırlar. Hansı ki, bu şəxslərin hər birinin QHT-rin və vətəndaş cəmiyyəti institunun inkişafında, formalaşmasında çox böyük xidmətləri, eyni zamanda lazımi iş təcrübələri var. Onu da qeyd edək ki, əgər hər hansı bir istintaq orqanı tərəfindən Agetliyin iş fəaliyyəti araşdırılarsa, o halda sabiq əməkdaşlar da istintaqa cəlb olunarlar. Həmin vaxt onlara ünvanlanacaq ilk sual bu olacaq ki, cənablar,  yaxud da xanımlar 10 (on) ildən çoxdur ki, fəaliyyət göstərdiyiniz vəzifədən sizi kimlər nə üçün məcbur edərəkçıxarıblar? Xüsusilə qeyd edək ki, kiçik, orta və böyük qrant layihələrinin ictimaiyətə elan olduğu bir zamanda, yuxarıda adlarını çəkdiyimiz həmin dörd nəfər şəxsin daşıdıdıqları kurator vəzifəsinə yalnız bir nəfərin, yəni Nilufər Əhmədovanın müəyyən yollarla təyinatı verilir. Bu xanımın bildirdiyinə görə o, əvvəllər “Asan Xidmət” Mərkəzində könüllü fəaliyyət göstərib.

 O halda ortaya belə bir sual çıxır ki, görəsən hansı səbəbə görə 4 nəfərindaşıdığı vəzifəyə PA-dan QHT Agentiyi üzrə yalnız Nilufər Əhmədova “kurator” təyin olunur?. Qeyd etmək yerinə düşər ki, Tural Əliyevin və Agentliyin icraçı direktoru Aygün Əliyevanın QHT sahəsində əvvəllər heç bir fəaliyyətləri olmadığı kimi, NilufərƏhmədovanın da bu sahədə heç bir fəaliyyəti olmayıb, amma bu xanım hansısa yollarla PA-dan QHT Agentiyi üzrə vəzifəyə təyin olunur. Gundemxeber.az-ın əməkdaşının media və sosial şəbəkələr üzərindən apardığı araşdırmalar zamanı o da məlum olur ki, Agentlik üzrə “kurator” təyin olunan Nilufər Əhmədova, məhz Tural Əliyevə yaxınlığı ilə seçilən vəzifə sahibidir. Bunu onunla təsdiq edə bilərik ki, bir neçə il bundan öncə bu xanımın ad gününün tamam olmasından bir gün keçsə də, Tural Əliyev onu bir gün sonra təbrik edir. Bundan əlavə, əməkdaşımızın həyata keçirdiyi araşdırmalar zamanı o da məlum olur ki, hal-hazırda bir neçə QHT sədrlərinin və onların əməkdaşlarının Agentlikdən narazı salınmalarının kökündə, qrant layihələrinə görə ayrılan pulların sonradan qalan 20% -nin tam olaraq deyil, birbaşa 80%-nin kəsilməsi olur. Bununla da Agentlikdə bir qrup vəzifə sahibi olan şəxslər, sosial media üzərində söz demək qabliyyətinə malik olan QHT-sədrlərini və vətəndaş cəmiyyəti institunun üzvlərini seçkilər ərəfəsində Prezidentə qarşı narazı salmağa və bu narazılıqdan özləri üçün manipulyasiya etməyə çalışırlar. O halda sual oluna bilər ki, ölkəmizin indiki həssas vaxtlarında bir çox QHT rəhbərlərini həm dövlətdən, həm də növbədənkənar prezident seçkiləri ərəfəsində hakimiyyət orqanlarından kütləvi şəkildə narazı salmaqda məqsəd nədir? Görəsən vətəndaş cəmiyyəti institundan heç bir halda başı çıxmayan, eyni zamanda dövlət və hakimiyyət orqanlarına qarşı kütləvi narazılıq hissinin baş qaldırmasına səbəb olan belə bir tapşırığı kimlər verib? Yəni, bunun özü olduqca şübhə doğurmaqdadır. Apardığımız araşdırmalar zamanı o da məlum oldu ki, Samir Adıgözəlli, Esmira Orucova,  Mətanət Əsgərqızı, Maral xanım, Samir bəy, Emil Maqalov və digərləri hal-hazırda narazılıq edən QHT sədrləridirlər.  Onu da xüsusi qeyd edək ki, yuxarıda adlarını çəkdiyimiz QHT-sədrləri Azərbaycanın bugünkü reallığında Vətəndaş cəmiyyətinin yaradılmasında və inkişafında müstəsna xidməti olan şəxslərdir ki, bu şəxslər öz narazılıqlarını məcburiyyət qarşısında qalıb sosial media üzərindən cənab Prezidentə çatdırmağa çalışırlar.(GundemXeber.Az)

Yazıda adı keçən hər kəsin mövqeyini dinləməyə hazırıq.

“Səfalı Ticarət Mərkəzi” Açıq Səhmdar Cəmiyyəti apardığı qanunsuz tikintiyə aidiyyatı dövlət qurumları müdaxilə edə bilmir.

AzFakt.com xəbər verir ki, Bakı şəhər Şəhərsalma və Memarlıq Baş İdarəsi tərəfindən 10 may 2023-cü il tarixdə digər dövlət qurumuna ünvanladığı sənəddə tikilmiş qeyri-yaşayış obyektinin arxa fasadının dam hissəsində layihədə öz əksini tapmayan hasar inşa edildiyi qeyd edilir.

Bakı şəhər Şəhərsalma və Memarlıq Baş İdarəsi məsələ ilə bağlı Xətai rayon İcra Hakimiyyətinə rəsmi müraciət də ünvanlayıb. Lakin ünvanlanan müraciətdən xeyli zaman keçməsinə baxmayaraq, qanunsuz tikili hələ də qalmaqdadır.

Qeyd edək ki, “Səfalı Ticarət Mərkəzi” Açıq Səhmdar Cəmiyyəti Xətai rayonu, Məhəmməd Hadi 58 ünvanında fəaliyyət göstərir.

“Səfalı Ticarət Mərkəzi” ASC-nin qanuni təmsilçisi Tağıyev Fateh Əfqan oğludur.

Mənbə: "AzFakt.com"

Azərbaycanla Ermənistan arasında yekun sülh sazişinin bu ilin sonunadək imzalanması ehtimalı yüksək deyil. Lakin danışıqlardakı müsbət dinamikanı nəzərə alsaq ikitərəfli müzakirələrin normal sonuclanması mümkündür.

Ermənistanla yekun sülh sazişinin imzalanması prosesi məntiqi sonluqla başa çatmalıdır. Rəsmi Bakı regionda dayanıqlı sülhün, stabiliyin və normal dövlətlərarası münasibətlərin formalaşmasında maraqlıdır. Bu situasiyanın yaranması üçün yol Bakı və İrəvan arasında mövcud problemlərin həllindən keçir.

Azərbaycanın mövqeyi məlumdur: biz beynəlxalq vasitəçilər və ya moderatorlar olmadan Ermənistanla birbaşa danışıqları indiki vəziyyətdə, hazırdı geosiyasi reallıqları və xüsusilə də bölgədəki siyasi fonu nəzərə almaqla ən əlverişli variant hesab edirik.

Belə danışıqların presedenti də var: dekabrın 7-də əldə edilmiş razılaşmalar heç bir kənar vasitəçi olmadan əldə edildi, reallaşdırıldı və müsbət sonucla başa çatdı.

Həmin praktika davam etdirilməli, iki ölkə arasındakı münasibətlər bilavasitə danışıqlarda çözülməlidir.

Azərbaycanla Ermənistan arasındakı şərti dövlət sərhədinin perimetri boyunca son üç ayda müşahidə olunan nisbi sakitlik də İrəvanın danışıqlarda müsbət dinamikanın daha məqbul, arzuedilən variant olduğunu gec də olsa, anladığına dəlalət edə biləcək məqam sayıla bilər.

Ermənistanın baş naziri Nikol Paşinyan və onun komandasındakı funksionerlər yekun sülh sazişinin imzalanması perspektivləri ilə bağlı nikbin açıqlamalar versələr də, reallıq fərqlidir.

Daha doğrusu, Paşinyan administrasiyasının bəyanatları ilə əməlləri arasında həmişəki kimi, kəskin fərq olduğundan sülhün bərqərar olacağı günün ilin sonunadək yaşanacağı ilə bağlı təxminlər bir qədər bravur təsir bağışlayır.

Səbəb İrəvandır: çoxsaylı açıqlamalara, vədlərə və sözlərə rəğmən, rəsmi İrəvan sülhə doğru çox asta, ləng addımlar atır, hətta imkan düşən kimi prosesdə süni maneələr yaradaran vəziyyəti gərginləşdirəcək davranış nümayiş etdirir.

İstənilən halda, sülh olmalı, saziş imzalanmalı, kommunikasiyalar açılmalı, yeni nəqliyyat-loqistika marşrutları və dəhlizləri istifadəyə verilməli, şərti dövlət sərhədinin delimitasiyası ilə demarkasiyasına başlanmalıdır.

İrəvan bunu istəyirsə, "Azərbaycandan qovulmuş 120 min qarabağlı erməni" (?!) idefiksinin fasiləsiz təkrarlanmasını dayandırmalıdır.

Çünki bu, yalandır və iddiaların absurd olduğunu Ermənistarın hakimiyyəti ilə siyasi elitaları əla bilirlər.

Amma N.Paşinyanın merkantil maraqları bu dəfə xarici ölkələrdə yaşayan erməni icmalarının diaspor təşkilatlarının planları və xüsusilə də Cənubi Qafqazda vəziyyəti gərginləşdirərək öz istəklərinə çatmağa çalışan bəzi dövlətlərlə beynəlxalq təşkilatları niyyətləri ilə üst-üstə düşdüyündən mövcud acınacaqlı, yalan və saxta mənzərəni müşahidə edirik.

İrəvandakı iqtidar bilir ki, Azərbaycandan Ermənistana könüllü köç etmiş ermənilərin sayı onların bəyan etdiklərindən dəfələrlə azdır.

Paşinyanın hakimiyyət strategiyasında əhəmiyyətli yer tutan irredentizmlə radikal millətçilik və şovinizm İkinci Qarabağ Müharibəsindən sonra merkantilizm də əlavə olunduğundan, qarabağlı ermənilər indi İrəvan üçün maliyyə mənbəyinə çevrilib.

Azərbaycandan Ermənistana yollanmış "120 min" (!) qarabağlı ermənidən bəhs edən Paşinyan hakimiyyəti bu minvalla xarici təşkilatlardan, dövlətlərdən, filantroplardan və s.-dən "köçkün ermənilərin üzləşdikləri problemlərin həlli üçün" maksimum həcmdə maliyyə vəsaiti almaq fikrindədir.

Ukraynadakı hərbi əməliyyatlara görə total sanksiyalara məruz qalmış Rusiyaya Qərbin sanksiyalarından yan keçərək idxal əməliyyatlarını həyata keçirmək üçün "əlverişli məkan"a çevrilmiş Ermənistan bu minvalla əldə etdiyi gəlirləri "iqtisadiyyatın yüksəlişi, ümumdaxili məhsulun artımı" kimi qələmə verdiyi üçün İrəvanın saxtakarlığı yenilik deyil.

Sülh sazişinin qarşısında duran digər maneə Ermənistan qanunvericiliyidir.

Ermənistanın Dövlət Müstəqilliyi Bəyannaməsində və əlləxüsus da Konstitusiyasında "Ermənistan Qarabağın müstəqilliyinin və təhlükəsizliyinin qarantıdır" ifadəsi yer alıb. Sözügedən cümlə Azərbaycanın suverenliyinə, ərazi bütövlüyünə və sərhəd toxunulmazlığına birbaşa təhdid olmaqla yanaşı, beynəlxalq hüququn prinsipləri ilə kəskin ziddiyyət təşkil edir.

İrəvanın Bakı ilə imzalayacağı sülh sazişinin Ermənistanda legitim olması üçün bu ölkənin Konstitusiyasına mütləq dəyişikliklər olunmalı, Azərbaycanın tərkib hissəsi olan Qarabağlı bağlı müddəa, daha doğrusu, iddia, ali qanunun mətnindən çıxarılmalıdır.

Digər problem Ermənistanın siyasətində revanşizm və qisasçılığın yer almayacağı barədə yazılı təminatın olmamasıdır.

Ermənistan cəmiyyətində neonasizm, revanşizm, Njde pərəstişkarlığı,qisasçılıq, ərazi iddiaları və saxta tarixə əsaslanan narrativlər nə qədər tez tarixə qovuşarsa, qonşu ölkənin sosial-psixoloji vəziyyəti bir o qədər sürətlə normallaşmağa başlayar.

İstənilən halda sülh sazişi vəziyyətin stabilləşməsi istiqamətində ən mühüm addım və mərhələ olacaq.

Ermənistan rəhbərliyindən indi rasional siyasəti, siyasi iradə, ölkəni onillərdən bəri yaşadığı fəlakətli və böhranlı vəziyyətdən çıxarmaq istəyi, qərar vermək bacarığı və ən əsası - ermənilərin gələcəyini düşünmək tələb olunur.

Azərbaycanın istəkləri, şərtləri və mövqeyi məlumdur: Ermənistana sülh sazişi ilə bağlı təkliflər dəfələrlə göndərilib, bununla bağlı müvafiq izahatlar və bəyanatlar verilib.

İndi növbə Ermənistandadır: sülh gündəliyinə gerçəkdən də sadiq olduğunu sübut etmək üçün Nikol Paşinyan hakimiyyəti söz oyunlarından əl çəkərək real işə başlamalı, havadarlarının vədlərinə və hamilərinin şirnikləndirici utopik öhdəliklərinə yox, reallığa üstünlük verməlidir.

Ermənistann yenə də danışıqları uzatmata, vaxt udmağa və ən pisi, sürətlə silahlandırmağa başladığı ordusunun qalıqlarına güvənərək təxribatlar taktikasından ibarət davranışa qayıdarsa, uduzacaq.

Bu, İrəvanın çağdaş siyasi tarixində ən böyük məğlubiyyəti olacaq.

Paşinyan yaxşı düşünməlidir…

Müəllif: Elçin Alıoğlu - Mənbə: Trend