Əmək və Əhalinin Sosial Müdafiəsi Nazirliyinin Kollegiyasının 15 dekabr 2023-cü il tarixli Qərarı ilə 2024-cü il üçün iş vaxtı norması və istehsalat təqvimi təsdiq edilib.

Bu barədə Əmək və Əhalinin Sosial Müdafiəsi Nazirliyi məlumat yayıb.

2024-cü il üçün iş vaxtı normasına əsasən gələn ilin aşağıdakı günləri iş günü hesab edilmir:

1, 2 yanvar–Yeni il bayramı;

20 yanvar–Ümumxalq Hüzn Günü;

8 mart–Qadınlar Günü;

20, 21, 22, 23, 24 mart–Novruz bayramı;

10, 11 aprel–Ramazan bayramı;

9 may–Faşizm üzərində Qələbə Günü;

28 may–Müstəqillik Günü;

15 iyun–Azərbaycan xalqının Milli Qurtuluş Günü;

26 iyun–Azərbaycan Respublikasının Silahlı Qüvvələri Günü;

16, 17 iyun–Qurban bayramı;

8 noyabr–Zəfər Günü;

9 noyabr–Azərbaycan Respublikasının Dövlət Bayrağı Günü;

31 dekabr–Dünya Azərbaycanlılarının Həmrəyliyi Günü.

Əmək Məcəlləsinə və Nazirlər Kabinetinin müvafiq qərarlarına uyğun olaraq, 2024-cü ildə beşgünlük iş həftəsində 3,4,5 yanvar, 25 və 26 mart, 18 və 19 iyun, 11 noyabr tarixləri, altıgünlük iş həftəsində 3 yanvar, 25 mart və 18 iyun tarixləri istirahət günləridir. Beşgünlük iş həftəsində 7 yanvar iş günüdür.

2024-cü ilin fevral ayı 29 gündən, il isə 366 gündən ibarətdir.

2024-cü ildə beşgünlük iş həftəsində 239 iş günü, iş günü hesab edilməyən 105 istirahət günü, iş günü hesab edilməyən 19 bayram, 1 Ümumxalq hüzn günü, 1 Azərbaycan Respublikası Prezidenti seçkiləri günü və 1 Bələdiyyə seçkiləri günü vardır.

Azərbaycanda gündəlik normal iş vaxtının müddəti 8 saatdan, gündəlik normal iş vaxtına uyğun olan həftəlik normal iş vaxtının müddəti 40 saatdan artıq ola bilməz. Bir qayda olaraq, iki istirahət günü olan beşgünlük iş həftəsi müəyyən edilir.

2024-cü ilin iş vaxtı norması 40 saatlıq beşgünlük iş həftəsi üzrə 8 saatlıq iş günü hesabından müəyyən edilir və bu zaman iş günü hesab edilməyən bayramqabağı, səsvermə, habelə Ümumxalq hüzn günü qabağı iş günlərində həftəlik iş günlərinin müddəti bir saat qısaldılır. 2024-cü il üçün 40 saatlıq iş həftəsində iş vaxtının illik norması 1901 saatdır.

Altıgünlük iş həftəsi tətbiq edilərkən həftəlik norma 40 saat olduqda gündəlik iş vaxtının müddəti 7 saatdan və bilavasitə səhəri gün istirahət günü olan iş gününün müddəti isə 6 saatdan çox ola bilməz.

Altıgünlük iş həftəsi olan iş yerlərində 40 saatlıq iş həftəsində çalışan işçilər üçün 2024-cü ildə beşgünlük iş həftəsi üzrə hesablanmış 1901 saatlıq illik iş vaxtı norması tətbiq edilməlidir.

Bu gün Böyük Qayıdış proqramı çərçivəsində Laçının Zabux kəndinə qayıdan ailələr yeni evlərinin açarlarını təhvil alıblar.

AZƏRTAC-ın bölgə müxbiri xəbər verir ki, köç karvanı respublikanın müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət olub. Belə ki, 36 nəfər olmaqla 9 ailə Bakıda, 10 nəfər olmaqla 3 ailə Sumqayıtda, 16 nəfər olmaqla 4 ailə Abşeronda, 4 nəfər olmaqla 1 ailə Mingəçevirdə, 20 nəfər olmaqla 6 ailə Bərdədə, 4 nəfər olmaqla 1 ailə Lənkəranda, 2 nəfər olmaqla 1 ailə isə Ağcabədidə məskunlaşmış keçmiş məcburi köçkün ailəsinin yurd həsrəti sona çatıb.

Açarların təqdim edilməsi mərasimində Şərqi Zəngəzur iqtisadi rayonuna daxil olan Laçın rayonunda Azərbaycan Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin, hüquq-mühafizə orqanlarının, kənd icra nümayəndəliyinin əməkdaşları və digər şəxslər iştirak ediblər.

Ailələr sevinc hissi ilə açarları təhvil alaraq evlərində məskunlaşıblar.

17:30

Səhər saatlarında Bakın şəhərinin Qaradağ rayonundan yola salınan növbəti köç karvanı Laçın rayonunun Zabux kəndinə çatıb.

“Report” xəbər verir ki, daha 25 ailə - 92 nəfər yurda çatıb.
Xatırladaq ki, indiyədək Zabux kəndində 146 ailənin, yəni 568 nəfərin daimi məskunlaşması təmin edilib.

06:33

Laçın rayonunun Zabux kəndinə növbəti köç karvanı yola salınıb.

Oxu.Az-ın məlumatına görə, dekabrın 15-də Qaradağ rayonu, Lökbatan qəsəbəsində məcburi köçkünlər üçün inşa edilmiş “Qobu Park-3” yaşayış kompleksinin qarşısından 25 ailə (92 nəfər) Zabux kəndinə yola salınıb.

Xatırladaq ki, bu gün köç edənlər də nəzərə alınmaqla ümumilikdə Zabux kəndinə 146 ailə (568 nəfər) köçürülüb.

"İnternational Medical Center pul üçün uşaqların sağlamlığı ilə oynayır".
Bakupost.az xəbər verir ki, bu iddia ilə Haldun Novruzzadə adlı şəxs sosial şəbəkədə çıxış edib.
"Dostum Ehtiram Həsənov sentyabr ayında yoldaşını doğum üçün Bakıda yerləşən International Medical Centerə aparıb. Uşaq normal anadan olub, hər şey əla. Səhəri gəliblər ki, bəs uşağınızın ciyəri açılmır, depozit qoyun, müalicə edək. Bərbər işləyən ata borc-xərc edib 2000 manata yaxın depozit qoyub. Sonra bir də depozit istəyəndə deyib ki, pulum yoxdu. Uşağı çıxarıb ayrı xəstəxanaya aparıb", - deyə H.Novruzzadə bildirib.
Onun sözlərinə görə, Ehtiram Həsənov 2 ay sonra uşağın doğum haqqında şəhadətnaməsini almaq üçün İnternational Medical Center-ə müraciət edib:
"Ona deyiblər ki, sənin 1600 manat verəcəyin var. Ehtiram Həsənov etiraz edib. Deyib ki mən çıxanda heç nə deməmisiniz. Həm də qəbz tələb edib, amma heç nə verə bilməyiblər. İnternational Medical Center-in direktoru Əli Əsgərovla görüşüb. O, valideynə deyib ki, 1000 manat ver şəhadətnaməni verim, yoxsa kimə istəyirsən, şikayət elə, verən deyiləm".
H.Novruzzadə daha sonra qeyd edib ki, xəstəxana ilə bağlı Google-da axtar aparıb, orada oxşar ssenari ilə bir necə hadisənin baş verdiyini öyrənib:
"Düşünürəm ki, xəstəxana qəsdən, pul üçün uşaqların sağlamlağı ilə oynayır. Dövlətin verdiyi sənədi “zaloq” saxlamaq qanunsuzdur. Ortada ciddi bir qanunsuzluq var. Səhiyyə və Daxili İşlər Nazirliyindən bu hadisəni araşdırmağı xahiş edirəm".
***

Məsələ ilə bağlı "İnternational Medical Center"in sözçüsü Bəhram Quliyev Bakupost.az -a bildirdi ki, "İnternational" adı altında ölkədə bir neçə klinika, müəssisə var, bəzən ünvan və şikayətlər səhv düşür .
“Özəl klinikaların borca görə pasiyentə doğum haqqında arayışın verməməsi kimi daxili və ya qanunla hüququ varmı” sualına “Doğum haqqında arayış bəzi sənəd problemləri olanda verilməyə bilər. Xəstənin ad soyadı üzrə məsələni araşdırıb, yalnız 1-ci gün məlumat verə bilərik. Burda şikayət əsassız da ola bilər” – cavabını verdi".

2024-cü ilin aprelində Azərbaycan çövkən liqası keçiriləcək.

Bunu Azərbaycan Respublikası Atçılıq Federasiyasının (ARAF) baş katibi Bəhruz Nəbiyev jurnalistlərə açıqlamasında deyib.

Onun sözlərinə görə, həmin tarixdə ölkə çempionatının təşkili planlaşdırılır:

“Digər idman növlərində olduğu kimi, burada da yerli klublar liqada bir-birlərinə qarşı oynayacaqlar”.

Baş katib 2024-cü ildə beynəlxalq turnirin təşkilinin nəzərdə tutulduğunu sözlərinə əlavə edib:
“Həmin turnirdə hazırkı klubların oyunçularından istifadə edərək, millinin tərkibini müəyyənləşdirəcəyik”.

Bəhruz Nəbiyev bu gün startı verilən çövkən üzrə sayca 10-cu Prezident Kubokunda isə səkkiz komandanın iki qrupda mübarizə apardığını sözlərinə əlavə edib:

“Bu gün, dekabrın 17-də və 19-da qrup matçları keçiriləcək. Qruplarda ilk iki yeri tutacaq komandalar yarımfinala yüksələcəklər. Dekabrın 21-də yarımfinal oyunları olacaq. Ayın 23-də üçüncülük uğrunda görüş, ertəsi gün isə final qarşılaşması keçiriləcək”.

“Ermənistanla Azərbaycan arasında sərhədlərin delimitasiyası üzrə komissiyalarnın yeni görüşünün tarixi və yeri hələ müəyyən edilməyib”.

Bu sözləri Ermənistanın baş nazirinin müavini Mqer Qriqoryan deyib.

Onun sözlərinə görə, noyabrın 30-da Tavuş vilayətində sərhəddə baş tutan görüşdən sonra ilin sonuna qədər yeni təmaslar gözlənilmir.

“Bununla belə, işin reqlamentini artıq tərəflər təsdiqləyiblər və yaxın gələcəkdə yeni görüşün tarixini razılaşdırmaq mümkün olacaq”, - deyə o qeyd edib.
Hökumət sədrinin müavini əlavə edib ki, sərhədin delimitasiyası və demarkasiyası illərlə uzana bilər, çünki bu, kifayət qədər mürəkkəb prosesdir:

“Tərəflər prosesi ancaq topoqrafik, peşəkar xəritələrdən, habelə hüquqi əhəmiyyət kəsb edən sənədlərdən istifadə etməklə aparacaqlar”.

Mənbə: Sputnik Ermənistan

Bu ilin yanvar-noyabr aylarında mədənçıxarma sənayesində istehsalın ümumi dəyəri 41 milyard 302 milyon 300 min manat olmaqla, əvvəlki ilin müvafiq dövrünə nisbətən 2,3% azalıb.

Bu barədə Dövlət Statistika Komitəsinin aylıq hesabatında xəbər verilib.

Hesabata əsasən, qeyd olunan ümumi göstəricidən 38 milyard 732 milyon 200 min manat xam neft və təbii qazın hasilatının payına düşüb, bu da illik müqayisədə 2,3% azdır.

Hesabat dövründə sahənin əsas məhsulu olan əmtəəlik neft hasilatı 27 milyon 597 min 800 ton, əmtəəlik təbii qaz hasilatı isə 33 milyard 146 milyon 800 min kubmetr təşkil edib.
“Əmtəəlik neft hasilatı əvvəlki ilin müvafiq dövrü ilə müqayisədə 7,5% azalıb, əmtəəlik qaz hasilatı isə 4,3% artıb”, - deyə hesabatda qeyd olunub.

Qeyd edək ki, hesabat dövründə Azərbaycanda cəmi 27 milyon 695 min 400 ton neft (7,4% azalma) və 44 milyard 221 milyon 100 min kubmetr qaz (4,1% artım) hasil edilib.

İqtisadiyyat Nazirliyi Yanında Əmlak Məsələləri Dövlət Xidməti “Azərbaycan Respublikasının müxtəlif şəhər və rayonlarında yerləşən dövlət əmlaklarının 2024-cü il ərzində qiymətləndirilməsi xidməti” tenderinin nəticələrini elan edib.

FED.az xəbər verir ki, tenderin qalibi “Açar Qiymətləndirmə Mərkəzi” MMC olub.

Qalib şirkətə 287 271 manat ödəniləcək.

Bu qiymətə daxildir : 10 ədəd dövlət müəssisələrinin çevrilməsi nəticəsində yaradılacaq səhmdar cəmiyyətlərinin nizamnamə kapitalının müəyyən edilməsi, 250 ədəd kiçik dövlət müəssisə və obyektlərinin, o cümlədən daşınar dövlət əmlaklarının qiymətləndirilməsi, 1 500 ədəd özəlləşdirilməsi və ya icarə verilməsi nəzərdə tutulan dövlət mülkiyyətində olan torpaq sahələrinin qiymətləndirilməsi və 500 ədəd nəqliyyat vasitələrinin qiymətləndirilməsi.

Azərbaycan İnvestisiya Holdinqi tərəfindən keçirilən tender müsabiqəsinin (Açıq tender) qalibi məlum olub.
Yeniavaz.com açıqlanan rəsmi məlumatlara istinadən bildirir ki, İnvestisiya Holdinqinin keçirdiyi tender müsabiqəsinin qalibi “Push 30” MMC (VÖEN – 1306296231) olub.
Qeyd edək ki, “Push 30” MMC İnvestisiya Holdinqinin 110 nəfər əməkdaşına 1 il müddətində bədən tərbiyəsi və idman-sağlamlıq xidmətləri göstərəcək.
Tender şərtlərində qeyd olunur ki, bədən tərbiyəsi və idman xidmətləri göstərən salonlar müxtəlif ünvanlarda yerləşməlidir. Salonlarda iş saatından əvvəl və sonra, istirahət günləri isə bütün gün boyu istənilən vaxt xidmətlərdən istifadə mümkün olmalıdır. Salonlara gün ərzində iki dəfə giriş imkanı təmin edilməlidir. Bədən tərbiyəsi, idman və idmandan sonra əzələ və vətərlərdə olan gərginliyin azaldılması məqsədi ilə xidmətlərə bir və ya bir neçə idman növu daxil olmalıdır. Bu idman növlərinə fitnes, krossfit, açıq və ya qapalı hovuz və sairə idman növləri aiddir.
İnvestisiya Holdinqo “Push 30” MMC-yə 1 illik xidmət haqqı olaraq 195 min 998 manat ödəyəcək. Rəqəmlərdən də göründüyü kimi, bir nəfər əməkdaş üçün ödəniləcək illik məbləğ 1 782 manat (aylıq 148 manat) olacaq.
Məlumat üçün onu da qeyd edək ki, tenderin qalibi olan “Push 30” MMC 16 sentyabr 2019-cu ildə dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Yasamal rayonu, Mehdi Məmmədov, ev 19-da yerləşir. MMC-nin qanuni təmsilçisi Qasımov Adil Faiq oğludur.

Adil Qasımov

Onu da bildirək ki Adil Qasımov məşhur məhkəmə hakimi Faiq Qasımovun oğludur. Faiq Qasımov hazırda Pirallahı Rayon Məhkəməsinin hakimi və sədridir. O, 2000-2008-ci illərdə Ağır Cinayətlər Məhkəməsinin hakimi, 2008-2018-ci illərdə Bakı Apelyasiya Məhkəməsinin hakimi, 2018-ci ildən 2022-ci ilə qədər isə Bakı Apelyasiya Məhkəməsi Hərbi Kollegiyasının sədri olub.

Faiq Qasımov

Adil Qasımov ötən il mətbuata verdiyi açıqlamada bildirib ki, “Push 30” şirkətinin əsası “London School of Economics”in məzunu, “Sabah Lab” Akselerasiya Mərkəzinin CEO-su, “Mckinsey&Company” şirkətinin keçmiş əməkdaşı Rəhim Bayramlı və “LANDAU School”un həmtəsisçisi, “Sabah Lab” Akselerasiya Mərkəzinin CMO-su , “Humboldt University of Berlin” məzunu Rahul D’Mello tərəfindən qoyulub.

Rəhim Bayramlı

Qeyd edək ki, “Sabah Lab” Akselerasiya Mərkəzinin CEO-su kimi təqdim olunan Rəhim Bayramlı xarici işlər naziri Ceyhun Bayramovun oğludur.

Yeniavaz.com

Bakı şəhərinin Nərimanov rayonu ərazisində avtomobil yollarının əsaslı təmirinə 600 min manat ayrılıb.

Prezident İlham Əliyev bununla bağlı Sərəncam imzalayıb.

Sərəncama əsasən, Bakı şəhərinin Nərimanov rayonu ərazisində avtomobil yollarının əsaslı təmiri məqsədilə Azərbaycan Respublikası Prezidentinin 2023-cü il 23 yanvar tarixli 3720 nömrəli Sərəncamı ilə təsdiq edilmiş “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.25-ci yarımbəndində göstərilmiş məbləğin 600 min manatı Azərbaycan Avtomobil Yolları Dövlət Agentliyinə ayrılıb.

"Deməli, bir ağır autizm uşağı noyabrda komissiyaya salıblar... Amma Poliklinika forma 88-i sistemə vurmur". Bunu öz şikayətində Əhməd Rəhmanov bildirir.

Narazı vətəndaşın sözlərinə görə, birbaşa olaraq Dövlə Sosial Müdafiə Fondundan, TƏBİB-dən poliklinikalara göstəriş verilib.

Vəttəndaş bildirir: "Poliklinika forma 88-i sistemə vurmur və cavabında deyir ki, "Bizə deyiblər ki, bu ilin əlillik planı dolub, yanvardan onu vuracagıq TSERA-nın (DSMF-nun) sisteminə.

Deyirəm ki, inkankarı olsa, əlilliyi olan insanları dənizdə boğarlar ki, cibimizə ziyandır..."

Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...