Bakı sakinlərinin son illər şikayətlərinin bir qismi mənzil tikinti kooperativlərinin (MTK) fəaliyyəti ilə bağlıdır.

Qanuna görə, mənzil tikinti kooperativləri yaşayış binasını mülkiyyətçilərə təhvil verdikdən sonra binanın idarə edilməsində iştirak edə bilməz. Yəni mənzil sahibləri qanuna uyğun olaraq idarəetmə üsulunu seçməlidirlər.

Lakin Bakıdakı çoxmərtəbəli binaları idarə edən MTK-larla bağlı yazılan şikayətlər onu göstərir ki, binanın idarə edilməsində bina sakinləri iştirak etmirlər.

Şikayətlər əsasən, xidmətə görə ödənilən haqların yüksək olması, rüsumun sakinlərlə müzakirə aparılmadan artırılması, xidmət haqlarının gecikməsinə görə kommunal xidmətlərin məhdudlaşdırılması ilə bağlıdır. Aylıq vəsait ödənsə də, binada lift xarab olduqda və digər problemlər yarandıqda sakinlərdən əlavə pul tələb olunur.

Çoxmərtəbəli yaşayış binalarının sakinlərinin şikayətlərinin bir qismi isə MTK-ların mənzil mülkiyyətçilərinin müştərək cəmiyyətinin (MMC) yaranmasına mane olması ilə əlaqədardır. Sakinlər hesab edirlər ki, yaradılan MMC də sakinlərin yox, MTK-nın maraqlarına xidmət edir.

Ümumiyyətlə, binanaları idarə edənləri və tarifləri kim təyin edir?

Sakinləri narahat edən problemlərlə bağlı hüquqşünas Pərviz Hacıyev Bizim.Media-ya danışıb.

O, binayla bağlı hər hansı məsələdə sakinlərin iştirakının vacib olduğunu bildirib:

“Binanı MTK tikir, yerində mənzil mülkiyyətçilərinin müştərək cəmiyyəti yaranır. Həmin cəmiyyətin idarə heyəti, təftiş komissiyası formalaşır və mülkiyyətçilərin ümumi yığıncağı olur. Tariflər mülkiyyətçilərin ümumi yığıncağında müəyyən olunmalıdır. Ümumi yığıncaqda səsvermə açıq birbaşa və ya qiyabi şəkildə keçirilə bilər. Qiyabi səsvermədə bülletenlər sakinlərə paylanır, sakinlər gündəlikdə olan məsələ, tarifin artırılmasına razı olub olmadıqlarını bildirirlər. Səsvermənin nəticəsinə uyğun da tariflər dəyişdirilə bilər. Yəni sakinlər qiymətin artırılmasına razıdılarsa, dəyişir, razı deyillərsə, dəyişmir”.

Hüquqşünas hesab edir ki, tariflər artırılmalı olsa belə bunun səbəbi izah edilməlidir:

“Tariflərin özünü müəyyən etmək üçünsə MMC-nin idarə heyəti ümumi binanın saxlanma xərclərini nəzərə alır. Yəni hər bir MMC-nin mühasibatlığı olmalıdır, onlar hara, nə qədər xərc çəkildiyinin qeydiyyatını aparmalıdırlar. Əgər idarə heyəti qiymətin qaldırılması məsələsini qoyursa, onu əsaslandırmalıdır.

Tariflərin qalxması bir sıra amillərlə, bazar qiymətlərinin qalxması, inflyasiya və s. bağlıdır.

Binalarda ən çox liftlərlə bağlı problem yaranır, yəni hər bir MMC-nin özünün hansısa şirkətlə müqaviləsi olur, həmin şirkət onlara xidmət göstərir. Əgər həmin şirkət qiyməti qaldırırsa, ona uyğun olaraq da idarə heyəti iclas keçirib, qiymətin qalxma səbəbini izah etməlidir. Yəni axşam yatdım, səhər durdum qiyməti qaldırdım, bu, elə olmur”.

Həmsöhbətimiz səsvermənin şəffaf keçirilmədiyini, bina sakinlərinin adından saxta imza atıldığını qeyd edib:

“Səsvermə çox hallarda şəffaf keçirilmir və mülkiyyətçilər öz hüquqlarını bilmirlər deyə nəyə qol çəkdiklərinin fərqində olmurlar. Mülkiyyətçilər bilməlidirlər ki, idarə heyəti onların qarşısında cavabdeh qurumdur və hər bir halda qol çəkdikləri sənədə baxmalıdırlar. Qiyabi səsvermə vərəqəsində gündəlikdə olan məsələlərin hamısı yazılmalıdır.

Mənzil mülkiyyətçilərinin müştərək cəmiyyəti çox vaxt vətəndaşları aldadır. Yəni insanlara nəylə bağlı qol çəkdirdiklərini izah etmirlər, formal olaraq qol çəkdirirlər, sonra da səsvermənin keçirildiyini deyirlər. Bunlar hamısı insanların hüquqi cəhətdən maariflənməsinin zəif olmasından irəli gəlir. Qanunda yazılıb ki, bununla bağlı qiyabi səsvermə keçirilə bilər. Onu əzbərləyib, vərəqələri çıxarıb öz işçilərinə verirlər və sakinlərə izah etmədən qol çəkdirirlər.

Sakinlər gedib protokulu tələb etməli və soruşmalıdırlar ki, biz bunu nə vaxt müzakirə etdik, hanı mənim səsvermə vərəqim?! Özləri sakinlərin əvəzinə imzaları saxtalaşdırılar.

Yaxud da ola bilər ki, səsvermə tam obyektiv keçirilsin, 60 faiz tariflərin qaldırılmasına hə, 40 faiz yox deyir. Yox deyənlər etiraz edir, amma başa düşmürlər ki, qərar ümumi səsvermənin nəticəsindən asılı olaraq qəbul olunur”.

Keçmiş əmək və əhalinin sosial müdafiəsi naziri Fizuli Ələkbərova məxsus şirkət tarix və mədəniyyət abidələrinin qorunması və istifadəsi üzrə tələblərin pozulmasına görə cərimələnir.

Qaynarinfo-nun məlumatına görə, sabiq nazirə məxsus "Improtex Motors" Məhdud Məsuliyyətli Müəssisəsi barəsində İnzibati Xətalar Məcələsinin 231.3 maddəsi ilə cərimə protokolu tərtib edilib.

Mədəni və təbii irsin, o cümlədən "Tarix və mədəniyyət abidələrinin qorunması haqqında" Azərbaycan Respublikasının Qanununa uyğun olaraq tarix və mədəniyyət abidələrinin qorunması və istifadəsi üzrə tələblərin pozulmasına görə xəbərdarlıq edilir və ya fiziki şəxslər 50 manatdan 100 manatadək məbləğdə, vəzifəli şəxslər 250 manatdan 300 manatadək məbləğdə, hüquqi şəxslər 1500 manatdan 2000 manatadək məbləğdə cərimə edilir.

İşə Səbail Rayon Məhkəməsinin hakimi Günel Səmədovanın sədrliyi ilə baxılacaq.

Qeyd edək ki, "Improtex Motors" Məhdud Məsuliyyətli Müəssisəsinin qanuni təmsilçisi Ələkbərov Fizuli Həsən oğludur. Sabiq nazirin tərəfindən satılan "Rolls-Royce" avtomibilllərinin satışı mərkəzi Bakıda tarixi binaların birində yerləşir. Ehtimal edilir ki, sözügedən binada yerləşdirilən reklam lövhələrinə görə şirkət cərimələnib.

Xatırladaq ki, Nazirlər Kabinetinin yeni qərarı ilə reklamın binanın fasadında dekorativ-bədii və (və ya) mətn təsvirinin bilavasitə çəkilməsi yolu ilə (boyama, yapışdırma və digər metodlarla) yerləşdirilməsi, həmçinin, reklam məqsədilə pəncərə və divar oyuqlarının, həmçinin onların çərçivələrinin (impostlarının) bağlanmasına, boyanmasına və dekorativ plyonkalarla örtülməsi qadağandır.

"Nyu Sfera-İnşaat" MMC ləğv olunub.

İqtisadiyyat.az-ın əldə etdiyi məlumata görə, bununla bağlı şirkət özü elan edib.

Qeyd edək ki, "Nyu Sfera-İnşaat" MMC 2005-ci ilin iyulun 27-də dövlət qeydiyyatına alınıb. MMC-nin qanuni təmsilçisi Heydərov Araz Niqamət oğludur.

Xatırladaq ki, "Nyu Sfera-İnşaat" MMC-nin "Nyu Sfera Şirkətlər Qrupu"na daxil olduğu və tikinti sektorunda fəaliyyət göstərdiyi qeyd olunur.

"Nyu Sfera Şirkətlər Qrupu"nun rəhbəri isə Azərbaycanın tanınmış iş adamlarından biri olan Quliyev İman Nəsurulla oğludur.

...Bəli, Şuşaya dişi- dırnağı, həyatı bahasına dırmaşaraq Azərbaycan bayrağını sancanların tarix yazdığını dünya ictimaiyyəti yaxşı bilir...

Amma dünya ictimaiyyəti onu bilmir ki, indi Şuşa adına sığınıb qaz vurub- qazan dolduranlar ölkədə ictimai narazılığa zəmin hazırlayır, sosial qütbləşmə şəraiti yaratmaq istəyirlər.
İndi məlum olur ki, "Baku Event" adlı bir turizm şirkəti Yeni ili Şuşada qarşılamaq istəyənlərin yumşaq damarını tutubş 2 günlük yolçuluğu onlara 3500 manata təklif edirlər... Məsələ o dərəcədə ciddidir ki, bu insafsız təklifi eşidənlər qulaqlarına inanmırlar, şəhidlərimizin qanı bahasına alınmış Şuşanın 2 gününü Şuşa həsrətlilərə 3500 manata satır...

XXX

Məsələyə aydınlıq gətirmək üçün Dövlət Turizm Agentliyi ilə əlaqə də saxladıq, media xidmətinin rəhbəri Gülnar Mustafayeva ilə əlaqə saxladıq. Xanım söz verdi ki, aydınlaşdırıb tezliklə məlumat verəcək. Amma susmağı hələki üstün tuturlar. Görünür, Agentliyin "Baku Event"dən çəkincəyi var, əks halda, bu qiymətin əcaib olmasını irad tutar, imkan verməzdilər.

XXX

"Təzadlar" olaraq özümüz adı çəkilən şirkətə zəng vurduq. Deyilənlər təsdiqini tapdı... Cavab o demək idi ki, Şuşanı qanı bahasına alan şəhidlərin, qazilərin Şuşada nə işi var, bura indi "Baku Event"in inhisarındafır... Və əgər qışın 2 günü 3500 manata təklif edilirsə, deməliş yay aylarında Şuşa adı imkansızlar üçün yasaq olacaq! O imkansızlar üçün ki, onların balaları Şuşada şəhid və qazi oldular...

XXX

Nə isə... abbas Bağırovun fonoqramlı konsertinə Şuşada 2 günlük səfəri ilə baxmaq istəyənlər 3500 manatını hazır eləsin. Bu səfərin təxminən iki günü yola həsr ediləcəksə, yaxşısı budur evdə otutub 30-35 il əvvəlki- istədiyimiz vaxt ziyarətinə getdiyimiz Şuşanın təmənnasız xatirələri ilə baş - başa olmaq daha yaxşı deyilmi?!

SONDA: redaksiyadan şirkətə zəng etdik, bəyan etdikləri xidmətdən bəhrələnmək istədiyimizi dedik... Bu da onların bizə vatsap cavabı(Fotosunu təqdim edirik):

Mənbə: "Təzadlar"

Məşhur Turşsu bulağının ətrafı məhv edilir
"Laçın şəhər sakinlərinin verdiyi məlumatlara görə Laçın rayonunun Ağanus kəndi yaxınlığında tarixi Turşsu bulağının ətrafında geniş bir ərazidə ağacları kütləvi qırıblar. Deyilənə görə istirahət mərkəzi, restoran inşa olunacaq.
Ekologiya və Təbii Sərvətlər Nazirliyi isə rəsmi açıqlamasında Ağanus kəndində aparılan tikinti işlərinin özbaşına aparıldığını və heç bir tikinti işinə rəy verilmədiyini bildirir.
Qeyd edək ki, son zamanlar Laçın şəhərinə köçürülmüş sakinlərdən səhifəmizə gələn şikayətlərin ardı-arası kəsilmir. Şikayətlər əsasən Laçın şəhərinin yenidən qurulması işlərinin icraçısı "Bakı Abadlıq" şirkəti və ona bağlı olan şirkətlərdəndir".

Müəllif: Uğur Dilarə - Mənbə: "Laçın" səhifəsi
Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

Paytaxtın Bakıxanov qəsəbəsi “Bakıxanov rezidens” tikinti şirkətinin tam cəngindədir. Bu qəsəbədə başqa inşaat firmasının layihəsinə demək olar ki, rast gəlmək mümkün deyil.

Tribunainfo.az yazır ki, Bakıxanov ərazisində üçmərtəbəli sovet binaları sökülərək adıçəkilən tikinti şirkəti tərəfindən göydələnlər inşa edilir. Məsələ budur ki, qəsəbədə bu şirkət tam inhisarçılıq edir və heç bir MTK əraziyə buraxılmır.

ƏLAVƏ edək ki, “Bakıxanov rezidens” Sabunçu rayon icr hakimiyyətinin başçısı Adil Vəliyevə aiddir. Yəni anlaşılanı odur ki, Sabunçu rayon Bakıxanov qəsəbəsində başçı açıq-aşkr monopoliya qurub...

Mənbə: Tribunainfo.az
Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...


QEYD: Əlavə bizim bloqa aiddir...

İstanbulun Büyükçekmece çimərliyində spirtli içki qəbul edən iki qrup arasında baş verən davada bir nəfər bıçaqla yaralanıb.

Yaralı təcili yardımı gözləyərkən xoruldayaraq yuxuya gedib. Həmin anlar saniyə-saniyə kameraya düşüb.
Tərəflərdən biri tərəfindən bıçaqlanan sərxoş şəxs ətrafdakı vətəndaşların köməkliyi ilə skamyaya yerləşdirilib. Hadisə yerində polis və təcili yardım gözləyərkən xəsarət alan vətəndaş yuxuya gedib. Ayağını axan qana fikir vermədən yatan kişi xoruldamağa başlayıb. Hadisə ətrafdakı vətəndaşları təəccübləndirib və hadisə yerinə gələn təcili yardım yaralını xəstəxanaya çatdırıb. Polis hadisə ilə bağlı araşdırmalara başlasa da, həmin anlar onların cib telefonunun kamerasına düşüb.

Azərbaycan Beynəlxalq Bankın müştərisi olan vətəndaş Amin Orucov peşman olub. O indi də ABB ilə bütün əlaqələrinin tam kəsilməsini istəyir.

Tribunainfo.az xəbər verir ki, bu barədə o sosial şəbəkədə yazıb:

“ABB bankın müştərisi olduğuma görə çox peşmanam. Bankın müştərisi olmağımı necə ləğv edə bilərəm? Yəni ABB ilə aramda heç bir əlaqə olmasın, nə kart hesabı nədə başka bir bağlılıq mesajı”.

Toğrul Şimiyev isə bildirib ki, ABB çox saxtakar bankdır:

“Mənə yaxıblar ki, sənə 2 qat ƏDV hesablandı. Amma baxıram ki, 1 qat əlavə ediblər. Amma yuxarıda 2x yazıblar”.

Tural adlı şikayətçi isə bildirib ki, bu bankdan narazı olmayn yoxdur:

“Bu bankdan şikayətçi olmayan var görəsən? Mənim də pulumun dalına keçdiklərindən bəri bütün bağımı qopardım”.(Tribunainfo.az)

Nardaran qəsəbəsində yerləşən “Sea Breeze” istirahət mərkəzində kütləvi davaya görə indi iki ayrı məhkəmə gedir və xeyli adam həbs olunub. Hakim önünə çıxarılanlar arasında bir sıra yüksək vəzifəli şəxslərin övladları, qohumları da var.

Hər iki iş üzrə araşdırmalar Sabunçu rayon Məhkəməsində aparılır. Bu məhkəmə proseslərindən birində 4 nəfər təqsirləndirilən şəxs var: Elmir İsmayılov, Peyman Vəlizadə, Məhəmməd Həsənzadə və Sumqayıt məktəblərindən birinin 10-cu sinif şagirdi M.Ə.

Sadalanan 4 nəfərdən məktəbli haqqında istintaq və məhkəmə dövrü üçün həbs qətimkan tədbiri seçilməyib. Digər 3 nəfərsə həbsdədir.

İki nəfər – Elnur Məmmədov və Cavad Muradov zərərçəkmiş qismində tanınıb.

Cinayət işinin materiallarında iddia olunur ki, E.İsmayılov və onunla birlikdə mühakimə edilən 3 nəfər “Sea Breeze”də dava salaraq, adları çəkilən iki zərərçəkmişi döyüb.

Təqsirləndirilənlər ittihamı qəbul etmirlər. E.İsmayılov istisna olmaqla, qalan 3 təqsirləndirilən deyir ki, “Sea Breeze”də dava başlarkən, heç biri orada deyil, Elmirin qardaşı Elgün İsmayılovla birlikdə Mərdəkanda restoranda olublar:

“Qardaşı Elgünə zəng elədi ki, gəl, məni xəstəxanaya apar. Biz də eşitdik, Elgünlə birlikdə “Sea Breeze”ə gəldik”.

Təqsirləndirilən şəxslər davanın başlamasına görə zərərçəkmiş Elnur Məmmədovu günahlandırırlar. Deyirlər ki, o, içkili vəziyyətdə söyüş söyüb, davaya başlamasaydı, bütün bu hadisələr də yaşanmayacaqdı. Onlar ittihamda hadisənin əslində olduğundan fərqli göstərilməsinə də etiraz edərək deyirlər ki, müstəntiq onları təqsirli göstərməkdən ötrü olub-bitəni təhrif edib.

Təqsirləndirilən məktəbli də ifadəsində bu işin istintaqını aparan Bakı şəhər Baş Polis İdarəsinin müstəntiqini ittiham edib. O deyib ki, müstəntiq ona təzyiq göstərərək, ifadə verərkən söyləmədiyi fikirləri yazıb. Onun sözlərinə görə, dindirilərkən, valideyni yanında olmayıb. Üstəlik, ifadəsini də oxumadan imzalayıb:

“Mənə dedi ki, “bura qol çək, evinizə gedəcəksən”. Mən də qol çəkdim. Amma buraxmadı, iki gecə, üç gün müvəqqəti saxlama təcridxanasında qaldım”.

Qanuna görə, yetkinlik yaşına çatmayan şəxs dindirilərkən, yanında valideyni, yaxud da qanuni təmsilçisi olmalıdır.

Müstəntiqin ünvanına səslənən ittihamlarla bağlı prokuror təklif edib ki, onu çağırıb dindirsinlər, amma vəkillər buna qarşı çıxıb. Onların fikrincə, müstəntiq hansısa qanun pozuntusuna yol veribsə də, gəlib məhkəmədə bunu etiraf eləməyəcək.

Bununla belə, hakim müstəntiqi çağırıb dindirmək qərarı verib. Müstəntiq Əlibala Hacıyev “Sea Breeze”dəki dava ilə əlaqədar dekabrın 12-də məhkəmədə ifadə verəcək.

Bu məhkəmə prosesinə zərərçəkmiş qismində qatılan C.Muradov “Sea Breeze”dəki dava ilə bağlı digər məhkəmə prosesində təqsirləndirilən şəxsdir. O, Şamxal Məmmədovla birlikdə mühakimə olunur. Onlar da həbsdədir.

Bu biri məhkəmədə təqsirləndirilən şəxslərdən E.İsmayılov, P.Vəlizadə və M.Həsənzadə isə orada zərərçəkmiş qismindədir. Üstəlik, Elmirin qardaşı Elgün İsmayılov da zərərçəkmiş qismində tanınıb.

Hər iki məhkəmə prosesində təqsirləndirilən şəxslərə Cinayət Məcəlləsinin 221.2.1-ci (bir qrup şəxs tərəfindən xuliqanlıq) maddəsilə ittiham verilib. Bu maddənin sanksiyasında 2 ilədək islah işləri, yaxud 3 ilədək azadlığın məhdudlaşdırılması və ya həbs cəzası nəzərdə tutulub.

Məhkəmə önünə çıxarılanlardan Elmir və Elgün İsmayılov qardaşları Müdafiə Sənayesi Nazirliyinin Aparat rəhbəri olmuş Üzeyir İsmayılovun övladlarıdır. Onlar eyni zamanda, 2006-2018-ci illərdə Müdafiə Sənayesi naziri olmuş mərhum Yavər Camalovun qohumlarıdır. İsmayılov qardaşlarının əmisi Baş prokurorun keçmiş birinci müavini Rüstəm Usubovun kürəkənidir.

Bir məhkəmədə zərərçəkmiş, digərində təqsirləndirilən C.Muradovun atası Vahid Muradov Azərbaycan Avtomobil Yolları Dövlət Agentliyinin idarə rəisidir.

Təqsirləndirilən şəxslərin “Sea Breeze”dəki davanın başlamasına görə günahlandırdığı Elnur Məmmədovun atası Leysan Məmmədov Minatəmizləmə Agentliyində Aparat rəhbəri, daha sonra paytaxtın Binəqədi rayonunda icra başçısının birinci müavini olub. Bu ilin aprelində icra başçısının müavini vəzifəsindən çıxarılan Məmmədov bir sıra böyük tikinti layihələrinə rəhbərlik edir.

Gəncə şəhər İcra Hakimiyyəti "Xidməti minik avtomobilinin satınalması" ilə bağlı elan etdiyi tenderdə qalib gəlmişmiş şirkətlə müqavilə imzalayıb.

32gun.az xəbər verir ki, icra orqanı ilə "İmprotex Motors" arasında 220 min AZN-lik anlaşmaya imza atılıb.

Bildirək ki, "Improtex Motors" MMC-nin niamnamə kapitalı 5325 AZN-dir. Şirkət 04.04.1997-ci ildə dövlət qeydiyyatına alınıb.

"Improtex Motors" MMC keçmiş əmək və əhalinin sosial müdafiəsi naziri Füzuli Ələkbərova məsxusdur.

Mediada gedən məlumatlara görə, Gəncə şəhər İcra Hakimiyyətinin başçısı Niyazi Bayramovun hazırki xidməti avtomobili “Toyota Land Cruiser”dir.