Toplum Tv-nin efirində “Qaynar Xətt” verilişinə baxırsınız.

Verilişdə qaynar xəttimizə gələn şikayətlər, onların əsasında hüquqşünas məsləhətləri və əhalinin digər problemləri barədə müzakirələr olacaq.

Bugünkü müzakirəmizi hüquqşünas Xalid Bağırovla aparacağıq.

Daha ətraflı aşağıdakı videoda:

Mənbə: Toplum TV

Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

Salyan rayon Mərkəzi Xəstəxanasının Vərəm şöbəsinin sabiq müdiri Xanış Abbasova hökm oxunub.

Hökm Lənkəran Ağır Cinayətlər Məhkəməsində hakim Nahid Hüseyinovun sədrliyi ilə keçirilən məhkəmə iclasında elan olunub.

Sabiq şöbə müdiri 2 il müddətə dövlət orqanlarında və yerli özünüidarə orqanlarında rəhbər və maddi-məsul vəzifə tutmaq hüququndan məhrum edilməklə 5 il 3 ay müddətə azadlıqdan məhrum edilib.

Ona təyin olunmuş cəza 2 il şərti cəza ilə əvəz olunub.

İttiham aktına əsasən, o, əlillik dərəcəsinin təyin olunması üçün müxtəlif şəxslərdən aldığı rüşvət müqabilində xəstəlik diaqnozu və stasionar müalicəyə dair tibbi sənədlərin məzmununa yalan məlumatlar daxil edib.

Ona qarşı Cinayət Məcəlləsinin 311.2 (vəzifəli şəxs tərəfindən qanunsuz hərəkətlərə görə rüşvət alma), 313-cü (vəzifə saxtakarlığı) maddələri ilə ittiham irəli sürülüb.

Azərbaycan daşınma sektorunda cərəyan edən xaotik vəziyyət, hələ də davam edir. Şikayətlər, daha çox məhz karqoların özbaşınalığından və biganə münasibətindən qaynaqlanır. Müştəri yığana qədər vətəndaşın “nökəri”, müştəri yığandan sonra sonra isə “ağa”sı olan daşınma şirkətlərində yaranan yersiz özgüvən, təbii ki, sonda elə öz “başlarında çatlayır”; lakin o vaxta qədər, yüzlərcə müştəri, zərər görmüş olur.

Bu dəfə, yersiz özgüvən artıqlığından əziyyət çəkənlərə, “Sürət” karqo adlı şirkət əlavə olunub. “Yeni müştəriyə pulsuz 3 bağlama” kampaniyası ilə, bu yaxınlarda yeni bir “hücum” həyata keçirən karqo, yüzlərcə yeni müştəri qazandığını düşünüb və özünü “ağa” kimi hiss etməyə başlayıb. Və nə qədər gülməli olsa da, “Onsuz da pulsuz gətirmişik” deyərək, müştərinin bağlamasını ...mənimsəmək eşqinə düşüb! Bəli, nə qədər əcaib olsa da məhz mənisəmək!

Bəli, “Sürət” karqonun, müştərinin bağlamasını itirməsinə inanmaq olardı. Məsələ burasındadır ki, itən bağlama, itə biləcək bir bağlama deyil! Yəni söhbət, adi, kiçik bir paketdən yox, nəhəng, 20kq-lıq bir bağlamadan gedir!

Adı, “Sürət” karqo olan, lakin tısbağa sürəti ilə hərəkət edən daşınma şirkəti, müştərinin bağlamasını nəinki gec çatdırıb, hətta ümumiyyətlə çatdırmayıb! Üstəlik də, dəyən zərəri kompensasiya etməkdən də yayınır! Müştərinin etdiyi müraciətləri isə “kamera görüntülərinə baxılıb, qərar veriləcək” deyərək, yola verir. 20 gündür ki, kamera görüntülərinə baxıb, qurtara bilmir. Görəsən o görüntülərdə şirkət nə görüb ki, açıqlaya bilmir. Bəlkə görüntülərə, hansısa yadplanetli və ya cin düşüb deyə, şirkət rəhbərliyi, məsələnin elmi izahını tapmaq üçün baş sındırır?!...

Üstəlik, itən bağlamanın statusunu da “təhvil verilib” şəklində qeyd edib.

Belə görünür ki, şirkət, bağlamanı ya yanlış müştəriyə verib ya da ki mənimsəyib.

Bağlaması buxarlanan Güli Zayid, sona qədər gedəcəyini və artıq Antiinhisar dövlət qurumuna şikayət ünvanladığını qeyd edir. O deyir: “Bağlamanın kateqoriyası, “yemlər” olaraq qeyd olunub amma əslində maddi ekvivalenti, hazırda 90 azn olan bir qida məhsulundan söhbət gedir. Şirkət ya bağlamanı qaytarmalıdır ya da dəyən zərəri ödəməlidir, əks halda ifşa olunmağa davam edəcək”.

Güli xanım, artıq feysbukda, karqo və müştəri qruplarında da şikayətini paylaşıb və nəticədə, məsələnin gündəmə gəlməsi ilə, Sürət karqo, indinin özündə belə, yüzlərcə potensial və real müştəri itiribdir. Bu da əlbəttə minlərcə manat zərər deməkdir.

Yəni, 90 azn qabağa düşdüyünü zənn edən avanturist şirkət, bəlkə də bundan 100 dəfə çox ziyana düşübdür. Hələ bu harasıdır! Problem, saytlarda gündəmə gələndə, Sürət karqonu, artıq bütün Azərbaycan, pis mənada tanıyıb, ondan gen gəzəcək.

“Nə əkərsən onu da biçərsən” deyib atalarımız...

Müştərini aldadan, bağlamanı vəd etdiyindən gec çatdıran, bəzən isə ümumiyyətlə çatdırmayan bir karqo, faydadan çox, ziyan, stress, itki deməkdir!

Sujeti təqdim edirik:

Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

Ağcabədi rayon Taynağ kənd sakinləri narazılıq edirlər.
Onlar Azərbaycan Dövlət Su Ehtiyatları Agentliyinin sədri Zaur Mikayılovdan kömək isəyirlər.
Amil Behbudov və bir qrup kənd sakinləri bildirir ki, onların əkin sahələrini suvardığı su arteziyan quyusu 3 ildir ki, işləmir. Sakinlər deyir ki, əkin sahələrini əksələr də, bu dəfə suyun olmaması səbəbindən əkinləri məhv olmaq üzrədir.
Vətəndaşlar bloqumuz vasitəsilə Azərbaycan Dövlət Su Ehtiyatları Agentliyinin sədrinə müraciət edərək onların su arteziyan quyusunun təmir edilməsini xahiş edirlər.

Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

Türkiyə Prezidenti Rəcəb Tayyib Ərdoğanla Şotlandiya Baş naziri Həmzə Yusif arasında keçirilən görüş Britaniyada müzakirə mövzusuna çevrilib.
Görüş Dubayda (BƏƏ) keçirilən Ümumdünya İqlim Fəaliyyəti sammiti (COP28) zamanı baş tutub.
Britaniya xarici işlər naziri Devid Kemeron krallıq rəsmilərinin görüşdə iştirak etmədiyini əsas gətirərək Yusifi təhdid edib. O, Ərdoğanla görüşə görə Britaniya Xarici İşlər Nazirliyinin Şotlandiyaya verdiyi dəstəyi geri götürə biləcəyini söyləyib.
Şotlandiya hökumətinə məktub göndərən Kemeron Baş nazir Həmzə Yusifin Türkiyə lideri ilə Qəzza və digər məsələləri müzakirə etməsinin “protokol pozuntusu” olduğunu bildirib.
Kemeron belə pozuntulara qarşı daha sərt yanaşacağı barədə xəbərdarlıq edib.
Məktubda vurğulanır ki, Şotlandiya hökuməti Britaniya Xarici İşlər Nazirliyini Ərdoğanla görüşlə bağlı əvvəlcədən xəbərdar edəcəyinə dair təminat verib, amma bu baş verməyib.
Şotlandiya hökumətinin sözçüsü ən azı bir britaniyalı rəsminin görüşdən xəbərdar olduğunu və dəvət edildiyini deyib:
“COP28 kimi hadisələrin təbiətinə görə vaxtlar son anda dəyişə bilər. Türkiyə prezidentinin görüşə hazır olduğu vaxt Xarici İşlər Nazirliyinin nümayəndəsi başqa yerdə olub”.
Britaniyanın keçmiş xarici işlər naziri Ceyms Kleverli Yusif yayda krallıq rəsmilərinin iştirakı olmadan İslandiya Baş naziri Katrin Yakobsdottirlə görüşəndə də oxşar xəbərdarlıq etmişdi.

Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi 2023-cü ildə Bakının dörd rayonunda, Bərdə rayonunda, Gəncə və Mingəçevir şəhərlərində məktəbəqədər təhsil müəssisələrinin yeməklə təchizatına 31 milyon manatdan çox vəsait ayırıb. Bu məlumatı sözügedən qurum tərəfindən dövlət satınalmalarının vahid internet portalı üzərindən apardığımız araşdırma zamanı əldə etmişik. Respublikamızın digər şəhər və rayonlarında fəaliyyət göstərən məktəbəqədər təhsil müəssisələrinin yeməklə təchizatına ayrılan vəsaitlər barədə heç bir məlumat yoxdu. Maraqlıdır respublikamızın digər şəhər və rayonlarında fəaliyyət göstərən məktəbəqədər təhsil müəssisələrinin yeməklə təchizatı üzrə tenderlər keçirilmir, yoxsa müqavilələr birbaşa, ictimaiyyətə açıqlanmadan bağlanır? Bunlara növbəti yazıların birində qayıdacağıq. Keçək əsas məsələyə.
Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi tərəfindən dövlət satınalmalarının vahid internet portalına 20.02.2023-cü il tarixdə yerləşdirilmiş məlumatda 2023-cü il ərzində Bakı şəhəri (Səbail və Nizami rayonları) və Gəncə şəhəri ərazisində yerləşən bütün məktəbəqədər təhsil müəssisələrinin yeməklə təchizatının satınalınması üzrə “TAİS İKF” MMC ilə 12.704.453,95 manat məbləğində satınalma müqaviləsinin bağlanıldığı açıqlanıb.
Qeyd edək ki, Gəncə şəhərində 42, Bakı şəhəri Nizami rayonunda 24, Səbail rayonunda isə 21 məktəbəqədər təhsil müəssisəsi fəaliyyət göstərir. Təhsil Nazirliyinin Təchizat İdarəsi bu məktəbəqədər təhsil müəssisələrinin birinin yeməklə təchizatına orta hesabla 146 028 manat vəsait ayırıb.
Dövlət Vergi Xidmətinin məlumatlarına görə «TAİS İKF» MMC şirkəti 1994-cü ildə yaradılıb. Şirkətin hüquqi ünvanı Baki şəhəri Nərimanov rayonu, Ələsgər Qaibov, ev 5-də yerləşir. Nizamnamə kapitalı 10 manat, qanuni təmsilçisi Rəfail Məmməd oğlu Şirinovdur. Elektron mediada A.Hüseynzadə adına 20 nömrəli məktəb-liseyin aşağı sinif şagirdləri arasında kütləvi zəhərlənmə olması barədə məlumatlar yer alıb. Qeyd olunur ki, məktəb-liseydə iaşə xidmətini təşkil edən “Tais ikf” MMC olub.
Bundan başqa Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi dövlət satınalmalarının vahid internet portalına iki şübhə doğuran məlumat da yerləşdirib. İdarənin 20.02.2023-cü ildə yerləşdirdiyi bildirişə görə Azərbaycan Respublikası Elm və Təhsil Nazirliyinin Təsərrüfathesablı Əsaslı Tikinti və Təchizat İdarəsi tərəfindən, Elm və təhsil nazirliyinin birbaşa tabeliyində olan respublikanın bir sıra təhsil müəssisələrində dövlət təminatında olan təhsilalanların 2023-cü il ərzində yeməklə təchizatının satın alınması məqsədilə 06.01.2023-cü il tarixində keçirilmiş təkliflər sorğusu prosedurunun nəticəsinə əsasən “Tais İKF” MMC qalib elan edilmiş və həmin təşkilatla müvafiq satınalma müqaviləsi bağlanmışdır.
Respublikada yüzlərlə təhsil müəssisələrində minlərlə dövlət təminatında olan təhsilalan var. Burada müəssisələrin adı nə üçün konkret göstərilməyib və satınalma müqaviləsinin qiyməti nə üçün açıqlanmayıb? Digər şübhəli tenderə nəzər salaq.
Təhsil nazirliyinin birbaşa tabeliyində olan təhsil müəssisəsində dövlət təminatında olan təhsilalanların 2022-ci ilin sentyabr-dekabr ayları ərzində yeməklə təchizatı üzrə 17.08.2022-ci il tarixdə başladığı açıq tenderdə zərflərin açılış tarixi və vaxtı 26.08.2022-ci il tarixə müəyyən edilib. Dəyəri 3,0 milyon ABŞ dollarının manat ekvivalentindən çox olan açıq tenderin 10 gün ərzində yekunlaşdırılması hansı qanunda göstərilib? Daha təəccüblisi isə zərflər paketi 26.08.2022-ci il tarixdə açılmış açıq tenderin nəticələrinin 16.05.2023-cü il tarixdə dərc edilməsidir. Bu tenderdə Təchizat İdarəsi “Tais İKF” MMC ilə 6.616.245,34 manat məbləğində satınalma müqaviləsi bağladığını göstərib. Amma bu vəsaitin hansı dövlət müəssisəsinə, hansı təhsilalanlara ayrıldığı barədə açıqlama yoxdu.
Təchizat İdarəsi tərəfindən “EL-OBA” QSC ilə 2023-cü il ərzində Bakı şəhəri (Binəqədi və Nərimanov rayonları) ərazisində yerləşən bütün məktəbəqədər təhsil müəssisələrinin yeməklə təchizatının satınalınmasına dair 11.109.016,17 manat dəyərində satınalma müqaviləsinin bağlanılması barədə məlumat da 20.02.2023-cü il tarixdə açıqlanıb.
Qeyd edək ki, Bakı şəhəri Nizami rayonunda 34, Nərimanov rayonunda isə 30 məktəbəqədər təhsil müəssisəsi fəaliyyət göstərir. Təhsil Nazirliyinin Təchizat İdarəsi bu məktəbəqədər təhsil müəssisələrinin birinin yeməklə təchizatına orta hesabla 173 578 manat vəsait ayırıb.
“EL-OBA” QSC 2019-cu ildə dövlət qeydiyyatına alınıb. Nizamnamə kapitalı 2000 manat, hüquqi ünvanı Bakı, Binəqədi rayonu, Biləcəri, Yeni Yaşayış sahəsi ev 6-dır. Şirkətin qanuni təmsilçisi Vüsal Maşalla oğlu Niftiyevdir. Elektron mediada QSC nin illik maliyyə hesabatları yayılıb. Göstərilir ki, “El-Oba” QSC 2022-ci ili 446 min manat xalis mənfəət ilə yekunlaşdırıb. 2021-ci ildə şirkətin xalis zərəri 339 min manat təşkil etmişdir. Şirkətin bina, qurğu və avadanlıqların amortizasiyası üzrə gəlir və xərcləri 8 561 manat olub. Əvvəlki il bu göstərici 9 137 manat təşkil edib. “El-Oba” QSC 2021-ci il 339 min manat xalis zərər ilə yekunlaşdırıb. 2020-ci ildə şirkətin xalis zərəri 400 min manat təşkil etmişdi. 2020-ci illə müqayisədə 2021-ci ildə “El-Oba” QSC-nin satışdan gəlirləri 7 dəfədən çox artaraq 6 milyon 744 min manat təşkil edib. Şirkət 2020-ci ildə 925 min manat gəlir əldə etmişdi.
Qida Təhlükəsizliyi Agentliyinin qida təhlükəsizliyi qeydiyyatına alınma və qeydiyyatdan imtina halları ilə bağlı 2022-ci ilin dekabr ayına olan məlumatda qida təhlükəsizliyi qeydiyyatından imtina edilən sahibkarlıq subyektləri haqqında məlumatda “El-Oba” QSC-nin də adı keçir. Müvafiq sanitar norma və qaydaların tələblərinə uyğun olmadığına görə “El-Oba” QSC-nin ictimai iaşə xidməti göstərməsinə icazə verilməyib. Cəmi bir ay sonra QSC iaşə xidmətinin göstərilməsi ilə bağlı 11 milyon manat dəyəri olan tender udub.
Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi tərəfindən 2023-cü il ərzində Bərdə rayon ərazisində yerləşən bütün məktəbəqədər təhsil müəssisələrinin yeməklə təchizatının satınalınmasına dair 3.150.430,84 manat dəyərində müqavilə “MƏİŞƏT İST” MMC ilə bağlanılıb. Qeyd edək ki, “Məişət İST” MMC 1994-cü ildə dövlət qeydiyyatına alınıb, nizamnamə kapitalı 6 manatdır və qanuni təmsilçisi Nicat Cəfərovdur. MMC 3 milyon manatla Bərdə rayonunda fəaliyyət göstərən 33 məktəbəqədər təhsil müəssisəsini yeməklə təchiz etməlidir. Bu isə il ərzində hər bir uşaq bağçasına orta hesabla 95 467 manat xərc çəkilməsi deməkdir. Açıq mənbələrdə MMC-nin barəsində heç bir məlumat yoxdu.
Təchizat İdarəsi tərəfindən 2023-cü il ərzində Mingəçevir şəhəri ərazisində yerləşən bütün məktəbəqədər təhsil müəssisələrinin yeməklə təchizatının satınalınmasına dair 4.702.748,12 milyon manat dəyərində müqavilə isə “SABKO” MMC ilə bağlanılıb. Qeyd edək ki, “SABKO” MMC 01.09.2014-cü ildə dövlət qeydiyyatına alınıb, nizamnamə kapitalı 10 manatdır. MMC-nin qanuni təmsilçisi Safıqov Amil Telman oğludur. MMC 5 milyon manat civarında dövlət vəsaiti hesabına Mingəçevir şəhərində fəaliyyət göstərən 21 məktəbəqədər təhsil müəssisəsini yeməklə təchiz etməlidir. Bu isə il ərzində Mingəçevir şəhərində hər bir uşaq bağçasına il ərzində orta hesabla 223 940 manat xərc çəkilməsi deməkdir.
Elektron mediada MMC-nin 2021-ci ildə Qida Təhlükəsizliyi Agentliyi tərəfindən istehlakçı hüquqlarının qorunması və həmçinin qida təhlükəsizliyinin təmin edilməsi məqsədi ilə yoxlanıldığı bildirilir və göstərilir ki, yoxlama zamanı məhsulların saxlanma qaydaları və temperatur rejiminin kobud şəkildə pozulduğu məlum olub. Belə ki, müəssisənin dondurucu və soyuducu kamerasında, rəflərdə məhsulların açıq vəziyyətdə, mal qonşuluğu qaydalarına, saxlanma temperaturuna riayət olunmadan, qida və qeyri-qida məhsullarının eyni sahədə yanaşı saxlanıldığı və istifadə müddəti bitmiş məhsullar aşkarlanıb. Eyni zamanda, içkilərin saxlanma sahəsində divarın tamlığının pozulduğu, müəssisədə dezinfeksiya, dezinseksiya və deratizasiya işlərinin aparılmadığı, işçilərin ilkin və dövri olaraq tibbi müayinədən keçmədiyi müəyyən olunub.
Qanunvericiliyin və texniki hüquqi normativ aktların tələblərinə uyğun olaraq mənşəyi məlum olmayan və istifadə müddəti bitmiş məhsulların satışının qadağan edilməsi barədə məhdudlaşdırıcı qərar qəbul edilib. Məhsullardan nümunələr götürülərək Qida Təhlükəsizliyi İnstitutunun müvafiq laboratoriyasına təqdim edilib.
Göründüyü kimi Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi məktəbəqədər təhsil müəssisələrinin yeməklə təchizatına cəlb etdiyi MMC-lər, müvafiq sanitar norma və qaydaların tələblərinə uyğun olmadığına görə ictimai iaşə xidməti göstərməsinə icazə verilməyən, istifadə müddəti bitmiş, mənşəyi məlum olmayan məhsullarin satışının qadağan edilməsi barədə rəsmi dövlət qurumunun qərar qəbul ediyi MMC-lərdir.
Apardığımız araşdırmalar zamanı əldə etdiyimiz bu məlumatlar bir daha onu göstərir ki, dövlət körpə vətəndaşlarına sahib çıxır, onların sağlam gələcəyini təmin etmək məqsədi ilə milyonlarla vəsait xərcləyir. Lakin məktəbəqədər təhsil müəssisələrində nəzərdə tutulan qidaların tam olaraq uşaqlara çatdırılıb, çatdırılmaması sual altındadır. Çünki bu vəsaitlərin böyük faizi unvanına çatana qədər bir sıra səlahiyyətli şəxslər tərəfindən oğurlanır. Yəni kağız üzərində göstərilənlər başqa, reallıqlar isə tamam başqadı.

Aktualinfo.org

“Premium Bank” ASC-nin Müşahidə Şurasında dəyişiklik edilib.

Banker.az xəbər verir ki, bankın səhmdarlarının qərarı ilə Fərhad Baxşəliyev Adil oğlu Müşahidə Şurasının üzvü seçilib.

O bu vəzifədə Gülbəniz Ağayeva Hüsü qızını əvəz edib.

Hazırda “Premium Bank”ın Müşahidə Şurası bir sədr və iki üzvdən ibarətdir. Hazırda sədr Elçin Əhmədov Eldar oğlu və digər üzv isə Camal Paşayev Adil oğludur.

Azərbaycan ərazisində xüsusi karantin rejiminin müddəti uzadılıb.

Bununla bağlı Baş nazir Əli Əsədov Qərar imzalayıb.

Qərara əsasən, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2024-cü il 2 aprel saat 06:00-dək uzadılıb.

Qeyd edək ki, bundan əvvəlki Qərar 2024-cü il 2 yanvar saat 06:00-dək olan dövrü əhatə edib.

“İlhamə Quliyeva heç vaxt Əli Mirəliyevi yaxınına buraxmayıb. Əli nə yerini, nə rəftarını, nə də ki, danışığını bilir. İlhamə hər zaman belə insanlardan uzaq olub”.

Bizim.Media xəbər verir ki, bu sözləri mərhum Xalq artisti İlhamə Quliyevanın bacısı Gülbahar Quliyeva qonaq olduğu “O üz” verilişində deyib.

Sənətkarın bacısı özünü onun qohumu kimi qələmə verən müğənni Əli Mirəliyevi məhkəməyə verəcəyəni açıqlayıb:

“İlhamə Quliyeva özünə hörmət edən insan, xanım olub. Mən Əli Mirəliyevlə məhkəmədə görüşəcəyəm. Əlini məhkəməyə verəcəyəm. Nə qədər olar? İlhamə Quliyeva 7 ildir ki, dünyasını dəyişib. Əli Mirəliyev dayanmır ki, dayanmır. Sən İlhamə Quliyevaya nə vermisən ki, ala bilmirsən? Belə biabırçılıq olar?”

Xatırladaq ki, Əli Mirəliyev bir müddət əvvəl müsahibələrin birində “Gülbahar, utanmadın, gəlib onun avtomobilinə, şəhərdəki evlərinə, bağına sahib oldun? Sən onun düşmənisən. İlhamə Quliyevanın qəbri niyə belə toz içində qalmalıdır? Mal-mülkü şirindirsə, qəbri də sizə əziz olmalıdır. İlhamənin qardaşı dünyasını dəyişib. İlhamə digər bacısı İradəni çox istəyirdi. Lakin Gülbahardan zəhləsi gedirdi.

Bunu mən çox yaxşı bilirəm. İlhamə qızıma vəfat etməzdən əvvəl demişdi ki, mən öləndən sonra bacılarımı qəbrimə yaxın buraxma. Onun mülkləri ögey bacılarına qismət oldu, amma xarici pasportu mənə” fikirlərini səsləndirmişdi.

Qeyd edək ki, İ.Quliyeva sağlığında “Mənim Əli Mirəliyev adında qohumum yoxdur. Yalan söyləyir. O, mənim qohumum deyil. Özünü mənim sayəmdə reklam etməsin. Mən bunu ona qadağan edirəm” açıqlamasını vermişdi. Ekspertizanın ilkin nəticələrinə əsasən, Xalq artisti trombdan (qan damarının tutulması) 2016-ci ildə dünyasını dəyişib.

O, 80-cı illərdə qısa müddətli ailə həyatı qurub. Çox qısa sürən bu evlilik zamanı o, hətta həyat yoldaşının soyadını – Mirmöhsünovanı daşıyıb.

İlhamə xanımın həyat yoldaşı isə Faiq Mirmöhsünov olub. Lakin İ.Quliyeva qısa müddətdən sonra bu evliliyə son qoyub, yenidən Quliyeva soyadına qayıdıb. Xalq artistinin övladı olmadığı üçün, o, Orxan adlı oğlanı övladlığa götürüb. Quliyeva məşhur müğənni Tükəzban İsmayılovanın qızıdır.

Keçmiş Əmək və Əhalinin Sosial Müdafiəsi naziri Füzuli Ələkbərovun ailə üzvlərinə məxsus Böyük Britaniyada yerləşən otel kompleksi yenidən fəaliyyətini bərpa edib.

Qeyd edək ki, bu barədə ilk xəbəri araşdırmaçı jurnalist Cavanşir Həsənli açıqlasa da, keçmiş nazirin kimliyi barədə dəqiq bilgi verməmişdi. Laki bizim bloq söhbətin məhz Azərbaycanda və ölkə kənarında böyük biznes şəbəkəsi olan Füzuli Ələkbərovdan getdiyini dəqiqləşdirə bilib.

C.Həsənlinin açıqlamasında deyilirdi: "Bu, Şotlandiyada 19-cu əsrdən qalma oteldir. Bizim sabiq nazirlərdən birinin ailə üzvlərinə məxsusdur. Ötən il yanmışdı, bərpa olunub yenidən istifadəyə verilib..."

Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...