Xəbər verdiyimiz kimi, Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında aparılmış danışıqlar nəticəsində humanizm prinsipinə sadiqlik ruhunda, xoş niyyət göstəricisi olaraq iki ölkə arasında qarşılıqlı etimad tədbiri kimi Azərbaycan tərəfindən erməniəsilli 32 şəxsin, Ermənistan tərəfindən isə 2 Azərbaycan hərbçisinin azad edilməsi barədə razılıq əldə edilib.

Razılaşmaya uyğun olaraq Ermənistanda həbsdə olan Bəbirov Aqşin və Axundov Hüseyn əsirlikdən azad olunur.

Məlum olduğu kimi, bu gün səhər saatlarında Bakıda və Abşeron yarımadasında zəlzələ olub. Bu hadisə haql olaraq yeni tikilərin etibarlılıq məsələsini gündəmə gətirib.

Sosial şəbəkələrdə ən çox müzakirə olunanlardan biri də BAŞIBƏLALI "Kristal Abşeron", daha dəqiqi bu şirkətin tikdiyi binalardır...

Xatırladaq ki, deputat Ağalar Vəliyevə aid olan bu şirkətin adı yerli KİV-də əsasən mənfiyə hallanmaqdadır.

Elə buna söykənən jurnalist Arifə Əliyeva da qeyd edir:

"Hələ zəlzələ 5.4 bal gücündə olmuşdu.

Təsəvvür edin... 'Kristal Abşeron" un binası ləngər vururdu..."

Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

Bakıda reklamın binanın fasadında (boyama, yapışdırma və digər metodlarla) yerləşdirilməsinə yol verilməyəcək.

Bu, Nazirlər Kabinetinin qərarı ilə təsdiq edilən “Bakı şəhərinin ərazisində olan binalarda yerləşdirilən reklam qurğularına dair xüsusi tələblər”də əksini tapıb.

Qeyd edilib ki, reklamın binanın fasadında dekorativ-bədii və (və ya) mətn təsvirinin bilavasitə çəkilməsi yolu ilə (boyama, yapışdırma və digər metodlarla) yerləşdirilməsi; həmçinin, reklam məqsədilə pəncərə və divar oyuqlarının, həmçinin onların çərçivələrinin (impostlarının) bağlanmasına, boyanmasına və dekorativ plyonkalarla örtülməsi qadağandır.

Bildirilib ki, fasad reklamları memarlıq abidələrinin (binalarının) kompozisiyasına, üslubuna, ornament və ya naxışlarına, o cümlədən fasadlarının dekorasiyasına xələl gətirmədən, rənglərin və rəng birləşmələrinin məhdud istifadəsi, fasadın rəngi ilə harmoniyası nəzərə alınmaqla yerləşdirilməlidir.

Gəncə Şəhəri son 5 il də abadlıq işlərinə həsrət qalıbdır. Şəhər meri Niyazi Bayramov bir dəfə daşı-daş üstünə qoymayıb. Lakin durmadan tender elan edir, abadlıq işlərinə və ya yolların təmirinə. Heç Dövlət qurumlarından soruşan yoxdur ki, Niyazi Bayramov Gəncə Şəhərinə ayrılan Tenderlər nəyə və hara xərclənibdir. Gəncə Şəhərinin yolları, küçələri göz qabağındadır.

Yoxsa Şəhər meri tenderlərin pulunu oğluna bahalı 904 markalı maşınlar alaraq maliyyə pozuntusu edir, bax bu sual altındadır.

Gəncə şəhər icra hakimiyyətininim tabeliyində olan Mənzil-Kommunal Təsərrüfat İstehsalay Birliyi 95 gündə tender “alış-veriş”ində 3 milyon manatdan çox pul xərcləyib.

İcra Hakimiyyətinin büdcəsindən 3 milyon manatdan çox pulun xərcləndiyi tender siyahısını təqdim edirik.

“VEDİ CONSTRUCTİON” Məhdud Məsuliyyətli Cəmiyyəti ilə “Gəncə şəhərinin küçə və prospektlərində hasarların əsaslı təmiri və abadlıq işlərinin satınalınması”na görə – Məbləğ: 897.240,78 AZN.

Bu şirkətin qanuni təmsilçisi EMİN ƏLİYEV ELDAR OĞLU, nizamnamə kaputalı 500 AZN-dir.

“ELVİ.M.M. SERVİCES GROUP” MƏHDUD MƏSULİYYƏTLİ CƏMİYYƏTİ ilə “Gəncə şəhərinin istirahət parklarında əsaslı təmir və abadlıq işlərinin satınalınmsı”na görə – Məbləğ: 1.623.552,89 AZN

Bildirək ki, bu şirkətin qanuni təmsilçisi COŞQUN İSGƏNDƏROV FƏXRƏDDİN OĞLU, nizamnamə kaputalı 834127 AZN-dir.

“ GÖYGÖL TİKİNTİ” Məhdud Məsuliyyətli Cəmiyyəti ilə “Gəncə şəhər ərazisində işıqlandırma sistemlərinin əsaslı təmir işlərinin satınalınması”na görə – Məbləğ: 610.639,52 AZN.

Küçələri işıqlandırmaq üçün Yarım milyon manatdan çox pul köçürülən “GÖYGÖL TİKİNTİ” MMC-nin nizamnamə kapitalı cəmi 10 manat, qanuni təmsilçisi ANAR TAĞIYEV ƏHMƏD Oğludur.

Dövlət qurumları bunun açıqlamasını Gəncə İcra Hakimiyyətindən alaraq aydınlıq gətirməlidir.


Təqdim etdi: DİA-AZ.COM (Ərsoyun Bloqu)

“Azərsu” ASC-də yenilənmə qohumbazlıq prinsipi ilə gerçəkləşir…
Yenixeber.org: Prezident İlham Əliyevin 17 noyabr 2023-cü il tarixdə imzaladığı “Azərbaycan Dövlət Su Ehtiyatları Agentliyinin fəaliyyətinin təmin edilməsi ilə bağlı bir sıra tədbirlər haqqında” fərmana əsasən, qurum haqqında Əsasnamə, eləcə də Agentliyin strukturu təsdiq edilib.
Azərbaycan Dövlət Su Ehtiyatları Agentliyi yarandıqdan sonra sədr Zaur Mikayılovun əmri ilə “Azərsu” Açıq Səhmdar Cəmiyyətinin idarəçiliyi bu qurumun rəhbəri vəzifəsini icra edən sədr müavini Köçərli Həsənova etibar edildi. Köçərli Həsənovun 2 illlik fəaliyyəti isə qeyri-qənaətbəxş kimi qiymətləndirilə bilər. Bu günlərdə Yenixeber.org-a məlumat verən etibarlı mənbə bildirir ki, ASC-nin sabiq prezidenti Qorxmaz Hüseynovun gedişindən sonra kadrlar əsas etibarı ilə Köçərli Həsənovun qohumları hesabına yenilənsə də, müsbət istiqamətdə keyfiyyət dəyişikliyi müşahidə olunmayıb, hər şey bir əldə cəmlənib:
“Məsələn, paytaxtda və əksəriyyəti bölgələrdə olmaqla, qanunsuz tikilmiş fərdi ev və obyektlərə texniki şərtlərin verilməsinə nəzarəti Köçərli Həsənov öz qardaşı oğlu Orxana verdi. ASC-nin yerlərdə apardığı tikinti işlərini isə Köçərli Həsənov qudası Misirə etibar etdi. Həsənovun digər qohumu Samir Qənili isə İT texnologiyaları üzrə departamentə rəis təyin olundu. Qəribədir ki, Samir Qənili birbaşa vəzifəsi olmayan işlərdə - satınalmalarda, hüquq mübahisələrində, kadrlara dərəcələrin verilməsində, başı çıxmadığı mexanika və energetika məsələlərində də söz sahibinə çevrilib. Samirin belə “əziz-xələfliyi” səbəbindəndir ki, təsdiq olunmuş xərclər smetasının 80 %-nin onun departamentinə ötürülməsinə, İT avadanlıqlarının alınmasına qərar verilib.
Köçərli Həsənovun vəzifələrə təyin etdiyi digər kadrların da peşəkarlıqları və reputasiyaları şübhə doğurur. Belə ki, Kənd Təsərrüfatı Nazirliyindən qalmaqalla, biabırcasına qovulan Zemfira adlı qadının da işə qəbulu birmənalı qarşılanmadı. Cəmiyyətdə kinayə ilə danışılır ki, Qorxmaz Hüseynovun hakimiyyəti dövründə “hər günə bir Cəbrayıllı” şüarı dəbdə idisə, Köçərli Həsənovun zamanında “hər saatda bir Saatlılı” devizi moddadır. Sanki idarə onlara atalarından miras qalıbmış kimi Samir Qənili deyirdi ki, “mənim də, Köcərli müəllimin də ermənistanlı və naxçıvanlılardan zəhləmiz gedir, bircə onları təmizləsəydik...!”
Mənbənin bildirdiyinə görə, Köçərli Həsənovun yarıtmaz idarəçiliyi həm də səmərəsiz xərclərlə və ASC-nin tərəfdaşlarına hörmətsiz münasibətlə müşayiət olunub. Səmərəsiz xərclər dedikdə heç də qeyri-peşəkar kadrlara ödənilən haram məvaciblər nəzərdə tutulmur. Lüzumsuz, rəqəmləri şişirdilmiş İT layihələrinə, tikinti-təmir işlərinə investisiyalar qoyulmuş, qabaqcadan sövdələşmələrə əsasən 30 və daha yuxarı faizlə podratçılardan “otkat” alınmışdır. Qeyd olunur ki, daxili vəsaitə görə 10%, büdcə vəsaitinin yönləndirilməsinə görə isə 30 % “otkat” tələb olunur. Ən böyuk layihələrdən olan Ceyranbatan Su Anbarının SKADA xərclərinə üç - beş dəfə artıq pullar xərclənib. K. Həsənov Yeni Kür serverinin qurulmasına isə 4-5 mln. manat vəsait ayırtdırıb ki, bu da Ceyranbatan sutəmizləyici qurğularının serverinə xərclənəndən 8-10 dəfə çoxdur”.
Məlumatda qeyd olunan maraqlı nüanslardan biri də ondan ibarətdir ki, son iki ildə yığımda 192 mln. manat artım olmasına və 2020-ci ildə ASC-nin vergi borcunun sıfırlanmasına baxmayaraq, Köçərli Həsənov özünün işlədiyi dövrdən əvvəl yaranmış borcları mal göndərən və iş-xidmət yerinə yetirən şirkətlərə ödəməkdən imtina edir: “Borclar isə 5 mln. manatdan hazırki 35 mln. manata qalxıb. Misal üçün, "izol beton" , "T.P injenerinq", "Kaskad hidro" və digər kreditorlarla mübahisələr “dalana dirənib”. Yəqin, K.Həsənov “öz könlündəkini anlayır”, belə fikirləşir ki, “köhnə işlərə görə “otkatı” başqası alıb, borcu mən niyə ödəməliyəm?” Hələ tariflərin dəyişmədiyi 2019-2020-ci illərdə aylıq yıgım 20 mln. manat təşkil edirdi, tarif dəyişikliyindən sonra isə təkcə əhali qrupundan yığılan pullar aylıq 8-10 mln. manat artdı. Bu isə illik 96-120 mln. manat əlavə gəlir deməkdir. Xərclənməsində isə nəzarət, şəffaflıq təmin olunmur.

Etibar Məmmədovun “ağsaqqallığ”ı

Köçərli Həsənovun ən yaxın korrupsiya ortağı olan “Azərsu “ Açıq Səhmdar Cəmiyyətinin sədr müavini, “Birləşmiş Sukanal” MMC-nin direktoru Etibar Məmmədov dövlət investisiyalarının “yerbəyer” olunmasına, icrasına “ağsaqqallıq” edir. Etibar Məmmədovun yeznəsi – Yasamal rayon Su-Kanal İdarəsinin rəisi Ramin bəy xüsusi imtiyaza malik olduğundan, hər cür özbaşınalıqlara gedir, texniki şərti özü satır, xətlərin köçürülməsi, qoşulma, kod açma, sayğac qoyma və s. bütün işlərə görə “ödənişi” istehlakçıdan heç kimə ETİBAR etmədən özü alır.
Etibar Məmmədov “Azərsu" ASC-yə sədr gətirilir? Pravda.az

Etibar Məmmədov

Təmənna qarşılığında göz yumulan, səhlənkarlıq ucbatından nəzarətdən yayınmış su itkilərini süni şəkildə azaltmaq üçün yerlərdə əhali qrupundan olan istehlakçılara su verilişi fasilələrlə dayandırılır və bununla da Dövlət Su Ehtiyatları Agentliyi aldadılır.
***
Biz Yenixeber.org olaraq bu yazıda yer alan və yer almayan faktlarla bağlı qarşı tərəfi də dinləmək istədik. Təəssüf ki, bu istiqamətdəki cəhdlərimiz nəticəsiz oldu. Hətta rəsmi məktubumuz da hələ ki, cavabsız qalıb(?)
Qarşıdakı günlərdə aşağıdakı suallara aydınlıq gətirəcək növbəti yazımız olacaq.
Etibar Məmmədov vəzifə karyerasında hansı postu hədəfləyib?
Bu istiqamətdə hansı yüksək çinlilərin adı hallanır?
Qaradağ Rayon SuKanal İdarəsinin rəisi Elnur Əliyev niyə işdən çıxarıldı?
Böyük diametrli boruların çıxarılaraq, satışına görə kimlər qurban verildi?
Bu olayda Köçərli Həsənovun adı necə hallanırdı?
50 min manata yaxın “şirinlik” necə ört-basdır edildi?
Məmmədrəsul İlyasov hansı səbəblərdən vəzifədən alındı?
Rəhbərliyi satmayanların mükafatları nə oldu?
“Bakı Sukanal” idarəsini kimlər və niyə hədəfləyib?
Və.s.

Yenixeber.org

"Sədərək" Ticarət Mərkəzi bağlana və ya başqa adla digər ticarət mərkəzlərindən nəzdində fəaliyyət göstərə bilər.

Bu barədə Ölkə.Az-a etibarlı mənbələrdən məlumat verilib.

Ötən gün Fövqəladə Hallar Nazirliyinin yanğın nəzarəti və yanğından mühafizə xidməti qurumlarının “Sədərək”də keçirdiyi yanğın təhlükəsizliyi təlimi zamanı ciddi nöqsanların aşkarlanması bu ehtimalı gücləndirib.

Bundan əlavə, azərbaycanlı alıcıların "Trendyol" vasitəsilə onlayn alış-verişə üstünlük verməsi nəticəsində bazarda satışların azalması ilə bağlı məlumatlar da sadalanan səbəblər arasındadır.

Yayılmış iddialarla bağlı Ölkə.Az-a danışan "Sədərək" TM-in sözçüsü Kəmaləddin Qədim məlumatların həqiqətə uyğun olmadığını deyib:
"FHN-in burada xüsusi bölməsi də fəaliyyət göstərir. Sadəcə olaraq təlim keçirilib. Bu da həmişə olan bir məsələdir. Ticarət mərkəzi böyük bir ərazini əhatə edir, onminlərlə mağaza, 30-40 mindən artıq sahibkar, işçi var. Bu boyda yeri kim bağlayacaq?! Yayılmış məlumatların heç bir məntiqi və əsası yoxdur.

"Sədərəy"in bağlanacağı ilə bağlı əvvəllər də dəfələrlə məlumatlar yayılıb. Heç bir əsası olmayan məlumatlardır".
Ticarət mərkəzinin sözçüsü vətəndaşların xarici ölkələrdən onlayn alış-verişə üstünlük verməsinə görə satışların azalması barədə deyilənlərə də münasibət bildirib:

"Belə bir məsələ yoxdur. O kiçik bir detaldır. Onlayn yolla Türkiyədən, başqa ölkələrdən mal alanlar az bir qisimdir. "Sədərək" TM o qədər böyük bir ərazidir ki, təkcə Bakını əhatə etmir. Azərbaycanın bütün rayonlarından bura gəlib mal alırlar, rayonlarda, kəndlərdə satışı təşkil olunur. "Tredyol"dan mal alanların bura cüzi bir təsiri ola bilər. Dediyim kimi, kiçik bir şeydir, "Sədərəy"ə güclü təsir göstərmək imkanında deyil".

Prezident İlham Əliyev Növbədənkənar Azərbaycan Respublikası Prezidenti seçkilərinin elan edilməsi haqqında sərəncam imzalayıb.

Sərəncamın mətnini təqdim edir:

1. Növbədənkənar Azərbaycan Respublikası Prezidenti seçkiləri elan edilsin.

2. Azərbaycan Respublikasının Mərkəzi Seçki Komissiyası növbədənkənar Azərbaycan Respublikası Prezidenti seçkilərinin 2024-cü il fevralın 7-nə təyin olunmasını və Azərbaycan Respublikasının Seçki Məcəlləsində müəyyən edilmiş qaydada keçirilməsini təmin etsin

Aktualinfo.org iki ay əvvəl Kənd Təsərrüfatı Nazirliyi Aqrar Elm və İnnovasiya Mərkəzinin Bitki Mühafizə və Texniki Bitkilər Elmi-Tədqiqat İnstitutunda dövlət vəsaitlərinin təyinatından kənarlaşdırılması, formal tenderlərin keçirilməsi barədə məlumat yaymışdı. Bitki Mühafizə və Texniki Bitkilər Elmi-Tədqiqat İnstitutunun direktoru İbrahim Cəfərov isə özünəməxsus tərzdə mətbuata açıqlama vermişdi ki, “bunların mənim rəhbərlik etdiyim institutun işindən xəbəri yoxdur. Adama sual edərlər ki, sən hardan bilirsən ki, Bitki Mühafizə və Texniki Bitkilər Elmi-Tədqiqat İnstitutunda aqrar sahənin inkişafına aid elmi-tədqiqat işi ilə məşğul olunmayıb.Demək ki, sən sayt olaraq, bizim hesabatlardan da xəbərsizsən.”

Aktualinfo.org olaraq İbrahim Cəfərovun diqqətinə çatdırmaq istərdik ki, hesabatlar gərək açıqlansın ki, xəbərimiz olsun. Sorğu məktublarına gərək cavab verilsin ki, xəbərimiz olsun və bizdə dəqiqləşdirilməmi məlumatları yaymayaq. Digər tərəfdən, bizim açıqladığımız məlumatlar Antiinhisar və İstehlak Bazarına Nəzarət Dövlət Xidmətinin rəsmi portalından götürülmüş məlumatlardar ki, biz onları rəsmi hesab edirik.

Xatırladaq ki, Bitki Mühafizə və Texniki Bitkilər Elmi-Tədqiqat İnstitutunun Ucar rayonunun Qarabörk kəndində yerləşən Şirvan Təcrübə Stansiyasında satınalmaların təşkili zamanı yol verilən qanun pozuntularına da toxunmuşduq. Stansiyanın cari il ərzində tikili və avadanlıqların cari təmiri, 2 ədəd elmi tədqiqat xidmətlərinin satın alınması, 2 ədəd sair torpaq, tikili və avadanlıqların satın alınması, istehlakyönlü müxtəlif xidmətlərin satın alınması, bioloji aktivlərin satın alınması kimi kotirovka sorğuları barədə dövlət satınalmalarının vahid internet portalında heç bir məlumat yerləşirilməyib. Bu da təbii ki, keçirilmiş kotirovka sorğusu prosedurlarında saxtakarlıq hallarına yol yerildiyinə əsaslı şübhələr yaradır.

İbrahim Cəfərov özü də etiraf edir ki, “müəyyən çatışmazlıqlar mövcuddur, bunların aradan qaldırılması üçün vaxtaşırı işlər həyata keçirilir”.

Catışmazlıqların nədən ibarət olduğunu İbrahim Cəfərov açıqlamır. Çünki, bizim yazdıqlarımızın doğru olduğunu özü də bilir. Hesablama Palatasının Şirvan Təcrübə Stansiyasında keçirdiyi auditdən sonra külli miqdarda dövlət vəsaitinin mənimsənildiyi aşkarlanıb və bizim yazdıqlarımızın doğru olduğu təsdiqini tapıb.

Ucardan redaksiyamıza verilən ən son məlumata görə Təcrübə Stansiyasının direktoru Qəhrəman Qəhrəmanov işdə yol verdiyi ciddi nöqsanlara görə üç gün əvvəl tutduğu vəzifədən azad edilib. Təhvil-təslim zamanı isə Stansiyadan 136 ton taxılın yox olması ortaya çıxıb. Məlumata görə Qəhrəman Qəhrəmanov 100 ton arpanı, 36 ton buğdanı sataraq pulunu mənimsəyib. Ötən il də 55 ton buğdanı sataraq dövlətdən gizlətdiyi məlum olub. Bunlardan İbrahim Cəfərovun bir direktor kimi xəbərsiz olması isə heç inandırıcı görsənmir. Xəbərsiz olubsa, onda hara baxırmış, İbrahim Cəfərov?

Bizə verilən məlumatlara görə artıq prokurorluq orqanları Şirvan Təcrübə Stansiyasında yoxlamalara başlayıb. Burada daha çox dövlət vəsaitinin mənimsənilməsi faktlarının aşkar olunacağı istisna deyil. Mövzuya bir daha qayıdacağıq.

Mənbə: Aktualinfo.org

Azərbaycanın mərc bazarında “Topaz”la birlikdə “at oynatmaqda” davam edən “Misli”dən və “Azərlotoreya”dan şikayətlər artmaqdadır...

Hər gün neçə-neçə sadəlöhv və kasıb vətəndaş asan qazanc əldə etmək, problemlərdən qurtulmaq arzusuyla cibində olan son qəpik-quruşu da qumar şirkətlərinə uduzur.

Dəfələrlə vurğulanıb ki, “Azərlotoreya”nın təklif etdiyi mərcə və digər qumar oyunlarının arxasında böyük hiylə dayanır. Burda qazananlar tək-tük olsa da, uduzanlar, müflisləşənlərin sayı xeyli çoxdur. Özü də “Misli”nin fəaliyyəti zamanı dəfələrlə qanun pozuntularına yol verilir, müştərilər aldadılır. Baş verənlər çoxlarını dilə gətirib, müxtəlif şəxslər cəmiyyətə “Misli”nin toruna düşməməklə bağlı çağırış edir, insanları fırıldaq qurbanı olmaqdan çəkindirməyə çalışır.

Belə çağırışlardan birini idman jurnalisti Ağa Dadaşzadə özünün sosial şəbəkə hesabından edib. Başına gələnlərlə bağlı videomüraciət yayımlayan Dadaşzadə izləyicilərinə bunları deyib:

“Sizə “Azərlotoreya”nın və “Misli”nin fırıldağından danışmaq istəyirəm. Dəfələrlə bir çoxlarının başına gəlib. Onlayn formada “Misli”nin saytından pul qoyuluşu etmək istəyirsən. Misal üçün, “Real”la “Barselona” qarşılaşır. Ev sahiblərinin qələbəsi 1,76-a bərabərdir. Pulu yükləyirsən, oyunu seçirsən və qəfildən görürsən ki, sistem dondu. Sənin hesabından isə pul çıxılır. Baxırsan ki, oyun 0:0 hesabıyla davam edərkən sistem 2-3 dəqiqə ərzində dondu. Açılanda görürsən ki, sən uduzmusan, oyunun axarı artıq başqa cürdü. Problem bir dəfə olar, iki dəfə olar. Amma onlarda davamlı belə olur. Canlı mərc edərkən heç təhlükəli vəziyyət yaranmamış, hansısa penalti vəziyyəti belə olmamış sistemi dondururlar. Buna görə də mən sizə “Misli”dən mərc etməyi məsləhət görmürəm. Onların hər cür fırıldaqçılıqları var. Zəng edib şikayət edəndə də adamın üzərinəd “bozarırlar”, adamı haqsız çıxarmağa çalışırlar”.


Qeyd edək ki, bu cür şikayətlər sosial şəbəkələrdə tez-tez yayılır. “Misli”nin toruna düşən sadə vətəndaşlar öz narazılıqlarını dilə gətirir, “Azərlotoreya”nın belə əməllərindən şikayətçi olurlar.

Mövzunu diqqətdə saxlamağa davam edəcəyik.

Poliqon.info

Qarabağda gorbagor(!) olmuş separatçı-terrorçu rejimin keçmiş “müdafiə naziri” və “təhlükəsizlik şurası”nın katibi Samvel Babayanın 44 günlük müharibədə baş verənlərlə bağlı Xankəndindəki qondarma “prokurorluğ”a verdiyi ifadəsi üzə çıxıb.

Moderator.az xəbər verir ki, həmin ifadənin maraqlı məqamlarını “Hraparak” nəşri yayıb.

Erməni nəşri Ermənistan və Qarabağda hərbi səfərbərliyin təşkili və Gəncə şəhərinin atəşə tutulmasından bəhs edən bir hissəsini təqdim edib.
Həmin hissədən bu gün dərc odulmuş parçanın tərcüməsini oxucuların nəzərinə çatdırırıq:
“Müstəntiq : "Müharibə zamanı Ermənistanda və artsaxda hərbi səfərbərliyin təşkili prosesini necə qiymətləndirərdiniz? Bu, kifayət idi, ya yox? Əgər yoxsa, sizin fikrincə, çatışmazlıqların səbəbi nə idi?"

Samvel Babayan : “Müdafiə yanlış planlaşdırılıb. Hərbi qulluqçular peşə və ərazilərə görə düzgün bölünməmişdir. Yəni şəxsi heyət hərbi ixtisaslar üzrə bölüşdürülməyib və relyefə bələd deyil, döyüş tapşırığını yerinə yetirmək iqtidarında deyildi... Fərarilik halları çox olub. Fərarilik hallarının qarşısını almaq üçün Ermənistan Polisi və Milli Təhlükəsizlik Xidməti tərəfindən işlər görülməli idi, məndə olan məlumata görə, tərksilah edilmiş bir çox vətəndaş artsax ərazisini maneəsiz tərk edə bilmiş və ya artsaxda qalmış, lakin gizlənmişdir. Səfərbərliyin hazırlanmasına ER Silahlı Qüvvələrinin Baş Qərargah rəisi və Ermənistan Respublikası Müdafiə Ordusu Baş Qərargah rəisinin müavini cavabdeh idi. Son 20 ildə bu vəzifələri tutan şəxslər öz vəzifələrini yarımçıq yerinə yetiriblər”.

Müstəntiq onu da soruşub ki, Gəncə şhərinin atəşə tutulmasına kim göstəriş verib, bu, Araik Arutyunyanın əmri ilə edilibmi?”
“Hraparak” S.Babayanın ifadəsinin bu epizodunun ardını sabahkı sayında təqdim edəcəyini bildirib.