Min illərin sınağından çıxmış müdriklərin belə bir sözü var: “Bu dünyada əvəzolunmaz adam yoxdur”...
Amma Tibbi Ərazi Bölmələrini İdarəetmə Birliyinin ( TƏBİB-in) rəhbərləri deyir ki, müdriklər heç nə bilmir, Səkinə Sadıxova əvəzolunmaz kadrdır. Söhbət 2019-cu ildən Sumqayıt Səhiyyə şöbəsinin müdiri, hazırda Sumqayıt Tibb Mərkəzinin ( Publik Hüquqi Şəxs) direktoru olan Səkinə Sadıxovadan gedir.
Təsəvvür edirsiniz, 300 min əhalisi olan Sumqayıt şəhərinin səhiyyəsinə rəhbərlik edən bu xanıma TƏBİB rəhbərliyi Abşeron, Xızı səhiyyəsini də tabe edib. Yəni məlumatı olanlar bilir ki, TƏBİB-in rəhbərliyi müxtəlif səhiyyə qurumlarını birləşdirərək Tibb Mərkəzləri yaradıblar. Və müxtəlif, biri-biri ilə əlaqəsi olmayan xəstəxanalar bir mərkəzdə birləşdirilib və bir nəfərə tabe edilib. Sözün qısası, Səkinə Sadıxova Sumqayıt şəhərinin, Abşeron, Xızı rayonlarının səhiyyə müəssisələrini öz dədəsinin obyekti kimi işlədir. Atalar deyir ki, söz sözü gətirər.
Yazının bu yerində dəqiq bildiyimiz bir fakt yada düşdü. Belə ki, rayonlardan birində böyük bir qəsəbənin bələdiyyə sədri loru dildə desək “9-B” XƏSTƏSİDİR. Yəni müharibədə iştirak etməmək üçün özünə həkim komissiyası vasitəsilə belə bir sənəd alıb. Və bir neçə ildən sonra icra başçısının dəstəyi ilə böyük bir qəsəbənin bələdiyyə sədri seçilib.
Təsəvvür edirsiniz belə xəstələrə nəinki rəhbərlik, hətta sürücü işləmək qanunla qadağandır. Amma FƏRARİ olan “9-B” xəstəsi hazırda bələdiyyə sədridir və torpaq satmaqla milyonlar qazanır. Hələ biz Milli Məclisdə Mahir Abbaszadə kimi əsgərlikdən yayınan nə qədər millət vəkili tanıyırıq. Bu başqa bir yazının mövzusudur.
Oxucular düşünə bilər ki, bunun Səkinə Sadıxovaya nə dəxli ola bilər..?
Məlumat üçün qeyd edək ki, Səkinə Sadıxova özünü insanlara VERGİLİ kimi təqdim edir, guya ona VERGİ verilib və s. Hətta Səkinə Sadıxovanın bir müddət ruhi-psixoloji problemlə bağlı dispanserdə müalicə olunması ilə bağlı məlumatlar da var.
Təsəvvür edirsiniz, özünün ruhi-psixoloji problemi olan bir adam 300 minlik Sumqayıt şəhərinin və üstəlik Abşeron və Xızı rayonlarının əhalisinin sağlamlığına nəzarət edir. Bu yerdə dahi Hüseyn Cavidin bir misrası yada düşür: RƏQSİ TƏLİM EDİYOR AXSAQLAR... Bəli, özünün MÜALİCƏYƏ ehtiyacı olan birisi, 100 minlərlə insanın sağlamlığına məsul şəxsdir...
Sözün qısası, Səkinə Sadıxovanın əməllərinin nəticəsi olaraq onun barəsində Maliyyə Nazirliyi və Korrupsiyaya Qarşı Mübarizə Baş İdarəsi Sumqayıt şəhər səhiyyəsində yoxlama aparıb və orada 6 milyon 427 min manat yeyinti olduğu bəlli olub. Və Səkinə Sadıxova barəsində Baş Prokuror Yanında Korrupsiyaya Qarşı Mübarizə Baş İdarəsində Cinayət Məcəlləsinin üç maddəsi ilə cinayət işi qaldırılıb. Cinayət Məcəlləsinin 179.3.2 (külli miqdarda mənimsəmə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanaraq ibtidai istintaq aparılır. Amma təəssüf ki, bu günədək Səkinə Sadıxova barəsində konkret tədbir görülməyib.
Təsəvvür edirsiniz, bu adam barəsində 6 milyon 427 min manat yeyinti ilə bağlı CM-nin 3 maddəsi ilə cinayət işi açılıb. Amma Səkinə Sadıxova heç nə olmayıb kimi oturub vəzifəsində. Bir sözlə, ölkənin Baş prokurorluğu Səkinə Sadxıova barəsində cinayət işi qaldırıb, digər dövlət qurumları bu qadının əməlləri barədə, külli miqdarda mənimsəmə ilə bağlı ortaya rəsmi sənədlər qoyublar...amma... Əmması odur ki, TƏBİB-in rəhbərliyi, daha dəqiq desək, TƏBİB-in icraçı direktoru Vüqar Qurbanov və onun müavini Araz Nəsirov deyir ki, Səkinə yekdir, ondan olmaz, onu əvəz edən kadr yoxdur və s... Hələ bu harasıdır..?
Redaksiyamıza daxil olan məlumata görə, Səkinə Sadıxova haqqında yazılanlardan, barəsində cinayət işindən yayınmaq üçün özünü “dəliliyə” vurub...işdə əsəbləşib saçlarını yolur, üzünü cırır...işçilərə qarşı kobudluq edir və s....
Sözün qısası, Sumqayıt sakinləri, səhiyyə işçiləri, bir qrup müharibə veteranları, millət vəkilləri üzlərini TƏBİB-in rəhbəri Vüqar Qurbanova tutaraq, uca səslə bildirirlər ki, artıq Səkinə Sadıxova ilə şəxsi münasibətlərinizi, şərikli biznesinizi dayandıraraq camaatımızın, işçilərimizin, seçicilərimizin və dövlətimizin xatirinə addımlar atın. Başa düşə bilmirik yuxarıda qeyd etdiyimiz kimi, Səkinə Sadıxovanın qarşısında hansı öhdəçilikləriniz varki, siz onu işdən azad edə bilmirsiniz, hörmətli Vüqar Qurbanov? Görəsən Səkinə Sadıxova ilə bağlı sizə yuxarıdan göstəriş gəlməlidirmi? Axı sən söz vermişdin.
P.S. Şəxsi münasibətlərin işə heç bir dəxli yoxdur, çox hörmətli dostlar! //gundelik-baku.com//

Hörmətli oxucular! Yəqin ki, tam əksəriyyət o haqda məlumata malikdir ki, 27 oktyabr 2023-cü il tarixdə deryaz.az saytında Bakı şəhəri, Nərimanov rayonu, ev-36, mən-34 ünvanında yaşayan Rzayeva Minaxanım Balaca qızının üzüzə qaldıqları problemlə bağlı etdiyi video-müraciəti əsasında məqalə yayımladıq və geniş ictimaiyyəti Səfərbərlik və Hərbi Xidmətə Çağırış üzrə Dövlət Xidmətinin Nərimanov rayon idarəsində yaşananlarla bağlı müəyyən qədər də məlumatlandırdıq. Yəni, yazıb qeyd etdik ki, Minaxanım Rzayevanın redaksiyamıza etdiyi video-müraciətdən oncə, bu xanımın nəvəsi Hüseyn Həsənzadə ilk əvvəl SHXÇDX-nin Nərimanov rayon idarəsi tərəfindən tibbi müayinədən keçirilir və ona həqiqi hərbi xidmətə yaralı olduğu bildirilir. Belə bir səbəbdən də, Hüseyn Həsənzadəyə 23 oktyabr 2023-cü il tarixdə hərbi xidmətə getmək haqda çağırış vərəqəsi verilir, hətta bu şəxsin mobil telefonuna “N” saylı hərbi hissəyə düşməsi haqda “SMS” də gəlir. Elə ki, Minaxanım Rzayeva nəvəsi ilə birlikdə 23 oktyabrda Nərimanov rayon idarəsində olur, o halda Hüseyn Həsənzadəni hərbi xidmətə deyil, təkrar müayinəyə göndərirlər. Müayinə zamanı həkimlər onun sol gözünə maye halında dərman tökürlər, az sonra isə Hüseyn Həsənzadənin gözündə problemin olduğunu qeyd edirlər. Bir sözlə, təkrar müayinədən sonra Minaxanım Rzayeva nəvəsinə 6 (altı) ay müddətinə möhlət vaxtı verirlər.

Elə ki, Nərimanov rayon idarəsində baş verən olayla bağlı 27 oktyabr 2023-cü il tarixdə deryaz.az saytında məqalə yayımlanır, o halda SHXÇDX-nin müstəntiqi Minaxanım Rzayevaya telefon zəngi edir və o, ondan baş idarəyə gəlməsini də xahiş edir. Bəli, 28 oktyabr 2023-cü il tarixdə Minaxanım Rzayeva baş idarədə olur və o, üzüzə qaldıqları problemlərlə bağlı yazılı izahatnı da yazıb verir. Az sonra ona problemin 10 (on) gün ərzində araşdırılacağını və ətraflı cavab veriləcəyini də bildirirlər. Bütün bunlar haqda redaksiyamıza növbəti dəfə video-müraciətini çatdıran Minaxanım Rzayeva qeyd edir ki,“Mən 28 oktyabrda baş idarədə oldum və orada məni çox hörmətlə-izzətlə qarşıladılar. Ümumi söz-söhbət zamanı mənə sual verib bildirdilər ki, “Demək sən SHXÇDX-nin rəisi cənab Mürsəl İbrahimovdan şikayət edirsən? Sən yaz ki, mən SHXÇDX-nin rəisindən şikayət etmirəm” deyə tapşırıq verildikdə, sanki çaşbaş qaldım. Belə bir sualın cavabında isə qeyd etdim ki, mən cənab Mürsəl İbrahimovdan şikayətçi deyiləm, sadəcə olaraq istəyirəm ki, o, Nərimanov rayon idarəsində baş verənlərin lazımi səviyyədə araşdırılması üçün müvafiq tapşırıqlarını versin. Ümidvaram ki, həyata keçiriləcək araşdırmalar ədalətli aparılacaq, bir sözlə ədalətsizlik olmayacaq” deməyi də unutmadı.

Bəli, biz də bir media qurumu olaraq Nərimanov rayon idarəsində baş verən olayların SHXÇDX-nin müstəntiqi tərəfindən necə araşdırılacağını, səhlənkarlığa, yaxud da qanunsuzluğa qol qoyan şəxslərin hansı formada cəzalandırılacaqlarını və s. diqqətdə saxlayıb, bu haqda da geniş ictimaiyyəti bir daha məlumatlandırmağa çalışacağıq. Faktdır ki, Minaxanım Rzayevanın və onun ailə üzvlərinin üzüzə qaldıqları problemlər, bugünkü gündə nə xalqımıza, nə də ki, dövlətimizə başucalığı gətirməyən hallardır. Qarşı tərəfin də mövqeyini dinləyə bilərik.

Mövzuya qayıdacağıq.

Deryaz.az

Teymur Əhmədov adına “AzNar” QSC-nin icra orqanı, direktorlar şurası və yeni redaksiyada nizamnaməsinin qəbulu barədə məsələlər müzakirə ediləcək.

DİA.AZ “Ölkə.Az”a istinadla xəbər verir ki, müzakirələr şirkətin 2023-cü il dekabrın 8-i saat 12.00-da səhmdarlarının növbədənkənar ümumi yığıncağında həyata keçiriləcək.

Məlumat üçün bidirək ki, bir müddət əvvəl “Aznar” şirkətinin rəhbəri dəyişmiş, Fərhad Əhmədovun qardaşı oğlu Teymur Fərəc oğlu Əhmədov şirkətin baş direktoru vəzifəsindən azad edilmişdi.

Həmçinin bu yaxınlarda “AzNar” QSC-nin restrukturizasiya ediləcəyi, QSC-nin əmlakı və onun törəmə müəssisələrinin əmlakı bazasında, o cümlədən “AzNar” QSC-dən ayrılma şəklində yeni təsərrüfat subyektlərinin yaradılacağı deyilmişdi.

Xatırladaq ki, “AzNar” QSC-nin majoritar səhmdarı Azərbaycan əsilli iş adamı Fərhad Əhmədovdur. QSC-nin 99,95%-i Əhmədov Fərhad Teymur oğluna, 0,05%-i 25 minoritar səhmdara məxsusdur.

Özünün SSRİ-dən qalma köhnə kolxoz idarəetməsi ilə vahid təsərrüfat kimi diqqətə gələn İsmayıllının İvanovka kəndindəki icma birliyi sarsılma üzrədir. DİA.AZ bildirir ki, bu barədə kənd sakinləri məlumat veriblər.

Kənddəki özbaşınalıqlara diqqət çəkən kənd sakinləri ölkə rəhbərliyindən kömək istəyirlər. İvanovka kənd sakini Orlov Viktor bildirir:

"Hazırda İvanovkada əhali arasında ciddi narazılıq baş qaldırmaqdadır. Buna görə kənd sakinləri olaraq səsimizin Prezidentə çatdırılmasını istəyirik. Xahiş edirik bizə kömək edin".

Sakinlər iddia edirlər ki, İvanovkada əkcə yerli icra qurumları yox, həm də İsmyıllı rayon rəhbərliyi naaarazılıq yaradır: "Biz istəyirik ki, Azərbaycan torpğında Azərbycan qanunları işləsin..."

Daha əraflı aşağıdakı videoda:

İddia olunanlarla bağlı olaraq qarşı tərəfi də dinləməyə hazırıq...Dia.az