Ali Məhkəmənin, Maliyyə Nazirliyinin, Baş prokurorluğun saytlarından müraciət göndərmək olmur
Texniki inkişafın elə mərhələsindəyik ki, ucqar bir kənddən dünyanın o başı ilə bağlantı yaratmaq, necə deyərlər, su içmək qədər asandır. Müraciət etmək istədiyin ölkənin saytına girirsən, əlaqə bölümünə daxil olub, gərəkən prosedurları edirsən və müraciətini bir düyməni basmaqla göndərirsən. Di gəl, ölkənin öz içində , eyni şəhərin içində dövlət orqanlarının saytlarından yararlanmaq mümkün olmur. Faktlara üz tutaq.
Ali Məhkəmənin son 6 aya kimi çox keyfiyyətli, örnək olan saytı vardı. Asanlıqla bu sayt yolu ilə həm qəbula yazılmaq olurdu, həm də online müraciət etmək. İndi 6 aydır saytı guya yeniləyiblər, amma nə müraciət qəbul olunur, nə qəbula yazılmaq. Bütün prosedurlardan keçib, “göndər” düyməsini basırsan, “fırlanır-fırlanır”, amma “müraciətiniz qəbul olundu” “muştuluğu”na çata bilmir”.
Maliyyə Nazirliyinin saytındakı problem bir ildən də çoxdur və bir qədər ayrıdır. Bu dövlət-hökumət saytında bütün prosedurlardan keçmək olur, bircə “təsdiqləmə kodu”ndan başqa. Ekranda göstərilən kodu yazan kimi, göndərmə düyməsini basmağa belə macal verilmir, “təsdiqlənmə kodu səhvdir” qırmızı xətlə yazılır və nə qədər “səhvi” düzəltsən də, bu “qırmızı bildiriş” səddi , qadağası yox olmur.
Baş prokurorluğun saytının müraciətləri qəbul etməkdən imtinasının yaşı 6 ay olar. 6 aydır saytdan müraciət formasını doldurub, “göndər” düyməsini basan kimi “ 500” yazılışının altında ingiliscə “vay, bizim serverdə nəsə yanlışlıq var” cavabı ilə üzləşirsən, yəni saytın serveri müraciətin qəbuluna qadağa qoyub.
Yanlışlığı, müraciətlərə texniki qadağanı kim aradan qaldırmalıdır? Ən azı, bu barədə fikirləşən var? Axı müraciət hüququ Konstituiyanın 57-ci maddəsi ilə təminat verilən əsas hüquq və azadlıqlardandır.
Məğrur Bədəlsoy
Teref.az

"Fitstar Herbal Producst” şirkətinə məxsus avtomobilin qaçırılması ilə bağlı polis hərəkətə keçib.

Bu barədə şirkətin rəsmisi Firdovsi Əliyev məlumat verib.

Onun sözlərinə görə, baş verənlər barədə daxili işlər naziri Vilayət Eyvazova müraciət edib. Müraciətə operativ reaksiya verilib. Polis əməkdaşlarının keçirdiyi əməliyyat nəticəsində avtomobil müəyyən edilib.

"Əməliyyatı Gəncə Şəhər Baş Polis İdarəsinin əməkdaşları keçirib. Maşın hazırda cərimə meydançasındadır. Təsəvvür edin ki, avtomobil aylar idi ki, Xəyyam Rəhimov adlı şəxsin əlində idi. Maşının ban nömrəsini dəyişdirmişdi. Bu fakt avtomobilə baxış keçirilərkən təsdiqni tapdı. Baxış şahidlərin iştirakı ilə keçirilib”, deyə Firdovsi Əliyev bildirib.

Şirkət rəsmisi əlavə edib ki, maşın saxlanıldıqdan sonra Dövlət Yol Polisindən ona zəng vurulub:

"Dedilər ki, narahat olma. Bu məsələ ciddi şəkildə araşdırılacaq. Ümid edirəm ki, nəhayət haqq-ədalət yerini tutacaq. Bu arada daxili işlər naziri cənab Vilayət Eyvazova, eyni zamanda polis əməkdaşlarına təşəkkür edirəm”.

Ötən gün Azərbaycan Dövlət İdarələr və İctimai Xidmət İşçiləri Həmkarlar İttifaqının Gəncə Şəhər Komitəsinin sədri Ülviyyə Vəliyeva vəfat edib.

Ü.Vəliyeva onkoloji xəstəlik səbəbindən dünyasını dəyişib. Qeyd edək ki, 1973-cü il təvəllüdlü Ü.Vəliyeva 2018-ci ildən qurumun Gəncə Şəhər Komitəsinə rəhbərlik edirdi.

O, 2015-ci ildən 2018-ci ilədək qurumun Mingəçevir Şəhər Komitənə rəhbərlik etmişdi.//Publika.az

Bir müddət əvvəl Redaksiyamıza müraciət edən və Şəki Regional İdarənin rəhbəri Bəhruz Mehdiyevə teleqram vuran vətəndaş İlqar Məmmədov şok iddia və tələb irəli sürmüşdü.

Bütün müraciətlər ünvana çatmış və Regioanl idarədən Akademik Zərifə Əliyeva adına Liseyə Bəhruz Nəbili yoxlamaya gəlir. Yoxlama aparan Bəhruz müəllim vətəndaş İlqar Məmmədovun haqlı olduğuna qənait gətirərək vətəndaşın haqlı olmasın ona bildirir. Lakin vətəndaşın sübutlarının qiymətli olması və buna görə direktor müavini və direktor əvəzi fəaliyyət göstərən Vüsalə Mahmudovanın işinə qərəzli yanaşması nəticəsi ortaya çıxdığından son verilməsi labüd qərarlardan hesab edilməli idi.

Hazırda Bəhruz Nəbilinin əlində olan sübutlar və bizə göndərilən video sübutlar V.Mahmudovun Prezident İlham Əliyevin anası Akademik Zərifə Əliyevanın adının altında rüşvət burulğanı yaradaraq dövlət vətəndaş arasında uçurum yaratma cəhdi sanki görülməzdən gəlinir. Şəki Regional İdarənin susqunluğu bu qurumun direktor əvəzi olan müavin Vüsalə müəllimənin himayə edildiyi anlayışın yaradır. Himayə edilməkdən ziyadə onun sanki qoruyucu mələyi tək Təhsil Naziri EMİN ƏMRULLAYEVə çatmasını qarşısın almaqdadır. Bəhruz Mehdiyevin təhsil siyasəti ona göstərilən etimadın doğrultmadığını göstərir.

Baş verən qalmaqala bağlı Şəki Regional İdarənin operatoruna zəng etdik. Operator Yunusova Vüsalə xanımla danışarkən Bəhruz Mehdiyevin xidməti nömrəsini verməməkdə israr etdi. Nömrənin verilməməsin tənbeh edən Mahal müəllimin əlaqə nömrəsini verərək onunla əlaqə saxlamağımızı bunu məhs Mahal müəllim istədiyini bildirdi. Çox maraqlı məqam ondadır ki, Bəhruz Mehdiyev təhsil idarəsində özünə imperya yaradaraq pilləli idarəçilik sisteminə keçərək özünü əlçatmaz edib. Bundan irəli gələn səbəblərdəndir ki, direktor və ya direktor əvəzi olan şəxslər rəhbərliyıə şikayətin vaxtında çatmamağına arxayınlaşıb. Elə odru ki, bu müddət ərzində baş verən qalmaqalı hansısa yollarla bağlamaq vətəndaşın övladını məktəbdən qovmağ cürətin özündə tapır.

Və bunun Bəhruz Mehdiyevin şəxsi əmri olduğunda açıq şəkildə bildirir. Qeyd etməliyik ki, Azərbaycanda hər bir uşağın 9 illik təhsil alması məcburidir. Və hər kim buna qarşı çıxarsa cəmiyyətə qarşı cinayət törətmiş hesab edilə bilər. Lakin görünən odur ki, Vüsalə Mahmudova və onun himayıdarı olduğu əməlindən bəlli olan Bəhruz Mehdiyev şagirdin qeydiyyatı liseydə özü başqa bir məktəbdə təhsil almasına normal hal kimi qarşılamaqdadır. Bu atılan addıma Emin Əmrullayevin hansı münasibət göstərəcəyi bizlərə çox maraqlıdır.

Həmçinin qeyd edək ki, iki gün əvvəl Mahal adlı ictimai əlaqələr şöbəsinin əməkdaşı olduğun bildirən və məsələni araşdırdıqdan sonra bizimlə əlaqə saxlayacaqın qeyd edən şəxsdən bu günə qədər xəbər yoxdur. Bu halın normal olmadığı qanunlarla təsbit edilməkdədir. Mahak müəllim ola bilər ki mediaya haqqında qanunlardan xəbərsiz lakin Bəhruz Mehdiyevin pilləli sistemi haqlnda qanundan xəbərdar olduğundan medianıda o pillələrinə uyum sağlamasına çalışmaqdadır. Lakin Mahal müəllim bilməlidir ki, media heç kəsin aləti və ya əmrində olan içisi deyil ki kefi istediyi vaxt cavab verə və ya onu yola verməklə fəaliyyətini icra etmiş ola. Buda növbəti deaktiv ictimai əlaqələr şöbəsinin xidməti. Buna Mahal müəllim özü ad verməkdə sərbəsdir.
Araşdırmamız davm edir.

Turantv.az

Ata mülkündən miras payıni Şirvan məhkəməsindən xahiş edən Qurbanova Cəmilə Ağaşirin qızı bir daha növbəti məhkəmə qərarı ilə qarşılaşdı. Belə ki, iddiaçı əvvəllər Şirvan məhkəmə hakimi Ziya Əliyevin bəhanə etdiyi Çıxarış sənədi olmazlığından ilk müraciətində cavabdeh Qafarovlar ailəsinin xeyrinə qərar çıxarılib.

Yəni 7 övladdan biri olan Qafarova Cəmilə A.qizı, Şirvan şəhər Əzizbəyov küç ev 38 dəki hal hazırda boş qalan, vəfat etmiş valideynlərinin evinə nə daxil ola bilir nə də mirası bölgüsünə həmin evdə qifillayib daha sonra qeyri qanuni kirayə verən evin kiçik oğlu Qafarov Bayram Ağaşirin oğlu Özü RF nın İrkutsk vilayətində ailəsiylə birgə yaşayaraq bugün mirasını tələb edən bacısı Qafarova Cəmilə Ağaşirin qızına razı deyil ki ona pay verilsin. qanun qarşısinda isə hamı bərabərhüquqlu olduğundan bugün hər bir vərəsənin ata mülkündən miras hüququ vardır.

Lakin bu hüquq çox təəssüf ki Şirvan məhkəmə hakimləri tərəfindən surundürməciliklə bərpa ola bilmir. Belə ki, keçirilən məhkəmə prosesində hakim sözügedən evin bölgü məqsədilə Ekspertiza təyin olunması ilə bağlı sorğu da vermiş, Ekspertin rəyi ilə isə həmin evdə 2 dəfə ayrı-ayrı ölçü müayinə işi aparılaraq bölgünün mümkünsüzlüyü barədə Qərar verilmişdir, bu da öz növbəsində işin hallarına görə iddiaçının tələbində göstərildiyi kimi, ona düşən payın natura formasında mümkün olmadıqda evin hərraca çıxarılaraq kompensasiya şəklində cavabdehlərdən tutulub verilməsini xahiş etsə də, növbəti proseslərdə cavabdehler, öz paylarından imtina edərək sonbesik qardaş olan Qafarov Bayrama verdiklərini bildirmişlər.

7 vərəsədən Yalnız Aynurə Qafarova adlı birisi isə həmin evin Çıxarış sənədindən özünə 1/7 payı üçün Maddi imkanı olmadığını məhkəməyə bildirir. İsin icrasıni həyata keçirən hakim Ceyhun Mustafayev, Qafarov qardaşlarının kiçik qardaşı olan Qafarov Bayrama bağışladığını və bu işlə bağlı daha Qardaşlarin deyil Məhz Qafarova Aynurə Ağaşirin qızı olduğunu bəyan edir. Və növbəti yeni 6 oktyabr 2023- tarixinə baxılmasını elan elədi.

Bu gün keçən məhkəmə prosesində isə cavabdehin gəlmədiyini bilə bile proses başlayar baslamaz, iddiaçının bir daha fikrini bircə dəqiqəlik dinləyib məşvərət otagina yollanıb 2 dəqiqə sonra isə zala daxilində olub elan elədi: İddia təmin edilməsin. Çox maraqlı və qəribə. İddia təmin edilməsin. Səbəbini soruşduq, hakim Ceyhun Mustafayev belə izah verdi: Mənim qərarım sizə məhdudiyyət vermir miras payınızı gələcəkdə almağıniza, sadəcə siz ya Apellyasiya ya da yeni iddia formasında mülki məcəllənin tələbinə uyğun olaraq yenidən "Kompensasiya vəya evin satış hərracina çıxarılaraq mənə düşən payın verilməsi üzrə" iddianızı qoya bilərsiniz.

Halbuki bu miras tələbiylə bağlı elə bu keçirilən məhkəməyə də verilən iddia ərizəsində də əlavə olaraq qeyd edilmişdir, lakin niyə Hakim bunu bile bile, görə görə, onsuz da 6 ildir ki məhkəmələrdə get-gəl olan İddiaçı Qafarova Cəmilənin Çıxaris sənədi uzrə 1/7 payının verilməsinə qarşı, iddianı təmin etmədi. Özü də cavabdehlər məhkəməyə gəlmədiyi halda. Bu isə, bir daha bir neçə qaranlıq məqamları yenə də şübhə altına saldı.

Ay hakim Ceyhun bəy, axı iddia mətnində hər şey ay və gün kimi aydın yazilib ki, mənə düşən miras payıni ya natura formasında, ya kompensasiya şəklində ya da satılaraq hərraca çıxarılıb satışdan əldə edilən puldan 1/7 pay üzrə tələb edilib. Siz niyə bu məsələni yenə vətəndaş süründürməçiliyinə doğru uzatdiniz? Nədir burda məqsəd?

Ən əsası, bundan ötənki prosesdə siz məhkəməyə gələn Real market sahibi Qafarov ƏliQismət Ağaşirin oğluna bildirdiniz ki, "siz öz paylarınızı qardaşınız İrkutskda yaşayan Qafarov Bayrama bagislamisiniz, daha niyə gəlirsiniz məhkəməyə?, indi iş üzrə cavabdeh qalır yalnız Qafarova Aynurə Ağaşirin qızı, o niyə gəlməyib?" Bu suallara isə ƏliQismət Qafarov," o bacimizdi, qoymadıq gəlməyə dedik özüm gəlirəm məhkəməyə.

Hakim Ceyhun Mustafayev isə bu fikrə qarşı bildirdi ki, xeyr elə şey yoxdu bu iş üzrə cavabdeh kim qalırsa, o da gəlməlidir prosesə. Lakin Ceyhun Mustafayev dediyi sözünün üstündə nəinki durdu, hətta 06 oktyabr 2023 tarixində keçən prosesə iş üzrə cavabdeh qismində təyin edilən digər vərəsə gəlmədiyi halda iddiaçının əleyhinə, İddianın təmin olunmaması haqqında Elan edir.

Axı bu nə anlamı verir? Əgər bu cavabdeh gəlmədiyi halda bu İddia təmin edilməmə haqda Qərar verəcək idinsə, bəs niyə elə ötən prosesdə bu Qərarı elan eləmədiniz, ancaq indi nə baş Verdi ki, cavabdeh məhkəmədə iştirak etmədiyi halda, iddiaçınin əleyhinə Qərar çıxarırsınız! Bu ədalətsizliyin arxasında nə dayanır axı, Ədliyyə emblemindəki Tərəzinin taraz dayanması sizə aid deyilmi?

Hörmətli Məhkəmə Hüquq Şura sədri cənab İnam Kərimovun bu məsələni nəzarətə götürməsini xahiş edirik.

Xəyyam Qurbanlı

"Azərbaycanda kənd təsərrüfatının siyahıya alınması yenilik deyil. 2015-ci ildə də belə bir tədbir keçirildi. Lakin biz hələ də statistik məlumatları tam əldə edə bilməmişik". DİA.AZ bildirir ki, bu sözləri Valyuta.az-a kənd təsərrüfatı məsələləri üzrə ekspert Vahid Məhərrəmov Azərbaycanda kənd təsərrüfatının siyahıya alınması ilə bağlı yaradılan komitə haqqında danışarkən deyib.

Vahid Məhərrəmov bildirib ki, bu komitənin yaradılmasına səbəb statistik məlumatların dəqiqləşdirilməsi, uçotunun aparılmasıdır:

"Əslində 2015-ci ildə və ondan əvvəl belə tədbirlər həyata keçirildi. Lakin biz kənd təsərrüfatı ilə bağlı dəqiq məlumatları hələ də əldə edə bilməmişik. Hələ də Dövlət Statistika Komitəsinin təqdim etdiyi məlumatlar dəqiq deyil. Bizim torpaq sahələrinin ümumiyyətlə kənd təsərrüfatına yararlı, əkinə yararlı, suvarılan torpaq sahələri ilə bağlı təqdim edilən statistik məlumat düzgün deyil".

"Külli miqdarda vəsait ayırmışdı, pul yoxa çıxdı, amma..."

Ekspert deyib ki, son 20-30 ildə əkinə və həm də kənd təsərrüfatına yararlı sahələr xeyli azalıb:

"Hazırda struktur layihələr həyata keçirilir, yeni yollar salınır, genişləndirilir. Həmin əkin ərazilərində müxtəlif obyektlər - sosial layihələr, yaşayış evləri, kommersiya obyektləri tikilir. Ümumi baxanda ciddi bir dəyişiklik görməmişik. Statistik məlumatları təxmini müəyyən edirlər. Bir misal deyim. Heyvanların baş sayı ilə bağlı hökumətə layihə təqdim olunmuşdu, beynəlxalq qurumlar külli miqdarda vəsait ayırmışdı. Həmin vəsait yoxa çıxdı, əvəzində heç bir iş görülmədi.

Bu gün ölkədə nə qədər iri buynuzlu, xırda buynuzlu heyvanlar var, bunun identifikasiyası aparılır və s. haqqında məlumatlar verilirdi.

Hər bir heyvanın qulağına birka vurularaq dəqiq uçotu getməli idi. Heyvanlar doğularkən, kəsimə gedərkən bu uçot nəzərə alınmalı idi. Onlar barədə məlumatları internet vasitəsi ilə izləyə bilərdik. Lakin bu həyata keçirilmədi".

Vahid Məhərrəmov deyib ki, görüləcək işlər həddən artıq çoxdur:

"Biz əvvəl nəyimiz var onu bilməsək, nə edəcəyimizi heç vaxt bilməyəcəyik. Çünki birinci istehsal vasitəmizi müəyyən etməliyik. İstehsal vasitələri isə toxumdur, heyvanlardır, texnikadır, avadanlıqlardır. Ona görə də düşünmürəm ki, indi görüləcək tədbirlər nəticə versin. Çünki indiyə qədər bir iş görülməyib. Bütün statistika təxminidir".

"İnsanların istehlak edəcəyi buğdanı heyvanlara yedizdirdiniz, bəs niyə həmin il süd, yumurta, ət istehsalı artmadı?"

Vahid Məhərrəmov əlavə edib ki, əgər əsl statistik rəqəmlər ortaya çıxsa, onların yaydığı rəqəmlər alt-üst olacaq:

"İş görmək istəmirlər. Əgər əsl rəqəmlər ortaya çıxsa, onların bu günə qədər yaydığı rəqəmlər alt-üst olacaq. Ondan sonra bunlardan soruşmaq lazım olacaq ki, bu rəqəmlər necə olub ki, fərqli göstərilib. Dövlət Statistika Komitəsinin məlumat bazasına girsək görərik ki, 2020-ci ilə qədər Azərbaycanda buğda istehlakı 2 milyon 500 min tondur. Amma sonrakı ilə baxsaq görərik ki, bu istehlak 2 milyon tona düşüb. Bu niyə belə oldu? Əhali birdən-birə azaldı? Ola bilərmi ki, bir ildə 20 faiz əhali azalsın? Yaxud da əhali az çörək yedi, az un məmulatlarından istifadə etdi? Bu da mümkün deyil. Bəs nə baş verdi? Sadəcə guya bu qədər buğda heyvan yemi kimi isitifadə olunur kimi göstərdilər. İnsanların istehlak edəcəyi buğdanı heyvanlara yedizdirdiniz, bəs niyə həmin il süd, yumurta, ət istehsalı artmadı? 500 min ton az rəqəm deyil. Bu, ciddi şəkildə heyvandarlıq məhsullarının artımına təsir etməli idi. Bunu ona görə misal gətirdim ki, onlar belə rəqəmlərlə manipulyasiya edib, istədikləri göstəricini təqdim edirlər. Onlara bu statistikanı dəqiqləşdirmək sərf etmir. Dəqiqləşərsə, bu statistika ortaya ciddi nöqsanlar çıxaracaq" .

Qeyd edək ki, baş nazir Əli Əsədov 2025-ci ildə kənd təsərrüfatının siyahıya alınmasına hazırlıq və onun həyata keçirilməsi haqqında haqqında qərar imzalayıb. Qərara əsasən, siyahıyaalınma 2025-ci il iyulun 15-dən avqustun 15-nə qədər, kənd təsərrüfatı istehsalı ilə məşğul olan hüquqi şəxslər tərəfindən siyahıyaalma vərəqələrinin Dövlət Statistika Komitəsinin elektron informasiya sistemində real vaxt rejimində doldurulması yolu ilə, fərdi sahibkarlar, ailə, kəndli və ev təsərrüfatları üzrə isə siyahıyaalmaya cəlb ediləcək şəxslər (sayıcılar) tərəfindən planşet tipli kompüterlərdən istifadə olunmaqla sorğu yolu ilə baş tutacaq. Kənd təsərrüfatının siyahıyaalınmasına hazırlıq vəziyyətinin qiymətləndirilməsi məqsədilə 2024-cü il iyulun 15-dən avqustun 15-dək Ağsu rayonunda kənd təsərrüfatının sınaq siyahıya alınması keçiriləcək.

Kənd təsərrüfatının siyahıya alınmasına hazırlıq və onun keçirilməsi ilə əlaqədar İstiqamətləndirici Komitə yaradılıb. Komitəyə Baş nazirinin müavini Əli Əhmədov sədrlik edəcək. Onun müavini Dövlət Statistika Komitəsinin sədridir. Komitənin üzvləri isə kənd təsərrüfatı nazirinin müavini, iqtisadiyyat nazirinin müavini, ekologiya və təbii sərvətlər nazirinin müavini, elm və təhsil nazirinin müavini, əmək və əhalinin sosial müdafiəsi nazirinin müavini, rəqəmsal inkişaf və nəqliyyat nazirinin müavini, Azərbaycan Dövlət Su Ehtiyatları Agentliyi sədrinin müavini, Qida Təhlükəsizliyi Agentliyinın sədrinin müavini, Azərbaycan Dövlət İqtisad Universitetinin rektoru, Azərbaycan Dövlət Aqrar Universitetinin rektoru və Ağsu Rayon İcra Hakimiyyətinin başçısıdır.

Bakı Şəhəri üzrə Təhsil İdarəsinin müdiri Mehriban Vəliyeva dünən vəzifəsindən azad edilib. 2020-ci il 11 dekabr tarixində Bakı Şəhəri üzrə Təhsil İdarəsinin müdiri vəzifəsinə təyin edilən Mehriban Vəliyevanın vəzifədən azad olunması barədə açıqlama verilməyib.

DİA.AZ xəbər verir ki, Qlobal.az Mehriban Vəliyevanın vəzifədən azad olunması barədə ilginc məlumat əldə edib.

Məlumata görə Mehriban Vəliyevanın vəzifədən azad edilməsinə səbəb külli miqdarda dövlət vəsaitinin səmərəsiz xərclənməsi, habelə İdarənin keçirdiyi satınalmalarda şübhəli məqamların olmasıdır.

Belə ki, Bakı Şəhəri üzrə Təhsil İdarəsi 2023-cü ilin iyul ayının 12-də “İstehlak yönlü müxtəlif xidmətlərin satın alınması” və 2022-ci ilin sentyabr ayının 29-da “Bakı Şəhəri üzrə Təhsil İdarəsi tərəfindən keçirilən müxtəlif tədbirlərin və layihələrin satın alınması” lotu üzrə sifarişçi olduğu satınalmalarda neqativ hallar aşkarlanıb.

Qeyd edək ki, qalib elan edilən hər iki təşkilatın – “Formul” (VÖEN: 1307189931) və “MACİS CONSULTİNG” (VÖEN: 2005840331) Məhdud Məsuliyyətli Cəmiyyətlərinin qanuni təmsilçisi eyni şəxs – Əhmədov Cəlil Mirqiyas oğlu olub.

Bu şirkətlərin Bakı Şəhəri üzrə Təhsil İdarəsinin keçmiş müdiri mehriban Vəliyevaya yad olmadığı iddia edilir.

Xatırladaq ki, Bakı Şəhəri üzrə Təhsil İdarəsinin müdiri vəzifəsindən azad edilən Mehriban Vəliyeva Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinə direktor müavini vəzifəsinə təyin olunub.

Bu gün Rusiya Prezidenti Vladimir Putinin 71 yaşı tamam olur.

“Qafqazinfo” TASS-a istinadən xəbər verir ki, Rusiya lideri 20-ci dəfədir ki, ad gününü prezident postunda qeyd edir.

Bildirilir ki, bu il Putinin doğum günü həftə sonuna təsadüf etsə də, o, bu günü işdə keçirəcək.

Belə ki, Rusiya Prezidenti Qazaxıstan və Özbəkistanın dövlət başçıları Kasım-Jomart Tokayev və Şavkat Mirziyoyevlə birlikdə Rusiya qazının Qazaxıstan vasitəsilə Özbəkistana nəqlinin başlanması münasibətilə keçiriləcək tədbirdə iştirak edəcək.

"Şikayətim "Push30" şirkətindəndir". DİA.AZ bildirir ki, bu barədə "Müştəriyəm Şikayətim Var" sosial qrupundakı paylaşımında Səriyə Əliyeva adlı istifadəçi giley edir.

Narazı vətəndaş daha sonra bildirir: "Mobil tətbiqdə göstərilən xidmətlərə pulu aldıqdan sonra "bizlik deyil" deyə bildirirlər... Elə bil dövlət idarəsidir, heç kimin qəbuluna düşmək olmur....

Yeri-yurdları da bəlli deyil. Bu qədər də məsuliyyətsiz işçiləri olan ikinci bir şirkət tanımıram.

Menecerləri Fərhan Əliyev ümumiyyətlə əlçatmaz bir varlıqdır. Heç kim onlardan idman paketləri almasın, pulunuz və əsəbləriniz gedəcək..."

İddia olunanlarla bağlı olaraq qarşı tərəfi də dinləməyə hazırıq...Dia.az