Milli Məclisin deputatı Aqil Abbasın səhhətində problemlər yaranıb.

Bu barədə onun yaxın dostu Kərim Kərimli məlumat yayıb.

O qeyd edib ki, hazırda millət vəkili Türkiyədə müalicə alır.

Aqil Abbasın hansı xəstəlikdən müalicə aldığı barədə məlumat verilməyib.

Azərbaycanda son bir neçə ildə tarixdə olmayan proseslər baş verir. Belə ki, Müzəffər Ali Baş Komandan cənab İlham Əliyevin rəhbərliyi, rəşadətli ordumuzun qəhrəmanlığı ilə ordumuz 30 ildir, əslində 100 ildir erməni işğalı altında olan torpaqlarımızı azad edir və... Bu boyda qürur duyulası işlərin qarşılığında bəzi məmurlarımız, sabiq deputatlar elə əməllər törədirlər ki, adam yazmağa, danışmağa utanır...
Bəzi məmurların, deputatların əməlləri vətəndaşları dövlətdən narazı salır. Belə vəzifəli şəxslərdən biri də sabiq deputat, Hüseynbala Fazil oğlu Mirələmovdur. Özünün tərcümeyi-halında azərbaycanlı siyasətçi, yazıçı, professor kimi qeyd olunan Hüseynbala Mirəlmovun əməlləri barəsində mediada gedən və faktlara söykənən xəbərləri oxuyanda adam düşünür ki, bu nə məxluqdur...
Bu adamın barəsində ölkə mediasında yayılan rüsvayçı videonu görəndə düşünürdük ki, ləyaqəti olan bir adam bu videodan sonra ən azı HAQQ YOLUNA qayıdar, TÖVBƏ edərdi, amma.... Qızı yaşında xanıma qarşı etdikləri hərəkətin ölkə mediasında yayılması bu adama dərs olmadı.. Hər şeyi bir kənara qoyaq...Görəsən bu adam öz ailəsinin, uşaqlarının, nəvələrinin, dost-tanışın üzünə necə baxır..? Üzr istəyirik, insan nə qədər həyasız olmalıdır ki, yaşamaqda davam eləsin. Özü də söhbət Hüseynbala Mirələmovun dərs dediyi, kafedra müdiri olduğu ali məktəbdən, Neft Akademiyasından gedir. Bu adam öz ƏLİNİN HƏRKƏTİ ilə bir gənc xanımın ailəsini, qardaş-bacısını da biabır elədi...
Sözün qısası, professorun bu hərəkətindən sonra onu universitetdən, hətta üzvü olduğu Yeni Azərbaycan Partiyasından i.... kimi qovdular. Amma bütün bunlar ona dərs olmadı. İndi bu gün yayılan xəbərdən bəlli olur ki... Keçmiş deputat Hüseynbala Mirələmovun Bakıda GİZLİ QUMARXANASI aşkar olub. Belə ki, yayılan xəbərə görə, Səbail rayonu, Şıx çimərliyində yerləşən “Min bir gecə” istirahət mərkəzində turist kimi istirahət edən tanınmış əcnəbi iş adamlarından birinin külli miqdarda pulu yoxa çıxıb...
Məlumat üçün onu da qeyd edək ki, Hüseynbala Mirələmov uzun illər Maye Qaz İstehsalat Birliyinin rəisi, 1989-cu ildən Azərbaycan Dövlət Yanacaq Komitəsi sədrinin birinci müavini olub. Yəni bu adam uzun illər qaz vurub qazan doldurub, milyonlar qazanıb. Həm də Allah qoymasa yazıçıdır, romanları var... Görəsən bunun yazdığı əsərlərdən hansı gənc nəsil örnək götürə bilər..?
Sözün qısası, Hüseynbala Mirələmovun Bakıda xeyli sayda ticarət obyektləri, biznes mərkəzləri var. Onlardan biri də “Min bir gecə” istirahət mərkəzidir. İndi məlum olur ki, bu restoran həm də qumarxana, əxlaqsızlıq yuvası imiş.
Bəli sabiq deputatın bu restoranında əcnəbi şəxsin külli miqdarda pulu yoxa çıxıb. Daha doğrusu, əslində əcnəbi iş adamının pulu qumar masasında “əriyib”, sadəcə rəsmiləşdirmə üçün bu olayı oğulruq adı ilə təqdim eməyə çalışıblar. Aydın olur ki, keçmiş deputat Hüseynbala Mirələmova məxsus olan bu obyekt həm də qanunsuz qumarxana kimi fəaliyyət göstərir. İndi söz hüquq-mühafizə orqanlarının, müvafiq dövlət qurumlarınındır. Bizdən yazmaq, tədbir görmək isə sizdən, cənablar.
P.S. Bir millət vəkilinin ki, tikib-qurduğu obyektin adı min. bir. gecə. ola, ondan nə gözləmək olar. 2 gecə olmaz hörmətli Hüseynbala müəllim? //gundelik-baku.com//

Oktyabrın 6-sı saat 21 radələrində Tərtər rayonunun Həsənqaya kəndi ərazisində 1992-ci il təvəllüdlü Zaləddin Həsənlinin minaya düşməsi nəticəsində müxtəlif dərəcəli bədən xəsarətləri alması barədə rayon prokurorluğuna məlumat daxil olub.

Prokurorluq əməkdaşları tərəfindən hadisə yerinə baxış keçirilib, digər zəruri istintaq hərəkətləri aparılıb.

Hazırda qeyd edilən faktla bağlı Tərtər rayon prokurorluğunda araşdırma aparılır.


*** 21:22

Oktyabrın 6-da saat 20:30 radələrində Tərtər rayonunun Həsənqaya kəndi ərazisində kənd sakini 1986-cı il təvəllüdlü Zaməddin Həsənlinin minaya düşməsi barədə polisə məlumat daxil olub.

DİN Mətbuat Xidmətindən bildirilib ki, Z.Həsənli minaya düşməsi nəticəsində ayağından xəsarət alıb. O, dərhal xəstəxanaya çatdırılıb.

Araşdırma aparılır.

Azərbaycanda yas mərasimlərində israfçılıq cəmiyyətdə müzakirə edilən mövzulardandır. Bəzi fikirlərə görə, hətta yas mərasimlərində borca düşən ailələr var.

"Atam rəhmətə getdi. Ailəmizdə yeganə işləyəni itirdik. Evdə pul yox idi. Gündəlik çörəkpulu qazanırdıq. Qohumlar, qonşular da bizim kimi kasıbdırlar. Yas mərasimini keçirtmək üçün borc götürdüm". Astara kəndlərinin birində yaşayan Cəfər Hüseynov (ad və soyad şərtidir) bunları deyir. O, özünü günahkar bilir: "Yas mərasiminə çadır gətirdim, günə 200 manata. Həyətdə yeddi gün qaldı. Çadır pulunu bu günə qədər tam ödəməmişəm. Mərasimi yola vermək üçün hər gün 300-350 manatlıq bazarlıq edirdim. Sonra 40-na qədər cümə axşamları toplaşıb qəbirüstünə gedirdik. Orada da hər dəfə 50-60 manat bazarlığa gedirdi. Molla pulu, dəfn etmək, 1000 manatdan çox pul götürdü. Bizdə adətdir, gərək 40-na qədər başdaşı götürülə".

"Borclarını istəyirlər, verə bilmirəm"
Onun vurğulamasına görə, götürdüyü borc da qurtarıb, gedib yenidən borc pul alıb, atasının məzarına başdaşı qoydurub: "Xeyli vaxt keçir, borclarını istəyirlər, verə bilmirəm".

O, yas mərasimini yola vermək üçün borca düşən yeganə adam deyil. Azərbaycanda kənd yerlərində yaşayan əhalinin iqtisadi vəziyyətini nəzərə alaraq bəzi yerli icmalar yas mərasimlərində təmtəraqlı ehsanın verilməsini qadağan ediblər. Artıq bəzi yerlərdə "yeddi" mərasimi ləğv edilib. Dəfnin ilk günündə və "üç" mərasimində süfrəyə yalnız çay, yağ-çörək qoyurlar.

"Bizdə mal kəsən də olur"
Astara şəhər sakini Nurəddin Feyziyev də qonşu ölkədə keçirilən yas mərasimlərini misal göstərir: "Bəzi islam ölkələrində yas məclislərini evlərdə keçirtmirlər. Məhrumun yaxın adamları müəyyən edilmiş vaxtda məscidə gəlir. Məsciddə bunun üçün ayrıca yer var. Orada onlara başsağlığı verənləri qəbul edirlər. Stolda bir neçə dəqiqə əyləşirlər, çay içirlər, sonra çıxıb gedirlər. Məclisdə xurma verirlər. Nə yemək?! Pul və başqa maddi dəstək olmur. Ola bilər ki, yaxın adamları mərhumun ailəsinə kömək etsin...".

O düşünür ki, Azərbaycanda da yas mərasimləri böyük xərc çəkilmədən keçirilməlidir: "Bizdə yas mərasimini yola vermək üçün mal kəsən də olur. Yeddi gün gəlib-gedənlərə günorta, şam yeməyi verirlər. Sonra "qırx"ına kimi cümə axşamına gələnlərə yemək verirlər. Ev yiyəsi dərdini çəksin, ya bu millətə yemək versin? Hər gün bahalaşma gedir. Belə vəziyyətdə borca düşənlər də olur. İş ondadır ki, bunların heç birisi ölən üçün əhəmiyyət daşımır. Qaydanı dəyişmək lazımdır".

"...Kasıblar da yarışır"
Mədəniyyət sahəsində çalışan Fəxrəddin Məmmədov doğulduğu Astara rayonunun Ərçivan qəsəbəsində keçirilən yas mərasimləri haqqında buları deyir: "Yeddi gün məclis keçirilir. İndi qəsəbədə üç yerdə yas mərasimi var. Onların ailə üzvləri gecə-gündüz çalışırlar ki, mərasimə gələnləri razı salsınlar. Atası ölüb, bu dərd qalıb bir yana, qaçır bazara. İqtisadi vəziyyət də yaxşı deyil. Varlılar arasında yarış getdiyi kimi, kasıblar da yarışır. Hərə çalışır ki, başqalarından üstün olsun. Varlının imkanı var ehsan verir, kasıbın yoxdur. Varlının yas mərasimində israfçılığa yol verilir...".

Onun sözlərinə görə, qiymətlər də tez-tez artır: "Rayonda yas mərasimlərini keçirtmək üçün xüsusi yerlər yoxdur. Çadır qururlar. Əvvəllər günə 100 manat alırdılar, indi olub 250 manat. Qəbri qazırdılar 50 manata, indi qazırlar 100 manata. Dəfn məsələsində bütün qiymətlər qalxıb".

"Qurani-Kərimdə yas məclisi söhbəti yoxdur"
İctimai fəal Asən Həşimli cəmiyyətdə maddi təbəqələşmədən danışır: "Sovet dövründə, əsasən, imkanlar bərabər idi. Ona görə yas mərasimlərinin keçirilməsində problem görünmürdü. İndi bizdə varlı və kasıb təbəqə var. Orta təbəqə yoxdur. Kasıb da varlı kimi məclisini yola vermək istəyir. Bu, mümkün deyil axı. Ölkədə bahalaşma gedir. İşsizlikdir. Bunun də təsiri var. Ətin bir kiloqramını alırdıq 5-6 manata, indi alırıq 14-15 manata. Digər ərzaqlar da elə. Yas mərasimini yola vermək üçün xaricdə yaşayan yaxınlarını da səfərbərliyə alırlar".

İbadətlə məşğul olan Akif Məmmədov isə deyir ki, yas mərasimini keçirtmək məcburi deyil: "Müqəddəs kitab olan Qurani- Kərimdə yas məclisi qurmaq söhbəti yoxdur. Ölən adamı dəfn etmək, torpağa tapşırmaq vacibdir. Səndən asılıdır. Varındırsa ehsan ver, yoxundursa, vermə. Bəziləri özünü dağa-daşa vurur ki, məclisi yaxşı keçirtsin. Nəticədə borca düşür. Lazım deyil. İnsan öldü, qurtardı. Əsas əməldir...".
AzadlıqRadiosu

Dövlət İmtahan Mərkəzində (DİM) 2024-cü il buraxılış və qəbul imtahanlarının məzmunu ilə bağlı materialların hazırlanması məqsədilə fənlər üzrə işçi qruplarının işinə start verilib.

Qeyd edək ki, ötənilki qəbul imtahanlarında keçid balı 600-dən yuxarı olan ali təhsil müəssisələrinə bu il 200 balla qəbul olmaq mümkün olub. Bu ali təhsil müəssisələri arasında tanınmış universitetlər də yer alıb. Abituriyentlərin aşağı bal toplamasının səbəbi kimi əsasən imtahan suallarının çətinliyi göstərilir. DİM isə proqramın tədris olunan fənnlərdən kənara çıxmadığını deyir.

Bu da bir faktdır ki, əgər buraxılış və qəbul imtahanlarının məzmunu prorama uyğun olsa, onda repetitorluğa ehtiyac qalmaz. Ancaq indiki halda bu mümkün deyil. Görünən odur ki, imtahan suallarının çətinliyi və məktəbdə tədrisin zəifliyi 150 balla universitetlərə qəbul olmaq imkanı yaradır.

Xatırladaq ki, Elm və Təhsil Nazirliyi ilə DİM arasında hələ Misir Mərdanovun nazir olduğu dövrdə “soyuq müharibə” olduğunu deyilirdi ki, son illər bu istiqamətdə müəyyən “sakitlik” hökm sürür. Bu il ali təhsil müəssisələrinin müsabiqəsində 70301 nəfər iştirak edib. Onlardan 51941 nəfəri (o cümlədən 6592 subbakalavr) ali təhsil müəssisələrinə qəbul olunub. 24594 (o cümlədən 1389 subbakalavr) nəfər dövlət sifarişi əsasında, 27347 (o cümlədən 5203 subbakalavr) nəfər isə ödənişli əsaslarla təhsil almaq hüququ əldə edib.

Beləliklə, DİM imtahan suallarının proqrama uyğun olduğunu desə də, imtahan prosesində çox aşağı nəticələr də müşahidə olunur.

Maraq doğuran odur ki, repetitor yanına hazırlığa getdiyi təqdirdə abituriyent 150 bal toplayırsa, bu, nəyin göstəricidir? Günahı kimdə axtarmaq lazımdır- Elm və Təhsil Nazirliyində, yoxsa Dövlət İmtahan Mərkəzində?

Təhsil üzrə ekspert Elşən Qafarov “Cümhuriyət” qəzetinə bildirib ki, ümumtəhsil məktəblərində məzunların yekun attestasiya qaydaları Nazirlər Kabinetinin 12 dekabr 2016-cı il tarixli 498 nömrəli qərarı ilə tənzimlənir:

“Həmin qərarın 1-ci maddəsində göstərilir ki, Dövlət İmtahan Mərkəzi ilə Elm və Təhsil Nazirliyi tədris ili başlayandan, yəni sentyabrın 15-dən 1 ay müddətinədək, oktyabrın 15-nə qədər növbəti buraxılış imtahanına düşən sualların məzmunu və o suallarla əlaqədar nümunələr təhsilalanlar və ictimaiyyəti məlumatlandırmalıdırlar. Bizdə isə DİM hələ işçi qrup yaradır. İllərdir ki, bu sualların nümunələri insanlara elan olunmur. Nəticə etibarilə buraxılış imtahanına gəldikdə məzunlar şikayətlənirlər ki, suallar çətindir.

DİM deyir ki, təhsil proqramından suallar salınıb. Doğrudur, təhsil proqramından salınıb. Ancaq bu sualların ağırlıq dərəcəsi bizim məzunların bilik və bacarıqlarının səviyyəsi ilə üst-üstə düşmür. Burada təhsilanlar attestasiya olunur və bu isə onların bilik və bacarıqlarına uyğun olaraq müəyyən olunmalıdır. Bu, təhsil proqramının yerinə yetirilməsinin vəziyyətini yoxlayan imtahan deyil. Təhsilanların yekun attestasiya qaydalarıdır”.

Ekspert təklif edir ki, DİM-dən test hazırlamaq səlahiyyəti alınmalıdır:

“DİM bilərəkdən testin sual nümunələrinin ağırlığını çox edir. İstənilən halda bununla bağlı ETN ilə manipulyasiya edə bilər. Yəni sualların ağırlıq dərəcəsini artırır, nəticələr aşağı olur, cəmiyyətdə fikir formalaşır ki, təhsildə vəziyyət bərbaddır. Nə vaxt istəyirsə, ağırlıq dərəcəsini nisbətən yumşaldır, nəticələr yaxşı olur və təhsildə vəziyyətin yaxşılığa doğru dəyişdiyi deyilir. Əslində bu DİM-in Elm və Təhsil Nazirliyi üzərində təzyiqidir”.

Vəziyyətdən çıxış yolu nədir? Ekspertin sözlərinə görə, artıq oktyabr ayının ilk günləridir və indi DİM işçi qrup yaratdığını elan etməməlidir:

“DİM sual nümunələrini göstərməlidir ki, mən sizə bu ilin buraxılış imtahanlarında bu cür sualı verəcəyəm. Bunlar elan olunmur və DİM qanunvericiliyi pozur. Mövcud problemi aradan qalıdrmaq üçün bu gün beynəlxalq təcrübədə olduğu kimi DİM-dən test, vəsait hazırlamaq səlahiyyəti alınmalıdır. DİM sadəcə imtahanları keçirən texniki quruma çevrilməlidir. Bu testlərin hazırlanması üçün Prezident Aparatı, Nazirlər Kabineti yanında Testologiya Mərkəzi yaradılmalıdır. Bu qurum da təhsilalanların bilik və bacarıqlarının səviyyəsinə uyğun olaraq testlər hazırlanmalıdır. Təhsilalanların bilik və bacarıqlarını necə müəyyən edə bilərik?

Həmin Testologiya İnstitutu DİM-lə əməkdaşlıq edir, müxtəlif vaxtlarda sınaqlar təşkil edir və burada məzunların bilik və bacarıq səviyyəsi müəyyən olunur. Eyni zamanda, ETN ilə əməkdaşlıq etməklə milli qiymətləndirmə, diaqnostik qiymətləndirmələr keçirməklə ümumtəhsil məktəbində paralel olaraq məzunların bilik və bacarıqlarının səviyyəsi müəyyən olunur. Yekunda buraxılış imtahanlarında şagirdlərin bilik və bacarıqlarına uyğun olaraq suallara salınır.

Nəticə etibarilə DİM texniki qurum olaraq bu imtahanı həyata keçirir. O zaman biz hazırda gördüyümüz səhnə olmayacaq. DİM-in yürütdüyü bu siyasət ölkədə ümumtəhsil məktəblərinə, müəllimlərə inamı, etimadı sarsıdır. Nəticə etibarilə bütün buraxılış imtahanlarında iştirak edən şagirdlərin böyük əksəriyyəti, abituriyentlər repetitor yanına getmək məcburiyyətində qalırlar ki, DİM-in “Çin səddi” kimi Azərbaycan gəncini qarşısına çəkdiyi buraxılış, yaxud qəbul imtahanlarından keçə bilsinlər”.

Eskpert deyir ki, proses kökündən yalnışdır, qanunvericiliyə ziddir:

“Mövcud problemi aradan qaldırmağın da çox sadə və yeganə yolu kimi DİM-dən test hazırlamaq səlahiyyəti alınmalıdır. Nə qədər ki, bu baş verməyib, Azərbaycan gənci bu problemlə üzləşəcək. Proqramlar çətin deyil. Sadəcə sualların ağırlıq dərəcəsi var. Sualın ağırlıq dərəcəsi abituriyentin bilik və bacarıqlarının səviyyəsinə uyğun olaraq qoyulmalıdır.

Ona görə də müəyyən mexanizmlər olmalıdır. Bunlar olmadığına görə DİM istədiyi formada suallar hazırlayır və nəticədə bu baryerdən keçmək üçün hamı repetitora üz tutmağa məcbur olur. Bu gün təhsildə problemlər çoxdur, ancaq deyildiyi qədər deyil”.

Oktyabrın 6-da saat 16:19-da Masallı şəhərində bazar ərazisində mağazada yanğın olması ilə bağlı TƏBİB-in tabeliyindəki Masallı Rayon Mərkəzi Xəstəxanasının Təcili tibbi yardım şöbəsinə çağırış daxil olub.

TƏBİB-dən bildirilib ki, hadisə yerinə 3 təcili tibbi yardım briqadası cəlb olunub.


Hadisə ilə bağlı 5 nəfər (cinsi kişi) Masallı Rayon Mərkəzi Xəstəxanasına təxliyə olunub. 1 nəfərə sol qolun kəsilmiş yaraları, 4 nəfərə tüstü zəhərlənməsi diaqnozu ilə ilkin tibbi yardım göstərilib. Vəziyyətləri stabil qiymətləndirilir.

Əlavə məlumat veriləcək.

***

15:58

Masallı şəhərində yerləşən və Köhnə bazar adı ilə tanınan ticarət mərkəzində güclü yanğın başlayıb.

Bu barədə görüntülər sosial şəbəkələrdə yayılıb.

Prezident İlham Əliyev Gəncə şəhər stadionunun yenidən qurulması ilə bağlı tədbirlər haqqında Sərəncam imzalayıb.

Sərəncamla Gəncə şəhər stadionunun yenidən qurulması işlərinin layihələndirilməsi və həyata keçirilməsi məqsədilə Azərbaycan Respublikasının 2023-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Gənclər və İdman Nazirliyinə ilkin olaraq 1,0 (bir) milyon manat ayrılıb.

Sosial şəbəkələrdə Naxçıvan Muxtar Respublikası Ali Məclisi sədrinin birinci müavini vəzifəsindən istefa verən Azər Zeynalovun həbs olunması ilə bağlı məlumatlar yayılıb.İddialara görə o, güc strukturları tərəfindən saxlanılaraq istintaqa cəlb olunub.

Məsələ ilə bağlı Bizim Media Azər Zeynalova zəng edib. A.Zeynalov zənglərə cavab verməsə də “Watsapp” yazışması üzərindən sözügedən iddialara cavab verib:

“Rəsmi məlumatlara istinad edin. Özüm cavab yazdım”, – deyə fikirlərini bu ifadələrlə tamamlayıb.

Xatırladaq ki, oktyabrın 5-də Altıncı çağırış Naxçıvan Muxtar Respublikası Ali Məclisinin 2023-cü il payız sessiyasının növbəti iclası keçirilib. İclasda Ali Məclis sədrinin birinci müavini Azər Zeynalov istefa ilə bağlı müraciət edib. Müzakirə olunan məsələ ilə əlaqədar qərar layihəsi oxunduqdan sonra səsə qoyularaq qəbul edilib.

Qeyd edək ki, Azər Zeynalov 1970-ci ildə Şərur şəhərində anadan olub. Ötən il Vasif Talıbovun istefasından sonra yeni sədr seçilənədək Naxçıvan Muxtar Respublikası Ali Məclisi sədri vəzifəsinin icrası müvəqqəti olaraq sədrin birinci müavini Azər Zeynalova həvalə edilib.

Ağsu rayonunda Şəhidlər Xiyabanına gedən yolda asılan bayraq cırılıb.

Bu barədə Yenisabah.az-a rayon sakinləri məlumat verib. Belə ki, şəhid Mahir Nuriyevin adı verilmiş küçədə dalğalanan bayrağın rəngi solub və cırılıb.

“Köhnə xəstəxananın yanından üzü Şəhidlər Xiyabanına gedən yolda bu mənzərəni görmək rayon əhalisini üzür. Bayraq bizim milli dəyərimizdir, bu bayraq isə bozarıb, cırılıb, asılmış Türkiyə bayrağı da eyni vəziyyətdədir. Ötən il şəhidin adı verilmiş bu küçədəki yolu gəlib qazıb enlətdilər, lakin gəlib asfaltlamadılar. Ağsu Rayon İcra Hakimiyyətinin başçısı Rövşən Bağırov niyə kabinetindən çıxıb bunu görmür? 27 sentyabr – Anlm Günündə belə bu bayraq dəyişdirilib yenisi ilə əvəzlənmədi. Bu, hörmətsizlikdir! Bu bayrağa görə neçə igid oğullarımız canlarından keçdi, qanları bahasına döyüşdülər, bu bayrağı dəyişmək çoxmu çətindir?” -, deyə rayon sakinləri bildirib.

Həmin görüntüləri təqdim edirik:

Yenisabah.az

Fövqəladə Hallar Nazirliyində kadr dəyişikliyi olub.

Fövqəladə hallar naziri, general-polkovnik Kəmaləddin Heydərovun əmri ilə polkovnik İlqar Sahib oğlu Səfərov Bakı Regional Mərkəzi rəisinin birinci müavini təyin edilib.

Qeyd edək ki, ötən ay Fövqəladə Hallar Nazirliyinin Bakı Regional Mərkəzinin rəis müavini, general-mayor Kamil Əlibala oğlu Bağırov təqaüdə göndərilib. Nazirin digər əmri ilə daxili xidmət mayoru Vüsal Nazim oğlu Məmmədzadə Bakı Regional Mərkəzinin rəis müavini təyin edilib.(Qaynarinfo)