Ağdaş rayonu, Qumlaq kənd sakini Yusifova İlahə İmaləddin qızı tərəfindən Hurriyyet.az saytının redaksiyasına şikayət məktubu daxil olub. Şikayətçi iddi edir ki, 1994-cu ildən yaşadığı küçədə qaz yoxdur, "Azəriqaz"a müraciət etsələr də, şikayətlərinə baxılmır:

"Mən, Yusifova İlahə İmaləddin qızı, öz adımdan yazaraq sizdən xahiş edirəm ki, bizim problemimizi işıqlandırasınız.

İllərdir odun peçindən istifadə edirik. Kəndin icra nümayəndəliyi, hətta bütün kənd bilir ki, bir neçə evdə qaz yoxdur, "Azəriqaz" deyir ki, bizə deyilsin, biz də çəkək. Kənddə bizim küçənin adı yoxdur, evimiz Çinar ağaclarının yaxınlığıdır".

Göygöl rayonunda vəzifəli şəxslər arasında münaqişə olub.

Hadisə Göygöl Dövlət Aqrar İnkişaf Mərkəzinin həyətində baş verib.

Mərkəzin direktoru, 41 yaşlı Elməddin Əhmədovla Göygöl Rayon baytarlıq İdarəsinin rəisi, 62 yaşlı Oqtay Həmidov arasında mübahisə daha sonra fiziki münaqişəyə keçib.

E.Əhmədov O.Həmidovun onun əl nahiyəsinə xəsarət yetirdiyini bildirərək Göygöl Rayon Polis Şöbəsinə şikayət edib.

Hazırda hadisə ilə bağlı araşdırma aparılır.

DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov məlumatı saytımıza təsdiq edib. O bildirib ki, hadisə ilə bağlı Göygöl Rayon Polis Şöbəsinə hər iki şəxsin müraciəti daxil olub: “İlkin araşdırmalar zamanı hər iki şəxsin mübahisə etməsi məlum olub. Şəxslər üzərində hər hansı bir bədən xəsarətləri müəyyən edilməyib. Faktla bağlı araşdırmalar davam etdirilir”.

Bakının Türkan kənd qəbirstanlğıdı. Tarixi 18 əsrə gedib çıxan məzarlar dağılmaqdadır.

Sakinlər deyir qəbristanlığa hansı qurumun nəzarət etdiyi bəlli deyil.

Toplum TV

Daha ətraflı aşağıdakı videoda:

Ermənistanın israrla Fransanı danışıqlara dəvət etməsinin müqabilində Azərbaycanın belə bir mövqe sərgiləyəcəyi proqnozlaşdırılırdı. Bunu Teleqraf.com-a açıqlamasında politoloq Elşən Manafov deyib.

Onun sözlərinə görə, Azərbaycan prezidenti bundan əvvəl də Fransanın prosesdə iştirakına qarşı çıxmışdı:

“Makron danışıqlardan kənarda qaldı. Azərbaycanın Türkiyə ilə bağlı mövqeyinin nəzərə alınmaması onu göstərir ki, Ermənistanın əlli dövlətlə (AB) Azərbaycana qarşı hücum diplomatiyasını təşkil etməyi planlaşdırır. Amma bu o demək deyil ki, Azərbaycan Türkiyənin dəstəyi olmadan həmin görüşə getməyə hazır deyildi və ya Azərbaycan hansı təzyiqə görə bundan imtina edib. Ermənistanın Azərbaycanı “etnik təmizləmə”də ittiham etməsindən sonra bu görüş sual altına düşmüşdü. Ən azı Ermənistan bu qondarma ittihama görə üzr istəməliydi. Bu erməni yalanının arxasında Azərbaycana qarşı beynəlxalq təzyiqə nail olmaq istəyi var. Əlbəttə, Azərbaycan bu məkrli siyasətdən xəbərdardı.

Paşinyan üçtərəfli bəyanatları yerinə yetirməkdən rəsmən imtina etdi. Bu o demək idi ki, Qranada görüşündə dəhliz müzakirə edilməyəcəkdi. Paşinyan dəfələrlə bəyan edib ki, Moskva razılaşmasında “Zəngəzur dəhlizi” adlı ifadə yoxdur. Yəni Ermənistan üzərinə götürdüyü öhdəliklərdən yayınaraq prosesi pozdu.

Fransaya gəlincə, Paris bölgədəki mövcud geosiyasi reallığa təsir imkanları axtarır. Qeyd edim ki, hazırda bölgəyə ən ciddi təsir imkanları olan tərəf Rusiyadır. Azərbaycan bunu həmişə nəzərə alıb”.

Elşən Manafov əlavə edib ki, Azərbaycan problemin həlli naminə hər hansı bir tərəflə əməkdaşlıqdan heç vaxt imtina etməyib:

“Azərbaycanın mövqeyi ondan ibarətdir ki, istənilən tərəflə, istənilən formatda danışıqlara getməyə həmişə hazırdır. Amma Qərbin uzun müddətdir sərgilədiyi ikili standartlar, xüsusən Fransa və ABŞ-ın mövqeyi Azərbaycanı bu formatda danışıqlara getmək fikrindən çəkindirə bilər. Baxmayaraq ki, Azərbaycan Avropa Birliyinin dəvəti ilə dəfələrlə Ermənistanla danışıqlarda iştirak edib.

Hesab edirəm ki, hazırkı situasiyada Azərbaycana Rusiya ilə istər ikitərəfli, istər də çoxtərəfli faydalı əməkdaşlıq lazımdır. Azərbaycan Rusiyanın bölgəyə ciddi təsir imkanlarının olduğunu bilir.

Ermənistanın Rusiya ilə münasibətlərində bir dönüş, kəskinlik, problem yaratmaq istəyi ABŞ-ın maraqları baxımından anlaşılan olsa da, İrəvanın düşə biləcəyi geosiyasi məngənə baxımdan başadüşülən deyil. Çünki Rusiyanın Ermənistana təsir imkanları təkcə hərbi kontekstdə deyil.

Ermənilərin Rusiyanın 102-ci bazasının çıxarıla biləcəyi ilə bağlı bəyanatları reallığa söykənmir. İkitərəfli razılaşmaya görə, Gümrüdəki bazanın dislokasiya müddəti 2050-ci ilə qədərdir. Ən azı bu, nəzərə alınmalıdır. İndi Ermənistanın birtərəfli şəkildə müqavilədən çıxmaq istəyi Rusiyanı qıcıqlandırır. Rusiya da haqlı olaraq müqavilənin şərtlərinin yerinə yetirilməsini Ermənistandan tələb edir. Ermənistan ən azı bunları nəzərə alınmalıdır”.

Ötən əsrin 90-cı illərində Bakıya kiçik sahibkar kimi gəlmiş, Azərbaycanda və xaricdə qurduğu geniş biznes şəbəkəsi hesabına milyonlar qazanmış, əslən İrandan olan tanınmış iş adamı Manuçehr Əhədpur Xangah həbs olunub.

Son illər Dubayda yaşayan iş adamı elə həmin şəhərdə həbs edilib. Həbsinə səbəb olan motivlərlə bağlı əlavə məlumat verməyə çalışacağıq.

Xatırladaq ki, iş adamının həyat yoldaşı Diana Əhədpur da bahalı həyat tərzi ilə dəfələrlə gündəmə gəlib.

DİA.AZ xaırladır ki, Manuçehr Əhədpur Xangah bir zamanlar Azərbaycanda sərvəti ilə göz qamaşdıran keçmiş gömrük brokeri Əbülfəzin əsas ortaqlarından biri olub və demək olar ki, Əhədpur özünün Azərbaycandakı imkanlarına görə, məhz "Broker” MMC-nin rəhbəri olmuş Əbülfəz Məlikova minnətdardır.

Xatırladaq ki, Əbülfəz Məlikov da hazırda əvvəlki imkanlarına malik deyil və hətta müəyyən dönəmdə həbsdə belə yatası oldu.

Ona Əhədpurun həbs xəbərinin hansısa formada təsir edə biləcəyinə gəlincə isə... bu barədə növbəti yazımızda...DİA.AZ

Uzun müddətdir ki, mətbuatda "Həyat üçün şans" Reabilitasiya Mərkəzinin direktoru Elgiz Şirinovun gizli fəaliyyəti haqqında geniş yazılar dərc olunub. Hətta göstərilib ki, Elgiz Şirinov kimlərləsə əlbir olaraq, narkomanları başına yığıb, öz çirkin əməllərini həyata keçirir. Hətta mətbuatdan oxumuşuq ki, Elgiz Şirinovun verdiyi rüşvəti alan məmurların ailə uşaqlarına da söyüşlər yağdırılıb. Olsun, Elgiz Şirinov narkoman olub, ona kim söysə haqqı var. Amma Elgiz Şirinov və ətrafında olan narkomanlar, onların Hüquq Mühafizə Orqanlarında işləyən qohumları, daha kimlər bu işlə əlaqəli deyillər? Elgiz Şirinov kiminlə söhbət edirsə ondan necə yararlanacağını düşünür. Bütün Elgiz Şirinovu tanıyanların hamısı fikirləşir ki, Elgiz Şirinovun ətrafında olan imkanlı narkomanlar və pulsuz gələn narkotik vasitələr qurtaran kimi Elgiz Şirinov yenə də "Konçennıy Narkoman" ləqəbini özünə qaytaracaq. Hamı inanır ki, Elgiz Şirinovun və onun ətrafında olan narkomafiyanın sonuna çox az qalıb. O narkomafiyanın sonu görünür. Artıq Elgiz Şirinovdan şikayətçilərin sayı o qədər artıb ki, onu rüşvət hesabına müdafiə edən şəxslər artıq onu müdafiə etməyəcəklər. Çünki, Elgiz Şirinov və onun ətrafında olan şəxslərdən rüşvət alan hər bir məmura ağır söyüşlər edilib. Bu başqa bir yazının mövzusudur. İndi isə gəlin görək Elgiz Şirinov və həyat yoldaşı hal-hazırda hansı işləri görə bilərlər. Onlar hər ikisi yaradılacaq Reabilitasiya Mərkəzlərində ancaq qab yumaq üçün yarıya bilərlər. Çünki onların heç birinin ali təhsilləri yoxdur. Buyurun, tanış olaq.
Reabilitasiya Mərkəzi nədir və nə üçün lazımdır?
Əsas mövzuya keçməzdən öncə qeyd edək ki, müxtəlif xəstəliklər, asılılıq ( narkotik, alkoqol və s ) halları ilə mübarizə aparmaq, müalicə etmək üçün hər bir ölkədə Reabilitasiya Mərkəzləri fəaliyyət göstərir. Reabilitasiya Mərkəzi müxtəlif fiziki, əqli və ya emosional problemlərini həll etmək istəyən şəxslər üçün özəl tibb müəssisəsidir. Bu mərkəzlər reabilitasiya proseslərini idarə etmək və dəstəkləmək üçün ekspert personal tərəfindən idarə olunur. Reabilitasiya Mərkəzləri müxtəlif ehtiyaclara cavab verir. Fiziki Reabilitasiya Mərkəzləri xəsarətlərdən sonra hərəkətliliyini bərpa etməyə çalışan şəxslərə kömək edir, narkomaniya ilə bağlı Reabilitasiya Mərkəzləri isə maddə asılılığı ilə mübarizə aparanlara dəstək verir. Bundan əlavə, psixi sağlamlıq Reabilitasiya Mərkəzləri psixoloji problemləri olan insanlara müalicə və məsləhət xidmətləri göstərir. Reabilitasiya Mərkəzlərinin əsas məqsədi fərdlərin həyatlarını daha sağlam və müstəqil şəkildə yaşamasına kömək etməkdir. Bu mərkəzlər öz mütəxəssis heyəti ilə fərdlərin ehtiyaclarına uyğun müalicə planları hazırlayır və həyata keçirir. Müalicə fiziki müalicədən tutmuş psixoterapiyaya qədər dəyişə bilər. Nəticədə Reabilitasiya Mərkəzləri müxtəlif sağlamlıq problemləri ilə mübarizə aparan insanlar üçün mühüm rol oynayır. Bu mərkəzlər fərdlərə daha keyfiyyətli həyat təmin etməyi qarşısına məqsəd qoysa da, mütəxəssislərin təqdim etdiyi peşəkar dəstək ilə bu məqsədlərə çatmağı asanlaşdırır.
Azərbaycanda da belə Reablitasiya Mərkəzləri var. Hətta Əmək və Əhalinin Müdafiəsi Nazirliyinin nəzdində Dövlət Tibbi-Sosial Ekspertiza və Reabilitasiya Agentliyi fəaliyyət göstərir və İdarə Heyətinin sədri də cənab Anar Bayramovdur. Yəni Reablitasiya Mərkəzləri özfəaliyyət sahəsi deyil, dərnək-zad kimi fəaliyyət göstərə bilməz. Bu mərkəzlərin öncə maddi-texniki resursları olmalı və ən əsası həkim-mütəxəssis kollektivi olmalıdır. Reabilitasiya Mərkəzləri Əmək və Əhalinin Sosial Müdafiəsi Nazirliyi, Səhiyyə Nazirliyi, Tibbi Ərazi Bölmələrini İdarəetmə Birliyi ilə qarşılıqlı əlaqədə fəaliyyət göstərməlidir. Digər tərəfdən Reabilitasiya Mərkəzləri sanitar-gigiyenik, yanğından mühafizə, təhlükəsizlik texnikası və bütün kommunal şəraiti olan binalarda yerləşdirilməlidir. Bura qədər yazdıqlarımz ölkəmizin qanunlarında da təsdiq olunub.
İndi gəlin görək, xeyli müddətdir ki, barəsində yazdığımız, Elgiz Şirinovun təsisçi və direktor olduğu “Həyat üçün şans” Reablitasiya Mərkəzi bu tələblərə cavab verirmi..? İlk onu qeyd edək ki, Elgiz Şirinovun instagram səhifəsinə nəzər salanda bəlli olur ki, bu adamın nəinki peşəkar tibbi təhsili, heç normal orta təhsili də yoxdur. Elgiz Şirinovun Reablitasiya Mərkəzində nəinki təcrübəli həkimlər, heç orta təhsili olan tibb işçiləri də yoxdur. Həmin Reabilitasiya Mərkəzlərində belə olan halda bu adam ora topladığı minlərlə xəstəni necə və hansı metodla müalicə edə bilər. Ancaq onlara gizli narkotik daşıya bilər.
Yuxarıda qeyd etdik ki, Reablitasiya Mərkəzlərinin ciddi sanitar-gigiyenik, yanğından mühafizə, təhlükəsizlik texnikası və bütün kommunal şəraiti olmalıdır. Elgiz Şirinov və arvadı harada gəldi, bağlarda Reablitasiya Mərkəzləri açıblar. Sabah bir yanğın olsa, xəstələr yansa, buna görə kim cavab verəcək..? Xeyli müddətdir ki, qeyri yaşayış sahəsi olmayan, ayrı-ayrı şəxsi evlərdə, bağlarda gizli fəaliyyət göstərən, Hüquq Mühafizə Orqanları xəbər tutan kimi yerlərini dəyişən, polisi şərləyərək onlara haqq verirəm deyən, 18 filialı olan “Həyat üçün Şans” Reabilitasiya Mərkəzində baş verən cinayət əməllərindən və şirkətin rəhbəri Elgiz Şirinovdan yazırıq. Bu boyda Reabilitasiya Mərkəzinin təsisçisi və rəhbəri nə qədər savadsız adamdır. Bu məxluq öz səhifəsində müxtəlif videolar, audiolar, şəkillər paylaşır və hər dəfə qarşısına iri hərflərlə yazılmış reklam şüarı qoyur. Fikir verin... "ƏZYƏTSİZ UGURUN ÖMRÜ AZ OLAR"... Bu "insan" bir az ƏZİYYƏT çəkib oxusa idi, heç olmasa, əlifbamızı əzbər sıralaya bilərdi... Və bununla da ibtidai təhsil alan uşaqlar üçün - adi, Elgiz Şirinov isə özü üçün - böyük bir UĞUR əldə etmiş olardı...
Elgiz hər yerdə çox yüksək vəzifəli şəxslərin adını çəkir və deyir ki, Reabilitasiya Mərkəzinin sahibləri onlardır. Elgiz hətta sponsorlarının da adlarını çəkir, amma özü hər narkomanın valideynlərindən 1500-6500 arası manat pul alır... Bu adam başına 2500 narkomanı toplayıb, özünü muzdlu dəstənin başçısı kimi aparır. Elgiz Şirinov ölkədə tanınan, nüfuzlu və imkanlı şəxslərin uşaqlarının siyahısını tutub, onları tora salmağın, mala otuzdurmağın, valideynlərindən külli miqdarda pul almağın planlarını cızıb və tapıb... Elgizin arvadı isə Abşeronda Reabilitasiya Mərkəzi yaradıb və imkanlı, vəzifəli şəxslərin qız-gəlinlərini orada, guya, müalicə edir...
Yuxarıda yazdığımız kimi, qanunla Reablitasiya Mərkəzi Əmək və Əhalinin Sosial Müdafiəsi Nazirliyi, Səhiyyə Nazirliyi, Tibbi Ərazi Bölmələrini İdarəetmə Birliyi ilə qarşılıqlı əlaqədə fəaliyyət göstərməlidir. Bəs bu dövlət qurumları hara baxır..?
Elgiz Şirinov arxasında vəzifəli adamların dayandığını dilindən düşürmür, lakin bunu onları şantaj edərək dilə gətirir. Elgiz Şirinov deyir ki, - Azərbaycanda elə vəzifəli adamların uşaqları əlimin altından keçib ki, mən ağzımı açsam, Azərbaycanın yeraltı - yerüstü qatı titrəyər... Görəsən, bu "qorxuducu" sözlərlə, o, kimlərə işarə edir..? Bilməliyik ki, biz bu adamı dindirməklə bir çox cinayət əməllərinin üstünü açaraq dindirilməmiş adamları dindirmiş olarıq... Elgiz Şirinovun və arvadının başçılığı ilə törədilmiş cinayətlərə görə bütün səbəbkarlar, başda Elgiz Şirinov və arvadı cəzalarına qovuşmalıdır... "Bu, can məsələsidir, adi bir oğurluq əməli deyil", - demək də düzgün səslənmir, çünki Elgiz Şirinov və arvadı həm də oğrudur... Onlar öz kirli ruhları - canları ilə ədalətə cavab verməlidirlər!!! İnsanların ömründən azaltdıqları illəri də öz canları ilə ödəməlidirlər...
Elgiz Şirinov və onun cinayətkar dəstəsi ilə bağlı artıq Korrupsiyaya Qarşı Mübarizə Baş İdarəsinə şikayətlər verildi. Bilirsiniz əgər Elgiz Şirinov açıq mətnlə deyirsə ki, biz Hüquq Mühafizə Orqanlarında təkcə prokurorluqla dil tapa bilmirik. O birisinə nə vaxt xəbərləri olursa əvvəlinə 3000, hər ay isə 500-750 manat arası aylıq veririk. Deməli, kimsə bu işdə nə isə alırsa onun gizli fəaliyyətinə göz yummalıdır.
Elgiz Şirinov və onun havadarları bilməlidirlər ki, gec-tez bu cinayət əməllərinin üstü açılacaq. Araiki Bakıya gətirənlər Elgiz Şirinovları və onların havadarlarının haqqında ölkə başçımıza əlimizdə olan tutarlı faktları çatdıracaqlar. Həmin vaxt isə, çox gec olacaq. Bir də nəzərə çatdırım ki, kimlərəsə görə, kimlərəsə hörmət qoyulursa onu gərək düzgün qiymətləndirək. Biz həmişə faktla danışmışıq, faktımızı heç vaxt əldən vermirik. İşlərimizə qarışmağı, bizə hədə-qorxu gəlməyi isə heç vaxt bağışlamırıq. Bilirsiniz, Azərbarcan Respublikasının Prezidenti, Ali Baş Komandanımız cənab İlham Əliyev hər bir vətəndaşın prezidenti olduğunu dəfələrlə vurğulayaraq bildirir ki, jurnalistlər bütün məsələlərdə dövlətə dəstək olmalıdır. Məhz ona görə də, biz həmişə cənab Prezidentimizin siyasətini dəstəkləyərək haqq yolumuzdan dönməyəcəyik.
P.S. Elgiz Şirinovun gizli fəaliyyətini dəstəkləyənlər, onun səs yazılarının Hüquq Mühafizə Orqanları haqqında dediklərinin şahidi olduqdan sonra narahat olacaqlar. //gundelik-baku.com//

"200 saylı (MLK) məktəbdə şagirdlər üçün pullu çantadaşıyan xidməti fəaliyyət göstərir…" DİA.AZ bildirir ki, bunu öz açıqlamasında tanınmış jurnalist Məhəmmədəli Qəribli qeyd edib.
Jurnalist daha sonra yazır: "Metronun Gənclik stansiyasına yaxın ərazidə olan- 200 saylı məktəbdə (MLK) imkanlı valideynlər üçün VİP xidmətlər yaradılıb. Ayda bəlli miqdar ödəyirsən, uşağının çantasını özü yox, məktəbdə texniki işdə çalışan xanımlar daşıyır. Maraqlıdır ki, söhbət çox da aşağı siniflərdən getmir ki, “çantaya gücü çatmadığı üçün kömək edirlər” bəhanəsi ortaya atılsın. Hansı valideynlərin bu xidmət üçün nə qədər pul ödədiyi də məlumdur.
Bu hala daha çox çantanı daşımağa tam gücü çatan siniflərdə oxuyan şagirdlər arasında rast gəlinir.
Mən bu məsələdə uşaqlarda heç bir günah görmürəm. Olmazmı ki, o xidmət üçün pul ödəyib, uşağını digər şagirdlərdən fərqləndirməyə çalışan valideynlər, belə bir rəqabəti övladını daha yaxşı oxumağa sövq etdirməklə, “kim daha çox savadlıdır?” prinsipi üzrə apararsın?
Məktəb və onun rəhbərliyi niyə bu cür fəaliyyətləri stimullaşdırmaqla uşaqlar arasında diskriminasiya yaradır? Hətta vəziyyət o həddə çatıb ki, aşağı siniflərdə oxuyanlardan birinin valideyni uşağının başqa şagirdlərlə deyil, tək oturması üçün xüsusi yumşaq oturacaq və digər aksesuarlarla təchiz edilmiş parta yığdırıb.
Məktəb deyil ey, sanki eyni təyyarədə uçan, ancaq birinin bileti biznes, digərininki isə ekanom klas olan sərnişinlərə göstərilən xidmətdir.
Hörmətli Emin Əmrullayev, biz övladlarımızı məktəbə təhsil almağa göndəririk, yırtıcı kapitalizmin doğurduğu reallıqlar altında psixoloji olaraq əzilməyə yox!
Bütün ləyaqətli müəllimləri peşə bayramı münasibətilə ürəkdən təbrik edirəm!"

Məsələ ilə bağlı olaraq qarşı tərəfi də dinləməyə hazırıq...Dia.az

Arayik Arutyunyan cinayət məsuliyyətinə cəlb edilib.

Bu barədə Baş Prokurorluq və Dövlət Təhlükəsizliyi Xidmətinin Mətbuat xidmətləri birgə məlumat yayıb.

Qeyd olunub ki, Azərbaycanın Qarabağ ərazisində fəaliyyət göstərmiş qanunsuz erməni silahlı birləşmələrinin törətdikləri sülh və insanlıq əleyhinə, müharibə, terrorçuluq və digər cinayətlərin araşdırılması ilə bağlı başlanmış cinayət işləri üzrə Azərbaycan Baş Prokurorluğu və Dövlət Təhlükəsizliyi Xidməti tərəfindən kompleks tədbirlər həyata keçirilir.

Araşdırmalar zamanı Azərbaycanın Xankəndi şəhərində anadan olmuş, 1973-cü il təvəllüdlü Arutyunyan Arayik Vladimiri tərəfindən Azərbaycan Respublikasının ərazisində qondarma “Dağlıq Qarabağ Respublikasının prezidenti” və digər adlar altında təcavüzkar müharibənin aparılmasında iştirak edilməsi, muzdluların yığılması, onlara təlim keçirilməsi və maliyyələşdirilməsinə, həmçinin onlardan hərbi münaqişədə və hərbi əməliyyatlarda istifadə edilməsinin təşkil olunmasına, silahlı münaqişə zamanı beynəlxalq humanitar hüquq normalarının pozulmasına, silahlı münaqişə dövründə cinayətkar əmr verilməsinə əsaslı şübhələr müəyyən edilmişdir.

Bundan başqa, Arayik Arutyunyan tərəfindən Azərbaycan Respublikasının qanunvericiliyi ilə nəzərdə tutulmayan silahlı birləşmələrin formalaşdırılmasına və fəaliyyətinin təşkilinə, cinayətkar birlik halında həmin birləşmələrin silah, onun komplekt hissələri, döyüş sursatı, partlayıcı maddələr, hərbi texnika və əsgəri ləvazimatla təchizinə, bunlardan istifadə hazırlığı üzrə təlimlərin təşkil edilməsinə, eləcə də qaçaqmalçılıq yolu ilə ölkəmizə gətirilməsinə və terrorçuluğun maliyyələşdirilməsinə əsaslı şübhələr müəyyən olunmuşdur.

İstintaq-əməliyyat tədbirləri nəticəsində, həmçinin, Arayik Arutyunyan tərəfindən terror aktlarının törədilməsi məqsədilə Azərbaycan Respublikasının ərazilərinin davamlı şəkildə minalanması, cəbhə zonasından kənarda yerləşən, əhalinin sıx məskunlaşdığı Azərbaycan Respublikasının Gəncə şəhəri və Bərdə rayonunun yaşayış məntəqələri və mülki obyektlərini hədəfə alaraq ballistik və digər növ raketlər atılmaqla çoxsaylı mülki şəxslərin öldürülməsi və onlara müxtəlif dərəcəli bədən xəsarətlərinin yetirilməsi, mülki və hərbi infrastruktura ağır nəticələrə səbəb olan ziyan vurulması ilə nəticələnən terror hücumlarının təşkil olunması və digər çoxsaylı cinayətlər törədilməsinə əsaslı şübhələr müəyyən edilmişdir.

Arayik Arutyunyan 2020-ci il oktyabrın 28-də Azərbaycan Respublikası Cinayət Məcəlləsinin müvafiq maddələri ilə təqsirləndirilən şəxs qismində cəlb edilmiş, barəsində məhkəmənin qərarı əsasında həbs qətimkan tədbiri seçilərək beynəlxalq axtarışa verilmişdir.

Cari il oktyabrın 3-də Arayik Arutyunyan Dövlət Təhlükəsizliyi Xidməti tərəfindən Xankəndi şəhərində saxlanılmış, ona Cinayət Məcəlləsinin 100, 116, 117, 120, 214, 214-1, 214-3, 218, 279-cu və digər maddələri ilə ittiham elan edilmişdir.

Hazırda Baş Prokurorluq və Dövlət Təhlükəsizliyi Xidməti tərəfindən zəruri və təxirəsalınmaz istintaq-əməliyyat tədbirləri davam etdirilir.

"Xahiş edirəm, məsləhət verərdiniz. Deməli, dünən "Aloe+" aptekdən inqalyator almışam, axşam apardım evdə aparatı taxanda işləmədi..." DİA.AZ bildirir ki, bu barədə "Müştərinin Səsi" sosial qrupundakı paylaşımda giley olunur.

Daha sonra narazı vətəndaş yazır: "Bu gün səhər aparmışam qaytarmağa, qaytarmaqdan imtina etdilər. Əsas kimi gətirdilər ki guya bunlar zəmanət talonu yazıblar( həqiqətən də yazmışdılar) zəmanət talonu yazılıb deyə artıq aptek məsuliyyət daşımır , aparatı verən firmanındı məsuliyyət. Onlara göndəriləcək onlar texniki baxış keçirəcək yalnız ondan sonra əgər düzəlməyi mümkün deyilsə qaytarılacaq. İzah etməyə çalışdımki 14 gün ərzində dəyişmək hüququm var ,yenə də öz bildiklərin dedilər. Antinhisar və İstehlak Bazarına Nəzarət Dövlət Xidmətinə şikayət etdim qeydə aldılar. Pulu qaytarana qədər yenisin almalıyam sadəcə olaraq bilmək istədiyim odur ki, qaytarmamaq ehtimalları varmı?"

Məsələ ilə bağlı olaraq qarşı tərəfi də dinləməyə hazırıq...Dia.az

Naxçıvandakı tibb işçilərinə „Gündəlik Naxçıvan“ səhfəsinin feysbuk və instaqramdakı səhifələrini kütləvi şikayət etmək tapşırığı verildiyi bildirilir. DİA.AZ bildirir ki, tibb işçilərinin məlumatına görə, bu tapşırığı Naxçıvanın səhiyyə nazrliyinə başçılıq edən Samiq Sadıxov verib və məqsəd bu səhifələri bağlatmağa nail olmaqdır. Tibb işçiləri deyir ki, o, bu yolla Naxçıvan səhiyyəsində baş verən korrupsiya və digər pozuntularla bağlı tənqidi yazılardan canını qurtarmağa çalışır.

Naxçıvan MR Xəstaxanasında çalışan tibb bacılarının verdiyi məlumata görə, onlar səhifədə səhiyyə ilə bağlı tənqidi paylaşımlara inkaredici şərhlər yazmağa da məcbur edilirlər:

“Bizi məcbur edirlər ki, tənqidi yazıların altında Samiq müəllimi və xəstəxananın rəhbərliyini tərifləyək. Bunu etməyənləri işdən çıxarmaqla hədələyirlər. Ötən həftədən də hər kəsə tapşırılıb ki, səhifəni şikayət edək. Bəziləri qorxub bunu etsə də, çoxları hələlik imtina edir. Trolluq edənlər və səhifəni şikayət edənlər əsasən praktika keçən tibb bacılarıdır. Onlar şirnikləndirici söz verilib ki, işə götürüləcəklər. Könüllüləri idarə edən Samiq müəllimin əmioğlusu Anar Sadıqovdur. Bu səhifə həqiqətləri, bizim dərdimizi yazır. Biz bu səhifəni niyə şikayət etməliyik? Problemləri həll etməkdən, ucuz yol seçiblər. İdarəçilikdən narazı işçiləriə özlərini zorla təriflədirlər“.

Şikayətçilər deyir ki, nazirlik səhiyyədəki pozuntularla bağlı məlumat verən tibb işçilərini də axtarır:

“Şübhələndikləri adamları sorğu-sual edirlər. Yığıncaqda dedilər ki, məlumat verənləri tapıb, işdən çıxaracağıq”.

Naxçıvan MR Səhiyyə Nazirliyinin Mətbuat Xidmətindən isə, məlumatı təkzib etdilər:

“Nazirlik hesab edir ki, bu əvvəlcədən hazırlanmış, düşünülmüş qarayaxma kampaniyasıdır. Biz heç kimə hansısa səhifəni şikayət etmək, bu səhifədə kiminsə haqda müsbət rəy yazmaq tapşırığı verməmişik. Nazirlik həkimlərin sosial mediadakı fəaliyyətinə qətiyyən qarışmır. Səhifəyə məlumat verənlər də axtarılmır. Biz anlaya bilmirik ki, sizə niyə belə yalan məlumatlar veriblər”.

DİA.AZ