[rating-type-4]
{likes}
{dislikes}
[/rating-type-4]
General 750 manat maaşla komitəyə işə qayıtdı - 8600 manat təqaüd almaq şərti ilə…


General-mayor Güloğlan Muradlının "təcrübəsini bölüşmək üçün" Dövlət Gömrük Komitəsində (DGK) yenidən fəaliyyətə başladığı deyilir.

Millitv.az -ın Qaynarinfo-ya istinadən məlumatına görə, təqaüdü 8600 manat olan Güloğlan Muradlı işsiz qala bilmədiyi üçün öz xahişi ilə komitədə aylıq maaşı 750 manat olan inspektor vəzifəsində işə götürülüb.

O, bu işdə təcrübəsini komitənin yeni təyin olunan yüksək vəzifəli şəxsləri ilə də bölüşür.

Qeyd edək ki, ötən ilin may ayında komitə sədri, general-leytenant Şahin Bağırovun müvafiq əmri ilə, son yaş həddi ilə əlaqədar Dövlət Gömrük Komitəsinin (DGK) Əməliyyat-İstintaq Baş İdarəsi rəisinin birinci müavini, general-mayor Güloğlan Muradlı təqaüdə göndərilib.
[rating-type-4]
{likes}
{dislikes}
[/rating-type-4]
Əməliyyatlar bitsə də, Füzulidə internet bərpa olunmur - NARAZILIQ VAR...

Sentyabrın 19-da Azərbaycan Qarabağda lokal hərbi əməliyyata başlayandan dərhal sonra “Aztelekom”, həmçinin “Nar Mobile”, “Bakcell”, “Azercell” Füzulidə internetin verilməsini dayandırıb.

Əməliyyatlar bir gün sonra bitsə də, internet hələ də bərpa edilməyib.

Meydan TV-nin Füzuli rayonundakı əməkdaşı deyir ki, problemlə əlaqədar aidiyyəti qurumlara edilən müraciətlərə əhəmiyyət verilmir.

Onun sözlərinə görə, Füzulinin Arayatılı kənd sakinləri günlərdir ki, bu problemin həlli ilə bağlı müraciətlər edirlər:

“Camaat əsəb, gərginlik içindədir. İnternetin kəsilməsi, informasiya hüquqlarının məhdudlaşdırılması ilə bağlı vətəndaşlara məlumat verilməyib. İnternet üzərindən işlərini quran şəxslər çıxılmaz vəziyyətə düşərək, Bakıya üz tutublar. Onlayn repetitorla məşğul olan şagirdlər də dərslərini dayandırmalı olublar”.

Jurnalist deyir ki, özü də problemlə bağlı aidiyyəti qurumlara müraciət edib:

“Məsələ ilə əlaqədar bütün aidiyyəti qurumlara zəng edirəm, nə səbəb bildirirlər, nə də internetin nə zaman bərpa ediləcəyi haqda məlumat verirlər. Əhali isə hansısa əsassız səbəbdən informasiya blokadasında saxlanıldıqlarını deyir”.

Arayatılı kənd sakini Mehrəliyeva Diləfruzun sözlərinə görə, internet yalnız dövlət müəssisələrinə, məktəblərə, banklara və Füzuli Rayon İcra Hakimiyyətinə verilir:

“Adamlar da məhdudiyyəti aradan qaldırmaq üçün VPN yükləyərək, mobil operatorların internetindən istifadə edirlər. Bu da günün müəyyən saatlarında mümkün olur. İnsanların həm əsəbi gedir, həm də mobil operatorlara xeyli pul xərcləməli olurlar”.

O deyir ki, rayona internet 2013-cü ildə çəkilib. Yeganə provayder olan “Aztelekom”un internetində isə həmişə problemlər yaşanıb:

“On il ərzində bir dəfə də olsun kabellər dəyişdirilməyib, xətlərdə yenilənmə işləri aparılmayıb. İkinci Qarabağ müharibəsi zamanı raket mərmiləri nəticəsində internet kabelləri zədələnmişdi. Qırılan kabelləri bir-birinə calaq ediblər. Güclü külək əsəndə internet qırılır. “Aztelekom”a, həmçinin Rəqəmsal İnkişaf və Nəqliyyat Nazirliyinə (RİNN) şifahi və yazılı müraciətlər etsək də, nəticəsiz qalır”.

Provayder və mobil operatorlar susur

Meydan TV məsələ ilə əlaqədar “Aztelekom”a sorğu göndərsə də, cavab almayıb.

Qurumun “170 Çağrı mərkəzi”ndən isə “Məsələni araşdıracağıq”, – deməklə kifayətləniblər.

Rəqəmsal İnkişaf və Nəqliyyat Nazirliyindən isə deyiblər ki, məsələ həll olunmaq üzrədir.

“Narahatlığa əsas yoxdur. İnternet bərpa ediləcək. Vətəndaşlara səbrli olmağı tövsiyə edirik”, – nazirlikdən bildirilib.

“Azercell”, “Bakcell” və “Nar Mobile”ın da mətbuat xidmətlərinə yönləndirilmiş sorğular da cavabsız qalıb.

İnternetə hansı hallarda məhdudiyyət qoyula bilər?

Hüquqşünas Ələsgər Məmmədli Meydan TV-yə deyir ki, ölkədə fors-major, fövqəladə və ya hərbi vəziyyət elan edilmədiyi təqdirdə internetin məhdudlaşdırılması qanunsuzdur:

“Bu, mülki hüquq öhdəlikləri baxımından da problem yaradır. Vətəndaşlar internet provayderlərinə, mobil operatorlara müqavilə əsasında ödənişlərini öncədən ediblər. Buna baxmayaraq, onların ödəniş etdiyi internet trafikini ala bilmirlər. Bu qanunsuzluğa görə vətəndaşların kütləvi şəkildə internetlərini dayandıran provayder və mobil operatorlara qarşı məhkəmə iddiası qaldırması daha məntiqli olar. O zaman bu qanunsuz əmri kimin verdiyi, bəlkə, məhkəmədə ortaya çıxar”.

Ekspert deyir ki, internetin kəsilməsi ilə əlaqədar öncədən istehlakçılara məlumat verilməli idi:

“Azərbaycan qanunvericiliyində heç bir halda göstərilməyib ki, hansısa yerdə müvəqqəti və ya günlərlə internet kəsilə bilər. Baş verən hadisə hüquqazidd, özbaşına bir hərəkətdir və vətəndaşları qanunsuz olaraq incitmək, eyni zamanda onların informasiya əldə etmə hüquqlarını məhdudlaşdırmaqdır”.

İKT üzrə ekspert, Azərbaycan İnternet Formunun prezidenti Osman Gündüz isə Meydan TV-yə deyir ki, lokal hərbi əməliyyatı fövqəladə və ya hərbi vəziyyət hesab etmək olar:

“Dövlət bəlli bir bölgədə antiterror əməliyyatı keçirdiyi vaxtda internetlə bağlı hansısa məhdudiyyətlərin olması anlaşılandır. Antiterror əməliyyatı da hərbi və ya fövqəladə vəziyyət hesab etmək olar. Amma hazırda əməliyyatlar başa çatıbsa, vəziyyət dövlətin nəzarəti altındadırsa, kommunikasiyaların bərpası, internetin açılması, mobil internetin xidmətinin aktivləşdirilməsi doğru olardı”.
[rating-type-4]
{likes}
{dislikes}
[/rating-type-4]
Bakıda keçmiş deputatın GİZLİ QUMARXANASI... - OLAY VAR...

Bakıda məşhur istirahət mərkəzində bir müddət əvvəl qalmaqal yaşanıb.

DİA.AZ-ın xəbərinə görə, Səbail rayonu, Şıx çimərliyində yerləşən “Min bir gecə” istirahət mərkəzində turist kimi istirahət edən tanınmış əcnəbi iş adamlarından birinin külli miqdarda pulu yoxa çıxıb..

Mənbə dia.az-a bildirir ki, əslində əcnəbi iiş adamının pulu qumar masasında "əriyib", sadəcə rəsmiləşdirmə üçün bu olayı oğulruq adı ilə əqdim eməyə çalışıblar.

Qeyd edək ki, hadisənin təfərrüatı ilə bağlı dia.az-a informasiyalar daxxil olub.

Aydın olur ki, keçmiş deputat Hüseynbala Mirələmova məxsus olan bu obyekt həm də qanunsuz qumarxana kimi fəaliyyət göstərir. Bu fak isə bu günlərdə İFŞA OLUB və həm də qalmaqalla...

Məsələdə Arzuman adlı şəxsin də adı hallanır... Bu barədə daha geniş növbəti yazıda...

İddia olunanlarla bağlı olaraq bütün maraqlı tərəfləri dinləməyə hazırıq...Dia.az
[rating-type-4]
{likes}
{dislikes}
[/rating-type-4]
Sabirabad sakini buna görə NARAZILIQ EDİR... - ETİRAZ

Sabirabad rayon sakini Zaur Məhərrəmov 3 oktyabr tarixində Əmək və Əhalinin Sosial Müdafiəsi Naziriliyi qarşısında etirazını bildirirdi. Onun qardaşı oğlu Adil Məhərrəmov 4 il bundan əvvəl yolu piyada keçərkən kamaz sürücüsü qəzaya səbəb olur. Əminin sözlərinə görə, aldığı xəsarətlər nəticəsində 13 dəfə əməliyyat olan 14 yaşlı uşaq çətinlik çəkir. Zaur Məhərrəmov 3 il təqaüd alan uşağın avqust ayından bəri bundan məhrum edildiyini iddia edir.

Toplum TV

Daha ətraflı aşağıdakı videoda:
[rating-type-4]
{likes}
{dislikes}
[/rating-type-4]
Prezident və xanımı Xoşbəxt Yusifzadənin ölümü ilə bağlı nekroloq imzaladı


Prezident İlham Əliyev və Birinci vitse-prezident Mehriban Əliyeva Xoşbəxt Bağı oğlu Yusifzadənin vəfatı ilə bağlı nekroloq imzalayıblar.

Mətndə deyilir:

"Azərbaycan ictimaiyyətinə ağır itki üz vermişdir. Görkəmli neftçi-alim və geoloq, Azərbaycan Respublikası Dövlət Neft Şirkətinin birinci vitse-prezidenti, respublika dövlət mükafatları və Heydər Əliyev Mükafatı laureatı, geologiya-mineralogiya elmləri doktoru, professor, Azərbaycan Milli Elmlər Akademiyasının həqiqi üzvü Xoşbəxt Bağı oğlu Yusifzadə 2023-cü il oktyabrın 3-də ömrünün 94-cü ilində vəfat etmişdir.

Xoşbəxt Yusifzadə 1930-cu il yanvarın 14-də Bakı şəhərinin Pirşağı kəndində anadan olmuşdur. Orta məktəbi bitirdikdən sonra o, 1947–1952-ci illərdə indiki Azərbaycan Dövlət Neft və Sənaye Universitetinin neft və qaz yataqlarının geologiyası və kəşfiyyatı fakültəsində dağ mühəndisi-geoloq ixtisası üzrə ali təhsil almışdır.

Xoşbəxt Yusifzadə 1960-cı ildə geologiya-mineralogiya elmləri üzrə namizədlik, 1987-ci ildə doktorluq dissertasiyaları müdafiə etmiş, 2005-ci ildə professor elmi adını almış, 2007-ci ildə isə Azərbaycan Milli Elmlər Akademiyasının həqiqi üzvü seçilmişdir.

Əmək fəaliyyətinə 1952-ci ildə SSRİ Neft Sənayesi Nazirliyinin Layihə İnstitutunun Bakı filialında mühəndis-geoloq kimi başlayan Xoşbəxt Yusifzadə 1954-cü ilədək “Dənizneft” Birliyində geoloji şöbə rəisinin müavini və “Azneft” İstehsalat Birliyində böyük geoloq, 1954–1963-cü illərdə indiki “Neft Daşları” Neft və Qazçıxarma İdarəsində böyük geoloq, baş geoloq və rəis vəzifələrində işləmiş, 1963–1970-ci illərdə “Başdənizneft” İdarəsində şöbə rəisi, 1970–1992-ci illərdə isə “Xəzərdənizneft” Birliyində müxtəlif rəhbər vəzifələrdə çalışmışdır.

Xoşbəxt Yusifzadə 1992-ci ilin may ayından “Azərineft” Dövlət Konserninin birinci vitse-prezidenti olmuş, həmin ilin noyabrından ömrünün sonunadək Azərbaycan Respublikasının Dövlət Neft Şirkətində prezidentin müşaviri, vitse-prezident və birinci vitse-prezident vəzifələrini tutmuşdur.

Akademik Xoşbəxt Yusifzadə Azərbaycanın neft salnaməsinə parlaq səhifələr yazmış şəxsiyyətlərdəndir. Xəzərdə genişmiqyaslı axtarış-kəşfiyyat işlərinin uğurla aparılmasında və dənizin zəngin potensialının üzə çıxarılmasında onun müstəsna xidmətləri vardır. Alimin bilavasitə rəhbərliyi və iştirakı ilə 20-dən artıq neft və qaz yatağı, o cümlədən “Azəri”, “Çıraq” və “Günəşli” yataqları kəşf edilərək istismara verilmişdir. Həmin yataqların kəşfi ölkəmizin neft strategiyasının milli mənafelərə uyğun gerçəkləşdirilməsində mühüm əhəmiyyət kəsb etmişdir. Neft-qaz geologiyası üzrə səriştəli mütəxəssis olan Xoşbəxt Yusifzadə uzun illər ərzində topladığı zəngin təcrübəsini neft sənayesi strukturlarında məsul vəzifələrdə çalışarkən öz təşkilatçılıq bacarığı ilə ahəngdar şəkildə birləşdirirdi.

Xoşbəxt Yusifzadə eyni zamanda neft və qaz sənayesinin aktual problemlərinin həlli, neft-qaz hasilatının inkişafı və geofiziki axtarış üsullarının təkmilləşdirilməsi sahəsində fundamental araşdırmaların müəllifi kimi tanınmışdır. Onun elmlə istehsalatın sıx bağlılığını əyani təcəssüm etdirən tədqiqatları Xəzər dənizinin Azərbaycan sektorundakı neft-qaz yataqlarının işlənməsi zamanı elmi metodların tətbiqində xüsusi rol oynamışdır. Xoşbəxt Yusifzadənin apardığı tədqiqatların nəticələri onun 200-ə yaxın elmi əsərində öz əksini tapmışdır. Alimin neft emalı sənayesində ixtiraları respublika iqtisadiyyatına böyük səmərə gətirmiş, karbohidrogen ehtiyatlarının həcmi ilə bağlı hesablamaları həmişə özünü doğruldaraq, ona həmkarları arasında nüfuz qazandırmışdır.

Xoşbəxt Yusifzadənin Azərbaycanın neft-qaz sənayesinin inkişafında əvəzsiz xidmətləri və çoxillik səmərəli fəaliyyəti daim yüksək qiymətləndirilmişdir. O, müstəqil Azərbaycanın ali mükafatları – “Heydər Əliyev”, “İstiqlal”, “Şöhrət”, “Şərəf”, 1-ci dərəcəli “Əmək” ordenləri və “Azərbaycan Respublikası Prezidentinin fəxri diplomu” ilə təltif edilmiş, “Əməkdar mühəndis” fəxri adına layiq görülmüşdür.

Görkəmli neftçi-alim və geoloq, səmimi və təvazökar insan Xoşbəxt Bağı oğlu Yusifzadənin xatirəsi onu tanıyanların qəlbində həmişə yaşayacaqdır.

Allah rəhmət eləsin!

İlham Əliyev

Mehriban Əliyeva

Əli Əsədov

Sahibə Qafarova

Samir Nuriyev

Eldar Əzizov

Şahmar Mövsümov

Fərəh Əliyeva

Mikayıl Cabbarov

Pərviz Şahbazov

Emin Əmrullayev

Rövşən Nəcəf

İsa Həbibbəyli

Akif Əlizadə

İbrahim Quliyev".
[rating-type-4]
{likes}
{dislikes}
[/rating-type-4]
Hövsanda binanın zirzəmisində obyekt TİKİLİR – İcra "qanunsuzdur" deyir, obyekt sahibi isə...

Bakıda beşmərtəbəli binanın zirzəmisində obyekt tikilir. Söhbət Hövsan qəsəbəsi Hafiz Quliyev küçəsi, 24-cü binanın 2 nömrəli mənzilinin zirzəmisindən gedir.

TEREF.AZ-ın xəbərinə görə, Bizim.Media-ya bu iddia ilə müraciət edən bina sakinlərinin sözlərinə görə zirzəmidə iaşə obyekti tikilir. Hətta binanın sütununa da müdaxilə edilib.

Onlar hesab edir ki, əgər tikinti dayandırılmasa, bina təhlükəli vəziyyətə düşə bilər.

Zirzəmidə qazıntı işlərinə təxminən 2 ay əvvəl başlanıldığını vurğulayan sakinlər müvafiq qurumlara məlumat verdikləri üçün aparılan işlərə bir müddət fasilə verildiyini qeyd ediblər. Bir həftə sonra yenidən tikinti işlərinə başlanılıb. Sakinlər növbəti dəfə etiraz ediblər. Bundan sonra zirzəmi blomlanıb. Hazırda isə orada hər hansı iş aparılmır.

Şikayətçilərin dediklərinə görə, sözügedən zirzəmi Dövlət Əmlak Komitəsi tərəfindən İbrahimova Günel Şirin qızının adına özəlləşdirilib. Yəni özəl mülkiyyətçi odur. Amma obyektin sahibi başqa bir şəxsdir.

Məsələ ilə bağlı Suraxanı Rayon İcra Hakimiyyətinin Hövsan qəsəbəsi üzrə nümayəndəsi Orxan Camalov Bizim.Media-ya bildirib ki, həqiqətən də zirzəmidəki sütuna müdaxilə edilirdi, lakin bu cəhdin qarşısı alınıb:

“Müdaxilə etmək istəyirdilər, Dövlət Şəhərsalma və Arxitektura Komitəsi və FHN-lə birgə qarşısını aldıq. Fövqəladə Hallar Nazirliyi tərəfindən ora blom vurulub. Obyekt filan açılmayacaq. Səhv etmirəmsə, o məsələ ilə bağlı cinayət işi də açılacaq. Bir sözlə orada işlər dayanıb və hər gün nəzarət olunur”.

Sakinlərin iddiasına görə işlər dayandırılsa da, bu, müvəqqəti xarakter daşıyır. Bildirirlər ki, bir müddət sonra yenidən tikintiyə başlanılacaq.

Tikintiyə nəzarət və icazə ilə bağlı aydınlıq gətirilməsi üçün Fövqəladə Hallar Nazirliyi, eləcə də Dövlət Şəhərsalma və Arxitektura Komitəsi ilə əlaqə yaratsaq da, hər iki qurumdan hər hansı açıqlama ala bilmədik.

Daha sonra obyekt sahibinin kimliyini araşdırdıq. Məlum oldu ki, Hövsan qəsəbəsi Hafiz Quliyev küçəsi, bina 24-ün 2 nömrəli mənzilin zirzəmisinin sahibi Sakit İbrahimovdur. O, zirzəmidə hər hansı qazıntı və ya tikinti işlərinin aparılmadığını deyib:

“Bunu söyləyənlər ağ yalan danışır. Dəli olmaq lazımdır ki, öz obyektinin sütununa problem yaradasan və sütun başına uça... Şəxsən sizi dəvət edirəm, gəlin öz gözlərinizlə baxın. Mülkiyyətimdə olan bir yerə məgər icazə ilə girib-çıxmalıyam? Ya, obyekti təmir edəndə kimdənsə icazə almalıyam? Həmin binanın 99 faizi obyekt olaraq fəaliyyət göstərir.

Sadəcə 2 ay əvvəl oranı yüngül təmir etdirmişəm. Vəsaitimiz çatmadı deyə təmiri saxladıq. Hazırda orada iş getmir. İmkanlarımız düzələndən sonra yenə təmir planlaşdırırıq. Mən sizi əmin edirəm ki, bu məlumat qərəzli şəkildə yayılıb”.

Göründüyü kimi, rəsmi qurum, yəni Suraxanı Rayon İcra Hakimiyyətinin rəsmisi həqiqətən də zirzəmidə qanunsuz müdaxilənin aparıldığını təsdiqləyib.

Bu azmış kimi sütuna müdaxilə aşkarlandığı üçün Fövqəladə Hallar Nazirliyi və Dövlət Şəhərsalma və Arxitektura Komitəsinin birgə işə müdaxilə etdiklərini, qazıntı işlərinin qarşısının alındığını bildirib. Amma obyekt sahibi bütün bunları inkar edərək, sadəcə obyektdə təmir işləri apardığını qeyd edib.

Hər halda məsələni yerində araşdırmaqla qarşılıqlı iddialara cavab tapmaq olar. Ümid edirik ki, aidiyyəti qurumlar problemi yoluna qoyacaqlar.

Məsələdə adıçəkilən qurumların mövqeyini dərc etməyə hazırıq.

Mövzunu diqqətdə saxlayacağıq...
Hövsanda binanın zirzəmisində obyekt TİKİLİR – İcra "qanunsuzdur" deyir, obyekt sahibi isə...
Hövsanda binanın zirzəmisində obyekt TİKİLİR – İcra "qanunsuzdur" deyir, obyekt sahibi isə...
Hövsanda binanın zirzəmisində obyekt TİKİLİR – İcra "qanunsuzdur" deyir, obyekt sahibi isə...



[rating-type-4]
{likes}
{dislikes}
[/rating-type-4]
Kəndlərdə 10 manata görə itirilən milyonlar - AXI NİYƏ?

Ölkədə payızlıq əkin mövsümünün başlanması ilə əlaqədar olaraq əkin sahələrinin sığortalanmasına start verilib.

Aqrar Sığorta Fondunun məlumatına görə, sentyabrın 1-dən etibarən Azərbaycanda payızlıq əkinlərin bəyanına başlanılıb. Fermerlər əkin sahələrini Elektron Kənd Təsərrüfatı İnformasiya Sistemində (EKTİS) bəyan edə bilərlər və bu proses ilin sonunadək davam edəcək. Bugünlərdə Aqrar Sığorta Fondunun idarə heyətinin sədri Fuad Sadıqov sistemin fəaliyyətə başladığı 3 il ərzində Fondun yığımlarının və ödənişlərinin sürətlə artdığını, əhatə dairəsinin genişləndiyini qeyd edib.

Onun sözlərinə görə, hazırda Aqrar Sığorta Fondu tərəfindən 420 min hektardan artıq əkin sahəsi sığortalanıb ki, bu da ölkədəki bütün əkin sahələrinin 25%-i deməkdir. 2022-ci ildə Aqrar Sığorta Fondu tərəfindən 2,4 milyon manat ödəniş edildiyini xatırladan Fond sədri, 2023-cü ildə baş verən sığorta hadisələrinin sayının kəskin artdığını və buna uyğun olaraq sığorta ödənişlərinin məbləğinin də bir neçə dəfə yüksələcəyini bildirib.

Fond rəhbəri qarşıdakı dövrdə aqrar sığortaya yeni risklərin, o cümlədən quraqlıq risklərinin əlavə edilməsi ilə bağlı ilkin müzakirələrin və hesablamaların aparıldığını qeyd edib. Qeyd edək ki, əkin sahələrinin sığortalanması ilə bağlı ümumi nəticəyə nəzər saldıqda hazırkı 25 faizlik rəqəm o qədər də böyük rəqəm deyil. Bunun hansı problemlərdən qaynaqlandığına gəldikdə isə müxtəlif səbəblər var.

Məsələ ilə bağlı Aqrar Sığorta Fondunun idarə heyətinin sədri Fuad Sadıqov bildirmişdi ki, bəzi hallarda fermerlərin əkinlərini vaxtında bəyan etməməsi onların zərərə düşməsi ilə nəticələnir:

“Bəzən fermerlər əkin işlərini sentyabr-oktyabrda apardıqları halda, əkinlərin bəyanını dekabrın ayına, hətta ayın sonuna saxlayırlar. Buna uyğun olaraq həmin vaxt əkinlərin sığorta olunması da ləngiyir. Nəticədə əkinlər bir neçə ay sığortasız qalır ki, bu da həmin vaxt baş verə biləcək hadisələr səbəbindən fermerləri zərərə düşməsi deməkdir.

Noyabr-dekabr aylarında həmin əkin sahəsində hər hansı təbii fəlakət, sel-subasma və güclü külək hadisəsi baş verəndə fermer əkinini hələ bəyan etmədiyinə görə, sığorta müqaviləsi də bağlamamış olur və həmin vaxt baş verən hadisə qarşısında təminatsız olur. Sığortasız dövrdə baş verən zərərləri isə kompensasiya etmək mümkün olmur”.

DİA.AZ-ın məlumatına görə, iqtisadçı-ekspert Akif Nəsirli Cebhe.info-ya bildirib ki, əkinə yararlı sahələrin 20-25 faizi Aqrar Sığorta Fondu tərəfindən sığortalanıb və Azərbaycanda torpaq sahələri təxminən 2 milyon hektardır:

“Sığortalanmanın lənğ getməsinin, fermerlərin sığortalanmaya marağının zəif olmasının bir sıra səbəbləri var. Səbəb o deyil ki, qiymətlər bahadır. Təxminən 1 hektara 20 manatlıq sığorta zərəri hesablanır. Onun da yarısını fermerlərin əvəzinə hökumət ödəyir. Fermer sığorta faizinin yarısını, 10 manat ödəyir. Bu, fermer üçün münasib bir qiymətdir. Ancaq problem ondadır ki, fermerlər arasında təbliğat çox zəif gedir. Bu sahədə təbliğat aparılmalı, əhaliyə məlumat verilməlidir.

Fermer hələ bilmir ki, sığorta nə deməkdir. Bu gün fermerlərin böyük əksəriyyəti sığortanı vergi kimi qəbul edir. Fikirləşirlər ki, yeni bir vergi, “sığorta vergisi” meydana çıxıb. Ümumiyyətlə, təqdimatdan çox şey asılıdır. Əhali arasında təbliğat aparmaqla yanaşı Aqrar Sığorta Fondu və aqrar sahədə sığorta bazarına girmək istəyən şirkətlər sığorta hadisələrinə həssas yanaşmalıdırlar. Sığorta hadisəsi baş verən kmi zərərçəkən fermerin zərəri ödənilməlidir, onun qohumları, qonşusu, kənd sakinləri, qonşu kənddə yaşayan fermer görməlidir ki, filankəsin taxıl sahəsini sel apardı, bu qədər ziyana düşdü və Aqrar Sığorta Fondu, yaxud digər sığorta şirkəti həmin zərəri tam şəkildə ödədi. Baş verən hadisənin kompensasiyası olmalı və bunu əhali görməlidir.

Bu istiqamətdə əhali arasında həm təbliğat aparılmalı, həm də insanları əmin etməli, inandırmalıdırlar ki, onlar doğurdan da əhaliin zərərini ödəmək üçün çalışırlar. Bu zaman fermer başa düşəcək ki, onun başına sığorta hadisəsi gəlməyibsə, şükür etməlidir, həm də qonşusuna kömək edib. Hər hektara 10 manat ödəməklə qonşusunun zərərini ödəyib. Bunları hər bir fermerə izah etməlidirlər. Bu sahədə çalışmaq istəyən, maraqlı olan sığorta şirkətləri işləməlidilər”.

O bildirib ki, sığorta bazarı çox həssasdır:

“Torpağa fidan əkmək kimidir. Bu, ildən-ilə bəslənməlidir, həm təbliğatla, həm də etibarla. Hazırda ilkin mərhələdir, ancaq bu iş davam etdirilməlidir. Təbliğatla yanaşı, işin fəlsəfəsi əhaliyə izah olunmalı, digər tərəfdən əhalini inandırmaq lazımdır ki, sığorta sizin çətirinizdir. Yağışı dayandıra bilməyəcəyik, ancaq çətir olaraq yağışın üzərinidə düşməsinə imkan verməyəcəyik. Bu qədər sadə fəlsəfə ilə əhalini inandırmaq lazımdır”.
[rating-type-4]
{likes}
{dislikes}
[/rating-type-4]
Göyçay şəhərində "Qarabağ qazisi" adı altında avtoxuliqanlıq edən şəxslər var - NARAZILIQ VAR...

Bir neçə dəfədir ki, Göyçay Rayon Yol Polis Şöbəsinin iş fəaliyyətindən sosial şəbəkələrdə yazı dərc olunub. Təəssüflər olsun ki, hələ də problemlər öz aktuallığını saxlayır.

Ölkə ərazisində yol nəqliyyat hadisələrinin heç də hamısının səbəbi yüksək sürət deyil. Bu hadisələrin çoxsaylı olmasında yol polisinin üzərinə böyük məsuliyyət düşür. Sürücülərin yol hərəkət nişanlarının tələblərin bilməməsi və sürücülük vəsiqəsi almaq üçün imtahan verib nəticələri məqbul olmayan, sürücülük vəsiqəsi sahibləridir ki, bu gün çoxsaylı qəzalar törədirlər. Sürücülərin yol nişanını, yol hərəkət qaydalarını kobud şəkildə pozması, qəza törətməsini sübut kimi götürmək olar.

Son illərin statistikasına baxsaq, yol qəzalarında həlak olanların böyük hissəsi gənclər olub. Bu da çox acınacaqlıdır. Bununla bağlı çoxsaylı yazılarımız dərc olunub. Amma nəticə get-gedə daha da pisləşir. Göyçay rayonun küçələrinin hər addımında nəinki yol kənarları boyunca düzülən, həmçinin bununla kifayətlənməyib səkilərə dırmaşan avtomobilləri görmək mümkündür. Bu da Göyçay rayon sakinlərinin arasında ciddi narazılığına gətirib çıxarır.

Yol nişanlarının pozulması, piyada keçid zolaqlarında maşınların dayanmadan hərəkəti piyadaların hərəkətini çətinləşdirir. Yol vərəqəsi olmayan, sürücülük vəsiqəsi uyğun olmayan, sərnişin daşıyan avtomobillərin texniki baxışdan keçməməsi, avtomobillərin salonlarının natəmiz olması, gigiyena baxımından yanaşsaq müxtəlif xəstəliklərin yaranmasına səbəb olar. Göyçay rayon ərazisində avtoxuliqanlıq edərək ictimai asayişi kobud şəkildə pozan və bununla da vətəndaşların narazılığına səbəb olan sürücülər də az deyil.

Qeyd edim ki, Göyçay şəhərində "Qarabağ qazisi" adı altında avtoxuliqanlıq edən bir neçə şəxslər var. Sözügedən avtoxuliqanların bir çoxu “sovet maşınları”nın qabağını qaldıraraq, arxa hissələrinin "purjun”larını kəsdirərək, səsgücləndirici siqinallardan istifadə edərək, şəhər əhalisinin ictimai-asayişini pozurlar.


Mövzuya qayıdacayıq.

Qarşı tərəfin mövqeyini dinləməyə hazırıq. //hurriyyet.az//
[rating-type-4]
{likes}
{dislikes}
[/rating-type-4]
İctimai Səhiyyə və İslahatlar Mərkəzində büdcəni kimlər xımır-xımır “sökür”? - TƏFƏRRÜAT


İctimai Səhiyyə və İslahatlar Mərkəzi ötən 2022-ci ildə xeyli sayda dövlət satınalması həyata keçirib.

DİA.AZ Qlobal.az-a istinadla xəbər verir ki, satınalmaların bəziləri müqavilə predmetlərinə və qalib təşkilatların qeyri-şəffaflığına görə bir sıra şübhələrə yol açır.

Öncə qeyd edək ki, İctimai Səhiyyə və İslahatlar Mərkəzinin 2022-ci ildə 3 lot üzrə yekun vurduğu satınalmanın ümumi məbləği 345.146 manat təşkil edib.

Mərkəzin “Pasiyentlərin təhlükəsizliyi üzrə sosial mediada maarifləndirmə kampaniyası və Dünya Pasiyent Təhlükəsizliyi Gününə həsr edilmiş Konfransın keçirilməsi, Mamalıqda təxirəsalınmaz halların menecmenti üzrə mama-ginekoloqlar üçün təlim kursu və vebinarların təşkili, pediatrlar, neonatoloqlar, təcili yardım və ailə həkimləri və terapevtlər üçün ACLS, NRP, İTLS və PALS beynəlxalq təlimlərin təşkili, Süd vəzi xərçənginin profilaktikası və müalicəsinə dair həkimlər arasında məlumatlandırma və skrininq fəaliyyətinin təşkili, Qeyri-infeksion xəstəliklərlə və narkomaniya mübarizəyə dair silsilə tədbirlərin təşkili və Reproduktiv sağlamlıq məsələlərinin təşviqi, müasir tələblərə uyğun strategiyanın yenidən işlənməsi, ictimai vəkillik fəaliyyətinin təşkili, “Uşaq travmatizmi: risk faktorları, profilaktika və ilk yardım” kitabının işlənib hazırlanması üzrə xidmətlər” lotu üzrə yekun vurduğu satınalmanın məbləği 105.080 manat olub.

Bu satınalmada “ORLONDO 22 CORP” Məhdud Məsuliyyətli Cəmiyyəti qalib elan edilib.

Mərkəzin qalib elan etdiyi “ORLONDO 22 CORP” MMC 2022-ci ilin yanvar ayının 31-də dövlət qeydiyyatına alınıb. Şirkətin hüquqi ünvanı Nərimanov rayonu, Ağa Nemətulla ev 56, mənzil 105/135, qanuni təmsilçisi isə Cəfərov Ülvi Şahin oğludur.

“ORLONDO 22 CORP” MMC-nin fəaliyyət profili, həmçinin müvafiq lisenziyalarının olub-olmaması barədə açıq internet resurslarında heç bir məlumat yoxdur. Lisenziyaları, fəaliyyət profili, işçi sayı barədə maəlumat olmayan “ORLONDO 22 CORP” MMC-nin İctimai Səhiyyə və İslahatlar Mərkəzinə təlimlərin təşkilini, təlim kurslarını, “müasir tələblərə uyğun strategiyanın yenidən işlənməsi”ni hansı resurslar hesabına edəcəyi məsələsi də sual yaradır.

Əldə etdiyimiz məlumata görə “ORLONDO 22 CORP” MMC dövlət satınalmalarında “otkad” məqsədi ilə yaradılan təşkilatlardandır. “ORLONDO 22 CORP” MMC-nin hazırda dövlətə 3.354 manat vergi borcunun olması da bu barədə səslənən iddiaları gücləndirmiş olur.

İctimai Səhiyyə və İslahatlar Mərkəzi 2022-ci ildə daha bir satınalmaya yekun vurub. Mərkəzin “31 May tütündən imtina aksiyanın təşkili, tütündən imtina kabineti işinin təkmilləşdirilməsi, metodik vəsait və təlimatların işlənilib hazırlanması, təlim kurslarının təşkili və keçirilməsi, saytların və mobil əlavələrin məzmununun yenidən hazırlanması və İsim.az sayt materiallarının ingilis və rus dilinə tərcümə edilməsi və tədbirlər zamanı lazım olan tərcümə xidməti” lotu üzrə keçirdiyi satınalmada “BARNI HOLDING” Məhdud Məsuliyyətli Cəmiyyəti qalib elan edilib.

“BARNI HOLDING” MMC 2021-ci ilin noyabr ayının 11-də təsis edilib. Şirkətin hüquqi ünvanı Qaradağ rayonu, Lökbatan qəsəbəsi, Seymur Orucov pr, ev 1, mənzil 0 ünvanı, qanuni təmsilçisi isə Qəhrəmanov Emin Əhməd oğludur.

Satınalma müqaviləsinə görə İctimai Səhiyyə və İslahatlar Mərkəzinə “təlim kurslarının təşkili və keçirilməsi”, “saytların və mobil əlavələrin məzmunun yenidən hazırlanması”, “İsim.az sayt materiallarının ingilis və rus dilinə tərcümə edilməsi” xidməti göstərəcək “BARNI HOLDING” MMC-nin özünün fəaliyyəti olduqca şübhəlidir. Belə ki, İctimai Səhiyyə və İslahatlar Mərkəzinə sayt yığan “BARNI HOLDING” MMC-nin özünün web ünvanı yoxdur. Həmçinin, bu təşkilatın da işçi qüvvəsi, lisenziya və fəaliyyəti barədə məlumatlara rast gəlinmir.

“BARNI HOLDING” MMC-nin hazırda dövlətə 5.536 manat vergi borcu var.

Mərkəzin yekun vurduğu “Keçirilmiş sorğulara əsasən dəyirmi masaların təşkil olunması, “İctimai səhiyyə” adlı feysbuk canlı yayınların təşkili, Tütün üzrə maarifləndirici tədbirlər, “İctimai sağlamlığın əsasları”, Klinik protokollar və Ailə, uşaq və qadın komitə ilə birgə təlimlərin keçirilməsinin təşkili, EBMG protokollarının yenilənməsi, Simptomların yoxlanması proqramının prototipinin tətbiqi, Reproduktiv sağlamlıq tətbiqinin təkmilləşdirilməsi, Qurd invaziyası hallarının azaldılması, “COSİ” layihəsi üçün təhlil işlərinin aparılması, Ümumdünya Ürək günü, Diabet günü və Ümumdünya QİÇS-lə mübarizə gününə həsr edilmiş tədbirlərin təşkili” lotu üzrə satınalmanın məbləği 143.116 manat, qalibi isə “YUFON-KO” Məhdud Məsuliyyətli Cəmiyyəti olub.

Mərkəzin qalib elan etdiyi “YUFON-KO” MMC də yuxarıda qeyd edilən satınalmalarda qalib olan təşkilatlar kimi qeyri-şəffafdır. Belə ki, müqaviləyə görə Mərkəzə tədbirlər təşkil edən, Reproduktiv sağlamlıq tətbiqinin təkmilləşdirilməsi və “COSİ” layihəsi üçün təhlil işlərinin aparan “YUFON-KO” MMC -nin də fəaliyyət profili, lisenziyaları, faktiki ünvanı barədə məlumatlara rast gəlinmir.

“Yufon-KO” MMC-nin hazırda dövlətə 8.107 manat vergi borcu var.

Qlobal.az fəaliyyət profili barədə açıq internet resurslarında məlumat verilməyən təşkilatların İctimai Səhiyyə və İslahatlar Mərkəzinin sifarişçi olduğu satınalmalarda necə qalib gəlməsi, bu təşkilatların qeyri-şəffaf olmaları və dövlətə külli miqdarda olan vergi borcu barədə Səhiyyə nazirliyindən mövqe öyrənə bilmədi.

Qeyd edək ki, İctimai Səhiyyə və İslahatlar Mərkəzi 2006-cı ildə yaradılıb.

Mərkəz müstəqil olaraq dövlət satınalmaları həyata keçirir.

Mərkəzdə Səhiyyə siyasəti və planlaşdırma, Səhiyyə kommunikasiyası, Tibbi keyfiyyət standartları, Layihələrin əlaqələndirilməsi, Təlim-resurs, İctimai sağlamlıq, İlkin səhiyyə və ailə təbabəti, Statistika, monitorinq və təhlil, Səhiyyə texnologiyaları və teletəbabəti, Akkreditasiya, Sertifikasiya və Elektron standartlar (Nəşriyyat) şöbələri fəaliyyət göstərir.

İctimai Səhiyyə və İslahatlar Mərkəzinin direktoru Qəhrəman Haqverdiyevdir.

O, quruma 2018-ci ildən rəhbərlik edir.
İctimai Səhiyyə və İslahatlar Mərkəzində büdcəni kimlər xımır-xımır “sökür”? - TƏFƏRRÜAT
İctimai Səhiyyə və İslahatlar Mərkəzində büdcəni kimlər xımır-xımır “sökür”? - TƏFƏRRÜAT
İctimai Səhiyyə və İslahatlar Mərkəzində büdcəni kimlər xımır-xımır “sökür”? - TƏFƏRRÜAT
İctimai Səhiyyə və İslahatlar Mərkəzində büdcəni kimlər xımır-xımır “sökür”? - TƏFƏRRÜAT
İctimai Səhiyyə və İslahatlar Mərkəzində büdcəni kimlər xımır-xımır “sökür”? - TƏFƏRRÜAT
İctimai Səhiyyə və İslahatlar Mərkəzində büdcəni kimlər xımır-xımır “sökür”? - TƏFƏRRÜAT
[rating-type-4]
{likes}
{dislikes}
[/rating-type-4]
Adı `ASAN xidmət`dir, amma... - NARAZILIQ VAR...


Dünən səhər saatlarında Şəmkir rayon sakinləri Gəncə ASAN Xidmətinə müraciət üçün uzun yol qət ediblər. Lakin sözügedən 1 saylı Gəncə Asan Xidmətdə iş rejiminin kobud şəkildə pozulmuş olması faktları üzə çıxıb.

Asan Xidmətə müraciət edən Sara Qasımova, foto çəkilən yerin, hətta kserokopiya kimi fəaliyyət göstərən xidmətin iş saatlarında yerində olmaması vətəndaşda ciddi narazılığa səbəb olub. Adı Asan Xidmət olan dövlət qurumunun niyə iş rejimini kobud şəkildə pozması haqqında ilkin məlumatlar yoxdur. Hesab edirik ki, bu cür rejimlə işləyən Gəncə 1 saylı Asan Xidmətin rəhbərliyi belə bir məsuliyyətsizliyin qarşısını alacaq.

Vətəndaşların üz tutduğu Asan Xidmətin çətin xidmətə çevrilməsi dövlət qurumunun fəaliyyətinə, iş rejiminə kölgə salmaq bununla da vətəndaşların müraciət formasının, hansı qaydada, hansı iş rejimində müraciəti qəlizləşdirilməsi yolverilməzdir. Rəhbərlik dərhal bu barədə ciddi addımlar atmalıdır. Asan Xidmətə olan inam vətəndaşlar arasında ilk Asan Xidmətin fəaliyyə dövrünə qayıtmaqla, daha dürüst iş rejimini bərpa etməlidir.

Bir məqamı da qeyd edək ki, Gəncə Asan Xidmətin məlumat bürosunun vətəndaşlara xidməti əvvəlki xidmətdən fərqlənir. Yəni ki, sözügedən büro vətəndaşları başından etmək üçün Asan Xidmət daxilində loru dildə desək, ora-bura göndərir. İnanırıq ki, bu yazımızdan sonra Asan Xidmətə müraciət edənlərin işləri çətinə düşməyəcək. //hurriyyet.az//

XƏBƏR LENTİ

21:13

Bakıda çoxmərtəbəli yaşayış binasında yanğın olub

21:03

Prezident İlham Əliyevin adından Sadır Japarovun şərəfinə dövlət ziyafəti verilib - YENİLƏNİB

19:51

Azərbaycanda yeni kollec yaradıldı

19:00

Qırğızıstan Prezidenti Bakıda şəhidlərin xatirəsini andı

18:38

İraqın şimalında PKK-nın 6 terrorçusu zərərsizləşdirildi

16:46

Məşhur pediatrın intihar səbəbi bu imiş

16:21

Bayden növbəti dəfə “erməni soyqırımı” ifadəsini işlətdi

15:53

"Oğlum xəstə ola-ola əsgər aparıblar" - Cəlilabad sakinindən şikayət - FOTO

15:27

Kəmaləddin Heydərovun məmur qohumunun oğlu 250 min dolları faizə verib - MƏHKƏMƏ İŞİ

14:40

Beş ayda 67 milyon manat dövlət sifarişi verilmiş müəmmalı MMC-nin arxasında kimlər durur?

14:08

Siqaretin qiyməti bahalaşacaq? - AKTUAL

13:35

`Sahil - S İnşaat` şirkətinin tikdiyi binanın sakinləri YENİ QALMAQALDA - NARAZILIQ VAR...

12:43

Göygöl Suvarma Sistemləri İdarəsinin 1 milyon manatlıq tenderinin adı var, özü yox… - İLGİNC FAKTLAR

12:16

Dövlətin etibarını “əyənlər” - “Qobu Park”a görə kimlər qandallanacaq?

11:39

Gəncə Dövlət Universitetinin rektoru prezidentin əleyhinə gedir(?):Universitetin büdcəsi müxtəlif adlar altında talan edilir

10:54

Təhsildəki kütləvi repititorluq... - Məktəblər NƏ İŞƏ YARAYIR?

10:16

Bakıda Sahil Babayevdirsə, Naxçıvanda da Ceyhun Cəlilovdur... - EYNİ SİTƏM...

09:55

Tanınmış iş adamı Milli Məclis TƏDARÜKÜNDƏ... - İDDİA

09:11

Otel də yoxdur, turist də: Azərbaycanlıların “ərəbsayağı” istirahəti - ARAŞDIRMA

22:52

İrəvandakı yürüşdə Azərbaycan və Türkiyə bayraqları yandırıldı - Fotolar

22:35

“Azərreyl” çempion oldu

20:17

Deputatın tikdiyi binanın əyilməsi ilə bağlı XƏBƏRDARLIQ: - Komissiya yaradılması təklif edildi

19:11

Azərbaycanda bu taksi şirkəti bağlanır

16:49

Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT

16:07

Bu il Qarabağa nə qədər vəsait xərclənib?

15:26

"Başqa brokerlər də belə bahaçıldır?" - GİLEY

14:23

Məktəb direktoru həmin qadından 300 min alıbmış

13:48

EMIN ƏMRULLAYEVIN 271 №LI MƏKTƏBDƏKI KADRI, HAQQINI TƏLƏB EDƏN MÜƏLLIMƏNI “GÖZÜMÇIXDIYA SALIB”- VİDEO/ FAKTLAR

13:06

Əsgərovların bankında problemli kreditlər 2 dəfədən çox artdı - TƏFƏRRÜAT

12:36

İmişlini BELƏ İDARƏ EDİRLƏR... - İTTİHAM VAR...

12:02

Qurban Qurbanova yaxşılıq, yoxsa pislik? - Əhmədzadənin Zaqatalanı məhv etmək uğurunda 15 illik MÜBARİZəsi - VİDEO

10:57

Ağstafa DAİM-in direktoru İŞDƏN ATILIR... - Əlaqələri də işə yaramayacaq...

10:24

Lerik acınacaqlı durumda, başçı öz kefində... - FAKT BUDUR!

09:46

`Kremlin Hall`da bişən kababın TÜSTÜSÜ... - Nazirliyə MÜRACİƏT OLUNDU