Rusiya Prezidenti Vladimir Putin Vladivostokda keçirilən Şərq İqtisadiyyat Forumunun plenar iclasında vaxtilə Qarabağ münaqişəsinin həlli üçün öz variantlarını təklif etməsindən danışıb.

Rusiya liderinin sözlərinə görə, Ermənistan bu təkliflə razılaşmayıb:

“Biz nizamlanma üçün öz variantlarımızı təklif etmişdik. Məncə, bu, yaxşı bəllidir. Ermənistan 7 rayona nəzarət edirdi. Hansı ki, Emənistan-Azərbaycan konfliktindən sonra öz nəzarətinə almışdı. Biz Azərbaycanla Kəlbəcər və Laçın rayonlarının və bütün Qarabağın faktiki olaraq Ermənistanın yurisdiksiyasında qalması ilə razılaşma təklif etdik. Lakin Ermənistan rəhbərliyi bununla razılaşmadı. Ermənistan rəhbərliyini onillər ərzində inandırmağa çalışdıq. Fərqli variantlar var idi, amma yekunda hamısı buna gəlib çıxırdı. “Nə edəcəksiniz?” sualına “savaşacağıq” cavabını verdilər. Yekunda hər şey mövcud olan situasiyaya gəlib çıxdı”.

Azərbaycan Xarici İşlər Nazirliyi Liviyaya başsağlığı verib.

Nazirliyin "X" səhifəsində paylaşımda deyilir:

"Liviyada böyük insan tələfatına səbəb olan güclü daşqınlarla bağlı dağıdıcı xəbər bizi dərindən kədərləndirdi. Həlak olanların ailələrinə dərin hüznlə başsağlığı verir, xəsarət alanlara isə tezliklə şəfa diləyirik. Bu çətin zamanda dualarımız sizinlədir".

Məlum olduğu kimi, məşhur "Clear" hotelin sabibi kimi tanınan Fəxrəddin Feyziyevə qarşı 2 milyondan çox dələduzluqda ittiham olunan Elşən İsmayılovun cinayət işi üzrə məhkəmə araşdırması 3 ay əvvəl yekunlaşdı. Bakı Ağır Cinayətlər Məhkəməsində keçirilən sonuncu iclasda oxunan hökmə əsasən, Elşən İsmayılov xeyli miqdarda ziyan vurmaqla dələduz etməkdə təqsirli bilinərək 10 il müddətinə azadlıqdan məhrum edildi. E.İsmayılov təyin olunmuş cəzanı ümumi rejimli cəzaçəkmə müəsisəsində çəkməlidir.
İttihamda deyilir ki, Elşən İsmayılov Fəxrəddin Feyziyevə Dubayda iş quracağı vədi verərək ondan 2.3 milyon manat alıb. O, sonradan vədinə əməl etməyib. Bundan başqa E.İsmayılov başqa bir şəxsə də eyni vəd verərək 1,5 milyon manat ələ keçirib.
Elşən İsmayılova qarşı Cinayət Məcəlləsinin 178.2.4-cü (Dələduzluq- xeyli miqdarda ziyan vurmaqla) maddəsi ilə ittiham irəli sürülüb, barəsində həbs qətimkan tədbiri seçilib.
Qeyd edək ki, mediada yayılmış məlumatlara görə, Fəxrəddin Feyziyev və qardaşı Fikrət Feyziyev Bakıda “Clear” və “İron” hotellərin sahibi olublar. Qardaşlar 90-cı illərdə İrana qırmızı civə satışını həyata keçirməklə yüksək gəlir əldə ediblər. Onlar 20 il əvvəl MTN tərəfindən tutulub, lakin qısa müddətdə azadlığa buraxılıblar.
Hər dəfə Bakıda keçiriləcək beynəlxalq miqyaslı tədbirlər başlamazdan əvvəl paytaxtdakı otel və restoranların əcnəbi qonaqları qarşılamağa nə dərəcədə hazır olduğu barədə təsəvvürləri dəqiqləşdirmək üçün aparılan monitorinqlər göstərir ki, Binəqədi r-nu, Dərnəgül qəsəbəsi-108 ünvanda yerləşən “Clear Hotel” turistlərdə ölkəmiz barədə mənfi təəssürat formalaşdıracaq. Mədəniyyət və Turizm Nazirliyi tərəfindən dörd ulduz kateqoriyası, müvafiq icazə sənədi, yəni lisenziya verilən “Clear” hoteli Nazirliyin müəyyən etdiyi standartlardan kənar fəaliyyət göstərir. Yüksək rütbəli şəxs (və ya şəxslər) tərəfindən himayə edildiyi heç kimdə şübhə doğurmayan bu hotel yüngül həyat tərzi keçirən xanımlar üçün ən təhlükəsiz fəaliyyət məkanına çevrilib.
Oteldə qiymətlər otaqların şərait və səviyyəsinə görə dəyişir. Ən ucuz otağın bir günlük qiyməti 60 manatdan başlayır. Qiymətə yalnız səhər yeməyi daxildir. Müştəri hoteldə 3, yaxud 4 saat qalmaq istəyirsə, yenə eyni məbləği ödəməlidir. Lüks otaqların bir gecəlik qiyməti isə 120 manatdan başlayır. Hotelin müştəriləri adətən qızları özləri ilə gətirirlər. Buna baxmayaraq, əxlaqsızlıq yuvasına çevrilən obyektin bəzi işçiləri müştərilərə zakazla qız gətirə bilirlər. Gün ərzində yüzlərlə müştərinin gəldiyi bu obyektin sahibi qadın alverindən külli miqdarda gəlir əldə etsə də, həmin vəsaitlərdən dövlətə doğru-dürüst vergi ödəhildiyinin düşünmək sadəlövhlük olardı. Amma nədənsə hoteldə mövcud olan vergidən yayınma hallarına aidiyyəti qurumlar tərəfindən göz yumulur. Əks halda, Feyziyevlərin üzünü Dubaya çevirən milyonları olmazdı.
“Clear”-ın fəaliyyətini heç bir müdaxilə olmadan davam etdirməsi həm fahişəliyə qurşanan qadınların sayının artmasına, həm də subay gənclərimizin mənəviyyatının pozulmasına gətirib çıxarır. Həyat yoldaşından ayrılan və ya əri ölən xanımların da çoxunun əyri yola düşmələri məhz bu oteldən başlayıb.
Burada Azərbaycanın əyalətlərindən gənc qızların cinsi istismara cəlb edildiyi, hətta Gürcüstandan saxta pasportla erməni fahişələrinin sifarişlə gətirildiyi barədə söz gəzirdi ki, bu da araşdırılması vacib məsələlərdəndir. Rusiya-Ukrayna müharibəsi başlayandan sonra isə bu öplkələrədn qaçıb Azərbaycana gələn qadınların “Clear”da xidmət göstərdikləri deyilir.
Otelin sahibkarları Fikrət və Fəxrəddin qardaşlarının isə kriminal aləmlə sıx bağlılıqları haqda kifayət qədər məlumatlar vardır. Onların adı hətta bir ara uran (atom enerjisinin hasil edildiyi kimyəvi maddə) alverində də hallanırdı. Oteldə müşətrilərin və onlara xidmət göstərənlərin təhlükəsizliyinin təmininə o qədər zəmanət verilir ki, hətta vəzifəli şəxslər də “dincəlmək” üçün çox vaxt məhz buranı seçirlər. 2012-ci ilin oktyabrında polisin keçirdiyi reyd zamanı burada yaxalananlar arasında məmurlar da vardı. Lakin konfidensiallıq xatirinə onların haqqında məlumatlar qorundu. Təəssüf ki, o reyd axırıncı oldu.
İbrahim Hümbətov //azeinfo.info//

İmişli rayonu, Qızılkənd sakini Əliyev Elməddin Şahədət oğlu tərəfindən "Hürriyyət" qəzetinin redaksiyasına şikayət məktubu daxil olub. Şikayətçi iddia edir ki, Qızılkənd kəndi, Habil Hüseynov adına tam orta məktəbin direktoru İbrahimov Qismət Baxış oğlu şəhid qohumu olmağından istifadə edərək, məktəbdə özbaşınalıqlar edir:

"Mən, Əliyev Elməddin Şəhadət oğlu, yazaraq sizdən xahiş edirəm ki, problemimi işıqlandırasınız.

Deməli, Qızılkənd kəndi, Habil Hüseynov adına tam orta məktəbin direktoru İbrahimov Qismət Baxış oğlu Azərbaycan Respulibikası Elm və Təhsil Nazirliyinin, yəni nazir Emin Əmrullayevin verdiyi əmrlərin heç birinə tabe olmur.

Sizdən Qızılkənd sakinləri olaraq xahiş edirik ki, bizə köməklik göstərəsiniz.

Azərbaycan Respubilikasının Prezdenti cənab İlham Əliyevin tikdirdiyi məktəbdə dərs keçilmir, özbaşınalıq baş alıb gedir, Qismət İbrahimov bütün iş yerlərini satır.

Yazıb sizə bildirirəm ki, dəfələrlə Elm və Təhsil Nazirliyinin qaynar xəttinə şikayət və müraciətlərimizi göndərsək də, heç bir tədbir görülmür.

Kimya kabineti, laborant otağı, kompüter otağı məktəb açılandan istifadə olunmayıb. Halbuki, indiyə kimi hamısı hazır olmalı idi.

Mən sizin qəzet vasitəsilə Azərbaycan Respubilkası Elm və Təhsil Nazirliyindən, hörmətli Emin Əmrullayevdən xahiş edirəm ki, bizi bu direktordan xilas edin.

Cənab nazir, şagirdlərdə savadsızlaşma baş alıb gedir, xahiş edirəm müraciətimi cavabsız qoymayın”.

Məsələ ilə bağlı məktəbin direktoru Qismət İbrahimovla əlaqə saxlamağa çalışsaq da, mümkün olmadı.

Redaksiyadan: Qarşı tərəfin mövqeyini dərc etməyə hazırıq.

“İcbari Tibbi Sığorta üzrə Dövlət Agentliyi” publik hüquqi şəxsi “Tibb müəssisələri üçün dərman vasitələri”nin satın alınması üzrə 19.04.2023-cü ildə başladığı açıq tender müsabiqəsinə yekun vurub və 05.09.2023-cü il tarixdə “Referans Pharmaceuticals” Məhdud Məsuliyyətli Cəmiyyəti ilə 15.526.795,63 manat məbləğində satınalma müqaviləsi bağladığını dövlət satınalmalarının vahid internet portalı vasitəsi ilə açıqlayıb.

Qeyd edək ki, bu İcbari Tibbi Sığorta üzrə Dövlət Agentliyi ilə “Referans Pharmaceuticals” MMC arasında ilk satınalma müqaviləsi deyil. Buna qədər də Dövlət Agentliyi dərman vasitələrinin satın alınması üzrə keçirdiyi tenderlərdə hər il “Referans Pharmaceuticals” MMC-yə on milyonlarla manatdan çox dövlət sifarişi verib. Maraqlıdır, hər il dövlət büdcəsindən on milyonlarla vəsait alan “Referans Pharmaceuticals” MMC kimə məxsusdur?

Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında isə “REFERANS PHARMACEUTICALS” Məhdud Məsuliyyətli Cəmiyyətinin Bakı şəhəri Lokal Gəlirlər Baş İdarəsində 21.10.2014-cü il tarixdə dövlət qeydiyyatına alındığı bildirilir. Nizamnamə kapitalı cəmi 100.00 manat olan MMC-nin hüquqi ünvanının BAKI ŞƏHƏRİ NƏSİMİ RAYONU, AK.MİRƏLİ QAŞQAY, ev 76, qanuni təmsilçisinin isə Əliyev Abbas Famil oğlu olduğu göstərilir.

Apardığımız ətraflı araşdırmada məlum oldu ki, MMC 21.10.2014-cü il tarixdə Heydərov İqbal Qəhrəman oğlu tərəfindən təsis edilib. Bəs Heydərov İqbal Qəhrəman oğlu kimdir?

Açıq internet resursları üzərindən apardığımız araşdırmalarda Heydərov İqbal Qəhrəman oğlunun 2018-ci ildə Azərbaycan Milli Elmlər Akademiyasının Botanika İnstitutunda Biologiya üzrə fəlsəfə doktoru elmi dərəcəsi
almaq üçün təqdim edilmiş dissertasiyanın avtoreferatını tapdıq. Lakin çoxlu axtarışlarımıza baxmayaraq Heydərov İqbal Qəhrəman oğlunun hər hansı bir elmi dərəcəsinin olması barədə heç bir məlumat tapa bilmədik. Amma bunları tapdıq.

Elektron media tərəfindən 13 yanvar 2016-ci il tarıxində Baş Prokurorluğun yaydığı məlumatda deyilir ki, “Novo Vita P” Məhdud Məsuliyyətli Cəmiyyəti tərəfindən dərman vasitələrinin qiymətinin süni surətdə artırılması barədə Baş prokuror yanında Korrupsiyaya qarşı Mübarizə Baş İdarəsinə daxil olmuş vətəndaş müraciəti əsasında istintaq-əməliyyat tədbirləri həyata keçirilib.

Keçirilmiş istintaq-əməliyyat tədbirləri ilə Bakı şəhəri, Nəsimi rayonu, Mirəli Qaşqay küçəsi, 150A saylı ünvanda yerləşən “Novo Vita P” MMC tərəfindən ölkəmizə idxal olunan dərman vasitələrinin qiymətinin süni surətdə dəfələrlə artırılması, gömrük bəyannaməsi olmayan dərman vəsitələrinin anbarda saxlanması və qanunsuz satılması müəyyən edilib.

Bundan başqa, cəmiyyətin idxal və satışı ilə məşğul olduğu çoxsaylı dərman vasitələrinin ayrı-ayrı həkimlər tərəfindən xəstələrə yazılması müqabilində sonunculara verilən pul məbləğləri (faizlər) yazılmış jurnallar, reseptlər, qara mühasibatlığın aparılmasına dair kitablar və istintaq üçün əhəmiyyət kəsb edən digər qeydlər aşkar edilərək götürülüb.

“Novo Vita P” MMC-nin icraçı direktoru İqbal Heydərov vəzifə səlahiyyətlərindən sui-istifadə etməklə, özü və ya üçüncü şəxslər üçün qanunsuz üstünlük əldə etmək məqsədilə dərman vasitələrinin qiymətini süni şəkildə dəfələrlə qaldıraraq vətəndaşların hüquqlarına və qanuni mənafelərinə mühüm zərər vurmasına şübhələr üçün əsaslar olduğundan Cinayət Məcəlləsinin 308.1-ci (vəzifə səlahiyyətlərindən sui-istifadə) maddəsi ilə cinayət işi başlanıb, İ.Heydərov şübhəli şəxs qismində saxlanılıb.

Hazırda cinayət işi üzrə təqsirkar şəxslərin müəyyən edilərək cinayət məsuliyyətinə cəlb edilmələri istiqamətində zəruri istintaq-əməliyyat tədbirləri davam etdirilir.

Baş prokurorluğun 2016-cı ildə yaydığı məlumatlarda İqbal Heydərovun vəzifə səlahiyyətlərindən sui-istifadə etməklə, özü və ya üçüncü şəxslər üçün qanunsuz üstünlük əldə etmək məqsədilə dərman vasitələrinin qiymətini süni şəkildə dəfələrlə qaldırdığı bildirilir.

Düzdür “Novo Vita P” MMC artıq fəaliyyətini dayandırıb. Amma “Referans Pharmaceuticals” MMC-nin qanuni təmsilçisi Əliyev Abbas Famil oğlu olsa da kim zəmanət verə bilər ki, İqbal Heydərov təsisçilik hüququnu özündə saxlamır və illər əvvəl olduğu kimi, ölkəmizə idxal olunan dərman vasitələrinin qiymətini süni surətdə dəfələrlə artırmır, gömrük bəyannaməsi olmayan dərman vəsitələrinin anbarda saxlamır, qara mühasibatlığın aparılmasına dair kitablar tutmur, “İcbari Tibbi Sığorta üzrə Dövlət Agentliyi” publik hüquqi şəxsin rəsmilərinə “otkat” vermir?

Aktualinfo.org

Sumqayıtda çörəyin içindən bit çıxıb.

DİA.AZ Bizim.Media-ya istinadla xəbər verir ki, bu barədə görüntünü sosial şəbəkələrdə bloger Saleh Nəsirov paylaşıb.

Məlumatı blogerlə bölüşən şəxsin sözlərinə görə, işdə onlara verilən zavod çörəyinin içindən ikinci dəfədir ki, böcək çıxır. O, unun ələnmədiyini ehtimal edib.

Şəxs harada çalışdığını açıqlamasa da, bütün Sumqayıtın zavod çörəyindən istifadə etdiyini vurğulayıb.

Qeyd edək ki, buna bənzər mənzərə iyulun 10-da da baş verib. Sumqayıt sakinləri iddia edirlər ki, son günlər müxtəlif marketlərdən aldıqları, “Sumqayıt Çörək” zavodunda istehsal olunan çörəklərin içində ölü böcəklər tapılır.

Sözügedən zavodla hələki əlaqə yarada bilmədik...

Mövzunu diqqətdə saxlayacağıq.

Bakı şəhərinin daha bir ünvanında yaşıllıqlar hasara alınıb. Bu dəfə ağacların qırılması ehtimalı olan ünvan Nizami rayonu Qara Qarayev küçəsindəki ərazidir. Belə ki, 8-ci kilometr bazarı ilə üzbəüz ərazidə xeyli sayda yaşlı ağac dəmir hasara alınıb. Yerli sakinlər iddia edirlər ki, ərazidə ticarət obyekti tikiləcək. Və ərazidəki ağaclar kəsiləcək.

Məsələ ilə bağlı Nizami rayon İcra Hakimiyyəti ilə əlaqə saxladıq.

DİA.AZ xəbər verir ki, İcra Hakimiyyətindən Bizim.Media-ya bildirdi ki, məsələdən xəbərdardırlar:

“Bəli, ərazi hasara alınıb. Amma orada abadlıq işləri aparılacaq. Tikinti aparılacağı barədə bizdə məlumat yoxdur”.

Mövzunu diqətdə saxlayacağıq.

Polisin xüsusi əməliyyat keçirdiyi 11 saylı Regional Ekologiya və Təbii Sərvətlər İdarəsinin direktoru Nəsimi Nəsibov son baş verənlərdə işçilərini günahlandırır.

AzToday.az-a daxil olan məlumata görə, Bakıdan qayıdan Nəsimi Nəsibov dünən günahkar işçilərin hüquq-mühafizə orqanları vasitəsi ilə müəyyənləşdirib, həbs etdirəcəyini deyib. Artıq bununla bağlı hüquq-mühafizə orqanlarına sifariş verdiyini də deməyi unutmayıb.

Özünü biznesmen, xeyli sayda biznes obyektinin sahibi kimi təqdim edən Nəsimi Nəsibov 11 saylı Regional Ekologiya və Təbii Sərvətlər İdarəsinin xidməti ərazindəki qanunsuzluqların hamısını imkanları hesabına ört-basdır edəcəyini də sözlərinə əlavə edib. “Yuxarılarda adamı”nın olduğunu və Masallıya təsadüfən direktor gəlmədiyini bildirən Nəsimi Nəsibov yaxın zamanlarda idarədə “təmizlik” işlərinə başlayacağını, yəni xoşuna gəlməyən işçiləri işdən çıxaracağını deyib.

Qeyd edək ki, meşəçiliklə bağlı heç bir ixtisas təhsili olmayan və direktor olana qədər bu sahədə bir gün belə işləməyən Nəsimi Nəsibovun 11 saylı Regional Ekologiya və Təbii Sərvətlər İdarəsinə rəhbər qoyulması Ekologiya və Təbii Sərvətlər Nazirliyində kadr təyinatlarında ciddi korrupsiya elementlərinin olmasını deməyə əsas verir.

Yeri gəlmişkən onu da bildirək ki, 11 saylı Regional Ekologiya və Təbii Sərvətlər İdarəsinin xidməti ərazisində meşələrin kütləvi şəkildə qırılması, meşə ərazilərinin satılması və biznes məqsədləri üçün qanunsuz istismarı halları adi hala çevrilib… //AzToday.az//

Yardımlı Rayon İcra Hakimiyyəti rayon yollarının təmirinə başlayır.

DİA.AZ Qaynarinfo-ya istinadla xəbər verir ki, qurum bununla bağlı elan etdiyi tenderə yekun vurub. Tenderin qalibi "Pro Təmir Tikinti” MMC seçilib. Yolların təmirinə 754 488,57 AZN xərclənəcək.

İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, "Pro Təmir Tikinti” MMC 20 oktyabr 2022-ci ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Bakı şəhəri Sabunçu rayonu, Zabrat qəsəbəsi, Əliyev küçəsi, ev 30X, mənzil 1-də yerləşir. MMC-nin qanuni təmsilçisi Əliyev İlqar Şamil oğludur.

Açıq mənbələrdə şirkət və qanuni təmsilçisi barəsində heç bir məlumat yoxdur. Şirkətin nə internet səhifəsi, nə də əlaqə telefonları var.

Mediada şirkətin Yardımlı Rayon İcra Hakimiyyəti başçısının keçmiş müavini Mahir Mirzəyevə bağlı olduğu barədə iddialar yer alıb. Mahir Mirzəyev müavin olmaqla yanaşı, həm də sosial-iqtisadi inkişafın təhlili və proqnozlaşdırılması şöbəsinin müdiri vəzifəsində çalışıb. O bu ilin iyununda işdən çıxarılıb.

Mahir Mirzəyev barəsində mediada dərc edilən materiallardan aydın olur ki, icra hakimiyyətinin tenderlərini əsasən o, keçirir və müsabiqələrdə özünə yaxın şirkətlər qalib seçilir. Görünür, bu faktlar icra başçısı Ayaz Əsgərovu Mahir Mirzəyevi işdən çıxarmaq məcburiyyətində qoyub.

Lakin onun quruma hələ də təsiri qalır. İcra hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Elçin Mirzəyevin Mahir Mirzəyevin əmisi oğlu olduğu deyilir.

İddialara görə, keçmiş müavin tender məsələlərini indi onun əli həll edir. Təbii ki, burada icra başçısının da mövqeyi nəzərə alınır.

Yardımlı Rayon İcra Hakimiyyəti bu ilin avqustunda da "Pro Təmir Tikinti” MMC ilə satınalma müqaviləsi imzalayıb. Maliyyə dəyəri 59 619,85 AZN olan müqavilədə Yardımlı rayonunda abadlıq işlərinin satın alınması nəzərdə tutulur.

Yardımlı Rayon İcra Hakimiyyəti ötən il yolların təmirinə 754 726,03 AZN, 2021-ci ildə 739.068,8 AZN, 2020-ci ildə isə 754 110,59 AZN xərcləyib. Bu ilki xərci də bura əlavə etsək, məlum olur ki, icra hakimiyyəti 3 il ərzində yollara 3 002 393,99 AZN "səpib”.

Qazax Rayon İcra Hakimiyyəti başçısı Rəcəb Babaşovun birinci müavini Məmməd Alıyev oğluna "Land Cruiser" avtomobili alıb.
Daxil olan məlumata görə, icra başçısının müavininin oğlu Elnur Alıyev artıq bir neçə gündür işə həmin avtomobillə gedir.
E.Alıyevin idarə etdiyi yeni avtomobilinin qiyməti avtomobil bazarında ortalama 120 min dollardır. Şəmkir Rayon Polis İdarəsinin əməliyyatçısıdır.

Qarşı tərəfin mövqeyini dərc etməyə hazırıq.

32gun.az