Bakıda uşaq hovuzda boğulub.

Hadisə Suraxanı rayonu Hövsan qəsəbəsində baş verib.

Altı yaşlı Mirseymur Əfqan oğlu Vəlizadə öz həyətlərində hovuzda boğularaq ölüb.

Faktla bağlı araşdırma aparılır.

Lent.az

Prezident İlham Əliyevin rəhbərliyi ilə ədliyyə sahəsində aparılan islahatlar çərçivəsində nazirliyin aparatının yeni strukturu təsdiq olunub, idarəçilik mexanizmləri təkmilləşdirilir.

Apa-nın sorğusuna cavab olaraq Ədliyyə Nazirliyinin İnsan Hüquqları və Kommunikasiya idarəsinin rəisi Aynur Sabitova bildirib.

İdarə rəisi deyib ki, nazirliyin Strateji planlaşdırma və monitorinq baş idarəsinin rəisi vəzifəsinə ədliyyə nazirinin əmri ilə Cavid Hüseynov təyin edilib: "Cavid Hüseynov 2000-ci ildə ədliyyə orqanlarında işə başlamış, sonradan Məhkəmə-Hüquq Şurasının Aparat rəhbəri olmuşdur. 2-ci dərəcə dövlət müşaviridir. Məhkəmə-Hüquq Şurasının və nazirliyin Kollegiyasının üzvüdür.

C.Hüseynov Məhkəmə-Hüquq Şurasında və Hakimlərin Seçki Komitəsində səmərəli fəaliyyətinə görə orden və medallarla təltif olunub".

Aynur Sabitova qeyd edib ki, ədliyyə nazirinin digər əmri ilə isə Məhkəmə Ekspertizası Mərkəzinin rəisi vəzifəsinə hakimlik təcrübəsi və əvvəllər də bu qurumda çalışması nəzərə alınaraq, III dərəcəli dövlət ədliyyə müşaviri Elçin Qasımov təyin edilib: "Elçin Qasımov nazirliyin aparatında müxtəlif məsul vəzifələrdə işləmiş, sonradan nazirlikdə baş idarə rəisi vəzifəsində çalışıb.

Bundan başqa Ədliyyə Nazirliyinin bir sıra yerli icra və probasiya, həmçinin qeydiyyat qurumlarında da rəhbər vəzifələrə təyinat aparılıb".

İdarə rəisi deyib ki, dövlət başçısının tapşırıqlarına uyğun olaraq ədliyyə orqanlarında müasir düşüncəli və hazırlıqlı gənclərin qulluğa qəbuluna xüsusi önəm verilir: "Bununla bağlı seçim prosesi fasiləsiz aparılaraq davamlı müsabiqələr keçirilir və qulluğa qəbul olunmuş gənc ədliyyə işçilərinin hərtərəfli peşəkar inkişaflarına daim diqqət yetirilir.

Növbəti bir qrup namizədlərlə keçirilmiş sonuncu imtahandan uğur qazanmış 60-dan çox hüquqşünasla hazırda müsabiqənin növbəti mərhələsinin keçirilməsinə başlanılacaq”.

Naxçıvan Muxtar Respublikası təhsil nazirinin müavini vəzifəsindən azad edilib.

Naxçıvan Muxtar Respublikası Ali Məclisi sədrinin birinci müavini Azər Zeynalov bununla bağlı sərəncamı imzalayıb.

Sərəncamla Heyran Rüstəm qızı Əhmədova Naxçıvan Muxtar Respublikası təhsil nazirinin müavini vəzifəsindən azad edilib.

Yaponiyanın aparıcı avtomobil istehsalçısı “Nissan” avtomobillərinin Azərbaycanda rəsmi distribütoru qanunlarımızı pozur. Ölkədaxilində malının reklamını və satışını həyata keçirən şirkət qanunvericiliyin müvafiq müddəalarına riayət etmir. Halbuki beynəlxalq praktikada, o cümlədən qabaqcıl ölkələrdə, yerli qanunları pozan şirkətlərin lisenziyası məhdudlaşdırılır.

Şirkət ölkədaxili ticarət mübadiləsi zamanı malının satışını, reklamını və ödəniş sistemini qanunvericiliklə məsuliyyət yaradan xarici valyuta olan dollarla həyata keçirir.

Halbuki Mülki Məcəllənin tələbinə görə, malların qiymətləri istər satış zamanı, istərsə də reklam olunarkən manatla göstərilməlidir.

Son günlər qeyd olunan şirkətin “Facebook” və “İnstagram” səhifələrində müxtəlif modeldə “Nissan” avtomobilinin dollarla satışı reklam olunur.

89 min 900 dollardan başlayaraq təklif olunan avtomobilin açıq reklamı gedir.

“Qalib olmaq həmişə maraqlıdır, çünki daim inkişafdasan. İnkişaf həyəcanlandırır, hərəkəti hiss etdirir. Əfsanəvi Nissan Patrolu idarə edin, onu kəşf edin, onu hiss edin. Standartlara meydan oxuyun.

NISSAN PATROL - 89 900$ -dən başlayan qiymətlərlə” – deyə elanda qeyd olunub.

Şirkət tərəfindən Azərbaycan qanunvericiliyinə zidd addımın atılması ciddi müzakirələr yaradıb.

Hüquqşünaslar qanunvericiliyin müvafiq müddəalarını pozan və reklamını dollarla aparan şirkətin cəzalandırılması tələbi ilə çıxış ediblər.

Ümumiyyətlə, Azərbaycanda buna bənzər hallar kifayət qədərdir. Amma malların dollarla təklif olunmasına görə heç kəs məsuliyyət daşımır.

Bəs açıq təbliğat niyə görməzdən gəlinir?

Bizim.Media məsələnin hüquqi izahını xatırladır:

İstənilən əmlakın satış qiymətinin dollarla qeyd və təklif olunması qanuna ziddir. Ölkədaxili dövriyyələrdə manat olduğu üçün qanun buna riayət olunmasını və bütün satışlarda, elanlarda milli pul vahidindən istifadəni tələb edir.

Qeyd edək ki, Azərbaycanda Konstitusiyaya əsasən ödəniş vasitəsi kimi yalnız milli pul vahidi olan manatdan istifadə olunur. Konstitusiyanın 19-cu Maddəsində yazılır:

1. Azərbaycan Respublikasının pul vahidi manatdır.

2. Pul nişanlarının tədavülə buraxılması və tədavüldən çıxarılması hüququ yalnız Mərkəzi Banka mənsubdur. Azərbaycan Respublikasının Mərkəzi Bankı dövlətin müstəsna mülkiyyətindədir.

3. Azərbaycan Respublikasının ərazisində manatdan başqa pul vahidlərinin ödəniş vasitəsi kimi işlədilməsi qadağandır.

2015-ci il mayın 15-də qüvvəyə minmiş “Reklam haqqında” qanunun 4-cü maddəsinin (Reklama dair tələblər) 4.9 bəndinə əsasən reklamda yalnız Azərbaycan Respublikası ərazisində tətbiqinə icazə verilmiş ölçü vahidlərindən istifadə olunmalı, əmtəələrin qiyməti Azərbaycan Respublikasının pul vahidi (rüsumsuz ticarət mağazaları istisna olmaqla) ilə göstərilməlidir. “Reklam haqqında” qanunda yazılıb ki, bütün məhsulların qiymətləri milli valyutada göstərilməlidir.

Bundan əlavə Azərbaycanda “İstehlakçıların Hüquqlarının Müdafiəsi haqqında” qanun da qüvvədədir.

Bu qanunun istehlakçıların mal (iş, xidmət) haqqında məlumat almaq hüququnu ifadə edən 13-cü maddəsində göstərilib ki, satıcı (icraçı) Azərbaycan Respublikasının ərazisində satdığı malların (işlərin, xidmətlərin) qiymətlərini yalnız manatla göstərməlidir.

Qarşı tərəfin mövqeyini dərc etməyə hazırıq...

//bizim.media//

Tanınmış jurnalist Məhəmmədəli Qəribli Sədərək Ticarət Mərkəzində yaranan son acınacaqlı vəziyyət və orada fəaliyyət göstərən sahibkarların hansı çıxılmaz şəraitlə üzləşdiyi haqda videoçıxış edib.

DİA.AZ mövzunun aktuallığını nəzərə alaraq, həmin videomaterialı Azinforum.az-a istinadən təqdim edir:

Baş nazirin müşaviri, Mərkəzi Bankın sabiq rəhbəri Elman Rüstəmovun ikinci qızı Süsən Rüstəmova Londonda şirkət açıb. JAMAZ.İNFO xəbər verir ki, bu məlumatı tanınmış araşdırmaçı jurnalist Cavanşir Həsənli yayıb.

O bildirir ki, London Modalar Kollecinin məzunu olan Süsən Rüstəmova EV LDN LTD-ni İran əsilli Anita Nazənin Şahi ilə ortaqlıq əsasında bu ilin yanvarında təsis edib. Şirkət keçmiş baş bankirin qızına məxsus Belvedere Row Apartments 64, Fountain Park Way ünvanında qeydiyyatdan keçib.

Onun yazdığına görə, Elman Rüstəmov Londonun bahalı yaşayış kompleksində yerləşən mənzilı qızına 2 il əvvəl 820 min funt sterlinqə allb. “Elman Rüstəmovun digər qızı Günel Rüstəmova da həyat yoldaşı Cümə Əhmədzadə ilə birgə Londonda bahalı mülkə, Azərbaycanda və Çexiyada otellərə sahibdir. Onların Londonda sahib olduqları Gyunel Limited-in aktivləri 2022-ci ilin maliyyə hesabatına görə 6 milyon funt-sterlinqdən artıqdır”.

JAMAZ.İNFO

“Gecə saat 3-ə qalıb. İki gündür Təhsil Nazirliyi əsəblərimi tarıma çəkib. Bir xırda məsələni həll etmək istəmirlər. Keçən il Emin Əmrullayevin elçiləri it kimi ayağıma düşmüşdülər, nazirin adından xahiş edirdilər”

Bu sözləri jurnalist Samir Feyruzov sosial şəbəkədəki hesabında yazıb.

O bildirib ki, indi nazirlikdə söz demədiyi, təkidlə xahiş etmədiyi adam qalmayıb: “Hərə bir tərəfə çəkir, qeyri-müəyyənlik yarada-yarada məni aldatmağa çalışırlar, vaxt udurlar. Bu “qambuzik”lərə yiyələrinə görə hörmət qoyurdum, artıq keçdi. Bu, nə sistemdir, a kişi?! Halbuki, daxili şagird yerdəyişməsi etmək istəyən hər kəs məktəblərdə 500 manat rüşvət verib həmin məsələni həll edir. Mənə deyirlər ki, həmin 500 manat “katyol”a gedir, yəni, hər kəs verməlidir. Emin Əmrullayev, hansı “katyol”?

Mötəbər şəxslərin xahişlərinə görə, bu FETÖ qırıntısının, Nazirlikdəki şəbəkənin təhsil sahəsində törətdiyi cinayətləri hələki işıqlandıra bilmirdim. Bundan sonrasını gözləsin… Sabah açılsın görək…

Heç kəsi qınamıram, ölkədə bütün sahələr kimi media da çürüyüb, jurnalistlər başını girələyir, mətbuat o qədər hörmətsiz hala düşüb ki, ata-ana şotuna vəzifəyə təyin edilən fərari “şampunçik”lər jurnalistlərə etinasızlıq nümayiş etdirirlər. 20 əvvəl bu ölkədə Emin Əmrullayev nazir ola bilərdi? Lap olsaydı da, mətbuat onu bu şəkildə rahat buraxardı?! Savaş istəyirsiniz? Gəlin! Savaşmasanız, adam deyilsiniz!”.

Şəmkir rayon Aşağı Seyfəli kənd sakinləri susuzluqdan əziyyət çəkdiklərini deyirlər. DİA.AZ bildirir ki, sakinlər problemləri ilə bağlı əlaqədar qurumlara müraciət ediblər, amma nə olsun...

"Artezianımız da var, borc-xərc edib qazdırmışıq. Amma limitə salmırlar" deyə giley edən sakinlər ölkə rəhbərliyindən kömək istəyirlər.

Daha ətraflı aşağıdakı videoda:

Məsələ ilə bağlı olaraq qarşı tərəfi də dinləməyə hazırıq..