“Başçı özü ilə bərabər daha iki nəfəri rayona gətirib. Bir nəfər sürücü, bir nəfər də köməkçi. Rayonu da az qala onlar idarə edirlər”.

Lerikdən olan şikayətçilər Jamaz.info-ya belə deyiblər. Onların sözlərinə görə, başçının köməkçi Rauf Vahabzadə demək olar ki, rayonun bütün imkanlı adamlarını “tanıyır”. Şikayətçilər iddia edirlər ki, London təhsilli yeni başçı Əkbər Abbasov gözləntləri doğrultmayıb, əksinə, indi o, rayonun özünü nüfuzlu elan etmiş İmanovların Rayon Maliyyə İdarəsin müdiri Hafiz İmanovun göstərişi ilə oturub-durur, məhz onun xeyir-duası ilə vəzifələr paylayır:

“Cəmiyyətdə və yoldaşlar arasında nə sözünü, nə də davranışını bilən Rauf Vahabzadə öz səviyyəsində olan uşaqları başına yığıb icra başçısını da aldadır. Bu iyrənc hərəkətlər artıq insanlarda qıcıq yaradır”.

Leriklilər qeyd edirlər ki, icra başçısı ilə maliyə idarəsinin müdiri Hafiz İmanovun qardaşı Heybət İmanov arasında dostluq əlaqələri var. Heybət İmanov Əmək və Əhalinin Sosial Müdafiəsi Nazirliyində işləyir. O, Əkbər Abbasovun Şamaxı regional idarəsinin müdiri olan qardaşını himayə edir. Əvəzində, Hafiz İmanov da Lerikdə Əkbər Abbasov üçün “ağsaqqallıq” edir, əksinə, bununla da onu uçuruma aparır:

“Onu da qeyd edək ki, Hafiz İmanov sovetdən qalma saxtakardır. 30 ildən artıqdır ki, rayonun büdcəsini yeyib talayır. Əvvəl həmin idarədə baş mühasib, sonra isə müdir işləyir. Doğma yeznəsi, yəni qızının əri Ramal Məstiyev də Rayon İcra Hakimiyyətinin Lerik Şəhər İnzibati Ərazi dairəsinin nümayəndəsidir. Hafiz pulu ona köçürür, o da yavaş-yavaş xırdalayır. Rayon İcra Hakimiyyətinin baş mühasibi Asiman Tağızadə də Rauf Vahabzadə ilə məsləhətləşərək rayonun abadlığı üçün ayrılmış pulları xərcləyir. Bu təcrübəsiz və vəzifə üçün bişməyən icra başçısı və köməkçi axır başa düşər ki, onu lerikli “məmur qurdlar” necə aldadıblar”.

“İcra başçısı bu günə qədər hələ heç bir iş görməyib. Ancaq yerlərdə əhali ilə saxta görüşlər keçirir, yalan vədlər verir, kombayna oturub güya kombayn sürür, özünü reklam edir və vaxt qazanır. Daha başa düşmür ki, əhalinin səbr kasası dolandan sonra, o, əhaliyə hesabat verməlidir”, – deyə şikayətçilər bildirir.

Şikayətçilər onu da deyir ki, icra başçısı İcra Hakimiyyətində çalışan təcrübəli şəxslərə də imkan vermir, uzun illər bu strukturda çalışan məmurları təcrübəsiz məmurlar vasitəsilə sıxışdırır: “Faktiki Lerik bir neçə ac qurdun və təcrübəsiz uşağın əlinə qalıb”.

Bir çox kolbasa istehsalı ilə məşğul olan firma və şirkətlər haqqında ət məhsullarının istehsalı və satışı zamanı əmtəənin keyfiyyəti ilə bağlı istehlakçını çaşdırdığına və aldatdığına, haqsız rəqabətə yol verdiyinə görə barələrində iş qaldırılıb. Haqqında iş qaldırılan şirkətlərdən biri də dəfələrlə cəzalandırılan “Səhliyalı” Kiçik Müəssisəsi və onun “1000 bərəkət Halal Nemət“, “Səhliyalı” və “Halal 5+” markalı kolbasa-sosiasləridir.

Tribunainfo.az yazır ki, 1996-cı ildən Azərbaycanın kolbasa-sosis bazarına daxil olan “Səhliyalı” şirkətini ilk vaxtlar ancaq reklam çarxlarından tanıyırdılar. Daha sonra isə əhali bu ət məhsullarını bərbad dadına, içindən çıxan şiçan nəcisinə və iylənmiş ətinə görə tanımağa başladı. Uzun illər “halal” adı ilə fəaliyyət göstərməsinə baxmayaraq illərlə heç Qafqaz Müsəlmanları İdarəsinin də halalalıq sertifikatı vermədiyi bu müəssisənin məhsullarının hələ də bazarda qalması təəssüfləndirici haldır.

Bir neçə il əvvəl “1000 bərəkət Halal Nemət” əmtəə nişanlı sosiskadan siçan nəcisinin çıxması firmanın olan-qalan reytinqini də darmadağın elədi. Feysbukda səhifələrdə paylaşımlar, müzakirələr, şərhlər ardı-arası kəsilmədən virtualı bürüdü. Bu faktı mətbuat özündən uydurmamışdı, Kəmalə Qasımova ad-soyadlı istehlakçı “1000 bərəkət Halal Nemət”in “Manqalüstü” sosisinin içindən siçan nəcisi tapmışdı. Görün indi müəssisədə necə natəmizlikdir ki, sosisin içərisindən elə şeylər çıxır.

Bu cür şikayətlər nə ilk idi, nə də son. “Səhliyalı” şirkətinə aid “1000 bərəkət Halal Nemət” markasının “ən yeni növ” məhsullarından biri də kiflənmiş kolbasası olmuşdu. Hətta bir neçə il əvvəl rəsmi “Yeni Azərbaycan” qəzeti də bu şirkətdən yazmışdı. Rəsmi dövlət qəzetinin o zaman yazdığına görə, kolbasa üçün məhsullar hansısa ərəb ölkələrindən gətirilən dondurulmuş naməlum heyvan ətindən hazırlanır. Çəkilmiş farşa müxtəlif ədviyyatlar qatılır ki, donmuş ətin üfunəti hiss olunmasın. Sözügedən məhsullardan qəribə iy və dadın gəlməsi də bu deyilənləri təsdiq edir.

Bu yazılanlardan illər keçsə də, “Səhliyalı”nın istehsalı olan sözügedən marka sosis və kolbasalarının nə dadı dəyişib, nə də keyfiyyəti.
Çünki dəfələrlə deyilib və yazılıb ki, şirkət qoca, xəstə, südsüz heyvanların ətindən istifadə edir. Üstəlik, “1000 bərəkət Halal Nemət” nişanlı məhsulların tərkibində E 621- qlütamat və E 250 – natrium nitrit maddələri də var. Bu nişanla istehsal olunan bəzi məhsulların tərkibi tam göstərilmir. Bu isə “İstehlakçıların hüquqlarının müdafiəsi haqqında” qanunun 3-cü maddəsinə ziddir.

Bu şirkətin məhsul istehsal etmək üçün aldığı ətin haradan gətirilməsi haqda dəqiq məlumat yoxdur. Bu haqda şirkətin rəsmi saytında da məlumat yerləşdirilməyib.
Bir müddət qabaq şirkətin kolbasalarında nişastanın normadan artıq olduğu aşkarlanmışdı. “Səhliyalı” müəssisəsinin “Sevimli Dad” və “Halal 5+” markalı sosislərinin üzərində mal əti bəyan edilsə də, tərkibində mal DNT-si də aşkarlanmayıb. Bu faktlara görə müəssisəyə dəfələrlə xəbərdarlıqlar edilib, haqqında iş qaldırılıb. Ancaq problem həllini tapmayıb. Sözügedən marka illərdir bazarda olsa da, özünü doğrulda bilməyib. Bu gün də sözügedən kolbasa və sosislər bazarda heç bir halda sevilməyən, qəbuledilməyən məhsullardan sayılır.

Qarşı tərəfin də mövqeyini işıqlandırmağa hazırıq.