Bu gün Azərbaycan Prezidenti, Silahlı Qüvvələrin Ali Baş Komandanı İlham Əliyev Müdafiə Nazirliyinin komando hərbi hissələrinin birində yaradılan şəraitlə tanış olub, hərbi hissəyə Döyüş bayrağını təqdim edib.

Bu barədə Prezidentin Mətbuat xidməti məlumat yayıb.

Neftçalanın Bankə qəsəbəsində səyyar görüş zamanı vətəndaşlarla icra başçısı arasında insident baş verməsi haqda məlumatlar yayılıb.

Sosial şəbəkələrdə yayılan məlumatda icra başçısı Mirhəsən Seyidovun döyülməsi ilə bağlı iddialar səsləndirilib.

Məsələ ilə bağlı Nefçala Rayon İcra Hakimiyyətinə sorğu ünvanladıq. İH-dən “Qafqazinfo”ya bildirildi ki, sosial şəbəkələrdə icra başçısı ilə bağlı yayılan məlumatlar heç bir həqiqəti əks etdirmir.

Daxili İşlər Nazirliyinin (DİN) Mətbuat xidmətindən də məlumatın tam əsassız olduğu, həqiqəti əks etdirmədiyi açıqlanıb.
Əldə etdiyimiz məlumata görə, hazırda Mirhəsən Seyidov dövlət qulluqçuları ilə bağlı tədbirdə iştirak edir.

Azərbaycanda xüsusi karantin rejiminin müddəti uzadılıb.

Bununla bağlı Baş nazir Əli Əsədov Qərar imzalayıb.

Qərara əsasən, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan ərazisində xüsusi karantin rejiminin müddəti 2023-cü il 2 oktyabr saat 06:00-dək uzadılır.
Qeyd edək ki, əvvəlki Qərarda bu müddət 1 iyula qədər nəzərdə tutulmuşdu.

2017-ci ildə MİDA-nin tikinti işlərində suppodratçı kimi dəyəri 1 milyon manata yaxın iş görən Tərtər rayon sakini Nizam Mustafayev bu gün Yasamal rayon 26-cı polis bölməsinin əməkdaşları tərəfindən şəhərin mərkəzində, videokameralarla müşahidə olunan yerdə, guya polisə müqavimət göstərərək saxta inzibatı xəta ilə rəsmləşdirilərək, müdafiəçisinin iştirakı olmadan saxlanılıb. Nizam Mustafayevin vəkili Araz Allahverdiyevin saytımıza verdiyi məlumata görə o, Yasamal Rayon məhkəməsinin qərarı ilə 30 sutka həbs edilib. Həbs olunan zaman onun üzərində telefonu və külli miqdarda pul vəsaiti olsa da hazırda əşyaları ilə bağlı heç bir xəbər yoxdu.

Sahibkarın silsilə videomüraciətlərində deyilir ki, MİDA sahibkarın pulunu verməmək üçün onu birinci dəfə 2019-cu ildə, ikinci dəfə 2022-ci ildə, sonunu dəfə isə bu gün həbs elətdirib.
Həbs olunan sahibkarın videomüraciətində qeyd olunur ki, o davamlı olaraq Dövlət qurumlarına və Prezidentə müraciətlər ünvanlayaraq haqlı olduğu pulu MİDA-nın rəhbəri Çingiz Qədimovdan və MİDA MMC-nin rəhbəri Fərhad Təhməzovdan tələb etdiyi üçün həbs olunub.

O müraciətlərində MİDA rəhbərliyinin Prezidentin nümunəvi sosial layihəsi üzərindən mənimsəmə və mənimsənilmiş pulların müxtəlif yollarla, əsasən birdəfəlik maliyyə əməliyyatları üçün yaradılmış “Deposist & Azequip” MMC, həmçinin Xəqani Kazimovun faktiki rəhbəri olduğu “Berakl” MMC və digər yalançı şirkətlər vasitəsi ilə leqallaşdırılmasına dair video və sənədli subutların olması haqda danışıb.
İş adamının vəkilinin bildirdiyinə görə yuxarı instansiyaların qərarından asılı olaraq bu işi Avropa İnsan Hüquqları Məhkəməsinə və digər beynəlxalq huquq teşkilatlarina qədər aparacaqlar.
Sahibkar ölkə başçısı İlham Əliyevdən və Prezident Administrasiyasının rəhbəri Samir Nuriyevdən bu məsələni diqqətdə götürüb ona kömək göstərilməsini xahiş edir.

P.S. Bu videomüraciət həbsindən bir neçə gün öncə çəkilərək saxlanılmışdır.
Tribunainfo.az

Manaf Şirinovun uzun müddət direktor olduğu Avro-Asiya İnşaat Korporasiyası “Evrascon” ASC ( keçmiş “Azərkörpü” ASC) ilə bağlı yazıya keçməzdən öncə qısa məlumat verək.
1968-ci ildə Bakı şəhərində SSRİ Nəqliyyat Tikintisi Nazirliyinin nəzdində yaranmış «Körpütikintidəstəsi-100» kimi fəaliyyətə başlayan qurum 2001-ci ildə keçirilmiş özəlləşdirmədən sonra “Azərkörpü”yə çevrilib, Açıq Səhmdar Cəmiyyəti statusu alıb. 2013-cü ildə isə “Azərkörpü” ASC rebrendinq elan etdi və öz adını Avro-Asiya İnşaat Korporasiyası “Evrascon” adı ilə əvəz etdi. Manaf Şirinovun mətbuata dediyinə görə, guya adın dəyişməsinin səbəbi şirkətin yaxın və uzaq xarici ölkələrdə gördüyü mühüm işlərdir. Manaf Şirinova deyən yoxdur ki, təkcə Qazaxstanda gördüyünüz tikinti işlərində milyonlarla maxinasiyalar olmuşdu.
Budur, sizin uğurunuz..? Bəli, Manaf Şirinovun şirkəti Qazaxıstanda, Özbəkistanda, Moldovada, Rusiyada, Ukraynada gördüyü bütün tikinti işlərində həmişə ciddi maxinasiyalara yol verib. Çoxları düşünə bilər ki, Manaf Şirinov bu layihələri necə əldə edib..?
Əslində biz həmişə yazırıq ki, böyük şirkətlərin arxasında iri məmurlar olmasa, həmin şirkətlər 1 ay da ayaqda dayana bilməz. Bəli, “Azərkörpü”, hazırda adı Avro-Asiya İnşaat Korporasiyası “Evrascon” olan şirkət birmənalı olaraq sabiq baş nazirin müavini Abid Şərifovun ailə şirkətidir. Bu qədər sadə və bəsit. Və həmin layihələri də Abid Şərifov öz əlaqələri vasitəsilə əldə edirdi. Bəlkə Qaradağda limanın tikintisini, yaxud Kür çayı üzərindəki körpünün tikintisini Manaf Şirinov özü əldə etmişdi..?
Manaf Şirinova Kür çayının üzərində tikdiyi körpünün bir neçə ay sonra təmirə dayanmasını xatırlatmaq lazımdır. Manaf Şirinov təkcə dövlətə deyil, həm də Azərbaycan təbiətinə milyonlarla ziyan vurmuşdu. Manaf Şiirnov ona yaxın media qurumlarına böyük-böyük müsahibələr verir, dövlətdən və dövlətçilikdən danışır. Görəsən, Manaf Şirinov uzun illərdir ki, neçə milyon vergidən yayınmasından niyə danışmır...?
Manaf Şirinov maşın, avadanlıq, texnika almaq adı ilə milyonlarla manipulyasiya edib. Bir sözlə, Abid Şərifovun ailə şirkəti hesab olunan "Avro-Asiya İnşaat Korporasiyası Evrascon” ASC kifayət qədər dövlət vəsaitini mənimsəyib. Hətta Manaf Şirinovun bir müddət saxlanılması barədə də mediada xəbərlər yayılıb. Amma sonradan Abid Şərifovun hesabına buraxılıb. Manaf Şirinovun əməlləri barədə yazmaqla qurtaran deyil. Hazırda Manaf Şirinovun şirkətini, başqa adla, İNDER TEXNİKA MMC adı ilə onun oğlu Seymur Şirinov idarə edir. Seymur Şirinovun müavini isə Azad Qasımovdur. Azad Qasımov hər yerdə deyir ki, Seymur Şirinov kimdir ki, şirkətin əsl sahibi mənəm. Azad Qasımov deyir ki, Seymurun tikintidən, inşaat işlərindən başı çıxmır, amma mən... Bəli, Azad Qasımov restoranlarda pul səpir və fəxrlə dosatlarına deyir ki, Füzuli Hava Limanını mən tikmişəm, Qarabağın, Cəbrayılın bütün abadlıq və tikinti işləri mənə tapşırılıb. Azad Qasımovdan soruşan yoxdur ki, restoranlarda səpələdiyin dollarları necə və hansı yolla qazanmısan..?
Əlbəttə, dövlətin tikintiyə ayırdığı milyonları mənimsəməklə...
Gündəlik Bakı

"Son 1 aydır Aile tv-nin interneti bərbad işləyir". DİA.AZ bildirir ki, bunu "Müştərinin Səsi" sosial qrupundakı paylaşımında Riana Əmirxanova adlı istifadəçi qeyd edib.

Narazı vətəndaş daha sonra deyir: "Gərək modemin yanında durasan ki, internet işləyə. O biri otağa keçəndə hətta "vatsap"da mesaj belə güclə gedir.

Özlərinə demişəm, deyirlər, ümumi - yuxarı provayderdən gələn problemdir, gözləyirik, həll olunsun. Sizdə də elədir?"

İddia olunanlarla bağlı olaraq qarşı tərəfi də dinləməyə hazırıq...

İmişli Mürşüdün “Bizim Ev” MTK-sı Yasamaldakı “Məhsul” stadionunu zəbt edərək 12 mərtəbəli bina tikir... “Bizim Ev” MTK yaşıllıqları məhv edir, sakinlərin başına toz-torpaq uçurdur...
Əsas mövzuya keçməzdən öncə qeyd edək ki, İDMAN artıq dünyada böyük siyasətə çevrilib. Həm də nəzərə almaq lazımdır ki, idman həm də ölkənin, dövlətin tanıdılması, təbliği üçün böyük vasitədir. Həm də nəzərə almaq lazımdır ki, Azərbaycan gənc dövlətdir və tanınmağa, təbliğata daha ciddi ehtiyacı var. Bütün bunları nəzərə alan cənab Prezident İlham Əliyev Milli Olimpiya Komitəsinin ( MOK ) prezidenti olarkən, sonra dövlət başçısı kimi Azərbaycan idmanının inkişafı üçün gecə-gündüz çalışır. Və son illər Azərbaycan bayrağını beynəlxalq yarışlarda ucaldan gənclərimizin sayı durmadan artır. Təəssüf ki, bəzi məmurlar isə idman stadionlarını iş adamlarlna, sahibkarlara sataraq milyonlar qazanırlar. İki gün öncə Bakı Ağır Cinayətlər Məhkəməsində Azərbaycan Həmkarlar İttifaqlarının İdman Təşkilatları Assosiasiyasının keçmiş sədri Nadir Əliyev və “Yasamal” idman-sağlamlıq klubunun sabiq direktoru Alik Həsənovun məhkəmə prosesi davam etdirilib. Bu işdə zərərçəkənlər Həmkarlar İttifaqları Konfederasiyasının sədri, deputat Səttar Möhbalıyevin məhkəmədə dindirilməsini istəyiblər. Zərəçəkənlərdən biri proses zamanı bildirib ki, Konfederasiyanın rəhbər vəzifəli şəxslərinə külli miqdarda rüşvət veriblər.
Xatırladaq ki, Baş prokuror yanında Korrupsiyaya qarşı Mübarizə Baş İdarəsində aparılan istintaq zamanı Bakı şəhəri, Yasamal rayonu, Həsən bəy Zərdabi prospekti 69D ünvanında 1,26 hektar torpaq sahəsində yerləşən stadion ərazisininin həmin yerdə hündürmərtəbəli binanın inşa edilməsi məqsədi ilə 5 milyon 500 min manata satılmaq məsələsi müzakirə olunub.
İndi gördünüzmü, cənab Prezident idmanın inkişafı üçün gecə-gündüz çalışır, bəzi məmurlar, deputatlar isə idman stadionlarını iş adamlarına, Mənzil Tikinti Kooperativlərinə ( MTK ) sataraq milyonlar qazanmağa, eyni zamanda vətəndaşların hüquqlarının pozulmasına yol verirlər. Belə tikinti şirkətlərindən biri də İmişlidən olan Mürşüdə məxsus “Bizim Ev” MTK-dır. “Bizim Ev” MTK-nın Yasamal rayonu, 3155-ci məhəllə, Həsənbəy Zərdabi küçəsi, 69b ünvanında tikdiyi bina əslində “Məhsul” stadionunun ərazisini ələ keçirməklə baş tutub, şirkət hətta stadionun soyunub-geyinmə otağını da zəbt edib.
Bütün bunlar azmış kimi “Bizm Ev” MTK, gecə-gündüz, həftənin bütün günləri sakinlərin başına toz-torpaq, sement tozu, palçıq ələyir. İmişli Mürşüdün tikdiyi binanın balkonlarından sakinlərin evlərinin içi, az qala hamamı görünür. Bu rüsvayçılıqdır. Tikintidəki səs-küydən sakinlər gecə-gündüz stress keçirir, nevroz vəziyyətinə düşürlər...
Sakinlərə işgəncə verməyi bir kənara, şirkətin apardığı tikinti prosesində heç bir təhükəsizlik qaydalarına əməl olunmur... Hələ üstəlik şirkət ətrafdakı yaşıllıqları məhv edir. Biz dəfələrlə rəsmi sənədlər əsasında yazmışdıq ki, məhəllə daxilində yüksək mərtəbəli binalar tikilə bilməz. Amma Mürşüd tikir. Bəs görəsən, bu Arxitektura Komitəsi, FHN-nin Tikintidə Təhlükəsizliyə Nəzarət edən qurumu, Şəhər rəhbərliyi hara baxır..?
Ümid edirik ki, idman stadionlarını satanlar, həmin stadionların yerində qanunsuz bina tikənlər həbs olunacaqlar.
Buyurun bu da sakinlərə işgəncə verən obyektin ünvanı: Bakı şəhəri, Yasamal rayonu, 3155-ci məhəllə, Həsənbəy Zərdabi küçəsi, 69b ünvanında 2 girişli çoxmərtəbəli yaşayış binası. Sifarişçi: “Bizim Ev” MTK Dövlət ekspertizasının rəyi: 25693, 17.07.2018 Layihəçi: KARKAS-S MMC lisenziya İNİL-523/2017.05.06.2017 Podratçı: “Bizim Ev” MTK lisenziya EL-118/21.05.2018 Başlanma tarixi: 10.03.2022 Bitmə tarixi: 10.09.2024.
P.S. Növbəti sayımızda oxuyacaqsınız. "Bizim Ev" MTK-nın əsl sahibi kimdir? Bu şirkətlə, Əsabil Qasımovun hansı yaxınlığı var? Elvin Qasımov kimdir? Şirkət nə üçün binadakı mənzilləri çıxarış olmadan satır? "Bizim Ev" MTK-nın sahibi hansı nazirin adını hallandırır?
Gündəlik Bakı

Lerik rayon sakini Babayev Güloğlan Abuzər oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, özünü Lüvəsər bələdiyyəsinin üzvü kimi təqdim edən Mərdan Nəsirov bir torpağı saxta sənədlərlə bir neçə nəfərə satıb:

"Mən, Babayev Güloğlan Abuzər oğlu, yazaraq sizdən xahiş edirəm ki, problemimi işıqlandırasınız.

Deməli, 2008-ci ildə Lənkəran rayonu, Lüvəsər bələdiyyəsinin sədri kimi özünü təqdim edən Mərdan Nəsirovdan 6 sot torpaq sahəsi almaq üçün 2300 man pul vermişəm. Mərdan Nəsirov mənə həmin torpağın sənədlərini də verib.

Mən həmin sahəyə çəpər çəkib, öz sahəm kimi iş gördüm. Bir müddət keçəndən sonra, payız fəslində ağac əkmək uçun həmin yerə getdim, orda başqa insanın ev inşa etdiyini gördüm. Onlara yaxınlaşıb, “siz mənim torpağımı niyə zəbt etmisiniz”, - dedim? Həmin insan mənə torpağın özününkü olduğunu bildirdi və sənədlərini göstərdi. Dedilər ki, Mərdan Nəsirov çoxlarına qarşı dələduzluq edib.

Mən bu barədə M.Nəsirova danışdım və onun barəsində şikayət edəcəyimi bildirdim. O, mənə dedi ki, “sən mənə heç nə edə bilməzsən, hara istəyirsən şikayət et, xeyri yoxdur”. Mən bu barədə Lənkəran rayonu Polis Şöbəsinə, prokurora və icra başçısına şikayət etsəm də, heç xeyri olmadı. Dəfələrlə Baş prokurorun qəbulunda olmaq istədim, mane oldular. Başçının verdiyi sərəncam birinci mərtəbədən çölə çıxmadı.

Baş Prokurorluğa və Prezident Administrasiyasına çoxsaylı şikayət məktubları göndərmişəm. İndiyədək heç kimsə şikayətimlə maraqlanmır.

Hörmətli redaksiya, bu insanın saxtakarlığını açıq etmək üçün mənə kömək edin”.

Redaksiyadan: Yazıda adları qeyd olunan şəxslərin mövqeyini dərc etməyə hazırıq.