Xəbər verildiyi kimi, Səfərbərlik və Hərbi Xidmətə Çağırış üzrə Dövlət Xidmətinin rəis müavini işdən çıxarılıb. Xidmət rəisi polkovnik Mürsəl İbrahimovun əmri ilə 1-ci müavini general-leytenant Zaur Abdullayev vəzifəsindən kənarlaşdırılıb. Xatırladaq ki, bir neçə gün öncə yeni xidmət rəisinə böyük ümidlər bəsləndiyini, xüsusilə Zaur Abdullayevin uzun illər xidmətdə kabusa çevrildiyini bildirmişdik. “Yeni Xidmət rəisi üçün Zaur Abdullayev sınağı” başlıqlı yazımızda Xidmətdə kök atmış general çetesinin dağıdılmasının bütövlükdə səfərbərlik sisteminə müsbət təsir edəcəyini bildirmişdik. Bu baxımdan Z.abdullayevin vəzifıdən alınması təqdirəlayiq haldır. Amma cumhuriyyet.az olaraq onu da bildirək ki, Abdullayev yeganə fiqur deyil. Belə ki, Xidmətin bəzi rayon rəhbərləri hələ də köhnə qaydalarla işləməkdə davam edir. Səfərbərlik və Hərbi Xidmətə Çağırış üzrə Dövlət Xidmətinin Ağstafa rayon şöbəsində baş verənlər deyilənləri təsdiq edir. Ağstafa rayon hərbi komissarının fəaliyyəti bazar iqtisadiyyatına uyğun qurulmaqdadır. Burada kapitalizmin yırtıcı qanunları işləyir. Ona görə Ağstafanın hərbi komissarı bəzi hallarda kimlərinsə gözünün düşməni, kimlərinsə gözünün işığı olur. Çünki hərbi komissar onun maddi maraqlarını təmin edənləri razı yola salır, edə bilməyən kasıb-kusub, yoxsul, qarnına bir tikə çörək tapa bilməyənləri isə narazı… Yəni pulunu verən Ağstafa hərbi komissarlığında “şəklini çəkdirir”, verməyən isə xəstə ola-ola hərbi xidmətə göndərilir.

Baş verənlərlə bağlı cumhuriyyet.az-a daxil olan məlumata görə, xəstə bir yeniyetmə hərbi xidmətə aparılıb. Həmin gənc Əhmədov Elşən Tanrıverdi oğludur. Onun anası mediaya açıqlamasında bildirib ki, Ağstafa hərbi komissarlığı uşağı yoxladı, dedilər ki, guya problemi yoxdur. Onun sözlərinə görə, övladı Qazax xəstəxanalarında yatıb, uşaqda özündəngetmə halları var, rabitəsiz hərəkətlər edir, gecə oyanır və evdə gəzməyə başlayır, yəni belə bir xəstə uşaqdır. Ancaq yenə də uşağı əsgərliyə aparıblar. O, oğlunun xəstəsi olduğunu bildirib. “Ağstafa hərbi komissarlığı uşağı yoxladı, dedilər ki, guya problemi yoxdur. Bu necə ola bilər? Elşən Gəncə, Qazax xəstəxanalarında yatı, özündən getmə halları, rabitəsiz hərəkətlər edir, gecə oyanır və evdə gəzməyə başlayır, yəni belə bir xəstə uşaqdır. Ağstafada Mahir həkim məndən 4 min manat istədi ki, uşağın işini həll edək. Mən də məcbur qalıb kreditə girib həmin pulu verdim. Ancaq yenə də uşağı əsgərliyə apardılar”. Əsgər anası bildirir ki, arabir komandiri vasitəsi ilə danışır: “Xahiş eləmişəm ki, ona nəzarət etsinlər. Gecə öz-özünə gəzir. Qorxuram ki, özünə xəsarət yetirər. Belə bir xəstə uşağı necə əsgər aparmaq olar? Üstəlik, həkim pulumu aldı, mənimlə də kobud danışdı. Mənim uşağım sağlam, ağlı yerində olsaydı, bu qədər narahatlıq keçirməzdim. Deyərdim ki, qoy əsgərliyini çəksin. Amma bilirəm ki, xəstədir. Onu bu yaşına qədər saçını kəsdirməyə özüm aparırdım, yəni belə bir uşaqdı. Ona görə aidiyyatı orqanlardan, Səfərbərlik Xidmətinin yeni rəhbərliyindən xahiş edirəm ki, oğlumu nəzarətə götürsünlər”.
Onu da bildirək ki, bu Ağstafada bu ilk fakt deyil, dəfələrlə belə xəstə uşaqlar əsgərliyə aparılıb. Hətta bundan əvvəl xəstə uşağı əsgər aparmamaq üçün valideynindən 1000 manat tələb olunmuşdu. Maraqlı burasındadır ki, Hərbi Xidmətə Çağırış üzrə Dövlət Xidmətinin Ağstafa rayon şöbəsinin rəhbərliyi ayıbına kor olmaq əvəzinə məlumatın yanlış olması haqda mətbuata açıqlama verib. Amma məsələ ilə bağlı cumhuriyyet.az-a daxil olan məlumata görə bu məsələ barədə yuxarı dairələrə məlumat verildikdən sonra Ağstafa hərbi komissarının müavini işindən azad olundu. Yəni komissar müavini qurban verərək özünü təmizə çıxarmağa çalışdı. Lakin hərbi komissar bu gün də qanunsuz əməllərini davam etdirir. Baxmayaraq ki, onun xəstə uşaqları əsgər göndərməsi faktları dəfələrlə gündəmə gəlib, hələ də öz iş “prinsip”lərindən əl çəkməyib. Onun öz müavinini “günah keçisi” kimi qurban verməsindən sonra gözlənilirdi ki, bəlkə öz fəaliyyətini korrektə edər, ən azı əvvəlki addımları bu dərəcədə təkrarlamaz. Amma göründüyü kimi, hələ də Ağstafa hərbi komissarlığında pul vermədinsə xəstə uşaqları əsgərliyə aparırlar. Hərbi komissar xəstə uşaqları əsgərliyə göndərərkən “uf” da demir və onların valideynlərinin hansı hisslər keçirdiklərini, nələr yaşadıqlarını anlamaq istəmir. Maraqlıdır ki, Hərbi Xidmətə Çağırış üzrə Dövlət Xidmətinin Ağstafa rayon şöbəsinin rəhbəri Xidmətdə yeni rəhbər dəyişikliyini görməzdən gəlir və qohumu, sabiq komissar Əliağa Hüseynovdan qalan prinsipləri yaşatmaqla faktik olaraq rəhbərliyə meydan oxuyur.

Ümumiyyətlə, xəstə bir gənci rüşvət verə bilmədiyi üçün orduya xidmətə göndərmək rəzalətdir. Üstəlik, söhbət qalib Ordudan, müharibədə zəfər çalmış müzəffər ordudan gedir. 44 günlük Vətən müharibəsindən sonra bu cür neqativ hallara son qoyulmalıydı, amma Ağstafa hərbi komissarı üçün fərq etmir, yenə də köhnə əməllərindən geri qalmır.
Həmçinin, bir müddət əvvəl mediada məlumat yayılmışdı ki, xidmətə yararsız hərbi qulluqçuların komissiyyadan keçirilməsi zamanı onlardan 200-300 manat arası tələb edilir. Bundan əlavə hərbi xidmətə səfərbər edilən hərbi qulluqçuların xidmət yerlərinin öncədən təyin edilməsi prosesi hərbi birləşmələrin yerləşdiyi rayonlardan asılı olaraq müxtəlif vəsait müqavilində həyata keçirilir. Qeyd olunur ki, əgər araşdırılsa, Ağstafa rayonunda xeyli sayda sağlam gənc müxtəlif yollarla hərbi xidmətə “yararsızlaşdırılıb””. //cumhuriyyet.az//

Azərbaycan Respublikası Prezidentinin dəvəti ilə ölkəmizdə dövlət səfərində olan Türkiyə Respublikasının Prezidenti Rəcəb Tayyib Ərdoğanın iyunun 13-də rəsmi qarşılanma mərasimi olub.

Hər iki ölkənin Dövlət bayraqlarının dalğalandığı meydanda Türkiyə Prezidentinin şərəfinə fəxri qarovul dəstəsi düzülüb.

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğanı qarşılayıb.

Fəxri qarovul dəstəsinin rəisi Türkiyə Prezidentinə raport verib.

Türkiyə Respublikasının və Azərbaycan Respublikasının Dövlət himnləri səslənib.

Prezident Rəcəb Tayyib Ərdoğan Azərbaycan əsgərlərini salamlayıb.

Dövlət başçıları fəxri qarovul dəstəsinin qarşısından keçiblər.

Azərbaycan nümayəndə heyəti Türkiyə Prezidentinə, Türkiyə nümayəndə heyəti isə Azərbaycan Prezidentinə təqdim olunub.
Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın qarşısından keçib.

Dövlət başçıları rəsmi foto çəkdiriblər.

***

Azərbaycan Respublikasına rəsmi səfərə gələn Türkiyə Respublikasının Prezidenti Rəcəb Tayyib Ərdoğanın rəsmi qarşılanma mərasimi keçirilir.

Canlı yayımı təqdim edirik:

Azərbaycan Respublikası Prezidentinin dəvəti ilə ölkəmizdə dövlət səfərində olan Türkiyə Respublikasının Prezidenti Rəcəb Tayyib Ərdoğanın iyunun 13-də rəsmi qarşılanma mərasimi olub.

Hər iki ölkənin Dövlət bayraqlarının dalğalandığı meydanda Türkiyə Prezidentinin şərəfinə fəxri qarovul dəstəsi düzülüb.

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğanı qarşılayıb.

Fəxri qarovul dəstəsinin rəisi Türkiyə Prezidentinə raport verib.

Türkiyə Respublikasının və Azərbaycan Respublikasının Dövlət himnləri səslənib.

Prezident Rəcəb Tayyib Ərdoğan Azərbaycan əsgərlərini salamlayıb.

Dövlət başçıları fəxri qarovul dəstəsinin qarşısından keçiblər.

Azərbaycan nümayəndə heyəti Türkiyə Prezidentinə, Türkiyə nümayəndə heyəti isə Azərbaycan Prezidentinə təqdim olunub.
Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın qarşısından keçib.

Dövlət başçıları rəsmi foto çəkdiriblər.

***

Azərbaycan Respublikasına rəsmi səfərə gələn Türkiyə Respublikasının Prezidenti Rəcəb Tayyib Ərdoğanın rəsmi qarşılanma mərasimi keçirilir.

Canlı yayımı təqdim edirik:

Xərçəngdən ölənlərin sayı kəskin dərəcədə artıb. Ümumdünya Səhiyyə Təşkilatı bildirir ki, hər il 14 milyondan artıq insana xərçəng diaqnozu qoyulur. Bu rəqəmin 2030-cu ilə qədər 21 milyona çatması gözlənilir. Təşkilat bildirir ki, bütün dünyada xərçəng xəstəliyindən ölənlərin sayı 2000-ci illərlə müqayisədə 27,5 faiz artaraq 8,8 milyona çatıb.
Açıqlamada deyilir ki, əgər bu xəstəlik daha tez aşkarlansa, xəstənin sağalma ehtimalı da yüksək olur. Amma, nə yazıq ki, Azərbaycan səhiyyəsində elə bir vəziyyət yaranıb ki, müraciət edən xəstələrin vəziyyətindən əvvəl əlinə və cibinə baxılır. Maddi vəziyyəti ağılabatandırsa, xəstəliyi vaxtında aşkar olunur, deyilsə, həmin xəstə qalır evi ilə xəstəxana arasında yollarda. Salırlar get-gələ. Bunu biz demirik, bu vəziyyəti yaşayan yüzlərlə, hətta minlərlə vətəndaşlar deyir. Qaldı ki, vətəndaşların doğru, yaxud səhiyyə işçilərinin dili ilə desək, “yalan” danışdığına, bunu da əyani olaraq, aşağıdakı linkdə izləyə bilərsiniz.

Kadrlar 77 yaşlı Tibb Elmləri doktoru, professor, akademik Cəmil Əliyevin rəhbərlik etdiyi Milli Onkologiya Mərkəzində lentə alınıb. Bununla bağlı cumhuriyyet.az olaraq media üzərindən apardığımız araşdırmalar onu göstərir ki, də sözügedən müəssisədə proseslər eyni qaydada aparılır və bu qədər müraciət,ə şikayətlərə rəğmən vəziyyətin olduğu kimi qalıb. Ölkənin mühüm səhiyyə ocaqlarından biri olan Milli Onkologiya Mərkəzindəki durumu araşdırdıq. Klinikaya müraciət edənlərin ən ağır xəstəliyə yoluxduğunu və yaşamaq şansı az olan insan olduğunu nəzərə alsaq, tibb ocağı daha insaflı davranmalıdır. Ancaq bu, nə baş həkimi, nə tibb personalın maraqlandırır. Milli Onkologiya Mərkəzində pulsuz tibbi xidmət barədə nazir Oqtay Şirəliyevin məlum sərəncamı bu klinikada “sabun köpüyü”nə çevrilib – “pulunu ver, şəklini çəkdir”. Pulsuz deyilən Azərbaycan səhiyyəsində – Milli Onkologiya Mərkəzində rüşvət alma, daha doğrusu boğa-boğa soyulma hallarını istinadən diqqətinizə çatdırır.

Milli Onkologiya Mərkəzinin həyətinə avtomobillə girməyə icazə yoxdur. Qapıda dayanan nəzarətçi deyir, bu, Cəmil Əliyevin xüsusi tapşırığıdır. Bundan sonra həyətə maşınla girmək qadağandır: “Hətta ağır xəstələrə görə “badımcan” taksilərdən birini gətirib qoyub qapının ağzına ki, yeriyə bilməyənlər istədikləri korpusa onunla gedib-gəlsinlər”. Qapıdan içəri keçirik. Birinci gözə çarpan hər yerdə kameraların quraşdırılması oldu. Burada o qədər insan var ki, həyətdəki skamyalarda oturmağa yer yoxdur. Ayaq üstə də kifayət qədər adam dayanıb. Ümumiyyətlə, digərlərinə baxanda Diaqnostika korpusunun qarşısında daha çox adamın olduğunu görürük və elə həmin səmtə gedirik. İçəri girməyimiz diqqət çəkmir. Çünki o qədər adam var ki, hətta qapıda dayanan nəzarətçi insanlara biristifadəlik ayaqqabı üstlüyü paylamaqda çətinlik çəkir. Çoxu geyinmədən içəri tələsir. Qapıdan girən kimi bütün otaqların qarşısında növbə olduğunu görürük. Ən çox növbə də “maqnit-rezonans tomoqrafiya” otağının qarşısındadır. Buradakı hər kəs gərgin, kədərlidir. Hamı tələsir, hərə əlində bir kağız otaqdan otağa qaçır. Hamı, o cümlədən xəstələr də oradakı korrupsiya hallarından danışmağa belə qorxurdular. Bizimlə, söhbət edənlər də daim şübhə ilə yan yörəsinə boylanır, bəziləri isə “bilmirsən bura kimindir? Səni məhv edərlər” deməyi də unutmadılar. Ümumi mənzərədən gözə girən həm də o idi, ki xəstələrin hamısı maddi cəhətdən çox kasıb insanlardır. İndi isə Savash.org olaraq Milli Onkologiya Mərkəzində müəyyən etdiyimiz, pulsuz deyilən Azərbaycan səhiyyəsində, rüşvət alma, daha doğrusu boğa-boğa soyulma hallarını diqqətinizə çatdırırıq:

1. İnsanlar onkoloji xəstəlik şübhəsi yarananda ilk müraciət etdikdə müayinə üçün cürbəcür adlarla 500 manata yaxın pul verməli olurlar.
2. Onkoloji xəstəlik müəyyən edildikdə kimyaterpiya keçmək üçün müayinə sənədlərini müalicə edəcək həkimə çatdırılması insanların özlərinə qadağandır. Həmin müayinə kağızlarını bir korpusdan başqasına aparmaq üçün əməkdaşlara 20 manat verilməlidir.
3. Kimyaterapiya 300 manatdır. Bundan əvvəl də bəzi müayinləri keçmək üçün 60 manatdan 100 manata qədər də rüşvət verilməlidir. Nəzərə almaq lazımdır ki, xərçəng xəstəliyinə tutlumuşlar hər 21 gündən bir kimyaterapiya qəbul etməlidirlər və hər dəfə də eyni pulları verməlidirlər.
4. Bəzi xəstələrin şüa da qəbul etməsi qaçılmazdır. Onun da 28 seansı 1000 manatdır.
Bundan başqa:
• xəstənin qeydiyyata alınmasına görə pul tələb edilir;
• bütün tibbi xidmətlər (müayinə, müalicə, əməliyyat) ödənişli əsaslarla həyata keçirilir;
• zərurət olmadığı halda əlavə analizlər, biopsiyalar və sair prosedurlar edilir;
• zərurət olmadığı halda əməliyyat təyin olunur, külli miqdarda pul tələb olunur;
• kritik mərhələdə (ölüm ayağında) olan xəstədən müalicə adı ilə pul alınır;
• pozitron-emissiya tomoqrafiyasına görə 1500 manat pul alınır;
• və s. şərhlərdə təsvir olunan qanunsuzluqlar.

Əlbəttə, bir yazıda Milli Onkologiya Mərkəzində baş verən faciəni təsvir etmək olmaz, buna kitablar yazmaq, filmlər çəkmək lazımdır. Sonda Savash.org olaraq Azərbaycan qanunvericiliyindən bəzi normaları tibb müəsisəsinin rəhbəri Cəmil Əliyevin oxuması üçün diqqətə çatdırırıq: “ AR Konstitusiyasının 41-ci maddəsinin I hissəsinə əsasən hər kəsin sağlamlığını qorumaq və tibbi yardım almaq hüququ vardır. “Əhalinin sağlamlığının qorunması haqqında” Azərbaycan Respublikasının Qanununun 10-cu maddəsində isə deyilir: “Azərbaycan Respublikasının vətəndaşı olan onkoloji xəstələrə tibbi yardım ixtisaslaşdırılmış dövlət tibb müəssisələrində dövlət büdcəsi vəsaiti hesabına həyata keçirilir. Onkoloji xəstəliyin son mərhələsində olan və sosial əlaqələrini itirmiş onkoloji xəstələr ümumi təyinatlı müalicə müəssisələrində zəruri olan müddətdə dövlət təminatında saxlanılır”. //cumhuriyyet.az//

Səkinə Sadıqovanın belindəki kəmərin qiyməti 713 min dollardır... “Vergili...” olduğunu deyən Səkinə Sadıqova rüşvət alanda “ Ver ki, verən mərd olar” oxuyur... Sumqayıt Tibb Mərkəzinin direktoru Səkinə Sadıqova bəlkə də onun barəsində təkrar-təkrar yazmağımızı görüb düşünər ki, o bizim üçün maraqlı subyektdir, maraqlı mövzudur. Əsla, belə deyil. Bizim üçün maraqlı olan sırf başqa məsələlərdir.

İki gündür oxuduğumuz xəbər adamı maqnit kimi buraxmır...DİN-in mətbuat xidmətinin dünən yaydığı xəbərdən bəlli olur ki, apteklərin birindən uşaq yeməyi oğurlayan ata polis əməkdaşları tərəfindən saxlanılıb və məhkəmənin qərarı ilə o, 20 sutka həbs edilib. Cəmi bircə saat əvvəl isə belə bir xəbər oxuduq: “Bulvar”da tum qabıqlarını yerə atan şəxs 10 sutka həbs edildi... Bu məqamda adam düşünür ki, bəs milyonlarla dövlət vəsaitini oğurlayan Səkinə Sadıqovaya niyə cəza verilmir..? Hətta işdən belə uzaqlaşdırılmır...
Biz bir media olaraq nəinki 10-15 manatlıq uşaq qidasının, hətta bir manatlıq oğurluğu da qəbul etmirik. Amma neçənci dəfədir ki, uşaq qidaları oğurlayan valideynlərlə bağlı xəbərlərə rast gəlirik. Bu barədə ciddi düşünmək lazımdır ee... Biz 10 sutka həbs olunan oğlanın tum çırtlamasına, Bulvarda yerə atmasına haqq qazandırmırıq ee, adam nəzkətli olar, ətrafı çirkləndirməz və s. Bəs Bulvardakı pullu-ödənişli tualetlərə nə deyirsiniz..? İldə 2-3 dəfə tualetlərin qiyməti qalxır, bu pullar kimlərin cibinə gedir..? Bəs onlar niyə cəza almır..? Cənablar, başa düşürsünüzmü, bulvar deyilən yer KÜTLƏVİ gəzinti yeridir, bahalı 5 ulduzlu hotel, restoran-zad deyil, yəni ən kasıb əhalinin də cibinə uyğun olmalıdır. Axı, bura kütləvi yerdir, burada xeyli penisioner, təqaüd yaşını keçmiş qocalar da dincəlir. Bu qocalar yarım saatdan bir tualetə gedib pul ödəməlidir..? Nə isə, əsas mövzudan, yəni Sumqayıt Tibb Mərkəzinin direktoru Səkinə Sadıqovanın qanunsuz əməllərindən bəhs etməkdən yayınmayaq. Az-çox medianı izləyənlər bilir ki, “Sumqayıt Tibb Mərkəzin”də baş verən qanunsuzluqlara görə, Səkinə Sadıqova barəsində Cinayət Məcəlləsinin 3 maddəsi ilə cinayət işi başlanılıb.
Bu barədə bir müddət öncə Baş Prokurorluğun Mətbuat xidməti məlumat yaymışdır. Mətbuat xidmətinə istinadən yayılan xəbərdə deyilirdi ki, “Sumqayıt Tibb Mərkəzi” PHŞ tərəfindən dövlət vəsaitlərinin və digər dövlət əmlakının idarə olunmasına dair qanunvericiliyin pozulması barədə Hesablama Palatasından daxil olmuş material əsasında Baş Prokuror Yanında Korrupsiyaya qarşı Mübarizə Baş İdarəsində araşdırma aparılıb. Aparılmış araşdırma ilə qeyd olunan hüquqi şəxsin vəzifəli şəxsləri tərəfindən Sumqayıt şəhəri ərazisində fəaliyyət göstərən Dövlət Tibb Müəssisələrində cari təmir işlərinin aparılması ilə bağlı dövlət büdcəsindən ayrılmış külli miqdarda pul vəsaitinin təyinatı üzrə xərclənməməsi və mənimsənilməsinə əsaslı şübhələr müəyyən edilib. Faktla bağlı Baş Prokuror Yanında Korrupsiyaya Qarşı Mübarizə Baş İdarəsində Cinayət Məcəlləsinin üç maddəsi ilə Səkinə Sadıqova barəsində cinayət işi qaldırılıb. Cinayət Məcəlləsinin 179.3.2 (külli miqdarda mənimsəmə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanaraq ibtidai istintaq aparılır. Bura qədər yazılanlar rəsmi məlumatlardır.
İndi bildinizmi, xeyli müddətdir nə üçün Səkinə Sadıqovanın əməlləri barədə yazırdıq. Biz Səkinənin qaşına-gözünə, belindəki kəmərə heyran deyildik ee... Biz soruşurduq ki, dövlətdən konkret maaş alan bu qadın 713 min dollara kəməri hansı pulla alıb..?
Görəsən biz bir media qurumu olaraq bunu bir il öncə bilirdiksə, yazırdıqsa, bəs müvafiq dövlət qurumları niyə tədbir görmürdü..? Hesablama Palatası indi ayılıb..? Həm də rəsmi xəbərdə ancaq və ancaq CARİ TƏMİR İŞLƏRİNİN APARILMASI ZAMANI...mənimsənilən milyonlardan söhbət gedir. Bəs Səkinə Sadıqovanın rəhbərlik etdiyi 18 tibb müəssisəsindən hər ay aldığı pullar..?
Bəs Səkinə Sadıqovanın tabeçiliyində olan Təcili Yardım Stansiyasının sürücülərindən işə qəbul üçün aldığı 10 minlər... Bəs Səkinə Sadıqovanın keçirdiyi saxta tenderlər zamanı mənimsədiyi milyonlar..? Bəs Səkinə Sadıqovanın təcili yardım maşınlarına ayrılan yanacağı, ehtiyat hissələrini satdırıb mənimsəməsi..? Bəs Səkinə Sadıqovanın Sumqayıt boyda 300 minlik şəhərin səhiyyəsinə dövlətin ayırdığı dərman preparatlarını özəl apteklərdə satdırması..? Bəs Səkinə Sadıqovanın tabeçiliyindəki baş həkimləri işdən çıxartmaq adı ilə hədələyib aldığı pullar..? Hələ Allah qoymasa, Səkinə Sadıqova deyirmiş ki, vergiliyəm, guya Allah buna vergi verib və kabinetində rüşvət alanda “Ver ki, verən mərd olar” oxuyurmuş...
Bütün bunları bir yerə cəmləsən, 3 milyon onun yanında dəryada damcı kimidir. Ən dəhşətlisi odur ki, hal-hazırda Səkinə Sadıqova tabeçiliyindəki tibb müəssisələrinin rəhbərlərindən pul yığır ki, 3 milyonu ödəsin.
Sözün qısası, atalar demişkən, ziyanın yarısından qayıtmaq da yaxşıdır. Sağ olsun dövlət qurumları nəhayət Səkinə Sadıqovanın cinayət əməllərinin izinə düşərək, hətta onun barəsində CM-nin 3 maddəsi ilə cinayət işi açılıb. Bizə elə gəlir ki, “bu xəmir çox su aparacaq”. Səkinə Sadıqova məhkəmədə öz şəriklərini, Səhiyyə Nazirlıriyinin ( Teymur Musayev), TƏBİB-in ( Vüqar Qurbanov, Araz Nəsirov ) rəhbərliyini də “baqaja” qoyacaq. Yəqin ki, yaxın zamanda məhkəmə zalında eşidəcəyik... Qalxın, 3 milyonu oğurlayan QANQSTER Səkinə gəlir. Qanqster, yəni cinayətkar şəbəkənin başçısı...
Bəli, Səkinə Sadıqova mənimsədikləri milyonları TƏBİB-in rəhbərliyində təmsil olunan Araz Nəsirovla bölüşüb. Göstərişlərin hamısını Araz Nəsirovdan alıb. Araz Nəsirov TƏBİB-də müavin statusuna malik olsa da, çox böyük işlərlə məşğuldur. Bütün yeyintilər və qara işlər onun əlinin altından keçir. Hətta Səkinə Sadıqova məclislərin birində bildirib ki, mənim Sumqayıt şəhər rəhbərliyinə heç bir tabeçiliyim yoxdur. Ona görə də, bizdə aparılan yoxlamaların birbaşa TƏBİB-ə aidiyyatı var. TƏBİB-də də rəhbərlik, xüsusən də Araz Nəsirov söz verib ki, biz qoymarıq sən çətində qalasan. Kimlərin istintaq aparmasından asılı olmayaraq, sənin işinə çoxdan xitam verilmişdir. Məhz belə vəzifəli şəxslərə arxayın olan Səkinə Sadıqovalar dövlət büdcəsini arxayıncasına talamaqla məşğuldurlar. Görün, insan nə qədər arxayın olmalıdır ki, Sumqayıt Səhiyyə Mərkəzinə, dövlət vəsaiti hesabına alınmış komputerlərin ən bahalı detallarını çıxarıb satıblar.
SSRİ dövründə dövlət əmlakını külli miqdarda talamaya görə, güllələnmə verərdilər. Bu gün TƏBİB-in Sumqayıt Tibb Mərkəzində 3 milyonluq yeyinti aşkarlanıb, amma Səkinə Sadıqovaya gözün üstündə qaşın var deyən yoxdur.
P.S. Ötən yazıda da bildirmişdik ki, işlər onda çətin olacaq ki, həbs qabağı kimlərsə dəlixanadan "DEVİT-B" kağızı gətirsin. //gundelik-baku.com//

" "Azercell"in kredit sistemi çox bərbaddır".

DİA.AZ bildirir ki, bu barədə "Müştərinin Səsi" sosial qrupundakı paylaşımda giley olunur. Narazı vətəndaş daha sonra bildirir: "3 manat borcum var idi, 2 manat vururam... zəng etək üçün.

Dərhal qəpiyinə kimi cıxır borca... Adam qalır çarəsiz vəziyyətdə. 2 manat vurmuşam, heç olmasa, yarısını kreditə çıx, yarısını saxla ki adam zəng edə bilsin..."

İddia olunanlarla bağlı Millitv.az olaraq qarşı tərəfi də dinləməyə hazırıq...

“Gülüstan” sarayında Azərbaycan Respublikasının Prezidenti İlham Əliyevin və Birinci vitse-prezident Mehriban Əliyevanın adından Azərbaycan Prezidentinin dəvəti ilə ölkəmizdə dövlət səfərində olan Türkiyə Respublikasının Prezidenti Rəcəb Tayyib Ərdoğanın və birinci xanım Əminə Ərdoğanın şərəfinə dövlət ziyafətində məşhur müğənni Azərin “Çırpınırdı Qara dəniz” mahnısını ifa edib.

Müğənninin möhtəşəm ifasını liderlər və bütün qonaqlar ayaq üstə alqışlayıblar.

Həmin görüntüləri təqdim edirik: