Nəsimi rayonu Hüseynbala Əliyev küçəsində yerləşən Heydər Əliyev adına parkda ağaclar kəsilib.

Reportyor.info-nun əməkdaşı baş verənlərin şəxsən şahidi olub və bütün bunları videolentə alıb. Daha sonra apardığımız araşadırmalar zamanı ağacların inşaat işləri ilə əlaqədar kəsildiyi üzə çıxıb. Məlum olub ki, “Kristal Abşeron” şirkəti ərazidə hündürmərtəbəli bina tikir.

“Kristal Abşeron” MTK Azərbaycanın inşaat sektorunda aparıcı şirkətlərdən biridir. Şirkət əsasən Bakı və Sumqayıtda hündürmərtəbəli yaşayış binaları tikir.
Şirkət əvvəl Qapalı Səhmdar Cəmiyyəti kimi fəaliyyət göstərib. Ötən il isə təşkilati hüquqi formasını dəyişərək MTK-ya çevrilib.

Şirkətin qanuni təmsilçisi İbrahim Dostumalıyevdir. Lakin mediada gedən məlumatlardan aydın olur ki, o, MTK-nın sahibi deyil. “Kristal Abşeron” deputat Ağalar Vəliyevin şirkəti kimi tanınır. Ağalar Vəliyev 97 saylı Goranboy-Ağdam-Tərtər seçki dairəsindən deputat seçilib. Onun deputatlıq karyerası 2010-cu ildən başlayır.

Yəni, Ağalar Vəliyev 13 ildir deputat mandatı daşıyır. O, həm də “Azəraqrartikinti” ASC-nin Müşahidə Şurasının sədridir.
“Kristal Abşeron”un adı bir sıra qalmaqallarda hallanıb. Xüsusilə, şirkətin inşa etdiyi binalardakı idarəedilməsində sakinlərin üzləşdiyi problemlərlə bağlı mediada kifayət qədər material yer alıb. (Reportyor.info)

“Xoca-Həsən İKF” MMC-yə yol hərəkəti qaydaları əleyhinə olan (Nəqliyyat vasitəsinin istifadəçisi barədə məlumat verilməməsi) inzibati xəta protokolu tərtib olunub.
FED.az xəbər verir ki, protokol İnzibati Xətalar Məcəlləsinin 347-ci maddəsi ilə irəli sürülüb.

İnzibati Xətalar Məcəlləsinin 347-ci maddəsinə görə hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər 150 manat məbləğində, hüquqi şəxslər 300 manat məbləğində cərimə edilir.

İş Bakı Şəhər Nizami Rayon Məhkəməsində hakim Aynurə Sadıqovanın icraatındadır.

“Bakı Sağlamlıq Mərkəzi” (qısaca – BSM) icbari tibbi sığortası olan xəstələri öz taleyi ilə baş-başa buraxır.

DİA.AZ kommersant.az-a istinadla xəbər verir ki, sözügedən sığorta vasitəsilə BSM-də müalicə alan xəstələr arasında ölüm halları artıb. Xəstəxanada baş verən ölüm hallarının əksəriyyəti də elə bu xəstələrin payına düşür.

Adının açıqlanmasını istəməyən xəstələr tərəfindən saytımıza verilən məlumata görə, gecə növbəsinə qalan həkimlər də sığortalı xəstələrlə maraqlanmır.

“Sığortalı xəstələrin şöbəsinə gecə növbəsi üçün həkim təyin olunmur. Xəstəxanada reanimasiya üçün 5.000 manat depozit tələb olunduğuna görə xəstəxana sığortalı xəstələri kritik vəziyyətlərdə reanimasiyaya qaldırmağa həvəsli deyil. Çünki, sığorta şirkətləri o pulu xəstəxanaya depozit olaraq ödəmir. Buna görə də digər şöbələrlə müqayisədə sığortalı xəstələrin şöbəsində ölüm halları çox olur. Hətta həmin şöbədə bir gecə içində iki nəfər rəhmətə gedib”, - deyə şikayətçi bildirib.

Polis əməkdaşı vətəndaşa məxsus olan əmlaka həm qəsdən ziyan vurur, həm də onu hədələyr?
Bu haqda Dünyanınsəsi.Az saytına Yaqubov Mürsəl Yəhya oğlu tərəfindən video-şikayət daxil olub.
Şikayətçinin bildirdiyinə görə, yuxarı mərtəbədə yaşayan qonşusu Baş Dövlət Yol Polisi İdarəsinin YPX Alayının 9-cu tağımının əməkdaşı Məmmədov Rövşən Malik oğlu ona xeyli miqdar ziyan vurmuşdur.
Belə ki, polis əməkdaşı istifadə etdiyi suyu bir neçə dəfə açıq buraxmış, nəticədə şikayətçinin mənzilini su basmışdır.
Şikayətçi yaşadığı ərazi üzrə müvafiq mənzil istismar sahəsinə müraciət edib.Hətta mənzilin su basması faktını təsdiq edən müvafiq Akt da tərtib ediblər.
Buna baxmayaraq dəfələrlə polis əməkdaşına qonşusu tərəfindən xəbərdarlıq edilib.Ancaq heç bir tədbir görməyib.Əksinə R.Məmmədov vətəndaşa məxsus olan mülki yararsız vəziyyətə salmaqda davam edib.
Gəncə sakini polis əməkdaşına bildirəndə ki, sizdən hüquq mühafizə orqanlarına şikayət edəcəm.O, isə bildirib ki, kimə və hara şikayət edirsinizsə edin.
Qüvvədə olan mövcud qanunvericliyin tələbinə görə “Əmlakı qəsdən məhv etmə və ya zədələmə” birbaşa cinayət məsuliyyəti yaradır.
Maddə 186. Əmlakı qəsdən məhv etmə və ya zədələmə
186.1. Özgənin əmlakını qəsdən məhv etmə və ya zədələmə zərərçəkmiş şəxsə xeyli miqdarda ziyan vurmaqla törədildikdə—
yüz manatdan beş yüz manatadək miqdarda cərimə və ya iki ilədək müddətə azadlıqdan məhrum etmə ilə cəzalandırılır.[205]
186.2. Eyni əməllər:
186.2.1. zərərçəkmiş şəxsə külli miqdarda ziyan vurmaqla törədildikdə;
186.2.2. yandırmaqla, partlatmaqla və ya başqa ümumi təhlükəli üsulla törədildikdə və ya ağır nəticələrə səbəb olduqda—
üç ildən yeddi ilədək müddətə azadlıqdan məhrum etmə ilə cəzalandırılır.

Sonda Gəncə sakini mətbuat vasitəsi ilə BDYPİ-nin rəhbərliyindən ona köməkdarlıq etməsini xahiş edir.
Redaksiya olaraq qarşı tərəfin də mövqeyini dərc edə bilərik.
Gəncə sakinin general Ramiz Zeynalova ünvanlanmış olan video-şikayətini təqdim edirik: //Dünyanınsəsi.Az//

Son günlər barəsində edilən şikayətlərin sayının artması "UniBank" neqativ anlamda rekordsmenə çevirib, desək, yanılmarıq. DİA.AZ bildirir ki, amma buna rəğmən özünü bağlanma təhlükəsindən zar-zor qurtarmış bank başbilənləri oroblemlərı səbəb olan məqamları aradan qaldırmaq barədə düşünmür.

Biz isə öz növbəmizdə dia.az olaraq problem yaradan məqamlara işıq salmaqda davam edirik. Və qeyd olunan ünvandan növbəti şikayəti təqdim edirik.

Beləliklə, "Müştərinin Səsi" sosial qrupundakı paylaşımda deyilir (mətni redaktəsiz təqdim edirik) :

"Şikayetim Unibankdandir. Voen kartina odenişleri cox gec edirler. 3 cu gun Uberden kocurulen mebleg helede karta oturmayib. Ve daha 2 gunde alti-bazari gozlemeliyik, umumi 5 gun gozlemeliyem. Cox gumanki 1 ci gun cox is olduguna gore gondermeyecekler. Cox leng isleyirler..."

İddia olunanlarla bağlı olaraq qarşı tərəfi də dinləməyə hazırıq...

“İnsanı yaşadan sevgidir, məhəbbətdir. Mütləq deyil ki, sən kimisə sevməlisən, dərdindən ölməlisən. Tamaşaçı sevgisi də, övlad, nəvə sevgisi də bu sevgiyə aiddir. Sevgi qadın üçün ən gözəl hissdir. Mənə elə gəlir ki, heç bir qadın sevgisiz yaşaya bilməz. Qadın sevgi dolu olmalıdır. Bəzən sevgi mahnıları oxuyursan, insanlar yozurlar. Nə edim ki, sevgi dolu qadınam?”

Bunu Moderator.az-a açıqlamasında əməkdar artist, sevilən müğənni Almaz Ələsgərova deyib. Müğənni zamanında ən bahalı kliplər çəkdirdiyini bildirib.

“Ən bahalı klipləri zamanında mən çəkdirmişəm. Ən bahalı klipimin qiyməti 14 min dollar olub. Sonra 8 min, 5 min və 4 min dollara çəkdirmişəm. Klip həvəskarı idim. Sonra klipə qarşı həvəs öldü. Cavanlıq, rəqabət var idi. İndi heç bir şey əvvəlki kimi deyil” deyə müğənni bildirib.

Müğənni qızlarından da danışıb.

“Qızlarım həyat dostlarımdır. Biri İsveçdə yaşayır, balaları var, biri isə yanımdadır. Bəzən onun üçün darıxıb yanına gedirəm. Artıq qızlarım öz ayaqları üstə dura bilirlər. Mən bəzən deyirəm ki, əməliyyat etdirib, özümü cavan qız edəcəm. Qızlarım mənə deyirlər ki, “sən niyə yaşdan danışırsan? Qocalmısan ki?”. Mənə plastik əməliyyat etdirməyə icazə vermmirlər. Deyirlər ki, “sən asl mamasan, plastik əməliyyat etdirsən mamalıqdan çıxacaqsan” deyə sənətkar bildirib.

Müğənni mətbəxlə arasının yaxşı olduğunu bildirib.
“Mətbəxdə əlimdən hər iş gəlir. Xəmir xörəklərini həm yeyə bilirəm, həm də bişirə. Evim qonaqlı-qaralı olur. 1-2 rəfiqəm var, onlarla sıx əlaqədə olduğum üçün tez-tez evimə gəlirlər. Həm bişirməyi sevirəm, həm də yeməyi. Bəzən köklüyümü mənə irad tutanlar olur. Mənə belə rahatdır. Heç vaxt çəkimlə bağlı kompleks yaşamamışam. Hətta deyirlər ki, arıqlasan sənə yaraşmaz. İndiki yaşıma belə yaraşır” deyə müğənni bildirib.

Almaz Ələsgərova məşğul olduğu idman sahəsindən də danışıb.

“Həndbol idman növü ilə məşğul olmuşam. 10 il gedib-gəlmişəm. Hətta uğurlar da qazanıb, dərəcə almışam” deyə müğənni bildirib.