Mayın 27-də Kəlbəcər rayonunun Yanşaq kəndinin təməli qoyulub.

Azərbaycan Respublikasının Prezidenti İlham Əliyev təməlqoyma mərasimində iştirak edib.

Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Azərbaycan Prezidentinə kənddə görüləcək işlər barədə məlumat verdi.

Bildirildi ki, Yanşaq kəndində ümumilikdə 421 ailənin məskunlaşması planlaşdırılıb. Yaşayış məntəqəsinin salınması üçün 20 illik perspektiv və həmin müddətdən sonrakı inkişaf nəzərə alınmaqla 121 hektardan çox torpaq sahəsinin ayrılması nəzərdə tutulub. Birinci mərhələdə kəndə 218 ailənin köçürülməsi üçün birmərtəbəli fərdi evlərin inşası planlaşdırılır. Tikiləcək 218 evin 50-si ikiotaqlı, 112-si üçotaqlı, 41-i dördotaqlı və 15-i beşotaqlı olacaq. Burada, həmçinin 264 şagird yerlik məktəb, 80 yerlik uşaq bağçası tikiləcək.

Qeyd olundu ki, Yanşaq kəndində əhalinin məşğulluğunun və istirahətinin təmin edilməsi üçün hər cür şərait yaradılacaq, geniş abadlıq və yaşıllaşdırma işləri görüləcək. Burada evlərin və küçələrin işıqlandırılmasında “yaşıl enerji”dən istifadə olunacaq.

Dövlətimizin başçısının tapşırıqlarına uyğun olaraq, bütün işlər ən yüksək səviyyədə yerinə yetiriləcək.

Sonra Azərbaycan Prezidenti kəndin inkişaf planı barədə videoçarxa baxdı.

Daha sonra Prezident İlham Əliyev Yanşaq kəndinin təməlini qoydu.

Cəlilabad rayonundan olan Masallı Regional Meşə Təsərrüfatı Mərkəzinin əməkdaşlarından birinin Nyus.Az saytına verdiyi məlumatda bildirilir ki, Masallı Regional Meşə Təsərrüfatı Mərkəzində xaos hökm sürür. Beləki Cəlilabad meşəbəyliyinin1, Göytəpə meşəbəyliyinin 13 və 16 saylı meşə dolaylarında kütləvi qırıntı ("yaşıl soyqrım") faktları vardır. Sözügedən ərazilərdə olan, lakin adları "Qırmızı Kitab"a düşmüş ağac cinsləri kustar üsulla hazırlanan kömür istehsalı, çiyələk əkinlərinə paya və işlik material kimi isə sexlərə kəsilərək daşınır.
"Meşə işçilərinin bəziləri araq içərək öz aralarında danışırlar ki, nə gözəl vaxtdır, əcəb kef çəkməli əyyamdır, şikayətə baxan yox və s... Muxtar Babayev kimi belə sadəlövh nazir çətin tapmaq olar. Çünki o, bizi yola verir, hər nazımıza dözür və nöqsanımıza göz yumur.
Sabiq nazir Hüseynqulu Bağırov 5 yaş ağaca görə gözətçini işdən azad edir və üstəlik ayağına cərimə də yazırdı, Babayev isə belə deyil.
Görün nə vəziyyətdir ki, Göytəpə meşəbəyliyinin gözətçisi Natiq Salayevin gözətçisi olduğu dolayı yaxın qohumu olan Faiq kişi idarə edir və həmin dolayda olan 60 hektardan çox biçənək pulların qeyri-qanuni olaraq meşə işçiləri ilə birlikdə yığıb yeyib.

Həmçinin Göytəpə meşəbəyliyinin 13 və 16 saylı dolaylarında da
2 000 manatdan çox biçənək pulları yığılıb yayılıb.
Bu pulları 13 və 16 saylı dolayın gözətçisi Sərraf Əliyevlə Mehman Abbasov tək yeməyib.

Bizə çatan məlumata görə, Cəlilaabad meşələrinin meşəbəyisi Elman Əliyev 15 000 manatdan çox biçənək pulu qeyri-qanuni olaraq yığaraq yeyib. Elman Əliyev deyib ki, məgər mən, bu qədər pulu tək yeyə bilərəm?. Əlbəttə ki, yox. Sabah bunun üstə açılsa, mənim də istintaqda deməyə sözüm var.

Bundan əlavə Masallı meşələrinin Yeyənkənd və Qəriblər meşəbəyliyindən yığılan
20 000 manatdan çox biçənək pulu yığılaraq yeyılıb.
",- deyə mənbə qeyd edir.
Redaksiyamıza şikayət verən və özünü meşələrin danışan (canlı) ensiklopediyası adlandıran, lakin adının çəkilməsini istəməyən şəxs bizim sayt vasitəsilə bir başa Ölkə Başçısı cənab İlham Əliyevdən kömək istəyir.

Ümid edirik Baş Prokurorluq yuxarıda səsləndirilən iddiaları nəzarət götürüb qanuna müvafiq şəkildə araşdırma aparıb tədbir görüb, bizə də məlumata verəcək.

Qarşı tərəfin mövqeyin dinləyib dərc etməyə hazırıq

Nyus.Az

Azərbaycan Respublikasının Prezidenti İlham Əliyev mayın 27-də Kəlbəcər rayonuna səfər edib.

Dövlətimizin başçısı Kəlbəcər rayonunda Yanşaq və Zallar kəndlərinin təməlqoyma mərasimlərində, “Azərenerji” ASC-nin “Qamışlı” və “Meydan” Kiçik Su Elektrik stansiyalarının açılışlarında iştirak edib.

Prezident İlham Əliyevə uzunluğu 82 kilometr olan Toğanalı-Kəlbəcər-İstisu avtomobil yolunda inşa edilmiş tunellər və 2021-ci ilin noyabrından 2023-cü ilin mayınadək ümumilikdə bu yolda və uzunluğu 76 kilometr olan Kəlbəcər-Laçın avtomobil yolunda görülən işlər barədə məlumat verilib.

Dövlətimizin başçısı Kəlbəcərdə Hərbi hospitalın açılışında, yaşayış məhəlləsinin və 960 şagird yerlik məktəbin təməlqoyma mərasimlərində də iştirak edib.

Dövlət Gömrük Komitəsinin Şimal Ərazi Baş Gömrük İdarəsinin rəisi Rauf Rzayev tutduğu vəzifədən azad edilir.

Bu barədə Gununsesi.info-ya gömrük orqanlarındakı mənbə bildirib.

Məlumata görə, Rauf Rzayevə təqaüdə göndərilməsi üçün könüllü ərizə yazdırılıb.

Üç gün əvvəl Rzayev şəxsi heyətlə vida görüşü də keçirib.

Növbəti həftə onun işdən azad olunması barədə əmri elan olunacaq.

Qeyd edək ki, Rauf Rzayev Ali Məhkəmənin sabiq sədri Ramiz Rzayevin qardaşıdır.

Rauf Rzayev gömrük orqanlarında qalmaqallı şəxs kimi xatırlanır.

Qardaşı Ali Məhkəmə sədri olduğu üçün keçmiş komitə sədrləri onu “vura” bilməyib.

Gununsesi.info

Azərbaycan Respublikasının Prezidenti İlham Əliyev mayın 27-də Kəlbəcər rayonuna səfər edib.

Dövlətimizin başçısı Kəlbəcər rayonunda Yanşaq və Zallar kəndlərinin təməlqoyma mərasimlərində, “Azərenerji” ASC-nin “Qamışlı” və “Meydan” Kiçik Su Elektrik stansiyalarının açılışlarında iştirak edib.

Prezident İlham Əliyevə uzunluğu 82 kilometr olan Toğanalı-Kəlbəcər-İstisu avtomobil yolunda inşa edilmiş tunellər və 2021-ci ilin noyabrından 2023-cü ilin mayınadək ümumilikdə bu yolda və uzunluğu 76 kilometr olan Kəlbəcər-Laçın avtomobil yolunda görülən işlər barədə məlumat verilib.

Dövlətimizin başçısı Kəlbəcərdə Hərbi hospitalın açılışında, yaşayış məhəlləsinin və 960 şagird yerlik məktəbin təməlqoyma mərasimlərində də iştirak edib.

Bir qrup 20 Yanvar şəhidlərinin yaxınları Şəhidlər Xiyabanını ziyarət edib. Ailələr mayın 25-i keçirdikləri tədbir zamanı şikayətlərini dilə gətiriblər. Onlar illərdir şəhid olmuş yaxınları üçün döş nişanı ala bilməmələrindən, ailələrə ayrılan aylıq təqaüdün yetərli olmamasından şikayətçidirlər.

20 Yanvar hadisələri zaman həlak olan İslam Rəhmanovun yaxınları deyir, vaxtilə doğulduğu Ramana kəndində adına küçə verilmişdi. İndi isə həmin İslam Rəhmanov küçəsinin adı dəyişdirilib.

Ailələr tələbləri yerinə yetirilənədək dövlət qurumlarına müraciətlər ünvanlayacaqlarını bildiriblər. Bu ilin yanvarında 20 Yanvar şəhid ailələrinə vəsiqələr təqdim edilmişdi. Bəs həmin şəhid ailələrinə medalların verilməsi nəzərdə tutulurmu? Toplum tv Nazirlər Kabineti ilə əlaqə saxlamağa çalışsa da,qurumdan geridönüş edilməyib.

Toplum TV

Haqqında bəhs edəcəyimiz mövzuya giriş olaraq qeyd edək ki, hazırda ölkədə 1670 məktəbəqədər təhsil müəssisəsi, yəni körpələr evi, uşaq bağçası var. Bu qədər uşaq bağçasında yüz iyirmi minə yaxın uşaq təlim-tərbiyə prossesinə cəlb olunub. Bu rəqəm ümumi uşaqların yalnız 25% faizini əhatə edir.
Azərbaycanda yalnız Bakı şəhərində 320-ə qədər məktəbəqədər təhsil müəssisəsi, körpələr evi, uşaq bağçası var. Amma regionlarda bu da yoxdur.Hətta, elə bölgələr var ki, 3-4 körpələr evi, uşaq bağçası var, bu da ümumi uşaqların heç 10 faizini təşkil etmir. Nəzərə alsaq ki, bir yaş həddində ölkəmizdə 120-130 min nəfər uşaq var. Deməli vəziyyət yaxşı deyil.
Təəssüflər olsun ki, mövcud uşaq bağçalarına qəbul zamanı neqativ hallar var. Bağça rəhbərliyi qəbul zamanı valideynlərdən pul istəyir, digər tələbləri irəli sürür. Digər tərəfdən uşaq bağçalarında sıxlıq hədsiz dərəcədə çoxdur. Bir otaqda təlim-tərbiyə prosesi üçün 15-17 uşaq cəlb olunmalıdırsa, biz görürük ki, daha çox sayda uşaq var.
Məlumat üçün onu da qeyd edək ki, Bakı şəhərində uşaq bağçaları ilə bağlı problemlər var, amma ən çox problemlər paytaxtın Nəsimi rayonu ərazisindədir. Nəsimi rayonu uşaq bağçalarında sıxlığa görə, paytaxtda birinci yeri tutur. Ən neqativ hallarda bu rayonda baş verir. Məlumdur ki, rüşvət və korrusiya hallarını aradan qaldırmaq üçün uşaq bağçalarında elektron qəbul qaydalarına üstünlük verilir. Amma Nəsimi rayonu ərazisindəki, Q.Quliyev küç. 8 ünvanda yerləşən 143 saylı uşaq bağçasının müdirəsi Fidan Əziz qızı Tağıyeva bağçanı özəl şirkəti kimi işlədir. Bu xanıma başa salan yoxdur ki, ölkədə elektron qəbula üstünlük verilib, sən isə özündən yeni qaydalar icad edirsən.
Bəli, 143 saylı uşaq bağçasında rüşvət əsas hesab olunur. Bu hələ harasıdır..? Uşaq bağçası kağız üzərində mövcuddur. Bütün personal, müəllimələr, dayələr, xadimələr, mühafizə-zad hamısı kağız üzərindədir. Hətta uşaq bağçasında adı keçən uşaqlar da başğaçaya gəlmir. Amma dövlətin ayırdığı əmək haqqını bağçanının müdirəsi Fidan Tağyeva mənimsəyir. Dövlətin vəsaiti hesabına uşaqlara verilən ərzaq və qida məhsullarının hara getdiyini Fidan Tağıyevadan başqa heç kim bilmir.
Bütün bunlar azmış kimi, Fidan Tağıyeva bütün qohum-əqrəbasını bağçaya doldurub. Hamısı da kağız üzərində dövlətdən maaş alırlar. Demək olar ki, 143 saylı uşaq bağçasının ancaq adı var, bir də müdirəsi Fidan Tağıyeva. Bütün bunlara görə, hesab edirik ki, Elm və Təhsil Nazirliyi, Bakı Şəhər Təhsil İdarəsi 143 saylı uşaq bağçası ilə bağlı ciddi tədbir görməlidirlər. Hətta bağçada uşaqlar olmadığı üçün bu bağça bağlanmalıdır.
Yazıda qeyd etdiyimiz problemlərlə bağlı qarşı tərəfin fikrini öyrənmək üçün 143 saylı uşaq bağçasının 440-99-23 saylı şəhər telefonuna dəfələrlə zəng etsək də cavab verən olmadı.
Qarşı tərəfin fikrini dərc etməyə hazırıq.
P.S. Deyirlər bağça bağlanıb, amma deyəsən bu söz olaraq deyilir. //gundelik-baku.com//

Siyəzən RİH-nin hüquq şöbəsinin müdiri Gülnar İlyasovanın diplomunun saxta olması iddia edilir.

Adının açıqlanmasını istəməyən rayon sakini 7Times.az-a müraciət edərək şöbə müdirinin diplomunun saxta olmasını iddia edib.

SİYƏZƏN RAYON İCRA HAKİMİYYƏTİNİN HÜQUQ ŞÖBƏSİNİN MÜDİRİ GÜLNAR İLYASOVANIN DİPLOMU SAXTADIR, DİM-Zİ TƏRƏFİNDƏN TANINMIR. ƏVVƏL RUSİYA FEDERASİYASININ DƏRBƏND ŞƏHƏRİNDƏ SONRA İSƏ , BDU-NUN HÜQUQ ŞÖBƏSİNƏ DİM-DƏN KƏNAR KÖÇÜRTMƏ OLUNUB.
SAXTA DİPLOMLU XANIMI “SEHİRLİ ƏLLƏR” QORUYUB SAXLAYARAQ HƏTTA HÜQUQ ŞÖBƏSİNƏ MÜDİR TƏYİN EDİBLƏR. İLK ƏVVƏL SİYƏZƏN RAYON KEÇMİŞ İCRA BAŞÇISI İŞLƏMİŞ, ASİF HÜSEYNOV SAXTDA DİPLOMLU XANIMI SİYƏZƏN NOTARİAT KANTORUNUN RƏHBƏRİ İŞLƏMİŞ HAKİM ADLI ŞƏXSİN XAHİŞİ İLƏ İŞƏ GÖTÜRMÜŞ, SONRA İSƏ İNDİKİ İCRA BAŞÇISI NOVRUZ NOVRUZOV TƏRƏFİNDƏN ŞÖBƏ MÜDİRİ TƏYİN EDİLMİŞDİR.

HÖRMƏTLİ 7TİMES.AZ ,SİZDƏN XAİŞ EDİRƏM, BU MƏLUMATI DƏQİQLƏŞDİRİN GÖRƏCƏKSİZKİ, HƏQİQƏTƏN GÜLNAR İLYASOVANIN DİPLOMU SAXTDADIR. HƏTTDA İCRA HAKİMİYYƏTİNDƏ BU HAQDA HAMI BİLİR.

GÜLNAR İLYASOVA İSTƏDİYİ VAXT GƏLİB İSTƏDİYİ VAXT GEDİR.GÜNLƏRLƏ , HƏFTƏLƏRLƏ İŞƏ ÇIXMIR, İCRA HAKİMİYYƏTİNİ USAQ BAXÇASINA DÖNDƏRİB. EVLADINI UŞAQ BAXÇASINA YOX ÖZÜYLƏ İŞƏ APARIR.

BÜTÜN SİYƏZƏN BİLİRKİ, GÜLNAR İLYASOVANIN DİPLOMU DİM -DƏ QEYDİYYATDA KEÇMƏYİB.

DƏRBƏND UNİVERİSTENDƏN QEYRİ QANUNİ KÖÇÜRMƏ İLƏ GƏLİB. KEÇƏN İL SƏNƏDLƏŞMƏDƏ PROBLEM YARANMIŞDI.
HƏLƏ QİYABİ DÖVLƏT İDARƏ ETMƏ AKADEMİYASINDA OXUMAĞI, NOVRUZ NOVRUZOVUN ƏLAQƏLƏRİNƏ GÖRƏ OLDU, BİRİNCİ KURSDADI.
SİZDƏN BİR DAHA XAİŞ EDİRƏM , DİM SORĞU GÖNDƏRİN.

7Times.az məsələ barəsində sözü gedən şöbə müdiri Gülnar İlyasova ilə əlaqə saxlayaraq barəsində səsləndirilən iddialar barədə münasibətini öyrənib.Gülnar İlyasova 7Times.az-ın şifahi sorğusuna cavab olaraq bildirib ki,qeyd olunan iddialar əsassızdır və həqiqəti əks etdirmir. //7Times.az//

Azərbaycan Respublikası Baş Prokurorluğu və Dövlət Sərhəd Xidməti birgə məlumat yayıblar.

Məlumatda deyilir:

“Mayın 26-da Azərbaycan-Ermənistan dövlət sərhədinin Zəngilan rayonunun Rəzdərə kəndi ərazisindən keçən hissəsində Ermənistan silahlı qüvvələrinin təxribat-diversiya qrupu tərəfindən Azərbaycan Respublikasının dövlət sərhədinin pozulmasının qarşısı alınıb.

Belə ki, sərhəd-döyüş məntəqəsində xidmətdə olan hərbi qulluqçularımızın sayıqlığı nəticəsində təxribat-diversiya qrupunun hərəkəti vaxtında aşkarlanaraq zəruri tədbirlər görülüb və nəticədə Ermənistan silahlı qüvvələrinin iki hərbi qulluqçusu saxlanılıb.

Faktla bağlı Azərbaycan Respublikası Baş Prokurorluğunun İstintaq idarəsində aparılan araşdırma zamanı Ermənistan Respublikasının hərbi qulluqçuları – Hovakimyan Harut Yuriki, Qazaryan Karen Aşoti və qeyrilərinin qabaqcadan əlbir olan bir qrup şəxs qismində birləşib 26 may 2023-cü il tarixdə saat 16 radələrində Azərbaycan Respublikasının mühafizə olunan dövlət sərhədini qanunsuz əldə edib özləri ilə daşıdıqları odlu silah və döyüş sursatları ilə birlikdə qanunsuz olaraq nəzarət-buraxılış məntəqələrindən və gömrük sərhədindən gömrük nəzarətindən kənar keçməklə Azərbaycan Respublikasında ictimai təhlükəsizliyi pozmaq, əhali arasında vahimə yaratmaq, yaxud Azərbaycan Respublikasının dövlət hakimiyyət orqanları tərəfindən Azərbaycan Respublikasının ərazi bütövlüyü ziddinə qərar qəbul edilməsinə təsir göstərmək və milli düşmənçilik salmaq məqsədilə insanların həlak olması, onların sağlamlığına zərər vurulması, əhəmiyyətli əmlak ziyanının vurulması üçün Zəngilan rayonu Rəzdərə kəndi ərazisində yerləşən və dövlət sərhədini mühafizə edən Dövlət Sərhəd Xidmətinin Sərhəd Qoşunlarının “N” saylı hərbi hissəsinin hərbi qulluqçularına odlu silahla atəşlər açmaqla onlara qarşı zor tətbiq edib terror aktı törədəcəkləri ilə hədələmələrinə əsaslı şübhələr müəyyən edilmişdir.
Qeyd olunanlarla bağlı Azərbaycan Respublikasının Baş Prokuroru tərəfindən Cinayət Məcəlləsinin 206.3.2 (qabaqcadan əlbir olan bir qrup şəxs tərəfindən odlu silah və döyüş sursatının qaçaqmalçılığı), 214.2.1, 214.2.3 (terrorçuluq, qabaqcadan əlbir olan bir qrup şəxs tərəfindən odlu silahdan istifadə etməklə törədildikdə), 228.2.1 (qabaqcadan əlbir olan bir qrup şəxs tərəfindən qanunsuz olaraq odlu silah əldə etmə, daşıma, saxlama), 283.2.1 (zor tətbiq etməklə milli düşmənçiliyin salınmasına aşkar surətdə yönələn hərəkətlər etmə) və 318.2-ci (qabaqcadan əlbir olan bir qrup şəxs tərəfindən zor tətbiq etməklə Azərbaycan Respublikasının dövlət sərhədini qanunsuz olaraq keçmə) maddələri ilə cinayət işi başlanaraq ibtidai istintaqın aparılması Baş Prokurorluğun İstintaq idarəsinə həvalə edilib.

Toplanmış sübutlar əsasında Harut Hovakimyan və Karen Qazaryan şübhəli şəxs qismində tutularaq istintaqa cəlb olunublar.

Hazırda cinayət işi üzrə zəruri istintaq tədbirləri davam edir.

İstintaqın gedişatı və nəticəsi barədə ictimaiyyətə ətraflı məlumatın verilməsi təmin ediləcək”.

Bütün ölkə vətəndaşları icbari tibbi sığorta ilə Xidmətlər Zərfinə daxil olan tibbi xidmətlərdən ödənişsiz istifadə edə bilərlər. Tibbi xidmətə ehtiyacınız yarandığı təqdirdə TƏBİB-in tabeliyindəki istənilən dövlət tibb müəssisəsinə şəxsiyyət vəsiqəniz ilə müraciət etməyiniz kifayətdir.Amma nədənsə bəzi “pulalmaniya” xəstəlityinə düçar olmuş həkimlərimiz var ki,onlar yenə də pasiyentlərdən hər vəclə təmənna güdürlər.
Bu hqda Dünyanınsəsi.Az saytına .Daşkəsən rayon sakini Həsənova Gülmira Vilayət qızı tərəfindən göndərilən video-şikayətdə belə qeyd edilir.
Şikayətçi xanım bildirir ki, hərbi xidmətdən məzuniyyətə gəlmiş əsgər oğlunu müayinə edilməsi üçün Gəncədə Abbas Səhhət adına 1 nömrəli şəhər xəstəxanasına göndəriş veriblər.
Bildiyimiz kimi bu gün müayinələrin növləri çox olsa da, əsas bir neçəsi tez-tez istifadə olunur. Bunların arasında MRT, KT və rentgen ən çox istifadə olunanlardır.
Ucqar dağ rayonundan göndərişlə gələn ana əsgər oğlunun onurğa beyni və sinirlərin strukturunu maqnit sahəsi əsasında müayinə etdirib.Nəticədə ondan 94 manat da pul alıblar.Məcburiyyət qarşısında qalan əsgər anası Fərid adlı həkimə deyib ki, bəlkə fəqərələr, fərəqəarası disklər, onurğa beyni və sinirlərin strukturunu, yumşaq toxumaları, vətərləri və əzələləri də MRT edəsiniz.Həkimin cavabı belə olub: “Əlavə olaraq yenə 94 manat ödəyin müayinə edək”
Bu cür hərəkətlərin sərgilənməsi Azərbaycanda əhali arasında icbari tibbi sığortanın tətbiq edilməsi yönündə aparılan islahatlara zərbə vurmaqdan başqa bir adı yoxdur.
Redaksiya olaraq inanırıq ki, TƏBİB tabeliyinə verilmiş dövlət səhiyyə sisteminə daxil olan bü cür müəssisələrdə “pulalmaniya “xəstəliyinə düçar olmuş sözügedən həkim barəsində ciddi tədbir görəcəkdir.
Səsləndirilən iddia ilə bağlı qarşı tərəflərin də mövqeyini dərc edə bilərik.
Əsgər anasının video-şikayətini təqdim edirik: //Dünyanınsəsi.Az//