ATA İttifaqının Türkiyə Prezidenti postuna namizədi Sinan Oğan ikinci turla bağlı qərarını açıqlayıb.

Bu barədə o, mətbuat konfransında məlumat verib.

O deyib ki, ikinci turda Türkiyə Prezidenti Rəcəb Tayyib Ərdoğanı dəstəkləyəcək..

Sinan Oğan Türk Dövlətləri Təşkilatının gücləndirilməli olduğunu deyib.

Qeyd edək ki, Sinan Oğan seçkilərin ilk turunda 5%-dən çox səs toplayıb. Onu dəstəkləyən ATA İttifaqına daxil olan Ədalət Partiyası Kılıçdaroğlunu dəstəkləyib, Zəfər partiyası isə qərarını sabah açıqlayacaq.

Azərbaycanın Birinci vitse-prezidenti Mehriban Əliyeva rəsmi instaqram hesabında Litvadan paylaşım edib.

Paylaşımda deyilir:

"22.05.2023. Litva. Səmimi qəbula və qonaqpərvərliyə görə çox sağ olun!".

Qeyd edək ki, Azərbaycan Prezidenti İlham Əliyev və Birinci vitse-prezident Mehriban Əliyeva Litvada səfərdədir.

Texnoloji tərəqqinin formalaşdırdığı qlobal informasiya mühitində məlumatın etibarlılığının müəyyənləşdirilməsi, tənqidi düşünmə və təhlil bacarıqlarının inkişaf etdirilməsi, media istehlakçıları ilə informasiya mənbələri və axını arasında səmərəli əlaqənin qurulması, həmçinin ölkə üzrə sağlam media ekosisteminin formalaşdırılması və cəmiyyətdə məlumat təhlükəsizliyinin təmin edilməsi məqsədilə hədəf qruplara istiqamətlənmiş maarifləndirmə tədbirlərinin təşkili mühüm əhəmiyyət kəsb edir.

Bununla əlaqədar olaraq, 22 may tarixində Medianın İnkişafı Agentliyi və ADA Universitetinin İnkişaf və Diplomatiya İnstitutunun İxtisasartırma Proqramlarının birgə təşkilatçılığı ilə təhsil işçiləri və media nümayəndələri üçün “Media savadlılığı və dezinformasiya ilə mübarizə” mövzusunda təlim proqramına başlanılıb.

Təlimlərin keçirilməsində əsas məqsəd jurnalistlərin və təhsil işçilərinin media savadlılığı ilə bağlı məlumatlılıq səviyyəsinin yüksəldilməsi və bu istiqamətdə inkişaf imkanlarının genişləndirilməsidir.

İki gün davam edəcək təlim proqramı çərçivəsində “The European Alliance” Xəbər Agentliyinin baş katibi Alexandru Giboi və İsveçrənin “Università Svizzera İtaliana (USI)” Universitetinin Media menecmenti, media iqtisadiyyatı və media sənayesi üzrə professoru Matthew Hibberd təhsil və media, kütləvi informasiyanın məzmunu, onun ötürülməsi və istehlakı, tənqidi dəyərləndirmə, təhlil aparma qabiliyyəti, yeni media mühitindəki tendensiyalar və digər mövzularla bağlı öz təcrübələrini bölüşəcəklər. Təlimin yekununda iştirakçılara sertifikatlar təqdim olunacaq.

Səfərbərlik və Hərbi Xidmətə Çağırış üzrə Dövlət Xidmətinə yeni rəis müavini təyin edilib.

Yenisoz.az bildirir ki, Manset.az-ın əldə etdiyi məlumata görə, polkovnik Azər Məmmədov müvafiq əmrlə Səfərbərlik və Hərbi Xidmətə Çağırış üzrə Dövlət Xidmətinin rəis müavini təyin olunub.

O, bu təyinata qədər hüquq mühafizə orqanlarında müxtəlif vəzifələrdə çalışıb.

Qeyd edək ki, hazırda xidmətin rəisi polkovnik Mürsəl İbrahimovdur. Onun 1-ci müavini general-leytenant Zaur Abdullayev isə ötən həftə vəzifəsindən kənarlaşdırılıb. Bundan əlavə Zaur Abdullayev qalmaqallı general kimi yadda qalıb. Onun 10 ilə ərzində baş leytenant rütbəsindən general rütbəsinə yüksəlməsi bir sıra müzakirələr yaratmışdı.

Yeni tədris ilində bir neçə ali təhsil ocağının rəhbəri dəyişdirilə bilər. Bu barədə DİA.AZ-a mötəbər mənbədən informasiya daxil olub.

Xəbəri verən qaynaq iddia edir ki, görəvdən alınması nəzərdə tutulanlar sırasında hazırda Azərbaycan Dövlət Aqrar Universitetinə (ADAU) rəhbərlik edən Zəfər Qurbanov da var.

Mənbə iddia edir ki, Z.Qurbanov təkcə ADAU-dan uzaqlaşdırılmayacaq:

"Onunla bağlı hüquqi araşdırma başladıla bilər. Doğrudur, hazırda Zəfər Qurbanovun əsas himayədarı hesab olunan keçşmiş KTN şefi İnam Kərimov məhkəmə sisteminə nəzarət etməklə adamını qruya bilirmiş kimi görünür. Amma vəziyyət tamam fərqli yön də ala bilər. Və inandırıcı deyil ki, üzərinə ciddi öhdəliklər qoyulmuş İnam Kərimov Zəfər Qurbanova görə özünü hədəfə çevrisin".

DİA.A xatırladır ki, ADAU-nun hazırki rəhbəri Z.Qurbanova qarşı yerli KİV-də ağır ittihamlar səsələndirilib və onun ali təhsil ocağına məxsus əmlakı mənimsədiyi də söylənilir.

Əlavə bilgilərimiz olacaq. İdda olunanılarla bağlı Millitv.az olaraq qarşı tərəfi də dinləyə bilərik...

Təxminən 30 il ərzində Horadiz stansiyasına gəliş olub, amma buradan irəliləyiş olmayıb. Qarabağ azad olunandan sonra Füzulinin Horadiz şəhərindən Zəngilanın Ağbənd qəsəbəsinə qədər irəliləmək üçün dəmir yolu xətti çəkilir.

Horadiz-Ağbənd dəmir yolu xəttinin təməli 2021-ci ilin fevralın 14-də qoyulub. Xəttin uzunluğu 110,4 km olacaq. Layihə çərçivəsində 9 stansiyanın, 3 tunelin, 41 körpünün, 3 qalereya, 7 yolötürücünün tikintisi planlaşdırılır.

Prezidentin sərəncamları ilə yolun inşasına 312 milyon 700 min manat vəsait ayrılıb. Di gəl ki, həmin sərəncamlarla bağlı heç bir rəsmi mənbədə məlumat tapmaq mümkün deyil.

Layihəni Azərbaycan Dəmir Yolları Qapalı Səhmdar Cəmiyyətinin sifarişi ilə Türkiyənin “Kalyon” şirkəti icra edir.

"Kalyon" şirkəti Türkiyə prezidenti Rəcəb Tayyib Ərdoğana yaxınlığı ilə tanınır. Şirkətin Azərbaycandakı nümayəndəliyi 2021-ci ilin martın 4-də dövlət reyestrində qeydiyyatdan keçib və cəmi bir ay sonra tendersiz Qarabağda milyonluq investisiya layihələrinə qoşulub.

Ərdoğan və Kalyoncu ailələri arasında isti münasibətlər var. Hətta o dərəcədə ki, Ərdoğan holdinqin sahibi Cemal Kalyoncunun oğlu Mehmet Kalyoncunun nikah şahidi olub.

“Kalyon” şirkətinin layihə meneceri Eftal Gökcə ilə müsahibə zamanı o bildirib ki, tenderlə bağlı sualları Azərbaycan Dəmir Yollarından soruşaq. Çünki sifarişçi onlardır.

“Kalyon” şirkətinin Horadizdəki ofisində olduq. Şirkətin rəsmi nümayəndəsi Eftal Gökcə layihə ilə bağlı açıqlama verməkdən imtina etdi. O, tenderlə bağlı suallarımızı podratçı təşkilatın nümayəndəsi Mirzə Səfərova ünvanlamağımızı məsləhət görsə də, o da açıqlama vermək səlahiyyətinin olmadığını dedi.

2021-ci ilin dekabrında Rusiya Federasiyasının Sənaye və Ticarət Nazirliyi məlumat yaydı ki, onların şirkətləri Qarabağdakı layihələrdə iştirak etmək üçün Azərbaycana 14 ərizə göndərib.

Nazirlik açıqlayıb ki, "İNNOPRO" şirkəti Horadiz-Ağbənd dəmir yolu xəttinin tikintisi layihəsində iştirak edir. Şirkətin müqavilə üzrə xidmət haqqı isə 12 milyon manatdır. Bundan başqa, Rusiya şirkəti “Rail-Trans Service” MMC ilə birlikdə dəmir yolları üçün siqnalizasiya istehsalı müəssisəsi yaradacaq.

2021-ci ilin mayında “Rail Trans Service” MMC dəmir yolu xəttinin Rabitə və İşarəvermə sistemlərinin layihələndirilməsi üçün müqavilə bağlayıb.

Şirkətin təchizat şöbəsinin rəhbəri Nəzrin İbadova bizimlə söhbətində müqaviləni hansı şirkətlə bağladıqlarını və dəyərini açıqlamaqdan imtina edib:

"Sifarişi hansı şirkətdən almısınız?

- Vallah onu sizə deməyə icazəm yoxdur.

Müqavilənin dəyəri nə qədər olub?

- Oyy, onu ümumiyyətlə sizə deyə bilmərəm.

Bizim müqavilə məbləğimizi sizə deməyə icazəmiz yoxdur. Çünki bu, iki şirkət arasında olan sirrdir. Kommersiya sirridir. Bu, alıcı ilə satıcı arasında xidmət göstərən və sifarişçi arasında bir kommersiya qaydasıdır. Bunu üçüncü nəfərin bilməsi müqavilə şərtlərinin pozulması deməkdir".

"İNNOPRO" şirkəti də suallarımızı cavablandırmaqdan imtina edib.

Layihənin sifarişçisi olan Azərbaycan Dəmir Yollarının mətbuat xidmətinin rəhbəri Natəvan Bayramova isə bildirib ki, Qarabağla bağlı sualların cavabını Əlaqələndirmə Qərargahı ilə razılaşdırıb verəcəklər. Əlaqələndirmə Qərərgahı 2020-ci ildə prezident İlham Əliyevin sərəncamı ilə yaradılıb. Qərərgah işğaldan azad edilmiş ərazilərdə sosial-iqtisadi, humanitar, təşkilati məsələləri həll etməlidir. Qərərgaha Prezident Administrasiyasının rəhbəri Samir Nuriyev başçılıq edir.

Amma nə Natəvan Bayramova, nə də Əlaqələndirmə Qərərgahı dəmir yolunun çəkilişi üçün ayrılan vəsait, hansı şirkətlərin və necə seçilməsi ilə bağlı suallarımıza cavab verməyib.

İqtisadçı-ekspert Toğrul Vəliyev bildirir ki, Horadiz-Ağbənd yolunun tikintisi üçün ümumilikdə nə qədər vəsaitin ayrıldığını rəsmi qurumlar bəyan etmir. Bu barədə bəzi məlumatları ancaq Rusiyanın dövlət orqanlarının açıqlamalarından öyrənə bilirik.

Rəsmilər bildirir ki, bu dəmir yolu Azərbaycanın əsas hissəsi ilə Naxçıvan MR arasında birbaşa əlaqənin yaradılmasına imkan verəcək. Bu xətt ilə qatarların 2023-cü ilin sonundan yola düşəcəyi gözlənilir. İndiyə qədər açıqlanan rəsmi rəqəmlərlə dəmir yolu xəttinin hər kilometri dövlət büdcəsinə 2 milyon 836 min manata başa gələcək. //AbzasMedia//

Ölkənin su hövzələrində balıq ovuna tətbiq edilən moratoriumla bağlı qanunsuz ov hallarının qarşısının alınması məqsədilə Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Ağstafaçay su anbarında balıq ovu üçün istifadə olunan sintetik torlar müəyyən edilib və torlar yığışdırılan zaman xidmətin əməkdaşlarına qarşı odlu silahdan atəş açılıb.

Bununla bağlı Ekologiya və Təbii Sərvətlər Nazirliyinin Mətbuat Xidməti məlumat yayıb.

Bildirilib ki, xidmət rəisi Hikmət Əlizadə bildirib ki, atəş sahildən naməlum şəxs tərəfindən açılıb və nəticədə qayığa ziyan dəyib, idarənin baş mütəxəssisi Yaşar Məmmədov isə xəsarət alıb.
“Odlu silahdan atəş edən şəxsin tapılması və barəsində qanunamüvafiq tədbirlərin görülməsi məqsədilə Qazax Rayon Polis Şöbəsinə müraciət olunub. Hazırda araşdırma aparılır”.

Bu səfər BŞBDYPİ Qİİ (“Respublikanski Qai”) baş verən özbaşınalıqdan danışmaq istəyirəm. 2 gün bundan qabaq orda idim. Dostum maşın alıb və satan şəxs tələsdiyi üçün mənim adıma baş etibarnamə verib ki, dostumun adına keçirim.

Boksa daxil olan kimi belə bir sual verildi: “Özünüz keçirsiz yoxsa otaqda həll edəcəksiz?” Təbii ki, bizdə özümüz keçəcəyimizi söylədik. Onsuzda bütün sənədlər bir otağa gedir. Maşını müayinədən keçirtdik, ban, mühərrik nömrəsi yoxlanıldı, rəngi tutuşduruldu, ərizələr yazıldı. Hər zamankı kimi hər otaq 10 manatdan istəyirdi. Rüsumları banka ödədik. Qeyd edim ki, maşın 2014-cü ilin Mercedes E220 CDİ idi: texniki baxışı var idi + nömrədə maşının üstündə qalacaq idi.
Gəldik 9-cu otağa: Binəqədi, Nərimanov, Səbail, Qaradağ rayonlarına baxan. Sənədlərə baxıldı, qol çəkdik. Heçnə demədi. Sadəcə soruşdu ki:
- Nömrə qalır ya dəyişirsiniz?
Bizdə dedik ki, qalır.
- O zaman maşının mülkiyyətçisi gəlsin ərizə yazsın ki, etiraz etmirəm bu nömrələrin qalmasına.
Biz də dedik ki, bu qanunsuz tələbdir. Qeydiyyat zamanı, YHQ 29.3 maddəsinə əsasən nömrə saxlanılır. Qayıt bizə deki, xeyr. Bu maşının üzərində olan nömrə (…009) bahalı nömrədir və dövlətin mülkiyyətidir. Mülkiyyətçi gəlsin ərizə yazsın və icazə alsın ki, bu nömrəni bu maşında saxlamaq olar ya yox? Təbii ki, bu inspektor, Vüqar idi adı səhv etmirəmsə, ya qanunu bilmirdi ya da bilərəkdən süründürməçilik edirdi. Məncə hər ikisini edirdi.
Nə isə… Bir az dirəşəndən sonra dedi ki, bu nömrəni bu maşının üzərində saxlamaq mənim səlahiyyətimdə deyil.
Aha. Burda artıq hər şey aydın oldu. Mənim səlahiyyətimdə deyil nə deməkdir? Yəni mən heç kiməm. Mən sadəcə burda gələn gedənlərin damarına baxıb qan alıram. Və ya bahalı nömrənin hesabatı bir az ağır olduğu üçün bu yükün altına girmirəm. Yazılı imtina istəsəkdə, bizə qayıt deki, siz bizə yazılı müraciət edin, bizdə sizə yazılı cavab verək. Elə bil Dövlət müəssisəsi deyil, bir kukla teatrdı. Yazılı müraciət bunlar nəyə deyirlər görəsən. Gəlmişik də ərizə ilə. 3 dənə ərizə var əlimizdə. Bu nədir bəs? Yazılı müraciətdir də
Nə isə gördük bundan bir səs çıxmır. Qalxdıq rəis müavinini görək və şikayətimizi bildirək. Nədənsə o da yox idi yerində. Yada yerində, idi sadəcə vətəndaş qəbul etmək istəmirdi…
Bizi qəbul edən Aydın adlı orta yaş bir şəxs idi. Görünür onun köməkçisi imiş. Şikayət etdik. Dinlədi. Kiməsə zəng vurdu. Soruşdu. Ərizələri tikdi skrepka ilə və dedi:
- Mülkiyyətçi gəlsin ərizə yazsın… Biz göstərdik ki, bu qanunsuz tələbdir. Hətta öz işimizi sığortalamaq üçün, notariusda razılıq ərizəsidə yazdırmışdıq. Bu da keçmədi. Çünki nömrə (…009) bahalıdır axı…
Bu köməkçidə işimizi həll edə bilmədi. 902 qaynar xəttinə zəng vurduq. Allah bilir ora düşmək üçün nə qədər yığmışıq. Nəhayət ki, onlara da dərdimizi dedik. Təbii ki, onlarda bir işi həll edə bilmədilər. Gah dedilər ki, sizdə ərizə varsa etməlidirlər. Sonra dedilər ki, sizi Qİİ yönləndiririk. Ordan isə cavab çıxmadı…
Uzun sözün qısası… Keçdik yolun digər tərəfinə DİN BDYPİ-nin rəisi Polis General-mayoru cənab Ramiz Zeynalova şikayət yazdıq. DİN-ə, DTX-ə, Prokurorluğa, Baş Polis idarəsinə yazılı, online məktub yazdıq… Dindən mesaj gəldi ki, müraciətiniz qeydə alındı. Görək axırı nə olur.
Ümid edirik ki, bu qədər qanunsuzluğa, qanun pozuntusuna, qanuna zidd hərəkətlərə Azərbaycan Respublikasının Daxili İşlər Nazirliyi, Baş Dövlət Yol Polis İdarəsi, Azərbaycan Respublikası Dövlət Təhlükəsizliyi Xidməti, Azərbaycan Respublikasının Baş Prokurorluğu göz yummaz və tez bir zamanda bu məsələnin həllində kömək olarlar…
PS. Polis orqanında belə şəxslərin olması həm utancverici bir haldır, həm də Polis adına birbaşa ləkədir… //ulutv.info//

Mayın 22-də Azərbaycan Respublikasının birinci xanımı Mehriban Əliyeva və Litva Respublikasının birinci xanımı Diana Nausediene Martyunas Mazvyudas adına Litva Milli Kitabxanası ilə tanış olublar.

Birinci xanım Mehriban Əliyevaya kitabxananın fəaliyyəti barədə məlumat verilib.

Bildirilib ki, əsası 1919-cu ildə Mərkəzi Dövlət Kitabxanası kimi Kaunasda qoyulan bu elm mərkəzi Litvanın əsas elmi-kütləvi mədəniyyət müəssisəsidir. Sonradan adı bir neçə dəfə dəyişdirilən və 1963-cü ildə paytaxt Vilnüsə köçürülən kitabxana 1988-ci ildən Martyunas Mazvyudasın adını daşıyır. 1989-cu ildə ona Milli Kitabxana statusu verilib. Kitabxana 1993-cü ildən ölkənin mədəni irs reyestrinə daxil edilib. Bu, həmçinin Baltikyanı ölkələrdə inşa olunan ilk kitabxana binasıdır.

Kitabxananın əsas fəaliyyət istiqamətləri Litva xalqının yazılı mədəni irsinin toplanması, gələcək nəsillər üçün qorunub saxlanılması və ictimaiyyətə təqdim edilməsinə kömək göstərilməsidir. Kitabxananın fondunda 7 milyona yaxın (1,8 milyon adda) çap məhsulları və digər sənədlər saxlanılır.

Qeyd olunub ki, ixtisaslaşdırılmış yeddi oxu zalının, həmçinin üç tədqiqat mərkəzinin fəaliyyət göstərdiyi kitabxanada milli arxiv sənədləri, nadir kitablar və əlyazmalar, musiqi və vizual incəsənət kolleksiyaları, həmçinin şəxsi kolleksiyalar və sair mövcuddur.
Kitabxana müxtəlif milli və beynəlxalq kitabxana müəssisələri və təşkilatları ilə əməkdaşlıq edir.

Sonra xatirə şəkli çəkdirilib.

Daha sonra kitabxana tərəfindən göstərilən xidmətlər, həyata keçirilən layihələr və bu mədəniyyət müəssisəsinin xarici əlaqələri barədə videoçarx nümayiş olunub.

Sonda birinci xanım Mehriban Əliyevanın adından kitabxanaya Azərbaycanın mədəniyyəti, incəsənəti, tarixi, həmçinin Qarabağ və Şuşa haqqında kitablar hədiyyə edilib.

“Biz hesab edirik ki, sülh anlaşmasının imzalanması qaçılmazdır”.

Bunu Azərbaycan Prezidenti İlham Əliyev mayın 22-də Vilnüsdə Litva Prezidenti Gitanas Nauseda ilə mətbuata bəyanatla çıxış edən zaman bildirib.

“Azərbaycan-Ermənistan sülh danışıqları haqqında Litva Prezidentini məlumatlandırdım. Azərbaycan torpaqlarının uzun illər ərzində - 30 ilə yaxın Ermənistanın işğalı altında olmasına, 1 milyon azərbaycanlının bu işğal nəticəsində öz doğma torpaqlarından didərgin düşməsinə, ərazilərimizin təxminən 20 faizinin işğal altında olmasına və işğal edilmiş ərazilərdə demək olar bütün infrastrukturun, binaların, o cümlədən tarixi abidələrin işğalçılar tərəfindən dağıdılmasına baxmayaraq, ümid edirik ki, sülh danışıqlarının aparılması nəticə etibarı ilə Qafqaza uzunmüddətli sülh gətirəcək”, - dövlət başçısı qeyd edib.