Azərbaycanın bank sektorunda unikal hadisə qeydə alınıb.

İllik depozit portfeli 150-180 milyon manat ətrafında dəyişən bank əmanətçilərinə bir manat da olsa faiz ödəmir.

DİA.AZ FED.az-a istinadla xəbər verir ki, bu hal ölkənin yeganə regional bankı olan «Naxçıvanbank»da qeydə alınıb. Sözügedən bank 2020-2021 və 2022-ci illərdən bəri, artıq 3 ildir ki, depozit sahiblərinə faiz ödəmir.

2022-ci il – 155 milyon manat depozit portfeli

Bankın depozit portfeli 155 milyon 416 min manat təşkil edib. Bunun 29 milyon 747 min manatı xarici valyutada olub.

Depozit portfelində fiziki şəxslərin depozitləri 10 milyon 370 min manat təşkil edib. Bunun 1 milyon 896 min manatı xarici valyutada yerləşdirilib.

Fiziki şəxslərin bütün depozitləri faizsiz tələbli depozitlər kimi yerləşdirilib. Yəni depoziti yerləşdirən tərəf buna görə faiz tələb etməyib.

Fiziki şəxslərin faizli tələbli depozitlər maddəsi sıfıra bərabərdir.

Naxçıvanbankda hüquqi şəxslərin tələbli depozitləri isə 145 milyon 046 min manat təşkil edib. Bunun 27 milyon 850 min manatı xarici valyutada yerləşdirilib.

Hüquqi şəxslərin depozitlərinin də hamısı faizsiz tələbli depozitlər kimi banka yerləşdirilib. Faizli tələbli depozitlər qrafası isə sıfırdır. Yəni depozitin sahibi olan şirkətlər bankdan bu depozit müqqabilində faiz tələb etmək niyyətində olmayıblar.

Bu fokusun nəticəsində Bank belə böyük depozit portfelinə görə, bir manat da olsa ödəniş etməyib. Daha dəqiq ödəniş cüzi olub – cəmi 880 manat. Bu faizi digər banklar 80 min əmanətə görə ödəyirlər.

«Naxçıvanbank»da eyni vəziyyət 2020-ci ildən bəri – azı 3 ildir ki, davam edir. Məsələ bundadır ki, bank 2008-ci ildən bəri fəaliyyət göstərsə də, yalnız son 3 ilin hesabatları açıqlanıb, ondan əvvəlki dövr üçün hesabatlar göstərilmir. Beləliklə

2021-ci il – depozit portfeli 180 milyon manat

Bankın ümumi depozit portfeli 180 milyon 348 min manat təşkil edib. Bunun 36 milyon 244 min manatı xarici valyutada olub.

Bankda fiziki şəxslərin tələbli depozitləri, 23 milyon 030 min manat təşkil edib, bunun da 11 milyon 360 min manatı xarixi valyutada olub.

2021-ci ildə fiziki şəxslərin «Naxçıvanbank»dakı bütün depozitləri faizsiz tələbdi depozitlər olub – yəni faiz ödənilməyən depozitlər. Faizli tələbli depozitər qrafası isə sıfırı göstərir.

Hüquqi şəxslərin «Naxçıvanbank»dakı depozitləri isə 2021-ci ilin sonuna

157 milyon 318 min manat olub. Bunun 24 884 min manatı xarici valyutadadır.

Burada da depozitlər demək olar bütünlüklə faizsiz tələbli depozitlər qrupundadır – yəni depozit sahibi buna görə bankdan faiz tələb etmir.

2020-ci il - depozit portfeli 143 milyon manat

2020-ci ildə «Naxçıvanbank»ın ümumi depozit portfeli 142 milyon 162 min manat təşkil edib. Bunun 131 milyon 175 min manatı xarici valyutada olub.

Fiziki şəxslərin tələbli depozitləri cəmi 21 milyon 722 min manat olub. Bundan 10 milyon 735 min manatı xarici valyutadadır. Vəsaitin hamısı faizsiz tələbli depozitlər rejimində yerləşdirilib.

Hüquqi şəxslərin isə 2020-ci ilin sonuna «Naxçıvanbank»da cəmi 120 milyon 440 min depoziti olub. Bunun 120 milyon 440 min manatı xarici valyutadadır.

Şirkətlərin depozitləri bütünlüklə faizsiz tələbli depozitlər kimi yerləşdirilib, yəni depozit sahibi tərəfindən bankdan faiz tələb edilməyib.

Qeyd edək ki, qanuni əməliyyat olsa da, bankda davamlı vəsait saxlayaraq faiz istəməmək məntiqsizdir.

Bu vəziyyət iki halda ola bilər.

Birinci hal - depozit sahibinə pul lazım deyil.

İkinci hal - depozit sahibi bankın öz sahibidir, ona görə də bankdan əlavə faiz tələb olunmur.

2023-cü ilin ilk 3 ayında ən çox şikayət olunan kommersiya qurumu “Kontakt Home” olub.

DİA.AZ Kommersant.az-a istinadla xəbər verir ki, Azad İstehlakçılar Birliyinin rəhbəri Eyyub Hüseynov bildirib.

Onun sözlərinə görə, “Kontakt Home” və “Baku Electonics” ən çox şikayət olunan kommersiya qurumlarıdır. Adı çəkilən şirkətlər bununla bağlı sanki yarışa girib. Lakin “Kontakt Home” birinciliyini əldən vermir. Hətta bu gün də “Kontakt Home”dan iki şikayət daxil olub.

“Bu gün daxil olan şikayətdə şirkətin müştərisi 419.99 manata qulaqcıq alıb. İki gün sonra məhsulu qaytarmaq istəyən vətəndaşa isə “gedin kimə, hara istəyirsinizsə, şikayət edin” cavabı verilib”, – deyə Eyyub Hüseynov bildirib.

E.Hüseynov qeyd edib ki, ən çox şikayət işlənmiş məhsul satmaq və zəmanət verməmək kimi səbəblərdən olur.

Qəsdən adam öldürməyə görə tutulan tanınmış meyxanaçı Rəşad Dağlının məhkəməsi başlayır.

Cinayət işi üzrə toplanan materiallar Bakı Ağır Cinayətlər Məhkəməsinə göndərilib. Qaradağ Rayon Prokurorluğu ittiham aktını tərəflərə təqdim edib. Rəşad Dağlının məhkəməsinə hakim Leyla Əsgərova-Məmmədova sədrlik edəcək. Yaxın günlərdə məhkəmənin hazırlıq iclasının vaxtı məlum olacaq.

Rəşad Dağlı 2022-ci il noyabrın 9-da toy məclisindən çıxandan sonra qonşusu İskəndər Mehtiyevlə mübahisə edib. O, söhbətə aydınlıq gətirmək üçün İskəndərlə Lökbatan dairəsi yaxınlığında öz maşınında görüşüb. Maşında onu bıçaq zərbələri ilə qətlə yetirib. Meyiti həmin əraziyə atdıqdan sonra könüllü olaraq polisə təslim olub.

Ələt-Astara yolunun Salyan rayonunun Kürsəngi kəndindən keçən hissəsində qəza hadisəsi baş verib.

“Qafqazinfo” Daxili İşlər Nazirliyinin Baş Dövl

Ələt-Astara yolunun Salyan rayonunun Kürsəngi kəndindən keçən hissəsində qəza hadisəsi baş verib.

“Qafqazinfo” Daxili İşlər Nazirliyinin Baş Dövlət Yol Polis İdarəsinə istinadən xəbər verir ki, hadisə magistral yolun 29-cu kilometrliyində qeydə alınıb.

İlkin məlumata görə, “Hyundai Accent” markalı 99-TN-320 dövlət nömrə nişanlı avtomobil xarab olaraq yolun kənarında dayanıb. Eyni istiqamətdə hərəkətdə olan “KamAZ” markalı 42-BM-084 dövlət nömrə nişanlı avtomobil ona çırpılıb.

Hadisə nəticəsində “Hyundai Accent” avtomobilində olan üç nəfər qadın sərnişin həlak olub. Sürücü, bir qadın və bir azyaşlı uşaq isə xəsarət alıb.
Rəsmi məlumata görə, hazırda faktla bağlı araşdırma aparılır.

ət Yol Polis İdarəsinə istinadən xəbər verir ki, hadisə magistral yolun 29-cu kilometrliyində qeydə alınıb.

İlkin məlumata görə, “Hyundai Accent” markalı 99-TN-320 dövlət nömrə nişanlı avtomobil xarab olaraq yolun kənarında dayanıb. Eyni istiqamətdə hərəkətdə olan “KamAZ” markalı 42-BM-084 dövlət nömrə nişanlı avtomobil ona çırpılıb.

Hadisə nəticəsində “Hyundai Accent” avtomobilində olan üç nəfər qadın sərnişin həlak olub. Sürücü, bir qadın və bir azyaşlı uşaq isə xəsarət alıb.
Rəsmi məlumata görə, hazırda faktla bağlı araşdırma aparılır.

Azərbaycanda Rusiya ordusunda xidmət keçməyə səsləyən reklam bukletlərinin paylanılması barədə sosial şəbəkələrdə iddialar yayılıb.

Reklam bukletlərində Rusiya ordusunun sıralarına qoşulmaq istəyənlər üçün həvəsləndirici şərtlər irəli sürülüb. Belə ki, vətəndaşlara yüksək sosial təminat müqabilində həmin ölkənin ordusuna qoşulmaq təklif edilir.

Digər iddiaya əsasən isə sözügedən broşürlər Rusiyada azərbaycanlıların kompakt yaşadığı ərazilərdə paylanılır.
Məsələ ilə bağlı DİN-nin Mətbuat xidmətinin şöbə müdiri, polis polkovnik-leytenantı Elşad Hacıyev “Qafqazinfo”nun sorğusunu cavablandırıb. O bildirib ki, DİN məsələdən məlumatlıdır və araşdırma aparılır.

“Qafqazinfo”

Aprelin 5-də Azərbaycan Prezidenti İlham Əliyev və Tacikistan Prezidenti Emoməli Rəhmon mətbuata bəyanatlarla çıxış ediblər.

Bu barədə Prezidentin Mətbuat xidməti məlumat yayıb.

Bakı Şəhər İcra Hakimiyyətinin rəhbərliyinə

MÜ R A C İ Ə T

Bir neçə gün öncə Bakı şəhərinin Nərimanov rayon ərazisinbdə Ceyhun Hacıbəyli 30 ünvanda tikintisi 2004-cü ildən Bakı şəhər İcra hakimiyyəti tərəfindən yarımçıq dayandırılmış binan sökülməsinə başlanıb. Bu binada hal hazırda mənzil almaq üçün pul köçürüb və əllərində binanı tikən “Əlincə” MTK ilə bağlanmış müqaviləsi olan 68 vətəndaş var. Bu adamların arasında mənim də yaxın qohumlarım var. Onlar da 2004-cü ilin sentyabr ayında bu binadan, binanı tikən “Əlincə” MTK-ya tam dəyərini ödəyərək iki mənzil alıblar. Onlara vaxtilə bu binada mənzil almağı mən tövsiyyə etdiyimdən (bina şəhərin ən görkəmli yerlərindən birində inşa edilirdi), 18 ildir ki, mən də bu binanın tikintisi üçün onu tikən “Əlincə” MTK-nın təsisçiləri ilə danışıqlar aparıram. Uzun illər ərzində aparılan danışıqlar nəticəsində hər dəfə kooperativ rəhbərliyi bildirirdi ki, binanın tikintisinə yaxın vaxtlarda icazə veriləcək, yox əgər bu baş verməsə, onda hökumət sizlərə ya başqa yerlərdə mənzil verəcək, ya da kompensasiya ödəyəcəkdir.

Artıq binanın söküntüsünə başlansa da mənzil almaq üçün “Əlincə” MTK-ya pul köçürüb, müqavilə bağlamış şəxslərə kompensasiya ödənişi ilə bağlı konkret heç nə deyilmir. On səkkiz il mənzil almaq üçün əllərində müqavilə gözləyən adamlar sonda böyük ziyanla üzləşə biləcəklərindən çox narahatdırlar və onlardan bir qrupu (yaxın qohumlarım da daxil) bu məsələnin həlli məqsədilə, onların səsini yuxarılara çatdırmağı məndən xahiş ediblər.

Bu durumda mən də “Ekonomiks” Beynəlxalq İqtisadi Araşdırmalar İctimai Birliyi Qeyri Hökumət Təşkilatının sədri və ziyalı alim kimi bütün hökumət yetkililərinə və ilk növbədə Bakı Şəhər İcra Hakimiyyətinin rəhbərliyinə müraciət edirəm. Bu insanların heç bir günahı yoxdur ki, onların mənzil almaq istədikləri binanın tikintisi Bakı Şəhər İcra Hakimiyyəti tərəfindən 18 il bundan öncə dayandırılıb. Əgər hökumət bu ərazidə dövlət əhəmiyyətli hər hansı bir layihəni reallaşdırmaq istəyirsə (verilən məlumatlara görə bu ərazidə park salınması nəzrdə tutulur), onda, sökülən binadan mənzil almaq üçün “Əlincə” MTK ilə müqavilə bağlamış 68 vətəndaşa kompensasiya ödənilməlidir. Vətəndaşın vaxtilə mənzil almaq üçün ödədiyi pul vəsaiti onun mülkiyyəti olub və deməli vətəndaşın müqavilə bağlayıb, pul ödəyərək almaq istədiyi mənzil də onun mülkiyyətidir.

Vətəndaşların mülkiyyət hüququ ölkənin Konstitutsiyası ilə qorunur. Bu insanların mülkiyyət hüquqlarına hörmətlə yanaşmaq hər bir məmurun, ilk növbədə Bakı Şəhər İcra Hakimiyyətinin rəhbərliyinin vəzifə borcudur. Onlar insanların mülkiyyət haqqının tapdalanmasına yol verilməmsi üçün yaranmış vəziyyəti olduğu kimi dövlət başçısına və Birinci vitse-prezidentə məruzə etməlidirlər.

Apardığım müşahidələr nəticəsində mənə məlumdur ki, bu günə qədər ölkə rəhbərliyi buna bənzər hallarda bir dəfə də olsun insanların haqlarının tapdalanmasına izin verməyibdir.

Azərbaycan Respublikası Konstitusiyasının 13-cü və 29-cu maddələri ilə qorunan mülkiyyət hüquqlarının təmin edilməsi üçün Bakı şəhər İcra hakimiyyətinin rəhbərliyindən müvafiq tədbirlər görməsini xahiş edirəm.

Fikrət Yusifov

“Ekonomiks Beynəlxalq İqtisadi Araşdırmalar
İctimai Birliyinin sədri, sabiq Maliyyə naziri,
iqtisad elmlər doktoru, professor,

P.S. “Əlincə”MTK-nın inşa etdiyi bu binanın tikintisinin davam etdirilməsi üçün kooperativə üzv olan insanların ölkə rəhbərliyinə etdikləri müraciətlərdən birini bu yazıya əlavə edirəm.

Paytaxt Bakıda bir sıra tibb müəssisələrinin rentgen aparatlarında nöqsan aşkarlanıb, fəaliyyəti dayandırılıb.

Artıq paytaxtda yerləşən 19 nömrəli Uşaq və 2 nömrəli Şəhər poliklinikalarında rentgen kabinetlərinin fəaliyyəti, 20 nömrəli Uşaq, 35 və 37 nömrəli Şəhər poliklinikalarında rentgen müayinəsi xidməti göstərilmir. Çünki radiasiya təhlükəsizliyi tələblərinə riayət edilməməsi və "xüsusi icazə"nin olmaması səbəbindən həmin tibb müəssisələrində rentgen avadanlıqlarının istismarı dayandırılıb.

TƏBİB-in İctimaiyyətlə əlaqələr və marketinq departamentinin rəhbəri Zamirə Ədilova "Xəzər Xəbər"ə bildirib ki, Bakı və ətraf regionlarda yerləşən tibbi müəssisələrdə, xəstəxana, tibb mərkəzlərində mütəmadi olaraq TƏBİB və digər aidiyyətı qurumlar tərəfindən monitorinqlər aparılır.Xezerxeber.az

"Qardaş, dost Tacikistana yenidən gəlməyimə çox şadam".

Bunu Azərbaycan Prezidenti İlham Əliyev aprelin 5-də Düşənbədə Tacikistan Prezidenti Emoməli Rəhmon ilə təkbətək görüşündə deyib.

"Siz qeyd etdiyiniz kimi ölkələrimiz arasında münasibətlərin yaxşı tarixi və əminəm ki, çox yaxşı gələcəyi var. Biz həm beynəlxalq məkanlarda, beynəlxalq strukturlar çərçivəsində və əlbəttə, ikitərəfli formatda çox istiqamətlər üzrə əməkdaşlıq edirik. Əməkdaşlığın, o cümlədən ticari-iqtisadi, sənaye kooperasiyası, nəqliyyat sahələrində dərinləşməsi üçün çox yaxşı perspektivlər var. Əlbəttə, biz bunu ətraflı müzakirə edəcəyik. Nümayəndə heyətlərinin üzvləri də öz aralarında fəal diskussiyalar aparacaqlar. Əminəm ki, səfərin nəticələri uğurlu olacaq. Biz birgə fəaliyyətimizin sonrakı proqramını müəyyən edəcəyik", - dövlət başçısı bildirib.

Aprelin 5-də Düşənbədə Azərbaycan Respublikasının Prezidenti İlham Əliyevin Tacikistan Respublikasının Prezidenti Emoməli Rəhmon ilə təkbətək görüşü olub.

Görüşdə çıxış edən Prezident Emoməli Rəhmon deyib:

- Hörmətli İlham Heydər oğlu, Tacikistana xoş gəlmisiniz. Xalqlarımız arasında qarşılıqlı münasibətlərin qədim tarixi və xoş ənənələri var. Sevindirici haldır ki, bu gün bizim dövlətlərarası münasibətlər bir çox istiqamətlər üzrə inkişaf edir. Biz bu münasibətlərin bütün formatlarda daha da möhkəmlənməsinə böyük əhəmiyyət veririk.

Bu gün Sizinlə ölkələrimizin qarşılıqlı əlaqələrinin vəziyyətini və perspektivlərini, habelə beynəlxalq və regional məsələləri müzakirə etməyə hazıram.

Bir daha xoş gəlmisiniz. Ölkəmizdə vaxtınızın xoş keçməsini arzu edirəm.

x x x

Prezident İlham Əliyev deyib: Sağ olun, Emoməli Şərifoviç. Əvvələn, dəvətə görə təşəkkür edirəm. Qardaş, dost Tacikistana yenidən gəlməyimə çox şadam.

Siz qeyd etdiyiniz kimi ölkələrimiz arasında münasibətlərin yaxşı tarixi və əminəm ki, çox yaxşı gələcəyi var. Biz həm beynəlxalq məkanlarda, beynəlxalq strukturlar çərçivəsində və əlbəttə, ikitərəfli formatda çox istiqamətlər üzrə əməkdaşlıq edirik. Əməkdaşlığın, o cümlədən ticari-iqtisadi, sənaye kooperasiyası, nəqliyyat sahələrində dərinləşməsi üçün çox yaxşı perspektivlər var. Əlbəttə, biz bunu ətraflı müzakirə edəcəyik. Nümayəndə heyətlərinin üzvləri də öz aralarında fəal diskussiyalar aparacaqlar. Əminəm ki, səfərin nəticələri uğurlu olacaq. Biz birgə fəaliyyətimizin sonrakı proqramını müəyyən edəcəyik.

Qonaqpərvərliyə görə bir daha təşəkkür edirəm.

Prezident Emoməli Rəhmon: Çox sağ olun.