İsrailin Tel-Əviv şəhərində Azərbaycan səfirliyinin açılış mərasimi baş tutub.

“Qafqazinfo” xarici KİV-ə istinadən xəbər verir ki, tədbirdə Azərbaycanın xarici işlər naziri Ceyhun Bayramov və israilli həmkarı Eli Kohen iştirak edib.

Tədbirdə Azərbaycan Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, Azərbaycan-İsrail parlamentlərarası əlaqələr üzrə işçi qrupunun rəhbəri Anatoliy Rafailov, qrupun üzvləri Arzu Nağıyev, Ağalar Vəliyev, Fatma Yıldırım, Elnur Allahverdiyev, Asim Mollazadə və Rasim Musabəyov iştirak ediblər.

Qeyd edək ki, ötən ilin sonunda Milli Məclis Azərbaycan Respublikasının İsrail Dövlətində (Təl-Əviv şəhərində) Səfirliyinin təsis edilməsi haqqında qanun layihəsini qəbul edib. Daha sonra Prezident İlham Əliyev “Azərbaycan Respublikasının İsrail Dövlətində (Təl-Əviv şəhərində) Səfirliyinin təsis edilməsi haqqında” qanunu təsdiq edib.

Azərbaycanın İsraildəki səfiri vəzifəsinə Muxtar Məmmədov təyin edilib.

Bakı şəhəri, Suraxanı rayonu, Əmircan qəsəbəsində açıq ərazidə baş vermiş yanğın Fövqəladə Hallar Nazirliyinin yanğından mühafizə bölmələri tərəfindən söndürülüb.

Bu barədə Fövqəladə Hallar Nazirliyinin (FHN) Mətbuat Xidmətindən məlumat verilib.

Əlavə məlumat veriləcək.

xxx

18:07

Bakıda açıq ərazi yanır.

Bu barədə Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, FHN-in Böhran Vəziyyətlərində İdarəetmə Mərkəzinə paytaxtın Suraxanı rayonu, Əmircan qəsəbəsində açıq ərazidə yanğın olmasə barədə ilkin məlumat daxil olub.

Məlumatla əlaqədar FHN-in Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.

Hazırda yanğınsöndürmə işləri davam edir.

Nəzərinizə çatdiraq ki, Ərəstun Cavadov Ağsu rayonun Ərəbmehdibəy kəndində anadan olub.

Ağsu rayonun eks deputatı Ərəstun Cavadov vəfat edib.

Ərəstun Cavadov MUM-un direktoru idi
İş adamı kimi tanınirdi
Həmdə Ramiz Mehdiyevin sadiq kadrlarından sayılırdi.

Bakuxeber.az

Azərbaycan Respublikasının daxili işlər naziri general-polkovnik Vilayət Eyvazov tərəfindən cari il aprel ayının 19-da Sabirabad Rayon Polis Şöbəsinin inzibati binasında İmişli, Beyləqan, Füzuli, Xocavənd, Saatlı və Sabirabad şəhər və rayonlarının sakinlərinin qəbulu keçiriləcək.

Daxili İşlər Nazirliyinin mətbuat xidmətindən verilən məlumata görə, qəbula yazılmaq istəyən vətəndaşlar Daxili İşlər Nazirliyinin səlahiyyətlərinə aid məsələlərlə bağlı 18.04.2023-cü il tarixədək yaşadıqları ərazinin polis orqanına, habelə DİN-in mia.gov.az internet saytı vasitəsilə və sosial şəbəkələrdəki səhifələrinə müraciət edə bilərlər.

Qəbula gələnlərdən şəxsiyyət vəsiqəsi tələb olunur.

Bakıda və Abşeron yarımadasında bir neçə gün davam edən mülayim hava şəraitindən sonra martın 30-u səhərdən aprelin 1-i axşamadək şimal-qərb küləyinin 18-23 m/s, arabir 25-30 m/s, 30-da axşam, 31-də gecə və səhər yarımadanın bəzi yerlərində arabir 35 m/s-dək güclənəcəyi gözlənilir.

Milli Hidrometeorologiya Xidmətindən verilən məlumata görə, martın 30-u axşamdan aprelin 1-i gündüzədək fasilələrlə yağıntılı olacağı gözlənilir.

Bəzi yerlərdə intensivləşəcəyi, şimşək çaxacağı ehtimalı var. Havanın temperaturu ötən günlərlə müqayisədə tədricən 5-10° aşağı enəcək.

Azərbaycanın rayonlarında martın 30-u səhər şimal və qərb rayonlarından başlayaraq hava şəraitinin dəyişəcəyi, arabir yağıntılı olacağı, dağlıq və dağətəyi rayonlarda qar yağacağı, Böyük və Kiçik Qafqazın bəzi ərazilərində yağıntıların intensivləşəcəyi gözlənilir.

Martın 31-də isə yağıntıların əksər rayonları əhatə edəcəyi, bəzi yerlərdə intensiv olacağı sulu qar, qar yağacağı gözlənilir.

Aprelin 1-də günün ikinci yarısında yağıntıların intensivliyi azalacaq. Axşama doğru isə tədricən kəsiləcək.
Bəzi yerlərdə dolu düşəcəyi ehtimalı var. Qərb küləyi 15-20 m/s, arabir 25-30 m/s, bəzi yerlərdə arabir 35 m/s-dək güclənəcək.

Havanın temperaturu ötən günlərlə müqayisədə tədricən 8-10° aşağı enəcək. Çaylarda sululuğun artacağı ehtimalı var.

"Qaradağ Tibb Mərkəzi” Publik Hüquqi Şəxsi tərəfindən keçirilən tender müsabiqəsinin qalibi məlum olub.

Yeniavaz.com açıqlanan rəsmi məlumatlara istinadən bildirir ki, tender müsabiqələrinin qalibi "Svord-A.A. Services” MMC (VÖEN-2003437151) olub.

"Qaradağ Tibb Mərkəzi” 7 ədəd liftə texniki xidmətin göstərilməsi üçün "Svord-A.A. Services” şirkətinə ümumilikdə 27 min 621 manat 63 qəpik ödəyəcək.

Məlumat üçün qeyd edək ki, "Svord-A.A. Services” MMC son 3 ay ərzində aşağıdakı qurumların analoji tenderlərinin də qalibi olub:

"Kliniki Tibb Mərkəz” – 21 264,78 manat
Qazax Rayon Mərkəzi Xəstəxanası – 7 200 manat
"Sanator-Kurort Reabilitasiya Mərkəzi” – 13 027,2 manat
"Uşaq və Yeniyetmələr üçüm Vərəm Sanatoriyası” – 7 200 manat

Bunlardan başqa "Svord-A.A. Services” MMC ötən illərdə də çoxsaylı tenderlərin qalibi olub. Bu şirkət 2022-ci ilin may ayında MİDA-nın 600 000 manatlıq tenderini udub.

Qeyd edək ki, "Svord-A.A. Services” MMC 02.07.2015-cü il tarixində dövlət qeydiyyatına alınıb. Hüquqi ünvanı Bakı şəhəri, Xətai rayonu, Fəzail Bayramov ev 15 ünvanında yerləşir. MMC-nin qanuni təmsilçisi Abuşov Anar Şəmdin oğludur.


MMC-nin qanuni təmsilçisi Anar Abuşov uzun illər Bakı şəhərinin lift təsərrüfatında müxtəlif vəzifələrdə çalışan Şəmdin Abuşovun oğludur.

"Svord-A.A. Services” MMC-nin qeydiyatda olduğu hüquqi ünvanda - Xətai rayonu, Fəzail Bayramov ev 15-də "Krokus AV S.R.O” şirkətinin Azərbaycandakı filialı (VÖEN- 2003039731) və Krokus AV S.R.O” şirkətinin Azərbaycandakı nümayəndəliyi (VÖEN – 2003778101) yerləşir.

"Krokus AV S.R.O” şirkəti isə 15 mart 2012-ci ildə Çexiyanın dördüncü böyük şəhəri olan Plzendə qeydiyyata alınıb. Şirkət 2 nəfər Azərbaycan vətəndaşı – 1944-cü il təvəllüdlü Vaqif Xəlilov və 1950-ci il təvəllüdlü Asiya Xəlilova tərəfindən təsis olunub.

Vaqif Xəlilov Çexiyada şirkət təsis etməzdən cəmi 2 ay əvvəl Bakı Şəhər İcra Hakimiyyətinin Şəhər Mənzil Kommunal Təsərrüfat Departamentinin tərkibindəki "Bakılifttəmir" İstehsalat Birliyinin baş direktoru vəzifəsindən azad olunub.

Şirkətin Bakıdakı Nümayəndəlik və Fililalına isə Vaqif Xəlilovun oğlanları İlkin və Emil Xəlilovlar rəhbərlik edir.

Emil Xəlilov eyni zamanda "Bakı Otis Lift” QSC-nin (VÖEN – 1400336121) də rəhbəridir.

Yazının əvvəlində qeyd etdiyimiz Şəmdin Abuşov da bir müddət "Bakı Otis Lift” QSC-yə rəhbərlik edib (2020-ci ildə vəfat edib).

Adları qeyd olunan bu şirkətlər dövlət qurumlarının keçirdiyi dəyəri milyonlarla manat olan yüzlərlə tender müsabiqəsində qalib olurlar.

Maraqlıdır ki, böyük məbləğdə tender müsabiqələri udmalarına baxmayaraq hazırda QSC-nin dövlət büdcəsinə 80 min 763 manat 91 qəpik vergi borcu var.

Qaynarinfo.az

Bu gün gündəmimizin əsas mövzularından biri günü-gündən artan ağac kəsilməsidir.

Redaksiyamıza daxil olan şikayətdə bildirilir ki, Qusar rayonunun Imamqulular kəndində meşələr, ağaclar kütləvi şəkildə qırılır. Fısdıq ağacları kəsilir. Obyektin yiyəsi Mamed adlı şəxsdir.

Insan nə qədər qəddar ola bilərki təmiz havanı bizə bəxş edən meşələri, ağacları bu günə qoya.
Bəs görəsən ağaclara qənim kəsilən bu şəxslərin məqsədi nədir. Və yaxud başqa bir sual. Kimə arxayın olub bu əməli rahatlıqla yerinə yetirir. Bəlkə də onlara da bu tapşırıq başqaları tərəfindən verilmişdir.

Aztvnews Xəbər Portalı olaraq hadisə yerində araşdırma apardıq. Əlimizdə olan faktlarla belə qənaətə gəldik ki, Mamed adlı şəxs həqiqətəndə ağaclara qənim kəsilib. Etdiyi bu hərəkətin səhv olduğunu düşünmür və utanmır.

Hara baxır bəs görəsən Ekologiya və Təbii Sərvətlər naziri Muxtar Babayev? Yəni bu baş verənlərdən xəbəri yoxdurmu.

Yoxsa xəbərləri var, sadəcə özləri görməməzlikdən gəlirlər. Aidiyyatı qurumlardan məsələ ilə bağlı ciddi tədbir görülməsini xahiş edirik. Bu cür icazəsiz, heç bir səbəb və məqsədi olmadan ağaclara ziyan verən insanlar zamanında və yerində layiqincə cəzalandırılmalıdırlar.

Araşdırmamız davam edir, qarşı tərəfin mövqeyini dinləməyə hazırıq..

Aztvnews.az

Xain terror aktını törətmiş şəxsin və ya şəxslərin müəyyən edilərək cinayət məsuliyyətinə cəlb olunması istiqamətində təxirəsalınmaz əməliyyat-istintaq tədbirlərinin aparılması ilə bağlı Prezident İlham Əliyev tərəfindən hüquq-mühafizə orqanlarına göstəriş verilib.

Bu barədə Prezident İlham Əliyevin və birinci xanım Mehriban Əliyevanın tapşırığına əsasən, Prezidentin köməkçisi Anar Ələkbərov martın 28-də yaşadığı evin qarşısında terror aktına məruz qalmış Milli Məclisin deputatı Fazil Mustafanı bu gün müalicə olunduğu xəstəxanada ziyarət edib, onun ailə üzvləri ilə görüşü zamanı bildirib.

Millət vəkilinə dövlət başçısının və birinci xanımın şəfa diləklərini çatdıran Anar Ələkbərov bildirib ki, Prezident İlham Əliyev onun tezliklə sağalması üçün tibb personalı tərəfindən bütün zəruri tədbirlərin görülməsi ilə bağlı müvafiq tapşırıqlarını verib.

Prezident İlham Əliyev “Ağsu rayonunun Ağsu–Kürdəmir–Bəhrəmtəpə (19 km)–Ərəbmehdibəy–Dədəli–Qasımbəyli–Xəlilli–Mustafalı–Göydəlləkli–Təklə–Dəlilər–Qaraqoyunlu–Kəndoba avtomobil yolunun tikintisi ilə bağlı əlavə tədbirlər haqqında” Sərəncam imzalayıb.

Sərəncama əsasən, on min nəfər əhalinin yaşadığı 12 yaşayış məntəqəsini birləşdirən Ağsu–Kürdəmir–Bəhrəmtəpə (19 km)–Ərəbmehdibəy–Dədəli–Qasımbəyli–Xəlilli–Mustafalı–Göydəlləkli–Təklə–Dəlilər–Qaraqoyunlu–Kəndoba avtomobil yolunun tikintisinin başa çatdırılması məqsədilə “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.31.3-cü yarımbəndinə uyğun olaraq, Azərbaycan Avtomobil Yolları Dövlət Agentliyinə 7,8 milyon manat ayrılıb.