“Baku Steel Company” Qapalı Səhmdar Cəmiyyəti məhkəməyə verilib.

"Baku Oksford Skul" Tam Orta Ümumtəhsil Məktəbi Məhdud Məsuliyyətli Cəmiyyəti “Baku Steel Company”ə qarşı Bakı Kommersiya Məhkəməsində iddia qaldırıb.

İşin mahiyyəti mülkiyyət hüququ ilə əlaqədar mübahisələr - əmlak tələbi ilə bağlıdır.

Kommersiya mübahisəsi hakim Nərmin Əhmədovanın sədrliyi ilə araşdırılacaq.Bakıvaxtı.az

Bir qrup Gəncə sakini evində rahat otura bilmədiyi üçün məhkəməyə müraciət edəcək.

AMİA.AZ xəbər verir ki, bunu Meydan TV-yə Gəncə şəhəri, Əttarlar küçəsinin sakinləri bildiriblər.

“Səs-küydən evdə otura bilmirik. Qapı-pəncərəni bağlayırıq, amma xeyri yoxdur. Əsəblərimiz pozulub, sanki hava limanında yaşayırıq”, - sakinlər deyib.
Bildirilib ki, onlar şəhərin mərkəzində, “Gəncə qalası” ticarət mərkəzinin bir addımlığında yaşayırlar.

“Bura Gəncə əhalisinin sıx olduğu ərazidir. Şəhərə gələn turistlər də bu bazara üz tuturlar. Bazarın yaxınlığında da mağazalar fəaliyyət göstərir. İridiametrli ağacları kəsən alətləri təmir edən mağaza da var. Alətləri işə salırlar, motorların səsi maşınların, insanların səsinə qarışır. İstirahətimiz yoxdur, nə yata, nə də dincələ bilirik”, - sakinlərdən Ənvər Əliyev deyib.

Onun sözlərinə görə, sakinlər mağaza sahiblərinə, polisə, eləcə də digər aidiyyəti qurumlara müraciət ediblər, amma nəticəsi olmayıb. Onlara məhkəməyə müraciət etməyi tövsiyə ediblər:

“Son çarə məhkəmədir. Satıcılar deyirlər ki, vergi verirlər, buna görə də səs-küyün yaranması onların problemləri deyil. Təsəvvür edin ki, gecə-gündüz motorlar işləyir, avadanlıqları işə salırlar, yoxlayırlar və səs-küy kilometrlərlə məsafəyə yayılır. Bizi nəzərə almırlar, bəs şəhərə gələn qonaqları niyə fikirləşmirlər? Evimizdən köçüb hara gedək?”

Gəncə Şəhər İcra Hakimiyyətindən bildirilib ki, onlara bununla bağlı şikayət daxil olubsa, araşdırılacaq.

“Mən məlumatsızam, amma şikayət daxil olubsa, mütləq araşdırılır, yəqin ki, obyekt sahiblərinə xəbərdarlıq edilir”, - icra hakimiyyətinin xanım əməkdaşı bildirib.

Memar Səməd Quliyev isə söyləyib ki, təkcə Gəncədə deyil, Bakıda da səs çirklənməsi böyük problemə çevrilib:

“Səs böyük ekoloji təsirdir. Səs getdikcə, tədricən insan beynini korlayır. İnkişaf etmiş ölkələrdə bu məsələ mütləq nəzərə alınır. Bizdə də gecə saatlarında səs-küyün olmamasına dair sərəncam var, amma bu sərəncama baxan yoxdur”.

Məktəb direktoru özünü Ərtoğrula bənzədib.

Hadisə 124 saylı məktəbdə qeydə alınıb. "Qalxın düzülün sultan gəlir" şəkilində başlayan tədbir, direktorun çıxışı ilə sona çatıb. Həmin videonu təqdim edirik.

AMİA.AZ

Avropa çempionatının seçmə mərhələsi çərçivəsində keçirilən Ermənistan – Türkiyə (1:2) oyununda qardaş ölkə himninin İrəvanda fitə basılması müzakirələrə səbəb olub.

Bütün idman yarışlarında dövlət himnləri səslənərkən hörmət əlaməti olaraq hər kəs ayağa qalxır və ehtiram göstərir.

Ermənilər isə əksini ediblər. Onların bu hərəkəti təkcə Azərbaycan və Türkiyədə deyil, bütün idman ictimaiyyətində tənqidlə qarşılanıb.

Bu məqamda sosial şəbəkələrdə 2015-ci ildə Bakıda keçirilən Birinci Avropa Oyunlarında baş vermiş hadisə yenidən gündəm olub. Belə ki, boks yarışlarında medal qazanan Ukraynanı təmsil edən erməni idmançı azarkeşlər tərəfindən fitə basılsa da, Prezident İlham Əliyev bir jesti ilə buna qarşı çıxıb.

Ölkə başçısının addımı azarkeşlərin alqışları ilə müşayiət olunmuşdu.

Qeyd edək ki, İrəvanda baş tutan görüşdə ermənilər Türkiyə himnini fitə bassa da, Türkiyədə baş tutacaq oyunda yerli azarkeşlər Ermənistan himninə ehtiram göstərəcəklərini bildiriblər.

Azərbaycanda dövlət satınalmaları sahəsində daha bir mühüm yenilik baş verib.

DİA.AZ FED.az-a istinadla xəbər verir ki, indiyədək Azərbaycanın digər bölgələrindən olan əksər sahibkarlar üçün «bağlı zona» sayılan Naxçıvan Muxtar Respublikasında dövlət tenderləri mərkəzi satınalma portalında açıqlanmağa başlayıb.

Qeyd edək ki, indiyədək, yəni muxtar respublikada islahatlara başlanmazdan əvvəl buradakı dövlət satınalmaları barədə elanlar nadir hallarda, özü də yalnız yerli mətbuatda açıqlanırdı. Satınalmaların mərkəzi reyestrdə görünməsindən söhbət gedə bilməzdi.

İndi isə dəyişikliklər çərçivəsində satınalmalar sahəsində də islahatlar aparılıb.

Əvvəla fevralın 17-də Azərbaycanda dövlət satınalmalarına nəzarət edən qurum – Antiinhisar və İstehlak Bazarına Nəzarət Xidməti və Naxçıvan Muxtar Respublikasının İqtisadiyyat Nazirliyi dövlət satınalan təşkilatları və sahibkarlar üçün 3 günlük təlimlər keçirib.

Dövlət satınalan təşkilatların 100-ə yaxın əməkdaşının iştirak etdiyi təlimdə dövlət satınalmalarının planlaşdırılması və təşkili metodları, tender təkliflərinin qiymətləndirilməsi, satınalma müqavilələrinin bağlanması və digər mövzular üzrə məlumat verilib. Eyni zamanda sahibkarlar üçün dövlət satınalmalarında iştirak qaydaları, tender təkliflərinin hazırlanması və digər mövzular üzrə təlim keçirilib.

Nəticədə 2023-cü ilin fevralından etibarən Naxçıvan dövlət qurumlarının satınalma tenderləri dövlət satınalma portalında yerləşdirilməyə başlanılıb.
Maraqlıdır ki, ilk tender elanı təlim başlayan günə – 17 fevrala təsadüf edib.

İndiyədək Naxçıvan şəhər sanitar idarəsi, muxtar respublikanın Fövqəladə Hallar və Səhiyyə nazirlikləri, energetika xidməti və digər tibbi qurumlar öz tenderlərini açıqlayıblar.

Tenderlərin mərkəzləşmiş qaydada, yəni daha şəffaf elan edilməsi ilə yanaşı, bu tenderlərdə sahibkarların, o cümlədən ölkənin digər ərazilərində fəaliyyət göstərən iş adamlarının da iştirakı və sifariş əldə etməsi imkanları artıb.

"Azərbaycan Reallığı" xəbər verir ki, İmaməliyeva Fidan Rəsul qızı Azərbaycan ictimaiyyətinə və əlaqədar qurumlara muraciət edərək azyaşlı övladının Şəhrizad adlı baxçada qeyri insafi rəftar olunmasından şikayətlənib, belə ki, ananın sözlərinə görə 2 yaşlı övladı İmaməli Onuru Xətai rayon Bakıxanov qəsəbəsində yerləşən Şəhrizad uşaq baxçasına hər ayı 350 manat olmaqla 2 aylıqın ödənişin edib, lakin baxçanın vəziyyəti normal olmadığı üçün uşağın oradan çıxarmaq məcburiyyətində qalıb.

Baxçanın normal olmaması haqqında dəfələrlə də baxça müdiriyyətinə şikayət edib, amma faydası olmayıb, əksinə rəhbərlik ananı təhqir edib, daha sonra uşağını baxçaya buraxmayıblar.

Ana qeyd edir ki, məcbur qalıb uşağı baxçadan çıxardım, uşağı təhvil alanda onun üzündə xəsarətlər gördüm, səbəbin soruşanda isə baxça müdüriyyəti uşağı mənim üzərimə kobud şekildə tulladı, uşağın xəsarət alma səbəbin soruşanda isə bildirdilər ki, uşaq yuxulu olub və yıxılıb.

Məsələ ilə bağlı Sabumçu rayon polisinə muraciət etdik, bizə isə oradan da cavab olaraq cinayət işinin başlanmaması haqqında məktub göndərildi, hansısa səbəblərdən iş obyektiv aparılmadı, məsələni sosial şəbəkələrdə ictmayiləşdirdim, ondan sonra Şəhrizad baxçasının müdüriyyəti məni məhkəməyə verdi, indi təzminat tələb edir, məsuliyyəti baxça rəhbərliyi daşımalı olduğu halda bunlar məni niyə məhkəməyə verir, başa düşü bilmirəm?

Daha sonra ana məhkəmə hüquq şurasından, Daxili İşlər Nazirliyindən əlaqədar təşkilatlardan, hüquqlarının qorunmasına köməklik göstərmələrin xahış edib.

"Azərbaycan Reallığı" video müraciəti təqdim edir:

Yazıda və videoda adı çekilən istənilən şəxsin mövqeyin tanıyırıq.

Bank BTB"nin rəhbərliyində dəyişiklik olub. Bankın Müşahidə Şurasının (MŞ) üzvü Əliş Tağıyev vəzifəsindən ayrılıb. Rövşən Fərhad-zadə MŞ-yə yeni üzv seçilib.

Bu barədə "APA-Economics"in sorğusuna əsasən bankdan bildirilib. Məlumata görə, İdarə Heyətinin (İH) sədri Emil Rzayev də vəzifəsindən ayrılıb. İdarə Heyəti sədrinin birinci müavini Eldəniz Hüseynov İH sədrinin əvəzedicisi vəzifəsinə təyin edilib.

Bundan əlavə, Bankın İdarə Heyətinin üzvləri Rauf Qurbanov və Zaur Yusifov İdarə Heyəti sədrinin müavinləri təyin edilib.

Xatırladaq ki, "Bank BTB” 2010-cu ildə yaradılıb. Onun nizamnamə kapitalı 66.5 mln. manatdır. Bankın səhmlərinin 75%-i Nigar İsmayıl qızı Mehdiyevaya, 19%-i Rza İsmayıl oğlu Sadiqə (Müşahidə Şurasının sədri), 6%-i isə Tükəzban Ağa qızı Mahmudovaya məxsusdur.
Ətraflı

Qeyd edək ki, uzun illərdir mətbuatda "BTB Bank”ın əsas səhmdarı olan Nigar İsmayıl qızı Mehdiyevanın Prezident Administrasiyasının sabiq rəhbəri, AMEA-nın keçmiş prezidenti Ramiz Mehdiyevin gəlini olduğu yazılır və bu məlumat bu günə kimi təkzib olunmayıb.

Onu da bildirək ki, hazırda Tibb Universitetinin Onkoloji Klinikasında direktor müavini olan həkim-onkoloq Nigar İsmayıl qızı Mehdiyeva və Rza İsmayıl oğlu Sadiqin uzun illər Nazirlər Kabinetində yüksək vəzifələrdə çalışan İsmayıl Rza oğlu Sadıqovun övladları olduğu bildirilir.

İsmayıl Rza oğlu Sadıqov 1993-cü ilin iyul ayında Baş nazir Pənah Hüseynovun imzaladığı qərarla Nazirlər Kabineti elm, səhiyyə və humanitar məsələlər şöbəsinin müdiri vəzifəsindən azad edilərək Nazirlər Kabineti İşlər İdarəsi elm, mədəniyyət və xalq təhsili şöbəsinin müdiri təyin edilib. Ramiz Mehdiyevin qudası (gəlinin atası) olduğu bildirilən İsmayıl Sadıqov yaş senzinə görə 2018-ci ildə Nazirlər Kabinetinin Humanitar məsələlər şöbəsinin müdiri vəzifəsindən azad olunub.

Onu da bildirək ki, "Bank BTB” ASC-nin əsas səhmdarı olan Nigar Mehdiyevanın həyat yoldaşı fövqəladə hallar nazirinin müavini general-mayor Teymur Mehdiyevdir. Ramiz Mehdiyevin nazir müavini olan yeganə oğlu da ölkənin aparıcı nəşriyyatlarından biri olan "Şərq-Qərb” ASC-nin əsas səhmdarı (96,5%) hesab olunur.

Demokrat.az

Azərbaycan dövləti şəhid ailələrinə, müharibə iştirakçılarına hər zaman xüsusi diqqət və qayğı ilə yanaşıb, onların sosial təminatı, sağlamlıq vəziyyəti və digər məsələlərdə ardıcıl proqramlar həyata keçirir. Prezident İlham Əliyev bütün dövlət qurumları qarşısında bu həssas təbəqəyə aid olan insanların problemlərinin həllini bir nömrəli vəzifə kimi müəyyən etsədə “Azərenerji” rəhbərliyi nədənsə bu siyasətə böyük zərbə vurur.

“Azərenerji” ASC-nin nəzdində olan “Enerjiservistikintitəmirsazlama” MMC-nin rəhbərliyi Mingəçevirdə bir qurup Qarabağ veteranlarını kütləvi işdən çıxarılması ilə bağlı Dünyanınsəsi.Az saytına göndərmiş olduqları Video-şikayəti təqdim edirik:

Azərbaycan Respublikasının Birinci vitse-preizidenti hörmətli Mehriban xanım Əliyevaya
“Azərenerji” ASC-nin nəzdində fəaliyyət göstərən “Enerjiservistikintitəmirsazlama” MMC-dəki işindən çıxarılan müharibə veteranları-Bəkirov Qiyas Həmzə oğlu və Adıgözəlov Etibar Abbasəli oğlu tərəfindən

ŞİKAYƏT ƏRİZƏSİ

Hörmətli Mehribaxn xanım, Sizə müraciət etməyimizin səbəbi ölkəmizdə yeni iş yerlərinin açıldığı ərəfədə bizim işdən azad olunmağımızdır. Belə ki, “Azərenerji” ASC-nin nəzdində olan “Enerjiservistikintitəmirsazlama” MMC-nin rəhbərliyi bizim imtiyazlı kateqoriyadan-müharibə veteranı olmağımızı və ailə vəziyyətimizin ağırlığını belə nəzərə almadan “müqavilə müddətinin bitməsi” adı altında bizi işdən azad edib.
Hörmətli Mehriban xanım, diqqətinizə çatdıraq ki, elektirik stansiyalarının idarə olunması, təmir edilməsi sahəsində peşəkar və təcrübəli işçilər kimi uzun illərdir ki, işimizin öhdəsində layiqincə gəlmişik. Biz, Sizə müraciət edən şəxslər 80-ci illərin sonu, 90-cı illərin əvvəllərindən Mingəçevir İstilik Elektrik Stansiyasında çalışımışıq. Ancaq 2020-ci ilin iyul ayında bizi müddətsiz müqavilə ilə işlədiyimiz Mingəçevir İstilik Elektrik Stansiyasından sonradan “Azərenerji”nin nəzdində peyda olmuş “Enerjiservistikintitəmirsazlama” MMC-yə keçirdilər (sonradan bilmişik ki, bizi aldadaraq müqaviləni bizə təqdim etmədən bizimlə qısamüddətli müqavilə bağlanıb).
Onu da qeyd edək ki, bizimlə bağlanan əmək müqaviləsinin nüsxəsi heç vaxt bizə verilməyib. Bazar qiymətlərinin sürətlə artdığı bir vaxtda və Novruz bayramı öncəsi bizi işsiz qoyublar. Necə olur ki, pensiya yaşı olan şəxslər işdə saxlanılır,amma biz müharibə iştirakçılarını işdən çıxarırlar? Soruşanda isə bizə deyirlər ki, gedin, hara istəyirsiniz, kimə istəyirsiniz müraciət edin.
Hörmətli Mehriban xanım, mən, Bəkirov Qiyas Həmzə oğlunun 5 nəfər ailə üzvündən tək işləyəni mənəm. Yeganə oğlum isə 2008-ci ildə hərbi xidmət vəzifəsini yerinə yetirərkən həlak olub. Mən, Adıgözəlov Etibar Abbasəli oğlunun isə maddi baxımdan çox çətin vəziyyətdədir.Budurmu “Azərenerji” rəhbərliyinin Vətən uğurunda döyüşənlərə və onların ailələrinə qoyduğu hörmət???
Hörmətli Mehriban xanım, “Azərenerji” ASC-nin rəhbəri Balababa Rzayevə, eyni zamanda “Enerjiservistikintitəmirsazlama” MMC-nin rəhbərliyinə edəcəyimiz müraciətin əhəmiyyətsizliyini bildiyimiz üçün Sizə müraciət edirik. Ona görə xahiş edirik ki, çalışdığımız sahə üzrə uzun illərin təcrübəsini, ailəmizin sosial vəziyyətinin ağırlığını, bizim işimizə bərpa olunmağımız, yaxud da hazırda işdən azad olunmuş pensiyaçıların yerinə İstilik Elektrik və Su Elektirik stansiyalarınında başqa işlə təmin edilməmiz üçün müvafiq qaydada göstəriş verəsiniz. Son ümidimiz Sizədir…!

Öncədən Sizə dərin minnətdarlığımızı bildiririk! //Dünyanınsəsi.Az//

Millitv.az Qarabağ veteranlarının Prezidentə ünvanlanmış olan video-şikayətini təqdim edir:

“Birlink” adlı internet provayderi öz abunəçilərinə zülm edir. Paytaxtın Nəcəf Nərimanov küçəsi 5A ünvanında yaşayan sakinlər Azinforum.az-a bildiriblər ki, 4 gündür onlar internetlə təmin olunmur.

Sitat: “Səbəbini texniki pronlemlə izah edib, heç bir əlavə məlumat vermirlər. Şirkət bizdən hər ay 27 manat xidmət haqqı alır. Bir gün abunə haqqı gecikən kimi xidməti dayandırırlarsa, niyə bu bayram günləri bizi internetsiz qoyurlar? Yaxşı olar ki, “Birlink” öz məsuliyyətini dərk edib, vətəndaşlar qarşısında götürdüyü öhdəliyi yerinə yetirsin”.

DİA.AZ həmin videonu təqdim edir:

Gədəbəy rayon Novosaratovka kəndində yaşıllaşdırma məqsədi ilə əkdiyim 48 ədəd ağacı icra hakimiyyətinin əməkdaşı məhv etdi.

DİA.AZ Sarkazm.az-a istinadla xəbər verir ki, bu barədə sahibkar Nazim Əliyev saytımızın elektron poçtuna göndərdiyi şikayət məktubunda bildirir.

N.Əliyev sözlərinə görə, bununla Gədəbəy rayon icra hakimiyyəti onun rayonda həyata keçirdiyi biznes və digər işlərinə mane olur.

“24 mart 2023-cü il tarixində Gədəbəy rayon Novosaratovka kəndində mənə məxsus torpaq sahəsinin ətrafında yaşıllaşdırma işləri apararaq 48 ədəd ağac əkməyə başladım. Ağacları əkib yekunlaşdırdıqdan sonra həmin kəndin icra nümayəndəsi Elvin Məmmədov yaxınlaşaraq mənim bu addımımı qanunsuz hesab etdiyini və əkilmiş ağacların yerindən çıxarılacağını bildirdi. Mən icra nümayəndəsinə həmin ərazinin mənə məxsus və bələdiyyənin balansında olduğunu bildirdim. Bələdiyyələrin isə seçkili, eyni zamanda müstəqil orqan olduğunu və icra nümayəndəliyinə aid olmadığını bildirsəm də, E.Məmmədov buna məhəl qoymadı. Rayon icra hakimiyyətinin göstərişi və bunu icra etməyə məcbur olduğunu qeyd edərək öz ilə gətirdiyi işçiləri ilə birlikdə ağacları yerindən çıxartdılar. Elvin Məmmədov da həmçinin bildirir ki, bu ərazi bələdiyyə torpaqlarıdır və torpağa dair mənim adıma sənədlər olmadığına görə ağac əkinini qanunsuz hesab edir. Maraqlıdır ki, bələdiyyə torpağında qanunsuz işlərə icra nümayəndəsi niyə qarışır? Eyni zamanda sənədsiz torpaqlarda müəyyən işlər icra etmək qadağandırsa, Novosaratovka kəndini məmurlar öz aralarında bölüblər və yüzlərlə qanunsuz tikililər aparıblar. İcra hakimiyyətində “Memarlıq və Tikinti Şöbəsi”nin müdiri Əlövsət Bayramovun və İnəkboğan kənd icra nümayəndəsi Şahin Kazımovun Novosaratovka kəndində bir neçə qanunsuz tikililəri və biznesi var. Nə əcəb onlara mane olan yoxdur ya icra hakimiyyətinin rəhbərliyinin xəbəri yoxdur?” – deyə Nazim Əliyev bildirir.

O, həmçinin bildirir ki, bunu rayon icra hakimiyyəti qərəzli şəkildə edir və torpağa dair sərəncam imzalamayaraq mənim fəaliyyətimi qaanunsuz adlandırırlar.

“Bir neçə il bundan öncə Gədəbəy rayon Novosaratovka kənd sakini Qulu adlı vətəndaşdan onun evini və geniş ərazini əhatə edən torpaq sahəsini almışam. Həmin ərazi çaykənarı olduğundan balıqçılıq üçün əlverişli yerdir. Mən də şəraitə uyğun olaraq bir neçə balıq gölü yaratmağı qərara aldım. Həmin vaxt icra hakimiyyətindən bildirdilər ki, Ekologiya və Təbii Sərvətlər Nazirliyindən icazə almalısan və Quludan aldığın mülkiyyəti sənədləşdirməlisən. ETSN-ə müraciət etdim. Nazirliyin əməkdaşları əraziyə baxış keçirdilər və balıqçiliq təsərrüfatı üçün müsbət rəy verdilər. Növbəti prosedur olaraq torpağın sənədləşməsi üçün Novosaratovka kənd bələdiyyəsinə müraciət etdim və lazım olan sənədləri topladım. Bələdiyyə ilə alqı-satqı müqaviləsi imzaladıq və dövlət rüsumunu ödədim. Torpağın şəxsi mülkiyyətə keçməsi üçün icra hakimiyyəti sərəncam imzalamalı idi. Sərəncam üçün Gədəbəy rayon icra hakimiyyətinə dəvət edildim. Məni icra başçısının müavini Vüsal Musayev qəbul etdi. Sərəncamın imzalanması və eynilə həmin ərazidə balıqçılıq təsərrüfatının olmasına görə məndən 40 min manat rüşvət istədi. Bundan imtina etdiyimə görə hələ də mənə məxsus torpağın sənədləşməsi üçün sərəncam imzalanmayıb. Bununla da aldığım torpağın sənədləşməsinə mane olurlar və digər tərəfdən də bildirirlər ki, torpağın sənədi olmadığına görə gördüyün işlər qanunsuzdur. Sənədi verməyən də, işlərimi qanunsuz adlandıran da icra hakimiyyətidir.” – deyə Əliyev qeyd edir.

Nazim Əliyev hesab edir ki, icra hakimiyyətinin bu addımı ölkə rəhbərinin siyasətinə sabotajdır.

“Vitse-prezident Mehriban xanım Əliyevanın təşəbbüsü ilə “hərəyə bir ağac əkək” layihəsi davam edir. Ölkə üzrə əksər dövlət qurumları, özəl sektor, gənclər bu layihəyə qoşularaq ağac əkirlər. Lakin Gədəbəy icra hakimiyyəti əkilən ağacları məhv etdirir. Eyni zaman regionların inkişafı üçün hər il dövlət büdcəsindən milyonlarla pul ayrılır, ölkə rəhbəri hər dəfə çıxışında rayonlara investorları cəlb etmək üçün icra başçılarına xüsusi göstəriş verir. Lakin Gədəbəydə yaratdığım biznes layihəsinə icra hakimiyyəti mane olur. Bu, birbaşa ölkə rəhbərinin siyasətinə ziddir.” – deyə sahibkar vurğulayır.

Nazim Əliyev ona qarşı olan haqsızlıqları ölkə rəhbərindən və müvafiq qurumlardan araşdırmağı və onun biznesinə yaradılan problemləri aradan qaldırmağı xahiş edir.

Məsələ ilə bağlı Gədəbəy rayon icra hakimiyyətinin “Memarlıq və Tikinti Şöbə”sinin müdiri Əlövsət Bayramov ilə əlaqə saxladıq. Ə.Bayramov Nazim Əliyevin ağacəkmə kampaniyasını qanunsuz hesab edir. “Həmin ərazilər bələdiyyənin balansındadır. Orda ağac əkmək üçün bələdiyyədən icazə almalıdır yaxud şəxsi mülkiyyətə keçməsi üçün sənədləşdirməlidir. Nazim Əliyev bunların heç birini etmədən ağac əkib. Buna görə də onun bu addımının qarşı alınıb.” – deyə Əlövsət Bayramov bildirdi.

Həmçinin Əlövsət Bayramov Nazim Əliyevin onun biznesi və rayon icra hakimiyyətinin əməkdaşının Nazim Əliyevdən 40 min manat rüşvət istəməsi barədə dedikləri fikirlərə də cavab olaraq bildirdi ki, həmin məsələlərin vəzifəmə aidiyyatı yoxdur. “Gədəbəy rayon icra hakimiyyətində “Memarlıq və Tikinti şöbə”sinin müdiri vəzifəsinə iki aya yaxındır təyin olunmuşam. Ondan öncə bizneslə məşğul olmuşam. Hazırda isə biznesimlə övladım məşğuldur və Novosaratovka kəndində tikilən ev mənə yox, bacıma məxsusdur. Eyni zamanda Nazim Əliyevdən icra hakimiyyətindən 40 min manat rüşvət istənilməsindən xəbərim yoxdur. Həmin vaxt mən icra hakimiyyətində vəzifə daşımırdım.” – deyə Bayramov Əlavə etdi.