Naxçıvan Muxtar Respublikası (MR) hərbi şəhərcik sakini Səfərov Arzu Firudin oğlu tərəfindən Hurriyyet.az saytının redaksiyasına şikayət məktubu daxil olub. O, Naxçıvan MR Ali Məclisinin sabiq sədri Vasif Talıbovdan şikayətçidir:

“Mən, Səfərov Arzu Firudin oğlu, yazaraq sizə bildirirəm ki, 1984-cu ildən Naxçıvan şəhərindəki hərbi şəhərcikdə (ev 51) yaşayırdıq. Atam Səfərov Arzu Firudin oğlu 1982-ci ildən hərbi hissədə xidmət etmiş, 1999-ci ildə təqaüdə çıxmışdır. Evimizin sənədləri doğru-düzgündür.

2012-ci ildə Vasif Talıbovun göstərişi ilə evimizdən məcburi qaydada, zorakılıqla çıxarıldıq. Belə ki, qazı, işıği kəsərək bizi çarəsiz vəziyyətə saldılar. Ailə üzvlərimiz dövlət işində işlədiklərinə görə, atamı hədələyiblər ki, elə etmə işinizdən də olasınız. Hətta atama deyiblər ki, həyat yoldaşın 48 ildir işləyir, işinə son verə bilərik, evi sakitcə boşaldın.

Evdən çıxmadığımıza görə, atamı Naxçıvan Şəhər Polis İdarəsinə apardılar. Orada yenə təlbə ediblər ki, evi boşalt. Atam deyib ki, başqa evim yoxdur, ailəmlə birgə harada necə yaşayım?! Bunlara məhəl qoymayaraq, ona işgəncə verilib. Atam özü haqqında məlumat verərək qeyd edib ki, 1996-ci ildə dövlət çevrilişinin qarşısının alınmasında iştirak edib, lakin dediklərinin heç birinə məhəl qoyulmayıb.

Keçmiş icra başçısı Vüqar Səfərov polis idarəsində atama deyib ki, gedib çoban olardın, bizə nə sən nə iş görmüsən?! Əlavə edib ki, bu tapşırığı bizə Vasif Talıbov verib, get evini ondan istə.

Beləliklə, bizi aciz vəziyyətlərə salaraq, işığı, qazı, suyu kəsərək evdən məcburi çıxardılar. Hal-hazırda bütün sənədlərimiz əlimizdədir. Xahiş edirik bizə kömək edin, şikayətimizi işıqlandırın”.

Redaksiyadan: Qarşı tərəfin mövqeyini dərc etməyə hazırıq. //Hurriyyet.az//

Gəncədə işıq dirəyi qəzalı vəziyyətdədir.

DİA.AZ bildirir ki, bu haqda Dunyaninsesi.Az -a 23 mart tarixində məlumat daxil olub.

Sözügedən hal şəhərin Azərbaycan bayrağı küçəsində müşahidə olunur. Burada sakinləri elektrik enerjisi ilə təchiz edən dirək əyilib və qəzalı vəziyyətdədir. Bu hal bir müddətdir davam edir.

Ərazidə dördmərtəbəli binalar və fərdi yaşayış evləri yerləşir. Sakinlərin sözlərinə görə, işıq dirəyinin aşma təhlükəsi var.

“Qorxuruq ki, qarşısındakı evin, ya da yoldan keçən piyada və ya maşının üstünə aşar. Yeni dirək basdırıb xətlərin onun üzərinə keçirilməsini istəyirik”, – deyə burada yaşayan əhali bildirir.

Bu gün Nəsimi rayonu, İcra hakimiyyəti yaxınlığındakı yaşayış binası ərazisindəki 100-ə yaxın ağac budama adı ilə kəsilib.

Bu barədə “Ecofront” məlumat yayıb.

Məlumatda deyilir: Görünən odur ki, hansısa tikinti şirkətinə ağacların orada olmağı problem yaradır.

Həmin görüntüləri təqdim edirik:

AzToday.az

Naxçıvan Muxtar Respublikası Ali Məclisinin keçmiş sədri Vasif Talıbovun tutduğu vəzifədən azad edilməsindən sonra onun yaxın çevrəsinin də neytrallaşdırılmasına start verildi.

Xatırladaq ki, Vasif Talıbovun oğlu Seymur Talıbov Naxçıvan Dövlət Universitetindən tutduğu prorektor vəzifəsindən uzaqlaşdırıldı, qızı Baharxanım Talıbova "Naxçıvanbank” ASC-nin Müşahidə Şurasının üzvlüyündən çıxarıldı və s. Bundan başqa, keçmiş Ali Məclis sədrinə yaxın bəzi vəzifəli şəxslərin, o cümlədən Sədərək Gömrük Postunun rəisi Nicat Mahmudovun karyerasına son qoyuldu.

Nicat Mahmudovdan sonra belə təəssürat yaranmışdı ki, prosesə ara verilib. Lakin Ordubad rayonunun icra başçısı Elşad Məmmədovun işdən çıxarılması göstərdi ki, Muxtar Respublikanın Talıbov və onun adamlarından təmizlənməsi davam edir.

Məlumat üçün deyək ki, Elşad Məmmədov 2013-cü ildə Ordubadın icra başçısı təyin olunmuşdu. Ondan əvvəl bu vəzifəni Elşad Əliyev tutub. O, 2013-cü ildə Vasif Talıbovun sərəncamı ilə Muxtar Respublikanın kənd təsərrüfatı naziri təyin edilib. Bu təyinatdan sonra Elşad Məmmədov Ordubadın rəhbərliyinə gətirilib və bunda Vasif Talıbovun xüsusi rolub olub.

Ümumiyyətlə, Naxçıvanla bağlı məlumatlı olan şəxslər deyir ki, Muxtar Respublikada yüksək vəzifə daşıyanlar Vasif Talıbova yaxın ətrafına daxil olan kadrlar olub. Bu baxımdan, Naxçıvanda təmizləmələrin davam edəcəyi şübhəsizdir.

İddialara görə, paralel olaraq Talıbovun 27 illik fəaliyyəti də araşdırılır. Naxçıvanda onun adamları vəzifələrdən uzaqlaşdırıldıqdan sonra keçmiş Ali Məclis sədrinin fəaliyyətinə hüquqi qiymət verilməsi məsələsi gündəmə gələ bilər. //Qaynarinfo//

“Ermənistan və Türkiyə turizm mövsümü başlamazdan əvvəl üçüncü ölkə vətəndaşları üçün sərhədlərin açılması barədə razılığa gəliblər”.

Bunu Ermənistanın xarici işlər naziri Ararat Mirzoyan parlamentin iclasında deyib.

O bildirib ki, hazırda bu istiqamətdə fəal iş aparılır.

Qeyd edək ki, Ankara və İrəvan ötən ilin iyulunda quru sərhədin ən qısa zamanda açılması barədə razılığa gəliblər.

Xatırladaq ki, Türkiyə Azərbaycan torpaqlarının işğalına etiraz olaraq 1993-cü ildən Ermənistanla sərhədlərini bağlayıb və İrəvanla bütün əlaqələrini kəsib.

İkinci Qarabağ müharibəsindən - Azərbaycan torpaqları erməni tapdağından azad olunandan sonra rəsmi Ankara və İrəvan arasında münasibətlərin normallaşması istiqamətində addımlar atılıb.

Türkiyə Serdar Kılıçı, Ermənistan isə Ruben Rubenyanı münasibətlərin normallaşması üzrə xüsusi nümayəndə təyin edib. Onların ilk görüşü 2022-ci il yanvarın 14-də Rusiyanın paytaxtı Moskvada keçirilib. İkinci və üçüncü görüş isə fevralın 22-də və mayın 3-də Avstriyanın paytaxtı Vyanada baş tutub.

Ötən il oktyabrın 6-da Çexiyanın paytaxtı Praqada Türkiyə Prezidenti Rəcəb Tayyib Ərdoğan və Ermənistanın baş naziri Nikol Paşinyan arasında görüş olub. Praqa görüşü N.Paşinyanın 2018-ci ildə hakimiyyətə gəlməsindən sonra Türkiyə Prezidenti ilə ilk görüşü olub. Bu ilin yanvar ayında Türkiyə ilə Ermənistan arasında hava yolu ilə birbaşa daşımalar başlayıb.

“Dövlət Miqrasiya Xidməti sahibkarlıqla məşğul olmaq istəyən əcnəbilərə süni maneə yaradır”.

DİA.AZ-ın pravda.az-a istinadən xəbərinə görə, bunu miqrasiya konsaltinq fəaliyyəti ilə məşğul olan Vüqar Zeynalov bildirib.

Onun müraciətini təqdim edirik:

İddia olunanlarla bağlı dia.az olaraq bütün maraqlı tərəflərin mövqelərini işıqlandırmağa hazırıq...

"İllərdir dediyimiz kimi, Gömrük Komitəsinin ayrıca qurum kimi qalmasının heç bir mənası yoxdur. Dünyada çox nadir ölkələr var ki, Gömrük Komitəsi müstəqil qurumdur, onlardan biri də Rusiyadır. Ümumiyyətlə, bizim gömrük orqanlarının mahiyyəti, strukturu, hərbi rütbələri, fəlsəfəsi Rusiyadan köçürülüb. Bundan imtina etmək zamanıdır, özünü doğrultmadı, doğrultmağı da mümkün deyil. Çünki şimal qunşumuz öz dövlət orqanlarını tarixən biznesi əzmək üzərinə inşa edib". DİA.AZ xəbər verir ki, bunu Respublikaçı Alternativ Partiyasının (REAL) icra katibi, iqtisadçı ekspert Natiq Cəfərli bildirib.

İqtisadçı ekspert hesab edir ki, gömrük orqanlarının ayrıca istintaq qurumunun olması da absurddur: "Ona görə də Gömrük Komitəsi ya İqtisadiyyat, ya da Maliyyə Nazirliyinin nəzdində kiçik bir departament kimi fəaliyyət göstərməli, əsas işi daxili istehsalçını qorumaq üçün konsepsiya hazırlamaqdan, statistik göstəriciləri toplayıb təhlil etməkdən ibarət olmalıdır. Müstəqillikdən üzü bəri iş adamlarının, biznesin ən zəhləsi getdiyi, onlara ən çox mane olan, rüşvət və korrupsiya yuvasına çevrilmiş, mahiyyəti ancaq iri məmur biznesini qorumaq olan Gömrük Komitəsidir. Komitəni nazirliklərdən birinə birləşdirmək azdır, həm də fəlsəfəsi dəyişməlidir. Bu orqanlarda çalışanlar anlamalıdırlar ki, onların fəaliyyətinin əsas istiqaməti ölkəyə kiminsə tuman-köynək gətirməsinə mane olmaq deyil, ölkədə tuman-köynək istehsalına dəstək verməkdir. Nə qədər ki, yerli istehsal yoxdur, gömrük orqanları gözəgörünməz, ürəkbulandırmaz olmalıdırlar. İstehsal sahələri yaranandan sonra daxili istehsalçını qorumaq üçün ağıllı tarif, rüsum siyasəti olmalıdır. Yerli istehsal isə o zaman yaranacaq ki, ölkədə normal biznes mühiti, investisiyaların qorunması mexanizmləri və nəhayət, ədalətli məhkəmə sistemi olacaq".

Dia.az

Azərbaycan Meliorasiya və Su Təsərrüfatı Açıq Səhmdar Cəmiyyətinin ( ASC ) tabeçiliyində olan Viləşçay Su Anbarı Masallı rayonunda əkin sahələrinin suvarma suyuna tələbatının ödənilməsi məqsədi ilə 1986-cı ildə tikilmişdir. Qeyd edək ki, su anbarının həcmi 46,0 mln. m³, torpaq bəndinin hündürlüyü 37 m və üstdən uzunluğu 3,2 km-dir. Anbarın 2-ci növbəsinin tikintisi ilə bəndin hündürlüyünün daha 15 m qaldırılması və anbarın həcminin 130 mln. m³-ə çatdırılacağı nəzərdə tutulmuşdur.

Rusif Kərimov 2 ildir ki, Azərbaycan Meliorasiya və Su Təsərrüfatı Açıq Səhmdar Cəmiyyətinin sədri Zaur Mikayılovun sərəncamı ilə bu idarəyə rəis təyin edilib. 2016-ci ildən Masallı Viləşçay Su anbarı İstismarı idarəsində əvvəl mühəndis, hidrotexnik, 2017-ci ildən isə idarənin baş mühəndisi vəzifəsində calışmış Rusif Kərimovun təyinatı ilk vaxtlar fermerlər tərəfindən razılıqla qarşılansa da bu uzun sürmədi. İndi Rusif Kərimov özündən əvvəlki rəislərin ölənlərinə rəhmət oxutdurur.

Onu da qeyd edək ki, bu su anbarları regionların sosial-iqtisadi inkişafında mühüm əhəmiyyətə malikdir. Meliorasiya və su təsərrüfatının daha da təkmilləşməsi ərzaq təhlükəsizliyinin təmin olunmasında da həlledici rol oynayır. Yəni dövlət bu sahəyə milyonlarla vəsait qoyur ki, fermerlər bundan istifadə edərək ölkədə ərzaq bolluğu yaratsın, qiymətlər ucuzlaşsın və s... Amma məmurlar bu milyonları mənimsəyərək ölkədə ərzaq qıtlığı yaradır, süni qiymət artımına rəvac verirlər.

Fermerlərə suyu neçəyə, hansı qiymətə satmaqları daha ciddi problemdir. Axı, dövlət öz vəsaitini ayırıb ki, fermerlərə ucuz qiymətə şərait yaradılsın. Amma rəis Rusif Kərimovun öz qimətləri var. Masallı fermerləri onun əlindən qan aglayır.

Bütün bunlar azmış kimi Viləşçay Su Anbarı İstismar İdarəsində hər il idarənin balansında olan kanalların, daxili su arxlarının təmizlənməsi üçün ASC-dən ayrılan vəsaitlər mənimsənilir. İdarəyə ayrılan avadanlıqlar kimlərəsə icarəyə verilir, hər il külli miqdarda dəyəri olan yanacaq silinərək mənimsənilir. Hidrotexniki qurğuların təmiri adı altında dövlət vəsaiti silinir.

Bir sözlə, idarədə yoxlama aparılsa maşın və mexanizmlər üçün ehtiyyat hissələrinin və materialların, avadanlıqların satın alınması, kanalların lildən təmizlənməsi, hidrotexniki qurğuların təmiri, həmçinin su anbarının iriqqasiya suburaxıcısında elektrik enerjisinin verilməsi məqsədilə transformatorların təmir olunması, hidravlik sistemin yağının dəyişdirilməsi, müxtəlif növ elektrik kabellərinin və naqillərin yenisi ilə əvəzlənməsi adı altında küllü miqdarda dövlət vəsaiti mənimsənilməsi üzə cıxar.

Biz anbardakı balıq biznesi və ən dəhşətlisi anbarın mühafizə zonasının ayrı-ayrı şəxslərə satılması barədə faktları dəqiqləşdirdikdən sonra oxuculara təqdim edəcəyik.

Qarşı tərəfin mövqeyni dərc etməyə hazırıq. //milletinsesi.info//

Müqəddəs Ramazan ayının artıq ikinci gününü yaşayırıq. Şeytanın qandallandığı bu ayda insanlar ancaq xeyirə vəsilə olan işlər görməli, cisim və ruhlarında təmizlənmə aparmalıdırlar.

Ona görə də ən vacib olan nemətlərdən biri də ağıldır. Sağlam düşüncə də Ramazanın 3-cü günündə bəndənin Allahdan istədiyi nemətlərin başında gəlir.

“İlahi, bu gün mənə hüşyarlıq və ayıqlıq ruzisini əta et”.

Müqəddəs Ramazan ayının 3-cü gününün cədvəlini və duasını təqdim edirik.

03 ramazan 1444 – 25 mart 2023

İmsaq: 05:11

İftar: 19:11

3-cü günün duası:

Allahummərziqni fihiz-zihnə vət-tənbih. Və baidni fihi minəs-səfahəti vət-təmvih. Vəc-əl nəsibən min küli xeyrin tunzilu fih. Vicudikə ya əcvədəl-əcvədin.

Tərcüməsi:

İlahi, bu gün mənə hüşyarlıq və ayıqlıq ruzisini əta et, məni səfehlik və dərrakəsizlikdən uzaqlaşdır. Bu gün göndərdiyin hər şeydə mənə xeyir nəsib et. Səxavətinə and verirəm, ey əliaçıqların ən səxavətlisi!

Qeyd edək ki, Bakı üçün nəzərdə tutulan oruca başlama (imsaq) və orucu açmaq (iftar) vaxtları Qafqaz Müsəlmaları İdarəsinin rəsmi isternet saytından götürülüb.

Oruc tutanlar hər ehtimala qarşı imsaq üçün göstərilən vaxtdan 10-15 dəqiqə əvvəl yemək, içmək və s. orucu batil edən əməlləri tərk etməlidir. Belə ki, cədvəllərdə olan fərqlilik bu addımı zəruri hala gətirir.

Digər şəhərlər üçün Bakı vaxtına edilən əlavələr:

Ağdam +11, Ağdaş +10, Ağsu +5, Ağcabədi +10, Ağstafa +18, Astara +4, Babək +18, Balakən +5, Beyləqan +10, Bərdə +11, Cəlilabad +6, Cəbrayıl +12, Culfa +18, Daşkəsən +15, Şəbran +4, Şirvan +4, Füzul +11, Göyçay +8, Gəncə +14, Gədəbəy +16, Goranboy +12, Horadiz +10, Göygöl +14, Xaçmaz +4, İsmayıllı +6, İmişli +7, Kəlbəcər +15, Kürdəmir +6, Qax +11, Qazax +19, Qazıməmməd +4, Qəbələ +8, Quba +5, Qusar +4, Laçın +14, Lənləran +5, Lerik +7, Masallı +5, Mərəzə +3, Mingəçevir +11, Merneulli (Tiflis) +20, Naxçıvan +18, Neftçala +3, Oğuz +11, Ordubad +16, Saatlı +6, Sabirabad +6, Salyan +4, Siyəzən +3, Sumqayıt +1, Şamaxı +6, Şahbuz +18, Şəki +12, Şəmkir +15, Şərur +18, Şuşa +13, Tərtər +12, Tovuz +16, Yardımlı +18, Yevlax +11, Ucar +8, Zaqatala +15, Zəngilan +13, Zərdab +9

Sakinlərlə razılaşa bilməyən tikinti şirkəti söküntüyə hazırlaşır. Yasamal rayonu, Zivərbəy Əhmədbəyov küçəsi, “Kubinka” kimi tanınan ərazidə sakinlər evlərini sökmək istəyən tikinti şirkəti ilə problemlər yaşayırlar. Onlar şirkətin təkliflərini uyğun hesab etmirlər. "RR Constructions"sakinlərlə razılaşa bilməsə də, hazırlıqlara artıq başlayıb, ərazini hasara alıb. Sakinlər şirkətin təklifini hüquqlarının pozuntusu kimi şərh edirlər. "RR Constructions"dan isə məsələ ilə bağlı cavab almaq mümkün olmayıb.

Daha ətraflı aşağıdakı videoda:

Dia.az