Türk Dövlətləri Təşkilatına (TDT) üzv olan qardaş ölkələrin zəlzələ fəsadlarının aradan qaldırılmasında dəstəyini gördük.

Bu sözləri Türkiyə Prezidenti Rəcəb Tayyib Ərdoğan NTV və STAR TV-yə verdiyi müsahibəsində bildirib.

TDT-yə üzv ölkələrin Türkiyəyə bütün güclərini səfərbər edərək köməklik göstərdiyini deyən Türkiyənin dövlət başçısı söyləyib:

“Biz TDT ilə artıq bir bədənin üzvləri kimiyik. TDT-nin Fövqəladə Zirvəsini də Ankarada keçirdik və Mülki Müdafiə Mexanizminin yaradılmasına dair qərar aldıq. Başda Azərbaycan olmaqla, Qırğızıstan, Qazaxıstan, Türkmənistan buraya gələrək aparılan işləri izlədilər”.

ABŞ-da ələ keçirilən Anadoluya aid 12 tarixi əsər məhkəmə qərarı ilə Türkiyənin Nyu-Yorkdakı Baş Konsulluğuna təhvil verilib.

Uzun müddət davam edən sınaqlar nəticəsində əsərlər Nyu-Yorkdakı baş konsul Reyhan Özgür və Türkiyənin Mədəniyyət və Turizm Nazirliyinin rəsmilərinin iştirak etdiyi Manhetten Rayon Prokurorluğunda təşkil olunan mərasimdə geri qaytarılıb.

Baş konsul R.Özgür mərasimdəki çıxışında Nyu-Yorkun prokuroru Alvin Braqqa və Daxili Təhlükəsizlik İstintaq Bürosunun agentlərinə təşəkkür edib.

“Son illərdə mədəni və tarixi əsər qaçaqmalçılığı ilə mübarizə sahəsində əldə etdiyimiz əməkdaşlığı yüksək qiymətləndirirəm. Manhetten Bölgəsi Prokurorluğu, Daxili Təhlükəsizlik Təhqiqatları qrupu və Milli Təhlükəsizlik Araşdırmaları qrupu arasında qurulan sabit və qüsursuz əlaqə ilə səmərəli nəticələr əldə edirik”, - deyə R.Özgür söyləyib.

Tarixi əsərlər üzərində birgə işlərin Türkiyə ilə ABŞ arasında əməkdaşlığı gücləndirdiyini deyən Özgür, bunların mədəni sərvətlərin qaçaqmalçılığı ilə mübarizə aparan dünya ictimaiyyəti üçün də nümunə olduğunu dilə gətirib.

Nyu-York prokurorunun köməkçiləri Metyu Boqdanos və Lisa DelPizzo da çıxışlarında sözügedən tarixi əsərlərin təsbit edilərək qaytarılmasından məmnun olduqlarını və bu mövzuda Türkiyə ilə yaxından işləməyə davam edəcəklərini vurğulayıblar.

Əsərlərin sərgiləndiyi salonda edilən çıxışlardan sonra baş konsul Özgür və DelPizzonun imzaları ilə təhvil-təslim prosesi tamamlanıb.

Axar.az

Müharibədən sonra Ukrayna iqtisadiyyatının bərpası 411 milyard dollara başa gələcək ki, bu da ölkə üzrə 2022-ci ildə gözlənilən ÜDM-dən 2,6 dəfə çoxdur.

Bu barədə Dünya Bankının yeni araşdırmasında məlumat verilib.

Məbləğ keçən ilin sentyabrında açıqlanan 349 milyard dollarlıq proqnozla müqayisədə kəskin artıb.
Dünya Bankının məlumatına görə, ən böyük proporsional artım enerji sektorunda baş verib. Burada zərər 2022-ci ilin iyun ayı səviyyəsindən beş dəfədən çox olub.

Mənbə: minfin.com.ua

BMT-nin çərşənbə günü dərc etdiyi hesabata görə, dünya əhalisinin təxminən 26%-i təmiz və təhlükəsiz içməli sudan, 47%-i əsas kanalizasiya xidmətlərindən məhrumdur.

Hesabatda deyilir ki, planetin bütün sakinlərinin təmiz su və kanalizasiya ilə təmin olunması üçün hər il 600 milyard dollardan 1 trilyon dollara qədər vəsait ayrılmalıdır.

Bildirilir ki, dünya su istehlakı son 40 ildə təxminən 1% artıb. Eyni zamanda, təxminən 4 milyard insan ildə ən azı bir ay kəskin su çatışmazlığı şəraitində yaşayır. Bu tendensiya növbəti 30 il ərzində də davam edəcək.
Xatırladaq ki, 1993-cü ildən etibarən martın 22-də BMT-nin təşəbbüsü ilə Ümumdünya Su Günü qeyd edilir.

Mənbə: aif.ru

Tərtərdə Sumqayıt Dövlət Universitetinin tələbəsi dünyasını dəyişib.

Bu barədə sosial şəbəkələrdə məlumat yayılıb.

Bildirilib ki, universitetin Fizika fakültəsinin I kurs tələbəsi Şirinzadə Allahverdi dünən Tərtərdə ehtiyatsızlıqdan dərəyə yuvarlanıb və başından ağır zərbə alaraq dünyasını dəyişib.

Biz Ayasofya, Qarabağ deyəndə anlayanlarla bərabər yol gedirik.

Bunu Türkiyə Prezidenti Rəcəb Tayyib Ərdoğan yerli mediaya açıqlamasında deyib.

"Birinə Ayasofiya dediyimdə haradan-haraya gəldiyimizi anlayır. Kiməsə Qarabağ dediyimdə anlayan olur. Birinə Qara Dənizdən çıxaracağımız qazı, kiməsə PUA-larımızı dediyimdə gəldiyimiz yolu anlar. Amma bunları hələ də anlamayanlar var” - deyə o bildirib.

Bu gündən Azərbaycanda Ramazan ayı başlayıb.

Bu il Ramazan ayının başlanması martın 23-nə təsadüf edir.

Təqvimə əsasən, Əhya gecələri 9 aprel (Ramazanın 18-ci günü), 11 aprel (Ramazanın 20-ci günü), 13 aprel (Ramazanın 22-ci günü) və 17 aprelə (Ramazanın 26-cı günü) təsadüf edəcək.

Şəvval ayının 1-i (21 aprel) Fitr (Ramazan) bayramıdır.

Xəbər verdiyimiz kimi, Azərbaycanın əməkdar mədəniyyət işçisi, tanınmış televiziya prodüseri, rejissoru Oqtay Əliyev yol-nəqliyyat hadisəsi nəticəsində dünyasını dəyişib.

Oqtay Əliyev Bu gün səhər saatlarında Mehdiabad qəbiristanlığında dəfn ediləcək.