Sabah saat 08:00-dan martın 24-ü saat 22:00–a qədər Bakının Nizami rayonunun Müzəffər Nərimanov küçəsində (Heydər Əliyev prospektindən Pəhlivan Fərzəliyev küçəsinə qədər olan hissədə) nəqliyyat vasitələrinin hərəkəti tam məhdudlaşdırılacaq.

Bu barədə Azərbaycan Avtomobil Yolları Dövlət Agentliyi məlumat yayıb. Bildirilib ki, buna səbəb aparılacaq təmir işləridir.

Agentlik sürücülərə öncədən hərəkət istiqamətlərinə uyğun alternativ yollardan istifadə etmələrini tövsiyə edib.

Aprel ayında Ramazan bayramı münasibətilə 4 gün qeyri-iş günü olacaq.

Belə ki, aprel ayının 21, 22-də Ramazan bayramı qeyd olunacaq. 2023-сü ildə həftələrarası istirahət günlərinin iş günləri hesab olunmayan bayram günləri ilə üst-üstə düşməsi ilə əlaqədar olaraq beşgünlük iş həftəsində 24 aprel istirahət günüdür. Beləliklə də, aprel ayında 12 gün qeyri-iş günü olacaq.

Ovçuların məhsulları xalqın sağlamlığına vurulan zərərli maddələrlə istehsal edilir..?

Bu gün ölkəmizdə özəl sektorda kifayət qədər fəaliyyət göstərən müəssisələr, firmalar , şirkətlər və ət -toyuq , süd məhsulları istehsal edən fabriklər zavodlar vardır . Dövlətimiz tərəfindən sahibkarlara böyük diqqət ayrılır və hər cür maddi - mənəvi - hüquqi yardım göstərilərək beynəlxalq stantdartların tələblərinə uyğun dahada inkiş etməsinə şərait yaradılır . Bu günkü bazar iqtisadiyyatında azad rəqabət ən önəmli şərtlərdən biridir. Dövlət qayğısı görən müəssisələrdən bir yalnız mediada özünü tərif etdirməklə qayğını səmərəli istifadə etdiyinə işarə vermək istəyərək əsas qurumları nəzarət istiqamətini dəyişməyə nail olmaq istəyir
Bir müddət əvvəl media orqanlarında yayılan məlumatlar göründüyü qədər Ovçular ət və ət məhsulları MMC-nin rəhbərliyini heç də narahat etmir. Belə ki məsələ ilə bağlı apardığımız araşdırma və əldə etdiyimiz məlumatlardanda aydın olur ki, Azərbaycan Qida Təhlükəsizliyi Ağentliyindən adı çəkilən MMC-nin himayədarı varmış. Məsələ ilə bağlı MMC tərəfindən media orqanlarına açıqlama verilməməsinində səbəbi dövlət qurumu hesb edilən təşkilat tərəfindən qorxusunun olmamasıdır. Azərbaycan Respublikasının Prezidentinin dəfələrlə dövlət qurumlarına verdiyi tövsiyələr və göstərişlər göründüyü qədər agentliyin heçdə rəhbərliyinin diqqətinə alınmayıb. Ölkə rəhbərinin təlimatlarını icra etməyən AQTA daxili nizamnamələrinə əsasən bütün istehsalat müəsisələri yoxlanılmalı olduğu halda Ovçular MMC heç cürə müəssisə daxilinə buraxılmır. Qaydalara əsasən AQTA əməkdaşları istehsalat zamanı yoxlama aparmalı olduğu halda müəssisənin çölündə qalaraq MMC-nin əməkdaşlarının verdiyi nümunələr əsasında yoxlama aparır. Bu isə Müəssisənin istəklərinə xidmət göstərmək anlayışını qəti olaraq ortaya qoyur.

UluTv.info: Ovçular MMC-nin keçmiş əməkdaşının redaksiyamıza verdiyi məlumata görə, şirkət əhalinin sağlamlığını düşünmədən gəlir məqsədi ilə məhsulun daxilində zəhərli maddələrin olduğunu bildiyi halda qaydalardan kənar istehsalatla məşğul olmaqdadırlar. Məsələyə dəfələrlə müdaxilə etsədə bunun qarşısını ala bilmədiyin deyən əməkdaş sonda işindən olub. Xalqın sağlamlığı hər bir istehsalçının öncəlik prioriteti olması gərəksədə göründüyü qədər əmədaşdan başqa rəhbər strukturdan heç kəsi narahat etməyib. Pul qazanmaq hər bir şəxsin qoyduğu vəsaitdən əldə etmək istədiyi şeydir. Amma xalqı zəhərləməklə gəlir əldə etməyə meyili olmaq və xalqın genefonduna vurulan zərərin miqdarını hesablamadan genetiklə oynamaq isə ən böyük cinayət hesab edilir. Dünya miqyasında Ovçularda baş verən heç bir hall hələ müşahidə edilməyib. Beynəlxalq standartlardan kənarlaşan və milli dəyərlərimizi heçə sayan Ovçular MMC-nin rəhbərliyi məsələ ilə bağlı açıqlama təqdim etməyidə özünə borc bilmir. İstelakçıları aldatması azmış kimi istehsal edilmiş məhsulun saxlama müddəti keçdiyinə görə daxili yeniden emal edilməsi düzgün deyil. Bu halın mövcudluğu istehlakçını aldatmaq hesab edilir. Mənbənin verdiyi məlumata görə, bu maddə ət məhsullarına vurulma səbəbi məhsulun uzun müddət xarab olmamasına şərait yaratması ilə yanaşı onun dahada keyfiətli olmasını təmin edir. Lakin məhsulun üzərindəki müddət qeyd edildiyi gün bitdikdə məhsul yenidən emala verilməməlidir. Məhsulun üzərinə qoyulan istifadə müddəti həmin kimyəvi məhsula görə müəyyən edilir. Müddət bitdikdə məhsul tamamiilə yararsız hesab edilməklə yanaşı qoyulan qaydalara əsasən məhsul məhv edilməlidir. Amma Ovçular MMC-nin istesalında geri qaytarılmış mallar məhv edilmədən yenidən yeni məhsulla birləşdirilir və istesalata verilir. Həmin müddəti bitmiş məhsulun daxilində olan zəhərli maddələr isə müddəti bitdiyindən artıq zərərli toksinlər ifraz edərək insan genetikasına zərər verir. Maddənin daha sonralar törədə biləcəyi fəsadların tam olaraq heçkəsə məlum deyil. Ən əsası isə insan sağlamlığına həmin nitrit maddəsinin heç bir xeyrinin olmamasıdır, zərərindən başqa.

UluTv.info: İddiayada ümumi neqativlərə görə etiraz edən işçi işindən azad edilib. Hətta Covid-19 xəstəliyinə tutulan əməkdaş Blütein təqdim etməsinə baxmayaraq təhqir edilib və öz xoşu ilə işdən azad edilməsi barədə ərizə yazmadığı təqdirdə onu 70c maddəsi ilə işdən çıxarılacağı ilədə öncədən hədələnib. Bütün bu məsələlərin subutunun mediaya təqdim edən mənbə bütün baş verən qanunsuzluqların hər birini detallı şəkildə izah etmişdir.
Ovçular MMC-nin rəhbəri Səməd Cəfərov məsələ ilə bağlı 3 aydır verilən media sorğulara cavab verməkdən yayınmaqdadır. Bəzi media qurumları Ovçular MMC-nin rəhbəri Səməd Cəfərovun susqunluğuna bir anlam verə bilmədiyindən artıq məsələnin aydınlaşması üçün Baş prokurorluğa sorğular verib. Zavod daxilində yoxlamaların aparılması məqsədi ilə Prokurorluqdan köməklik gözləyən media qrumları tezliklə buna müsbət cavab alacaqlarınada əmindirlər. İddiaların əsasız olmadığını bilsəkdə bunu rəsmi sənədlərlə təsdiqə yetirilməsi bir media qurumuna ədalət prinsiplərinin qorunması naminə vacibdir.
MƏSƏLƏ İLƏ BAĞLI ARAŞDIRMAMIZ DAVAM EDİR..
İDDİALLARA QARŞI TƏRƏFİN MÖVQEYN DƏRC ETMƏYƏ HAZIRIQ.

ULUTV.İNFO

Novruz bayramı ərəfəsində Suraxanı Rayon İcra Hakimiyyətinin başçısı Əziz Əzizov Şəhid ailələri, Qarabağ qaziləri və veteranları, eləcə də aztəminatlı ailələrlə görüş keçirib və 500 nəfərdən çox sakin bayram sovqatları ilə təmin olunublar.

İcra başçısının bunu reklam etməsi sosial şəbəkələrdə müzakirələrə səbəb olub.

Bildirilib ki, RİH aztəminatlı ailələrə diqqət göstərməlidir, amma bunu reklam etmək, insanların əlində sovqat qutusu olan zaman şəklinin çəkilməsi yolverilməzdir. Qeyd olunub ki, şəkillər çəkilibsə belə, insanların üzü düşməməlidir.

Tənqidlərlə əlaqədar RİH-lə əlaqə saxlasaq da, zənglərə cavab verən olmayıb.Pravda.az

Ramazan ayında oruc tutan insanların qarşılaşdığı əsas problemlərdən biri də susuz qalmaqla bağlıdır.

“Qafqazinfo” xarici KİV-ə istinadən xəbər verir ki, oruc zamanı xüsusən də, imsakda bədənin su balansını qorunmaq və susuzluğun qarşısını almaq üçün bir sıra yollar mövcuddur.

Gəlin, həmin yollarla tanış olaq:

Yüksək su balansına sahib olan meyvələri yemək:

Bəzi meyvələrin tərkibinin böyük hissəsi sudan ibarətdir. Sahurdan sonra susuzluq hiss etmək istəmirsinizsə, su miqdarı yüksək olan qarpız, portağal ananas və banan kimi meyvələrdən istifadə edin.

Çiy tərəvəzlər su balansını artırır:

Çiy tərəvəzlərdə yüksək miqdarda su var. Sahur zamanı çiy tərəvəz və göyərtidən ibarət salat bədəninizin susuz qalmasının qarşısını alacaq.

Süd məhsulları susuzluğa kömək edəcək:

Ayran, qatıq, kefir kimi süd məhsulları orqanizmin su ehtiyacını ödəyir. Bu məhsulların kalorisi azdır, lakin uzun müddət toxluq hissi verir.

Meneral su Ramazanda oruc tutanların köməyinə gələcək:

Mineral su həm susuzluğun qarşısını alır, həm də həzmi asanlaşdırır.

Yüksək su balansına malik tərəvəzlər:

Bəzi meyvələr kimi bəzi tərəvəzlərin tərkibi də əsasən sudan ibarətdir. Bu tərəvəzləri qəbul etmək bədəndəki suyun səviyyəsini artırır və susuzluğunun qarşısını alır.

Naxçıvanda “Cahan Holdinq”in işçiləri hər ay müqavilədə nəzərdə tutuduğundan 30 saat artıq işləməyə məcbur edilir. Onlar həftə içi hər gün işdən sonra bir saat, şənbə günləri isə 8-10 saat pulsuz işləməli olurlar.

DİA.AZ bildirir ki, holdinq işçilərinin „Gündəlik Naxçıvan“a verdiyi məlumata görə, bu tələbi yerinə yetirməyənlər işdən qovulmaqla hədələnirlər.

Holdinqin Qənnadi Məmulatları Sexində çalışan M. Məmmədov deyir ki, problemlə bağlı dəfələrlə rəhbərliyə şikayət etsələr də, nəticəsi olmayıb:
“Bir neçə ildir bu holdinqdə işləyirəm. Müqavilədə iş rejimi həftədə 5 gün, saat 8-dən 17-yə qədər qədər nəzərdə tutulub. Lakin bizi həftənin 6 günü qul kimi saat 8-dən 18-ə qədər işlədirlər. İşlədiyimizin müqabilində isə bizə bir manat da olsun əlavə maaş verilmir. Bu, Azərbaycan Respublikasının Əmək Məcəlləsinin pozulmasıdır. Əslində hər artıq saata görə işçinin maaşı ikiqat hesablanmalıdır. Bunlar isə bizimlə qul kimi davranıb, pulsuz işlədirlər”.
Digər şikayətçi Əli Məmmədov isə deyir ki, artıq iş saatına, işçilərlə kobud davranmaya etiraz etdiyinə, bununla bağlı ardıcıl olaraq şikayət etdiyinə görə, bir il əvvəl işdən çıxarılıb:
“Mən artıq işlədiyim saatların pulunu tələb edirdim. Bir neçə dəfə etiraz olaraq müqavilədə nəzərdə tutulan vaxt, yəni saat 17.00-da xəbərdarlıq edib işdən getdim. Sonra məni nizam-intizamı pozmaqda günahlandırıb, işdən çıxardılar. Əmək müfəttişliyinə şikayət etsəm də işimə bərpa ola bilmədim. Hələ də özümə iş tapa bilmirəm”.
Məsələyə münasibət öyrənmək üçün adıçəkilən holdinqlə əlaqə saxlasaq da, fəhlələrin iddialarına cavab ala bilmədik.

Özünü Sənan Uğurliyev kimi təqdim edən şəxs şikayətində qohumları Əziz Quliyevlə qardaşı Mirzəağa Uğurliyevin iyirmi ildən çox davam edən münaqişəsindən bəhs edir. Bu səbəbdən də qardaşının Azərbaycana gəlişində hər hansı təxribatın olmasından ehtiyatlanırlar. Sənan bizə qəribə və bir çox cəhətdən ibrətamiz əhvalat danışdı. Həmin əhvalatı oxucularımızla bölüşmək qərarına gəldik:“Əziz Quliyev 1990-cı illərin sonunda İmişlidəki kolxoz bazarını özəlləşdirmək qərarına gəlmişdi, lakin təkbaşına bu prosesi başa çatdıra bilməmişdi. O ərəfədə qardaşım Mirzəağa bir neçə günlüyə Moskvadan rayona qonaq gəlmişdi. Bibimiz oğlu Əziz də problemini onunla bölüşmüşdü. Moskvada yaşayan iş adamı və Azərbaycan diasporunun fəal üzvü olan Mirzəağa İmişlidəki qohumları ilə heç vaxt əlaqəni kəsməyib, ona müraciət edən hər kəsə kömək edib. Onun Bakıda da geniş əlaqələri olub”. Bibisi oğlunun imkanını və əlaqələrini bildiyi üçün Əziz Mirzəağadan rayon bazarını özəlləşdirməyə və onunla bərabərhüquqlu, gəlirli biznes qurmağa kömək etməyi xahiş edib. Uzun tərəddüddən sonra Mirzəağa razılaşıb. Amma bircə şərtə – özü daim Moskvada yaşadığı üçün bazarı Əziz idarə etməli, həm də qohumlar üçün yeni iş yerləri təşkil etməli imiş. Şərt qəbul olunub və 1999-cu ilin sonlarında İmişlidəki bazar Mirzəağanın köməyi və pulu hesabına özəlləşdirilib. “Mirzəağa bazarı Əzizin adına rəsmiləşdirdi və ona həmin çətin illərdə heç kimin çörəyə möhtac qalmaması üçün qohum-əqrəbanı işə götürməyi tövsiyə etdi, – Sənan xatırlayır. – O, Əzizi Bakıdakı dostları ilə də tanış etdi, bundan sonra onunla ortaqlıq şərtlərini rəsmiləşdirmədən Rusiyaya getdi. Çünki əmin idi ki, yaxın qohumlar hər şeyi sənədsiz də həll edə bilərlər”.

Amma sonradan məlum olub ki, bu, səhv imiş və Mirzəağa həmin səhvin ciddiliyini bir neçə ildən sonra anlayıb. Əziz əvvəlcə razılaşdırıldığı kimi bir neçə qohumunu, o cümlədən Mirzəağanın kiçik qardaşı Sənanı işə götürüb. Lakin Əziz onlara işlərinin müqabilində pul vermirmiş. Vaxt keçdikcə o, qohumları ilə münasibətini də kobudlaşdırmağa başlayıb. Nəticədə, bir neçə aydan sonra Sənan da digər qohumları kimi özünə başqa iş tapıb. Onların bazardakı yerlərini isə təbii ki, buna görə pul ödəyən və yeni sahibin hər istəyini yerinə yetirməyə hazır olan insanlar tutub. Üstəlik, Əzizin biznesi Moskvadakı bibisi oğlunun tanış etdiyi adamların sayəsində yüksəlməyə başlayıb.
İllər keçdikcə Əzizin bazar biznesi də ciddi şəkildə çiçəklənməyə başlayır. Buna baxmayaraq, Əziz Mirzəağaya şikayət edirmiş ki, gəlirləri o qədər az və qeyri-sabitdir ki, bu vəsaiti iş ortağı ilə bölüşə bilmir. Sonda isə ümumiyyətlə onunla danışmaqdan və özəlləşdirmə prosesində bibisi oğlunun köməyini etiraf etməkdən imtina edib. Əziz Quliyev onu müflis olmaqdan xilas edən və ciddi sahibkara çevrilməsində birbaşa iştirakı olan bibisi oğluna belə təşəkkür edib.

Hələ də Azərbaycana qayıda bilməyən Mirzəağa Uğurliyevin versiyasını bizə qardaşı Sənan danışdı. Onun sözlərinə görə, bu gün ancaq böyük qardaşının müdafiəsinə qalxdığına görə təhdidlərlə üzləşir. Amma Sənan təhdidlərdən qorxmur. O, çox güclü, onurğasında düşmən gülləsi gəzdirən Birinci Qarabağ müharibəsi əlilidir. Özünə əlillik təyin etdirmək və müvafiq müavinət almaq üçün barmağını belə tərpətməyən bir insandır. “Döyüşə könüllü kimi getmişəm, qərarıma görə məsuliyyəti də özüm daşımalıyam, – Sənan deyir. – Dövləti niyə yükləməliyəm?” Görünür ki, Uğurliyevlər ailəsi rəsmi “kağızlar” toplamağı sevmir. Ancaq, təəssüf ki, onlarsız yaşamaq bəzən çox çətin olur. Buna görə də, Sənan otuz ildir onurğasında güllə ilə gəzir, əlilliyi qeydiyyata alınmayıb. Aydındır ki, hər ötən il bunu etdirmək daha da çətinləşəcək. “Böyük qardaşım Mirzəağa da bibisi oğluna inanıb. Bibioğlu isə yaxın qohumunu o qədər məkrli şəkildə aldadıb ki, düşmənə belə arzu etməzsən – Sənan deyir. – İndi onun lazımi “kağızları” yoxdur, çünki vaxtilə Əzizin sözünə inanaraq, onları tərtib etməyib. Amma məsələ ondadır ki, quru sözü işə tikmək mümkün deyil. Bununla belə, İmişli rayonunda çoxları işin necə olduğunu bilir, bu da məni böyük qardaşımın müdafiəsinə qalxmağa sövq edib…”

Quliyevin qohumlarını necə aldatmasını həqiqətən rayonda bilirlər. Amma Uğurliyevlərdən narazılıq hələ də var – axı zamanında məhz onlar Quliyevi müdafiə ediblər, bazarın özəlləşdirilməsində, lazımi əlaqələr qurulmasında, biznesini inkişaf etdirməsində kömək ediblər… Sənan imişlililərin tələbini haqlı sayır. Onun sözlərinə görə, Əziz Quliyev o dərəcədə dəyişib ki, heç kimi saya almır. Çox yüksək vəzifəli bir məmurdan dəstək almış Əziz nə istəsə, onu da edir. Mirzəağa bir dəfə telefon danışığında Əzizə başa salmaq istəyib ki, özünü sonsuza qədər orta əsrlərdə yaşayan feodal kimi apara bilməz, prezident Əliyevin qanunları və islahatları köhnə nizamı dəyişib. Uğurliyevlər çox xoşagəlməz və qeyri-müəyyən bir vəziyyətə düşüblər. Qardaşlar bir tərəfdən pullarını və bir-birini görmək imkanını itiriblər, digər tərəfdən isə həmyerliləri onlardan bazara olan hüquqlarının bərpa etməyi tələb edirlər. Bu zaman müvafiq sənədlərin olmaması İmişli sakinlərini narahat etmir – onlarla adam istənilən məhkəmədə əlində rəsmi sənədləri olan Əziz Quliyevə qarşı ifadə verməyə hazırdır. Amma Sənan bundan sonra necə olacağını bilmir. Çünki dövlət orqanlarına və kütləvi informasiya vasitələrinə ilk şikayətindən sonra ona qarşı işlədiyi yerdə təzyiqlər başlayıb və o, buna görə “növbəti məzuniyyətə” getməyə məcbur olub. Sənan bu müddət bitdikdən sonra nə baş verəcəyini bilmir və işdən çıxarılacağını da istisna etmir – bibisi oğlunun təzyiqi ilə həmişə səbəb tapmaq mümkündür. Onun sözlərinə görə, Əziz Quliyev nəinki onların hamısını işsiz qoymaqla, hətta həbsxanaya atdırmaqla hədələyir. Buna inanmamaq çətindir. Sənanın ərizəsi əsasında İmişli kolxoz bazarına şikayətin mahiyyətini araşdırmaq üçün gəlmiş jurnalistlərə qarşı bazarın mühafizəçələri kobud münasibət göstərməkdən çəkinməyiblər. Uğurliyev qardaşları və onları ədaləti bərpa etməyə çağıran həmyerlilərinin Əziz Quliyevlə illərdir davam edən mübahisəsinin necə bitəcəyini yəqin ki, zaman göstərəcək. Mirzəağa vətənində ona qarşı mümkün təxribatlara baxmayaraq, Azərbaycana gəlməyi və bibisi oğlu ilə uzun sürən mübahisəni hüquq müstəvisində çözməyi düşünür. //azinforum.az//

Tovuz rayonu,Vahidli kənd sakini Şəhid və Qarabağ veteranı anası Həsənova Ceyran Məhəmməd qızı Azərbaycan Respublikasının prezidenti İlham Əliyev cənablarına,media orqanlarının rəhbərlərinə müraciət edib.

Şəhid və Qarabağ veteranı anası tərəfindən Faktinfo.az saytının elektron poçtuna göndərilən müraciətdə deyilir:

Cənab prezident!

Hörmətli Media orqanlarının rərbərləri!

Yazıb bildirirəm ki,Kənd Təsərrüfatı nazirliyi Nazirlər Kbinetinin 1994-cü il,15 yanvar tarixli,10 saylı qərarını tam əsassız sayır,şəhid və Qarabağ veteranı ailəsinin haqqını tapdalayır. Belə ki, öz təhsil, təcrübə və biliyi ilə seçilən alim-aqronom olan oğlum Həsənov Naməddin Tofiq oğlunu İnam Kərimovun rüşvətxor bandası qəsdən işdən azad etdirib,özləri də hazırda meydan sulayırlar.

Qeyd edim ki,ailə tərkibimiz altı nəfərdən ibarət olmaqla,ailədə uç azyaşlı uşaq və xəstə,daimi müalicəyə ehtiyacı olan şəhid və veteran anası var. Artıq kommunal xərcləri ödəyə bilmirik,çünki ailədə işləyən tək oğlum idi,onu da 18 aydır qanunsuz olaraq işdən azad ediblər.Dəfələrlə ölkə vətəndaşlığından imtina etmişik. Qanunsuzluqların və özbaşınalıqların tuğyan etdiyi Kənd Təsərrüfatı nazirliyində bizi eşidən yoxdur. Bu nazirlik nəinki vətəndaşın tələbini,hətta prezidentin və Baş nazirin qərarlarını belə əhəmiyyətsiz hesab edir.

Onu da vurğulamaq yerinə düşər ki,Kənd Təsərrüfatı nazirliyi yanında Aqrar Xidmətlər Agentliyinin, Laboratoriya,Ekspertiza və Sertifikatlaşdırma Mərkəzinin direktoru,ixtisasca neftçi olan Rəşad Vahabzadə sabiq millət vəkili Cümşüd Nuriyevin də dediyi kimi milyardlarla dövlət vəsaitini mənimsəyib.Belə ki, Dövlət Sort Sınaq Məntəqələrinə ayrılmış subsidiyalar və ümumiyyətlə bu sahələrə ayrılan cəmi vəsaitlər Rəşad Vahabzadənin Bakı şəhəri,Nərimanov rayonu, Nəcəf Nərimanov küçəsi 7A ünvanında,asfaltın üstündə yerləşən saxta fermer kartına köçürülmüş və mənimsənilmişdir. Bu saxtakarlığı isə hələ də araşdıran tapılmır. Hər şey saxta olaraq kağız və asfaltın üzərindədir.

Bundan əlavə Lənkəran DSSM-dən feyxoa məhsulu, Zaqatala DSSM-dən qoz,fındıq məhsulu, Kürdəmir DSSM-dən buğda məhsulu, Ağdam DSSM-dən isə 70 ton buğda məhsulu Kamaz maşınlara yüklənərək Rəşad Vahabzadənin istədiyi yerə aparılmışdır. Oradan isə satılaraq həmin məhsulların pulu Rəşad Vahabzadə tərəfindən "udulmuşdur".

İndi isə Rəşad Vahabzadə həmin Dövlət Sort Sınaq Məntəqələrinin işçilərini məcbur edir ki, məhsulun olmaması barədə saxta akt tərtib edərək yeyintini gizlətsinlər.Hamıya isə yaxşı məlumdur ki, Dövlət Sort Sınaq Məntəqələri Kənd Təsərrüfatında mühüm əhəmiyyət kəsb edən bir sahə olduğuna görə həmin Məntəqələrə Respublikanın ən keyfiyyətli torpaqları ayrılmışdır və orada məhsulun olmaması qeyri-mümkündür.

Onu da bildirim ki, Rəşad Vahabzadə respublika üzrə torpaq və toxum analizləri üçün ödənilmiş bütün vəsaitləri də mənimsəmişdir.Analiz pullarından əvvəl isə analizlər üçün reaktivlər və kimyəvi maddələr alınarkən özünə yaxın olan MMC-lərlə işbirliyi quraraq külli miqdarda dövlət vəsaitini də mənimsəmişdir.

Toxum və torpaq analizləri üçün respublika üzrə vətəndaşlardan ödənilmiş pullar milyonlarla manat təşkil edir. Yenə də kənd təsərrüfatından anlayışı olmayan Rəşad Vahabzadə yeni bir kəşfə əl atıb və külli miqdarda dövlət vəsaitini talayıb.Belə ki, dünyanın heç bir yerində səpindən sonra torpaq analizi aparılmadığı halda Rəşad Vahabzadə taxılın kollanma, boru və hətta sünbül fazasında torpaq analizləri apartdırmışdır.Həmçinin,Rəşad Vahabzadə respublika üzrə tabeçiliyində olan bütün təşkilatların dəftərxana xərclərini, maşın və texnikalara ayrılan təmir pullarını da özü basıb yeyib,heç bir təşkilata nə bir vərəq kağız, nə ehtiyat hissəsi, nə də bir manat da olsa pul verilməyib.

HÖRMƏTLİ CƏNAB PREZİDENT!

Ona görə Sizdən xahiş edirəm ki, mənim Sizə etdiyim 1000-dən artıq şikayətimi şəxsi nəzarətinizə götürərək, milyonlarla dövlət vəsaitini mənimsəyən Rəşad Vahabzadə haqqında ciddi tədbir görülməsini təmin etdirəsiniz.Çünki bunu bizdən hüquqi dövlətimiz, onun ali qanunları və Sizin bu sahədə apardığınız uğurlu siyasət tələb edir.

FAKTİNFO.AZ

Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı könüllü gənclər və ekoloqlar tərəfindən Laçın-Xankəndi yolunun Şuşa ərazisindən keçən hissəsində təşkil olunan haqlı etiraz aksiyası 101 gündür davam edir.

Aksiya iştirakçılarının Laçın-Xankəndi yolunda fəallığı müşahidə olunur. İştirakçılar səhər saatlarında hər zaman olduğu kimi, Azərbaycanın Dövlət Himnini səsləndiriblər.

Şuşada hazırda dumanlı və çiskinli hava şəraiti müşahidə olunur. Dünəndən bu gün səhərə qədər fasilələrlə güclü yağış yağıb. Amma bu ekoaksiya iştirakçılarına mane olmur.