Haqqında bəhs edəcəyimiz Sumqayıt Apellyasiya Məhkəməsinin hakimi Şəmsəddin Abasov barəsində yazıya keçməzdən öncə onun keçmişinə bir nəzər salaq. Deməli, Şəmsəddin Abasov 2013-cü ildə Milli Məclisin o zamankı sədri Oqtay Əsədovun qərarı ilə Sumqayıt Apellyasiya Məhkəməsinin hakimi vəzifəsinə təsdiq olunub.
Qərarda deyilir: Azərbaycan Respublikası Konstitusiyasının 95-ci maddəsinin I hissəsinin 10-cu bəndinə, 132-ci maddəsinin II hissəsinə, “Məhkəmələr və hakimlər haqqında” Azərbaycan Respublikası Qanununun 94-cü maddəsinin ikinci hissəsinə, 96-cı maddəsinə və 97-ci maddəsinin ikinci hissəsinə uyğun olaraq, Azərbaycan Respublikası Prezidentinin təqdimatına əsasən Azərbaycan Respublikasının Milli Məclisi qərara alır: 1. Aşağıdakı hakimlər başqa vəzifəyə dəyişdirilərək Sumqayıt Apellyasiya Məhkəməsinin hakimləri təyin edilsinlər:
Abasov Şəmsəddin Rizalı oğlu, Oqtay Əsədov Azərbaycan Respublikası Milli Məclisinin Sədri Bakı şəhəri, 2 iyul 2013-cü il. Buradək yazdıqlarımız rəsmi məlumat.
Deməli, hakim Abasov Şəmsəddin HAKİMLİK adı ilə bağlı bir araya sığmayan əməlləri ilə bağlı mediada çox yazılıb. Məsələn, “Xudat Balıq” ASC-nin sabiq direktoru, iş adamı Güləhməd Güləhmədovun ədliyyə naziri Fikrət Məmmədova ünvanladığı məktubda yazır ki, Şəmsəddin Abasov sahibkarlıq fəaliyyəti ilə məşğul olur və ortaya rəsmi sənədlər qoyur.
Təsəvvür edirsiniz, Açıq Səhmdar Cəmiyyətinin (ASC) ümumi yığıncağının 1 saylı Protokolundan görünür ki, cənab Abasov Şəmsəddin Rizalı oğlu 01 mart 2006-cı il tarixdən bu günə qədər sözügedən Səhmdar Cəmiyyətin Direktorlar Şurasının üzvüdür. “O, bu vəzifəni tutduğuna görə hakim kimi işləyə bilməz. Onun bu fəaliyyəti Azərbaycan Respublikası hakimliyinə ləkədir. Ona görə də, sizdən xahiş edirəm ki, Abasov Şəmsəddin Rizalı oğlu biznes fəaliyəti ilə məşğul olduğundan, onun hakimlik fəaliyyətinə son qoyulsun” –deyə məktubda bildirilir. İş adamı ədliyyə nazirinə belə bir müraciət ünvanlamasının səbəbini isə Şəmsəddin Abasovun ona məxsus təsərrüfatın qeyri-qanuni yollarla başqaları tərəfindən əlindən alınması prosesində birbaşa iştirak etməsi ilə bağlayır.
Belə ki, Güləhməd Güləhmədovun sözlərinə görə, “Xudat Balıq” ASC-nin qanunsuz yollarla ələ keçirilməsində iştirak edən Şəmsəddin Abasov, hazırda Sumqayıt şəhər Apellyasiya Məhkəməsinin hakimi kimi səlahiyyətlərindən və əlaqələrindən istifadə edərək, onun şikayətlərinə qanun çərçivəsində baxılmasına mane olur.
Sözün qısası, hakim Şəmsəddin Abasov barəsində belə faktlar kifayət qədərdir.
Onu da qeyd edək ki, araşdırma zamanı bəlli olur ki, hakim Şəmsəddin Abasov İran əsilli iş adamı Əhəd Purun yaxın dostudur.
Sözün qısası, “Xudat Balıq” ASC məsələsində hakim Şəmsəddin Abasov böyük məbləğdə BONUS alır. İndi isə keçək, qeyri-rəsmi söhbətə. Bəli, Gədəbəyin dağ kəndlərindən birinin nümayəndəsi Nüsrət müəllim deyir ki, Şəmsəddin müəllim əvvəllər Soçi, Minsk, Kiyev xatirələrindən danışardı...diskotekalarda rus xanımlarla LAMBADA oynamağından, özünün də mikrofonu ağzına sarı tutub rus mahnıları oxumağından danışardı...Biz də zarafatla deyırdik ki, sənin nəvə oynadan vaxtındır...
Sözün qısası, Şəmsəddin müəllimin rus xanımlarla diskotekada əylənməsi normaldır. Çünki hər bir insanın istirahət hüququ var.
Bunu qəbul edirik. Amma... Əmması odur ki, Şəmsəddin müəllim bir dəfə ağır məclislərin birində bizə dedi ki, KİŞİ OLMARAM ƏGƏR, BU MƏSƏLƏNİ YOLUNA QOYMASAM... Biz cənab hakimə deyirik ki, sənin kişi olub-olmadığını biz deyə bilmərik, yaxınların sənin kişilik məsələni bizdən yaxşı bilir... Amma Şəmsəddin müəllimə deyirik ki, bu yaxınlarda Gədəbəydən Nüsrət müəllim sənin adına açıq məktub göndərmişdir, biz də oxuduq.
Məktubda yazılmışdı: Babasına məktub yazdı İsgəndər, Saqqalına salam posılka göndər. Yanında siqaret, bir də....yemək, Araq da yadından çıxmasın demək... Bu şer çox uzun-uzadı olsada Şəmsəddin müəllim özü ədəbiyyatı gözəl bilir. Amma...
P.S. Deyirəm, Şəmsəddin müəllim biz tərəfdə belə bir söz var, kişi kimi söz veriləndə, kişi kimi yerinə yetirərlər, Tağı müəllim deməli, daha burcudmazlar. //gundelik-baku.com//

Dövlət Şəhərsalma və Arxitektura Komitəsinin Bakı şəhər Memarlıq və Şəhərsalma Baş İdarəsinə yeni rəis təyin olunub.

Bu vəzifəyə daha əvvəl Bakı şəhər Memarlıq və Şəhərsalma Baş İdarəsini rəisinin müşaviri vəzifəsində işləyən Riyad Qasımov təyinat alıb.

Riyad Qasımov müşavir vəzifəsini də bu ilin yanvar ayından icra edir. Daha əvvəl – 2017-22-ci illərdə "İçərişəhər” Dövlət Tarix-Memarlıq Qoruğu İdarəsinin aparat rəhbəri olub.

1977-ci ildə anaadan olan Riyad Qasımov 2013-2017-ci illərdə İçərişəhər” Dövlət Tarix-Memarlıq Qoruğu İdarəsində Departament rəhbəri olub.
2010-13-cü illərdə isə “Turkapital Holding B.S.C” şirkətinin Azərbaycandakı nümayəndəliyinin direktoru vəzifəsində çalışıb.

2009-10-cu illərdə Küveyt-Azərbaycan İnvestisiya Şirkətində, 2006-2009-cu illərdə isə Azərbaycan İnvestisiya Şirkətində işləyib.

Riyad Qasımov əmək fəaliyyətinə 22 yaşında Azərbaycan Prezidenti yanında Qiymətli Kağızlar üzrə Dövlət Komitəsinin Hüquq şöbəsinin müdiri vəzifəsiylə başlayıb.

2006-cı ildə isə - 29 yaşında İqtisadi İnkişaf Nazirliyinin Hüquq şöbəsinin müdiri təyin olunub.

Yeniavaz.com

Səhiyyə Nazirliyi bayram günlərində düzgün qidalanma ilə bağlı əhaliyə müraciət edib.

Səhiyyə Nazirliyinin mütəxəssis eksperti, qastroenteroloq Emin Məmmədov sağlam qidalanmanın insanların həyat tərzinə çevrilməsinin vacib olduğunu söyləyib.

Onun sözlərinə görə, insanlar bayram günlərində özlərinə nəzarət edə bilmir və qida rejimi pozulur: “Qidalanmanın düzgünlüyü hər kəs üçün individualdır. Hamı üçün eyni sxem yoxdur. Novruz bayramı ərəfəsində hazırlanan şirniyyatlar şəkərlə zəngindir. Şəkərlə zəngin olan qidaların saxlanma müddəti uzun ola bilər, amma düzgün şəraitdə saxlanmalıdır. Qidalar düzgün istifadə olunmalıdır. Bayram süfrəsindəki balıq məhsulları həmin gün istifadə olunmalıdır. Tez xarab olan məhsulların 4-6 saat ərzində qəbulu tövsiyə olunur. Əgər insanlar zəhərlənmədən şübhələnərsə, evdə müalicədən qaçmalı, mütləq həkimə müraciət etməlidir".

Saatlının Nabata kəndin sakini İsməli Güləliyev deyir kəndlərinə gələn suyu İran kəsib. Rəsmi qurumlardan isə bu iddialara cavab almaq olmayıb.

Su problemi təkcə Nabatada deyil, Çolpu və Orta Muğanlı və başqa kəndlərində də yaşanır. Bu səbəbdən kəndlilərin bir qrupu martın 13-də Bakı-Saatlı avtomobil yolunu bağlamağa, bununla problemlərinə diqqət çəkməyə çalışıblar. Nəticədə 3 nəfər polisin atdığı rezin güllə nəticəsində yaralanıb.

Toplum TV-nin əməkdaşı sözügedən kəndlərdə olub. Sakinlər deyir, əkin zamanı kollektor sulardan istifadə etmələri məhsuldarlığı azaldır, normal su almağa isə maddi imkanları çatmır, rəsmilərə etdikləri müraciətlər isə nəticəsiz qalır.

Martın 14-də rayon rəsmiləri sözügedən kəndlərdə olub. Sakinlərin dediklərinə görə, onlardan müsahibə verməməkləri və bir qədər səbrli olmaqları xahiş olunub.
Martın 13-də saxlanılan şəxslərlə bağlı Daxili İşlər Nazirliyindən Toplum TV-yə bildirilib ki, araşdıma gedir. Kənd sakinləri isə 3 nəfərin 200 manat məbləğində cərimə olunduğunu, 2 nəfərin 20, 2 nəfərin isə 15 sutka həbs cəzası aldığını deyiblər.

Toplum TV

Əmək və Əhalinin Sosial Müdafiəsi Nazirliyinə (ƏƏSMN) yeni səlahiyyət verilib.

Prezident İlham Əliyev bununla bağlı Əmək və Əhalinin Sosial Müdafiəsi Nazirliyi haqqında Əsasnamədə dəyişiklik edilməsi barədə fərman imzalayıb.

Fərmana əsasən, Əmək və Əhalinin Sosial Müdafiəsi Nazirliyi fəaliyyət istiqamətlərinə uyğun olaraq, nazirlik sisteminə daxil olan qurumların fəaliyyətini yoxlaya, habelə onların fəaliyyətinə nəzarəti həyata keçirə biləcək.

Dövlət Şəhərsalma və Arxitektura Komitəsinin Bakı şəhər Memarlıq və Şəhərsalma Baş İdarəsinə yeni rəis təyin olunub.

Sözügedən vəzifə Riyad Qasımova həvalə edilib.

O, bu təyinata qədər Komitədə və "İçərişəhər" Dövlət Tarix-Memarlıq Qoruğu İdarəsində aparat rəhbəri olub, yeni vəzifəsinin icrasına martın 1-dən başlayıb.

© "Report"

Azərbaycanda Ali Attestasiya Komissiyası adlı elmi dərəcə satan qurum var. İllərdir elmi dərəcə alveri ilə məşğul olan bu qurumda baş verən rüşvətxorluq olayları cəmiyyəti, xüsusilə elm adamlarını narahat edir. AAK-da rüvvət və korrupsiya tüğyan edir. Quruma hər yeni sədr təyin ediləndə gözlənti o olur ki, burada rüşvət və korrupsiya çarxına son qoyulacaq. Ancaq AAK-a hər yeni gələn sədr özündən əvvəlkinə şükr elətdirir.

Tribunainfo.az xəbər verir ki, məhz bu səbəbdən elm, təhsil adamları mütəmadi olaraq elmi dərəcə alverini rəsmiləşdirən bu qurumun ləğv edilməsini təklif edirlər. Deputat Etibar Əliyev də ictimai dinləmədə AAK-ı lazımsız qurum adlandırıb.
Sitat: “Ali Attestasiya Komissiyası ləğv olunmalıdır. Elmi dərəcələri universitetlərin özləri verməlidir”.

Mövzu ilə bağlı Tribunainfo.az-a açıqlama verən təhsil eksperti Elşən Qafarov bildirib ki, bu gün həqiqətən də elmi dərəcələrin verilməsi, elmi işlərin müdafiəsi ilə bağlı kifayət qədər ciddi problemlər var. Ekspert bildirib ki, Azərbaycanda demək olar ki, elmi araşdırmalar yoxdur:

“Ali Attestasiya Komissiyasının qaydaları fəlsəfə doktoru və ya elmlər doktoru elmi dərəcələrini almaq istəyənlər üçün çox ciddi maneələrdi. Bir yandan da tanışlıq, qohumbazlıq, həmçinin plagiatlıq kütləvi hal alıb. Elmi işlərin yazılması ilə bağlı vəziyyət o yerdədir ki, sosial şəbəkələrdə açıq şəkildə elanlar var. Konkret olaraq elanlar var ki, hansı elmi iş neçə manata yazılır. Düzdür, mən AAK-nın ləğv olunması fikrini absurd hesab edirəm. Ancaq bu qurumun fəaliyyətini optimallaşdırmaq olar və bu optimallaşdırma həqiqətən də elmi araşdırma aparmış olan, alimlik adına layiq olan şəxslərin seçilməsinə gətirib çıxara bilər. Müəyyən sadə işlər görmək lazımdır. Qurumun adı yox elmi dərəcələrin verilmə qaydası dəyişdirilməlidir. Arzu olunan odur ki, Ali Attestasiya Komissiyasının fəaliyyəti şəffaf şəkildə qurulmalıdır. Əgər doğurdan da elmi işlərin başqaları tərəfindən yazılması yoxdursa, bəs bu elanlar nədir? Bundan başqa, konkret faktlar var ki, elmi rəhbər olan baba nəvəsi üçün, ata qızı üçün, gəlini üçün elmi dərəcə hədiyyə edir. Elmi adların alınması üçün süni maneələr var ki, onlar aradan qaldırılmalıdır”.

Xatırladaq ki, AAK-da elmi adların verilməsində alimlərin qarşısına minimum 20 min manat tələb qoyulub. AAK sədri müzakirə edilmiş elmi işləri dəfələrlə təkrar müzakirələrə cəlb edir, çarəsiz qalan əksər gənc alimlər və araşdırmaçılar dəfələrlə müzakirə edilmiş işləri əllərində qalır.
Vicdanlı professorlardan olan İdris Abbasov mətbuata verdiyi açıqlamada AAK-dakı vəziyyəti qısaca bekə təsvir edir:
“Dəhlizlərdə vicdanlı alimlər, gənc araşdırmacılar əllərində işləri müdafiəsini, ona verilən rəyi gözləyir. Bu gözlənti aylarla, illərlə davam edir. Ancaq qızına, gəlininə toy hədiyyəsi kimi elmi ad, elmi dərəcə alıb hədiyyə vermək istəyənlər heç o dəhlizlərdə ayaq da döymürlər. Bu cür evdar “alimlər” də elmi dərəcələrinin qiyməti ilə öyünürlər. 20 min manatlıq elmi ad, 30 min manatlıq elmi dərəcə…
Uzun illərdən bəri ömrünü elmə həsr etmiş, min əziyyətlə dissertasiya yazıb müdafiə etmək istəyənlərin qarşısında AAK rəhbəri F.Mustafayev Çin səddi çəkib”. //Tribunainfo.az//

Adətən “Karqo Şəmil”dən söhbət düşən kimi media əhli ilk öncə onun Ramiz Mehdiyevin nəvəsinin toyunda “Şalakomo” oynamasından bəhs edirlər. “Karqo”nun bu millət, cəmiyyət və dövlət qarşısında elə cinayət əməlləri var ki, vallahi, Ramiz Mehdiyevin nəvəsinin toyu “toya getməlidir”. Təsəvvür edirsiniz, KARQO-dur, QARQA-dır nədir...bu adam Çindən və diğər ölkələrdən keyfiyyətsiz məhsulları, tikinti avadanlıqlarını, üzlükləri, çardaq örtüklərini, sair keyfiyyətsiz inşaat materialalrını daşıyıb Azərbaycana gətirir və milyonlar qazanır.
İndi iraq olsun zəlzələ-filan olarsa, Karqo Şəmilin gətirdiyi inşaat materialları ilə tikilən binaların, onun altında qalan insanların vəziyyətini təsəvvür edin...
İndi gördünüzmü, “Ramiz Mehdiyevin toyu” toya getməlidir..?
Ona görə də biz Karqonun hansı toyda hansı havanı oynamasından çox bu yaramazın millətimizə, iqtisadiyyatımıza TOY TUTMASINDAN bəhs edirik.
Təsəvvür edirsiniz, Karqo Şəmilin 100-dən artıq saxta şirkəti var. Deməli, xarici ölkələrdən adına milyonlarla məhsul gələn saxta şirkətlər vergidən yayınır, daha sonra həmin şirkətlər ləğv edilərək, iz itirilir. Və proses yenidən başlayır.
İndi özünüz Karqo Şəmilin Azərbaycanın dövlət büdcəsinə vurduğu ziyanı, yüz milyonları təsəvvür edin. Bu boyda cinayət əməllərinin sahibi olan kəsin barəsində mətbuatda bircə kəlmə tənqidi yazı gedən kimi KARQO Şəmil tumanını başına keçirib ora-bura üz tutur və ən dəhşətlisi odur ki, Ramiz Mehdiyevin dostu olan bəzi adamların dəstəyi ilə medianı susdururlar.
Biz hələ Karqo Şəmilin ipoteka oyunlarından danışmırıq, onun elə əməlləri var ki, adam açıb-ağartmaq istəmir.
Bəli, ucundan-qulağından deyək, özünüz nəticə çıxardın. Belə ki, Karqo Şəmilin özünün “Cinayət Məcəlləsi”, özünün cəza metodları var, hətta deyirlər gizli...”ağzıbiri” də var. Həə, Karqo Şəmil ona borcu olanları öz metodları ilə məhşər ayağına çəkir, “nakazat” edir, nə bilim başlarına olmazın oyunları açır... Bilirsiniz, bunu harada edir? Badamdarda...
Görəsən, Karqo Şəmildən soruşan yoxdur ki, sən kimsən sivil, demokratik Azərbaycan Respublikasında öz cəza qaydalarını diqtə edirsən..?
Deyəsən, payın çox düşüb... Bəlkə, Ramiz Mehdiyevin təlimatları ilə oturub-durursan..? Amma illər uzunu törədilən bu boyda cinayət əməllərinin bir sonu olmalıdır. Bunu həm ilahi ədalət, həm də dövlətimizin qanunları tələb edir.
Yəqin ki, yaxın zamanda Karqo Şəmilin bütün gizlinləri ortaya çıxacaq və o nəhayət layiq olduğu cəzanı alacaq.
P.S. Əgər Karqo Şəmil həbs olunarsa, onu ən ağır ittihamlar gözləyir. //gundelik-baku.com//

Ramazan ayının təqvimi açıqlanıb.

Qafqaz Müsəlmanları İdarəsinin hazırladığı Ramazan ayının xüsusi təqvimi Bakı və Abşeron şəri vaxt ölçüsünə uyğun tərtib edilib.

Digər bölgələr Ramazan ayının təqvimini ənənəvi namaz vaxtları ilə tənzimləyə bilərlər.

Ramazan ayı martın 23-də başlayacaq. Təqvimə görə, aprelin 21, 22-si Azərbaycanda Ramazan bayramı qeyd ediləcək.

Qədr (Əhya) gecələrinə gəlincə, bu, aprelin 9-u, 11-i, 13-ü və 14-nə təsadüf edəcək.

Ramazan təqvimini təqdim edirik:

Azərbaycan Respublikasının Prezidenti İlham Əliyev Türkiyəyə səfər edəcək.

Ölkə başçısı Türk Dövlətləri Təşkilatının mart ayının 16-da Ankarada keçiriləcək fövqəladə sammitində iştirak edəcək.

Sammitdə iştirak etməsi üçün Türkiyə Prezidenti Rəcəb Tayyib Ərdoğan İlham Əliyevi dəvət edib.

Qeyd edək ki, sammit Azərbaycanın təklifi ilə təşkil olunub və proqramın sonunda dövlət başçıları "Ankara Bəyannaməsi"ni imzalayacaqlar.

TDT-də fövqəladə halların idarə edilməsi, humanitar yardım və təbii fəlakətlər zamanı əməkdaşlığın gücləndirilməsi müzakirə olunacaq.