Ramillaya rüşvət verən direktorun, müəllimin atasına, babasına, ölüsünə, dirisinə ....

Bu gün az qala ölkədə mənfi mənada “ulduza” çevrilmiş Ramella Şaumyan qızı Məmmədova barədə uzun-uzadı məlumat verməyə ehtiyac görmürük. Söhbət 15 yanvar 2016-cı il tarxidən bu günədək Füzuli rayon Təhsil Şöbəsinin müdiri işləyən Ramella Məmmədovanın əməllərindən gedir.
Daha doğrusu, Ramella Məmmədova 125 mindən artıq əhalisi olan Füzuli rayonunda 81 məktəbin təhsil məsələsinə rəhbərlik edir.
Təsəvvür edirsiniz, 81 məktəb, 81 məktəb direktoru, minlərlə müəllim, on minlərlə şagird deməkdir. Ramella Məmmədova hər məktəb direktorundan hər ay...bəlli məbləğdə pul-rüşvət alsa, bu ildə yüz minlər deməkdir.
Biz hələ Ramella Məmmədovanın 81 məktəbdə saxladığı ölü canlardan, mühafizəçi, xadimə adı ilə sənədləşdirdiyi, amma maaşlarını özü aldığı yüzlərlə texniki işçilərdən danışmırıq. Yaxud Ramella Məmmədovanın məktəblərin həyət sahələrini mal-qara üçün örüş yerinə çevirməsindən, şagirdləri sanki tüstüdə boğmasından, dövlətin məktəblərə ayırdığı yüz minlərlə vəsaiti mənimsəməsindən danışmırıq.
Biz hələ Ramella Məmmədovanın sosial şəbəkələrdə şəkilini paylaşaraq “Yanındayam, Türkiyəm” yazmasından danışmırıq. Bu adama deyirik ki, tabeçiliyində olan Füzuli rayonunun şəhid Bəxtiyar Əzimov adına Araz Yağlıvənd kənd orta məktəbi bərbad vəziyyətdədir, müəllimlər haray salıb ki, məktəbin sütünu çatlayıb qırılmış olduğu diqqəti cəlb edir, uçarsa müəllimlər, şagirdlər altında qalacaq. Sən bu şagirdlərin yanında olmalısan, sonra Türkiyənin. Məktəbin təmirinə ayrılan dövlət vəsaitini hara xərcləmisən..?
Bundan danış... Şəhidin adına olan məktəbdə 15 texniki işçi var, onların maaşını kim alır, ay Ramella..?
Biz məktəb direktorlarının banklardan kredit götürərək sənə verməsindən danışımırıq. Məktəb direktorlarına deyirsən ki, məktəblərə yoxlama gəlib ona verməliyəm. Biz 65 yaşı tamam olan müəllimlərlə yenidən əmək müqaviləsi bağlamaq üçün aldıqlarından danışmırıq.
Biz hətta sənin diplomundan, Gəncə DövLəT Universitetinin - ÜMUMİ PEDAQOGİKA KAFEDRASI məktəbində Azərbaycan dili və Ədəbiyyatı müəllimliyi oxumağından danışmırıq. Həə, indi gəldik mətləb üstünə. Ramella Şaumyan qızı.... Atanın adı Şaumyandır, bəs niyə Şaumyan-ovna deyil, Şaumyan-qızı olmusan... Axı, gorbagor Şaumyan hara,---qızı hara..? Şaumyanın qızı...ovna olmalı idi...
Bunu da bir kənara qoyaq... Biz bir media olaraq neçə aydır ki, ardıcıl olaraq yazırıq ki, ali təhsil diplomunu qoy ortaya bu mövzu bağlansın. Sən niyə ali təhsil diplomunu gizlədirsən..? Çünki diplomunu ortaya qoysan, bəlli olacaq ki, sən Şaumyanın qızısan. Amma başqa sənədlərində Şahin qızısan...
Bu necə olur, ay Ramella...? Bilirsənmi, dövlət sənədlərini saxtalaşdıranları, səni Şahin qızı edənləri hansı cəza gözləyir..?
Ramiz Mehdiyevin baldızı oğlu Levonu deyirik ee.... Nə isə, köhnə səhifəyə nöqtə qoyaraq, Ramella barəsində yeni səhifə açırıq...
Deməli, redaksiyamıza daxil olan məlumata görə, Baş Prokuror yanında Korrupsiyaya qarşı Mübarizə İdarəsi Ramella Məmmədovanın son 6 ildəki fəaliyyətini yoxlayır.
Bu məsələ ilə bağlı hətta yaxın zamanda Füzuli Təhsil Şöbəsində iclas keçirilib. Ramella özünə arxayın şəkildə deyib ki, mənim oğlum Azərbaycanda məşhur banklardan birinin rəhbəridir... Ramella Məmmədova, yaxın zamanda Şaumyanın nəvəsinin adını və hansı bankın rəhbəri olduğunu cəmiyyətə bəyan edəcəyik...
Ramella Məmmədova, hər yerdə deyirsən ki, nə qədər ki, Alı Alıyev Füzuli RİH-nin başçısıdır, mən də TŞ-nin müdiri olacam. Ramella Məmmədova iclaslarda deyir ki, hələ 70 yaşımadak TŞ-nin müdiri olacam. Amma Ramella bilməlidir ki, yaxın zamanda Camal müəllim onu əvəz edəcək... Çünki Camal müəllim intellektual qabiliyyəti, millətinə bağlı olmasına, cəmiyyət arasında nüfuzuna görə, Ramellanı geridə qoyar. Və Füzuli camaatı əmindir ki, Ramella Şaumyan qızı ilə zülmətə qərq olan Füzuli təhsili Camal müəllimin təyinatından sonra nura boyana bilər... Və sonda onu da qeyd edək ki, Korrupsiya İdarəsinin apardığı yoxlamadan sonra Ramella Şaumyan qızının həbsi qaçılmaz olacaq.gundelik-baku.com

Martın 14-də Azərbaycan Respublikasının Prezidenti İlham Əliyevin Berlində Almaniya Federativ Respublikasının Prezidenti Frank-Valter Ştaynmayer ilə təkbətək görüşü olub.

Almaniya Prezidenti Frank-Valter Ştaynmayer Azərbaycan Prezidenti İlham Əliyevi qarşıladı.

Dövlət başçıları birgə foto çəkdirdilər.

Prezident İlham Əliyev Fəxri qonaqlar kitabına ürək sözlərini yazdı.

"BP ilə birgə icra etdiyiniz Səngəçal terminalına elektrik enerjisinin verilməsi layihəsi bərpaolunan enerji siyasətimizdən qaynaqlanır. Biz BP ilə razılaşdıq ki, o, Cəbrayıl şəhərində 240 meqavat gücündə günəş enerji stansiyasının tikintisində birbaşa xarici sərmayədar olacaq".

Bu barədə Azərbaycan Respublikasının Prezidenti İlham Əliyev martın 13-də Berlində Almaniyanın aparıcı şirkətlərinin rəhbərləri ilə görüşdə bildirib.

İstehsal olunmuş həmin enerjinin də Azərbaycanın enerji sisteminə daxil ediləcəyini vurğulayan dövlət başçısı bildirib: “Eyni zamanda biz Səngəçal terminalını elektrik enerjisi ilə təmin etmiş olacağıq və onlar qazdan istifadəni dayandıracaq. Həmin qaz boru kəmərinə daxil ediləcək və Avropaya yönləndiriləcək. Bir sözlə, burada üçtərəfli uduşlu vəziyyətdir. Biz 240 meqavatlıq günəş enerji stansiyasını alırıq, BP-nin Səngəçal Terminalı karbonsuz və daha səmərəli qaydada fəaliyyət göstərməyə başlayır və onların istifadə etdiyi qaz Avropaya ixrac olunur. Biz bu layihəni enerji səmərəliliyi baxımından, çox əhəmiyyətli hesab edirik”.

Fövqəladə Hallar Nazirliyinin (FHN) Tibb Xidmətinin Tibb Mərkəzi rəisi, polkovnik Xanım Sofiyevayanın əvvəlki vəzifəsində təyin olunan qadın istefa verib.

Qaynarinfo-nun əldə etdiyi məlumata görə, Xanım Sofiyeva mərkəzin rəisi vəzifəsinə təyinat aldıqdan sonra nazir Kəmaləddin Heydərovun sərəncamı ilə tibb xidməti mayoru Pərvanə Babayeva FHN-in Fövqəladə halların nəticələrinin aradan qaldırılması işinin təşkili Baş İdarəsinin Tibbi və psixoloji yardımın təşkili şöbəsinin rəisi təyin olunub.

7 ay əvvəl bu vəzifəyə təyin olunan tibb xidməti mayoru Pərvanə Babayeva FHN-nin Tibb Xidmətinin Tibb Mərkəzinin rəisi, polkovnik Xanım Sofiyeva ilə aralarında yaranan narazılıq səbəbindən öz xahişi ilə işdən çıxmalı olub.

Qeyd edək ki, Pərvanə Babayeva 17 il FHN-nin Tibb Xidmətinin Tibb Mərkəzində stomatoloq həkim işləyib. İki il əvvəl Gəncə Regional Mərkəzində də həkim kimi çalışıb. Gəncə Regional Mərkəzindəki vəzifəsindən azad olunaraq, Fövqəladə halların nəticələrinin aradan qaldırılması işinin təşkili Baş İdarəsinin Tibbi və psixoloji yardımın təşkili şöbəsinin rəisi vəzifəsinə təyin edilmişdi.

Xatırladaq ki, polkovnik Xanım Sofiyevanın rəhbərlik etdiyi Tibbi Mərkəzi struktura görə FHN-nin Tibb Xidmətinin tabeliyindədir. Buna baxmayaraq, Xanım Sofiyeva rəhbəri olduğu qurumu Xidmətə və onun rəisinə tabe etmir.

Məsələn, bu yaxınlarda Türkiyədə baş vermiş zəlzələdən əziyyət çəkənlərə yardım məqsədilə göndərilən Tibb Mərkəzinin bəzi əməkdaşlarından Tibb Xidməti rəisi, polkovnik Pərviz Vəliyevin ümumiyyətlə xəbəri olmayıb.

Xanım Sofiyeva yaratdığı "iş şəraiti” səbəbindən son bir ildə 30-dan çox həkim və tibb işçisi vəzifəsindən getməli olub.

İddia edilir ki, FHN-də vahid tibb mərkəzi təsdiqləndikdən sonra bu qurumun başına rəhbər gətirilməsi gözlənilən Xanım Sofiyeva ona mane olan bütün işçiləri də vəzifəsindən uzaqlaşdıra bilib. Həmin quruma rəhbər vəzifəsinə namizəd olacağı gözlənilən Tibb Mərkəzinin sabiq rəisi, tibb xidməti polkovniki Kamal Namiq oğlu Əliyev, tibb xidmətinin iqtisadi işlər üzrə rəis müavini, polkovnik Rəfiq Faiq oğlu Mirişli və tibb xidməti mayoru Mirzəyeva Aidə Rəfail qızını da uzaqlaşdırmağı da bacarıb. Hətta iddia edilir ki, FHN-nin Kadr siyasəti Baş İdarəsinin rəisi, general-mayor Sevda Şirinova işdən öz xoşu ilə getməyən zabitləri kabinetinə çağıraraq, məcburi əzirə yazdırır.

Onu da bildirək ki, FHN-nin Tibb Xidməti rəisi, polkovnik Pərviz Vəliyev və müavini Salman Məmmədovun təqaüd yaşından 5 il artıq keçməsinə baxmayaraq, xidməti ili artırılmayıb.

Pərviz Vəliyev milyonluq əmlakları olmasına baxmayaraq, FHN-dən kirayə pulu da aldığına görə sayıtımızda gündəmə gəlib.

Qlobal.az

Son illər Azərbaycanda tikinti şirkətlərinin sayı kəskin azalsa da, onların dələduzluq əməllərindən əziyyət çəkən vətəndaşların sayı azalmayıb.

Çünki hakimiyyətdə, hüquq mühafizə orqanlarında güclü himayəçiləri olan MTK rəhbərləri nə haqqını oğurladıqları vətəndaşların pulunu, əmlakını verir, nə də cinayət məsuliyyətinə cəlb edilirlər.

2000-ci illərin əvvəlindən bu günədək yüzlərlə tikinti şirkəti bir mənzili bir neçə nəfərə satmaqla, vətəndaşların payçı olduqları əmlakı mənimsəməklə, pilot layihələrdə ağılasığmayan digər fırldaqlarla böyük sərvət qazanıblar. Bəzilərinin yolu qısa müddətdə həbsxanadan keçsə də, törətdikləri cinayətlərə görə adekvat cəza almayıblar. Himayəçiləri hələ də güclü olan MTK rəhbərləri isə öz çirkin oyunlarını davam etdirilər.

Təxminən bir ay əvvəl mediada qalmaqallı tikinti maqnatlarından biri, “İnşaat konstruksiyaları” MMC-nin rəhbəri Rauf Əliyevin Korrupsiyaya qarşı Mübarizə Baş İdarəsinin əməkdaşları tərəfindən saxlanlıdğı yazılmışdı. Amma bir həftə sonra onu müəmmalı şəkildə həbsdən azad ediblər, amma illərdir süründürdüyü vətəndaşların problemi həll edilməyib.

Rauf Əliyevin rəhbərlik etdiyi MTK Bakının bir sıra bahalı yerlərində çoxmərtəbəli binalar tikərək satıb. Amma onun layihələrinin heç biri qalmaqalsız, mübahisiz yekunlaşmayıb. Bəziləri ümumiyyətlə öhdəliklərə zidd olaraq istifadəyə verilməyib, çünki mənzillər sahibdən əlavə bir neçə nəfərə satılıb. Məsələn, Nizami rayonu, Mehdi Abbasov küçəsi, 25\38 ünvanında yerləşən komplekslə bağlı qalmaqal mediada dəfələrlə işıqlandırılıb. Belə ki, tikintisi 2017-ci ilin avqustundan başlayan bina layihədə 15 mərtəbli nəzərdə tutulsa da, Rauf Əliyev tikinti normalarını kobud şəkildə pozaraq onu bir qədər “ucaldaraq” 18 mərtəbəyə çatdırıb. “İnşaat Konstruksiyaları” MMC müqavilədə binanı 2019-cu ilin avqustun 8-də təhvil verilməsini öhdəsinə götürüb. Amma bu tarixdən uzun müddət sonra mənzil sahibləri R.Əliyevin qanunsuzluqlarına etiraz edərək MMC-nin qarşısında etiraz aksiyaları keçirirdi. Sakinlər bildiriblər ki, tikinti maqnatı vədlər versə də heç biri özünü doğrultmayıb, üstəlik bir mənzili bir neçə nəfərə sataraq dələduzluq edib. Təəssüf ki, vətəndaşların hüquq mühafizə orqanlarına, yerli icra hakimiyyətinə çoxsaylı müraciətləri də nəticəsiz qalıb. Rauf Əliyevin Yasamal rayonu, Şərifzadə küçəsi, 571-ci məhəllə, ev 33 ünvanında tikintiyi 17 mərtəbəli binada da eyni problemlər yaşanıb. Bu tikinti ona məxsus olduğu bildirilən “Dərəçiçək” MMC tərəfindən həyata keçirilib. Ötən ilin noyabrında yerli mətbuata müraciət edən sakinlər bildiriblər ki, sözgedən binanın tikintisi 2009-cu ildən başlasa da yekunlaşmayıb. Nəticədə yüzlərlə sakin isə evsiz-eşiksiz, ümidsiz vəziyyətdə qalıb, onların hüquq mühafizə orqanlarına, Prezident Administrasiyasına çoxsaylı müraciətləri də cavabsız qalıb. Payçılardan biri mətbuata açıqlamasında deyib ki, 2009-cu ildə “Dərəçiçək” MTK-nın tikdiyi binadan mənzil almaq üçün rəsmi müqavilə bağlayaraq bir dəfə 98 min ABŞ dolları, sonra isə 80 min manat pul köçürüb və bu ödənişləri Rauf Əliyev öz imzası və möhürü ilə təsdiq edib. 13 ildən sonra məlum olub ki, MTK rəhbəri həmin vətəndaşa məxsus mənzilləri başqasına satıb. Bu əməllərə baxmayaraq Rauf Əliyev dövlət tərəfindən dəstəklənən pilot layihələr də yol tapa bilib. Medianın yazdığına görə, ona məxsus şirkət tərəfindən pilot layihələri çərçivəsində Xətai rayonu, Mehdi Mehdizadə küçəsində yerləşən 2 saylı arxitekturalı bina sökülüb. Binada yerləşən 46 mənzilin sakinləri “İnsəşaat Konstruksiyaları” MMC ilə alqı-satqı müqavilələri bağlayaraq evlərini tərk ediblər və kirayə mənzillərə köçürülüblər. Sakinlərə bildirilib ki, onların mənzillərinin yerində “pilot layihə” çərçivəsində yeni 18 mərtəbəli yaşayış binası inşa ediləcək və onlara da həmin binada mənzillər veriləcək. Medianın yazdığına görə hələ 2018-ci ildə “İnşaat Konstruksiyaları” MMC-nin vəzifəli şəxslərinin qanunsuz hərəkətlərlə vəzifə səlahiyyətlərindən sui-istifadə etmələrinə və özbaşına tikinti işləri aparmalarına əsaslı şübhələr müəyyən edildiyindən Cinayət Məcəlləsinin 308.1 (vəzifə səlahiyyətlərindən sui-istifadə) və 222-1.1-ci (özbaşına tikinti işləri aparma) maddələri ilə cinayət işi başlanıb. Amma 5 ildir ki, Rauf Əliyev məsuliyyətə cəlb olunmayıb. Bundan əlavə, məhkəmə sözgedən şirkəti İnzibati Xətalar Məcəlləsinin 192.1-ci (Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə) təqsirli bilərək 20 min manat cərimə edilməsi barədə qərar çıxarıb. Beləliklə, maraqlı sual yaranır, bu qədər qanunsuzluğun, şikayətlərin müqabilində R.Əliyev niyə məsuliyyətə cəlb edilmir?

Etibarlı mənbədən əldə etdiyimiz məlumata görə, MTK rəhbərinin “krışası” keçmiş Baş prokuror Zakir Qaralov olub. Məhz onun dəstəyi ilə aldadılan, haqqı əlindən alınmış sakinlərin şikayətləri nəticəsiz qalıb. Bunun müqabilində R.Əliyev də Qaralova borclu qalmayıb, tikidiyi binlardan ona onlarla mənzil verib. Eyni zamanda Baş prokurorun “tapşırdığı” bir prokurorluq əmədaşına da bahalı mənzil bağışlayıb. Görünür, Z.Qaralov vəzifədən getsə də hakimiyyətin müəyyən dairələrində təsir imkanlarını saxlayır, əks təqdirdə barəsində bu qədər ittihamlar olan MTK rəhbəri niyə azadlıqda olsun ki?! Qeyd edək ki, “İnşaat Konstruksiyaları” MMC-nin intern ünvanı – “inshaat-konstruksiyalari.az” və “Faceook” səhifəsi bir neçə ildir istifadəsizdir.

R.Əliyevlə əlaqə saxlamaq isə mümkün deyil.

İttihamlarla bağlı onun mövqeyini və hüquq mühafizə orqanlarının açıqlamasını dərc etməyə çalışacağıq. //Gununsesi.info//

“Fransa korsikalıları danışmaq hüququndan məhrum edir”.

Bu fikirləri “Report”a Milli Məclisin deputatı Könül Nurullayeva deyib.

Onun sözlərinə görə, Fransa Məhkəməsinin Korsikadakı dövlət müəssisələrində yerli dilin qadağan edilməsilə bağlı qərarı insan hüquqlarının kobud şəkildə pozulmasıdır:

“Çünki korsikalılar fransız deyillər, onlar fərqli dilə, fərqli mədəniyyətə malikdirlər. Fransa dövləti isə Korsikanı koloniya kimi idarə etmək istəyir. Bu qərar Parisin radikal-milliyyətçi simasını ortaya çıxarır və bu, açıq şəkildə Korsikanın seçilmiş nümayəndələrini danışmaq hüququndan məhrum etmək deməkdir”.

“Ümumiyyətlə, Korsika dilinə Fransız dili ilə eyni statusun verilməsi çağırışına görə Fransada siyasi məhbusa çevrilmiş fəallar kifayət qədərdir. Bir neçə ay əvvəl İvan Kolonnanın öldürülməsinə görə iki həftə davam edən kütləvi iğtişaşlarda onlarla insanın xəsarət alması, polisin etirazçılara qarşı güc tətbiq etməsi isə korsikalıların daha kəskin mövqe tutmasına zəmin yaratdı. Fransanın ən yoxsul bölgəsi olan Korsika əhalisi Konstitusiyada Korsika üçün xüsusi yer ayrılması, “Korsika dili”nin ölkə konstitusiyasında rəsmi dil kimi təsbit olunması, yalnız ada sakinlərinin mülk sahibi olmasına icazə verilməsini tələb edir. Rəsmi Paris isə bu tələblərin hər birini sərt şəkildə rədd edir. Fransanın Etnik Azlıqlarla bağlı Konvensiyaya qoşulmaması da bu ölkənin insan hüquqları və demokratik dəyərlərlə öyünməsilə ziddiyyət təşkil edir. Ziddiyyət həm də budur ki, korsikalıları ölkəni parçalamaqda ittiham edən Fransa hakimiyyəti dünyanın bir sıra bölgələrində separatizmə dəstək verir” -, o, vurğulayıb.

Deputat bildirib ki, Fransa Şimali Afrika ölkələrində törətdiyi cinayətlərə görə məsuliyyət daşıyır:

“Əlcəzairin azadlıq mübarizəsi zamanı 1,5 milyon insan qətlə yetirilsə də, Fransa bu rəqəmin 140 min olduğunu iddia edir və müharibə cinayətlərinə görə məsuliyyətdən boyun qaçırır. Müstəmləkə illərində edam edilmiş şəxslərə dair sənədləri də gizlədir. İtkin düşmüş insanların taleyinə aydınlıq gətirilməsi üçün arxivləri açmaqdan yayınır. Afrikada keçirdiyi nüvə sınaqlarının qurbanlarının ailələrinə təzminat ödəməkdən də boyun qaçırır”.

K.Nurullayeva qeyd edib ki, Fransa müstəqillik qazanmış keçmiş koloniyalarının suverenliyinə açıq şəkildə hörmət etmir:

“Təsadüfi deyil ki, son dövlət çevrilişinə qədər Malidə ölkə daxilində uçuşlara fransızlar icazə verirdi. Afrikadakı koloniyalıların təbii sərvətləri uzun müddət amansızcasına Fransa tərəfindən istismar edilib və həmin ölkələrin sərvətləri Fransaya daşınıb. Görünən budur ki, Fransanın neomüstəmləkəçilik siyasəti davam edir. Korsikaya qarşı həyata keçirilən siyasət isə ayrı-seçkilik və beynəlxalq qanunların pozulmasıdır”.

İnstruktor, fizioterapist kimi çalışan Vasim Abdullayev hansı universitetdə və neçənci illərdə təhsil alıb?

Vasim Abdullayevin tibb təhsilinin olmamasını, hətta qeyd olunan universitetlərdə oxumadığını gücləndirən başqa bir amil onunla bağlı Tibb Universitetinə, Turizm və Menecment Universitetinə, Xəzər Universitetinə ünvanladığımız sorğuların bir aydan artıqdır ki, cavablandırılmamasıdır

Bakı şəhəri, Nərimanov rayonu, İsmayıl Hidayətzadə küçəsi 7A ünvanında yerləşən Reflex Reabilitasiya Mərkəzində instruktor, fizioterapist kimi çalışan Vasim Abdullayev adlı şəxsin tibb təhsilinin olmadığına, yəni diplomsuz həkim kimi fəaliyyət göstərdiyinə dair "Hürriyyət"in redaksiyasına məlumat daxil olub.

Nəzərinizə çatdıraq ki, sözügedən mərkəzin saytında - reflex.az-da Vasim Abdullayevin Azərbaycan Tibb Universitetini bitirdiyi qeyd olunsa da, əslində onun Azərbaycan Turizm və Menecment Universitetinin 2-ci kurs tələbəsi olduğuna dair informasiya mövcuddur. Digər məlumatda isə həmin şəxsin Xəzər Universitetinin Tibb Fakültəsini bitirdiyi deyilir. Təbii ki, bu, olduqca ciddi və müvafiq qurumların dərhal müdaxiləsini tələb edən məsələdir. Çünki Vasim Abdullayevin doğrudan da tibb təhsili yoxdursa, o zaman onun pasiyent qəbul edib onlara müalicə təyin etməsi "Sağlamlığınız etibarlı əllərdədir!" şüarı ilə fəaliyyət göstərən Reflex Reabilitasiya Mərkəzinə müraciət edən şəxslərin həyatını ciddi təhlükə ilə üz-üzə qoyur. Halbuki, istənilən tibb müəssisəsində həkim kimi işə qəbul zamanı məhz tibbi təhsili təsdiqləyən diplomun olması əsas tələblərdən biri olmalıdır. İnsaf naminə qeyd etmək lazımdır ki, TƏBİB-in ("Tibbi Ərazi Bölmələrini İdarəetmə Birliyi" publik hüquqi şəxs -red.) nəzdində fəaliyyət göstərən tibb müəssisələrində çalışan həkim personalı sahə üzrə diploma malikdirlər. Çünki onların işə qəbul proseduru müvafiq qaydalara əsasən aparılır və bu zaman tibb təhsili olmayan şəxsin həkim kimi fəaliyyətinə icazə verilmir. Elə buna görədir ki, hazırda TƏBİB-in tabeliyindəki tibb ocaqlarında saxta diplomlu və ya ümumiyyətlə, tibb təhsili almayan personala rast gəlmək mümkün deyil. Görünür, Reflex Reabilitasiya Mərkəzi bu cür önəmli məsələyə barmaqarası baxdığından tibb təhsilinin olmadığı iddia edilən, ümumiyyətlə, diplomunun olub-olmamasına dair müxtəlif məlumatlar dolaşan Vasim Abdullayev adlı gəncin mərkəzdə fizioterapist kimi çalışmasına göz yumub.

Yeri gəlmişkən, onu da nəzərinizə çatdıraq ki, redaksiyamıza daxil olan informasiyada Vasim Abdullayevin cəmi-cümlətanı 3 aylıq təbabət kursunu bitirdiyi qeyd olunur. Həmçinin, o da bildirilir ki, Reflex Reabilitasiya Mərkəzinin instruktor, fizioterapisti bundan öncə çalışdığı tibb müəssisəsindən məhz ali tibb təhsilinin olmaması səbəbindən kənarlaşdırılıb. Lakin bir müddət sonra Vasim Abdullayev kim(lər)insə yardımı ilə Reflex Reabilitasiya Mərkəzinin peşəkar həkimi kimi efirlərdə peyda olmağa başlayıb. Halbuki, baza tibb təhsili aldıqdan sonra rezidentura keçərək ixtisas sahibi olmayan əsl həkim belə, konkret hansısa ixtisas üzrə çalışa bilməz. Tibb təhsili olmayan birisi isə ümumiyyətlə, bu sahəyə yaxın durmamalı, hətta özəl tibb müəssisəsində belə, çalışmamalıdır.

Yeri gəlmişkən, məsələ ilə bağlı Vasim Abdullayevə suallar ünvanlayan həmkarımızın onun dialoqunu təqdim edirik:

- Sizin tibbi təhsiliniz varmı?

- Bəli var.

- Sosial şəbəkələrin birində Xəzər Universitetini, digərində isə Mingəçevir Turizm Kollecini bitirdiyinizi qeyd etmisiniz. Bilmək olarmı adıçəkilən universiteti və kolleci neçənci illərdə bitirmisiz?

- Sosial şəbəkələrdə adımdan kimlərinsə profil açmasının məsuliyyətini mən daşımıram.

- Reflex Reabilitasiya Mərkəzinin saytında - reflex.az-da Azərbaycan Tibb Universitetini bitirdiyiniz qeyd olunub. Həmin ali təhsil ocağında hansı illərdə təhsil alıbsınız?

- Saytda texniki səhv olub. Təkcə məndə yox, bir çox həkimlərdə bu səhv olub.

- Ümumiyyətlə, hansı universiteti və neçənci illərdə bitirdiyinizi deyə bilərsiz?

- Xeyr! Şəxsi məlumatlarımı paylaşmıram.

- Bizdə olan məlumata görə, siz hal-hazırda Mingəçevir Turizm Kollecində 2-ci kursda oxuyursuz. Bu, doğrudur?

- Mən sizə cavab vermək məcburiyyətində deyiləm.

Budur, nə qədər qəribə görünsə də, lakin bu gün Reflex Reabilitasiya Mərkəzində instruktor, fizioterapist kimi çalışan Vasim Abdullayev adlı şəxs hansı universitetdə və neçənci illərdə təhsil aldığını bildirməsini şəxsi məlumatlarının paylaşılması kimi dəyərləndirir. Məhz bu mövqeyin özü onunla bağlı verilən məlumatların doğruluğunu təsdiqləyir desək, yəqin ki, yanılmarıq. Vasim Abdullayevin tibb təhsilinin olmamasını, hətta onun yazının əvvəlində qeyd olunan universitetlərdə oxumadığını gücləndirən başqa bir amil isə Reflex Reabilitasiya Mərkəzinin instruktor, fizioterapisti ilə bağlı Azərbaycan Tibb Universitetinə, Azərbaycan Turizm və Menecment Universitetinə, o cümlədən Xəzər Universitetinə ünvanladığımız sorğuların bir aydan artıqdır ki, cavablandırılmamasıdır. Görünür, ya adıçəkilən tibb müəssisələrinin mətbuat xidmətləri normal fəaliyyət göstərmir, ya yetkili şəxslərinin verəcəkləri cavab yoxdur, ya da ortada ÇOX BÖYÜK ƏMMA var. Lakin hər bir halda Reflex Reabilitasiya Mərkəzinin rəhbərliyi tibb təhsili olmayan, diplomsuz şəxsi həkim kimi işə qəbul etdiyi üçün birbaşa məsuliyyət daşıyır.

"Hürriyyət"

Azərbaycanda boş qalan vəzifələrdən biri də “Azərsu” ASC-nin sədri postudur. Qorxmaz Hüseynovun qəfildən istefaya göndərilməsindən sonra bu qurum başsız qalıb.

Yenicag.az xəbər verir ki, 14 il “Azərsu” ASC-yə rəhbərlik edən Q.Hüseynov ölkə başçısı İlham Əliyevin 4 may 2021-ci il tarixli sərəncamı ilə vəzifəsindən azad edilib.

Sözügedən qurumda baş verən qanunsuzluqlar, daxili intriqaların güclənməsi, ən əsası isə sosial narazılığın artması Qorxmaz Hüseynovun “vurulması”nı qaçılmaz etmişdi. Bu həmin vaxt idi ki, mətbuatda “Azərsu” ASC-nin fəaliyyəti ilə bağlı silsilə yazılar dərc olunur, neqativ hallara işıq tutulurdu. Xüsusilə xidmət sahəsindəki yarıtmaz fəaliyyət Q.Hüseynov və komandasının bacarıqsızlığına dair qənaət formalaşdırmışdı. Qeyd edək ki, həmin dövrdə “Azərsu” ASC-yə yönələn ittihamlardan biri də külli miqdarda dövlət əmlakını mənimsənməsi ilə bağlı idi.

Oğuz- Qəbələ su kəməri çəkilərkən büdcə vəsaitlərinin havaya sovrulması ilə bağlı ciddi ittihamlar vardı. Mətbuatın yazdığına görə, kəmərin çəkilişi sırasında qazılan ən azı 100-ə yaxın quyudan su çıxmayıb. Analoji faktların sayının artması “Azərsu” rəhbərliyinin cəzalandırılmasımı zəruri etmişdi.

Qurumdakı neqativ hallar bütövlükdə bir komandanın yarıtmaz fəaliyyətinin nəticəsi olsa da, çanaq bir nəfərin – ASC-nin sədri Qorxmaz Hüseynovun başında çartlamışdı.

Maraqlıdır ki, Qorxmaz Hüseynovun vəzifəsini itirməsindən 2 ilə yaxın vaxt keçməsinə baxmayaraq, hələ də onun yerinə təyinat olmayıb. “Azərsu” ASC-nin məsul əməkdaşlarından biri bizimlə söhbət zamanı bunu qurumda aparılan yoxlamalarla əlaqələndirib. Onun sözlərinə görə, ötən 22 ay ərzində həm Maliyyə Nazirliyi, həm də Hesablama Palatası “Azərsu”yun fəaliyyətini hərtərəfli təftiş edib. Yoxlamalar zamanı bir sıra qanun pozuntuları aşkarlansa da, Q.Hüseynov onları yerindəcə “bağlamağa” müvəffəq olub.

Mənbə deyib ki, Qorxmaz Hüseynovun fəaliyyəti bununla məhdudlaşmır. O, 2021-ci ilin mayında vəzifədən getməsinə rəğmən, “Azərsu”nu yenə əvvəlki qaydada idarə edir. Amma indi mərkəzi aparatdan deyil, evdən işləyir.

Müsahibimizin dediyinə görə, hazırda “Azərsu”da qeyri-rəsmi idarəçilik Qorxmaz Hüseynov tərəfindən həyata keçirilir. Bütün təyinatlar onunla razılaşdırılır, daxili sərəncamlar onun xeyir-duası ilə imzalanır. Buna səbəb 14 il ərzində yaratdığı komandanın olduğu kimi yerində qalmasıdır. Yəni Q.Hüseynov vəzifədən çıxsa da, kadrları yenə iş başındadır. Onlar yenə keçmiş sədrə hesabat verir, onun göstərişlərinə uyğun işləyirlər.

Daha bir maraqlı fakt isə odur ki, Q.Hüseynovdan çəkindiyi üçün keçmiş müavinlərindən, o cümlədən ASC-nin digər məsul şəxlərindən heç kim cəsarət edib “Azərsu” sədri olmaq istəmir. Hamı müxtəlif yollarla bu müzakirələrdən yayınır. Hətta Q.Hüseynovun yenidən öz postuna qayıdacağına inanalar da var.

Qeyd edək ki, “Azərsu” daxilində hökm sürən bu qeyri-müəyyənlik qurumun fəaliyyətinə mənfi təsir göstərməkdədir. Əhali arasında “Azərsu”un fəaliyyəti ilə bağlı narazılığın artması ilk növbədə bu amillə bağlıdır. Görünən odur ki, yeni sədr təyinatına kimi qurum daxilindəki xaos davam edəcək.

Yenicag.az

“Mayıl Məmmədovun bu və digər qanunsuzluqlarına Əməliyyat şöbəsinin rəisi Azər Əliyev, həmçinin Rejim şöbəsinin rəisi Rəhim Babayev köməklik göstərir”.
Bu sözləri, Penitersiar Xidmətin 11 saylı Cəzaçəkmə Müəssisəsində cəza çəkən 1-ci qrup əlil məhkum Səmədov Əli Azər oğlu ailə üzvləri vasitəsilə ölkə rəhbərliyinə və aidiyyəti orqanlara etdiyi müraciətində yer alıb.
Hazırda Penitersiar Xidmətin Müalicə Müəssisəsində müalicə alan məhkum, 1-ci qrup əlil Əli Səbədov müalicə müəssisəsində üzləşdiyi özbaşınalıqlardan, dözülməz işgəncələrdən, müəssisə rəisi Mayıl Məmmədovun, Əməliyyat işləri üzrə müavini Azər Əliyevin, həmçinin Rejim şöbəsinin rəisi Rəhim Babayevin özbaşına və qanunsuz əməlləridən yazır.
RealMedia.az xəbər verir ki, məhkum Əli Səmədov ölkə başçısına və Baş prokurorluğa ünvanladığı müraciətində müəssisədə dövlətin qoyduğu qayda-qanunlara riayət etməyən müəssisə rəisi Mayıl Məmmədovun xəstə məhkumların üzərində hegemonluq etdiyini, öz haqq və hüquqlarını tələb etmək istəyən məhkumları söyüb təhqir etdiyini, onların şərəf və ləyaqətini qəsdən alçaltdığını və işgəncələr verdiyini qələmə alıb. Hətta Əli Səmədov olduqca ciddi məqama da toxanıb. O, müraciətində müəssisə daxili gizli şəkildə narkotik vasitələrin ticarəti həyata keçirildiyini də xüsusi olaraq qeyd edir. Ki, bu da olduqca ciddi məsələdir. Və hesab edirəm ki, bu müraciət aidiyyəti orqanlara həm də bir mesaj olmalıdır ki, bu da aidiyyəti qurumları müəssisə ilə bağlı hərəkətə gətirməli və ciddi şəkildə araşdırmlar aparmağa məcbur etməlidir.

Bundan başqa müraciət müəllifi yazır: “Mayıl Məmmədovun bütün qanunsuzluqlarına Əməliyyat şöbəsinin rəisi Azər Əliyev, həmçinin Rejim şöbəsinin rəisi Rəhim Babayev köməklik göstərir. Həyətdə inşa edilmiş otaqlar var, hansı ki, rəis Mayıl Məmmədov bu yerləri çox bahalı qiymətlərə imkanlı məhkumlara satır. Müalicə Müəssisəsinin binasında olan təmirli və normal şəraitlə təmin olunmuş otaqları isə rüşvət qarşılığında xəstə məhkumlara verirlər. Lakin mən Mayıl Məmmədova və ya onun rüşvətxor komandasına rüşvət vermədiyinə görə, onlar məni burada soyuq otağa saldılar. Halbuki mən 1-ci qrup əliləm. Səhətimdə ağırlaşmalar olduğu üçün Cəzaçəkmə Müəssisələrindən təcili şəkildə buraya etab edilmişəm. Mayıl Məmmədov digər xəstə məhkumlara etdiyi kimi, mənim də haqqımı qəsb elədi. Artıq bir neçə gündür ki, Müalicə Müəssisəsindəyəm. Baxımsızlıq ücbatından vəziyyətim daha da pisləşib”.

Sonda isə məhkum Əli Səmədov mətbuat vasitəsilə Prezident İlham Əliyevdən, Baş Prokuror Kamran Əliyevdən və Dövlət Təhlükəsizliyi Xidmətinin rəisi Əli Nağıyevdən Penitersiar Xidmətin Müalicə Müəssisəsində geniş və növbədənkənar obyektiv yoxlamalar aparılmasını, bununla yanaşı, onun təhlükəsizliyinin təmin etmələrini, xəstə və çarəsiz məhkumlara edilən haqsızlıqlara son qoyulmasını, Mayıl Məmmədov və onun hegomon heyətinə layiqli cəzanın verilməsi ümidi ilə xahiş edir.

P.S. Azərbaycan hüquqi bir dövlətdir. Hər bir vətəndaşın hüquq və azadlıqları qanunla qorunur. Ola bisin ki, Əli Səmədov törətdiyi hansısa bir cinayətə görə məhkum həyatı yaşayır. Ancaq bu ona dəlalət etmir ki, ona və digər məhkumlara qarşı Çəzaçəkmə müəssisələrində onlara qarşı ikinci bir cəsa üsulu seçilməli, onlar söyülüb təhqir olunmalı və işgəncələrə məruz qalmalıdırlar. Heç bir halda buna yol verilmir və verilə də bilməz. Kimliyindən, tutduğu vəzifəsindən, daşıdığı rütbəsindən asılı olmayaraq heç bir halda bunlara yol verilmir. Hər bir halda onlar bir vətəndaşdır və konstitsion hüquqasahibdirlər. Bu məsələnin əsas tərəfi. Məsələnin ikinci bir əsas tərəfi də ondan ibarətdir ki, məhkumlarında öz hüquqları mövcuddur ki, təssüflər olsun ki, onlar bu hüquqdan istifadə edə bilmirlər. Umumiyyətlə, bu hüquq onlara izah olunmur.

RealMedia.az