"Nazir gücü çatanlara tas qoydu, çatmayanlara göz yumdu, Bakı məhv olur..."

DİA.AZ gundemxeber.az-a istinadla xəbər verir ki, bu barədə jurnalist Məğrur Salmanov məlumat verib:

"Yadınızdadırsa, nazir təzə gələndə özünə əl qatdı ki, ekologiya zəhərlənir. Ekologiyanı zəhərləyən şadlıq sarayları, restoranlar cərimələnəcək. Xüsusi avadanlıq alınması tələbi qoyuldu.

Həmin aparat vasitəsi ilə guya tüstünü mayeyə çevrirəcəkdilər. Avadanlığın qiyməti isə 100 min manat civarında idi. Üstündən 1-2 il keçdi, ortada iş yoxdur. Saat axşam 6-dan sonra Bakı kababxanaya dönür.

Deyilənə görə, gücü çatan restoranlara tas qoydular, çatmayanlar da göz yumdular..."

Bənəniyar kənd sakini 1-ci qrup əlil Fatma Piriyeva yazır:
Mən Culfa rayon Bənənyar kəndindənəm. 1-ci qrup əlil Piriyeva Fatma . Mənim oğlum Allahverdiyev Rəfail 2010-cu ildən Naxcıvan daxili qoşunlarında işə qəbul olub müddətdən artıq hərbci kimin işlədiyi dövrdə heç bir qanunzuzluq etməmişdir. bütun xidmətini qayda qanuna uyğun şəkildə xidmət etmişdir. Lakin 2019-cu ildə yeni hərbi hissə komandiri təyin olunmuş Səlim Niftəliyev bir neçə işçini işdən qeyri-qanuni olaraq cıxarmışdır. O cümlədən mənim də oğlumun işdən cıxması barədə göstəriş vermişdir. Oğlum da buna demişdir ki, məni işdən cıxartma, anam ağır xəstədi, atam ağır əməliyat olubdur özümün də 3 körpə uşağım var. Yavlarsa da Səim ipə sapa yatmamışdır qəti şəkildə bildirmişdir ki ya öz ərzənlə işdən cıxarsan, ya da səni maddə ilə cxararam, hec bir yerdə işləyə bilməzsən. Bu da naəlac qalıb ərizəsini yazıb işdən cıxmışdır.
Bildirim ki, ağır işdə olsa 1200 manat maaş alırdı, babat dolanırdıq .
Elə hərşey bundan sonra başladı. Oğlumun işdən cıxmağını mən eşidəndən sonra şəkərim yenmədi, daha da yüksəldi, komaya düşürdüm tez tez . Şəkər öz fəsadlarını göstərdi. Bir ayağımı dizdən yuxarı amputasiya etdilər. Qanqrenadan bir muddət kecəndən sonra şəkər gözlərimi də tutdu. Buna da Səlim Niftəliyev səbəb oldu. Yoldaşım əlildir, özum də əlil arabasına məhkum qaldım .
Bildirim ki Səlim Niftəliyevin müavini Naxcıvan aeroportunun rəisi Mənşurun qardaşıdır. O da qardaşının nifuzundan istifadə edərək Naxçıvanda at oynadır. Oğlumu hərbi hissəyə cağırıb deyir ki, şikayət etmə, etsən də bir xeyir görməyəcəksən.
50 yaxın şikayət ərzəsi yazaq da şikayətimiz təmin olunmur. Xaiş edirəm, mənim də bu şikayətimi ictimailəştirəsiniz. //ovqat.com//

Martın 11-də müdafiə naziri general-polkovnik Zakir Həsənovun rəhbərliyi ilə xidməti müşavirə keçirilib.

Bu barədə Müdafiə Nazirliyindən məlumat verilib.

Müşavirədə nazir müavinləri, qoşun növü komandanları, nazirliyin baş idarə, idarə və xidmət rəisləri, hərbi birlik komandirləri, həmçinin videobağlantı vasitəsilə hərbi birləşmə komandirləri iştirak ediblər.

Əvvəlcə Azərbaycan xalqının Ümummilli Lideri Heydər Əliyevin və torpaqlarımızın azadlığı, ərazi bütövlüyü uğrunda şəhid olan Vətən övladlarının xatirəsi bir dəqiqəlik sükutla yad edilib.

Müdafiə naziri Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin Azərbaycan Ordusu qarşısında qoyduğu vəzifələri müşavirə iştirakçılarına çatdırıb.
Azərbaycan-Ermənistan şərti dövlət sərhədi boyu və Qarabağ iqtisadi rayonundakı əməliyyat şəraiti ətraflı təhlil edilib.

Ordumuzun bölmələri tərəfindən dəfələrlə müşahidə olunan, Ermənistanın Rusiya sülhməramlı kontingentinin müvəqqəti yerləşdiyi Azərbaycanın suveren ərazilərində qalan qeyri-qanuni erməni silahlı birləşmələri üçün hərbi daşımaları və canlı qüvvənin rotasiyasını həyata keçirməsinin yolverilməz olduğu bildirilib.

Müdafiə naziri qeyd edib ki, qarşı tərəfin, o cümlədən qeyri-qanuni erməni silahlı birləşmələrinin fəaliyyətlərinin fasiləsiz müşahidəsi bundan sonra da davam etdirilməlidir. Ordumuz bölgədə süni gərginlik yaratmağa çalışan Ermənistanın ehtimal edilən təhdidlərinə qarşı preventiv tədbirlər görməli və zərurət yarandıqda adekvat cavab verməlidir.
Bildirilib ki, Azərbaycan Ordusu istənilən təxribatın qarşısını almaq üçün qəti zəruri addımlar atacaq.

General-polkovnik Z.Həsənov silahlanmaya yeni qəbul edilən silah və döyüş texnikasının şəxsi heyət tərəfindən öyrənilməsi və döyüş tapşırıqlarının icrası zamanı effektiv tətbiqinə dair konkret tapşırıqlar verib.

Hərbi qulluqçuların peşəkarlığının və bölmələrin döyüş qabiliyyətinin daha da artırılması məqsədilə keçirilən təlimlərin real döyüş şəraitinə uyğun təşkil edilməsinə xüsusi diqqət yetirilməsinin vacibliyi vurğulanıb.

Xidməti-döyüş tapşırıqlarının yerinə yetirilməsi zamanı təhlükəsizlik qaydalarına riayət edilməsi və yanğın əleyhinə zəruri tədbirlərin görülməsinin əhəmiyyəti qeyd olunub.
Novruz bayramı günlərində bölmələrin döyüşə hazırolma vəziyyətinin yüksək səviyyədə saxlanılması, döyüş növbətçiliyinə cəlb edilən şəxsi heyətin sayıqlığının daha da artırılması barədə konkret tapşırıqlar verilib.

Daha sonra Azərbaycan Respublikasında 2023-cü ilin "Heydər Əliyev İli" elan edilməsi haqqında Azərbaycan Respublikası Prezidentinin müvafiq Sərəncamının icrası ilə əlaqədar müdafiə nazirinin təsdiq etdiyi plana əsasən Azərbaycan Ordusunda keçirilən tədbirlər barədə məruzələr dinlənilib, bu istiqamətdə fəaliyyətlərin davam etdirilməsi barədə aidiyyəti vəzifəli şəxslərə göstərişlər verilib.

Müdafiə naziri hərbi qulluqçuların sosial-məişət şəraiti, həmçinin tibbi təminatı ilə bağlı tələblərini müşavirə iştirakçılarına çatdırıb.

Azərbaycan Ordusunda mənəvi-psixoloji vəziyyətin, eləcə də döyüş ruhunun daim yüksək səviyyədə saxlanılmasına dair göstərişlər verən nazir şəxsi heyətə hər zaman diqqət və qayğı ilə yanaşılmasının vacibliyini vurğulayıb.

Sonda azad edilmiş ərazilərdə yerinə yetirilən mühəndis təminatı tədbirlərinin intensivliyinin artırılması barədə aidiyyəti üzrə müvafiq göstərişlər verilib.

Ötən ay Xətai rayon NZS qəsəbəsində yerləşən 194 nömrəli tam orta məktəbdə yerli-yersiz pul yığılması, marker, A4 və sinif otaqları üçün pərdələrin valideynlərdən pul yığılaraq alındığı barəsində "DogruXeber.az" informasiya portalında məlumat yayımlamışdıq.

Hətta, yayımlamadan öncə direktor kürsüsünə oturar-oturmaz elektrik naqillərinin təmiri üçün müəllimlərdən pul tələb etdiyinə görə qalmaqal yaşayan direktor Elnarə Zeynalova ilə telefon əlaqəsi saxlayıb onun da bu barədə fikrini almışdıq.

Təbii ki, Elnarə xanım bunu təkzib edərək, hətta israrla bu barədə Bakı Şəhər Təhsil İdarəsinə məlumat vermeyimizi istəmişdi.
Bəlkə də Elnarə xanım bu israrı ilə bu kimi işlərdə "özbaşına" olmadığını işarə edirdi biz anlamadıq.

Əlqərəz....

Sözümüzün canı budur ki, şikayətçi valideynlər tərəfindən redaksiyamıza təkrar müraciət olundu.

Onlar bildirirlər ki, sadəcə biraz söz-söhbət yaşandı ki, "kim şikayət edib". Amma, ikinci sinif şagirdlərindən pul yığıldı, pərdə alındı. Sadəcə hazırda məktəbdə yoxlamalar var deyə, pərdələr taxılmır. Yoxlamalar bitən kimi pərdələrin taxılacağı deyilib.

Görünür, "Dəyirman öz işindədir"...

Bu da o deməkdir ki, xanım fəaliyyətində "tam sərbəstdir". Nə də olsa bu kimi hallar Elnarə xanımın rəhbərliyi dövründə ilk dəfə deyil və hər dəfə də "qoruyucu mələklərinin əhatəsində" rahatlığı da pozulmur.

Redaksiyamız hər kəsin söz haqqını tanıyır.

DogruXeber.az

Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı könüllü gənclər və ekoloqlar tərəfindən Laçın-Xankəndi yolunun Şuşa ərazisindən keçən hissəsində təşkil olunan etiraz aksiyası 90 gündür davam edir.

Havanın soyuq olmasına baxmayaraq, hazırda aksiya iştirakçılarının Laçın-Xankəndi yolunda fəallığı müşahidə olunur.

İştirakçılar səhər saatlarında Azərbaycanın Dövlət Himnini səsləndiriblər.

Qeyd edək ki, aksiya iştirakçıları Qarabağda faydalı qazıntı yataqlarının qanunsuz istismarının dayandırılması ilə bağlı Azərbaycan, rus və ingilis dillərində mütəmadi olaraq plakatlar qaldırır, "Azərbaycan oyaqdır, sərvətinə dayaqdır!”, “Ekoloji cinayətə son!” və sair şüarlar səsləndirirlər. Aksiya iştirakçıları tələbləri yerinə yetirilənədək etirazlarını davam etdirəcəklərini bildirirlər.

Xatırladaq ki, ötən il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq Azərbaycanın İqtisadiyyat, Ekologiya və Təbii Sərvətlər nazirlikləri, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdirildiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb. Buna etiraz olaraq, azərbaycanlı ekofəallar Şuşa ərazisindən keçən Laçın-Xankəndi yolunda dekabrın 12-dən dinc aksiyaya başlayıblar.