Antalya valisi Ersin Yazıcı güclü fırtına səbəbindən boyu 160 santimetrdən aşağı olan qadınları küçəyə çıxmamağa çağırıb.

Vali bildirib ki, alçaq qadınların sürəti 100 km/saata çatdığı üçün “külək onu sovura bilər”.

"Unikal"

Ötən il pensiyaçılara verilən maddi yardımlar bu ilin əvvəlindən onların pensiyalarına daxil edilərək pensiyaları həmin artımla verilir.

Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən Bakı və Sumqayıt şəhərləri, Abşeron rayonu üzrə yanvar ayının pensiyalarının ödənilməsinə başlanılıb və proses sabah tam yekunlaşacaq.

Yaxın günlərdə respublikamızın digər bölgələri üzrə də pensiyalar, həmçinin güzəştli şərtlərlə pensiya hüququna malik şəxslərin pensiyaları da ödəniləcək.

Ümumi əsaslarla pensiya təyin olunmuş pensiyaçılara ötən il üzrə verilən maddi yardımın (200 manat) hər aya düşən məbləği (16,66 manat) də bu ilin əvvəlindən onların pensiyalarına daxil edilib və yanvar ayının pensiyaları həmin artımlarla birgə ödənilir.

Eyni zamanda, xüsusi şərtlərlə pensiya təyin olunmuş, qulluq stajına görə əlavələr alan pensiyaçılara (pensiyada olan hərbi və xüsusi rütbəli şəxslər, dövlət qulluqçuları və s.) ötən il hər ay pensiyalarının 10 faizi qədər ödənilmiş maddi yardım da artıq bu ayın əvvəlindən onların pensiyası tərkibinə daxil edilib.

Prezident İlham Əliyevin 5 yanvar 2023-cü il tarixli Sərəncamına əsasən, minimum aylıq pensiyanın da 280 manata çatdırılması nəzərdə tutulur və Sərəncamla Nazirlər Kabinetinə bu barədə təkliflərini 10 gün müddətində dövlət başçısına təqdim etmək tapşırılıb.

Həmçinin bütün növ pensiyalar orta aylıq nominal əməkhaqqının ötən il üzrə artımına dair rəsmi statistik göstərici əsasında bu ilin əvvəlindən indeksləşdirilərək artırılacaq. Həmin artım tətbiq edildikdə bu barədə ətraflı məlumat veriləcək.

Azərbaycanda İnsan Hüquqları üzrə müvəkkilin (Ombudsman) maaşı artırılıb.

Bu, Prezident İlham Əliyevin “Azərbaycan Respublikasının İnsan hüquqları üzrə müvəkkili (ombudsman) haqqında” Konstitusiya Qanununda dəyişikliyi təsdiqləməsi ilə mümkün olub.

Dəyişikliyə əsasən, Ombudsmanın 2230 manat müəyyən edilən vəzifə maaşı artırılaraq 3060 manata çatdırılıb.

Bundan əlavə, müvəkkilə aylıq vəzifə maaşının 1,65 misli həcmində vəzifə maaşına əlavə ödəniləcək.

Konstitusiya Qanunu 2023-cü il yanvarın 1-dən qüvvəyə minib.

Salyan rayonunun şəhid Yavər Qafarov adına 8 saylı tam orta məktəbin 1-ci sinif şagirdi Ağalarov Mirəşrəf Ceyhun oğlu dünyasını dəyişib.

"Unikal"ın əldə etdiyi məlumata görə, rayonun Stansiya qəsəbəsindən olan azyaşlı bu gün böyrək çatışmazlığından vəfat edib.

Məlumata görə, 7 yaşlı oğlan uzun müddət bu xəstəlikdən əziyyət çəkib.

Azərbaycan Respublikasının Prezidenti İlham Əliyev bir sıra birinci instansiya məhkəmələri hakimlərinin təyin edilməsi haqqında Sərəncam imzalayıb.

Sərəncama əsasən, “Məhkəmələr və hakimlər haqqında” Azərbaycan Respublikası Qanununun 94-cü və 96-cı maddələrinə uyğun olaraq, hakim vəzifəsinə aşağıdakı namizədlər birinci instansiya məhkəmələrinin hakimləri təyin ediliblər:

ağır cinayətlər məhkəmələri üzrə:

Bakı Ağır Cinayətlər Məhkəməsi

Quliyev Vüqar Elbrus oğlu

Namazov Fərid Arif oğlu

Gəncə Ağır Cinayətlər Məhkəməsi

Məmmədov Abdulla Elşad oğlu

Məmmədzadə Mikayıl Maarif oğlu

Lənkəran Ağır Cinayətlər Məhkəməsi

Məmmədov Neymət Hüsən oğlu

Şəki Ağır Cinayətlər Məhkəməsi

Məmmədov Xaliq Musa oğlu

inzibati məhkəmələr üzrə:

Bakı İnzibati Məhkəməsi

Cəlalov Bəhlul Məmmədcəfər oğlu

Musayeva Ləman Samir qızı

Gəncə İnzibati Məhkəməsi

Əliyeva Gülşən Talıb qızı

Şirvan İnzibati Məhkəməsi

Musayev Şahəli Calal oğlu

kommersiya məhkəmələri üzrə:

Bakı Kommersiya Məhkəməsi

Namazova Günay Rüstəm qızı

Şirvan Kommersiya Məhkəməsi

Abbasov Zaur Vahid oğlu

Bakı şəhərinin rayon məhkəmələri üzrə:

Bakı şəhəri Binəqədi Rayon Məhkəməsi

Bağırov Zamiq Rəşid oğlu

Bakı şəhəri Xətai Rayon Məhkəməsi

Abdullayeva Aynur Aydın qızı

Eyvazova Samirə Əli qızı

Sadıxov Rəfail Adil oğlu

Bakı şəhəri Xəzər Rayon Məhkəməsi

Cəfərzadə İlham Nizami oğlu

Rüstəmov Emin Şahin oğlu

Bakı şəhəri Qaradağ Rayon Məhkəməsi

Aslanova Gülnar Faiq qızı

Bakı şəhəri Nəsimi Rayon Məhkəməsi

Abbasov Nail İbad oğlu

Heydərova Əfsanə Elbrus qızı

Bakı şəhəri Sabunçu Rayon Məhkəməsi

Mirzəliyev Ruslan Əsəd oğlu

Rəcəbova Elnurə Hüseyn qızı

Bakı şəhəri Suraxanı Rayon Məhkəməsi

Kərimov Namiq Həsrət oğlu

Mirzəyeva Firuzə Fuad qızı

Mirzəyeva Ünsüyyət Hacımehdi qızı

Bakı şəhəri Yasamal Rayon Məhkəməsi

Əlizadə Fariz Ariz oğlu

Sultanova Məmmədova Ayşən Ramiz qızı

rayon (şəhər) məhkəmələri üzrə:

Gəncə Şəhər Məhkəməsi

Əlizadə Elxan Novruz oğlu

Fərhadov Fuad Əlirza oğlu

Quba Rayon Məhkəməsi

Babayev Aydın Vahid oğlu

Lənkəran Rayon Məhkəməsi

Pənahov Anar Elman oğlu

Neftçala Rayon Məhkəməsi

Quliyev Samir İdris oğlu

Salyan Rayon Məhkəməsi

Məmmədli Ənnağı Əbdül oğlu

Samux Rayon Məhkəməsi

Kərimova Tərifə Əbülfət qızı

Sumqayıt Şəhər Məhkəməsi

Həxiyeva Şəbnəm Səlim qızı

Quliyev Ramiz Mübariz oğlu

Şəki Rayon Məhkəməsi

Vəliyev Elşən Yaşar oğlu

Şəmkir Rayon Məhkəməsi

Məhəmmədi Həvayət Kəmaləddin qızı

Şirvan Şəhər Məhkəməsi

Mustafayev Ceyhun Mustafa oğlu.

2. Bu Sərəncam imzalandığı gündən qüvvəyə minir.

Bu gün Azərbaycan Prezidenti yanında Əfv Məsələləri Komissiyasının iclası keçirilib.

Toplantıda 120 müraciətə baxılıb.

Komissiyanın növbəti iclası yanvarın 17-ə təyin edilib.

xxx

16:00

Azərbaycan Prezidenti yanında Əfv məsələləri Komissiyasının iclası keçirilir.

Videokonfrans formatından keçirilən iclasda komissiyaya daxil olan müraciətlərə baxılır.

Qeyd edək ki, Novruz bayramı ərəfəsində Əfv sərəncamının imzalanacağı gözlənilir.

Goranboy sakinləri bildirilər ki, Azərbaycan Respublikası Elm və Təhsil Nazirliyi Gəncə – Daşkəsən Regional Təhsil İdarəsinin Goranboy-Naftalan Təhsil sektorunun tabeliyində fəaliyyət göstərən kənd və qəsəbələrdəki tam orta məktəblərdə nəzarət sistemi sözün əsl mənasında çökdürülüb.
Bəs bu kimi məsələlərə səbəb nədir və qarşısının alınması üçün nə kimi tədbirlər görülməlidir? Hansı addımlar atmaq lazımdır?
Fond pulu, summativ pulu, yaxud süpürgə pulu adı altında valideynlərdən müxtəlif ödənişlər alınır. Belə baxanda indiyə kimi heç səs-küy də yayılmayıb. Buna səbəb isə odur ki, valideynlər bir-biri ilə bəhsə girmək xatirinə, “mənim övladım heç kimdən geri qalmasın”- deyərək bununla razılaşıblar. Doğrudur, bəlkə də hansısa valideyndən 5-10 manatın alınması rüşvət kimi görünmür. Biz artıq buna vərdiş etmişik, övladıma daha yaxşı dərs keçirilsin düşüncəsi şirinlik adı ilə bu işləri görürük. İstər attestatların satılması, uşaqların aylığa buraxılması, müəllimlərin üzərinə dərsdənkənar dərnək məşğlələrinin yazılıb pulunun onlardan alınması, yaxud diaqnostik balı az olan müəllimlərə çox dərs verilib pulunun yarısının mənimsənilməsi halları faktdır ki, 90% Goranboy məktəblərində var.
Bu haqda Dünyanınsəsi.Az sayına Goranboy rayon, M. Zeynalov adına Dəliməmmədli şəhər tam orta məktəbində təhsil alan bir qrup şagirdin valideyinləri tərəfindən video-şikayət göndərilib.
Şikayətçi valideyinlər saytımıza göndərmiş olduqları videofaktda qeyd edirlər ki, yeni təyin olunmuş sektor müdiri Xayal Mammadov rəhbərliyi sayəsində övladlarımızdan summativ və digər adlar altında yenə də pullar yığılır.Amma X. Məmmədov bununla Elm və Təhsil Nazirliyinin eləcə də cəmiyyətin digər təbəqələrinin gözlərinə “kül” üfürməkdə davam edir.Amma mətbuat orqanlarına vermiş olduğu müsahiblərdə danışır ki, a4 kağızının anbarda sayı bu qədərdir.Amma sektor müdirinin danışdıqları tam ağ yalan olmaqla tabeçiliyində olan direktorlarla əlbir olaraq özü üçün pul qazanmaqla məşğul olduğu iddia edilir.Əgər belə deyilsə nədən Dəliməmmədli şəhər Mahmud Zeynalov adına tam orta məktəbin direktoru Güntəkin Cəfərovanın pul yığımını dayandıra bilmir?
Pul yığımı direktor Güntəkin Cəfərovanın rəhbərlik etdiyi məktəbin 5 b sinifində baş verdiyi iddia edilir.
Redaksiya olaraq qarşı tərəfin də mövqeyini dərc edə bilərik.
Summativlə bağlı pul yığımının videofaktını təqdim edirik:

Göyçay rayon sakini Yusifov Coşqun Eyvaz oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, “Veysəloğlu” şirkəti onu haqsız yerə işdən uzaqlaşdırıb:

“Mən, Yusifov Coşqun Eyvaz oğlu, 2010-2021-ci illərdə “Veysəloğlu” MMC-də işləmişəm. Üzləşdiyim haqsızlıqları və qanunsuzluqları işlədiyim vaxtlarda dilə gətirdiyim ücün 06.01.2021-ci il tarixdə “ixtisar” adı altında işdən kənarlaşdırıldım. Əmək kitabçamı alarkən məlum oldu ki, ixtisardan əvvəl 12.05.2020-ci ildə məlumatım və razılığım olmadan vəzifəmi dəyişiblər(aşağı salınıb).

Bununla bağlı “Veysəloğlu” MMC-nin rəhbərlərinə və təsisçisi Aydın Talıbova dəfələrlə yazılı müraciət etsəm də, hec bir açıqlama vermir, razılıq ərizəsinin surətini və yeni müqavilənin surətini təqdim etməkdən yayınırlar. Cünki sənədlər saxtalaşdırılıb”.

Qeyd edək ki, məlum iddialarla bağlı “Veysəloğlu” şirkəti ilə əlaqə saxlamaq istəsək də, mümkün olmadı.

Redaksiyadan: Qarşı tərəfin mövqeyinio dərc etməyə hazırıq.

Oğuz rayonunun Tayıflı kəndinin meşələrində qanunsuz ağac qırılması ilə bağlı sosial şəbəkələrdə bir neçə video yayılıb. Qeyd olunur ki, meşədəki qiymətli ağacların soyqırımı aparılır.

Məsələni araşdırmaq və meşələrdəki vəziyyəti yerində görmək üçün əməkdaşlarımız Tayıflı kəndində olublar. Ekologiya və Təbii Sərvətlər Nazirliyinin əməkdaşları ilə birlikdə kəndin meşə dolaylarında haqqında söhbət gedən kəsinti yerlərinə baş çəkiblər.

Sosial şəbəkədə Tayflı meşələrinin qanunsuz qırılması haqda müraciət edənlər elə həmin kəndin sakinləri Müğdət Dursunov və Tapdıq Şirinovdur. Kənddə olduğumuz zaman ilk olaraq hər iki sakinin mobil nömrəsinə zəng edib görüşmək istədik. Amma abonentlər əhatə dairəsində deyildilər.

Əvvəlcə Müğdət Dursunovun yaşadığı ünvana gedib qapısını döyürük, amma bildirirlər ki, ev sahibi evdə deyil.

Tapdıq Şirinovu isə ünvanında tapırıq və yayımladığı görüntü ilə bağlı həqiqəti öz dilindən eşitmək istəyirik:

“Şikayətçi tək mən deyiləm, camaatın hamısı meşədə olan qırıntıdan narahat idi. Müdirə çatdı bu xəbər, işin qarşısını aldı. Məsuliyyətsiz gözətçini işdən azad elədilər. İndi şükür, elə bir yaramazlıq yoxdu”.

Bizimlə həmin qırıntı yerinə baş çəkmək təklifimizdən isə Tapdıq Şirinov xəstə olduğu üçün imtina etdi.

Bundan sonra Ekoogiya və Təbii Sərvətlər Nazirliyinin müvafiq qurumları ilə əlaqə yaradaraq məsələyə münasibət bildirmələrini istədik. Çox keçmədən nazirliyin 6 saylı regional ekologiya idarəsinin, həmçinin Qəbələ Regional Meşə Təsərrüfatı Birliyinin rəhbərliyi Tayıflı kəndinə gəldilər.

Beləcə, ekoloq və meşə təsərrüfatı işçiləri ilə birlikdə meşə qırıntısı aparılan əraziyə yollandıq. 6 saylı Regional Ekologiya İdarəsinin rəisi Akif Məmədovla meşəni gəzib, kəsilən ağacların nişan yerinə baxırıq. İdarə rəisi ərazidə qanunsuz qırıntı aparılmadığını, kəsilən ağacların bir il yarım bundan əvvəl rəsmən bəlləndiyini - işarələndiyini bildirdi:

“Əraziyə baxış keçirilib, dörd gün əvvəl və bu gün də baxış keçirilib, araşdırmalar davam edir. Həmin ərazilər 2022-ci ildə odun tədarükü üçün qırma sahələridir. Möhürlənmiş ağaclardır. Və həmin ağaclar kəsilərək oduncaq kimi məktəblərə, uşaq bağçalarına, hərbi hissələrə, şəhid və qazi ailələrinə göndərilir, pulları ödənmək şərti ilə. Faktiki olaraq bu ərazilərdə qanunsuz qırılma hallarına rast gəlməmişik”.

Öyrənirik ki, yaz və payız aylarında nazirliyin müvafiq idarələrinin əməkdaşları meşə dolaylarına baxış keçirir və inkişafdan dayananları qeyd edir və əhalinin ehtiyacları üçün qırım siyahısına salırlar.

“2021-ci ildə Ekologiya və Təbii Sərvətlər Nazirliyi tərəfindən 37 ağac kəsilməsi üçün işarələnib. Bu ağacların da bioloji inkişafı dayanıb deyə, qeydə alınıb. Əgər biz bu ağacların tam sıradan çıxmasını gözləsək, onlar çürüyəcək və ondan sonra odun kimi də yararsız olacaq. Ona görə də ağacın inkişaf etməməsi dəqiq və vaxtında müəyyən edilməlidir. Bu isə mütəxəssis işidir, hər yoldan keçən bunu anlaya bilməz”.

Müşahidələrimiz zamanı ərazidə xeyli sayda quruyan və çürüməkdə olan yəni, bioloji inkişafdan dayanan ağaclara da təsadüf etdik.

Akif Məmmədov nəzərdən keçirdiyimiz ağacları göstərərək bildirdi ki, yaz aylarında bu sahələr kol-kosdan təmizlənəcək və yerində meşə tingləri salınaraq ərazi yenidən bərpa olunacaq.

Zəruri QEYD: Ekologiya və Təbii Sərvətlər Nazirliyindən dəqiqləşdirdiyimiz məlumatda bildirilir ki, sosial şəbəkədəki şikayətçilərdən biri, Tapdıq Şirinov 2020-ci ilin iyun ayına kimi sözügedən meşə dolayında gözətçi işləyib. Həmin şəxs meşədə yol verdiyi qanunsuz qırıntıya görə Əmək Məcəlləsinin 70-ci maddəsinin “Ç” bəndi ilə meşə gözətçisi vəzifəsindən azad edilib.

Bizim.Media

Xaçmaz rayonu, Gödəkli kənd sakini Daşdəmirov Yaşar Balasoltan oğlu tərəfindən Hurriyyet.az saytının redaksiyasına şikayət məktubu daxil olub. Saytımız vasitəsilə Azərbaycan Respublikasının Baş prakuroru Kamran Əliyevə müraciət edən şikayətçinin məktubunu olduğu kimi dərc edirik:

“Mən, Daşdəmirov Yaşar Balasoltan oğlu, 12.06.1979-cu il tarixində Xaçmaz rayonunun Gödəkli kəndində anadan olmuşam. Anadan olduğum tarixdən həmin kənddə yerləşən atam Daşdəmirov Balasoltan Camaləddin oğluna məxsus 5 otaqlı, ümumi sahəsi 139.8 kvmetr, yaşayış sahəsi isə 81 kvmetr olan evdə qeydiyyatda olmaqla yaşayıram. 2003-cü ildə ailə həyatı qurmuşam və həmin evliliyimizdən 2 övladım vardır.

Bakı şəhərində 2 övladı ilə birlikdə yaşayan bacım Sevil Hacıyeva Xaçmaz rayonunun Gödəkli kəndində yaşayan valdiyenlərimə (atam Daşdəmirov Balasoltan Camaləddin oğlu, anam Daşdəmirova Mariya Arsenyevna qızı) məxsus əmlaklarına sahib çıxmaq məqsədilə, qanunsuz yollarla saxta sənədlər hazırlamaqla və həmin saxta sənədlər əsasında valideynlərimin birinci dərəcəli vərəsəsi olduğum halda, mənim maraqlarım nəzərə alınmadan və razılığım olmadan notarial qaydada atam Balasoltan Daşdəmirov ilə atama məxsus əmlakın ona bağışlanması barədə müqavilə hazırlatdırmışdır. Hətta Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti 5 saylı Xaçmaz Ərazi İdarəsinin əməkdaşları ilə cinayət əlaqəsinə girərək, oradan digər qonşu Çaykənarı kəndində yerləşən mövcud olmayan əmlakın yüklü olmaması barədə arayış almış və həmin arayış əsasında atam ilə birlikdə Qusar rayonuna gedərək, orada notarial qaydada 18 mart 2022-ci il tarixdə mövcud olmayan daşınmaz əmlak barədə bağışlanma müqaviləsi bağlatdırmışdır. Daha sonra isə, həmin müqaviləyə əsasən, AR Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti 5 saylı Xaçmaz Ərazi İdarəsindən Xaçmaz rayonunun Gödəkli kəndində yerləşən mənim və ailə üzvlərimin də, qeydiyyatda olduğumuz evə bizim razılığımız olmadan tam mülkiyyətçi kimi çıxarış almışdır.

Elə buna görə də, Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti 5 saylı Xaçmaz Ərazi İdarəsinin, həm də bu işlə əlaqəsi olan digər təşkilatların və ən əsası isə bütün bu saxtakarlığı həyatı keçirən Sevil Haciyeva barədə qanuni tədbir görməyinizi xahiş edirəm”.

Redaksiyadan: Qarşı tərəfin mövqeyini dərc etməyə hazırıq.