3-cü Ordu Korpusunun komandiri polkovnik Oruc Abdullayevin tabeliyindəki hərbi hissələrin materiallarından istifadə etməklə özünə ferma tikdirdiyi iddia olunur.

DİA.AZ yeniavaz.com-a istinadla xəbər verir ki, bu barədə sosial şəbəkələrdə görüntülər yayılıb.

Videoda danışan şəxs bildirib ki, ərazisində olduğu ferma polkovnik Abdullayevindir və orduya məxsus materiallarla tikilib. O bildirib ki, fermanın tikintisində istifadə olunan bütün taxtalar, metal borular və digər avadanlıqlar hərbi hissələrdən gətirilib.

Fermanı lentə alan şəxs ərazidə Müdafiə Nazirliyinə məxsus qida məhsullarının – yağ, pendir, cem, ət, balıq konservlərinin qutularını da nümayiş etdirib və iddia edib ki, bu qidalardan fermadakı çobanlar istifadə ediblər.

O qeyd edib ki, görüntüləri Müdafiə Nazirliyinə təqdim edəcək:

“Dövlətə məxsus olan nə varsa, Oruc Abdullayev hamısını talayır”.

Qeyd edək ki, videonu “TikTok” sosial şəbəkəsində “rafael151177” adlı istifadəçi paylaşıb.
İddialarla bağlı Müdafiə Nazirliyinə ünvanladığımız sorğuya reaksiya verilmədi.

Azərbaycanda daha bir məktəb direktorunun qeyri-adi görüntüləri yayılıb.

DİA.AZ Lent.az-a istinadla xəbər verir ki, bu barədə görüntülər sosial şəbəkələrdə yayılıb. Bildirilib ki, videosu yayılan şəxs İmişli rayon Məzrəli kənd orta məktəbinin direktoru Əlidursun İsayevdir.

O, "TikTok"erlərdən birinin hərəkətlərinə qeyri-adi reaksiyalar verib. Belə ki, Ə. İsayev yorğan-döşək yığılan çarpayının üzərinə çıxaraq, qəribə hərəkətlər edib. Bu da izləyicilər tərəfindən birmənalı qarşılanmayıb.

Qeyd edək ki, bir neçə gün əvvəl Şərur rayonundakı məktəblərin birinin direktorunun da "TikTok"das videosu yayılmışdı.

Görüntüləri təqdim edirik:

“Yelo bank” yanvar ayında 10 ailənin mənzildən çıxarılması üçün məhkəmələrə müraciət edib. Azərbaycanda banklarla bağlı problemlər bitmək bilmir. Sanki banklar vətəndaşın qəsdinə dayanmış rolunda çıxış edirlər.

Tribunainfo.az olaraq yanvar ayı üzrə araşdırma apararkən məlum oldu ki, yanvar ayı üzrə 200-dən çox məhkəmə çəkişməsi olan “Yelo bank” təkcə bu ayda 20 ailənin evdən çıxarlması üçün müxtəlif məhkəmələrə üz tutub. Bu statistika təkcə yanvar ayı üçün nəzərdə tutulub. Onu da qeyd edək ki, yanvar ayı digər aylardan fərqli olaraq daha az iş günü kimi xaraktezə olunur.

“Yelo bank”ın rəsmi saytında Bank rəhbərliyinin təmtəraqlı şəkilləri və gözəl cümlələrlə bəzədilmiş tərcümeyi halları adamın gözünü qamaşdırır. Ümid edirik ki, onlar ayda aldıqları vəsait hər bir azərbaycanlının xəyallarında arzuladıqları məvacibdir. Maraqlıdır, onlar məvacibin azlığındanmı bankda bu qədər problem yaradırlar? Yəqin ki, sözgüedən bankdan bu sualımıza cavab verən olmayacaq. İstənilən halda, qarşı tərəfin də cavabını işıqlandırmağa hazırıq.

İndi isə məhkəmələrin sıralamasına. Belə ki, həmin ailələrdən biri Məmmədovlar ailəsidir ki, “Yelo Bank” onları evlərindən çıxarmaq istəyir. Suraxanı rayonun hakimi Anar Qasimovun sədrlik etdiyi proses 31 yanvar tarixə təyin olunub.
Növbəti mənzildən çıxarılma isə Novruzovlar ailəsinin bəxtinə düşüb. Belə ki, proses Sumqat şəhər məhkəməsinin hakimi Elmir Hüseynovun sədrliyi ilə 31 yanvar, saat 10:00 təyin edilib.

“Yello bank”ın növbəti “qurbanı” Rəsulovlar ailəsi Sumqayitdandır. Sumqayıt şəhər mərhkəməsinin hakimi Günel Tanrıverdiyevin sədriliyi ilə baş tutacaq mənzildən çıxarma prosesi 27 yanvar tarixinə təyin olunub.

“Yelo bank”ın “Mənzildən çıxarılma” iddiası ilə daha bir prosesə bu dəfə Xəzər rayon məhkəməsinin hakimi Rübabə Qafarova sədrlik edəcək. Məmmədov Niyaməddin əmaləddin oğlunun özünə məxsus evdən çıxarılması üçün “Yelo bank”ın iddiasına 24.01.2023, saat 10:00 da baxılacaq.

“Yelo bank” təkcə paytaxt Bakı ilə kifayətlənmir. Bu dəfə Göyçay rayon məhkəməsinin hakimi İbrahim Fəttahovun sədrliyi ilə keçirilən prosesdə Şirinov Mehman Yusif oğluna məxsus əmlak sözügedən bankın əlinə keçəcək. Məlumat üçün bildirək ki, proses bizə məlum olmayan səbəblərdən dəfələrlə təxirə düşüb.

Bakı Şəhəri Sabunçu Rayon Məhkəməsinin hakimi Adilə Paşayevanın sədrliyi ilə keçiriləcək bir başqa proses də “Yelo bank”la 3 şəxs rasındadır. Bankın “mənzildən şıxarlma” iddasında cavabdehlər Xəlilova Günel, Naqdalıyeva Səyyarə, Hacıquliyeva Səyyarədir. Proses 23.01.2023, saat 11:50-ə təyin olunub.

Bankın daha bir mənzildən çıxarma iddasına Ağayevlər ailəsi tuş gəlib. Sumqayıt Şəhər Məhkəməsinin hakimi Elmir Hüseynovunsədrlik edcəyi proses 13.01.2023-ə təyin edib.

Növbəti “mənzildən çıxarılma” prosesi də eyni şəhərdə eyni hakimin sədirliyi ilə baş tutacaq. Sumqayıt şəhər məhkəməsinin hakimi Elmir Hüseynovun sədirliyi ilə baş tutacaq proses 12.01.2023, saat 10:45-ə təyin edilib. Bu dəfə mənzilindən çıxarlması istənilən Kazımovlar ailəsidir.

Tribunainfo.az

Yanvarın 10-da Azərbaycan Respublikasının Prezidenti İlham Əliyev yerli televiziya kanallarına müsahibəsində bir çox vacib məqamlara toxundu.

O vurğuladı ki, ötən il Azərbaycan üçün bir çox aspektlərdən uğurlu olub. Azərbaycan Ordusunun müdafiə qabiliyyəti daha da gücləndirilmiş, yeni komanda birlikləri yaradılmış, ölkə iqtisadiyyatının dayanıqlı inkişafı təmin edilmiş, şəhid ailələrinə və qazilərə diqqət və qayğı davam etdirilmişdir.

Eyni zamanda ötən il həyata keçirilən uğurlu siyasət nəticəsində ölkəmizin 2020-ci ildə əldə etdiyi qələbənin dünya birliyi tərəfindən qəbul edilməsi istiqamətində həyata keçirilən tədbirlər öz bəhrəsini vermişdir.

Prezident müsahibədə Qərbi azərbaycanlıların doğma yurdlarına qayıtmaları ilə bağlı da çox mühüm mesajlar verdi. Xüsusi olaraq vurğuladı bu insanların öz doğma yurdlarına qayıtmaları onların tam hüququdur və Azərbaycan bunun həyata keçməsi üçün bütün addımları atacaq.

Prezident Qarabağ və Şərqi-Zəngəzurda həyata keçirilən abadlıq və quruculuq işlərinə də geniş toxundu. Bölgə əhalisinin həmin ərazilərə sürətli qayıdışının təmin olunması istiqamətində tədbirlərin uğurla icra olunduğunu xüsusi qeyd etdi.

Ötən il ölkəmiz üçün iqtisadi baxımdan da uğurlu olmuşdur. Ümumi daxili məhsulun 80, xarici ticarətin 50, xarici ticarətin müsbət saldosunun 25 milyard dollar təşkil etməsi, xarici borcun 7 milyard dollardan aşağı olması, minimum əməkhaqqının 15% artırılaraq 345 manata, minimum pensiyanın 16,7 faiz artırılaraq 280 manata çatdırılması, ötən il 1500 şəhid ailəsinin evlə təmin olunması istiqamətində həyata keçirilən tədbirlər ölkəmizin həm də iqtisadi gücünün və qüdrətinin göstəricisidir. Onu da nəzərə almaq lazımdır ki, bütün bu işlər Qarabağ və Zəngəzurda həyata keçirilən abadlıq və quruculuq işləri, ordumuzun müdafiə qabiliyyətinin gücləndirilməsi fonunda həyata keçirilir.

Prezident çıxışında Ermənistana növbəti dəfə ciddi xəbərdarlıq etdi. Bildirdi ki, Ermənistan ötən dövrdə baş verənlərdən ciddi nəticə çıxarmalıdır, Qarabağ erməniləri Azərbaycanın idarəçiliyini qəbul etməlidirlər. Qəbul etmək istəməyənlər isə bu əraziləri tərk edə bilərlər.

Prezident İlham Əliyev ermənilərin Qarabağda törətdikləri cinayətlərə etirazlarını bildirən və Laçın yolunda aksiya keçirən gənclərə də təşəkkürünü bildirdi. Bu etirazların əsas səbəb və məqsədlərinə bir daha toxundu.

Yekunda qeyd etməliyik ki, Prezident İlham Əliyev bütün müsahibələrində olduğu kimi, bu müsahibədə də ölkəmiz üçün xüsusi əhəmiyyət daşıyan bir çox vacib məsələlərə toxundu. Eyni zamanda Ermənistana çox ciddi mesajlar verdi. Ermənistan ciddi nəticə çıxarmalıdır.

Ceyhun Məmmədov,
Milli Məclisin deputatı

Dünyada və Azərbaycanda bir sıra ictimai-siyasi, sosial-iqtisadi hadisələrlə yadda qalan 2022-ci il artıq tarixə qovuşdu. Keçən ilin bir çox problemləri də həll olunmadan yeni 2023-cü ilə adladı. Bildiyimiz kimi, 2023-cü il Azərbaycanda “Heydər Əliyev ili” elan olunub. Bu il mayın 10-da Ümummilli lider Heydər Əliyevin anadan olmasının 100 illiyi qeyd olunacaq. Ona görə də il boyu Ulu Öndərin həyat və dövlət xadimi kimi fəaliyyətinə işıq salınacaq, dahi rəhbərə həsr olunan tədbirlər keçiriləcək. Sözsüz ki, bu sırada Heydər Əliyevin Azərbaycanda hüquqi dövlət quruculuğu istiqamətində gördüyü işlər, apardığı məhkəmə-hüquq islahatları dfa xatırlanacaq, insan hüquq və azadlıqlarının təmin olunmasına necə böyük dəyər verdiyi yada salınacaq. Problemləri 2022-ci ildə həllini tapmayaraq 2023-cü ilə adlamış Cənnətovlar ailəsi də “Heydər Əliyev ili”ndən ədalət gözləyirlər.

Xatırladaq ki, Dövlət Sərhəd Xidmətinin Dövlət Sərhəd Nəzarəti İdarəsində “Heydər Əliyev Beynəlxalq Aeroportu” sərhəd nəzarəti şöbəsinin yük sərhəd nəzarəti bölməsinin nəzarətçisi vəzifəsində gizir rütbəsində xidmət etmiş Alim Cənnətov iki il əvvəl Mirzəyev Şahin Sahib oğlu adlı şəxsin şikayəti əsasında və İdarənin daxili təhlükəsizlik şöbəsinin rəisi Namiq Cəlilovun ona qarşı qərəzli mövqe nümayiş etdirərək təzyiq altında aldığı izahatla formalaşdırdığı mənfi rəy nəticəsində guya “Hərbi vəzifə və hərbi xidmət haqqında” Azərbaycan Respublikası Qanununun 41.0.6-cı maddəsinə (xidməti uyğunsuzluğa görə) müvafiq olaraq vəzifədən azad edilib.

Haqsızlıqla barışmayan Alim Cənnətov Bakı İnzibati Məhkəməsinə müraciət edərək, Dövlət Sərhəd Xidməti rəisinin onun vəzifədən azad olunması və ehtiyata buraxılması barədə 11.03.2021-ci il tarixli 549Ş/H saylı əmrinin ləğv edilməsi, əvvəlki işinə bərpa olunmaqla məcburi iş buraxma dövründə ödənilməli olan əmək haqqının hesablanılaraq ona verilməsinin Dövlət Sərhəd Xidmətinə həvalə olunması barədə qərar çıxarılmasını xahiş etmişdir.

İşin halları Bakı İnzibati Məhkəməsində, daha əvvəl isə istintasq orqanında Rövşən Bayramov adlı müstəntiq tərəfindən araşdırılmış, Alim Cənnətovun xidməti uyğunsuzluq kimi dəyərləndirilə biləcək heç bir nöqsanının olmadığı qənaətinə gəlinmiş və hakim Mehriban Qarayevanın sədrliyi ilə Alim Cənnətovun iddiasının təmin olunması barədə qərar çıxarılmışdır.

Qarşı tərəf qərardan narazı qaldığı üçün Bakı İnzibati Məhkəməsi vasitəsilə Bakı Apellyasiya Məhkəməsinin İnzibati Kollegiyasına apellyasiya şikayəti vermişdi. Lakin Bakı Apellyasiya Məhkəməsinin hakimi Azər Hüseynovun sədrliyi ilə keçən apellyasiya məhkəməsinin qərarı tutarlı əsaslara deyil, yalnız ümumi, mücərrəd mülahizələrə söykənmiş və birinci instansiya məhkəməsinin ədalətli qərarı ləğv edilmişdir.

Xatırladaq ki, “Dəryaz” qəzeti (“Deryaz.az” veb-saytı Alim Cənnətovun valideynlərinin redaksiyamıza müraciətləri əsasında artıq üç dəfə bu mövzuda məqalələr hazırlayaraq oxucularına təqdim etmişdir. Həmin məqalələrdə bu məsələ ilə əlaqədar təfərrüatlar, məhkəmə ədalətsizliyi ilə bağlı məqamlar öz əksini tapmışdır.

Sonuncu dəfə isə Alim Cənnətovun nənəsi – şəhid anası, ahıl yaşlı Rəfiqə Cənnətova redaksiyamıza müraciət edərək fəryadının ictimailəşdirilməsini xahiş etmişdi. Redaksiyamıza növbəti müraciətlərində “Yəqin, Mehriban Qarayeva özü də ana olduğu üçün məni başa düşüb, amma Azər Hüseynova həm ədalət, həm də mərhəmət hissi yad olduğu üçün bizim fəryadımıza biganə yanaşdı, sifarişlə qərar çıxardı” – deyən ailənin üzvləri özlərində belə bir inam bəsləyirlər ki, Ali Məhkəmədə icraatda olan bu məsələ ilə bağlı tezliklə ədalət işartıları özünü göstərəcəkdir: “Əfsuslar olsun ki, Rövşən Bayramov məhkəmədə Namiq Cəlilovun müdafiəçisi kimi çııxış elədi. Bu da haradasa başa düşüləndi – təmsil etdiyi qurumun məhkəmə çəkişməsində uduzmasını istəmirdi. Amma Allahdan qorxmalıydı. Belə çıxdı ki, Bayramov Cəliloviun günahına şərik çıxdı. Apellyasiya məhkəməsinin hakimi Azər Hüseynov haqlı tərəf olan bizi başa düşmədi, amma haqsız olan qarşı tərəfin “dilini yaxşı anladı”. Məhkəmə prosesinin audio-video qeydlərinin də çıxarılıb incələnməsini vəsatətlə tələb etdik, yerinə yetirmədilər. Hakim köməkçilərinin özləri belə məhkəmənin gedişində bütün istiqanlı manera və jesttləri ilə Alim Cənnətovun mövqeyinin haqlı olduğu mesajı verirdilər. Di gəl, son anda onlar da hakim Azər Hüseynovun yekun qərarını təsdiqləməli oldular. Təqaüdə çıxmaq ərəfəsində özünə Dövlət Sərhəd Xidməti kimi düşmən qazanmaq istəməyən Azər Hüseynov isə ədalətin deyil, hüquqpozanın tərəfində durdu. DSX-nı uduzdursaydı, bu, hakimin imicinə, təqaüdünün məbləğinə təsir edəcəkdimi? – deyə bilmərik! Amma bir onu bilirik ki, Allah var, Onun mizan-təırəzisi var, bir də Azər Hüseynovun halal hesab elədiyi təqaüdü salamat canla yeyə bilib-bilməməsi, həmin təqaüdün həkimə-dərmana qismət olub-olmayacağı məsələsi var”.

Hüquqları uğrunda mübarizə aparan Alim Cənnətovla DSX-nin mübahisəsi ilə bağlı Ali Məhkəmənin növbəti iclası fevralın 3-də hakim Rahib Nəbizadənin sədrliyi ilə qiyabi icraat qaydasında keçiriləcək. Əslən Gəncə şəhərindən olan Cənnətovlar vaxtilkəı Gəncə Apellyasiya Məhkəməsində işləmiş Rahib Nəbizadənin haqqında yüksək fikirlər eşitdiklərini, ədalət tərəfdarı olduğunu bildiklərindən, bu dəfə də haqqı müdafiə edəcəyinə ümidlidirlər. Həmçinin Ali Məhkəmənin sədrinə xahişdə bulunurlar ki, məsələni öz yüksək nəzarətinə götürsün və ədalətli qərar çıxarılmasına köməklik göstərsin.

“Dəryaz”

Naxçıvan Muxtar Respublikası Dövlət Şəhərsalma və Arxitektura Komitəsinin sədri vəzifəsindən azad edilib.

APA xəbər verir ki, bununla bağlı Naxçıvan Muxtar Respublikası Ali Məclisi Sədrinin birinci müavini Azər Zeynalov sərəncam imzalayıb.

Sərəncama əsasən, Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndi rəhbər tutularaq Hicran Yaqub oğlu Rüstəmov Dövlət Şəhərsalma və Arxitektura Komitəsinin sədri vəzifəsindən azad olunub.

Xatırladaq ki, H.Rüstəmov 212 milyon 361 min manat dövlət vəsaitinin mənimsənilməsində ittiham edilir.

Qeyd edək ki, bu gün Naxçıvan MR-in maliyyə naziri Rafael Rza oğlu Əliyev də vəzifəsindən azad edilib.

Son illər AMEA rəhbərliyində olan boşluqlar Fizika İnstitutunun keçirdiyi satınalmalarda qanunsuzluqlara daha geniş vüsət verib…

Azərbaycan Milli Elmlər Akademiyasının Fizika İnstitutunun keçirdiyi tenderlərdə maxinasiya halları baş verir.

DİA.AZ Az Fakt.com-a istinadla xəbər verir ki, İnstitutda bu işləri satınalma komissiyasının sədri Xanlar Xanlarov həyata keçirir. Xanlar Xanlarov həm də Fizika İnstititunun baş iqtisadçısıdır.

Son illər AMEA rəhbərliyində olan boşluqlar Fizika İnstitutunun keçirdiyi satınalmalarda qanunsuzluqlara daha geniş vüsət verib.

Kimliyi, mənbəyi bilinməyən, 5 manatlıq MMC-lər institutun fərqli sahələr üzrə keçirdiyi tenderlərdə “qalib” olurlar.

Xanlar Xanlarova bu cür “gecəqondu” MMC-ləri tapıb gətirən isə Rəhman adlı nəvəsinin olduğu iddia edilir.

“Otkad” MMC-lərin “ovçusu” olan Rəhmanın Fizika İnstitutuna gətirdiyi son təşkilatlardan biri “Zəfər 052” Məhdud Məsuliyyətli Cəmiyyəti (VÖEN- 1007513961) olub.

“Zəfər 052” MMC 2022-ci ilin mart ayında qeydiyyata alınıb. MMC-nin rəhbəri Əliyev Cavad Həmdulla oğludur.

Mart ayından bu günədək Fizika İnstitutu ilə “Zəfər 052” MMC-nin arasında 4 satınalma “müqaviləsi” bağlanıb.

Bu müqavilələrin ümumi məbləği 82.771 manat olub.

Əldə etdiyimiz məlumata görə bu tenderlər formal olaraq keçirilib.

Burada əsas məqsəd müqavilədə göstərilən pulları silmək olub.

Fiziki İnstitutundan xəbərə mövqe öyrənə bilmədik.

2022-ci il bir sıra yüksək ranqlı məmurların kreslosunu itirməsi ilə yadda qaldı. Xüsusilə də, Naxçıvan Ali Məclisinin sədri Vasif Talıbov, Dövlət Gömrük Komitəsinin sədri Səfər Mehdiyev və Mədəniyyət naziri Anar Kərimovun adları bu siyahıda daha çox diqqəti cəlb edir.

Bu cür yüksək vəzifəli şəxslərin vəzifədən uzaqlaşdırılmasından sonra, onların yüksək vəzifə tutan qohumları, eləcə də həmin məmurlar tərəfindən vəzifəyə təyin olunmuşların da oxşar aqibəti yaşaması ehtimalları yaranıb.

Təsadüfi deyil ki, Vasif Talıbovun istefasından sonra qardaşı Məhərrəm Talıbov Naxçıvan Muxtar Respublikası prokurorunun müavini, oğlu Seymur Talıbov isə Naxçıvan Dövlət Universitetinin prorektoru vəzifəsini itirdi.

Digər tərəfdən, sosial şəbəkələrdə və bir sıra KİV-də yaxın dövrlərdə vəzifəsini itirə biləcək məmurlarla bağlı da iddialar səsləndirilir.

Bizim.Media 2023-cü ildə istefa verəcəyi ilə bağlı söz-söhbətlərin olduğu məmurları araşdırıb.

Teymur Mehdiyev

PA-nın və AMEA-nın sabiq rəhbəri Ramiz Mehdiyevin oğlu Teymur Mehdiyevin yaxın vaxtlarda istefa verəcəyi ilə bağlı artıq yerli KİV-də məlumatlar dərc olunur. Belə ki, general Teymur Mehdiyev Fövqəladə hallar nazirliyinin müavini vəzifəsini tutur. O, 2014-cü ildə cəmi 38 yaşında general-mayor rütbəsi alıb. T. Mehdiyev elə həmin vaxtdan nazir müavini vəzifəsini icra edir.

Rza Talıbov

Vasif Talıbovun böyük oğlu Rza Talıbov Dövlət Miqrasiya Xidmətində baş idarə rəisi vəzifəsində çalışır. Atasının istefasından sonra onun da oxşar aqibəti yaşayacağı xəbərləri gəlməyə başladı. Mətbuatda gedən son xəbərlərə görə, R. Talıbov dekabrın sonunda məzuniyyətə göndərilib. Onun məzuniyyətinin istefa ilə əvəzlənməsi ehtimalı da böyükdür.

Seymur Talıbov

Vasif Talıbovun digər oğlu Seymur Talıbovla bağlı vəziyyət isə bir qədər fərqlidir. O, Naxçıvan Ali Məclisinin deputatıdır. Qanunvericiliyə əsasən, Talıbov qanunverici hakimiyyətə səsvermə ilə seçildiyi üçün məmur hesab olunmur. Lakin S. Talıbov bu və ya digər səbəbdən deputat mandatından imtina edə, yaxud mandatdan məhrum edilə bilər.

Azər Zeynalov

Azər Zeynalov Naxçıvan Ali Məclisinin sədr müavini vəzifəsindədir. Vasif Talıbovun istefasından sonra onun vəzifəsi də Azər Zeynalov tərəfindən icra edilir. Lakin bu vəziyyətin müvəqqəti olduğu, yaxın dönəmlərdə onun da vəzifəsini itirə biləcəyi ehtimalları səsləndirilir. Onu da qeyd edək ki, A. Zeynalov artıq 17 ildir ki, Ali Məclis sədrinin müavinidir.

Taleh Qaraşov

Lənkəran Rayon İcra Hakimiyyətinin başçısı Taleh Qaraşovun adı ötən il müavini Rasilə Arifqızının törətdiyi qanun pozuntunlarından sonra tez-tez hallanmağa başladı. Belə ki, ötən il R. Arifqızının 9-cu sinif şagirdinə qarşı fiziki zorakılıq hərəkətlərinin edilməsi faktı ilə bağlı Lənkəran rayon prokurorluğunda cinayət işi başlanıldı və məhkəmə tərəfindən təqsirli bilinən sabiq müavin 4 min manat cərimə olundu.

1996-cı ildən bəri 5 fərqli rayonda icra başçısı olan Qaraşovun müavini ilə bağlı qalmaqaldan sonra vəzifəsini itirəcəyi ilə bağlı məlumatlar yayılmağa başladı. Onun yaxın vaxtlarda istefası da mümkün ehtimallardandır.

Dövlət Gömrük Komitəsində bir neçə şəxs

Səfər Mehdiyevin Dövlət Gömrük Komitəsinin sədri vəzifəsindən azad edilməsindən sonra, qurumun bir sıra yüksək ranqlı məmuru da vəzifəsi ilə vidalaşmalı oldu. Bu siyahıda Dövlət Gömrük Komitəsi yanında “Azərterminalkompleks” Birliyinin sabiq direktoru Ehtiram Xəlilov və Əməliyyat-istintaq Baş İdarəsinin sabiq rəisi Məsum Rəsulovun adını qeyd edə bilərik.

Yerli mətbuatda yazılanlara əsaslansaq, DGK-da daha bir neçə məmurun vəzifəsini itirə biləcəyi ehtimalı var. Xüsusilə də, Səfər Mehdiyev tərəfindən yüksək vəzifələrə təyinat alan bir sıra gömrük məmurunun kreslosunu itirəcəyi gözlənilir.
Bizim.Media

Bu gün Azərbaycanın məşhur şahmatçısı, şahmat üzrə üçqat Azərbaycan çempionu Vüqar Həşimovun anım günüdür.

Vüqar Həşimov 24 iyul 1986-cı ildə Bakı şəhərində anadan olub.

O, karyerası ərzində dörd dəfə (2002, 2004, 2006 və 2008-ci illərdə) Şahmat Olimpiadalarında Azərbaycan yığmasının tərkibində çıxış edib. 2009-cu ildə Azərbaycan yığmasının heyətində Avropa Çempionu adını qazanıb.

Vüqar Həşimov 2011-ci ildə Rusiyanın Xanti-Mansiysk şəhərində təşkil olunan Dünya Kubokunda 1/4 final mərhələsində mübarizəni dayandırıb.

Vüqar həmin ilin noyabrında Yunanıstanın Porto Karras şəhərində keçirilmiş komandalar arasında Avropa Çempionatında Azərbaycan yığmasının heyətində yer alıb və 2009-cu ildə qazandıqları çempionluq titulunu qoruya bilməyərək, yarışı gümüş medalla başa vurublar.

Vüqar Həşimov 11 yanvar 2014-cü ildə beyində bədxassəli şişə (xərçəng) görə müalicə olunduğu Almaniyanın Heydelberq klinikasında dünyasını dəyişib. O, həmin il yanvarın 14-də III Fəxri Xiyabanda dəfn edilib.

2014-cü ilin aprel ayında Şəmkirdə mərhum qrossmeysterin xatirəsinə həsr olunmuş beynəlxalq şahmat turniri təşkil edilib.

Növbəti illərdə də bu turnir keçirilməyə davam edib.

2016-cı ildə Bakıda Vüqar Həşimov Şahmat Akademiyası fəaliyyətə başlayıb.

Qeyd edək ki, 2022-ci il dekabrın 23-də Bakıda beynəlxalq qrossmeyster, Azərbaycanın tanınmış şahmatçısı Vüqar Həşimovun xatirəsinə həsr olunan səkkizinci superturnirin təntənəli bağlanış mərasimi olub. Turnirdə 25,5 xalla özbəkistanlı Nodirbek Abdusattorov birinci olub. Vüqar Həşimovun atası, turnirin Təşkilat Komitəsinin sədri Qasım Həşimov kuboku Özbəkistan şahmatçısı Nodirbek Abdusattorova təqdim edib.

44 günlük müharibə Azərbaycanın qələbəsi ilə bitdi.

Şanlı üçrəngli bayrağımız tezliklə işğaldan qurtulan bütün bölgələrdə dalğalanacaq və bir daha enməyəcək.

Amma ölkəmizi coğrafi mənada işğaldan qurtarsaq da, hələ də buralarda “at oynadan”, adamlarımızın cibinə girən, onlardan oğurladığı pulu güllə, mərmi şəklində əsgər və zabitlərimizin, mülki vətəndaşlarımızın başına yağdıran “1xBet” və “Mostbet” kimi şirkətlərin əsarətindən çıxa bilmirik.

Bəlkə də çox sərt yanaşma oldu. Bu yazılar silsiləsini oxuyandan sonra mənim kimi düşünəcəyinizə əminəm.

Əslinə ölkədə qeyri-qanuni fəaliyyət göstərən, onlarla saytda reklamı gedən “1xBet” və “Mostbet” ilə mübarizə aparmaq üçün lazımi qanunvericilik bazası var.

“Bədən tərbiyəsi və idman haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 27 avqust tarixli 147 nömrəli Fərmanında dəyişikliklər edilməsi haqqında Azərbaycan Respublikasının Prezidenti İlham Əliyev cənablarının 2016-cı il oktyabrın 25-də imzaladığı 1086 saylı fərmana diqqət yetirək. Həmin fərmanda deyilir:

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. “Bədən tərbiyəsi və idman haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 27 avqust tarixli 147 nömrəli Fərmanına aşağıdakı məzmunda 4-cü və 5-ci hissələr əlavə edilsin:

“4. Azərbaycan Respublikasının Rabitə və Yüksək Texnologiyalar Nazirliyinə tapşırılsın ki, Azərbaycan Respublikasında idman mərc oyunlarının operatorunun məlumatı əsasında, Azərbaycan Respublikasında idman mərc oyunlarının operatoru ilə müqavilə bağlamadan fəaliyyət göstərən idman mərc oyunlarının həm yerli, həm də xarici virtual satıcılarının internet portallarının və satıcılarının ölkə ərazisində fəaliyyətinin qarşısının alınması üçün zəruri tədbirlər görsün.

5. Azərbaycan Respublikasının Daxili İşlər və Vergilər nazirliklərinə tapşırılsın ki, akkreditasiya olunmadan idman mərc oyunlarının təşkilinə və ya keçirilməsinə qarşı mübarizədə fəaliyyətin əlaqələndirilməsini təmin etsinlər, həmin oyunları qanunsuz təşkil edən və ya keçirən şəxslərin qanunla müəyyən edilmiş qaydada məsuliyyətə cəlb edilməsi və belə halların gələcəkdə baş verməməsi üçün tədbirlər görsünlər”.

Beləliklə, açıq-aydın görünür ki, dövlət başçısı qeyri-qanuni çalışan bukmeker kontorları ilə mübarizəni üç nazirliyə həvalə edib. Rabitə və Yüksək Texnologiyalar Nazirliyi qeyri-qanuni bukmeker kontorlarının saytlarını ölkə ərazisində bloklamalı,

Daxili İşlər və Vergilər nazirlikləri Azərbaycan qanunlarına məhəl qoymayanların məsuliyyətə cəlb olunmasına çalışmalıdı. Aradan ötən müddətdə Rabitə və Yüksək Texnologiyalar Nazirliyi Nəqliyyat, Rabitə və Yüksək Texnologiyalar Nazirliyinə çevrilib,

Vergilər Nazirliyi isə İqtisadiyyat Nazirliyi yanında Dövlət Vergi Xidməti kimi fəaliyyət göstərir.

Təbii ki, bu struktur dəyişikliklərinin məsələnin mahiyyətinə dəxli yoxdu, yəni yuxarıda adı çəkilən iki nazirlik və Dövlət Vergi Xidməti ölkədə yad kontorların başıpozuq fəaliyyətinə görə birbaşa məsuliyyət daşıyır, belələri ilə mübarizə aparmalıdılar.

Bəs aparırlarmı? Bu məqama aydınlıq gətirmək üçün hər üç quruma rəsmi sorğu ilə müraciət etmişik. Vaxt istəyiblər və Prezidentin fərmanı ilə onların üzərinə düşən öhdəlikləri yerinə yetirməklə bağlı gördükləri işləri, bu yöndə planlarını açıqlayacaqlarını bildiriblər.

Düzünə qalsa, şəxsən bizdə dövlət orqanlarının “1xBet” və “Mostbet” kimi bukmeker kontorlarının fəaliyyətini əngəlləməklə bağlı hansısa konkret planlarının olmadığına dair təsəvvür yaranıb.

AZƏRBAYCANREALLIĞI.COM