İranda məhkəmə 1997-2005-ci illərdə ölkənin müdafiə naziri Əli Şəmxaninin keçmiş müşaviri Əlireza Əkbəri barəsində ölüm hökmü çıxarıb.

Məlumata görə, Əkbəri Böyük Britaniyanın xeyrinə casusluqda ittiham olunub. Molla Respublikasının Kəşfiyyat Xidməti onu “İranla bağlı mühüm məlumatları xaricə ötürmək üçün toplayan ən mühüm agentlərindən biri” kimi xarakterizə edib. Bildirilib ki, Əkbərinin İranla bağlı məxfi məlumatlara çıxışı olub və o, həmin məlumatları mütəmadi olaraq “düşmən ölkələrin kəşfiyyat xidmətləri”nə ötürürdü.

İlkin ölüm hökmü çıxarıldıqdan sonra Əkbəri apellyasiya şikayəti verib və onun şikayəti rədd edilib. Məhkəmənin qərarı qüvvədə saxlanılıb.

Artıq Əkbərinin ailə üzvləri son ziyarət üçün həbsxanaya çağırılıb. İddialara görə, o, həm Molla Respublikasının vətəndaşı olmaqla yanaşı, Böyük Britaniya vətəndaşlığını da alıb.

Əkbəri özü ona qarşı irəli sürülən bütün ittihamları rədd edib və onların əsassız olduğunu deyib. Eks-məmur təxminən on ay əvvəl saxlanıldığı və bu müddətdə ona işgəncə verildiyi vurğulanır.

"Laçın yolundan qeyri-qanuni fəaliyyətlər və mina təhdidlərinin davam etməsi üçün istifadə edilir".

Bunu Azərbaycanın xarici işlər naziri Ceyhun Bayramov Səudiyyə Ərəbistanının Şura Məclisində Azərbaycanla parlamentlərarası dostluq qrupunun sədri Faiz Bin Abdulla Əl-Şəhri ilə görüşündə bildirib.

Nazir Laçın yolunda azərbaycanlı fəalların etirazlarının səbəblərini qarşı tərəfin diqqətinə çatdırıb. Bundan əlavə, son 2 ildə Ermənistanın çoxsaylı təxribatları, o cümlədən erməni silahlı qüvvələrini ərazilərimizdən tam çıxarılmaması, Laçın yolundan qeyri-qanuni fəaliyyətlər və mina təhdidlərinin davam etməsi üçün istifadə edilməsi barədə məlumat təqdim edilib.

C.Bayramov həmçinin, Ermənistanın Azərbaycana qarşı təcavüzkar siyasəti, ölkəmizin ərazilərinin 30 ilə yaxın Ermənistan tərəfindən işğalı barədə qarşı tərəfə məlumat verib. Bu xüsusda, Səudiyyə Ərəbistanının 30 il ərzində ölkəmizə dəstəyi məmnunluqla vurğulanıb. Həmçinin Azərbaycanın Ermənistanla sülh sazişinin imzalanması istiqamətində atdığı addımlar və təşəbbüslər, habelə işğaldan azad olunmuş ərazilərimizdə bərpa-quruculuq işləri və həyata keçirilən layihələr barədə qarşı tərəf məlumatlandırılıb.

İslam Əməkdaşlıq Təşkilatının (İƏT) Baş Katibliyi Azərbaycan, Ermənistan və Rusiyanın 10 noyabr 2020-ci il tarixli Üçtərəfli Bəyanatına zidd olaraq Ermənistanın Azərbaycanın Qarabağ bölgəsində, Şuşa-Xankəndi ərazisində təbii sərvətlərin qanunsuz istismarını pisləyir.

Bu barədə təşkilatın bəyanatında bildirilir.

“Faydalı qazıntı yataqlarının ekoloji standartlara lazımi diqqət yetirilmədən işlənilməsi beynəlxalq hüquq və Azərbaycan Respublikasının milli qanunvericiliyinə əsasən qeyri-qanuni olmaqla yanaşı, həm də ciddi və qanuni narahatlıq doğurur. Baş Katiblik bütün mübahisəli məsələləri dialoq yolu ilə həll etməyə çağırır və Azərbaycanın bu istiqamətdə səylərini yüksək qiymətləndirir”, - deyə sənəddə vurğulanır.

Həmçinin, qeyd olunur ki, Baş Katiblik İƏT Xarici İşlər Nazirləri Şurasının 22-23 mart 2022-ci il tarixlərində Pakistan İslam Respublikasının İslamabad şəhərində keçirilmiş 48-ci sessiyasında qəbul etdiyi qətnaməyə istinad edərək, qarşılıqlı tanınma, bir-birinin suverenliyinə, ərazi bütövlüyünə və beynəlxalq səviyyədə tanınmış sərhədlərinə hörmət etməklə Azərbaycan və Ermənistan arasında münasibətlərin daha da normallaşdırılmasına çağırır.

Fransa Futbol Federasiyasının (FFF) rəhbəri vəzifəsindən kənarlaşdırılıb.

FFF İcraiyyə Komitəsi federasiyanın yoxlamasının nəticələri dərc olunana qədər Noel Le Qreni vəzifəsindən uzaqlaşdırmaq qərarına gəlib.

Təşkilatın vitse-prezidenti vəzifəsini icra edən Filip Diallo Fransa Futbol Federasiyasının prezidenti səlahiyyətlərini icra edəcək.

Xatırladaq ki, Le Qre Zinəddin Zidan haqqında dediyi sözlərə görə tənqid olunmuşdu. Həmçinin keçmiş FFF əməkdaşları onu nalayiq davranışda ittiham ediblər.

“Əhalinin sosial rifahının yaxşılaşdırılması sahəsində əlavə tədbirlər haqqında” Azərbaycan Respublikası Prezidentinin Sərəncamına əsasən 2023-cü il yanvarın 1-dən etibarən TƏBİB-in tabeliyindəki tibb müəssisələrində çalışan səhiyyə işçilərinin aylıq vəzifə (tarif) maaşları artırılıb.

Bu barədə qurumdan məlumat verilib.

Bildirilib ki, əməkhaqqı artımı tibbi və qeyri-tibbi personalı əhatə edəcək.

Qeyd edək ki, TƏBİB-in tabeliyindəki tibb müəssisələrində 97 215 işçi çalışır.

Naxçıvan Muxtar Respublikası Ali Məclisinin keçmiş sədri Vasif Talıbov Yeni Azərbaycan Partiyasının İdarə Heyətinin üzvlüyündən də çıxarıla bilər.

DİA.AZ Qaynarinfo-ya istinadla xəbər verir ki, Ali Məclis sədri postundan istefa verəndən sonra hakim partiyanın Naxçıvan MR təşkilatının sədrliyini da itirən Vasif Talıbovun İdarə Heyətində saxlanılacağı inandırıcı görünmür.

Təcrübə göstərir ki, hakimiyyət komandasında uzaqlaşdırılan məmurlar adətən YAP-dan da kənarlaşdırılır. Bu addım xüsusilə, cəmiyyətdə mənfi reputasiyaya malik məmurlarla bağlı atılır. Korrupsiya ittihamı ilə həbs edilən sabiq icra başçıları və digər məmurların YAP-dan çıxarılması buna nümunə ola bilər.

Vasif Talıbov da bu kateqoriyaya aid məmurlardan hesab edilir. Hər halda istefasından dərhal sonra haqqında media orqanlarında tənqidi materialların yer alması onunla bağlı proseslərin hələ davam edəcəyini göstərir.

YAP-dakı mənbələr də hesab edir ki, Vasif Talıbovun artıq hakim partiyanın üst qurumlarında təmsilçiliyi məqsədəuyğun sayılmır. Korrupsiya və müxtəlif qanunsuzluqlarda ittiham edilən, barəsində demək olar ki, hər gün yeni-yeni neqativ faktların dərc olunduğu Vasif Talıbovun YAP-ın rəhbərliyində təmsil olunması hakim partiyanın nüfuzuna xələl gətirə bilər. Ona görədə keçmiş "xan"ın yaxın vaxtlarda YAP-ın İdarə Heyətindən də uzaqlaşdırılacağı gözlənilir. Ehtimal olunur ki, bu, onun "könüllü” istefası ilə baş verəcək.

Gəncə şəhər sakini Nüsrət Məmmədov deyir, oğlu 2 il öncə avtoqəza keçirib. Bundan sonra o yeriməkdə çətinlik çəkir. Əlillik dərəcəsini isə ala bilmir.

Nüsrət Məmmədov deyir, oğluna baxmaq üçün işdən çıxıb, evini satıb. İndi isə sosial vəziyyəti daha da ağırlaşıb, müalicəsini davam etdirə bilmir.

ƏƏSMN-dən isə Toplum TV-nin sorğusuna cavab olaraq bildirilib ki, vətəndaşın ixtisaslaşmış tibb müəssisəsində müalicə müddəti yetərli deyil, müalicəsini davam etdirməlidir. //Toplum TV//

Tovuz rayonu, Vahidli kənd sakini,Şəhid və Qarabağ veteranı anası Həsənova Ceyran Məhəmməd qızı KTN-in Aqrar Xidmətlər Agentliyi və bu qrumun sədr müavini Cəfər Məhərrəmov barəsində Azərbaycan Respublikasının prezidenti İlham Əliyev cənabına müraciət edib.

DİA.AZ bildirir ki, bir nüxsəsi də Faktinfo.az saytına göndərilən müraciətdə deyilir:

Hörmətli cənab prezident!

Ümummilli lider Heydər Əliyev deyirdi ki,cinayətkarın cəzasız qalması dövlətçilik üçün böyük təhlükədir.Mən isə məsuliyyəti üzərimə götürərək deyirəm ki,Kənd Təsərrüfatı nazirliyində baş verən rüşvətxorluq və korrupsiya əməllərinin başında İnam Kərimov və onun komandası durur.

Bu komandanın tərkibində Aparat rəhbəri Rəfail Quliyev, Aqrar Xidmətlər Agentliyinin sədr müavini,kənd təsərrüfatından məlumatı olmayan Cəfər Məhərrəmov və ixtisasca neftçi olan Rəşad Vahabzadə də var.Bunların korrupsiya əməlləri barədə əlimizdə kifayət qədər çox ciddi faktlar var və bu faktları vaxtaşırı olaraq mətbuatda işıqlandırmışıq.Bundan əlavə Baş prokurorluğa və digər hüquq mühafizə orqanlarına məlumat vermişəm.

Onu da qeyd edim ki,dəfələrlə mediada öz savadsızlığı ilə özünü və bütün nazirliyi biabır edən Cəfər Məhərrəmov çıxışları ilə sübut edib ki, bu nazirlikdə bir nəfər də olsa ixtisaslı kadr yoxdur. Onlar kadr korpusunu məhv edərək, əslində nazirliyi korrupsiya və rüşvətxorluq yuvasına ceviriblər. Dəfələrlə Aqrar Xidmətlər Agentliyinin sədr müavini Cəfər Məhərrəmov Nazirlər Kabinetinin 14 yanvar 1994-cü il tarixli, 10 saylı qərarını yersiz sayıb və bizə bildirib ki, şəhidlik statusundan istifadə etməyin.

Bildirirəm ki, Cəfər Məhərrəmovun savadsız çıxışları xalq tərəfindən istehza ilə qarşılanır. Belə ki, o Real TV-də çıxışı zamanı tez yetişən sorta qısa müddətə bara düşən sort adı verib və elmə yeni "termin" gətirib.

Onların etdikləri cinayətlər barədə bir neçə faktı nəzərinizə çatdırıram. Belə ki, 2022-ci ilin dekabr ayında Cəfər Məhərrəmov və Rəşad Vahabzadə rayonlardakı işçilərinə göstəriş verərək 2020-2021-ci illərdə analiz olunmuş torpaq nümunələri üçün vətəndaşlardan ərizə yığdırırlar ki,guya vətəndaşlar özləri xahiş edib ki,onların torpağı analiz olunsun. Bu analizlər isə pulludur. Bu vaxtı keçmiş "əməliyyat" iki ildən sonra məcburi olaraq saxta yolla rəsmiləşdirilir ki,bu da mənimsənilmiş pulların üstünü ört-basdır etmək üçün maxinasiya hesab olunur.

Aqrar Xidmətlər Agentliyinin ixtisasca neftçi olan, Azərbaycan əlifbasını bilməyən əməkdaşı Rəşad Vahabzadə 2021-ci ildə Respublika üzrə bütün toxumluq əkinlərin aprobasiya aktlarında təsərrüfat rəhbərləri üçün nəzərdə tutulmuş sənədlərdəki yerə öz idarəsinin möhürünü vurub.Bu sənədlər toxumçuluqda çox mühüm və ciddi sənəddir və bu sənəd minlərlədir.Aqrar Xidmətlər Agentliyi tərəfindən qanunsuz olaraq işdən çıxarılan,peşəkar mütəxəssis olan oğlum Həsənov Naməddin Tofiq oğlu bununla bağlı şikayət etdikdən sonra, 2022-ci ilin aprobasiya aktlarında Rəşad Vahabzadə həmin təsərrüfat rəhbərlərinin yerinə möhür vurmamışdır.

Rəşad Vahabzadə gec də olsa başa "düşmüşdür" ki, möhür vurduğu yer təsərrüfat rəhbərləri üçün nəzərdə tutulmuşdur.Bu savadsıza izah edirəm ki,əgər təsərrüfat rəhbəri fiziki şəxsdirsə həmin yerə imza atmalı, hüquqi şəxsdirsə öz imza və möhürünü vurmalıdır.Hal-hazırda 2021-ci il və 2022-ci ilin aprobasiya aktları üzləşdirilərsə qeyd etdiyim faktlar öz təsdiqini tapar, çünki həmin sənədlərin hamısı Aqrar Xidmətlər Agentliyindədir.

Beləliklə ,ölkə başçısının etimad və inamını doğrultmayan,korrupsiya yolu ilə Kənd Təsərrüfatını bərbad vəziyyətə salan,Azərbaycanda qiymətlərin yüksəldilməsinə şərait yaradan İnam Kərimov və onun yuxarıda adlarını qeyd etdiyim komandası təcili olaraq qanun qarşısında cavab verməlidir.

Möhtərəm prezident!

Əlimizdə onlarla belə ciddi faktlar var.Həmin faktların araşdırılması aidiyyəti üzrə hüquq mühafizə orqanlarının səlahiyyətlərinə aid olsa da, hələlik heç bir əməli fəaliyyət yoxdur.

Hörmətlə,Şəhid və Qarabağ veteranı anası Həsənova Ceyran Məhəmməd qızı

Prezident İlham Əliyev Azərbaycan Respublikasının Vergi Məcəlləsində dəyişiklik edilməsi haqqında Azərbaycan Respublikasının Qanununu imzalayıb.

Qanuna əsasən, Azərbaycan Respublikasının Vergi Məcəlləsində aşağıdakı dəyişikliklər edilir:

- 30.6.5-ci maddə aşağıdakı redaksiyada verilsin:

“30.6.5. “Sosial sığorta haqqında”, “İşsizlikdən sığorta haqqında”, “Tibbi sığorta haqqında” Azərbaycan Respublikasının qanunlarından irəli gələn vəzifələrin icrası üçün zəruri olan hədlərdə müvafiq icra hakimiyyəti orqanının müəyyən etdiyi orqana (quruma);”.

- 30.6.14-cü maddənin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 30.6.15-ci maddə əlavə edilsin:

“30.6.15. “Antiinhisar fəaliyyəti haqqında” Azərbaycan Respublikası Qanununun 16-cı maddəsinin 1-ci hissəsinin tətbiq edilməsi məqsədləri üçün müvafiq icra hakimiyyəti orqanının müəyyən etdiyi orqana (quruma).”.

Bakının məşhur İdman və Əyləncə Mərkəzi olan “Olimpik Star”da oğurluq hadisəsi baş verib.

Millitv.az bildirir ki, Bakupost.az -a daxil olan məlumata görə, əyləncə mərkəzinin xidmətlərindən istifadə edən bir ailə sürprizlə qarşılaşıb. “Olimpik Star”a daxil olan ailənin azyaşlı üzvlərindən birinin “Uşaq labrinti” adlanan məkanda yeni alınmış bahalı ayaqqabıları oğurlanıb.
Məlumat üçün qeyd edək ki, Mərkəzin daxilində yerləşən “Uşaq labrinti”nin girişində uşaqlara ayaqqabılarını çıxarmaları və müştərilər üçün ayrılmış xüsusi saxlanc yerinə qoymaları tələb olunur.

Ayaqqabıları oğurlanan uşağın valideyni bu qaydadan istifadə edib və bunun üçün “Uşaq labrinti”nə pul ödəyib. Ayaqqabılar işçilərin birbaşa nəzarətində olan və digər istifadəçilər üçün qapalı məkanda xüsusi açıq qutulara qoyulub.

Uşaqlar əyləndikdən sonra ailə “Uşaq labrinti”ni tərk etmək istəyəndə məlum olub ki, ayaqqabı yoxdur.

Mərkəz əməkdaşları ilk əvvəl bu halın təsadüfi olduğunu bildirərək anlaşılmazlığın qısa müddət ərzində aradan qaldırılacağını vəd ediblər. Lakin hadisədən 3-4 gün keçdikdən sonra ailəyə məlumat verilib ki, bu oğurluq məsələsində onlar heç bir məsuliyyət daşımır.
Bundan sonra valideyn kamera görüntüsünü tələb edib, lakin bu da yerinə yetirilməyib.

Daha doğrusu “Olimpik Star”ın rəhbərliyi videogörüntüləri nə ailəyə verir, nə də özləri araşdırma aparır…

Valideyn iddia edir ki, “Olimpik Star”ın bu kimi xoşagəlməz hadisələrin baş verməsində marağı var: “Ya ayaqqabıları öz əməkdaşları oğurlayıb, ya da özlərinə yaxın adamlar aparıblar…

Əks təqdirdə hamıdan çox onlar baş verən bu hadisənin aydınlığa çıxmasında maraqlı olmalı, müştəri məmnuniyyətini təmin etməli idilər. Bunu etmirlərsə, ya işlərini doğru-düzgün bacarmırlar, ya da baş verən oğurluq hadisəsinin bilavasitə iştirakçılarıdırlar.
Əgər həqiqətən onlar işlərini bacarmırlarsa biz balaca fidanlarımızı onlara niyə etibar etməliyik? Bu gün ayaqqabısı oğurlanan uşağın sabah özünün oğurlanmayacağına kim zəmanət verə bilər ki?”

Məsələ ilə ilə bağlı “Olimpik Star”la əlaqə saxladıq.

Mərkəzin Rüstəm adlı əməkdaşı Bakupost.az –a hadisənin baş verdiyini təsdiqlədi:

“İtən əşyalara görə rəhbərlik məsuliyyət daşımır. Biz hər zaman buraya gələnlərin rahatlığını düşünmüşük. Mərkəzdə şkaflar var ki, gələnlər rahat şəkildə ayaqqabılarını, əşyalarını yerləşdirsinlər. Yəqin ki, başqa bir uşaq çaşıb həmin ayaqqabını geyinib gedib. Biz valideynə də dedik, biraz gözləyək bəlkə geri qayıdıb verərlər. Bir neçə gün gözləsək də, qaytaran olmadı. Görünür, burada valideyn prinsip aparır...”.