Mən Hüseynov Təbriz Ağahüseyn oğlu 2018-ci ilin avqust-sentyabr aylarında “Draft Construction” MMC-nin sahibi Axundov Eldəniz Ağaəli oğlu ilə tanış olmuşam. Onunla tanışlıqdan qısa vaxt sonra Eldəniz Axundov mənə ortaq tikinti biznesi ilə məşğul olmağı təklif edib. Bundan az sonra mənim təsisçisi olduğum “Kotanlı BTK” MMC şirkəti ilə “Draft Construction” MMC tərəfindən birgə Nəsimi tayonu ərazisində köhnə binaların söküntüsü və onun yerində 16 mərtəbəli yaşayış binasının torpaq qatının qazılması işlərini həyata keçirmişik. Bu işə görə “Draft Construction” MMC aramızda imzalanmış müqavilə əsasında mənə 100 min manata yaxın nağd vəsait ödəyib. Bununla da Axundov Eldəniz Ağaəli oğlu mənim inamımı qazanaraq, aramızda yaxşı yoldaşlıq münasibətləri yaranıb.

Tribunainfo.az-ın məlumatına görə, bu barədə “Kotanlı BTK” MMC-nin təsisçisi Hüseynov Təbriz Ağahüseyn oğlu Azərbaycan Prezidenti İlham Əliyevə ünvanladığı müraciətində yazıb. Sahibkar Təbriz Hüseynov müraciətində “Draft Construction” MMC-nin sahibi Axundov Eldəniz Ağaəli oğlundan şikayət edib.
O bildirib ki, 2020-ci ilin yay aylarında “Draft Construction” MMC ilə Quba Olimpiya Kompleksinin tikintisi və Bakı-Rusiya magistral avtomobil yolunun Siyəzən rayon ərazisindən keçən hissəsində 1 kilometrlik asfaltın alt qatının bərkidilməsi işlərini görüblər:
“Bu işlərə görə, yəni Quba Olimpiya Kompleksinin tikintisi üçün “Draft Construction” MMC-nin mənə 203 min manat, Siyəzən rayon ərazisindəki asfaltın alt qatının bərkidilməsi işləri üçün isə 250 min manat borcu yaranıb. Ümumilikdə, “Draft Construction” MMC-nin mənə olan 453 min manat borc vəsaiti 3 ilə yaxındır ki, hələ də ödənilməyib.
Məlumat üçün bildirim ki, əslən Naxçıvandan olan Axundov Eldəniz Ağaəli oğlu “Şərurlu İsfəndiyar” kimi tanınan iş adamı İsfəndiyar Axundovun qardaşı oğludur.

Axundov Eldəniz Ağaəli oğlu ondan borcumu tələb etdiyimə görə dəfələrlə mənə hədə-qorxu gələrək, məni ölümlə təhdid edib.

Bu ilin avqust ayında Axundov Eldəniz Ağaəli oğlu məni Heydər Əliyev prospektindəki “Günəş” şadlıq sarayını qarşısına çağıraraq, yanında özü ilə gətirdiyi 5 nəfər hüquq-mühafizə orqanları əməkdaşları ilə bərabər mənə qarşı zor tətbiq edib, ağır küçə söyüşləri ilə təhqir edilmişəm.

Hörmətli cənab Prezident, mən uzun illərdən bəri Yeni Azərbaycan Partiyasının üzvüyəm, daim sizin yürütdüyünüz uğurlu dövlət siyasətini dəstəkləmişəm, indi də bu əqidəyə sadiqəm. Hazırda 3 azyaşlı övladım var. Amma Axundov Eldəniz Ağaəli oğlu məni və ailəmi işgəncə, stres və qorxu altında yaşamağa məcbur edir.
Axundov Eldəniz Ağaəli oğlunun mənə qarşı hədə-qorxu əməlləri hələ də davam edir. Artıq bu adamın mənə qarşı olan hədə-qorxularından xilas olmaq üçün çıxışı yolunu Azərbaycan Respublikasının vətəndaşlığından imtina etməkdə görürəm”.

T.Hüseynov müraciətində prezidentdən xahiş edir ki, Axundov Eldəniz Ağaəli oğlunun ona qarşı törətdiyi cinayət əməlləri barədə ədalətli araşdırma aparılmasın və hüquqi qiymət verilməsinə tapşırıq verilsin.

Tribunainfo.az

Yanvarın 9-da ölkə başçısı, Milli Olimpiya Komitəsinin Prezidenti İlham Əliyev 2022-ci ilin idman yekunlarına həsr olunan mərasimdə iştirak edib. Dövlətimizin başçısı tədbirdə çıxış edib. Sonra Azərbaycanda idmanın inkişafında xidmətləri olan idmançılara və idman mütəxəssislərinə mükafatlar təqdim olunub.

Prezident tərəfindən mənzillə mükafatlandırılan idmançılardan biri də Naxçıvan boks məktəbinin yetirməsi Tayfur Əliyev olub.

Qeyd edək ki, Tayfur Əliyev 1 yanvar 1997-ci ildə Naxçıvan şəhərində anadan olub.

61 saylı Neftçala seçki dairəsinin sədri Zaur Kərimov haqda bu günlərdə məlumat dərc etmişdik. Dairə sədrinin oğlunun qalmaqalı yer alan həmin məlumatdan sonra redaksiyamıza Neftçala rayonunun bir qrup fermeri tərəfindən məktub daxil olub. Reportyor.info-ya müraciət edən fermerlər Z.Kərimovun dairə sədri olmasına baхmayaraq əsl torpaq bazarı açdığını bildirirlər. Müraciətdə bununla bağlı konkret faktlar yer alıb:”Həsənabad qəsəbə sakini İsayev Asif Əmiraslan oğlu ilə iş birliyinə girərək, rayonun müxtəlif ərazilərində ona torpaq sahələri verib gəlirin on faizinə şərik olub.
Ötən il Kürağzı dövlət fond torpağında, dənizin qorunma zolağında Ələkbərov Sərvər Sərdar oğluna hektarı 70 manatdan olmaqla 250 hektar torpaq satıb. Halbu ki, həmin ərazidə Zaur Kərimovla anlaşmadığı üçün İsbat Bayramov adlı fermer haqda inzibati tədbir görülmüşdü. Bu il isə, N saylı hərbi hissənin ərazisini şumlatıraraq əkin sahəsi kimi satmaq istəyir. Torpağın icarə müqaviləsi bitən fermerlərdən 1500 manat pul alaraq torpağın qanunsuz istifadəsinə şərait yaradır. Belə fermerlərdən biri rayonun Boyat kənd sakini Z. Kərimovla bu yaxınlarda eyni qiymətə anlaşıb. Lerik obasında Tofiq adlı şəxsin əli ilə fermerlərdən qanunsuz olaraq xərac yığır. Xol qəsəbəsində isə eyni işi Z. Kərimovun Vüsal adlı adamı görür. Birinci Mayak ərazisində Rəsul adlı şəxs Zaurla anlaşaraq 300 hektar ərazini əkir. Həmin ərazinin bələdiyyə sədri Nağıyev İmamnəzər Z. Kərimovun maxinasiya ortağıdır”.
Rayon fermerlərinin sözlərinə görə Zaur Kərimov torpaq bazarlıqlarını açıq aşkar DSK binasında aparır və bütün fəaliyyətini icra başçısı ilə razılaşdırdığını bildirir. Onu məntəqələr formalaşarkən topladığı pullar və DSK üçün büdcədən ayrılan vəsaitlərlə bağlı əməliyyatlarını növbəti yazımızda dərc edəcəyik. //Reportyor.info//

“İşğaldan azad edilmiş ərazilərdə fəaliyyət göstərən sahibkarlıq subyektlərinə verilən kreditlərin dövlət zəmanəti ilə təmin edilməsi və kredit faizlərinin subsidiyalaşdırılması Qaydası” təsdiq edilib.

Bununla bağlı Prezident İlham Əliyev müvafiq fərmanı imzalayıb.

Fərmana əsasən, Qaydaya uyğun olaraq sahibkarlıq subyektlərinə verilən 500 milyon manat kredit portfeli 450 milyon manat məbləğinədək dövlət zəmanəti ilə təmin edilir.

Sənədlə nəzərdə tutulan dövlət zəmanəti Azərbaycan Respublikasının Maliyyə Nazirliyi ilə Azərbaycan Respublikası İqtisadiyyat Nazirliyinin tabeliyində Azərbaycan Biznesinin İnkişafı Fondu arasında bağlanılan, bu Fərmanın 1-ci hissəsi ilə təsdiq edilən Qaydaya Əlavə – “İşğaldan azad edilmiş ərazilərdə fəaliyyət göstərən sahibkarlıq subyektlərinə verilən kreditlərin dövlət zəmanəti ilə təmin edilməsi barədə Çərçivə Zəmanət Sazişi” əsasında verilir.

Məşhur "Bəxtiyar" filmindəki populyar səhnələrdən biri Bakıda yaşanılıb desək, yanılmarıq. DİA.AZ bildirir ki, bu barədə Cavid Gözəlov adlı musiqiçi "Mənim Şikayətim Var" sosial qrupundakı paylaşımında giley edib.

Narazı vətəndaş yazır: " Mən gitara və vokal ifaçısıyam. 31 dekabr 2022-ci ildə Zabitlər parkında yerləşən Xarı-bülbül adlı restoranda bir neçə saat çıxış etdim və mənə haqqım ödənilmədi. Ödənişi kart vasitəsilə 1-2 saat sonra edəcəklərini bildirdilər. Yol pulum belə yoxdur desəm də, mənə heç bir ödəniş olunmadı. Bayram günü gecə saat 4-ə kimi evə gedib çıxa bilmədim. 3-4 gün ard-arda zəng etsəm də, “göndərəcəyik” deyib dəstəyi asdılar. Polis qohumuma müraciət etdim, həll edəcəm desə də, heç nə etmədi. Kimə, hara müraciət edim, bilmirəm. Dəstəyinizə ehtiyacım var".

Məsələ ilə bağlı dia.az olaraq bütün maraqlı tərəfləri dinləməyə hazırıq...

Azərbaycan hüquq-mühafizə orqanları durmadan, gecə-gündüz narkomaniyaya qarşı mübarizə apardıqları, Azərbaycan gəncliyini pis vərdişlərdən uzaq tutmağa çalışdıqları bir dönəmdə, təəssüflər olsun ki, əsasən gənc nəsilin yaşam tərzin pozan oyunların şahidi oluruq, söhbət "Mostbet” və "1xbet" kimi tanınan, gənc və digər yaş kategoriya insanlarını öz əsarətində saxlayan online qumar oyunundan gedir. sözü gedən adlı şirkətlərin fəaliyyəti ilk baxışdan sadə görünsədə, ancaq çox incəliklə işləyən qumar şirkəti, fırıldaq mexanizmi üzərində qurulub.

Azərbaycan ərazisində rəsmi qediyyatı olmadan fəaliyyət göstərirlər, vergi ödəməmək üçün Cəbəllütariq, Cənubi Kipr, Kuraçao kimi ölkələrdə, ofşor zonalarda saxta, yəni əslində ofisi, işçisi, avadanlığı olmayan, amma kağız üzərində mövcud olan qumar şirkəti kimi tanınan bu mərc oyunları ölkəmizdə insanlara xeyirdən başqa, istənilən zərəri vurmaqla fəaliyyətini durmadan davam edir.

Beləliklə, lisenziyasız və vergi ödəmədən çalışan “Mostbet” və "1xbet bukmeker kontorları qeyri-leqal, qanunsuz mərc oyunları təşkil etməklə, külli miqdarda ölkəmizdə pullar qazanır. şirkətin yaradıcıları Rusiya vətəndaşlığı ilə yanaşı, Kipr vətəndaşlığına da malikdirlər və hazırda beynəlxalq axtarışdadırlar.

Azərbaycanın dövlət büdcəsinə qara qəpik də xeyir verməyən bu kimi online qumar şirkətləri, konkret oyunlar üçün əmsalları ölkəmizdəki qanuni mərc operatorları ilə müqayisədə bir qədər yüksəltdir. Maraqlıdır görəsən beynəlxalq axtarışda olan, bu dırnağ arası şirkətlərin Azərbaycanda belə rahat şekildə fəaliyyət göstərib, Azərbaycan gəncliyinin zəhərləməsinə və insanların evini, malını-mülkünü satıb bu qumar oyunlara qoymaqda, səbəbkarlar hansı qüvvələrdir.

Azərbaycanda çox izləyicisi olan hansı xəbər saytını açsan, bu qumarbazların reklamına rast gəlmək olar! Düzdür, bunun da arxasında hansısa iş baz, fırıldaq dayanır. Konkret nümunə əsasında göstərək. Məsələn, istifadəçiyə 100 manat “xoş gəldin” bonusu verirlər. Amma o bonusun 10 qat artığını almadan vermirlər. Yəni, 100 manat bonus almaq istəyən adam, 1000 manat yatırmalıdı.

Ulu öndər Heydər Əliyevin ölkə başçısı olduğu dönəmdən Azərbaycanda faliyyət göstərən qumarxanalara, kazinolara qarşı çox ciddi ölçü götürülüb və onların fəaliyyətinə sərt şekildə qadağa qoyulub. Ölkədə qara pullar üzərindən fəaliyyət göstərən Mosbet, 1xbet və digərləri Azərbaycandan idarə olunan, müxtəlif cür oyunlar təşkil edərək onlayın şekildə çox rahat faliyyət göstərən bu şirkətlər dözülməz səviyyədə fəaliyyətlərini davam etdirirlər.

Bir məqamıda araşdırıb üzə çıxardıq ki, bu cür oyunları sərbəst şekildə reklam edən xəbər saytları, barəsində niyə elektron təhlükəsizlik nazirliyi ciddi ölçü götürüb və həmin xəbər portallarını bloklamır? Bu saytları rahat şekildə bloklamaq onların səlahiyyətindədir, ölkənin aparıcı saytları bu cür qanunsuz qumar oyunlarını reklam etməklə cinayətə şərik olurlar.

Bu ölkədə böyük həcmdə baş verən dələduzluqdur, ölkənin pulları bu qumar oyunları vasitəsiylə hara getdiyidə məlum deyil. Çox təəssüflər olsun ki, əlaqədar dövlət qurumlarıda buna göz yumur, amma inanırıq ki, hüquq-mühafizə orqanları araşdırma aparıb, məsələ haqqında ciddi ölçü götürəcək.

"Azərbaycan Reallığı" sözügedən məsələ ilə bağlı bir neçə hüquq-mühafizə orqanlarına sorğu göndərdi və sorğumuza dərhal cavab olaraq bildirildi ki, yaxın zamanlar məsələ araşdırılaraq aidiyyatı üzrə sizə cavab veriləcək. Bu işlə məşgul olan aidiyyatı şəxslər və şirkətin fəaliyyətinin reklam olunmasında köməklik göstərək şəxslər də məsuliyyətə cəlb olunacaqları bildirildi.

Biz Azərbaycan dövlətinin keşiyində dayanan, xalqına daim təmənnasız xidmət göstərən Daxili İşlər Nazirliyinə, Dövlət Təhlükəsizlik Xidmətinə, Baş Prokurorluğa və digər dövlət qurumlarına böyük rəgbət bəsləyirik, inanırıq ki, qısa zaman, narkomaniyaya qarşı necə mübarizə aparırlarsa, əsasəndə gənc nəsili məhv edən "Mosbet" və "1xbet" kimi qanunsuz mərc oyunlarını təşkil edənlərə qarşıda mübarizə apararaq, bu və bu kimi zərərli vərdişləri təbliğ edənləri tapıb, tez bir zamanda məsuliyyətə cəlb edəcəklər."Azərbaycan Reallığı"

Prezident İlham Əliyev Azərbaycan yığmasının sabiq voleybolçusu, hazırda Voleybol Federasiyasının mətbuat xidmətinin rəhbəri Şəfəq Kərimovaya ev verib.

Bu barədə federasiya rəsmisi öz feysbuk hesabında paylaşım edib.

Ş.Kərimova ölkə başçısına təşəkkür edib: “Bu gün mən həyatımda ən gözəl günlərimdən birini yaşadım. Artıq 10 ildir ki, AVF-nin mətbuat xidmətimdə çalışıram. Bu gün Prezidentimiz tərəfindən mənə və ailəmə verilən evin sevincini və ən əsas nə qədər qürur verdiyini sözlə ifadə edə bilmirəm. Əməyi keçən hər kəsə minnətdaram”.

Qeyd edək ki, Prezident İlham Əliyev 2022-ci ilin idman yekunlarına həsr olunan mərasimdə bir qrup idmançıya ev hədiyyə edib.

Etibarlı mənbədən redaksiyamıza daxil olmuş məlumata görə, 2023-ci il Beyləqan Rayon İcra Hakimiyyətinin başçısı Asif Ağayevin karyerasının sonunu gətirəcək. Çünki arxada qalan 2022-ci ildə o, həmişəki korruptiv əməllərindən başqa, həm də çox ciddi səhvə yol verib.

Mənbənin verdiyi informasiyaya görə, keçən il Prezident İlham Əliyev Qarabağa səfərlərindən birində kortej keçdiyi Hacıqabul-Bəhrəmtəpə-Mincivan yolunun Beyləqan – Ağcabədi nahiyəsində “Azərbaycan Əsgəri” abidəsini ötəndən sonra yerli sahibkara məxsus yolüstü restoranda qısamüddətli dayanmalı imiş. Qabaqcadan müəyyən olunmuş reqlamentə görə, yol hərəkətinin tənzimlənməsi işləri görülür. Lakin bir neçə saat öncə məlum olur ki, seçilən iaşə obyektinin yol ilə arasında qalan torpaq sahəsi asfaltlanmaya ehtiyaclıdır. Bu işin yerinə yetirilməsi qalan vaxt ərzində mümkün olduğu üçün Prezident Administrasiyasından göstəriş alan vəzifəli şəxslərdən biri RİH başçısı Asif Ağayevə zəng vurur. Amma dəfələrlə zəng vurulmasına baxmayaraq, aşağıdan yuxarı bütün müraciətlərə laqeyd yanaşmağı vərdiş eləmiş Asif Ağayev telefonu açmır ki açmır. Başçının hərəkətsizliyi barədə Administrasiyaya məlumat gedəndən sonra rayon rəhbərinin əvəzində bu məsul işi öz üzərinə Beyləqanda nüfuzu olan başqa bir vəzifəli şəxs götürür, yerli asfalt zavod müdirlərinə, yol inşaatı funksionerlərinə xahiş edir, vədə tamam olana kimi məsələni yoluna qoyur. Kortej həmin məkana çatana yaxın Asif Ağayev də gəlib hər şeyin qaydasında olduğunu görür.

Qeyd olunur ki, həmin hadisədən sonra Asif Ağayevin vəzifədən getməsi netləşib. Amma itirəcəyinin təkcə vəzifə kreslosundan ibarət olmayacağını başa düşən başçı xahiş-minnətlə möhlət götürüb və işdən kənarlaşana kimi bir çox kəm-kəsirini ödəyəcəyini vəd edib.

Mövzuya qayıdacağıq.

RealMedia.az

Fövqəladə Hallar naziri Kəmaləddin Heydərovun personası ətrafında bir müddət əvvəl başlayan müzakirələr yenidən qızışıb.

FHN-dəki intim videoların və şəhid qızının nazirlikdə baş tutan xınayaxdı mərasiminin ardınca ictimai fəal Bəxtiyar Hacıyevlə bağlı qalmaqalın ortaya çıxması müzakirələrə yeni rəng qatıb.

Nazirin kariyerasının ciddi təhlükə ilə üzləşdiyi indi heç kimdə şübhə doğurmur.

Paytaxt.org Heydərovla bağlı maraqlı məlumatlar əldə edib.

Beləki, FHN-dəki mənbənin saytımıza bildirdiyinə görə, Kəmaləddin Heydərov özü də nazir postu ilə vidalaşmalı olduğunun fərqindədir. Mənbə deyib ki, FHN başçısı hələ B.Hacıyev qalmaqalından əvvəl könüllü şəkildə vəzifədən getməklə bağlı qərar qəbul edib.

FHN-də məsul vəzifə tutan həmin şəxsin dediyinə görə, Kəmaləddin Heydərov bir müddət əvvəl Hesablama Palatasına müraciət edərək, nazirliyin fəaliyyətinin hərtərəfli yoxlanmasını xahiş edib. Onun sözlərinə görə, Hesablama Palatasının peşəkar əməkdaşlarından formalaşan komissiya artıq bir neçə həftədir ki, FHN-nin fəaliyyətini təftiş edir.

Mənbə K.Heydərovun bu addımını belə izah edib:

“Kəmaləddin müəllim vəzifədən gedərkən dövlətə borclu qalmaq istəmir. O istəmir ki, yeni nazir onun fəaliyyətini yoxlatdırıb hansısa nöqsanı üzə çıxarsın. Yol verilmiş nöqsanları hələ vəzifədəyikən düzəltmək istəyir ki, işdən çıxandan sonra heç kim arxasınca danışmasın”.

FHN əməkdaşı iddia edib ki, Heydərov yaxın günlərdə istefa ərizəsini dövlət başçısına təqdim edəcək. Mənbə iddia edib ki, Talıbovdan sonra bank hesablarına və əmlakına əl qoyulması yeni hədəf olaraq Kamaləddin Heydərovun rəhbəri olduğu nazirlikdə aramsız təftişləraparılır. //Paytaxt.org//

Yanvarın 7-də Masallı rayon Polis Şöbəsinin əməkdaşları 20 kub metr işlik agac materialı yüklənmiş yük avtomobilini saxlayıb. AzToday.az xəbər verir ki, cənub rayonlarının meşələrinin amansız şəkildə məhv edilməsinin bariz sübutu olan bu faktı ört-basdır etmək üçün yerli ekologiya qurumları müxtəlif bəhanələr fikirləşib. Amma saxlanılan işlik materialın cənub meşələrindəki kütləvi qırıntılar hesabına olduğuna şübhə yoxdur.

Məlumata görə, işlik materialla yanaşı 280 kisə kömur də tutulub.

Masallı Regional Meşə Təsərrüfatı Mərkəzinin xidməti ərazilərində meşələrin kütləvi şəkildə məhv edilməsi ilə bağlı redaksiyamıza həyəcanlı məlumatlar daxil olub. Yardımlı, Masallı və Cəlilabad meşələrində kütləvi qırıntıların olduğu bildirilir. Yerli sakinlərin sözlərinə görə, heç vaxt bu şəkildə vəhşicəsinə meşələrin məhv edilməsinin şahidi olmayıblar.

Məlumatlarda bildirilir ki, Qəriblər meşəbəyliyinin 8 saylı meşə dolayında “Qırmızı kitab”a düşmüş agcaqayın, qizilagac və sair, agaclar qırılaraq işlik material kimi Xocavardakı sexlərə satılır. Başqa bir məlumatda iddia olunur ki, Qəriblər meşəbəyliyindən hər gün iki yük maşını işlik material satılır.

Cənub meşələrindəki kütləvi qırıntılarla bağlı redaksiyamıza daxil olan məlumatları dəqiqləşdirməkdəyik. Ekologiya və Təbii Sərvətlər Nazirliyindən də kütləvi qırıntılara müdaxilə etməyi xahiş edirik… //AzToday.az//